အ့ယၣ်၀တံၣ် ကညီမၤထူရၤမုၢ်နံၤ တၢ်ကမၤ၀ဲဒၣ်မူးတၢ်ရဲၣ်တၢ်ကျဲၤ တကဲထီၣ်လၢၤဘၣ်
လါအီကူး ၆ သီႇ၂၀၂၀ နံၣ်ႇ ခ့ၣ်အဲးစံၣ် ကီၢ်ခိၣ်စီၤဘးအူကၠံအိၣ်ဖျဲၣ်ထီၣ်အလီၢ်လၢအမ့ၢ် အ့ၣ်ယၣ်၀တံၣ်ကီၢ်ခီဒိၣ် ကၤကၠံထီၣ်ကီၢ်ဆၣ် ဘဲကယဲးသ၀ီအပူၤ တၢ်ရဲၣ်ကျဲၤပာ်၀ဲလၢ ဖဲတနံၣ်အံၤ လါအီကူး ၁၂ သီအနံၤ လၢအလီၤဘၣ်၀ဲ နံၣ် ၇၀ ၦဲၤ ကညီဒီကလုာ်မၤထူရၤမုၢ်နံၤအံၤ ဒ်ညီနုၢ်တၢ်မၤလၤကပီၤ၀ဲလၢအပူၤကွံာ်အသိး တၢ်မၤ၀ဲဒၣ်မူးတၢ်ရဲၣ်တၢ်ကျဲၤ တကဲထီၣ်လၢၤဘၣ်အဂ့ၢ်န့ၣ် သ့ၣ်ညါဘၣ်လၢၦၤရဲၣ်ကျဲၤတၢ်ဖိတဖၣ်အအိၣ်န့ၣ်လီၤႉ ကညီဒီကလုာ်မၤထူရၤမုၢ်နံၤ တၢ်ရဲၣ်တၢ်ကျဲၤအံၤန့ၣ် တကီၢ်ခါကီၢ်ပယီၤဃုာ်ဒီးဟီၣ်ခိၣ်ဒီဘ့ၣ် ခီဖျိလၢ Covid-19 တၢ်ဆါသံသတြိာ်ကဲထီၣ်သးအဃိ တၢ်မၤ၀ဲဒၣ်တၢ်ရဲၣ်တၢ်ကျဲၤတန့ၢ်လၢၤဘၣ်န့ၣ်လီၤႉ “တနံၣ်အံၤ ခီဖျိလၢတၢ်ပာ်ဖှိၣ်ထီၣ်သးအါအါဂီၢ်ဂီၢ်တန့ၢ်အဃိ ကလဲၤဒ်တၢ်ရဲၣ်တၢ်ကျဲၤအသိးန့ၣ် တအိၣ်လၢၤဘၣ်ႉ ဘၣ်ဆၣ် ဖဲတၢ်တနံၤန့ၣ် ၦၤတဂၤလၢ်လၢ်လၢအဲၣ်ဒိးဟဲဟ့ၣ်ထီၣ်တၢ်ယူာ်ယီၣ်ဆူခိၣ်နၢ်ဒိၣ်ထီတဖၣ်အအိၣ်ႇ ကညီကလုာ်တဒူၣ်ဂ့ၤတဒူၣ်ဂ့ၤ ဟဲန့ၢ်၀ဲလီၤႉ လၢပ၀ဲသ့ၣ်တပၤခီဒု ဒ်တၢ်အိၣ်ဆူၣ်အိၣ်ချ့တၢ်ပာ်ပနီၣ်အသိး ပကမၤပာ်၀ဲလီၤႉ အခဲအံၤန့ၣ် ဖဲပဟဲတုၤအကတီၢ်န့ၣ် မ့ၢ်ပတၢ်ဆၢကတီၢ်လီၤႉ တၢ်ပာ်ပနီၣ်ဃာ် တၢ်ဆၢကတီၢ်တအိၣ်ဘၣ်” အဂ့ၢ်န့ၣ် တၢ်ရဲၣ်တၢ်ကျဲၤအဂီၢ် ၦၤလၢအမၤစၢၤတၢ်တဂၤ စံး၀ဲန့ၣ်လီၤႉ တနံၣ်အံၤ အ့ၣ်ယၣ်၀တံၣ်ကီၢ်ခီဒိၣ် ကညီမၤထူရၤမုၢ်နံၤန့ၣ် ညီနုၢ်ဒ်တၢ်မၤ၀ဲမူးတၢ်ရဲၣ်တၢ်ကျဲၤတဖၣ်လၢအမ့ၢ် တၢ်စံၣ်တဲၤတဲလီၤတၢ်ရဲၣ်တၢ်ကျဲၤတဖၣ်ႇ တၢ်ဃ့ဘါထုကဖၣ် အတၢ်ရဲၣ်တၢ်ကျဲၤတဖၣ် တၢ်တမၤ၀ဲလၢၤဘၣ်ဒီး တၢ်ကမၤ၀ဲဒ်နီၢ်တဂၤအတၢ်ရဲၣ်တၢ်ကျဲၤလီၤဒီး ကဟဲဟ့ၣ်ထီၣ်တၢ်ယူးထီၣ်လၢအသဘျ့အဂီၢ်...
အိၣ်အီၣ်ပလီၢ်ဒီးကူၣ်သ့
အိၣ်အီၣ်ပလီၢ်ဒီးကူၣ်သ့ (၁) တဲဂ့ၤပၢၢ်ဆၢ အိၣ်အါဘျီ တဲဆါပၢၢ်ဆၢ ဟူးအါဘျီ လံၣ်လီအဲၣ်တီ အိၣ်တနီၤ ထံၣ်လိာ်က့ၤ ကမၣ်တနီၤ (၂) မၤတၢ်ပၢၢ်ဆၢ အိၣ်အီၣ်ကီ မၤအီၣ်ပၢၢ်ဆၢ အိၣ်ဘီၣ်ညီ မ့ၢ်ဖီၣ်စု ဟံးစ့အါဘျီ ပကညီကီၢ် န့ၢ်တညီ (၃) ဖံဖုတနီၤ သွံၣ်ဃါဃုာ် ဖိလံၤတနီၤ သွံၣ်ဃါဃုာ် သ့ၣ်ညါလၢ ပမ့ၢ်ကညီ ပတမ့ၢ် ၦၤအကညီ (၄) ဖူသူမဲာ် ဒ်သိးဆီဖါ ယိးက့ၤဘီ လၢအကဒါ ဖီၣ်လိာ်အစု ဒီးဒုၣ်ဒါ ဒီပုၢ်၀ဲၢ် ကဲထီၣ်ဒုၣ်ဒါ (၅) ကီၢ်ကိးဘ့ၣ် ထံၣ်ပကညီ ကညီကလုာ် အဲၣ်တၢ်တီ ဟီၣ်ခိၣ်ဒီဘ့ၣ် ပာ်ပနီၣ် ခံနွံယဲၢ်ခွံ နံၣ်ၦဲၤထီၣ် (၆) မံခ့လၢၤတဂ့ၤခဲအံၤ ဒုၣ်ဒါဟူးဂဲၤလံခဲအံၤ သးဆံးလီၢ်တအိၣ်ခဲအံၤ ပျၢ်လိာ်သးကမၣ်ခဲအံၤ (၇) ကလုာ်ဂၤစံးနၤလၢအဲၣ် တတုၤသိးပကလုာ်အဲၣ် ကလုာ်ဂၤစံးနၤသးဟ့ အိၣ်အီၣ်ပလီၢ်ဒီးကူၣ်သ့ ၦၤအဲၣ်စ့ ကညီဘၣ်ကီဘၣ်ခဲဒဲက၀ီၤႇ တၢ်လီၢ်သီ
မိၢ်ကလုၢ်ၦဲၤဒၢးၦဲၤဒၢးႇ တိၢ်မ့ၢ်န့ၢ်ကဲဘၣ်မိၢ်စၢၤ
မိၢ်ကလုၢ်ၦဲၤဒၢးၦဲၤဒၢးႇ တိၢ်မ့ၢ်န့ၢ်ကဲဘၣ်မိၢ်စၢၤ လၢပဝဲဒၣ်ပဟံၣ်ဃီ တနံၤအံၤမ့ၢ်နံၤလီၤဆီ မုၢ်နံၤလီၤဆီမ့ၢ်ဒ်အံၤ တနံၤအံၤမိၢ်အမုၢ်နံၤ ယသးဖိဟူးဝးဆှဲးဆှိး သူၣ်ခုသးခုယဲသမိး ဆၢကတိၤဒိၣ်မိၢ်တဖၣ် ဝံသးစူးဒီးဒိကနၣ် မိမိမ့ၢ်ၦၤလၢအဲၣ်ၦၤ အိၣ်ဖျဲၣ်ထီၣ်ဝဲနၤဒီးယၤ လၢဟံၣ်ဃီပူၤနီၢ်ပၤမုၣ် မိမိမ့ၢ်ဝဲဟံၣ်လၢၢ်ထူၣ် သ့ၣ်တထူၣ်လၢမိၢ်သူၣ်လီၤ မိၢ်တအဲၣ်အိၣ်သံဟးဂီၤ ဖိမုၣ်ဖိခွါမိၢ်အဲၣ်ဝဲ မိၢ်တဆၢဟးအိၣ်ဖိၣ်ဃဲ မိၢ်တၢ်အဲၣ်အကံၢ်အစီ ဆၢန့ၢ်ဒံးကနဲကွဲစီ မိၢ်တၢ်အဲၣ်ခုၣ်န့ၢ်ဒံးထံ ဒ်ထံမူကျိယွၤလီၤဆှံ လီၤလုၣ်ထံလၢမိၢ်ခီၣ်ဒ့ ပဒ့ၣ်မိၢ်ဟးဆှဲးတဂ့ၤ အီၣ်မိၢ်နုၢ်ထံကွၢ်မိၢ်မဲ၁် စူၢ်နဲန၁်နဲမိၢ်တၢ်တဲ မိၢ်ကလုၢ်မ့ၢ်တကနၣ် အခရဲပကခီၣ်ဘၣ် ရူၢ်သဲးဂ့ၤဒိသူၣ်ဒိသး မ့ၢ်ဖိလၢသူၣ်ဖးသးဆး မိၢ်ကလုၢ်ၦဲၤဒၢးၦဲၤဒၢး တိၢ်မ့ၢ်န့ၢ်ကဲဘၣ်မိၢ်စၢၤ မိၢ်မ့ၢ်သံဘျၣ်န့ၢ်မိၢ်နုၢ် ဒ်သိးတကဲထီၣ်ၦၤကုၢ် လၢတၢ်အဲၣ်ကကွဲၢ်ကဘီ စီၤကီၢ်ဖျါစ့ (တီနီၢ်ဖိ) ၂၈.၇.၂ဝ၂ဝ
ကညီမၤထူရၤသုးခိၣ်ကျၢၢ်မ့မီၣ် – General Min Maung (1916-1961)
ကညီမၤထူရၤသုးခိၣ်ကျၢၢ်မ့မီၣ် General Min Maung (1916-1961) တံနိ (သ၀ီတါ) လါအီကၢးစ်(၁၂)သီႇ ၂၀၂၀ နံၣ်အံၤႇ မ့ၢ်၀ဲ–“ကညီဒီကလုာ်ၦၤဒူၦၤဃိၤမၤထူရၤမုၢ်နံၤ”ဆၢက့ၤအလီၢ် ၦဲၤထီၣ်၀ဲအနံၣ်(၇၀)တီတီန့ၣ်လီၤႉ ကညီတၢ်ပၢၢ်ဆၢ(၇၁)နံၣ် ယံာ်ယံာ်ထၢထၢတၢ်လဲၤခီဖျိဆၢကတီၢ်အပူၤ ပၦၤကလုာ်ကညီသိၣ်ဒူခိၣ်နၢ်ၦၤဒူၦၤဃိၤလၢအဘၣ်လုၢ်ထီၣ်ကွံာ်အသးသမူလၢအထံကီၢ်တၢ်သဘျ့ဒီး အၦၤကလုာ်အဂီၢ်တဖၣ်အိၣ်၀ဲအါမးႇ ဒီးပတကြၢးသးပ့ၤနီၣ်ကွံာ်အ၀ဲသ့ၣ်တဖၣ်အတၢ်မၤဂ့ၤတဖၣ်န့ၣ်ဘၣ်ႉ ပမ့ၢ်တပာ်လုၢ်ပာ်ၦ့ၤဒီး ပမ့ၢ်သးပ့ၤနီၣ်ကွံာ်အတၢ်ဟ့ၣ်လီၤသးဒီးအတၢ်မၤဂ့ၤလၢပဂီၢ်တဖၣ်န့ၣ် ၦၤလၢအမၢးဒိၣ်န့ၢ်ၦၤလၢဟီၣ်ခိၣ်ချၢအံၤ တမ့ၢ်ကအိၣ်၀ဲလၢၤဘၣ်ႉ ပၦၤကလုာ်ၦၤဒူၦၤဃိၤလၢ အလုၢ်ထီၣ်ကွံာ်အသးသမူလၢပဂီၢ် အိၣ်၀ဲအါမးအကျါဖဲတၢ်မၤလၤကပီၤက့ၤ “ကညီဒီကလုာ်ၦၤဒူၦၤဃိၤမၤထူရၤမုၢ်နံၤ(၇၀)၀ီတ၀ီ”ဆၢကတီၢ်အံၤႇ ဒ်သိးဒီးကညီသးစၢ်စၢၤသွဲၣ်သီဖိတဖၣ် ကသ့ၣ်ညါဒီးပာ်လုၢ်ပာ်ၦ့ၤဘၣ်က့ၤအီၤကသ့အဂီၢ် သးအိၣ်ကွဲးပာ်ဖျါထီၣ်ဘၣ်သးန့ၢ်အ၀ဲသ့ၣ်လၢ ကညီတၢ်ပၢၢ်ဆၢၦၤဒူၦၤဃိၤမၤထူရၤသုးခိၣ်ကျၢၢ်မ့မီၣ်အဂ့ၢ် တတဲာ်တတီၤဒ်အဖီလာ်အသိးအံၤလီၤ– စီၤမ့မီၣ်အိၣ်ဖျဲၣ်ထီၣ်လၢကီၢ်သ့ဒၢသ၀ီ(ေရသိုးကြီး)တီအူကီၢ်ရ့ၣ်ႇ ဖဲ ၁၉၁၆ နံၣ် ဒီးဟဲဒိၣ်ထီၣ်ဘၣ်၀ဲလၢတီအူအံစတူးသ၀ီန့ၣ်လီၤႉ အပၢ်မ့ၢ်သရၣ်စီၤဖဲလဲၣ်အူ(ချံၣ်ဘိပၢ်အစုဒုၣ်စုတီၤတဂၤ)လီၤႉ နီၢ်ဆံးခါအ၀ဲအိၣ်ကၠိဖဲတီအူ (Seint Luke) တီၤထီကၠိဒီးမ့ၢ်ကၠိဖိတဂၤလၢအနၢ်လိၤႇ ဘၣ်တၢ်အဲၣ်အီၤလၢသရၣ်/သရၣ်မုၣ်တဖၣ်လီၤႉ အတၢ်သးစဲလီၤဆီတခီမ့ၢ်၀ဲတၢ်လိာ်ကွဲဖျၢၣ်ထူႇ ဖျၢၣ်ကွံာ်ဃၤ (Basket Ball)˜ ဟီၣ်ခံၣ်ႇ ဒီးတၢ်တမဲးစု (Boxing) န့ၣ်လီၤႉ ဒီတနံၣ်ကျၢၤတၢ်ပာ်ပနီၣ်န့ၢ်ကၠိဖိတဖၣ်လၢ(၁)တၢ်ကျဲးစၢး (၂)တၢ်သကဲာ်ပ၀း (၃)ဖျိးစိလၢတၢ်လိာ်ကွဲ–တၢ်ဂ့ၢ်သၢခါပာ်ဖှိၣ်အဖီခိၣ် အ၀ဲမၤန့ၢ်ဘၣ်တၢ်လၤကပီၤခိၣ်ဖးတၢကိးနံၣ်ဒဲးန့ၣ်လီၤႉ အ၀ဲဖျိထီၣ်အတီၤတဆံဖဲ ၁၉၃၄ နံၣ် ဒီးနုာ်လီၤဆူအဲကလံးသုးမုၢ်ပူၤလီၤႉ အမူဒါမ့ၢ်၀ဲသုးစရ့ႇ ဘၣ်ဖီၣ်သုး၀ဲၤဒၢးစရီပတီၢ်လီၤႉ မ့ၢ်လၢအတၢ်ဒိကနၣ်ဂ့ၤႇ အတၢ်ကျဲးစၢးအိၣ်ဖျါလၢသုးခိၣ်သုးနၢ်တဖၣ်အမဲာ်ညါအဃိ ဘၣ်တၢ်ပာ်ထီၣ်အလီၢ်အလၤဆူ Burma...
နီၢ်မုၣ်နီၤကဒိးန့ၢ်ဘၣ်တၢ်တီတၢ်တြၢ်အဂီၢ် ကၠီၣ်တဲၣ်ကညီကရူၢ် ဆှၢထီၣ်လံာ်ဆူအမဲရံၤကၤဒီး ကီၢ်ပယီၤမီၢ်သီရူ
လါယူၤလံ ၂၆ သီႇ ၂၀၂၀ နံၣ်ႇ ခ့ၣ်အဲးစံၣ် မုၢ်တြီၢ်(ဖၣ်ပူၣ်)လီၢ်က၀ီၤဖိ နီၢ်မုၣ်နီၤ ဘၣ်တၢ်ခးသံအီၤအံၤ ဒ်သိးကဒိးန့ၢ်ဘၣ်တၢ်တီတၢ်တြၢ်အဂီၢ် ဖဲလါယူၤလံ ၁၃ သီအနံၤ ကၠီၣ်တဲၣ်ကညီကရူၢ် (Karen Thai Group-KTG) လၢအအိၣ်ကီၢ်ကၠီၣ်တဲၣ်ပူၤအံၤန့ၣ် ဆှၢထီၣ်၀ဲလံာ်တၢ်ဃ့ထီၣ်အံၤဆူ အမဲရၤကၤမီၢ်သီရူဒီး ကီၢ်ပယီၤမီၢ်သီအရူလၢအအိၣ်ဆီလီၤအသး ဖဲကီၢ်ကၠီၣ်တဲၣ်ႇ ကံၢ်မဲ၀့ၢ် အဂ့ၢ်န့ၣ် KTG ကရူၢ် စံးဘၣ်ခ့ၣ်အဲးစံၣ်လီၤႉ နီၢ်မုုၣ််နီၤသံတၢ်ဂ့ၢ်အံၤ တၢ်မၤသံအီၤလၢအတၢ်ကမၣ်တအိၣ်နီတမံၤဘၣ်ဒီး လၢတၢ်န့ၣ်အဃိ ဒ်သိးကဒိးန့ၢ်ဘၣ်တၢ်တီတၢ်တြၢ်ဒီး ကမၤစၢၤဟံးထီၣ်ဖီၣ်ထီၣ်အီၤအဂီၢ် ဘၣ်တၢ်ဆှၢထီၣ်လံာ်ဆူအမဲရံၣ်ကၣ်ဃုာ်ဒီး ဟီၣ်ခိၣ်ဒီဘ့ၣ်ဒီး ကီၢ်ပယီၤပဒိၣ်တဖၣ်အအိၣ်အဂ့ၢ်န့ၣ် KTG ကရူၢ် ၦၤကတိၤတၢ်ပၢ စီၤလွဲဖီ စံး၀ဲန့ၣ်လီၤႉ အ၀ဲစံး၀ဲလၢ “နီၢ်မုၣ်နီၤသံတၢ်ဂ့ၢ်အံၤန့ၣ် ပတူၢ်လိာ်လ့ၤတက့ၤတသ့ဘၣ်ႇ အဃိန့ၣ် တၢ်လၢပဃ့ထီၣ်၀ဲအခိၣ်သ့ၣ်န့ၣ် လီၢ်က၀ီၤလၢပကညီဖိအိၣ်အပူၤတဖၣ်န့ၣ် ပယီၤသုးကလၢၤတဖၣ် ထုးကွံာ်အီၤႇ သုးကလၢၤတဖၣ်မ့ၢ်အိၣ်န့ၣ် တၢ်သဘံၣ်သဘုၣ်တဖၣ်ႇ တၢ်သံတၢ်လီၤမၢ်တဖၣ် ကအိၣ်၀ဲဒၣ်ထီဘိလီၤႉ အဃိန့ၣ် လၢပကညီဟီၣ်က၀ီၤအပူၤ သုးကလၢၤတဖၣ် ကဟးထီၣ်ကွံာ်၀ဲဒၣ်လၢအချ့န့ၣ်လိၣ်၀ဲလီၤ” အဂ့ၢ်န့ၣ် စံး၀ဲလီၤႉ လၢန့ၣ်အမဲာ်ညါ ကပျဲအိၣ်၀ဲလီၢ်က၀ီၤဖိတဖၣ် ဒ်ထံကီၢ်ဒီဘ့ၣ်တၢ်ပတုာ်တၢ်ခးလံာ်ဃံးဃာ်...
ကီၢ်ခီဒီးကီၢ်စဲၣ် ၆ ခါအပူၤ ဂ့ၢ်၀ီတၢ်လီၢ် ၅ ခါဒီးခၢၣ်စး ၇၀ ဘျဲၣ် KPP ကနုာ်လီၤတပြၢ
လါယူၤလံ ၂၇ သီႇ ၂၀၂၀ နံၣ်ႇ နါ၀့ၤဖၠိစၣ် ကညီကမျၢၢ်ပၣ်တံၣ် (KPP) အံၤ နံၣ်လၢကဟဲ ၂၀၂၀ တၢ်ဃုထၢဖးဒိၣ်ပူၤ ကညီကလုာ်လၢအအိၣ်ဆိးအါကတၢၢ်လၢအမ့ၢ် ကီၢ်ခီဒိၣ်ဒီးကီၢ်စဲၣ် ၆ ခါအပူၤႇ ကညီကလုာ်ဒူၣ်ဂ့ၢ်၀ီကိတိာ် တၢ်လီၢ် ၅ ခါ ဃုာ်ဒီး ခၢၣ်စး (၇၀)ဂၤဘျဲၣ် ကနုာ်လီၤဒိးတပြၢအသးလီၤအဂ့ၢ်န့ၣ် လီၢ်ခၢၣ်သးပၢဆှၢရဲၣ်ကျဲၤကရူၢ် စံး၀ဲန့ၣ်လီၤႉ KPP အံၤ ၀့ၢ်တကူၣ်ကီၢ်ခီဒိၣ် ကညီဂ့ၢ်၀ီခၢၣ်စးအဂီၢ် မါသါ၀့အူ ကနုာ်လီၤတပြၢ၀ဲဒီး မ့မ့ၢ်အ့ၣ်ယၣ်၀တံၣ်ကီၢ်ခီဒိၣ်ပူၤန့ၣ် နၣ်ခ့ၤအ့အူႇ မိၣ်ကီၢ်စဲၣ်ပူၤန့ၣ် နီၢ်ဆၣ်ထူဒီး တနီသရံၣ်ပူၤန့ၣ် စီၤဟၤဘံၤ ၦၤတဖၣ်အံၤကနုာ်လီၤတပြၢအသးန့ၣ်လီၤႉ အ့ၣ်ယၣ်၀တံၣ်ကီၢ်ခီဒိၣ်အပူၤ ၦၤလၢကနုာ်လီၤတပြၢလၢကညီဂ့ၢ်၀ီ ပၣ်တံၣ်နဲၣ်ရွဲၣ်–၁ နၣ်ခ့ၤအ့အူ စံး၀ဲ “ကညီကမျၢၢ်အံၤ အဲၣ်ဒိး၀ဲဒၣ်လၢယကနုာ်လီၤတပြၢ၀ဲဒၣ်လီၤႉ အ၀ဲသ့ၣ်အတၢ်အဲၣ်ဒိးန့ၣ် ဟ့ၣ်ဂံၢ်ဟ့ၣ်ဘါ၀ဲယၤလီၤႉ ပ၀ဲဒၣ်ဒု ပဂံၢ်ပဘါတအိၣ်၀ဲဒ်သိးဒီးပၣ်တံၣ်ဖးဒိၣ်အသိးဘၣ်မီၤႉ ဘၣ်ဆၣ် ပကဘၣ်ဟံးန့ၢ်၀ဲ ကညီကမျၢၢ်ကလုာ်အတၢ်ဂံၢ်တၢ်ဘါဒီး ကဘၣ်လဲၤ၀ဲလီၤမီၤ” အဂ့ၢ်န့ၣ် စံးဘၣ်ခ့ၣ်အဲးစံၣ် ဖဲလါယူၤလံ ၂၄ သီအနံၤန့ၣ်လီၤႉ ဒ်န့ၣ်အသိး KPP...
KNU လီၢ်ခၢၣ်သးကမံးတံာ်လီၢ်လံၤ ပဒိၣ်မါည့မီၣ် ကနုာ်လီၤတၢ်ဃုထၢဒ် KPP ပၣ်တံၣ်ခၢၣ်စးအသိး
လါယူၤလံ ၂၉ သီႇ ၂၀၂၀ နံၣ်ႇ စးဖါရှီ ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ လီၢ်ခၢၣ်သးကမံးတံာ်လီၢ်လံၤ ပဒိၣ်မါည့မီၣ်အံၤ နံၣ်လၢကဟဲ ၂၀၂၀ တၢ်ဃုထၢဖးဒိၣ်အပူၤ ကနုာ်လီၤဃုထၢတပြၢအသးဒ် ကညီပၣ်တံၣ်တခါလၢအမ့ၢ် ကညီကမျၢၢ်ပၣ်တံၣ် -KPP ခၢၣ်စးတဂၤအသိးန့ၣ်လီၤႉ တၢ်ကစီၣ်ဟူထီၣ်သါလီၤ၀ဲဒၣ်လၢ ကနုာ်လီၤဒိးဃုထၢအသးလၢနီၢ်တဂၤခၢၣ်စး မ့တမ့ၢ် ကညီပၣ်တံၣ်တခါခါအခၢၣ်စး၀ံၤအလီၢ်ခံႇ ဖဲလါယူၤလံ ၂၇ သီအနံၤန့ၣ် လၢအ၀ဲဒၣ်တကပၤ ကနုာ်လီၤတပြၢအသးဒ် ကညီကမျၢၢ်ပၣ်တံၣ် -KPP ခၢၣ်စးအသိးအဂ့ၢ်န့ၣ် ပာ်ဂၢၢ်ပာ်ကျၢၤစံးဘၣ်ခ့ၣ်အဲးစံၣ်လီၤႉ ပဒိၣ်မါည့မီၣ် စံး၀ဲ“ကနုာ်လီၤတပြၢလၢ KPP န့ၣ် မ့ၢ်၀ဲလီၤႉ ဘၣ်မနုာ်အဃိလၢယဘၣ်နုာ်လီၤလၢ KPP အပူၤလဲၣ်န့ၣ် အပူၤကွံာ် ၂၀၁၅ နံၣ်လံၤလံၤန့ၣ် KPP အံၤ ဟဲဃ့ကညးၦၤလီၤႉ လီၤဆီဒၣ်တၢ် ဖါတံၢ်ရှွ့ၣ်မီ(ဒူပျာ်ယာ် ကီၢ်ရ့ၣ်ခိၣ်)ဒီး ယၤလီၤမီၣ်ႉ ဖဲန့ၣ်ဆၢကတီၢ်ခါန့ၣ် ဟဲပာ်ဖှိၣ်မၤသကိးတၢ်ဒီးၦၤအဂီၢ် ပၣ်တံၣ်ၦၤပၢၤလီၢ်ဆ့ၣ်နီၤနီၢ်ကစၢ်ဒၣ်၀ဲစ့ၢ်ကီး တဲ၀ဲထီဘိလီၤႉ ခဲအံၤယဟးထီၣ်လၢၦၢ်ပူၤတဘျီဃီ ဆဲးယၤလီတဲစိလီၤႉ ခိးသဂၢၢ်၀ဲယၤလီၤႉ ဘၣ်ထွဲဒီးပၣ်တံၣ်န့ၣ် တၢၣ်ပီၣ်တဲသကိး၀ဲလီၤႉ ခီဖျိလၢဟဲဃ့ထီၣ်လၢကဟဲပာ်ဖှိၣ်ထီၣ်သးဒီးအ၀ဲသ့ၣ်ပၣ်တံၣ်အဃိ လီၢ်ခံကတၢၢ်န့ၣ် ယဃုထၢလၢပၣ်တံၣ်န့ၣ်လီၤႉ အိၣ်ကတီၤထီၣ်သးဘူးထီၣ်လၢ၀ံၤ၀ဲလံလီၤႉ...
တၢ်က့ၤပဲာ်ထံနီၤဖး၀ဲတၢ်မုာ်တၢ်ခုၣ်တၢ်လဲၤကျဲၤ၀ံၤအလီၢ်ခံ တၢ်ကဆဲးလဲၤ၀ဲအဂီၢ် တၢ်ဆၢတဲာ်လီၤ၀ဲဖဲ KNU ဂ့ၢ်ဂီၢ်အူတၢ်အိၣ်ဖှိၣ်
လါယူၤလံ ၂၈ သီႇ ၂၀၂၀ နံၣ်ႇ စးအဲၣ်ဆူ တၢ်မုာ်တၢ်ခုၣ်အတၢ်လဲၤကျဲအံၤ တၢ်တၢၣ်ပီၣ်တဲသကိးပဲာ်ထံနီၤဖး၀ံၤအလီၢ်ခံ တၢ်ကဆဲးလဲၤ၀ဲအဂီၢ် ဖဲလါယူၤလံ ၂၁ သီ တုၤလၢ ၂၃ သီအနံၤ တၢ်မၤ၀ဲ ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ၁၆ ၀ီတ၀ီ ခီကရဲးတၢ်အိၣ်ဖှိၣ်၀ံၤ ၇ ဘျီတဘျီ ဂ့ၢ်ဂီၢ်အူတၢ်အိၣ်ဖှိၣ်ပူၤ ဆၢတဲာ်လီၤ၀ဲဒၣ်လီၤအဂ့ၢ်န့ၣ် ၦၤပၢၤလီၢ်ဆ့ၣ်နီၤ=၂ ပဒိၣ်ကွဲၤထူ၀့ စံးဘၣ်ခ့ၣ်အဲးစံၣ်လီၤႉ လၢဂ့ၢ်ဂီၢ်အူတၢ်အိၣ်ဖှိၣ်ဘျီ၀ဲအံၤအပူၤ လီၢ်ခၢၣ်သးထီဘိကမံးတံာ်ဖိ ၃၉ ဂၤ ဒီး ၦၤလၢတၢ်ကွဲမုာ်အီၤလီၤဆီ ၇ ဂၤ ဟဲထီၣ်၀ဲဒၣ်န့ၣ်လီၤႉ တၢ်အိၣ်ဖှိၣ်ပူၤန့ၣ် တၢ်တၢၣ်ပီၣ်တဲသကိး၀ဲ တကီၢ်ခါလၢတၢ်ကမၤလိၣ််ထီၣ်ဖးထီၣ် တၢ်မုာ်တၢ်ခုၣ်တၢ်မၤအကျိၤအကျဲဒီး ကီၢ်စၢဖှိၣ်တၢ်မုာ်တၢ်ခုၣ် ခီကရဲးတၢ်အိၣ်ဖှိၣ်ဖးဒိၣ်အဂီၢ် တၢ်တၢၣ်ပီၣ်ဟံးထီၣ်ဖီၣ်ထီၣ်အီၤတဖၣ်န့ၣ် တၢ်ဟဲက့ၤတီၣ်ဖျါထီၣ်ကဒါအဖီခိၣ် တၢၣ်ပီၣ်ပဲာ်ထံနီၤဖးသကိး၀ံၤအလီၢ်ခံ တၢ်ကဆဲးလဲၤ၀ဲအဂီၢ် တၢ်ပာ်ဂၢၢ်ပာ်ကျၢၤဆၢတဲာ်လီၤ၀ဲဒၣ်န့ၣ်လီၤႉ “တကီၢ်ခါ တၢ်သူၣ်ထီၣ်တၢ်မုာ်တၢ်ခုၣ်အလီၢ်န့ၣ် ထံရူၢ်ကီၢ်သဲးတၢ်အိၣ်သးသဂၢၢ်ဘၣ်တၢ်ကီတၢ်ခဲတဖၣ်အံၤ တၢ်သ့ၣ်တဖၣ်အံၤ တီၣ်ဖျါထီၣ်၀ဲလီၤႉ တၢ်သ့ၣ်တဖၣ်အံၤပဲာ်ထံနီၤဖးဒီး (နဃ)အံၤ ဆၢတဲာ်လီၤ၀ဲဒၣ်ဒီး ဖဲန့ၣ်လီၢ်ခၢၣ်သးကမံးတံာ်အံၤ သံဒိးသံကွၢ်၀ဲ၀ံၤ ပပာ်ဂၢၢ်ပာ်ကျၢၤ၀ဲဒၣ်လီၤ” အဂ့ၢ်န့ၣ် ခ့ၣ်အဲၣ်ယူၣ်–ၦၤပၢၤလီၢ်ဆ့ၣ်နီၤ(၂)ပဒိၣ်ကွဲၤထူ၀့...
မုၢ်တြီၢ်ကမျၢၢ် ၄ႇ၀၀၀ ဘျဲၣ် လဲၤပာ်ဖျါထီၣ်တၢ်ဘၣ်သးလၢပယီၤသုးကလၢၤမဲာ်ညါ
လါယူၤလံ ၂၈သီႇ ၂၀၂၀နံၣ်ႇခ့ၣ်အဲးစံၣ် ဖဲတနံၤအံၤ လါယူၤလံ ၂၈ သီႇ ဂီၤခီ ၇ နၣ်ရံၣ် တုၤလၢဟါခီ ၂ နၣ်ရံၣ် အဆၢကတီၢ်န့ၣ် ကညီကီၢ်စဲၣ်ႇ ဖၣ်ပူၣ် (မုၢ်တြီၢ်)ကီၢ်ရ့ၣ်ႇ ဒွဲၣ်လိဒီးဘုသိၣ်ကီၢ်ဆၣ်အပူၤ လီၢ်က၀ီၤကမျၢၢ်ဒူဖိသ၀ီဖိ ၄ႇ၀၀၀ ဘျဲၣ် လဲၤပာ်ဖျါထီၣ်အသးလၢတၢ်လီၢ်ခံတီၤ ဖဲကတၢၢ်တံးဒီးကူဆံးပယီၤသုးကလၢၤမဲာ်ညါအဂ့ၢ်န့ၣ် သ့ၣ်ညါဘၣ်လီၤႉ တၢ်ပာ်ဖျါထီၣ်တၢ်ဘၣ်သးလၢဘျီ၀ဲအံၤန့ၣ် ဒွဲၣ်လိကီၢ်ဆၣ် ကရူၢ်လၢအမ့ၢ် မာ်ထီႇ ထံသဘျုၣ်ထၣ်ႇ လ့ဖိထၣ်ႇ ကတၢၢ်တံးဒီး မ့မ့ၢ်ဘုသိၣ်ကီၢ်ဆၣ် ဟီၣ်က၀ီၤပူၤန့ၣ် မဲၤကျိႇ မဲၤညူးႇ မဲၤခူၣ်ႇ မဲၤမှဲႇ ဒ့၀ါဒီးကၠိပါတဖၣ် ကမျၢၢ်ဒူဖိသ၀ီဖိပာ်ဖှိၣ်ခဲလၢာ် ၄ႇ၆၅၀ ဂၤ လဲၤပာ်ဖျါထီၣ်၀ဲတၢ်ဘၣ်သးလၢ ပယီၤသုးကလၢၤအမဲာ်ညါန့ၣ်လီၤႉ ဒ်သိးပယီၤသုးကလၢၤလၢအအိၣ်ဖဲဟီၣ်က၀ီၤပူၤတဖၣ် ကထုးကွံာ်သးအဂီၢ် လီၢ်က၀ီၤသ၀ီဖိတဖၣ် ပာ်ဖျါထီၣ်၀ဲ တၢ်ဂ့ၢ်(၈)ထံၣ်ဒ်အမ့ၢ် ပယီၤသုးခးသံ၀ၣ်သိခိၣ်သ၀ီဖိတၢ်ဂ့ၢ်ႇ ခးသံ၀ဲသ့ၣ်ၦၢ်ၦၤမၤတၢ််ဖိတၢ်ဂ့ၢ်ႇ ခးလီၤကျိဖးဒိၣ်လၢ သ၀ီပူၤဒီးကမျၢၢ်ဘၣ်သုးလီၢ်သုးကျဲတၢ်ဂ့ၢ်ႇ ခးသံ၀ဲကူဆံးသ၀ီဖိတၢ်ဂ့ၢ်ႇ ခးသံ၀ၣ်သိထၣ်သ၀ီဖိတၢ်ဂ့ၢ်ႇ ဒီး နီၢ်မုၣ်နီၤသံတၢ်ဂ့ၢ်ႇ ပယီၤသုးဟံတၢ်ဘံၣ်တၢ်ဘၢဒီးလဲၤတလၢက့ၤတလၢတၢ်လီၢ်အဃိ...
သုးဖိ ၂ ဂၤ လၢအခးသံကညီပိာ်မုၣ်ဒီးအၦၤဘၣ်မူဘၣ်ဒါတဖၣ် တၢ်ကဟံးအရ့တဲာ်တဲာ်ဖျုဖျုအဂ့ၢ် ပယီၤသုးစံး၀ဲ
လါယူၤလံ ၂၂ သီႇ ၂၀၂၀ နံၣ်ႇ ခ့ၣ်အဲးစံၣ် ဖၣ်ပူၣ်ကီၢ်ဆၣ်ႇ ပိာ်လိထၣ်သ၀ီဖိပိာ်မုၣ်တဂၤ ဘၣ်တၢ်ခးသံ၀ဲအဃိ ပယီၤသုး ၂ ဂၤလၢအတူၢ်လိာ်အၢၣ်လီၤအတၢ် ကမၣ်အံၤဒီးၦၤဘၣ်မူဘၣ်ဒါတဖၣ် တၢ်ကဟံအရ့တုၤလီၤတီၤလီၤအဂ့ၢ်န့ၣ် ပယီၤသုးမုၢ်ဒိၣ်တၢ်ကစီၣ်ကရူၢ်အံၤ ဖဲလါယူၤလံ ၂၀ သီအနံၤန့ၣ် ထုးထီၣ်ပာ်ဖျါ၀ဲတၢ်ကစီၣ်န့ၣ်လီၤႉ လံာ်တၢ်ပာ်ဖျါအပူၤန့ၣ် ဒ်တၢ်ဃိထံမၤဖျါထီၣ်အသိး ပယီၤသုး ၂ ဂၤလၢအတူၢ်လိာ်အၢၣ်လီၤအတၢ်ကမၣ်အံၤ ဘၣ်တၢ်ဒုးဃာ်အ၀ဲသ့ၣ်လၢဘံလ့ သုးတၢ်ဒုးဃာ်အပူၤဒီး ဒ်တၢ်သိၣ်တၢ်သီအိၣ်အသိး တၢ်ကဟံအရ့တုၤလီၤတီၤအဂီၢ် တၢ်ကဃိထံဟံအရ့ဒီးဟံးထီၣ်ဖီၣ်ထီၣ်အီၤဖျိဖျိဖျါဖျါလၢအချ့အဂ့ၢ်န့ၣ် ပာ်ဖျါ၀ဲဒၣ်လီၤႉ လၢန့ၣ်အမဲာ်ညါ ၦၤမၤကမၣ်တၢ်ဖိပယီၤသုး ၂ ဂၤအံၤ ဟးဃ့ၢ်အိၣ်ခူသူၣ်လီၤမၢ်၀ဲဒၣ်ဒီး ဖဲတၢ်ကဲထီၣ်သးအကတီၢ် သုးကလၢၤၦၤဘၣ်မူဘၣ်ဒါတဖၣ် တဟ့ၣ်ဒုးသ့ၣ်ညါ၀ဲတၢ်ကစီၣ်တဘျီဃီဆူတၢ်ဖီခိၣ်ဘၣ်ဒီး ၦၤဘၣ်မူဘၣ်ဒါတဖၣ်အံၤစ့ၢ်ကီး တၢ်ကဟံးအရ့တုၤလီၤတီၤလီၤအဂ့ၢ်န့ၣ် လၢပယီၤသုးလံာ်တၢ်ပာ်ဖျါအပူၤ ပာ်ဖျါ၀ဲန့ၣ်လီၤႉ ဖဲလါယူၤလံ ၁၆ သီအနံၤ ဘၣ်ဃးဒီးတၢ်ဂ့ၢ်ကဲထီၣ်သးအံၤန့ၣ် လၢပယီၤသုးလံာ်တၢ်ပာ်ဖျါအပူၤန့ၣ် တၢ်ကဲထီၣ်သးအံၤဒိးန့ၢ်ဘၣ်တၢ်ကစီၣ် ဖဲလါယူၤလံ ၁၉ သီအနံၤဒီး ဖဲတၢ်ကဲထီၣ်သးဟီၣ်က၀ီၤပူၤ ပျၢ်လီၤ၀ဲဒၣ်ၦၤဘၣ်မူဘၣ်ဒါတဖၣ်ဃိထံမၤဖျါထီၣ်၀ဲဒီး ဖဲန့ၣ်ပယီၤသုးဖိလၢအမ့ၢ် ဟ့မ့ထဲၣ်ဒီး သါစိလွ့ၤ ၂ ဂၤအံၤ တဟံ၀ဲဒၣ်အခွဲးလၢသုးကလၢၤအအိၣ်ဘၣ်ဒီး လဲၤလီၤ၀ဲဒၣ်လၢသ၀ီပူၤဃုာ်ဒီးလီၢ်က၀ီၤသ၀ီဖိ ၃ ဂၤဒီး...