မဲၢ်ဆီး–မၠၣ်၀တံၣ်ကီၢ်ဆၢြတဲၤအံၤ လၢတလါဘျဲၣ်အတီၢ်ပူၤ တၢ်ဆှၢကဒါက့ၤကီၢ်ပယီၤၦၤမၤတၢ်ဖိအဂၤ ၈ႇ၀၀၀ ဘျဲၣ်
လါယနူၤအါရံၤ ၉ သီႇ ၂၀၂၀ နံၣ်ႇ န့ၣ်နီၣ် ဖဲကီၢ်ကၠီၣ်တဲၣ်–ကီၢ်ပယီၤကီၢ်ဆၢ မဲၢ်ဆီး–မၠၣ်၀တံၣ် တြဲၤတဆီ လၢတလါဘျဲၣ်အတီၢ်ပူၤႇ ကီၢ်ပယီၤၦၤမၤတၢ်ဖိလၢ အလဲၤမၤတၢ်မၤလၢ ကီၢ်ကၠီၣ်တဲၣ်လၢတဖိးသဲစးတဖၣ် ဘၣ်တၢ်ဆှၢကဒါက့ၤအီၤ အဂၤ ၈ႇ၅၀၀ ဘျဲၣ်အဂ့ၢ်န့ၣ် သ့ၣ်ညါ ဘၣ်လီၤႉ ဖဲအပူၤကွံာ် ၂၀၁၉ နံၣ်ႇ လါဒံၣ်စ့ဘၢၣ် တုၤလၢ ၂၀၂၀ နံၣ် လါယနူၤအါရံၤ ၈ သီအနံၤႇ လၢ ၃၉ သီအတီၢ်ပူၤ ကီၢ်ပယီၤ ၦၤမၤတၢ်ဖိလၢ အတဖိးသဲးစးလၢအအိၣ်ကီၢ်ကၠီၣ်တဲၣ်တဖၣ် အဂၤ ၈ႇ၅၀၀ ဘျဲၣ် ဘၣ်တၢ်ဆှၢကဒါက့ၤအ၀ဲသ့ၣ်လၢ မဲၢ်ဆီး–မၠၣ်၀တံၣ်ၦၤမၤတၢ်ဖိတၢ်ရ့လိာ်မုာ်လိာ်၀ဲၤဒၢးတပတီၢ် ဘၣ်တၢ်ဆှၢကဒါက့ၤဆူကီၢ်ပယီၤတကပၤလီၤအဂ့ၢ်န့ၣ် ကီၢ်ကၠီၣ်တဲၣ်ဂ့ၢ်၀ီ ကီၢ်ပယီၤမီၢ်သီၦၤဘၣ်မူဘၣ်ဒါ တဂၤလၢအမ့ၢ် အူ၀့ၣ်လ့မီၣ် စံး၀ဲဒၣ်ဖဲယနူၤအါရံၤ ၈ သီအနံၤန့ၣ်လီၤႉ “ြတဲၤ(ဂိတ်)လၢအဂၤတဖၣ်စ့ၢ်ကီး တၢ်က့ၤဆှၢကဒါက့ၤအိၣ်၀ဲလီၤႉ တၢ်တထၢဖှိၣ်ဘၣ်စီဒံးဘၣ်ႉ တၢ်အံၤမ့ၢ်၀ဲ ဒၣ် မဲၢ်ဆီးြတဲၤ စရီတခါဧိၤလီၤႉ ြတဲၤ(ဂိတ်)လၢအဂၤတဖၣ် တၢ်ဖီၣ်ချုးန့ၢ်အီၤအိၣ်၀ဲစှၤဒီးႇ တၢ်က့ၤဆှၢကဒါ အိၣ်၀ဲစှၤလီၤႉ မ့မ့ၢ်လၢမၠၣ်၀တံၣ်၀့ၢ်တခီန့ၣ် ခီဖျိလၢအဘူးဒီးမဲၢ်ဆီးအဃိ...
ကညီနီၣ်တယၢ်အတၢၣ် ဘၣ်တၢ်မၤဟးဂီၤအီၤအဖီခိၣ် KNU ဘျံးဒ၀ဲၢ်ကီၢ်ရ့ၣ်ထီဒါ၀ဲ
လါယနူၤအါရံၤ ၆ သီႇ ၂၀၂၀ နံၣ်ႇ ခ့ၣ်အဲးစံၣ် တနီသရံၣ်ကီၢ်ခီဒိၣ်ႇ တနီသရံၣ်ကီၢ်ဆၣ် မဲး၀ါသ၀ီ တီၤဖုၣ်ကၠိ ကၠိကရၢၢ်အပူၤ ဒူဖိသ၀ီဖိလၢအထီထီၣ်၀ဲကညီနီၣ်တယၢ် လၢအထီသဃဲၤဃုာ်သးဒီးထံကီၢ်အနီၣ်တယၢ်အံၤ ဘၣ်တၢ်မၤဟးဂီၤ၀ဲအဖီခိၣ် တၢ်ကဆှၢလံာ်ထီဒါလီၤအဂ့ၢ်န့ၣ် KNU ကညီဒီကလုာ်စၢဖှိၣ်ကရၢ ဘျံးဒ၀ဲၢ်ကီၢ်ရ့ၣ်စံး၀ဲဒၣ်လီၤႉ လါယနူၤအါရံၤ ၁ သီအနံၤန့ၣ် မၠ့ၣ်ကီၢ်ရ့ၣ် မဲး၀ါသ၀ီ လီၢ်က၀ီၤသ၀ီဖိဃုာ်ဒီး ကၠိၦၤဘၣ်မူဘၣ်ဒါတဖၣ် လၢကၠိကရၢၢ်ပူၤန့ၣ် ဆီထီၣ်၀ဲဒၣ်ကညီနီၣ်တယၢ်၀ံၤအလီၢ်ခံ ဖဲလါယနူၤအါရံၤ ၂ သီ ဟါခီ ၉ နၣ်ရံၣ်တခီအဆၢကတီၢ်န့ၣ် ကီၢ်ပယီၤသုးမုၢ်ဒိၣ် လၢအအိၣ်ဆီလီၤအသးလၢတၢ်လီၢ်ဖဲန့ၣ်တဖၣ် သုးကရူၢ်ဖိလၢအအိၣ်၀ဲ အဂၤ ၂၀ ဃၣ်ဃၣ် ဟဲမၤဟးဂီၤကွံာ်၀ဲဒၣ်လီၤ အဂ့ၢ်န့ၣ် လီၢ်က၀ီၤသ၀ီဖိတဖၣ် စံး၀ဲလီၤႉ ဘၣ်ထွဲဒီးတၢ်ဂ့ၢ်တဖၣ်န့ၣ် ဒ၀ဲၢ်၀့ၢ် KNU တၢ်ရ့လိာ်၀ဲၤဒၢး မူဒါခိၣ် ပဒိၣ်၀့ခဲၣ်စံး၀ဲလၢ “ပကဆှၢထီၣ်လံာ်ထီဒါဆူ JMC အအိၣ်န့ၣ်လီၤႉ ဘၣ်မနုၤအဃိလဲၣ်န့ၣ် လၢ NCA အလံာ်ဃံးဃာ်အပူၤန့ၣ် တၢ်တဘၣ်သူ၀ဲဂံၢ်ဘါ တၢ်ဆိ တၢ်ကမီၤ ဘၣ်ဒီး တၢ်ကဘၣ်ဘှါဆှဲအီၤလၢတၢ်မုာ်တၢ်ခုၣ်န့ၣ်...
KNLA ဒီးပဒိၣ်သုး တၢ်ခးလိာ်သးအဃိ ၦၤဘၣ်ဒိဘၣ်ထံးဃုာ်ဒီး ကမျၢၢ်
လါယနူၤအါရံၤ ၃ သီႇ ၂၀၂၀ နံၣ်ႇ ခ့ၣ်အဲးစံၣ် ကညီကီၢ်စဲၣ် ကမၤမိၣ်ကီၢ်ဆၣ်ပူၤန့ၣ် KNU ကညီဒီကလုာ်စၢဖှိၣ်ကရၢစုဒုၣ်စုတီၤအဖီလာ်ႇ ကညီဒီကလုာ်တၢ် ထူၣ်ဖျဲးသုးမုၢ်ဒိၣ် KNLA သုးက့ ၅ ဒီး ပဒိၣ်သုးမုၢ်ဒိၣ်တဖၣ် ဖဲ လါယနူၤအါရံၤ ၂ သီ အနံၤန့ၣ် တၢ်ခးလိာ်သး ကဲထီၣ်၀ဲဒၣ်ဒီး ဖဲန့ၣ် ပဒိၣ်သုးတပၤသုးတဖၣ်ဘၣ်ဒိ၀ဲ အမဲာ်ညါ လီၢ်က၀ီၤသ၀ီဖိတဖၣ် ဘၣ်ဒိဃုာ်၀ဲဒၣ်အဂ့ၢ်န့ၣ် KNLA တကပၤစံး၀ဲလီၤႉ KNU တၢ်ပၢဟီၣ်က၀ီၤ သုးက့ (၁) ဒီး သုးက့ (၅)အဘၢၣ်စၢၤ ကမၤမိၣ်ကီၢ်ဆၣ်ႇ သ့ၣ်ဘိၣ်ထၣ်ကရူၢ်ႇ ၀ၣ်သိခိၣ် သ၀ီပူၤန့ၣ် ဖဲမဟါကၢာ်ဂီၤခီ ၇ နၣ်ရံၣ် ဒီး အနၣ်&ံၣ် ၁၀ ဘျဲၣ်အဆၢကတီၢ်န့ၣ် သုးမုၢ်ဒိၣ် တၢ်ပၢဆှၢရဲၣ်ကျဲၤ သုး၀ဲၤလီၢ်ခိၣ်သ့ၣ် နီၣ်ဂံၢ် (၈) အစုဒုၣ်စုတီၤအဖီလာ် သုးရ့ၣ်ခိၣ်(၂) သုးခိၣ်ဒိၣ်ဖိ နီၣ်ထိ တီခိၣ်ရိၣ်မဲ...
မၠၣ်၀တံၣ်အ့ရှါကျဲမုၢ် (Bus) သိလ့ၣ်နုာ်လီၤဘျၢၣ်၀ဲ သိလ့ၣ်ဖိအဃိ လီၤတဲာ်လၢြတီၤပူၤဒီး သံ ၁၈ ဂၤ ဘၣ်ဒိ ၃၂ ဂၤ
လါယနူၤအါရံၤ ၃ သီႇ ၂၀၂၀ နံၣ်ႇ န့ၣ်နီၣ် ကညီကီၢ်စဲၣ် မၠၣ်၀တံၣ်၀့ၢ်တပၤႇ မၠၣ်၀တံၣ်–ကီးတရံး အ့ရှါကျဲတၢ်ဒ့ၣ်စၢၤမံးလာ်တၢၣ်နီၣ်ဂံၢ် (၁၅၈) ဒီး (၁၅၉)ကံၣ်လိၣ်မံၣ်တၣ်အဘၢၣ်စၢၤ သဲးကျီးက့ၣ်နၢၣ်တၢ်လီၢ်န့ၣ်ႇ ဖဲလါယနူၤအါရံၤ ၃ သီ ဂီၤခီအဆၢကတီၢ် ‘အလင်းေရာင်မိုး’(Bus) သိလ့ၣ်လၢအတီၣ်ၦၤလဲၤတၢ်က့ၤတၢ်ဖိအံၤ နီ၀ဲသိလ့ၣ်ဆူၣ်တလၢဒီး နုာ်လီၤဘျၢၣ်၀ဲ (ပရိၣ်ဘီၣ်)သိလ့ၣ်ဖိလၢအအိၣ်ဟဲလၢမၠၣ်၀တံၣ် ကက့ၤဆူ ကီးတရံးတပၤအဃိ လီၤတဲာ်၀ဲလၢြတီၤပူၤကဲ ထီၣ်သးန့ၣ်လီၤႉ သိလ့ၣ်ဘျၢၣ်လိာ်သးအဃိ ဖဲတနံၤအံၤမုၢ်ဟါလီၤဒိးန့ၢ်ဘၣ်တၢ်ကစီၣ်တၢ်ဂ့ၢ်တၢ်ကျိၤတဖၣ်အသိးန့ၣ် ပိာ်ခွါ ၁၁ ဂၤႇ ပိာ်မုၣ် ၇ ဂၤ ပာ်ဖှိၣ်ခဲလၢာ် ၁၈ ဂၤသံ၀ဲဒၣ်ဒီး ၦၤလၢအဘၣ်ဒိဘၣ်ထံးတခီန့ၣ် ပိာ်ခွါ ၁၂ ဂၤႇ ပိာ်မုၣ် ၂၀ ဂၤ ပာ်ဖှိၣ်ခဲလၢာ် ၃၂ ဂၤ ဘၣ်တၢ်ဆှၢအ၀ဲသ့ၣ်ဆူ မၠၣ်၀တံၣ်ကီၢ်ရ့ၣ်တၢ်ဆါဟံၣ်အဂ့ၢ်န့ၣ် သ့ၣ်ညါဘၣ်လီၤႉ ၦၤသံတဖၣ်အကျါန့ၣ် အိၣ်၀ဲဒၣ်လၢ မၠၣ်၀တံၣ်၀့ၢ် နီၣ်ဂံၢ် ၅ က၀ီၤဒ့ ၦၤနီသိလ့ၣ် ကိၣ်လဲၣ်စိႇ ၦၤလၢအပၣ်ဃုာ်၀ဲဒၣ် လၢသိလ့ၣ်အံၤအပူၤ အဟံၣ်ဖိဃီဖိ...
တၢ်မ့ၢ်တသူ၀ဲကသံၣ်ကသီဘၣ်သနာ်က့ တၢ်မုၢ်တၢ်ဘိဂ့ၤ၀ဲလီၤန့ၣ် အူမီၣ်ခ့ၣ် စံး၀ဲ
လါယနူၤအါရံၤ ၁၅ သီႇ၂၀၂၀နံၣ်ႇ ခ့ၣ်အဲးစံၣ် ခ့ခါဆၢကတီၢ်ခဲအံၤ တသူၣ်တၢ်ဖျးတဖၣ်အပူၤ အါဒၣ်တက့ၢ်န့ၣ် ဒ်သိးဒီးတၢ်သူတၢ်သၣ်ကဟးထီၣ်၀ဲဒၣ်အါအါအဂီၢ် ဒီးအလုၢ်အပ့ၤှ ကဂ့ၤ၀ဲအဂီၢ်ႇ တၢ်သူ၀ဲကသံၣ်ကသီသ့ၣ်တဖၣ်န့ၣ်လီၤႉ ဘၣ်ဆၣ်ၦၤလၢအသူၣ်ဖျးတၢ်ဒ်မိၢ်လုၢ်ပၢ်လၢ်အကျိၤအကျဲတဂၤလၢအမ့ၢ် အူမီၤခ့ၣ် လၢအအိၣ်ဖဲကညီကီၢ်စဲၣ် ကီးတရံးကီၢ်ဆၣ် အီးဖးဖးဒိၣ်သ၀ီတဂၤအံၤ သူၣ်ဖျး၀ဲဒၣ် အဲၣ်ရိၣ်တံၢ်ဒီး ဟူၣ်ကလၢ်တံၢ်ႇ အ၀ဲတသူ၀ဲဒၣ် ကသံၣ်ကသီ နီတမံၤဘၣ် အဂ့ၢ်န့ၣ်စံး၀ဲလီၤႉ အ၀ဲစံး၀ဲလၢ “အပူၤကွံာ်န့ၣ် ၦၤသူၣ်ဟူၣ်ကလၢ်တံၢ် တအိၣ်အါအါဘၣ်ႉ မ့ၢ်သူၣ်စ့ၢ်ကီးန့ၣ် သူၣ်၀ဲတစဲးတမွဲးလီၤႉ အခဲအံၤၦၤသူၣ်ဆါ၀ဲလံဒီး လဲၤဆါ၀ဲလၢကီးတရံး၀့ၢ်ပူၤန့ၣ်လီၤႉ ယမ့ၢ်ဘၣ်သးသူကသံၣ်န့ၣ် ယသူသ့လီၤႉ ပမ့ၢ်သူကသံၣ်န့ၣ် မုၢ်ကျိၤ၀ဲၤကွာ်ဘၣ်ဂီၢ်၀ဲလီၤႉ ဘၣ်မနုၤလၢ ယတသူကသံၣ်ဘၣ်လဲၣ်န့ၣ် ၦၤလၢအအီၣ် ဘၣ်၀ဲတဖၣ်န့ၣ် တဂ့ၤလၢတၢ်အိၣ်ဆူၣ်အိၣ်ချ့အဂီၢ်ဘၣ်ႉ ၦၤလၢအအိၣ်လၢကီးတရံးတဖၣ်န့ၣ် ဟံ၀ဲဒၣ်ယဟူၣ်ကလၢ်တံၢ်လီၤႉ တနီၤန့ၣ် ခီဖျိလၢအသူ၀ဲကသံၣ်အဃိ အတံၢ်အါ၀ဲလီၤႉ ဘၣ်ဆၣ်ပပာ်အီၤယံာ်ယံာ်ထၢထၢတန့ၢ်ဘၣ်ႉ” အဂ့ၢ်န့ၣ်စံး၀ဲဒၣ်လီၤႉ တၢ်ဖိတၢ်လံၤလၢ အဟးထီၣ်တဖၣ် ခီဖျိလၢတၢ်သူ၀ဲ ကသံၣ်အံၤအဃိ မၤဘၣ်ဒိ၀ဲ ၦၤအီၣ်တၢ်ဖိတဖၣ်လီၤႉ ပမ့ၢ်သူၣ်အီၤဒ် မိၢ်လုၢ်ပၢ်လၢ်အသိးႇ တၢ်တသူ၀ဲကသံၣ်ဘၣ်ဆၣ် တၢ်မုၢ်တၢ်ဘိႇ တၢ်သူတၢ်သၣ်တဖၣ်ဂ့ၤ၀ဲဒၣ်လီၤအဂ့ၢ်န့ၣ် အ၀ဲစံး၀ဲလီၤႉ “ပမ့ၢ်သူၣ်တၢ်တမံၤဂ့ၤတမံၤန့ၣ် လိၣ်၀ဲဒၣ်မူခိၣ်ကလံၤ တၢ်ဆၢကတီၢ်ဒီး ကျီၢ်အ့ၣ်ႇဟီၣ်ခိၣ်သိချါလိၣ်...
စၢၢ်နီၣ်ၦၤကညီမုၢ်နံၤလီၤဆီဒီး လါ (၁၂)လါ
စၢၢ်နီၣ်ၦၤကညီမုၢ်နံၤလီၤဆီဒီး လါ (၁၂)လါ သလ့ၤလါ မ့ၢ်ထီၣ်တသီႇ ကညီဖိမၤနံၣ်ထီၣ်သီ သၢဆံတသီ လါသလ့ၤႇ တၢ်ပၢၢ်ဆၢနံၤသ့ၣ်နီၣ်က့ၤ (Karen Revolution Day Jan 31.1949) လါထ့ကူ၁် ထီၣ်ယဲၢ်သီနံၤႇ ကညီဒီကလု၁်မုၢ်နံၤ (Karen National Union Day, Feb.5.1947) လါထ့ကူ၁် တဆံတသီႇ ကညီဖိဃ့ထံဃ့ကီၢ် (Feb.11.1948) လါသွ့ကီ သၢဆံတသီႇ ကညီဖးဖီမုၢ်စရီ (Karen Censuses) ပတံထီၣ်ဆူအဲကလံးႇ လံ၁်ဃံးဃ၁်ပ့ၣ်လိၣ်တဟံး တဆံလွံၢ်သီဖဲ လါချံႇ ဖုဘးအူကၠံဖီၣ်ထီၣ်လံ (14.April.1947) ခ့ၣ်အဲၣ်ယူၣ်အမူအဒါႇ ကညီခွဲးယ၁်ဟံးန့ၢ်သါ ဒ့ၣ်ညါ အလါမ့ၢ်တုၤဃီၤႇ အ့စ့ၣ်တၢ်ဒုးသ့ၣ်နီၣ်အီၤ (တၢ်ဒုးယံ၁် 111 သီ) ကညီဖိသးစၢ်ကရၢႇ မ့ၢ်ဝဲ ဒ့ၣ်ညါ ခံဆံသၢ (23.May - KYO Day) ကီၢ်သူလ့ၤမုၢ်နံၤပနီၣ်ႇ လါနွံပူၤအိၣ်စဲပနီၣ် (14.June.1949 Kaw Thoo Lei Day) ခ့ၣ်အၣ်စံၣ် အိၣ်ဖျဲၣ်ထီၣ်ခါ (KRC)ႇ မ့ၢ်ကတီၢ်ဖဲ လါနွံ ခါ လါဃိး ဂ့ၤကညီပ၁်ဒိၣ်ႇ မ့ၢ်ကီၢ်သူလ့ၤသုးမုၢ်ဒိၣ် ( 5.July.1949, KNLA...
တၢ်ပာ်ဖှိၣ်မၤလၤကပီၤသကိးကညီနံၣ်ထီၣ်သီဖဲအ့ဒယါနါႇ ကညီဖိအဂၤ ၈ဝဝ ဘျဲၣ်ဟဲထီၣ်မၤလၤကပီၤသကိး
ယနူၤအါရံၤ ၁၃သီႇ ၂ဝ၂ဝနံၣ်, နးစၢဒ့ထူခ့ၣ် ကညီဖိ (၈ဝဝ)ဘျဲၣ်လၢအအိၣ်လၢအ့ဒယါနါႇဝ့ၡခီၡၢၣ်ႇ ဒီးမဲၣ်ခၠံၣ်ကၣ်ကီၢ်စဲၣ်ပာ်ဖှိၣ်ထီၣ်အသးဒီးဟဲမၤလၤကပီၤဝဲဒၣ် ၂၇၅၉နံၣ် ကညီဒီကလုာ်အနံၣ်ထီၣ်သီအမူးဖဲအ့ဒယါနါကီၢ်စဲၣ်ႇ ဖီးဝ့အဝ့ၢ်ဖဲလါယနူၤအါရံၤ ၁၂သီ, ဖဲမဲးမ့လၢၣ်ၦၤ တဝၢအလီၢ်ခၢၣ်သးကရၢၢ် (McMillen Park Community Center) န့ၣ်လီၤ တၢ်မၤလၤကပီၤကညီနံၣ်ထီၣ်သီအမူးတၢ်ရဲၣ်တၢ်ကျဲၤအံၤ တၢ်စးထီၣ်အီၤဖဲ ၁၂ နၣ်ရံၣ်တုၤ ၅နၣ်ရံၣ်ဒီး ဖဲ ၁နၣ်ရံၣ်ဃၣ် ဃၣ်ဒီးစးထီၣ်ဝဲအဆိကတၢၢ်လၢကညီခွါဖိခံဂၤစိာ်ဃုာ်ဒီးကညီဒီကလုာ်အနီၣ်တယၢ်တဂၤႇ ဒီးအမဲရကၤကီၢ်စၢဖှိၣ်ထံ ကီၢ်အနီၣ်တယၢ်တဂၤႇ ဒီးၦၤဂဲၤကလံၣ်သးစၢ်မုၣ်ခွါဒီးခိၣ်နၢ်တဖၣ်ပိာ်ထီၣ်အခံဖဲတၢ်ဒ့သီၣ်အခါဝံၤၦၤဘၣ်မူဘၣ်ဒါတဖၣ် အူထီၣ်ကွဲၤန့ၣ်လီၤ မူးတၢ်ရဲၣ်တၢ်ကျဲၤၦၤဘၣ်မူဘၣ်ဒါအၦၤတဲတၢ်ပၢသရၣ်စိမိစံးဝဲႇ “တၢ်ပညိၣ်ခိၣ်သ့ၣ်မ့ၢ်တၢ်ဟံးဃာ်ပၢၤဃာ်က့ၤပတၢ် ဆဲး တၢ်လၤႇ တမ့ၢ်ပအဲၣ်ဒိးအီၣ်ကလုာ်ပၢထံအီၣ်ကီၢ်အဂီၢ်ဘၣ်. ဖိသၣ်တဖၣ်ကထံၣ်သ့ၣ်ညါက့ၤအတၢ်ဆဲးတၢ်လၤႇ တၢ်ဂဲၤ ကလံၣ်ႇ တၢ်သးဝံၣ်ႇ တနံၣ်အံၤတၢ်ဂဲၤကလံၣ်ဒိတအိၣ်ဘၣ်ခီဖျိ ပဃုဘၣ်ဖိသၣ်လၢကနုာ်လီၤဂဲၤကလံၣ်တၢ်လၢကဟ့ၣ် တၢ်ဆၢကတီၢ်န့ၣ်အကီဒိၣ်မးႇ နာ်က့လၢလါခူးကံၢ်စုခဲလၢာ်ပမုၢ်လၢ်လၢ တၢ်ဂဲၤကလံၣ်ဒိကအိၣ်ဝဲလီၤ.” အဂ့ၢ်စံးဝဲန့ၣ်လီၤ. အဝဲစံးစ့ၢ်ကီးဝဲလၢႇ မ့ၢ်တၢ်ဆဲးတၢ်လၤဒီးမူးလၢအကါဒိၣ်တခါႇ ဖိသၣ်ဟဲအိၣ်ဖျဲၣ်ထီၣ်ဖဲအံၤတဖၣ်ပမ့ၢ်သံကွၢ်က့ၤအဝဲ သ့ၣ်အလုၢ်အလၢ်တၢ်ဆဲးတၢ်လၤန့ၣ် တဲပၠးနၤတဘၣ်နီတဂၤႇ မ့မ့ၢ်ဖိသၣ်လၢဟဲဒိၣ်ထီၣ်ဖဲအံၤတဖၣ်ကသ့ၣ်ညါတဆံး တက့ၢ်ဘၣ်ဆၣ်တသ့ၣ်ညါဝဲဘၣ်န့ၣ် အိၣ်အါအဃိနံၣ်ထီၣ်သီအမူးအံၤအဝဲသ့ၣ်ကဟဲထံၣ်ဘၣ်ဝဲဒၣ်ပကညီဖိန့ၣ်အကူ အကၤဒ်အံၤႇ အီၣ်တၢ်အီၣ်ဒ်အံၤႇ ကတိၤတၢ်ဒ်အံၤႇ ဂဲၤကလံၣ်ဒ်အံၤႇ မ့တမ့ၢ်တၢ်အါတၢ်ဂီၢ်တၢ်လၢတၢ်ၦဲၤဘၣ်ဆၣ် ကသ့ၣ် ညါကထံၣ်ဘၣ်ဝဲလၢအီၤႇ...
မုၢ်လၢ်ဆၢထံၣ်က့ၤနၤဒံး
မုၢ်လၢ်ဆၢထံၣ်က့ၤနၤဒံး ================ သလ့ၤလါဖိထီၣ်တသီ သယုၢ်က့ၤယကီၢ်ကညီ ဘံၣ်လီၤမဲာ်ထံၣ်မှံက့ၤယဲ ကညီဖိလီၢ်ကိးပူၤဒဲး ဘုသိၣ်ခိၣ်ဖဲကစၢၢ်ဒိၣ် ထံထၣ်စွ့ကညီမိၢ်ဖိ ကွဲၢ်ကဘီဖျါဆိဃံလၤ ဖဲဃိၣ်လိာ်နံၤအကပၤ ၀့ၢ်ဖၣ်အၣ်ဒီး၀့ၢ်တီအူ တီနီၢ်လ့နီၣ်တယၢ်လူၢ် မုၢ်ဆဲးလီၤသူမွဲကျိယွၤ ဖဲကျိၣ်ယီၢ်လ့ကဒုလာ် ဆ့ပျိၢ်ဆ့ကံၣ်ဆ့မိၢ်သူ ခိၣ်နၢ်သိၣ်မှံၤဒီးသိၣ်ဒူ ပာ်ဖှိၣ်ထီၣ်သးတဖျၢၣ်ဃီ မၤလၤကပီၤနံၣ်ထီၣ်သီ ကညီဖိမိၢ်ထံးပၢ်ထံး ဖဲပအိၣ်လီၢ်ဘူးလီၢ်ယံၤ နံၤအံၤမ့ၢ်ဟဲတုၤအိၣ်ၦၤ ထိးဖှိၣ်ထီၣ်လိာ်က့ၤပသး ကညီဖိလၢဒူသ၀ီ နံၤက၀ဲၢ်ဒီးပျီၢ်ကဒီ ဖံဖုအီၣ်ယုာ်ဘုသီခိၣ် ကွဲကလၤကံၢ်စုသကိး ကျိၣ်သီၣ်မုာ်ကွဲၤသီၣ်သယုၢ် သီၣ်သြထူးထံလီၢ်ကီၢ်ပူၤ လၢတၢ်အဲၣ်ဖျါဃံဖျါလၤ မၤမုာ်ဘၣ်ၦၤကိးဂၤသး တဘျီဃီဖုးသ့ၣ်နီၣ်က့ၤ ဆၢထံၣ်က့ၤယကီၢ်သူလ့ၤ ခဲအံၤဘၣ်အိၣ်ယံၤဒီးနၤ တနံၤကထံၣ်လိာ်ပသး ကညီဖိပနံၣ်ထီၣ်သီ စိာ်ခီဒီးပၢၤဃာ်က့ၤအီၤ စိၤခဲအံၤဒီးခါဆူညါ ပာ်ဒိၣ်က့ၤပနံၣ်ပလါ ကညီဖိလၢလီၢ်ကိးပူၤ တနံၤအံၤဆၢဂ့ၤက့ၤသု နံၣ်ထီၣ်သီပစီၤထံယွၤ ထီဘိကမၤမုာ်နသး ဖဲကညီနံၣ်သီလါသီ သးခဲလၢာ်ပာ်တဖျၢၣ်ဃီ သူၣ်ထီၣ်က့ၤတၢ်အဲၣ်ကလုာ် ကိးဂၤလၢပသးကံၢ်ပူၤ သွံၣ်ကညီဖိဒ်သိးသိး တစၢၤဃီဟဲက့ၤသကိး ဖီတၢၣ်နီၣ်တယၢ်ခီၣ်ထံး မုၢ်လၢ်ဆၢထံၣ်က့ၤနၤဒံး အိၣ်တမှံၤကီၢ်အီစ်ြထ့လ်ယါႉႉႉသူလ့ၤနီၣ်မံၤဖိ
တၢ်ရှဲလဲဟီၣ်လာ်မ့ၣ်ပိၢ်တၢ်တိာ်ကျဲၤ အဂံၢ်စၢ်ဒံး၀ဲအဂ့ၢ်ၦၤအိၣ်ခိးကွၢ်စူၣ်တၢ်ကရူၢ်စံး၀ဲ
လါဒံၣ်စ့ဘၢၣ် ၁၉ သီႇ ၂၀၁၉ နံၣ်ႇ စီၤထိလ့ ကီၢ်ပယီၤပူၤအံၤန့ၣ်လၢတၢ်ကရှဲလဲက့ၤ၀ဲဟီၣ်လာ်မ့ၣ်ပိၢ်အတၢ်တိာ်ကျဲၤအံၤအဂီၢ်အဂံၢ်စၢ်ဒံး၀ဲဒၣ်အဂ့ၢ်န့ၣ် ၦၤဃုသ့ၣ်ညါ မၤလိမ့ၣ်ပိၢ်တဂၤလၢအမ့ၢ ်(Yeshua Moser Puangsuwan) အံၤ စံး၀ဲန့ၣ်လီၤႉ ဖဲလါဒံၣ်စ့ဘၢၣ် ၁၉ သီႇ ဂီၤခီ အနၣ်ရံၣ် ၁၀ တခီန့ၣ် ထံဂုၤကီၢ်ဂၤ တၢ်ခိးကွၢ်ဟုၣ်ကွၢ်စူၣ်ဟီၣ်လာ်မ့ၣ်ပိၢ်ကရူၢ် ICBL မၤ၀ဲ ၂၀၁၉ နံၣ်အဂီၢ် တၢ်ထုးထီၣ်ဘိးဘၣ်ရၤလီၤ လံာ်ဘိးဘၣ်ရၤလီၤမူး ဖဲ၀့ၢ်တကူၣ်ႇ ဘဟါကီၢ်ဆၣ်ႇရွ့ၣ်ကိၣ်တဲၣ်ကျဲႇ တီၣ်၀့ၣ်န့ဆံၣ်ဘျီၣ်ပူၤအကတီၢ် အ၀ဲစံး၀ဲန့ၣ်လီၤႉ အ၀ဲစံး၀ဲလၢ “ဒ်ၦၤအိၣ်ခိးကွၢ်စူၣ်တၢ်ကရူၢ်တဖၣ်အတၢ်ဘိးဘၣ်ရၤလီၤပူၤအသိးန့ၣ် ကီၢ်ပယီၤပူၤအံၤ ဘၣ်ဃးဒီး မ့ၣ်ပိၢ်န့ၣ် တၢ်ြတီဆၢတၢ်မၤတဖၣ် တၢ်မၤအီၤတုၤလီၤတီၤလီၤတအိၣ်ဘၣ်န့ၣ် အဲၣ်ဒိးစံးယဲလီၤႉ လၢခံတခါန့ၣ် ကီၢ်ပယီၤပူၤန့ၣ် ဘၣ်ဃးဒီးတၢ်ရှဲလဲ၀ဲမ့ၣ်ပိၢ်န့ၣ်တၢ်ပာ်ပနီၣ်ဃာ်၀ဲတၢ်ဖံးတၢ်မၤအကျိၤအကျဲႇပထံၣ်ဘၣ်လၢတၢ်မၤနီၣ်မၤဃါတအိၣ်ဒံးဘၣ်န့ၣ်လီၤႉ တၢ်လီၢ်လၢ မ့ၣ်ပိၢ်အိၣ်န့ၣ် ကဘၣ်ရှဲလဲက့ၤအီၤဒီးႇ တၢ်လီၢ်လၢရှဲလဲကံွာ်၀ဲမ့ၣ်ပိၢ်အလီၢ်န့ၣ် ပထံၣ်ဘၣ်လၢ တဟ့ၣ်ကဒါက့ၤ ထံဖိကီၢ်ဖိဘၣ်လီၤ” အဂ့ၢ်န့ၣ် စံးလီၤ၀ဲဒၣ်ဖဲ တၢ်မၤရှဲလဲ လံာ်ဘိးဘၣ်ရၤလီၤမူးအံၤန့ၣ်လီၤႉ လၢန့ၣ်အမဲာ်ညါ NCA အလံာ်ဃံးဃာ်အပူၤန့ၣ် ပာ်ဖျါဃာ်၀ဲလၢ ဘၣ်ထဲဒွီး ဟီၣ်လာ်မ့ၣ်ပိၢ်တဖၣ်န့ၣ် ပဒိၣ်...
ဘၣ်ကီဘၣ်ခဲကၠိသရၣ်တဖၣ် ဒီး တၢ်ကူၣ်ဘၣ်ကူၣ်သ့ၦၤဘၣ်မူဘၣ်ဒါတဖၣ်လဲၤဃုသ့ၣ်ညါကီၢ်ပူၤ တၢ်ကူၣ်ဘၣ်ကူၣ်သ့အတၢ်အိၣ်သး
လါဒံၣ်စ့ဘၢၣ် ၁၇ သီႇ ၂၀၁၉ နံၣ်ႇ စးအဲၣ်ဆူ ကီၢ်ကၠီၣ်တဲၣ်-ကီၢ်ပယီၤကီၢ်ဆၢမဲၢ်လးဘၣ်ကီဘၣ်ခဲဒဲက၀ီၤအပူၤ ကၠိသရၣ်ႇသရၣ်မုၣ် ဒီး တၢ်ကူၣ်ဘၣ်ကူၣ်သ့ ၦၤဘၣ်မူဘၣ်ဒါတဖၣ် လဲၤဃုသ့ၣ်ညါ၀ဲ ကီၢ်ပူၤတၢ်ကူၣ်ဘၣ်ကူၣ်သ့အတၢ်အိၣ်သး အတၢ်ရဲၣ်တၢ်ကျဲၤတခါဖဲလါဒံၣ်စ့ဘၢၣ် ၉ သီတုၤ ၁၁ သီန့ၣ်သ့ၣ်ညါဘၣ်လီၤႉ ဘၣ်ကီဘၣ်ခဲဒဲက၀ီၤပူၤ ဖိဒံဖိသၣ်တဖၣ်မ့ၢ်က့ၤ၀ဲဒၣ်လၢအ၀ဲသ့ၣ်အတၢ်လီၢ်တၢ်ကျဲကီၢ်ပယီၤအပူၤန့ၣ် လၢအ၀ဲသ့ၣ် တၢ်ကူၣ်ဘၣ်ကူၣ်သ့အဂီၢ် ဒ်သိးအိၣ်ကတဲာ်ကတီၤထီၣ်သးကသ့အဂီၢ်ႇဒ်သိးကသ့ၣ်ညါဘၣ်ကီၢ်ပူၤ တၢ်သိၣ်လိ တၢ်ကူၣ်ဘၣ်ကူၣ်သ့အကျိၤအကျဲတၢ်အိၣ်သးအဂီၢ် ဟဲဃုသ့ၣ်ညါတၢ်လီၤအဂ့ၢ်န့ၣ်ၦၤလၢအတီခိၣ်ရိၣ်မဲရဲၣ်ကျဲၤတၢ် လၢအမ့ၢ် စီၤခဲလၢာ် စံး၀ဲဒ်အံၤလီၤႉ အ၀ဲစံး၀ဲလၢ “ဘၣ်ဃးဒီးတၢ်ကူၣ်ဘၣ်ကူၣ်သ့န့ၣ် လၢကီၢ်ပူၤတကပၤန့ၣ်မ့ၢ်အသိၣ်လိ၀ဲဒ်လဲၣ်ႉဘၣ်ဃး တၢ်ကူၣ်ဘၣ်ကူၣ်သ့တကပၤအတၢ်ပၢဆှၢရဲၣ်ကျဲၤအိၣ်ဒ်လဲၣ်ႉအလံာ်ညိၣ်သိၣ်ဒိၣ်မ့ၢ်ဒ်လဲၣ်ႇဘၣ်ကီဘၣ်ခဲကၠိဖိတဖၣ် ဒ်သိးအိၣ်ကတဲာ်ကတီၤထီၣ်အသးကသ့အဂီၢ် ပမ့ၢ်ဘၣ်သးက့ၤအိၣ်လၢပတၢ်လီၢ်တၢ်ကျဲမ့ၢ်အိၣ်ဘၣ်ဖုးန့ၣ် ပကဘၣ်အိၣ်ကတဲာ်ကတီၤထီၣ်ပသးဒ်လဲၣ်န့ၣ် မ့ၢ်၀ဲဒၣ်အတၢ်ပညိၣ်လီၤ” အဂ့ၢ်န့ၣ်စံးဘၣ်ခ့ၣ်အဲးစံၣ်လီၤႉ Adventist Development and Relief Agency (ADRA) ရဲၣ်ကျဲၤတီခိၣ်ရိၣ်မဲမၤ၀ဲ တၢ်ဃုသ့ၣ်ညါလၢ ၄ သီအတီၢ်ပူၤန့ၣ်ဘၣ်ကီဘၣ်ခဲဒဲက၀ီၤ ကၠိသရၣ် သရၣ်မုၣ် ၁၅ ဂၤႇကညီဘၣ်ကီဘၣ်ခဲတၢ်ကူၣ်ဘၣ်ကူၣ်သ့ကမံးတံာ် (KRCEE)˜ Save the Children˜ ADRA ဃုာ်ဒီးခၢၣ်စးၦၤဘၣ်မူဘၣ်ဒါတဖၣ်ပာ်ဖှိၣ်ခဲလၢာ် ၂၄ ဂၤလဲၤဃုသ့ၣ်ညါ တၢ်န့ၣ်လီၤႉ တၢ်လဲၤဃုသ့ၣ်ညါအတၢ်လဲၤကျဲအံၤလူၢ်ပျဲၢ်ကီၢ်ဆၣ် ဒီး ဖၣ်အၣ်ကီၢ်ဆၣ်အပူၤပဒိၣ်အကၠိတဖၣ်ႇ...