ပဒိၣ်စးထီၣ်ရဲၣ်ကျဲၤ၀ဲ လၢကကးတံာ်ကံွာ် မၠဲၣ်ကၠံငူၣ် ၦၤလီၢ်အိၣ်ကမှံတၢ်လီၢ်
လါဖ့ၤြဘူၤအါရံၤ ၁၄ သီႇ ၂၀၂၀ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇ လူၢ်ပျဲၢ်ကီၢ်ဆၣ် ခီတီၣ်(မၠဲၣ်ကၠံငူၣ်)ပူၤ တၢ်အိးထီၣ်ဃာ်၀ဲမၠဲၣ်ကၠံငူၣ် ၦၤလီၢ်အိၣ်ကမှံတၢ်လီၢ် လၢအအိၣ်သူၣ်လီၤအသးယံာ်၀ဲ ၄ နံၣ်အံၤ ကီၢ်ပဒိၣ်ၦၤမၤမူဘၣ်ဒါတဖၣ် ရဲၣ်ကျဲၤ၀ဲလၢ ကကးတံာ်ကံွာ်၀ဲ လီၤအဂ့ၢ်န့ၣ် သ့ၣ်ညါဘၣ်လီၤႉ မၠဲၣ်ကၠံငူၣ် ၦၤလီၢ်အိၣ်ကမှံလီၢ် လၢၦၤနီၣ်ဂံၢ် အဂၤ ၄ႇ၀၀၀ ဘျဲၣ် အိၣ်တ့ၢ်ဒံး၀ဲဒၣ် အံၤ ဘၣ်ထဲွဒီးတၢ်ကထုးကွံာ်၀ဲ တၢ်ရဲၣ်တၢ်ကျဲၤန့ၣ် ကညီကီၢ်စဲၣ် ၦၤမၤတၢ်ဖိ၀ဲၤကျိၤ ၦၤနဲၣ်တၢ် အူစီၣ်မ့ စံးဘၣ်ခ့ၣ်အဲးစံၣ် ဒ်အံၤလီၤႉ “ထံကီၢ်ဒီဘ့ၣ်တၢ်အိၣ်သးတခါအဖီခိၣ် ၦၤဃ့ၢ်မှံဟးဖျိးတၢ်လီၢ်အံၤ တၢ်ကထုးကွံာ်အီၤတၢ်ရဲၣ်တၢ်ကျဲၤအိၣ်၀ဲလီၤႉ လၢအကျါန့ၣ် ပ၀ဲဒၣ်ကညီကီၢ်စဲၣ်စ့ၢ်ကီး ပၣ်၀ဲဒၣ်လီၤႉ ပကဃ့ဒံး၀ဲကမျၢၢ်တဖၣ်အတၢ်ပာ်သးလီၤႉ တၢ်ကဃ့၀ဲ ကမျၢၢ်အတၢ်ပာ်သးတၢ်ရဲၣ်တၢ်ကျဲၤအံၤႇ ကညီကီၢ်စဲၣ်ပဒိၣ်တဖၣ် ဒီး ကီၢ်စၢဖှိၣ်ပဒိၣ်တဖၣ်န့ၣ် တနဲၣ်လီၤတၢ်နီ တမံၤဒံးဘၣ်ႉ အခိၣ်သ့ၣ်န့ၣ် မ့ၢ်၀ဲဒၣ်တၢ်ပၢဆှၢရဲၣ်ကျဲၤ တၢ်ဘၣ်ယိၣ်ဘၣ်ဘှီ၀ဲၤကျိၤ ဘၣ်ဟံးမူဒါမၤ၀ဲလီၤႉ ပ၀ဲဒၣ်ဒု အိၣ်ဒၣ်လၢ ပကမၤစၢၤ၀ဲတၢ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ ဘၣ်ထဲဒွီးတၢ်ကမၤ၀ဲတၢ်ရဲၣ်တၢ်ကျဲၤအံၤ တၢ်ကစးထီၣ်အီၤအဆၢကတီၢ်ဖဲလဲၣ်န့ၣ် တၢ်တသ့ၣ်ညါဒံး၀ဲဘၣ်ဆၣ်ႇ...
ကသူၣ်ထီၣ် ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖှိၣ်အဂီၢ် တဘၣ်ထုးတၢ်ကဆၢကတီၢ်ဘၣ်န့ၣ် ခ့ၣ်အဲၣ်ယူၣ်စံး၀ဲ
လါဖ့ၤြဘူၤအါရံၤ ၁၂ သီႇ ၂၀၂၀ နံၣ်ႇ စီၤထိလ့ မ့ၢ်အဲၣ်ဒိး သူၣ်ထီၣ် ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖှိၣ်အံၤ အနီၢ်ကီၢ်န့ၣ်ႇ တဘၣ်ထုးတၢ်ဆၢကတီၢ်ဘၣ်အဂ့ၢ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ ထံဂုၤကီၢ်ဂၤ၀ဲၤကျိၤ မူဒါခိၣ် ပဒိၣ်စီၤတီနံ စံးလီၤ၀ဲဒၣ်ဖဲ မၠီမၠးကီၢ်ဆၣ်ႇ ပၠံၣ်သ၀ီတဲၣ်နဲၤႇ ကဒဲၣ်ကွ့သ၀ီ ဖဲလါဖ့ၤြဘူၤအါရံၤ ၁၁ သီအနံၤ တၢ်မၤ၀ဲ ၇၂ နံၣ်တနံၣ် ကညီဒီကလုာ်မုၢ်နံၤ အတၢ်ရဲၣ်တၢ်ကျဲၤပူၤ န့ၣ်လီၤႉ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢအံၤ စးထီၣ်လၢ ၁၉၅၄ နံၣ် လံၤလံၤန့ၣ် ကသူၣ်ထီၣ်၀ဲ ကီၢ်ပယီၤအံၤလၢ ဒံၣ်မိၣ်ြခ့ၣ်စံၣ် ဖဲၣ်ြဒၢၣ််ကီၢ်စၢဖှိၣ်အဂီၢ် ဆၢတဲာ်၀ဲ၀ံၤအလီၢ်ခံႇ ဘၣ်နုာ်လီၤပၢၢ်ဆၢတၢ်ယံာ်၀ဲ အနံၣ် ၆၀ ဘျဲၣ် ႇ ဘၣ်ဟ့ၣ်လီၤကံွာ် တၢ်သးသမူႇ တၢ်မဲာ်ထံမဲာ်နိ အါအါဂီၢ်ဂီၢ်ႇ တၢ်ထူးတၢ်တီၤတဖၣ်အါအါဂီၢ်ဂီၢ်အဂ့ၢ်န့ၣ် ပဒိၣ်စီၤတီနံ စံးလီၤ၀ဖဲတၢ်ရဲၣ်တၢ်ကျဲၤမူးအပူၤန့ၣ်လီၤႉ ဖဲန့ၣ်၀ံၤအလီၢ်ခံ ဖဲ၂၀၁၄ နံၣ် ကလုာ်ဒူၣ်ၦၤဖီၣ်စုက၀ဲၤတၢ်ပၢၢ်ဆၢကရူၢ်တဖၣ် ဒီး ပဒိၣ်ႇသုးမုၢ်ဒိၣ်တဖၣ် ကသူၣ်ထီၣ်သကိး၀ဲ ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖှိၣ်အဂီၢ် သးလီၤပလိာ်၀ဲဒၣ်အသိးႇ...
ကညီဒီကလုာ်မုၢ်နံၤအံၤ တၢ်ကပာ်ပနီၣ်အီၤလၢအဖိးသဲစးအဂီၢ် ကညီကမျၢၢ်တဖၣ်ဃ့ထီၣ်၀ဲ
လါဖ့ၤြဘူၤအါရံၤ ၁၁ သီႇ ၂၀၂၀ နံၣ်ႇ စးအဲၣ်ဆူ ကညီဒီကလုာ်အမုၢ်နံၤလၢ အလီၤဘၣ်ဖဲ တနံၤအံၤလါဖ့ၤြဘူၤအါရံၤ ၁၁ သီ အနံၤန့ၣ် ဒ်သိးပဒိၣ်တပၤ ကပာ်ပနီၣ်၀ဲလၢအဖိးသဲစးအဂီၢ် အ့ၣ်ယၣ်၀တံၣ်ကီၢ်ခီဒိၣ်ႇ ကၠီကိကီၢ်ဆၣ်ႇ အနီၣ်စူၣ်သ၀ီပူၤ တၢ်မၤ၀ဲ ၇၂ ၀ီတ၀ီ ကညီဒီကလုာ်မုၢ်နံၤ အတၢ်ရဲၣ်တၢ်ကျဲၤပူၤ ကညီကမျၢၢ်လၢအဟဲထီၣ်တဖၣ် ဃ့ထီၣ်၀ဲန့ၣ်လီၤႉ ကလုာ်ဒူၣ်တဖၣ်အမုၢ်နံၤဒိၣ်မုၢ်နံၤထီန့ၣ် တၢ်တပာ်ပနီၣ်၀ဲလၢအဖိးသဲစးဘၣ်ဒီး မ့ၢ်ပၢဆှၢတၢ်လၢကလုာ်ဒိၣ်စိ သနူန့ၣ် တမ့ၢ်လၢ ကဒိးန့ၢ်ဘၣ် ထံလီၢ်ကီၢ်ပူၤတၢ်မုာ်တၢ်ခုၣ်ဘၣ်အဃိ ကပာ်ပနီၣ်အီၤလၢအမ့ၢ်မုၢ်နံၤလၢအဖိးသဲစးအဂီၢ် ၦၤတီခိၣ်ရိၣ်မဲ မၤလၤကပီၤ ကညီကလုာ်မုၢ်နံၤ တဂၤလၢအမ့ၢ် မါသါကၠဲၤ စံး၀ဲဲဒ်အံၤန့ၣ်လီၤႉ အ၀ဲစံး၀ဲလၢ “ဖဲၣ်ြဒၢၣ်ဒံၣ်မိၣ်ြခ့ၣ်စံၣ် ကျဲသနူအကျိၤအကျဲအံၤ ပ၀ဲကညီတဖၣ်ဃ့ထီၣ်၀ဲန့ၣ် စးထီၣ်လၢ ၁၉၄၈ နံၣ် လံန့ၣ်လီၤႉ ဘၣ်ဆၣ် တုၤလၢတနံၤအံၤ တကဲထီၣ်လိၣ်ထီၣ်၀ဲဘၣ်န့ၣ် ၦၤလၢအအိၣ်လၢပဖီခိၣ်တဖၣ် သူဒံး၀ဲဒၣ်ကလုာ်ဒိၣ်သနူဒိၣ် အဖၢမုၢ်လီၤန့ၣ်ပထံၣ်၀ဲလီၤႉ တၢ်တဖၣ်န့ၣ်မ့ၢ်တအိၣ်လၢၤဘၣ်မး ဖဲၣ်ြဒၢၣ်ကျဲသနူ ဒီး ကညီကလုာ်တကလုာ်တကးဘၣ်ႇ ကလုာ်ကိးကလုာ်ဒဲး ကန့ၢ်ဘၣ်တၢ်မုာ်တၢ်ခုၣ်ကသ့၀ဲလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ လၢန့ၣ်အမဲာ်ညါ ကညီဒီကလုာ်မုၢ်နံၤအံၤ လၢဘျီၣ်ဒိၣ်ပူၤ...
ဒီကလုာ်မုုၢ်နံၤအံၤ ကမျၢၢ်တဖၣ်တၢ်သူၣ်ဆူၣ်သးဂဲၤတအိၣ်အါဘၣ်အဖီခိၣ် ဘၣ်သးတမုာ်ဘၣ်အဂ့ၢ် နါခ့ၤထွ့မၠ့ၣ် စံး၀ဲ
လါဖ့ၤြဘူၤအါရံၤ ၁၁ သီႇ ၂၀၂၀ နံၣ်ႇ နါ၀့ၤဖၠိစၣ် တၢ်မၤလၤကပီၤ၀ဲ ကညီဒီကလုာ်အမုၢ်နံၤ ၦဲၤထီၣ် ၇၂၀ီတ၀ီအမူးတၢ်ရဲၣ်တၢ်ကျဲၤဖဲ ကညီကီၢ်စဲၣ် ဖၣ်အၣ်၀့ၢ် ကွဲၢ်ကဘီဘျီၣ်ပူၤအံၤႇ ထံၣ်ဘၣ်လၢကညီကမျၢၢ်တဖၣ် အတၢ်ပၣ်ဃုာ်ပၣ်ဂီၢ်စှၤအံၤ ဘၣ်သးတမုာ်ဘၣ်ဒိၣ်မးအဂ့ၢ်န့ၣ် ကီၢ်စဲၣ်ကိတိာ်ခိၣ်ကျၢၢ် နါခ့ၤထွ့မၠ့ၣ် စံးလီၤ၀ဲဒၣ်လီၤႉ ဖဲလါဖ့ၤြဘူၤအါရံၤ ၁၁ သီအနံၤ ၀့ၢ်ဖၣ်အၣ်ပူၤ တၢ်မၤလၤကပီၤ၀ဲကညီဒီကလုာ်မုၢ်နံၤအတၢ်ရဲၣ်တၢ်ကျဲၤအံၤႇ ဖၣ်အၣ်၀့ၢ်ဖိ ကညီကမျၢၢ်တဖၣ် ဒ်ပတယးဃာ်အသိး ပထံၣ်ဘၣ်လၢကမျၢၢ်တဖၣ်ဟဲထီၣ်၀ဲစှၤ၀ဲဒၣ်ဒိၣ်မးအဖီခိၣ်ႇ ကီၢ်စဲၣ်ကိတိာ်ခိၣ်ကျၢၢ် စံးလီၤ၀ဲဖဲတၢ်အိးထီၣ်တၢ်ရဲၣ်တၢ်ကျဲၤမူးအပူၤဒ်အံၤလီၤႉ “လၢပကီၢ်စဲၣ်ပူၤန့ၣ် ပဖံးမၤတၢ်တၢ်ခွဲးတၢ်ယာ်အိၣ်လံ ဖဲပတဲလၢမၤခီအခါန့ၣ်ႇ ဘၣ်မနုၤလၢတၢ်သူၣ်ဆူၣ်သးဂဲၤ အဂံၢ်အဘါစှၤ၀ဲဒၣ်လဲၣ်ႉ သးတမုာ်ဘၣ်ႉ ယမ့ၢ်ဘၣ််တီခိၣ်ရိၣ်မဲဘၣ်ဖုးန့ၣ် ကညီဒီကလုာ်မုၢ်နံၤအံၤန့ၣ် ယကဟံးထီၣ်ဖီၣ်ထီၣ်ဖံးမၤအီၤလၢတၢ်သူၣ်ဆူၣ်သးဂဲၤအပူၤလီၤႉ ဘၣ်မနုာ်အဃိလဲၣ်န့ၣ် ကညီဒီက လုာ်ခိၣ်နၢ်လၢညါတဖၣ် ဂုာ်ကျဲးစၢးတၢ်အံၤ မ့ၢ်၀ဲသူၣ်ဘီၣ်သးစၢ်လၢခဲအံၤတဖၣ်တဂီၢ်လီၣ်မီၤႉ တၢ်ပာ်ပနီၣ်ဃာ်၀ဲမုၢ်နံၤႇ တၢ်ဟ့ၣ်မၤလၤကပီၤမုၢ်နံၤ တနံၤအံၤတၢ်ပာ်ပနီၣ်၀ဲဒီး တၢ်ဟံးထီၣ်ဖီၣ်ထီၣ်၀ဲလီၤ” အဂ့ၢ်န့ၣ် ကိတိာ်ခိၣ်ကျၢၢ် နါခ့ၤထွ့မၠ့ၣ် စံး၀ဲန့ၣ်လီၤႉ တၢ်ရဲၣ်တၢ်ကျဲၤလၢတနံၤအံၤ သီခါ စၣ်ဒၣ်၀ၣ် တၢ်ကတိၤအိးထီၣ် ႇ ကိတိာ်ခိၣ်ကျၢၢ် တၢ်ကတိၤႇ တၢ်ဖးဖျါထီၣ်၀ဲ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ အလံာ်ဟ့ၣ်ယုၢ်ႇ...
ပယီၤသုးခးတၢ်အဃိ လီၢ်က၀ီၤသ၀ီဖိဘၣ်ဒိဘၣ်ထံး၀ဲအဂ့ၢ် KNU စံး၀ဲ
လါဖ့ၤြဘူၤအါရံၤ ၁၀ သီႇ ၂၀၂၀ နံၣ်ႇ ခ့ၣ်အဲးစံၣ် မုၢ်ြတီၢ် (ဖၣ်ပူၣ်) ကီၢ်ရ့ၣ်န့ၣ် ပယီၤပဒိၣ်သုးလၢအဟူးဂဲၤ၀ဲတဖၣ် လၢတၢ်ဂ့ၢ်တအိၣ်နီတမံၤ ခးလီၤတၢ်ဒီးကျိဖးဒိၣ်ကျိဖိအဃိႇ လီၢ်က၀ီၤသ၀ီဖိတဖၣ်ဘၣ်ဒိဘၣ်ထံးအိၣ်၀ဲဒၣ်အဂ့ၢ်န့ၣ် KNU =ကညီဒီကလုာ်စၢဖှိိၣ်ကရၢ သုးက့(၅) စံး၀ဲန့ၣ်လီၤႉ ဖဲလါဖ့ၤြဘူၤအါရံၤ ၉ သီအနံၤန့ၣ်ႇ ခ့ၣ်အဲၣ်ယူၣ် သုးက့ ၅ ကဲွးဆှၢထီၣ် လံာ်ထီဒါဆူ မုၢ်ထီၣ်ကလံၤထံး သုးကီၢ်ခီသုး၀ဲၤလီၢ်ခိၣ်သ့ၣ်ဒီး ကလံၤထံးကီၢ်ခီသုး၀ဲၤလီၢ်ခိၣ်သ့ၣ်အအိၣ်အလံာ်ထီဒါအပူၤန့ၣ် ပာ်ဖျါဃာ်၀ဲဒ်န့ၣ် န့ၣ်လီၤႉ လၢလံာ်ထီဒါအပူၤန့ၣ် ဖဲအပူၤကွံာ် လါယနူၤအါရံၤ ၂ သီအနံၤန့ၣ် မုၢ်ထီၣ်ကလံၤထံး ကီၢ်ခီသုး၀ဲၤလီၢ်ခိၣ်သ့ၣ် စုဒုၣ်စုတီၤအဖီလာ် စကခ=(၈) ခမရ(၄၀၈) လၢအမ့ၢ် သုးရ့ၣ်ခိၣ် ၂ နီၣ်ထိ တီခိၣ်ရိၣ်မဲ၀ဲသုးဖိတဖၣ်န့ၣ် ခး၀ဲဒၣ် မုၢ်ြတီၢ်ကီၢ်ရ့ၣ်ႇ ဒွဲၣ်လိကီၢ်ဆၣ် လ့ဖိထၣ်သ၀ီကရူၢ် ၀ၣ်သိခိၣ်သ၀ီဖိခံဂၤအံၤအဃိႇ သ၀ီဖိ စီၤစ့ၣ်သါ (၆၀)နံၣ် ဒီး စီၤစီတံၣ်ကၣ် (၆၃)နံၣ် ၦၤခံဂၤအံၤ ဘၣ်ဒိဘၣ်ထံး၀ဲနးနးကလဲာ်လီၤအဂ့ၢ်န့ၣ် KNU...
ကီၢ်သူလ့ၤဆူၣ်ချ့၀ဲၤကျိၤ မူဒါခိၣ် ပဒိၣ်စီၤအဲၣ်ကလုာ်ရွ့ၣ်အူ လဲၤပူၤကွံာ်
လါဖ့ၤြဘူၤအါရံၤ ၈ သီႇ ၂၀၂၀ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ ၀ဲၤကျိၤ ၁၄ ခါအကျါ တခါလၢအမ့ၢ် ကီၢ်သူလ့ၤဆူၣ်ချ့မၤစၢၤ၀ဲၤကျိၤ မူဒါခိၣ် ပဒိၣ်စီၤအဲၣ်ကလုာ်ရွ့ၣ်အူ (၆၅)နံၣ်အံၤႇ အသးသမူဟးထီၣ်ကံွာ်ဖဲ တနံၤအံၤ (လါဖ့ၤြဘူၤအါရံၤ ၈ သီ) ဟါခီ ၁၂ နၣ်ရံၣ် ၄၉ မံးနံး အဆၢကတီၢ်န့ၣ်ႇ ဖဲအအိၣ်ဟံၣ် ကီၢ်ကၠီၣ်တဲၣ်=ကီၢ်ပယီၤကီၢ်ဆၢတၢ်လီၢ်တတီၤ အဂ့ၢ်န့ၣ် သ့ၣ်ညါဘၣ်လီၤႉ ပဒိၣ်စီၤအဲၣ်ကလုာ်ရွ့ၣ်အူ အဖိခွါအဒိၣ်ကတၢၢ်တဂၤလၢအမ့ၢ် စီၤကစၢၢ်မုၢ်ဃါ စံး၀ဲလၢ “ ဖဲ ၁၂ နၣ်ရံၣ် ၄၉ မံးနံး အဆၢကတီၢ်န့ၣ် အသးသမူဟးထီၣ်၀ဲဖဲဟံၣ်ပူၤအံၤန့ၣ်လီၤႉ အသံ၀ဲဒၣ်လၢ သူၣ်ခဲစၢၣ် (cancer) တၢ်ဆါအဃိလီၤ” အဂ့ၢ်န့ၣ်စံးဘၣ်ခ့ၣ်အဲးစံၣ်လီၤ ပဒိၣ်စီၤအဲၣ်ကလုာ်ရွ့ၣ်အူအံၤ အိၣ်ဖျဲၣ်ထီၣ်၀ဲဖဲ ၁၉၅၅ နံၣ်ႇ လါနိၣ်၀့ဘၢၣ် ၂၈ သီအနံၤ လၢ အ့ၣ်ယၣ်၀တံၣ်ကီၢ်ခီႇ ပသံၣ်ကီၢ်ဆၣ် နီၢ်ပအဲသ၀ီပူၤ အမိအမံၤ နီၢ်ဖီ(လဲၤပူၤကွံာ်)ႇ အပါမံၤ စီၤကလၢ(လဲၤပူၤကွံာ်)ဒီး...
ၦၤဂဲၤဒိတၢ်လီၤနံၤဖိ ဃုန့ၢ်စ့မၤဘူၣ် လၢမုၢ်ြတီၢ်ကီၢ်ရ့ၣ် ၦၤလီၢ်အိၣ်ကမှံဖိတဖၣ်အဂီၢ်
လါမးရှး ၃သီႇ ၂၀၂၀နံၣ်ႇခ့ၣ်အဲးစံၣ်ႉ ပညိၣ်ပာ်၀ဲ ဒ်သိးကမၤစၢၤၦၤလၢအဘၣ်ဃ့ၢ်မှံဟးဖျိးခီဖျိတၢ်သဘံၣ်သဘုၣ်သ့ၣ်တဖၣ်အဂီၢ်ဒီး ဖဲ လါဖ့ၤြဘူၤအါရံၤ ၂၆ သီအနံၤန့ၣ် စီၤဆၣ်ကပီၤ၀ါလၢအမ့ၢ် ၦၤဂဲၤဒိတၢ်လီၤနံၤဒီး မၤသူၣ်ဖှံသးညီၦၤအသး ဒီး အသကိးတဂၤပာ်ဖှိၣ်ထီၣ် သးဒီးဒုးအိၣ်ထီၣ်၀ဲဒၣ်တၢ် ဃုစ့ပာ်ကီၤအလံာ်ကအဘျံးပၤ တခါလၢလီမဲာ် သၣ်လိၤ (facebook) တခါန့ၣ်လီၤႉ ဘၣ်ထဲွဒီးတၢ်ဟူးတၢ်ဂဲၤအံၤအ၀ဲစံး၀ဲလၢ“ယၤဒီးယသကိးပကက့ၤလီၤမၤစၢၤတၢ်မီၤႉ က့ၤလီၤမၤစၢၤ တၢ်ဘျီဒု ယသကိးလၢယူၣ်အဲၣ်စ်အ့ၣ်တဂၤန့ၣ်အ၀ဲထံၣ်၀ဲဘျီဒု အ၀ဲတဲ၀ဲဒၣ်ႇ ခွါယကဃုမၤထီၣ် (Fund -raising Page) ယကသူလၢနမံၤဘျီပကမၤသကိးခံဂၤနီၤႉ ဘျီယတဲအီၤသ့လီၤမီၣ်ႉ တမ့ၢ်ပစးထီၣ်ခါန့ၣ်တမ့ၢ်ပအိးထီၣ်လၢ တၢ်ကရၢကရိအမံၤဘၣ်ႉ ပအိးထီၣ်လၢ နီၢ်တဂၤတၢ်သးအိၣ်တၢ်မၤစၢၤလၢပက့ၤမၤစၢၤက့ၤတၢ်အဂီၢ်လီၤႉ နာ်က့ခီဖျိလၢ ၦၤသ့ၣ်ညါၦၤအိၣ်ဒီးၦၤနာ်အီၣ်ၦၤအါအဃိန့ၣ် ပၦၤကညီဖိသ့ၣ်တဖၣ် ဟ့ၣ်ဂံၢ်ဟ့ၣ်ဘါဒီး ဆီၣ်ထွဲ၀ဲလီၤႉ ပမၤ၀ဲစးထီၣ်လၢစံရိဒီလၣ်ဒီးတုၤလၢ ၅ကလးန့ၣ် တၢ်ဆၢကတီၢ်န့ၣ် ၄သီအတီၢ်ပူၤလီၤနီၤႉ” တၢ်မၤစၢၤလၢအဒိးန့ၢ်၀ဲသ့ၣ်တဖၣ်န့ၣ် ဟဲခီဖျိ၀ဲဒၣ်လၢကညီဖိလၢအအိၣ်လၢ ကီၢ်အမဲရကၤႇ ကီၢ်ခဲနဒၣ်ႇ ကီၢ်အီစြထ့လယါႇ ကီၢ်ယူရပၤဒီး ကီၢ်ကၠီၣ်တဲၣ် ကညီဖိသ့ၣ်တဖၣ် အမဲာ်ညါ လၢကညီဘၣ်ကီဘၣ်ခဲ ဒဲက၀ီၤပူၤတနီၤစ့ၢ်ကီး ဆီၣ်ထွဲမၤစၢၤ၀ဲဒီး တၢ်မၤစၢၤလၢအဒိးန့ၢ်ဘၣ်၀ဲသ့ၣ်တဖၣ်အံၤန့ၣ် ကမၤစၢၤ၀ဲ...
ကလဲၤသကိးတုၤလၢ တၢ်တုၤသိးထဲသိးဒီးတၢ်စံၣ်ညီၣ်ပၢလီၤသးန့ၢ်တစုန့ၣ် ပဒိၣ်စီၤသမ့ၤထိဟ့ၣ်သဆၣ်ထီၣ်၀ဲ
လါဖ့ၤြဘူၤအါရံၤ ၆ သီႇ ၂၀၂၀ နံၣ်ႇ စီၤမၠၣ်အူသၣ် ကညီဒီကလုာ်အဂီၢ် တၢ်တုၤသိးထဲသိးႇ တၢ်စံၣ်ညီၣ်ပၢလီၤသးဒီး ဒံၣ်မိၣ်ြခ့ၣ်စံၣ်ဖဲၣ်ြဒၢၣ်ကီၢ်စၢဖှိၣ် တုၤအန့ၢ်တစု မ်ပကလဲၤတုၤလၢဖီတၢၣ်န့ၣ်ႇ ဖဲလါဖ့ၤြဘူၤအါရံၤ ၅ သီ(မဟါတနံၤ)န့ၣ် တၢ်မၤလၤကပီၤက့ၤ၀ဲ ၇၃ ၀ီတ၀ီ ကညီဒီကလုာ်စၢဖှိၣ်ကရၢ အမုၢ်နံၤ ဖဲနိၣ်တကီကီၢ်ဆၣ် KNU ဒူပျာ်ယာ်ကီၢ်ရ့ၣ်ရူ ဘျီၣ်အပူၤႇ အကတီၢ် KNU လီၢ်ခၢၣ်သးကမံးတံာ်ဖိ ပဒိၣ်စီၤသမ့ၤထိ ဟ့ၣ်သဆၣ်ထီၣ်၀ဲန့ၣ်လီၤႉ “ကညီဒီတကလုာ် ဒ်သိးကအိၣ်ဃူအိၣ်ဖိးအဂီၢ် ပဒုးအိၣ်ထီၣ်၀ဲ KNU အံၤန့ၣ်လီၤႉ တၢ်အိၣ်သးအံၤဆီၣ်ၦၤအဃိ ကညီတၢ်ပၢၢ်ဆၢအံၤ ဟဲကဲထီၣ်၀ဲဒၣ်လီၤႉ ကညီဒီကလုာ်အဂီၢ် တၢ်ဂုၤထီၣ်ပသီထီၣ်ဒီး တၢ်ဃူတၢ်ဖိးကအိၣ်ကဂီၢ် ပကဆဲးဟံးထီၣ်ဖီၣ်ထီၣ်သကိးလီၤႉ တၢ်ထဲသိးတုၤသိး ဒီး တၢ်စံၣ်ညီၣ်ပၢလီၤသး တုၤလၢ ဒံၣ်မိၣ်ြခ့ၣ်စံၣ်ဖဲၣ်ြဒၢၣ်ကီၢ်စၢ ဖှိၣ်န့ၢ်တစု ကလဲၤတုၤလၢဖီတၢၣ်အဂီၢ် တၢ်ကရၢကရိအံၤ ကအိၣ်တုၤလၢနံၣ်အကယၤဘျဲၣ် ကဘၣ်ဆဲး ကတီၤ၀ဲန့ၣ် ယအဲၣ်ဒိးဟ့ၣ်သဆၣ်ထီၣ်သူၣ်ဘီၣ်သးစၢ်တဖၣ်လီၤ”အဂ့ၢ်န့ၣ် အ၀ဲဟ့ၣ်သဆၣ်ထီၣ်၀ဲလီၤႉ KNU တၢ်ကရၢကရိအံၤ တၢ်မၤတမံၤဂ့ၤတမံၤဂ့ၤ တၢ်အိၣ်သးတၢ်ဆီတလဲအဖီခိၣ် တၢ်က့ၤပဲာ်ထံနီၤဖးကဒါက့ၤတဖၣ် ကဘၣ်ဖံးမၤ၀ဲဒီးႇ...
မ့ၢ်အိၣ်ဆၢထၢၣ်ဒ်တၢ်ပာ်ပနီၣ်ဃာ်ကျဲသနူအသိးန့ၣ် တၢ်ဃူတၢ်ဖိးကအိၣ်၀ဲဒၣ်အဂ့ၢ် KNU စံး၀ဲ
လါဖ့ၤြဘူၤအါရံၤ ၅ သီႇ ၂၀၂၀ နံၣ်ႇ စးအဲၣ်ဆူ မ့ၢ်အိၣ်ဆၢထၢၣ်ဒ်တၢ်ကရၢကရိပာ်လီၤဃာ်ကျဲသနူအသိးန့ၣ် ကညီဒီကလုာ်အပူၤ တၢ်ဃူတၢ်ဖိးကအိၣ်၀ဲအဂ့ၢ်န့ၣ် KNU ကညီဒီကလုာ်စၢဖှိၣ်ကရၢ သုးက့(၇)ဟီၣ်က၀ီၤႇ သ့ၣ်ဘ့ၣ်ထၣ်တၢ်လီၢ် တၢ်မၤလၤကပီၤ၀ဲ(၇၃)နံၣ်တနံၣ်ၦဲၤထီၣ် KNU ကညီဒီကလုာ်စၢဖှိၣ်ကရၢမုၢ်နံၤအပူၤ ခ့ၣ်အဲၣ်ယူၣ်ခိၣ်နၢ်လၢအဟဲထီၣ်တၢ်ရဲၣ်တၢ်ကျဲၤတဖၣ် စံး၀ဲဒၣ်လီၤႉ ဖၣ်အၣ်ကီၢ်ရ့ၣ် ကီၢ်ရ့ၣ်ခိၣ် ပဒိၣ်စီၤအီၤမီၤအ့ စံး၀ဲလၢ “ပကျဲသနူအကျဲအံၤ တမ့ၢ်ၦၤနီၢ်တဂၤကွဲးလီၤပာ်လီၤ၀ဲဘၣ်ႉ ကညီဒီကလုာ်လၢခၢၣ်စးတဖၣ် ကွဲးလီၤပာ်လီၤ၀ဲအဃိႇ ပကလဲၤဒ်ကျဲအံၤအသိးလီၤႉ ပမ့ၢ်ဆီၣ်လီၤပသးဒီး လၢကျဲသနူအံၤအဖီခိၣ် ပမ့ၢ်အိၣ်ဆၢထၢၣ်ဃူဃူဖိးဖိးန့ၣ် တၢ်ဃူတၢ်ဖိးကအိၣ်၀ဲလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ လၢန့ၣ်အမဲာ်ညါ ကညီဒီကလုာ်အဂီၢ် တၢ်ကရၢကရိလၢအတီခိၣ်ရိၣ်မဲတၢ်ဒီး တၢ်ပာ်ပနီၣ်ဃာ် ကျဲသနူအိၣ်၀ဲဒၣ်ဘၣ်ဆၣ်ႇ ပကစၢ်တၢ်ကရၢကရိဒီး ကျဲသနူအဖီခိၣ်ပတၢ်ထံၣ်တဘၣ်၀ဲဘၣ်ဒီးႇ စိၤတစိၤဘၣ်တစိၤ ၦၤအတီၤပတီၢ်လၢအပၢတၢ်ပြးတၢ်တဖၣ် တၢ်မၤလီၤဖးတဖၣ်အဃိႇ တၢ်ဃူတၢ်ဖိးလီၤမုၢ်ြပံြပါ၀ဲဒၣ်လီၤအဂ့ၢ်န့ၣ် ဖၣ်အၣ်ကီၢ်ရ့ၣ် ၦၤပၢၤလီၢ်ဆ့ၣ်နီၤ ဆဲးစံး၀ဲလီၤႉ စးထီၣ်လၢ ၁၉၉၄ နံၣ်န့ၣ် ကညီဖီၣ်စုက၀ဲၤကရူၢ်တဖၣ် ဒ်အမ့ၢ် ဘူးဒးတၢ်ဘါတၢ်ဂုၤထီၣ်ပသီထီၣ်ကညီသုးမုၢ်ဒိၣ်= DKBA (ခဲအံၤ တၢ်ဘၣ်ဘျုးဒံၣ်မိၣ်ြခ့ၣ်စံၣ်ကညီသုးမုၢ်ဒိၣ်) KNU/KNLA-PC တၢ်မုာ်တၢ်ခုၣ်ကီၣ်ကးႇ ဘယါကိႇ ဟီၣ်သရီတၢ်လီၢ်လီၤဆီတဖၣ်အံၤ မ့ၢ်ကညီဖီၣ်စုက၀ဲၤကရူၢ်တဖၣ်လၢ အထုးဖးထီၣ်အသး...
စွ့ၣ်ကၠ့ၣ်ကီၢ်ဆၣ်အပူၤ တၢ်မၤ၀ဲ NCA တၢ်တၢၣ်ပီၣ်တဲသကိးအံၤ ခီဖျိလၢပယီၤသုးြတီ၀ဲ အ ဃိဘၣ်တၢ်ပတုာ်ကွံာ်၀ဲ
လါဖ့ၤြဘူၤအါရံၤ ၅ သီႇ ၂၀၂၀ နံၣ်ႇ ခ့ၣ်အဲးစံၣ် KNU= ကညီဒီကလုာ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ်ႇ စွ့ၣ်ကၠ့ၣ်ကီၢ်ဆၣ် သယဲၣ်ခၠီသ၀ီပူၤ ဖဲလါဖ့ၤြဘူၤအါရံၤ ၄ သီ(မဟါတနံၤ)န့ၣ် တၢ်မၤ၀ဲဒၣ် လီၢ်က၀ီၤကမျၢၢ်တဖၣ်ဒီး ထံကီၢ်ဒီဘ့ၣ်တၢ်ပတုာ်တၢ်ခး အလံာ်ဃံးဃာ်=ဘၣ်ဃး NCA တၢ်ဟ့ၣ်တၢ်သ့ၣ်ညါနၢ်ပၢၢ်တၢ်တၢၣ်ပီၣ်တဲသကိးအံၤႇ လီၢ်က၀ီၤပယီၤသုးတဖၣ် လဲၤဒီးြတီ၀ဲအဃိ တၢ်ဘၣ်ပတုာ်ကွံာ်၀ဲတၢ်တၢၣ်ပီၣ်တဲသကိးအဂ့ၢ်န့ၣ် သ့ၣ်ညါဘၣ်လီၤႉ တၢ်တၢၣ်ပီၣ်တဲသကိးအံၤ ခီဖျိလၢတၢ်ဟ့ၣ်အခွဲးတအိၣ်ဘၣ်အဃိ တၢ်တဘၣ်ဆဲးမၤ၀ဲလၢၤဘၣ်န့ၣ်ႇ ခီၣ်ချ့ သုးရ့ၣ်=ခမရ(၁၂၄)တၢ်မဲာ်ညါသုး ဘီကထၣ်တၢ်လီၢ် သုးရ့ၣ်ခိၣ် သုးခိၣ်ဒိၣ်ဖိ ထိထိလ့ လါဖ့ၤြဘူၤအါရံၤ ၄ သီအနံၤန့ၣ် ထုးထီၣ်၀ဲလံာ်ဒီးလဲၤြတီ၀ဲဒၣ်လီၤ အဂ့ၢ်န့ၣ် ၦၤရဲၣ်ကျဲၤတၢ်ဖိတဖၣ်စံး၀ဲလီၤႉ တၢ်တၢၣ်ပီၣ်တဲသကိးပူၤ ၦၤလၢအပၣ်ဃုာ်တဂၤလၢအမ့ၢ် KNU ချၢၣ်လွံၢ်ထူၣ်ကီၢ်ရ့ၣ် ထီဘိကမံးတံာ် ပဒိၣ်စီၤဟဲဂ့ၤ စံး၀ဲလၢ “အ၀ဲသ့ၣ်ဟဲတဲ၀ဲဒၣ်လၢ တဘၣ်လိၣ်ဟဲမၤတၢ်အံၤလၢ ပတၢ်ဘံၣ်တၢ်ဘၢဟီၣ်က၀ီၤပူၤဘၣ်ႉ ခဲအံၤတၢ်မၤ၀ဲ တၢ်ရဲၣ်တၢ်ကျဲၤတၢ်လီၢ်အံၤ မ့ၢ်တၢ်ပၢတၢ်ြပးလၢအဘံဘူလီၢ်က၀ီၤလီၤႉ ပမၤ၀ဲတၢ်တၢၣ်ပီၣ်တဲသကိးအံၤန့ၣ် ခ့ၣ်အဲၣ်ယူၣ် ဒီး ပဒိၣ် တၢ်သးလီၤပလိာ်အိၣ်၀ဲအဃိ ပဟးမၤ၀ဲဒၣ်တၢ်တၢၣ်ပီၣ်တဲသကိးအံၤလၢပလီၢ်က၀ီၤအပူၤလီၤႉ အခီၣ်ထံးန့ၣ် အ၀ဲသ့ၣ်ဟဲ၀ဲဒၣ်ဒီးသုးကူသုးကၤဒီး ဟဲြတီ၀ဲလၢအကိာ်ပူၤလီၤႉ ပ၀ဲသ့ၣ်တဖၣ်ပတတူၢ်လိာ်ဘၣ်အဃိ...