သိလ့ၣ်တီၣ်သ့ၣ်တဖၣ်အဃိ ကီးတရံး–ကၠဲးဒိကျဲဟးဂီၤ၀ဲဒီး ကဲထီၣ်၀ဲတၢ်တံာ်တာ်လၢလီၢ်က၀ီၤဖိအဂီၢ်
လါမးရှး ၁၈သီႇ ၂၀၂၀ နံၣ်ႇ စးအဲၣ်ဆူ ကညီကီၢ်စဲၣ် ကီးတရံးကီၢ်ဆၣ် ဒီး ကၠၤအ့စ့ၣ်ကၠံကီၢ်ဆၣ် အဘၢၣ်စၢၤလၢအမ့ၢ်ကီးတရံး–ကၠဲးဒိကျဲအံၤ စးထီၣ်လၢတနံၣ်အံၤထီၣ်သီတုၤလၢခဲအံၤတစု သိလ့ၣ်(ကါ)တီၣ်သ့ၣ်လၢအတီၣ်၀ဲသ့ၣ်ဖးဒိၣ်တဖၣ် ခီဖျိလၢလဲၤထီၣ်က့ၤလီၤ၀ဲဒၣ်ကိးမုၢ်နၤဒဲးအဃိ ကျဲသ့ၣ်တဖၣ်ဟးဂီၤ၀ဲဒီး ကဲထီၣ်၀ဲဒၣ်တၢ်တံာ်တာ်လၢ လီၢ်က၀ီၤဖိလၢအအိၣ်လၢကျဲကပၤတဖၣ်အဂီၢ်န့ၣ် သ့ၣ်ညါဘၣ်လီၤႉ သိလ့ၣ်ဖးဒိၣ်လၢအတီၣ်သ့ၣ်တဖၣ်န့ၣ် ဖဲမုၢ်နၤခီၦၤမံအဆၢကတီၢ်န့ၣ် ခီဖျိလၢ လဲၤထီၣ်က့ၤလီၤ၀ဲကိးမုၢ်နၤဒဲးဃၣ်ဃၣ်အဃိ ဒူသ၀ီကမျၢၢ်တဖၣ်အဂီၢ် ကဲထီၣ်၀ဲဒၣ်တၢ်တံာ်တာ်လၢတၢ်မံအဂီၢ်အသိး ကျဲသ့ၣ်တဖၣ်စ့ၢ်ကီးဟးဂီၤ၀ဲဒၣ်ဒီး ဟီၣ်ခိၣ်ကမူၣ်တဖၣ်ဟဲအါထီၣ်၀ဲဒၣ်အဃိ ကမျၢၢ်လၢအအိၣ်ကျဲကပၤတဖၣ် တူၢ်၀ဲတၦဲၤလၢာ်ဘၣ်လီၤအဂ့ၢ်န့ၣ် လီၢ်က၀ီၤဖိတဖၣ်စံး၀ဲလီၤႉ သိလ့ၣ်တီၣ်သ့တဖၣ်လဲၤထီၣ်က့ၤလီၤန့ၣ် သ၀ီလၢအတူၢ်ဘၣ်တၢ်တဖျၢၣ်လၢအမ့ၢ် ကျ့းသ၀ီအံၤ အသ၀ီဖိတဂၤ လၢအမ့ၢ် နါသါအ့ စံး၀ဲလၢ “ဖဲလၢပမံမုာ်အဆၢကတီၢ်န့ၣ် ကါဖးဒိၣ်သ့ၣ်တဖၣ်ဟဲက့ၤ၀ဲဒၣ်အ ကလုၢ်သီၣ်ဖးဒိၣ်ဖးဒိၣ်ဒီး ပဟံၣ်တခီန့ၣ်အိၣ်လၢကျဲကပၤအဃိ ဟံၣ်န့ၣ်ဟူး၀ဲလီၤႉ ဟီၣ်ခိၣ်ကမူၣ်ဒုတဲလၢာ်တဂ့ၤႇ မုၢ်မ့ၢ်၀ါထီၣ်န့ၣ်ဟံၣ်ပူၤန့ၣ်အိၣ်ထဲဟီၣ်ခိၣ်ကမူၣ်လီၤႉ မ့ၢ်နၢဘၣ်ဟီၣ်ခိၣ်ကမူၣ်ယံၤထီၣ်ယံၤထီၣ်န့ၣ် ပသူၣ်ကိၢ်သးဂီၤလၢခါဆူညါအဂီၢ် ကဘၣ်ဒိ၀ဲဒၣ်တၢ်အိၣ်ဆူၣ်အိၣ်ချ့လီၤ” အဂ့ၢ်န့ၣ်စံးဘၣ်ခ့ၣ်အဲးစံၣ်လီၤႉ သိလ့ၣ်ဖးဒိၣ်လၢအဟဲက့ၤတီၣ်၀ဲသ့ၣ်တဖၣ်န့ၣ် ဘၣ်တၢ်ဟဲက့ၤစိာ်၀ဲလၢမီၣ်လီၣ်အံးကစၢၢ်ခီၣ်ထံးအသိးႇ ကၠဲးဒိ၀့ၢ်မုၢ်ထီၣ်တပၤလၢအမ့ၢ် ထံမီၤလီၢ်က၀ီၤတပၤစ့ၢ်ကီးပၣ်ဃုာ်န့ၣ်လီၤႉ ခီဖျိလၢမ့ၢ်သ့ၣ်တဖၣ်လၢအနံၣ်ယံာ်၀ဲအဃိ လီၢ်က၀ီၤကမျၢၢ်လၢအအိၣ်ဖဲန့ၣ်တဖၣ် ဘၣ်ယိၣ်၀ဲဒၣ်လၢသ့ၣ်ကလီၤတူာ်ကွံာ်၀ဲဒၣ်န့ၣ်လီၤအဂ့ၢ်န့ၣ် သ့ၣ်ညါဘၣ်လီၤႉ ၦၤလၢအလဲၤကွၢ်၀ဲလီၢ်က၀ီၤတၢ်အိၣ်သးတဂၤ ကညီကီၢ်စဲၣ် လံာ်လဲၢ်ဒီးတၢ်ဆဲးတၢ်လၤကဒိၣ်ထီၣ်လဲၢ်ထီၣ်ကရူၢ် ၦၤပၢၤလီၢ်ဆ့ၣ်နီၤ စီၤအ့မၠၣ် စံး၀ဲလၢ “ဖဲပလဲၤဆၢကတီၢ်န့ၣ် တၢ်စိာ်သ့ၣ်တဖၣ်န့ၣ်တထံၣ်ဘၣ်အါအါဘၣ်ႉ...
ထံတမၢၣ်တၢ်တိာ်ကျဲၤဖးဒိၣ်တဖၣ် မ့ၢ်အိၣ်ဒံးန့ၣ် တၢ်မုာ်တၢ်ခုၣ်လၢအမ့ၢ်အတီတန့ၢ်၀ဲဘၣ်အဂ့ၢ် လီၢ်က၀ီၤကလုာ်ဒူၣ်တဖၣ် စံး၀ဲ
လါမးရှး ၁၄ သီႇ ၂၀၂၀ နံၣ်ႇ စးအဲၣ်ဆူ ကီၢ်ပယီၤ ထံကျိထံကွာ်တဖၣ်အဖီခိၣ်န့ၣ် တၢ်သူၣ်ထီၣ်၀ဲထံတမၢၣ်တၢ်တိာ်ကျဲၤဖးဒိၣ်တဖၣ် မ့ၢ်အိၣ်ဒံး၀ဲန့ၣ် တၢ်မုာ်တၢ်ခုၣ်လၢအမ့ၢ်အတီတနၢ့်၀ဲဘၣ်အဂ့ၢ် ဖဲတနံၤအံၤ လါမးရှး ၁၄ သီ လၢအလီၤဘၣ်၀ဲဟီၣ်ခိၣ်ဒီဘ့ၣ် တၢ်ကွၢ်ထဲကွဟုကယာ် ထံကျိထံကွာ်ဒီး တၢ်ထီဒါထံတမၢၣ်မုၢ်နံၤအံၤ ၦၤထူလံၤဖိကလုာ်ဒူၣ်တဖၣ် စံး၀ဲဒၣ်န့ၣ်လီၤႉ ခီဖျိလၢထံတမၢၣ်တၢ်တိာ်ကျဲၤတဖၣ်အဃိ လီၢ်က၀ီၤအပူၤ ဖီၣ်စုက၀ဲၤတၢ်သဘံၣ်သဘုၣ်အမဲာ်ညါ ခိၣ်ဃၢၤန့ ဆၢၣ်တၢ်ဘၣ်ဒိဘၣ်ထံးတၢ်ဟးဂီၤတဖၣ်ဒီး မၤဘၣ်ဒိဘၣ်ထံး၀ဲလီၢ်က၀ီၤၦၤထူလံၤဖိကလုာ်ဒူၣ်တဖၣ် အတၢ်အိၣ်မူအဂ့ၢ် ကညီကီၢ်စဲၣ်ႇ ဖၣ်ပူၣ်ကီၢ်ရ့ၣ် ဃိၣ်လိာ်ကျိကၢၢ်နံၤ ကလုာ်ဒူၣ်ကလုာ်တဖၣ်ပာ်ဖှိၣ်မၤသကိး၀ဲ တၢ်ထီဒါထံတမၢၣ်မုၢ်နံၤအတၢ်ဟူးတၢ်ဂဲၤအပူၤ ကညီတၢ်ခိးကွၢ်ဟုၣ်ကွၢ်စူၣ် ထံကျိထံကွာ်ကရူၢ်ဖိ နီၢ်ဆၣ်မူ စံး၀ဲဒ်အံၤလီၤႉ အ၀ဲစံး၀ဲလၢ “တၢ်လီၢ်တခါဂ့ၤတခါဂ့ၤ ထံတမၢၣ်တၢ်တိာ်ကျဲၤမ့ၢ်ဟဲအိၣ်ထီၣ်လံန့ၣ် ပမ့ၢ်ဘၣ်တဲန့ၣ် ဒ်သိးကီၢ်ပယီၤ လီၢ်က၀ီၤအပူၤ တၢ်ဒုးန့ၣ်ကဲထီၣ်အဆိကတၢၢ်လီၤႉ လီၢ်က၀ီၤကမျၢၢ်တဖၣ် ဘၣ်ဃ့ၢ်မှံဟးဖျိးကဲထီၣ်၀ဲလီၤႉ မ့ၢ်ဘၣ်တဲအဘူးကတၢၢ်န့ၣ် ခီဖျိလၢဟးကၠံထံတမၢၣ်တၢ်တိာ်ကျဲၤအဃိ လီၢ်က၀ီၤကမျၢၢ် အဂၤ ၆ႇ၀၀၀ ဃၣ်ဃၣ် ဘၣ်သုးလီၢ်သုးကျဲဆူမၠဲၣ်ကၠံငူၣ်တၢ်လီၢ်လီၤႉ အ၀ဲသ့ၣ်တဘၣ်တူၢ်ဘၣ်ထဲတၢ်ဒုးတၢ်ယၤဘၣ်ဒီး ဘၣ်တူၢ်ဘၣ်တၢ်အကလုာ်ကလုာ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ ကီၢ်ပယီၤပူၤန့ၣ် အ့ၣ်ယၣ်၀တံၣ်ထံကျိအဒ့အြတၢ်တဖၣ်ႇ စ့ၣ်တီႇ ဃိၣ်လိာ် ဒီး တနီသ&ံၣ်ထံကျိအဖၣ်အဖီခိၣ်...
သုးခိၣ်ဒိၣ်စိ စီၤဆါအီၤ တီခိၣ်ရိၣ်မဲ DKBA သုးဖိ ၁၃ ဂၤ ဒီးက့ၤပာ်လီၤစုက၀ဲၤ
လါမးရှး ၁၂ သီႇ ၂၀၂၀ နံၣ်ႇ န့ၣ်နီၣ် ဘူးဒးတၢ်ဘါတၢ်လဲၤထီၣ်လဲၤထီ ကညီသုးမုၢ်ဒိၣ်(DKBA ထုးဖးအသးကရူၢ်) သုးခိၣ်ဒိၣ်စိ စီၤဆါအီၤ တီခိၣ်ရိၣ် မဲ၀ဲသုးဖိ ၁၃ ဂၤအံၤ ဖဲလါမးရှး ၁၂ သီန့ၣ် ဟဲက့ၤပာ်လီၤစုက၀ဲၤဆူပယီၤသုးအအိၣ်အဂ့ၢ်န့ၣ် သ့ၣ်ညါဘၣ်လီၤႉ ဖဲလါမးရှး ၁၂သီ မုၢ်ဃ့ၢ်လီၤ ၂ နၣ်ရံၣ် ၂၀ မံးနံးအဆၢကတီၢ်န့ၣ် တၢ်မၤ၀ဲ DKBA ထုးဖးအသးကရူၢ်လၢအမ့ၢ် သုးခိၣ်ဒိၣ်စိ စီၤဆါအီၤ တီခိၣ်ရိၣ်မဲ၀ဲဒီး သုးဖိပာ်ဖှိၣ်ခဲလၢာ် (၁၃)ဂၤ ဟဲက့ၤပာ်လီၤစုက၀ဲၤတၢ်ရဲၣ်တၢ်ကျဲၤဖဲ မၠၣ်၀တံၣ်ကီၢ်ရ့ၣ်ႇ စူၣ်ကလံၣ်၀့ၢ်ႇ စိၣ်ဆံမၠဲၣ်သ၀ီ (DKBA) သုး၀ဲၤလီၢ်ခိၣ်သ့ၣ်ႇ စိၣ်နၣ်သၣ်မၠဲၣ် သီခါဖၠၣ်အပူၤန့ၣ်လီၤႉ တၢ်ရဲၣ်တၢ်ကျဲၤဘျီ၀ဲအံၤ မုၢ်ထီၣ်ကလံၤထံး ကီၢ်ခီသုး၀ဲၤလီၢ်ခိၣ်သ့ၣ် ကီၢ်ခီဒိၣ်အခိၣ် သုးခိၣ်ကျၢၢ် မၠိမိအီၣ်ႇ ၀ီၤလ့ၤမၠဲၣ် ဒုးယၤခိၣ် တစိၢ်တလီၢ်ဒုးယၤခိၣ် သုးခိၣ်ဒိၣ်ဂီၢ်ဂ့ၢ်န့ၣ်လ့ခဲၣ်ႇ တၢ်ဘၣ်ဘျုးဒံၣ်မိၣ်ြခ့ၣ်စံၣ်ကညီသုးမုၢ်ဒိၣ် (DKBA) သုးခိၣ်ဒိၣ်စိ စီၤဟံၣ်ဒိၣ် ဒီးၦၤဘၣ်မူဘၣ်ဒါတဖၣ်ဟဲထီၣ်၀ဲဒၣ်န့ၣ်လီၤႉ လၢတၢ်ရဲၣ်တၢ်ကျဲၤပူၤ ကီၢ်ခီဒိၣ်အခိၣ် အိးထီၣ်ကတိၤလီၤတၢ်၀ံၤအလီၢ်...
ၦၤဟူးဂဲၤခိၣ်ဃၢၤန့ဆၢၣ် စီၤသးဘိ တၢ်လိာ်ကွီၢ်၀ဲန့ၣ် ထုးကွံာ်အီၤတဘျီဃီန့ၣ် ၦၤဂ့ၢ်၀ီတၢ်ကရၢကရိတဖၣ်ဃ့ထီၣ်
လါမးရှး ၁၀ သီႇ ၂၀၂၀ နံၣ်ႇ ခ့ၣ်အဲးစံၣ် တၢ်ကွၢ်ထွဲကဟုကယာ် ခိၣ်ဃၢၤန့ဆၢၣ်တဂၤလၢအမ့ၢ် စီၤသးဘိအံၤ တၢ်လိာ်ကွၢ်၀ဲလၢကွၢ်မ့ၣ်တၢ်သိၣ်တၢ်သီ နီၣ်ဂံၢ် ၅၀၅(ခ) တၢ်မၤလီၤထံကီၢ်သူးသ့ၣ်လၤကပီၤအံၤႇ တၢ်ကထုးကွံာ်အီၤတဘျီဃီအဂ့ၢ်န့ၣ် ၦၤဂ့ၢ်၀ီတၢ်ကရၢကရိတဖၣ် ထုးထီၣ်၀ဲလံာ်တၢ်ပာ်သးဒီးဃ့ထီၣ်၀ဲလီၤႉ စီၤသးဘိအံၤ ကညီကီၢ်စဲၣ် ဖၣ်အၣ်ကီၢ်ဆၣ် ၦၤပၢဆှၢတၢ်၂ ဂၤတဂၤ လဲၤတၢၣ်အီၤလၢကွီၢ်ဘျီၣ်ဒီး ဖဲလါမးရှး ၆ သီ မုၢ်နၤခီန့ၣ်ႇ အဟံၣ်လၢအအိၣ်ဖၣ်အၣ်၀့ၢ်ပူၤ ပၢၤကီၢ်သုးတဖၣ်လဲၤသမံသမိး၀ဲအဟံၣ်န့ၣ်လီၤႉ ဘၣ််ထွဲဒီးတၢ်လိာ်ကွီၢ်တၢ်ဂ့ၢ်အံၤ တၢ်ကရၢကရိလၢအထုးထီၣ်လံာ်တၢ်ပာ်သးအကျါတဖု ကညီဂ့ၢ်၀ီခွဲးယာ်က ရူၢ်=KHRG စီၤနၣ်ဒၣ်ဆူစံး၀ဲလၢ“စီၤသးဘိအတၢ်ဟူးတၢ်ဂဲၤအံၤ မၤစၢၤ၀ဲဒၣ်ကမျၢၢ်လၢအလီၤဘၣ်တၢ်ကီဘၣ်ခဲ တဖၣ်အဃိႇ ပ၀ဲသ့ၣ်တဖၣ်ပအိၣ်ဆၢထၢၣ်လၢအအိၣ်တပၤဒီး ပထုးထီၣ်၀ဲလံာ်တၢ်ပာ်သးအံၤလီၤႉ ထီထီၣ်၀ဲ ကွီၢ်မ့ၣ်တဖၣ်ဒီး လိာ်ကွီၢ်၀ဲၦၤဟူးဂဲၤတၢ်ဖိတဖၣ်အံၤန့ၣ် အြကၢး၀ဲဘၣ်ႉ မၤ၀ဲတၢ်ဃ့ဘါထုကဖၣ်အံၤအဃိ ကဘၣ်လိာ်ကွီၢ်၀ဲဒၣ်န့ၣ်ႇ တၢ်မၤ၀ဲဒၣ်တၢ်ဃ့ဘါထုကဖၣ်န့ၣ် တတုၤထီၣ်ဒံး၀ဲဘၣ်လၢ တၢ်မၤလီၤထံကီၢ်သူးသ့ၣ်လၤကပီၤဘၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ ၦၤပၢဆှၢတၢ်တဖၣ်ဒီး ပၢၤကီၢ်ကရူၢ်တဖၣ် လဲၤနုာ်လီၤသမံးသမိးတၢ်အံၤ အကျိၤအကျဲတဘၣ်၀ဲဘၣ်အသိးႇ ကဲထီၣ်၀ဲဒၣ်လၢတပာ်ကဲ၀ဲ စီၤသးဘိ အတၢ်ခွဲးတၢ်ယာ်စ့ၢ်ကီးဘၣ်အဃိႇ တၢ်ကရၢကရိတနီၤ ဘၣ်ဃးတၢ်ဂ့ၢ်အံၤအဖီခိၣ်ပဲာ်အၢပဲာ်သီ၀ဲဒၣ်ဒီး ထုးထီၣ်၀ဲလံာ်တၢ်ပာ်သးစ့ၢ်ကီးဟဲအိၣ်ထီၣ်၀ဲလီၤႉ လၢန့ၣ်အမဲာ်ညါ ဘၣ်ဃးဒီးတၢ်လိာ်ကွီၢ်၀ဲစီၤသးဘိအံၤ တၢ်ကွၢ်ထဲကွဟုကယာ်ခိၣ်ဃၢၤန့ဆၢၣ်ကရူၢ်ႇ ၦၤဂ့ၢ်၀ီခွဲးယာ်ႇ ပိာ်မုၣ်ကရူၢ်တဖၣ်ဒီး...
တၢ်နုာ်လီၤဖီၣ်၀ဲတၢ်တၤကျိၣ်တၤစ့ တၢ်လိာ်ကွဲလီၢ်ဒီး တၢ်ဖီၣ်ချုးန့ၢ်၀ဲကျိတဖၣ်
လါမးရှး ၇ သီႇ ၂၀၂၀ နံၣ်ႇ န့ၣ်နီၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ တၢ်နုာ်လီၤဖီၣ်၀ဲတၢ်တၤကျိၣ်တၤစ့ ညၣ်တၢ်လိာ်ကွဲအလီၢ်ဒီး တၢ်ဖီၣ်ချုးန့ၢ်ဃုာ်ဒီး စုက၀ဲၤတဖၣ်အဂ့ၢ်န့ၣ် မၠၣ်၀တံၣ်ကီၢ်ရ့ၣ် ပၢၤကီၢ်သုးကရူၢ် ထုးထီၣ်ရၤလီၤ၀ဲတၢ်ကစီၣ်အသိး သ့ၣ်ညါဘၣ်လီၤႉ မၠၣ်၀တံၣ်ကီၢ်ရ့ၣ် ပၢၤကီၢ်သုးခိၣ် ပၢၤကီၢ်ခိၣ် ၂ သဲၣ်လ့ တီခိၣ်ရိၣ်မဲ၀ဲပၢၤကီၢ်သုးတဖၣ်ဒီး က၀ီၤဒ့ၦၤဘၣ်မူဘၣ်ဒါတဖၣ် ဖဲလါမးရှး ၇ သီႇ ဂီၤခီ ၄ နၣ်ရံၣ် အဆၢကတီၢ်န့ၣ်ႇ နုာ်လီၤ သမံသမိး၀ဲဒၣ် စီၤအိၣ်ကၣ်မ့အဟံၣ်ဖဲ နီၣ်ဂံၢ်(၄)က၀ီၤဒ့ သ့ၣ်တပ့ၣ်ကျဲအကတီၢ် ဖီၣ်ချုးန့ၢ်၀ဲ စီၤည့ခၠါ(၂၃)နံၣ်ႇ စီၤဆဲညိၣ်(၃၄)နံၣ်ႇ န့နုၣ်၀့ၣ်(၂၅)နံၣ်ႇ အံၣ်သၣ်ဒၣ်မၠ့ၣ်(၂၃)နံၣ် ဒီး ဒ့ၣ်စံၣ်(၂၆)နံၣ် သ့ၣ်တဖၣ်န့ၣ်လီၤႉ ဖဲန့ၣ်၀ံၤအလီၢ်ခံ တၢ်ဆဲးဃုသမံသမိး၀ဲဒၣ် စီၤအိၣ်ကၣ်မ့ အဟံၣ် အမံလီၢ်ဒီးတၢ်ထံၣ်န့ၢ်၀ဲ ကျိဖုၣ် ၁ ခိၣ်ႇ ဒီးအချံ ၁၈ ဖျၢၣ်ႇ ကျိမဲးကစ့ ၂ ခါႇ ခါဘဲ ၂ ခိၣ်ႇ ဒီးအချံ ၃၅...
‘တီ’ အီၣ်တလၢ၁်ႇ ‘လီ’ အီၣ်တလၢ (ခဲအံၤတဘျီ) ‘လီ’ အီၣ်တလၢ၁်ႇ ‘တီ’ အီၣ်တလၢ
‘တီ’ အီၣ်တလၢ၁်ႇ ‘လီ’ အီၣ်တလၢ ခဲအံၤတဘျီ ‘လီ’ အီၣ်တလၢ၁်ႇ ‘တီ’ အီၣ်တလၢ ပမှံၤပၦၢ်စံးတ့ၢ်ဝဲ ဆၢကတီၢ်တုၤအိၣ်ပဝဲ ပမ့ၢ် “မၤတီအီၣ်တလၢ၁်” ပမ့ၢ် “မၤလီအီၣ်တလၢ” ခဲအံၤတဘျီလဲၤခိၣ်ချၢ ပမၤမ့ၢ်တီအီၣ်တလၢ ပမ့ၢ်မၤလီအီၤတလၢ၁် တဒ်သိးခ့ခါလၢပျၢၤ လၢပၦၤကလု၁်အကျါ ဝံဘျၣ်သရၣ်ဘျၣ်အိၣ်အါ နီၢ်လီႇ စီၤဘျၣ်တမံခ့ ၦၤစီစၣ်ဖိအမဲ၁်ဖ့ (ၦၤလၢအိၣ်မူဖံးမၤတီလိၤ) ခဲၣ်သူခဲၣ်ဂီၤနိးဖံး ဘ့ျ (တဲအၢတဲသီႇ စံးအၢစံးသီ) ချၢၣ်ချဲအ ပ့ျၤဘျံးဒ်သွ့ ဂ့ၤဘ့ၣ်ခိၣ်ကဆှၣ်ဘ့ၣ်လ၁် (ၦၤလၢအပ၁်မၤတၢ်ထဲၦၤမဲ၁်ညါႇ ၦၤလီၢ်ခံတမၤတၢ်ဘၣ်) ကလုၢ်ကတိၤဆူၣ်န့ၢ်ဂ၁် (ဂ၁်- တၢ်စုၣ်တၢ်ပျၢ်-အဒိ ဂ၁်မ့ၣ်ပိၢ်) မဲအ့ၣ် ပ့ျၤသွဲးစံးကတိၤ ပထံၣ်ဘၣ်လံဖဲပစိၤ ဖဲၦၤမဲ၁်ညါပ၁်မၤသး ၦၤလီၢ်ခံအသးတဆး ဟီၣ်ခိၣ်ချၢခဲအံၤတစိၤ နမ့ၢ်အိၣ်မူလဲၤတီလိၤ ၦၤအါဂၤကွၢ်နၤတလိၤ လီၢ်လၤႇ စ့ကုၢ်ကဲလီၤစိၤ (ကွၢ်ထဲကဒိးန့ၢ်ဘၣ်လီၢ်လၤဒီးကျိၣ်စ့တၢ်ဟဲနု၁်ႇ တၢ်ကဲဘျုးတဆိကမိၣ်) အိၣ်မူလၢကျဲမ့ၢ်ကျဲတီ ဧိၤမီၣ်ႇ သိၣ်ဒူယိးကွံ၁်ဘီ (တံၤသကိးၦၤမၤသကိးတၢ်တဖၣ်) တၢ်ဖံးတၢ်မၤလၢအဘျၣ် သိၣ်မှံၤႇ ပယီၤအါဝဲဒၣ် (ပသိၣ်ႇ ပမှံၤႇ ပယီၤႇ ပဘျၣ်) တၢ်လံၣ်တၢ်လီလဲၤလၢညါ (Fake) တၢ်မ့ၢ်တၢ်တီတအိၣ်ဖျါ တၢ်လီတၢ်ဝ့ၤယူၤလၢဒံး တၢ်တီြတၢ်လဲၤတတုၤဒံး (Justice) တၢ်ဂ့ၤတၢ်ဝါအိၣ်ကတီၢ် တၢ်လံၣ်တၢ်ဘျၣ်စဲပနီၣ် (Recording the fake) တၢ်စီတၢ်ဆှံတုၤစဲၤခံ သံၣ်သူမီၤကျၤတုၤလၢ၁်လံ ဒီပုၢ်ဝဲလၢတၢ်အဲၣ်အီၤ အဲၣ်တူၢ်အဲၣ်ကီၤ ကယ၁်အီၤ (Genealogical) သံၣ်ခွဲၣ်ကတီၤက့ၤနစၢၤ (protection) နမ့ၢ်တမၤလီၤတူ၁်သၢၤ. (Extinction) လၢတၢ်အဲၣ်ကကွဲၢ်ကဘီ စီၤကီၢ်ဖျါစ့ (တီနီၢ်ဖိ) ၂၁.၂.၂ဝ၂ဝ
ပယီၤသုးခးသံကံွာ်၀ဲ ၦၢ်ၦၤမၤတၢ်ဖိတဂၤအဂ့ၢ် KNU စံး၀ဲ
လါမးရှး ၁၀ သီႇ ၂၀၂၀ နံၣ်ႇ စးအဲၣ်ဆူ ဖဲမဟါကၢာ်(လါမးရှး ၅ သီ)ႇ မုၢ်ဟါလီၤအဆၢကတီၢ်န့ၣ် KNU ကညီဒီကလုာ်စၢဖှိၣ်ကရၢ သ့ၣ်ၦၢ်၀ဲၤကျိၤ အၦၤမၤတၢ်ဖိတဂၤ ပယီၤသုးခးသံအီၤဖဲ မုၢ်ြတီၢ်(ဖၣ်ပူၣ်)ကီၢ်ရ့ၣ်ႇ ဒွဲၣ်လိကီၢ်ဆၣ် မဲၤ၀့ၤသ၀ီအပူၤအဂ့ၢ်န့ၣ် KNU သုးက့(၅) စံး၀ဲလီၤႉ ကီၢ်ရ့ၣ် သ့ၣ်ၦၢ်ၦၤမၤတၢ်ဖိ (၂) ဂၤလၢအဒိး၀ဲဆဲးကဲးဒီး အလဲၤခီတဲာ်၀ဲ ပယီၤသုးကလၢၤအံၤအဆၢကတီၢ် ပယီၤသုး ခီၣ်ချ့သုးရ့ၣ်(ခမရ=၃၃၈)သုးကရူၢ်လၢအအိၣ်ဆီလီၤအသးဖဲမဲၤ၀့ၤသ၀ီအပူၤတဖၣ်အံၤ ခး၀ဲဒၣ်အဃိ ဘၣ်သံ၀ဲဒၣ်တဂၤအဂ့ၢ်န့ၣ် မုၢ်ြတီၢ်ကီၢ်ရ့ၣ် နဲၣ်ရွဲၣ် စီၤရီၣ်ဘ့ၤမူ စံး၀ဲဒ်အံၤလီၤႉ အ၀ဲစံး၀ဲလၢ “ပၦၤ သ့ၣ်ၦၢ်ၦၤမၤတၢ်ဖိခံဂၤအံၤ အ၀ဲသ့ၣ်ဟးထီၣ်လၢ၀ဲၤဒၢး ကလဲၤလၢသ့ၣ်ၦၢ်လၢမူဒါအပူၤလီၤႉ ဖဲမဲၤ၀့ၤသုးကလၢၤတၢ်လီၢ်အမဲာ်ညါန့ၣ် အ၀ဲသ့ၣ်လဲၤဖၠး၀ဲဒၣ်ထီဘိလီၤႉ ဖဲအ၀ဲသ့ၣ်လဲၤ၀ဲအဆၢကတီၢ်န့ၣ် ပယီၤသုးတဖၣ်အိၣ်ခိး၀ဲဖဲန့ၣ်ဒီးခး၀ဲအဃိ ၦၤလၢအအိၣ်လၢတၢ်မဲာ်ညါတဂၤန့ၣ် တဘၣ်အီၤဘၣ်ႉ အလဲၤတၢ်န့ၣ်လဲၤ၀ဲခံဂၤလီၤႉ တချုးတုၤဒံးလၢပယီၤသုးကလၢၤတၢ်လီၢ် အပ့ၣ်(၂၀၀)ဃၣ်ဃၣ်န့ၣ်ခး၀ဲလီၤႉ တဘၣ်ၦၤလၢအအိၣ်တၢ်မဲာ်ညါတဂၤဘၣ်ဒီး ဘၣ်၀ဲဒၣ်ၦၤလၢအအိၣ်တၢ်လီၢ်ခံတဂၤလီၤႉ ခး၀ဲဒၣ်အိၣ်၀ဲအထံၣ် ၂၀ ဘျဲၣ်ညါလီၤန့ၣ်ပသ့ၣ်ညါဘၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ သ့ၣ်ၦၢ်ၦၤမၤတၢ်ဖိလၢ ပယီၤသုးခးသံအီၤအံၤ မ့ၢ်၀ဲ ကီၢ်ရ့ၣ်သ့ၣ်ၦၢ် ၦၢ်ခိၣ်...
မဲၢ်လးကညီဘၣ်ကီဘၣ်ခဲဒဲက၀ီၤပူၤ မ့ၣ်အူအီၣ်တၢ်အဃိ ဟံၣ် ၅ ဖျၢၣ် မ့ၣ်အူအီၣ်ကွံာ်
လါမးရှး ၆ သီႇ၂၀၂၀ နံၣ်ႇ ခ့ၣ်အဲးစံၣ် ကီၢ်ကၠီၣ်တဲၣ် တးခ်ကီၢ်ရ့ၣ်ႇ ထၣ်စီၤယါကီၢ်ဆၣ် မဲၢ်လးဘၣ်ကီဘၣ်ခဲဒဲက၀ီၤ က၀ီၤဒိၣ်(C-3A)အပူၤ ဖဲမဟါကၢာ် လါမးရှး ၅သီႇ မုၢ်ဃ့ၢ်လီၤ ၁၂ နၣ်ရံၣ်ဘျဲၣ်အဆၢကတီၢ်န့ၣ် မ့ၣ်အူအီၣ်တၢ်အဃိ ဟံၣ် (၅)ဖျၢၣ် ဒီး ဟံၣ်ပူၤတၢ်ဖိတၢ်လံၤတဖၣ်ခဲလၢာ် မ့ၣ်အူအီၣ်ကံွာ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ ၦၤမ့ၣ်အူအီၣ်ကံွာ်အကျါတဂၤ လၢအမ့ၢ် နီၢ်လ့လိၤဖီ စံး၀ဲလၢ“မ့ၣ်အူအီၣ်ဟံၣ်ခဲလၢာ် ၅ ဖျၢၣ် ဒီး တၢ်ဖိတၢ်လံၤတအိၣ်တ့ၢ်နီတမံၤလၢၤဘၣ်ႉ ထဲၦၤကညီမး ဘၣ်ဃ့ၢ်ထီၣ်နးနးကလဲာ်လီၤႉ မ့ၣ်အူစးထီၣ်အူအီၣ်န့ၣ်လၢၦၤဟံၣ်အဂၤတဖျၢၣ်လီၤႉ ဟံၣ်အ၀ဲန့ၣ်ၦၤသးၦၢ်တအိၣ်နီတဂၤဘၣ်ႉ ဖိသၣ်န့ၣ်အိၣ်တ့ၢ်၀ဲဒၣ်လၢဟံၣ် ၃ ဂၤလီၤႉ ၦၤဟဲတဲလၢဟံၣ်ကပၤမ့ၣ်အူအီၣ်လံမး ကိးထီၣ်ယဖိဒီးဃ့ၢ်ထီၣ်ကွံာ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ ဖဲမုၢ်ဃ့ၢ်လီၤ ၁ နၣ်ရံၣ်ဘျဲၣ်န့ၣ် မ့ၣ်အူအီၣ်တၢ်ပတုာ်က့ၤ၀ဲဒီးႇ ဟံၣ် ၅ ဖျၢၣ် ဒီးဟံၣ်တၢ်ဖိတၢ်လံၤတဖၣ် မ့ၣ်အူအီၣ်ကွံာ်၀ဲခဲလၢာ်ဘၣ်ဆၣ် တၢ်ဘၣ်ဒိဘၣ်ထံးတအိၣ်၀ဲဘၣ်န့ၣ်လီၤႉ တၢ်ဖိတၢ်လံၤလၢအိၣ်ဟံၣ်ပူၤတဖၣ်ခဲလၢာ် ခီဖျိပၣ်၀ဲလၢမ့ၣ်အူကျါအဃိ တၢ်အိၣ်သးခဲအံၤန့ၣ်လၢကဖီအီၣ်ဖီအီတၢ်အဂီၢ်ဒီး တၢ်အိၣ်တၢ်ဆိးလီၢ်အဂီၢ် တၢ်ကီတၢ်ခဲအိၣ်၀ဲဒၣ်လီၤအဂ့ၢ်န့ၣ် နီၢ်လ့လိၤဖီ ဆဲးစံး၀ဲလီၤႉ မ့ၣ်အူအီၣ်တၢ်ကဲထီၣ်သးအံၤ ဟံၣ်လၢမ့ၣ်အူစးထီၣ်အူအီၣ်တဖျၢၣ်န့ၣ်အပူၤ ဖိသၣ်တဖၣ်ဂဲၤလိာ်ကွဲမ့ၣ်အူဒီး...
DKBA တၢ်ပၢအပူၤ ပယီၤသုးတဖၣ်နုာ်လီၤအိၣ်ဆိးအဃိ လီၢ်က၀ီၤဖိတဖၣ် ဘၣ်ယိၣ်လၢ တၢ်ဒုးကကဲထီၣ်
လါမးရှး ၃ သီႇ ၂၀၂၀ နံၣ်ႇ န့ၣ်နီၣ် တၢ်ဘၣ်ဘျုးဒံၣ်မိၣ်ြခံၣ်စံၣ်ကညီသုးမုၢ်ဒိၣ် (DKBA) ကရူၢ် လၢအဆဲးလီၤဃာ်စုမုၢ်ကျၢၢ်လၢ ထံကီၢ်ဒီဘ့ၣ် တၢ်ပတုာ်တၢ်ခးလံာ်ဃံးဃာ်= NCA အံၤ အတၢ်ပၢဟီၣ်က၀ီၤတခါလၢအမ့ၢ် ဖလူဒိၣ်သ၀ီကရူၢ် ကၠီးခဲးသ၀ီ ကပိၤကပၤန့ၣ် ပယီၤသုးတဖၣ်နုာ်အိၣ်ဆိး၀ဲအဃိႇ လီၢ်က၀ီၤကမျၢၢ်တဖၣ် ဘၣ်ယိၣ်ဘၣ်ဘှီတၢ်အိၣ်၀ဲဒၣ်လၢ တၢ်ဒုးကကဲထီၣ်အဂ့ၢ်န့ၣ် သ့ၣ်ညါဘၣ်လီၤႉ ဖဲအပူၤကွံာ်န့ၣ် တၢ်လီၢ်အံၤ လၢပယီၤကဟဲပာ်လီၤအလီၢ််အကျဲဒီးအိၣ်ဆိး၀ဲန့ၣ်တအိၣ်ဘၣ်ဒီး အခဲအံၤဟဲပာ်လီၤ၀ဲ အလီၢ်အကျဲဒီး ဟဲအိၣ်ဆိး၀ဲလီၤလီၤဆီဆီဒ်အံၤအဖီခိၣ်ႇ တၢ်ဒုးကဟဲက့ၤကဲထီၣ်ကဒါန့ၣ် လီၢ်က၀ီၤကမျၢၢ်တဖၣ် ဘၣ်ယိၣ်ဘၣ်ဘှီ၀ဲဒၣ်န့ၣ်လီၤႉ အဂ့ၢ်န့ၣ် ကၠီးခဲသ၀ီ စီၤဒံဒံ စံး၀ဲလၢ “လၢပသ၀ီကၠီးခဲးအံၤန့ၣ် အပူၤကွံာ်ပယီၤသုး ဟဲပာ်လီၤအလီၢ် အကျဲဒီးအိၣ်ဆိး၀ဲန့ၣ်တအိၣ်၀ဲနီတဘျီဘၣ်ႉ ခဲအံၤ ဟဲပာ်လီၤ အလီၢ်အကျဲဒီး အိၣ်ဆိး၀ဲလၢအသီယံၤအဃိႇ ခံကပၤလၢာ်သုးတၢ်ဖီလာ်တဖၣ် တၢ်သဘံၣ်သဘုၣ်ကဟဲအိၣ်ထီၣ်သ့၀ဲဒီး တၢ်ဒုးကဟဲက့ၤကဲထီၣ်ကဒါန့ၣ် ၦၤသ၀ီဖိတဖၣ်ဘၣ်ယိၣ်ဘၣ်ဘှီ၀ဲဒၣ်လီၤ” အဂ့ၢ်စံး၀ဲန့ၣ်လီၤႉ မၠၣ်၀တံၣ်ကီၢ်ရ့ၣ် ဖလူဒိၣ်သ၀ီကရူၢ် ကၠီးခဲးသ၀ီအကပိၤကပၤန့ၣ် ပယီၤသုးတပၤ သုးနီၣ်ဂံၢ်လၢအကအိၣ်၀ဲ ၆၀ ဘျဲၣ်ဃၣ်ဃၣ် ပာ်လီၤ၀ဲသုးလီၢ်သုးကျဲဒီးအိၣ်ဆိး၀ဲန့ၣ်လီၤႉ ပယီၤသုးတဖၣ်အံၤ ဖဲအပူၤကွံာ် လါဖ့ၤြဘူၤအါရံၤ ၁၇...
မုၢ်ြတီၢ်ကီၢ်ရ့ၣ် ၦၤထူလံၤဖိတဖၣ် မၤ၀ဲတၢ်ကတီၤက့ၤ ခိၣ်ဃၢၤန့ဆၢၣ် တၢ်ရဲၣ်တၢ်ကျဲၤ
လါမးရှး ၄ သီႇ ၂၀၂၀နံၣ်ႇ ခ့ၣ်အဲးစံၣ် ကညီၦၤထူလံၤဖိတဖၣ် တီခိၣ်ရိၣ်မဲဒီးမၤ၀ဲဒ်သိးဒီးဒ့ၣ်ဖိညၣ်ဖိဆၣ်ဖိကီၢ်ဖိ သ့ၣ်မုၢ်၀ၣ်ဘိသ့ၣ်တဖၣ် ဒ်သိးအစၢၤသု တလီၤတူာ်ဒီး သုတလီၤမၢ်တဂ့ၤအဂီၢ်ႇ စၢၤသွဲၣ်သီလၢခံတစိၤသ့ၣ်တဖၣ်ကန့ၢ်သါဘၣ်၀ဲဒီး ကထံၣ်ဘၣ်၀ဲအဂီၢ် ပညိၣ်၀ဲဒီးမၤ၀ဲတၢ်ကတီၤတၢ်ပာ်ကွၢ်၀ဲဒ့ၣ်ဖိညၣ်ဖိအတၢ်ရဲၣ်တၢ်ကျဲၤတခါ ဖဲကညီကီၢ်စဲၣ်ႇ မုၢ်ြတီၢ်ကီၢ်ရ့ၣ် ဘုသိၣ်ကီၢ်ဆၣ် မဲးညူးကရူၢ်အပူၤ ဖဲလါဖ့ၤြဘူၤအါရံၤ ၂၆ သီအနံၤန့ၣ်လီၤႉ လၢတၢ်ရဲၣ်တၢ်ကျဲၤဘျီ၀ဲအံၤအပူၤန့ၣ် ဒူသ၀ီလီၢ်က၀ီၤခိၣ်နၢ်ၦၤဘၣ်မူဘၣ်ဒါသ့ၣ်တဖၣ် တဲလီၤဒုးသ့ၣ်ညါ၀ဲ တၢ်ကတီၤက့ၤဒ့ၣ်ဖိညၣ်ဖိႇ ဆၣ်ဖိကီၢ်ဖိဒီးခိၣ်ဃၢၤန့ဆၢၣ်တဖၣ် အရ့ဒိၣ်ထဲလဲၣ်အဂ့ၢ်ႇ တၢ်လုၢ်ထီၣ်တၢ်ဒ်ကညီမိၢ် လုၢ်ပၢ်လၢ်အသိးဒီး တၢ်ဃ့ဘါထုကဖၣ်တၢ်ဆူတၢ်ထံတၢ်တီ ထံကစၢ်ကီၢ်ကစၢ်အအိၣ် ၀ံၤအလီၢ်ခံ လီၢ်က၀ီၤဖိတဖၣ်အူထီၣ်ကွဲၤ ႇ အုၣ်သကိးကညီလုၢ်လၢ်ထူသနူအထါတဖၣ်စ့ၢ်ကီးန့ၣ်လီၤႉ ထံကျိထံကွာ် ကွၢ်ဟုၣ်ကွၢ်စူၣ်ကရူၢ်ဖိ စီၤဖါဒံၣ်စံး၀ဲ “ပကတီၤက့ၤပထံကျိထံကွာ် ဒ့ၣ်ဖိညၣ်ဖိ အလီၢ်ဒ်သိး လၢအ ပူၤတ့ၢ်ကွံာ်န့ၣ် နၤဃုအီၣ်ယၤဃုအီၣ် မၤ၀ဲဒၣ်ဒီးကသံၣ်ကသီလီၤႉ အဃိန့ၣ် လၢပၦၤတ၀ၢအပူၤ ပအိၣ်သကိးက့ၤဒီး သ၀ီခံဖျၢၣ်သၢဖျၢၣ်ပပာ်ဖှိၣ်ထီၣ်သးဒီး ပကတီၤက့ၤလၢတဂၤလၢသ၀ီ ပပာ်ကီၤက့ၤ ဒ့ၣ်ဖိညၣ်ဖိ လၢအလီၢ်ဒီး အလီၢ်လီၤႉ ၦၤသးၦၢ်တဲဒိ၀ဲ အီၣ်ဒ့ၣ်ကတီၤလ့ႇ အီၣ်ညၣ်ကတီၤကွံ အဃိန့ၣ်ပသ့ၣ်နီၣ်ထီၣ်က့ၤအီၤဒီး ပကတီၤက ဒါက့ၤအီၤလီၤႉ...