ပယီၤသုး ဟးဃုသ့ၣ်ညါတၢ်ဒီးြဒိ (Drone) ကဘီယူၤအဖီခိၣ် KNU ထီဒါ၀ဲ
လါယနူၤအါရံၤ ၂၃ သီႇ ၂၀၂၀ နံၣ်ႇ စးအဲၣ်ဆူ ပယီၤသုးပဒိၣ် ဟးဃုသ့ၣ်ညါတၢ်ဒီး ြဒိ (Drone) ကဘီယူၤအဂ့ၢ်န့ၣ် ဖဲလါယနူၤအါရံၤ ၂၁ သီအနံၤ KNU ကညီဒီကလုာ်စၢဖှိၣ်ကရၢ သုးက့ (၅) ဆှၢထီၣ်၀ဲလံာ်တၢ်ထီဒါအံၤဆူ ကညီကီၢ်စဲၣ် တၢ်ခိးကွၢ်ဟုၣ်ကွၢ်စုၣ် သဃဲၤတၢ်ပတုာ်တၢ်ခး ကမံးတံာ် (JMC-s) အအိၣ်န့ၣ်လီၤႉ စးထီၣ်လၢအပူၤကံွာ် ၂၀၁၈ နံၣ်လံၤလံၤန့ၣ် ပယီၤသုးတဖၣ် ဟဲဃုသ့ၣ်ညါ၀ဲ အ၀ဲသ့ၣ်သုးရ့ၣ်၀ဲၤလီၢ်သ့ၣ် အံၤ ႇခံနွံတဘျီဟဲဃုသ့ၣ်ညါ၀ဲတၢ်ဒီး တၢ်ဖံးတၢ်မၤဒ်အံၤ မၤပျံၤမၤဖုး၀ဲဒၣ်ကမျၢၢ်ဒီး သုးတၢ်ဘံၣ်ဘၢ အသိးႇ မၤဟးဂီၤ၀ဲဒၣ်ခံခီယၢ်ပၤတၢ်နာ်န့ၢ်လိာ်သးလီၤအဂ့ၢ်န့ၣ် ခ့ၣ်အဲၣ်ယူၣ် သုးက့(၅) ၀ဲၤဒၢးခိၣ် သုးခိၣ်ဒိၣ်ဖိ စီၤကျၢၤဒိၣ် စံး၀ဲဒၣ်လီၤႉ အ၀ဲစံး၀ဲလၢ “အါဒၣ်တက့ၢ် ပထံၣ်ဘၣ်လၢအ၀ဲသ့ၣ်ပျၢ်ထီၣ်၀ဲဒၣ်ဖဲ မုၢ်နၤခီႉ အပူၤကွံာ် ၂၀၁၈ နံၣ်အခါန့ၣ် တဘျီႇ ဟဲ၀ဲဒၣ်ခံဘျီလီၤႉ အခဲအံၤစးထီၣ်ဖဲ ၂၀၁၉ နံၣ်န့ၣ် ဟဲအါထီၣ်၀ဲလီၤႉ တၢ်လီၢ်လၢပသုးရ့ၣ်အိၣ်သုးတၢ်လီၢ်ႇ အါဒၣ်တက့ၢ်န့ၣ် ဟဲ၀ဲဒၣ်လၢသုးက့တၢ်လီၢ်တဖၣ်လီၤႉ ဖဲကဘီယူၤယူၤ၀ဲဒၣ်လၢတၢ်ဖီခိၣ်အဆၢကတီၢ် သ၀ီဖိတဖၣ်ဒိဃာ်၀ဲ...
မယ့ကိသ၀ီ တီၣ်ကလ့ကစၢၢ်ခီၣ်ထံးန့ၣ် ညၣ်တဖၣ်သံအါအါဂီၢ်ဂီၢ်
လါယနူၤအါရံၤ ၂၁ သီႇ ၂၀၂၀ နံၣ်ႇ နါ၀့ၤဖၠိစၣ် ကညီကီၢ်စဲၣ်ႇ ဖၣ်အၣ်ကီၢ်ဆၣ် ဃိၣ်လိာ်ကျိမုၢ်နုာ်တပၤ တၢ်လီၢ်လၢထံထီၣ်သူကဲထီၣ်အသးလၢအမ့ၢ် မယ့ကိသ၀ီ တီၣ်ကလ့ကစၢၢ်ခီၣ်ထံးကပၤကမါအပူၤန့ၣ် ညၣ်သ့ၣ်တဖၣ်သံ၀ဲဒၣ်အါအါဂီၢ်ဂီၢ်ကဲထီၣ်သးလၢ တၢ်တသ့ၣ်ညါထွဲ တၢ်ဂ့ၢ်တၢ်ကျိၤဘၣ်အဂ့ၢ်န့ၣ် လီၢ်က၀ီၤသ၀ီဖိတဖၣ်စံးဘၣ်ခ့ၣ်အဲးစံၣ်လီၤႉ ဖဲအပူၤကွံာ်တနွံဘျဲၣ်အခါန့ၣ် လၢထံကမါပူၤန့ၣ် ထံသ့ၣ်တဖၣ်အသဘှဲဟဲထီၣ်၀ဲဒၣ်ဒီးႇ အလွဲၢ်စ့ၢ်ကီးဆီတလဲ အသးအိၣ်၀ဲအလီၢ်ခံႇ ညၣ်သ့ၣ်တဖၣ်သံ၀ဲတပယူာ်ဃီဟဲအိၣ်ထီၣ်၀ဲလီၤအဂ့ၢ်န့ၣ် မယ့ကိသ၀ီ လီၢ်က၀ီၤဖိတဂၤလၢအမ့ၢ် အူသါအ့ စံး၀ဲဒ်အံၤလီၤႉ “ညၣ်တဖၣ်သံ၀ဲန့ၣ် အိၣ်၀ဲလွံၢ်သီလံဒီး အခီၣ်ထံးပဆိကမိၣ်လၢ ညၣ်အဒိၣ်တဖၣ်န့ၣ်အီၣ်၀ဲညၣ်ဖိအဃိ ညၣ်ဖိတဖၣ် သံ၀ဲလီၤႉ အခဲအံၤတနံၤအံၤ ညၣ်အဒိၣ်တဖၣ်သံ၀ဲဒၣ် ၃ ပီၢ်ဘျဲၣ်ညါအဃိႇ တၢ်အံၤလီၤဆီ၀ဲဒၣ်လီၤႉ ပပာ်သူၣ်ပာ် သးန့ၣ် ထံအသဘှဲထီၣ်အံၤအိၣ်၀ဲဒၣ် ၁၅ သီလံႉ ထံအဖီခိၣ်န့ၣ်အသဘှဲတဖၣ် ဖျါ၀ဲဒ်သိးဒီးသိချါဒီးအသဘှဲ တဖၣ်အလွဲၢ်န့ၣ် ဘီ၀ဲလီၤႉ အခဲအံၤကမါပူၤထံတဖၣ်ပထုးထီၣ်ကွံာ်၀ဲဒၣ်လီၤႉ ပက့ၤထၢနုၤက့ၤထံလၢအဂ့ၤတဖၣ်လီၤႉ တၢ်အိၣ်သးအိၣ်ဒ် လဲၣ်န့ၣ်တသ့ၣ်ညါဘၣ်လီၤ” အဂ့ၢ်န့ၣ်အ၀ဲစံး၀ဲလီၤႉ ထံကမါပူၤလၢထံလၢအတဂ့ၤတဖၣ်န့ၣ် တနံၤအံၤတၢ်ထုးထီၣ်ကွံာ်လၢတၢ်ချၢ၀ံၤအလီၢ်ခံႇ ခီဖျိလၢ တၢ်က့ၤထၢနုၤက့ၤထံ လၢအသီအဃိ မ့ၢ်ညၣ်သ့ၣ်တဖၣ်ကဆဲးသံအိၣ်တအိၣ် ကဘၣ်ခိးကွၢ်၀ဲန့ၣ်လီၤအဂ့ၢ်န့ၣ် အူသါအ့စံးၦဲၤ၀ဲန့ၣ်လီၤႉ တီၣ်ကလ့ကစၢၢ်ခီၣ်ထံး ထံကမါအံၤန့ၣ်အသးနံၣ်အိၣ်၀ဲဒၣ်လၢ အနံၣ် ၃၀...
မၠဲၣ်ကလ့ဂာ်လၢၢ်ကမူၣ်စဲးဖီကဟၣ်တၢ်မၤလီၢ် တၢ်သူ၀ဲလၢၢ်သွဲၣ်လးအံၤ တၢ်ကမၤပတုာ်ကံွာ်အီၤအဂီၢ် တၢ်မၤ၀ဲတၢ်ဃ့ဘါထုကဖၣ်
လါယနူၤအါရံၤ ၁၇ သီႇ ၂၀၂၀ နံၣ်ႇ စီၤရှါ ဖၣ်အၣ်၀့ၢ်မုၢ်နုာ်တပၤ မၠဲၣ်ကလ့ဂာ်လၢၢ်ကမူၣ်လၢအအိၣ်ဘူးဒီးနၣ်ကိသ၀ီအံၤႇ တၢ်သူ၀ဲလၢၢ်သဲွၣ် လးတဖၣ် အံၤ တၢ်ကပတုာ်ကွံာ်အီၤအဂီၢ် မုၢ်လၢ်၀ဲဒီးတၢ်မၤ၀ဲတၢ်ဃ့ဘါထုကဖၣ် တၢ်ရဲၣ်တၢ်ကျဲၤ တခါဖဲ လါယနူၤ အါရံၤ ၁၇ သီႇ ဖဲဘါကၣ်ဒူသ၀ီကရူၢ်ႇ နၣ်ကိသ၀ီပူၤန့ၣ်လီၤႉ တနံၤအံၤတၢ်မၤ၀ဲတၢ်ဃ့ဘါထုကဖၣ်အံၤ တၢ်သူ၀ဲဂာ်လၢၢ်ကမူၣ်ဒီး တၢ်ကလဲၤတရံး၀ဲဂာ်လၢၢ်ကမူၣ် စဲးဖီကဟၣ်အံၤ ဒ်သိးသုတကဲထီၣ်တဂ့ၤအဂီၢ်ဒီး မ့ၢ်ကဲထီၣ်ဘၣ်ဖုးန့ၣ် လ့ၤတက့ၤတၢ်ကဘၣ် ပတုာ်၀ဲအဂီၢ်ႇ မုၢ်လၢ်၀ဲဒီး တၢ်မၤ၀ဲဒၣ်တၢ်ဃ့ဘါထုကဖၣ်လီၤအဂ့ၢ်န့ၣ် ၦၤလၢအတီခိၣ်ရိၣ်မဲ တၢ်တဂၤလၢအမ့ၢ် ယသ့ၣ်ပၠၣ်သ၀ီဖိ စီၤခီပထီၣ် စံး၀ဲဒၣ်လီၤႉ ဘါကၣ်သ၀ီကရူၢ်ႇ နၣ်ကိသ၀ီပူၤ တနံၤအံၤတၢ်မၤ၀ဲတၢ်ဃ့ဘါထုကဖၣ်အတၢ်ရဲၣ်တၢ်ကျဲၤအံၤႇ ကညီ ကီၢ်စဲၣ်ႇ ဖၣ်အၣ်ကီၢ်ဆၣ်ပူၤ ဒူသ၀ီလၢအအိၣ်ဘူးဒီး မၠဲၣ်ကလ့ တၣ်(၄ႇ၀၀၀) ဂာ်လၢၢ်ကမူၣ် စဲးဖီကဟၣ်တၢ်မၤလီၢ်အံၤတဖၣ်န့ၣ် ခီဖျိလၢထံတဖၣ်ထီၣ်သူအဃိ တၢ်လၢအလိၣ်ဘၣ်သူ၀ဲကိးနံၤ ဒဲးလၢအမ့ၢ် ထံလၢကသူအီၤအဂီၢ်ဒီး ၦၤတ၀ၢမုၢ်ကျိၤ၀ဲၤကွာ် တၢ်ကီတၢ်ခဲတဖၣ်အံၤ ဖဲ ၂၀၁၉ နံၣ် စးထီၣ်လၢ လါအီးကထိဘၢၣ် တုၤလၢတနံၤအံၤ ဘၣ်သဂၢၢ်ဘၣ်ဒီးတၢ်ကီတၢ်ခဲအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ လၢတၢ်န့ၣ်အဃိ...
ပယီၤသုးလၢအလဲၤအိၣ်ဆီလီၤအသးလၢ မိၣ်ကီၢ်သီပၣ်တံၣ်တၢ်လီၢ်တဖၣ် ထုးကွံာ်အသး
လါယနူၤအါရံၤ ၁၆ သီႇ ၂၀၂၀ နံၣ်ႇ စီၤမၠၣ်အူသၣ် ပယီၤသုးမုၢ်ဒိၣ်လၢအလဲၤအိၣ်ဆီလီၤအသးဖဲ ကီၢ်ကၠီၣ်တဲၣ်–ကီၢ်ပယီၤကီၢ်ဆၢ ဃိၣ်သၢဖျၢၣ်၀့ၢ် ကလံၤထံး ယပၣ်ထံကမျၢ (ဂျပန်ေရတွင်း) သ၀ီ မိၣ်ကီၢ်သီပၣ်တံၣ် (NMSP) ဟ့ၣ်သၣ်တဲၣ် တြဲၤတၢ်လီၢ်န့ၣ် ဖဲ လါယနူၤအါရံၤ ၁၃ သီအနံၤ မုၢ်ဟါလီၤအဆၢကတီၢ်န့ၣ် ထုးကွံာ်အသးလံအဂ့ၢ်န့ၣ် မိၣ်ကီၢ်သီပၣ်တံၣ် လီၢ်ခၢၣ်သးကမံးတံာ်ဖိ နဲၣ်အၣ်ကၣ် စံးဘၣ် ခ့ၣ်အဲးစံၣ်လီၤႉ ကၠၤအ့စ့ၣ်ကၠံကီၢ်ဆၣ် ယပၣ်ထံကမျၢလၢအဘူးဒီးမိၣ်ကီၢ်သီပၣ်တံၣ်သုးတၢ်လီၢ်အံၤႇ ဖဲအပူၤကွံာ် လါနိၣ်၀့ဘၢၣ် ၂၇ သီအနံၤ ဂီၤခီအဆၢကတီၢ်န့ၣ် မိၣ်ကီၢ်သီပၣ်တံၣ် ဒီး သုးမုၢ်ဒိၣ်တဖၣ် တၢ်ခးလိာ်သးကဲထီၣ်သးအကတီၢ် ကီၢ်ပယီၤ သုးမုၢ်ဒိၣ်တဖၣ် ဟဲပာ်လီၤ၀ဲအသုးတဖၣ် တုၤလၢဟ့ၣ်သၣ်တဲၣ်ြတီၤတၢ်လီၢ်န့ၣ်လီၤႉ လၢထံကီၢ်ဒီဘ့ၣ်တၢ် ပတုာ်တၢ်ခးအလံာ်ဃံးဃာ် NCA ဒီး တၢ်ဆီလီၤပာ်လီၤ သုးအလီၢ်ကျဲအသိး ထုးကံွာ်ကဒါက့ၤသုး လီၤအဂ့ၢ်န့ၣ် NMSP လီၢ်ခၢၣ်သးကမံးတံာ်ဖိ နဲၣ်အၣ်ကၣ် စံး၀ဲဒၣ်ဖဲ လါယနူၤအါရံၤ ၁၅ သီအနံၤ န့ၣ်လီၤႉ အ၀ဲစံး၀ဲလၢ “ကီၢ်ပယီၤသုးမုၢ်ဒိၣ်တပၤ ဖဲ...
ကီၢ်ဆၢဂ့ၢ်၀ီဘံၣ်ဘၢကိတိာ်လံာ်ထီဒါအဖီခိၣ် ကဘှါဆှဲ ဒ် JMC အကျိၤအကျဲအသိးလီၤ
လါယနူၤအါရံၤ ၁၅သီႇ ၂၀၂၀ နံၣ်ႇ စီၤရှါ ကညီကီၢ်စဲၣ်ႇ တၢ်ဘံၣ်တၢ်ဘၢ ဒီး ကီၢ်ဆၢဂ့ၢ်၀ီကိတိာ် စံး၀ဲလၢ တၢ်ထၢသုးသီဒီး ကဲွးဆှၢထီၣ်လံာ်ဒီဒါတၢ်ဂ့ၢ်အံၤန့ၣ် ပကဘှါဆှဲအီၤဒ်တၢ်ကွၢ်ဟုၣ်ကွၢ်စူၣ် သဃဲၤတၢ်ပတုာ်တၢ်ခးကမံးတံာ် JMC အသိးလီၤအဂ့ၢ်န့ၣ် KNU ကညီဒီ ကလုာ်စၢဖှိၣ်ကရၢ လဲဘွဲကီၢ်ဆၣ် ၦၤပၢၤလီၢ်ဆ့ၣ်နီၤ ပဒိၣ်စီၤအဲၣ်ထံကီၢ် စံးဘၣ်ခ့ၣ်အဲးစံၣ်လီၤႉ ဖဲလါယနူၤအါရံၤ ၁၃ သီအနံၤ ကညီကီၢ်စဲၣ်ပဒိၣ် တၢ်ဘံၣ်တၢ်ဘၢဒီး ကီၢ်ဆၢဂ့ၢ်၀ီကိတိာ်၀ဲၤဒၢး ကီၢ်ဆၢဂ့ၢ်၀ီဘံၣ်ဘၢကိတိာ် သုးခိၣ်ဒိၣ်ဖိ မၠိမ့နီၣ် ဆဲးလီၤ၀ဲစုမုၢ်ကျၢၢ်ဒီး ဆှၢထီၣ်၀ဲလံာ်ထီဒါဆူ JMC-S အအိၣ်၀ံၤအလီၢ်ခံ ပဒိၣ်စီၤအဲၣ်ထံကီၢ် စံးဘၣ် ၀ဲဒၣ်ဖဲတနံၤအံၤ လါယနူၤအါရံၤ ၁၅ သီ အနံၤန့ၣ်လီၤႉ “KNU လူၢ်ပျဲၢ်ကီၢ်ဆၣ်တပၤ ပဘၣ်တဲတၢ်လီၤလီၤဆီဆီဒုတအိၣ်နီတမံၤဘၣ်ႉ တၢ်ဂ့ၢ်အံၤ ကီၢ်ရ့ၣ်ႇ သုးက့ တဖၣ် အတၢ်ဆၢတဲာ်ဒီးအတၢ်ဖံးတၢ်မၤတဖၣ်လီၤႉ ကဒိးသန့ၤထီၣ်အသးလၢ ပခိၣ်နၢ်လၢတၢ်ဖီခိၣ်တဖၣ် လီၤဆီဒၣ်တၢ် JMC ခိၣ်နၢ်တဖၣ် အတၢ်ပာ်သးအဖီခိၣ်လီၤႉ ကိးဘျီဒဲးစ့ၢ်ကီး ကီၢ်ဆၢဂ့ၢ်၀ီဘံၣ်ဘၢကိတိာ် ဃုာ်ဒီး...
ပဒိၣ်သုးတၢ်တ့ကျဲအတၢ်တိာ်ကျဲၤအံၤအဖီခိၣ် မုၢ်ြတီၤလီၢ်က၀ီၤဖိတဖၣ် ထီဒါ၀ဲဒီးပာ်ဖျါထီၣ်အတၢ်ဘၣ်သး
လါယနူၤအါရံၤ ၁၅ သီႇ ၂၀၂၀ နံၣ်ႇ စးအဲၣ်ဆူ မုၢ်ြတီၤကီၢ်ရ့ၣ်ဟီၣ်က၀ီၤအပူၤ ခီဖျိလၢပယီၤသုးတဖၣ်တ့ကျဲအဃိ ဖဲလါယနူၤအါရံၤ ၁၅ သီ အနံၤန့ၣ် မုၢ်ြတီၤ (ဖၣ်ပူၣ်)ကီၢ်ရ့ၣ်ႇ လူၢ်သီႇ ဘုသိၣ် ဒီး ဒွဲၣ်လိ ဃုာ်ဒီးကီၢ်ဆၣ်ဒူသ၀ီအဂၤတဖၣ်စုာ်စုာ်ႇ လီၢ်က၀ီၤဖိတဖၣ် ထီဒါဒီး မၤ၀ဲဒၣ်တၢ်ပာ်ဖျါထီၣ်တၢ်ဘၣ်သးတၢ်ရဲၣ်တၢ်ကျဲၤတဖၣ် တဘျီဃီအဂ့ၢ်န့ၣ်သ့ၣ်ညါဘၣ်လီၤႉ ခီဖျိလၢပယီၤသုးတဖၣ်တၢ်ခူၣ်ကျဲအဃိ လီၢ်က၀ီၤဖိတဖၣ်တၢ်လုၢ်အီၣ်နီၢ်ခိသးသမူ ဒီး တၢ်ဘံၣ်တၢ်ဘၢအဂီၢ်ႇ တၢ်ဘၣ်ယိၣ်ဘၣ်ဘှီအိၣ်၀ဲဒၣ်အဃိ ဘၣ်တၢ်မၤ၀ဲတၢ်ပာ်ဖျါထီၣ်တၢ်ဘၣ်သးအံၤလီၤအဂ့ၢ်န့ၣ် လၢတၢ်ပာ်ဖျါထီၣ်သးအပူၤ ၦၤလၢအပၣ်ဃုာ်တီခိၣ်ရိၣ်မဲတၢ်တဂၤလၢအမ့ၢ် စီၤအဲၣ်စ့ စံး၀ဲဒ်အံၤလီၤႉ အ၀ဲစံး၀ဲလၢ “ထံရူၢ်ကီၢ်သဲးတၢ်တၢၣ်ပီၣ်တဲသကိးပူၤ တၢ်အုၣ်ကီၤသးတအိၣ်၀ဲဒၣ်နီတမံၤဒံးဘၣ်အဖီခိၣ်ႇ ပယီၤပဒိၣ် တဖၣ်မ့ၢ်ဂ့ၤ ပယီၤသုးတဖၣ်မ့ၢ်ဂ့ၤ တၢ်တ့ကျဲအံၤ ပတလိၣ်ဘၣ်၀ဲဒၣ်ဘၣ်လီၤႉ တံရူၢ်ကီၢ်သဲးတၢ်အုၣ်ကီၤသးဒီး ဒံၣ်မိၣ်ြခ့ၣ်စံၣ်ကီၢ်စၢဖှိၣ်မ့န့ၢ်မး ပ၀ဲသ့ၣ်တဖၣ်ကျဲဖးဒိၣ်တဘိအံၤ ပကစၢ်ဒၣ်၀ဲပတ့သ့၀ဲဒၣ်လီၤႉ ပ၀ဲသ့ၣ်တဖၣ် ပတၢ်လိၣ်ဘၣ်တခီန့ၣ် တမ့ၢ်ကျဲဘၣ်ႉ ထံရူၢ်ကီၢ်သဲးတၢ်အုၣ်ကီၤသး ဒီး နီၢ်ကစၢ်တၢ်စံၣ်ညီၣ်ပၢလီၤသးန့ၣ်လီၤ” အဂ့ၢ်န့ၣ်စံး၀ဲဒၣ်လီၤႉ တၢ်ထီဒါတၢ်ပာ်ဖျါထီၣ်တၢ်ဘၣ်သးအံၤ ကီၢ်ဆၣ် (၃)ဘ့ၣ် ဒူသ၀ီကမျၢၢ်ခိၣ်နၢ်တဖၣ်တီခိၣ်ရိၣ်မဲ၀ဲဒၣ်ဒီး လူၢ်သီကီၢ်ဆၣ်လၢအမ့ၢ် ၀ၣ်သူၣ်ဒၢႇ ပ့က့ႇ ကီၤလူၢ်ဒၢႇ ဖှးဂီၤ ပလီ ဒီး...
ကၠီၣ်တဲၣ် ြတီဃာ်၀ဲတၢ်ဆှၢဘုခ့ချံအဃိ ၦၤသူၣ်ဘုခ့ဖိတဖၣ် သဂၢၢ်ဘၣ်ဒီးတၢ်ကီတၢ်ခဲ
လါယနူၤအါရံၤ ၁၃ သီႇ ၂၀၂၀ နံၣ်ႇ ခ့ၣ်အဲးစံၣ် ဖဲကီၢ်ဆၢြတဲၤတဖၣ်တပတီၢ် တၢ်ဆှၢ၀ဲဘုခ့လၢအတဖိးသဲစးတဖၣ်န့ၣ် အပူၤကွံာ်စးထီၣ်လၢလါနိၣ်၀့ဘၢၣ် တုၤလၢအခဲအံၤတစုႇ ခီဖျိလၢကီၢ်ကၠီၣ်တဲၣ်ပဒိၣ်တဖၣ်ြတီဃာ်၀ဲဒၣ်အဃိ ကီၢ်ကၠီၣ်တဲၣ်–ကီၢ်ပယီၤကီၢ်ဆၢႇ ကညီကီၢ်စဲၣ် တီနီၢ်မုၢ်ထီၣ်တပၤႇ မၠၣ်၀တံၣ်ကီၢ်ရ့ၣ် လီၢ်က၀ီၤဖိလၢအသူၣ်ဘုခ့တဖၣ် သဂၢၢ်ဘၣ်ဒီးတၢ်ကီတၢ်ခဲအဂ့ၢ်န့ၣ် လီၢ်က၀ီၤဖိတဖၣ်စံး၀ဲလီၤႉ ကီၢ်ကၠီၣ်တဲၣ်သုးခိးကီၢ်ဆၢတြီဃာ်၀ဲလၢ လီၢ်က၀ီၤဖိလၢအကူၣ်လဲၤမၤကၤတၢ်လၢ အဆှၢ၀ဲဘုခ့တဖၣ်လၢ အတဖိးသဲစး တဖၣ်အဖီခိၣ်ႇ တုၤလၢအခဲအံၤထိၣ်ဃူထိၣ်ဖိး၀ဲတန့ၢ်ဒံးဘၣ်န့ၣ်လီၤႉလၢတၢ်န့ၣ်အဃိ လီၢ်က၀ီၤသ၀ီဖိတဖၣ် ဟံၣ်ဖိဃီဖိ တၢ်လဲၤတရံးအဂီၢ်ႇ သဂၢၢ်ဘၣ်၀ဲဒၣ်ဒီးတၢ်ကီတၢ်ခဲအကလုာ်ကလုာ်လီၤ အဂ့ၢ်န့ၣ် သ့ၣ်ဘီဘိသ၀ီ ၦၤသူၣ်ဘုခ့တဂၤ လၢအမ့ၢ် စီၤတိတိးစံး၀ဲလီၤႉ အ၀ဲစံး၀ဲလၢ “ပ၀ဲလီၢ်က၀ီၤဖိတဖၣ်ဒီး ၦၤလၢန့ၣ်(ကီၢ်ကၠီၣ်တဲၣ်ဖိ)တပၤတဖၣ် မၤသကိးတၢ်ဖံးတၢ်မၤလီၤႉ အ၀ဲသ့ၣ် ကီၢ်ကၠီၣ်တဲၣ်န့ၣ်အဲၣ်ဒိး၀ဲလၢ ကဆှၢ၀ဲလၢအဖိးသဲစးႉ တၢ်အဃိန့ၣ် ကမျၢၢ်လၢအအိၣ်ဖဲအံၤတဖၣ် သဂၢၢ်ဘၣ်၀ဲဒၣ် ဒီးတၢ်ကီတၢ်ခဲလီၤႉ ဘၣ်ဆၣ်သနာ်က့ အ၀ဲသ့ၣ်ထိၣ်ဃူထိၣ်ဖိး၀ဲအဖၢမုၢ်လီၤႉ တုၤလၢအခဲအံၤ တဘၣ်လီၢ်ဖိးဒ့ဒံးဘၣ်လီၤ” အဂ့ၢ်န့ၣ်စံးဘၣ်ခ့ၣ်အဲးစံၣ်လီၤႉ မၠၣ်၀တံၣ်ကီၢ်ရ့ၣ်ႇ တီနီၢ်မုၢ်ထီၣ်တပၤ ဖလူတၢ်လီၢ်တုၤလၢ၀ီၤလ့ၤတၢ်လီၢ်အံၤန့ၣ် လီၢ်က၀ီၤသ၀ီဖိတဖၣ် အါဒၣ်တက့ၢ်န့ၣ် သူၣ်၀ဲဒၣ်ဘုခ့အသိးႇ ကီၢ်ကၠီၣ်တဲၣ်လီၢ်က၀ီၤဖိတဖၣ်စ့ၢ်ကီး ဟဲပနံးကၤတၢ်ဒီးဟဲသူၣ်အီၣ်ဖျးအီၣ်တၢ်လၢကီၢ်ပယီၤ တပၤအိၣ်၀ဲစ့ၢ်ကီးန့ၣ်လီၤႉ တၢ်ဆှၢ၀ဲဘုခ့ချံအံၤ အပူၤကွံာ် လီၢ်က၀ီၤၦၤဘၣ်မူဘၣ်ဒါတဖၣ်န့ၣ် ဟံးန့ၢ်၀ဲတၢ်နၢ်ပၢၢ်လိာ်သးတဂၤဒီးတဂၤဒီးႇ တၢ်ဆှၢ၀ဲဘုခ့ချံအံၤန့ၣ်လီၤႉ...
ၦၤကွးရီဘၢၣ်ဖိတဂၤ ယီၢ်ဘၣ်၀ဲမ့ၣ်ပိၢ်
လါယနူၤအါရံၤ ၁၂ သီႇ ၂၀၂၀ နံၣ်ႇ ခ့ၣ်အဲးစံၣ် ဖၣ်ပူၣ်ကီၢ်ဆၣ် ကၣ်ညံၣ်နီၣ်သ၀ီ ၦၤသ၀ီဖိတဂၤ တနံၤအံၤဂီၤခီအဆၢကတီၢ် ဖဲအကလဲၤကွးရီ ဘၢၣ်ဒီးလဲၤ၀ဲ အဆၢကတီၢ်န့ၣ် ဘၣ်၀ဲဒီးမ့ၣ်ပိၢ်အဃိ အခီၣ်လၢအစ့ၣ်တပၤဘၣ်ဒိ၀ဲဒၣ်ဒီး အခဲအံၤကူစါယါဘျါအသး လၢဖၣ်အၣ်တၢ်ဆါဟံၣ်အဂ့ၢ်န့ၣ် ခ့ၣ်အဲးစံၣ်ဒိးန့ၢ်ဘၣ်တၢ်ကစီၣ်လီၤႉ မၠဲၣ်ကၠံငူၣ် တၢ်ဆါဟံၣ်ၦၤမၤတၢ်ဖိဒီး ၦၤလၢအအိၣ်ဘူးဖဲန့ၣ်တဂၤစံး၀ဲလၢ “တဂီၤအံၤ ၃ နၣ်ရံၣ် ၃၀ မံးနံး အဆၢကတီၢ်န့ၣ်ႇ ၦၤကွးရီဘၢၣ်ဖိဘၣ်၀ဲဒၣ်ဒီးမ့ၣ်ပိၢ်လီၤႉ အလဲၤန့ၣ်ပၣ်၀ဲဒၣ်ဒီးအသကိးတဂၤလီၤႉ ဘၣ်၀ဲဒၣ်ဒီးမ့ၣ်ပိၢ်တခီန့ၣ် ဘၣ်၀ဲထဲတဂၤလီၤႉ ဘၣ်၀ံၤတဘျီဃီန့ၣ် တၢ်လဲၤဆှၢဆိအီၤဆူမၠဲၣ်ကၠံငူၣ်တၢ်ဆါဟံၣ်လီၤႉ အခဲအံၤလဲၤတုၤ၀ဲဒၣ်လၢဖၣ်အၣ်တၢ်ဆါဟံၣ်လံလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ ၦၤလၢအဘၣ်ဒီးမ့ၣ်ပိၢ်တဂၤလၢအမ့ၢ် အူမီၣ်အိတ့ၣ် အသးနံၣ်အိၣ်၀ဲ ၄၆ နံၣ်ႇ အ၀ဲမ့ၢ်ကၣ်ညံၣ်နီၣ်သ၀ီဖိတဂၤဒီး ယီၢ်ဘၣ်၀ဲမ့ၣ်ပိၢ်ဖဲထံဖးဒိၣ်ခံသ၀ီန့ၣ်အဃိ အခီၣ်လၢအစ့ၣ်တပၤ အခီၣ်ညါသးတူာ်၀ဲဒီးလီၤဘျဲးခဲလၢာ်အဂ့ၢ်န့ၣ် ၦၤလၢအအိၣ််ဘူးဖဲန့ၣ်တဖၣ် စံး၀ဲလီၤႉ တၢ်ကဲထီၣ်သးခဲအံၤန့ၣ် လၢ ၂၀၂၀ နံၣ်ႇ နံၣ်ထီၣ်သီအဆၢကတီၢ်အံၤႇ ကညီကီၢ်စဲၣ်ပူၤ တၢ်ဘၣ်၀ဲဒၣ်ဒီးမ့ၣ်ပိၢ်န့ၣ် မ့ၢ်၀ဲဒၣ်အဆိကတၢၢ်တဘျီန့ၣ်လီၤႉ
NCA အလံာ်ဃံးဃာ် တၢ်ကမၤဖျါထီၣ်အမိၢ်လံၤမိၢ်ၦၢ်အဂီၢ် လၢၢ်ဒိၣ်ကီၢ်ဆၣ် ကမျၢၢ်တဖၣ်ပာ်ဖျါထီၣ်တၢ်ဘၣ်သး
လါယနူၤအါရံၤ ၁၀ သီႇ ၂၀၂၀ နံၣ်ႇ ခ့ၣ်အဲးစံၣ် လၢၢ်ဒိၣ်ကီၢ်ဆၣ်ပူၤ ကီၢ်ပယီၤပဒိၣ်တဖၣ် တၢ်တ့ကျဲအဃိႇ တၢ်ဘၣ်ဒိဘၣ်ထံးအိၣ်၀ဲအဃိ ထံကီၢ်ဒီဘ့ၣ်တၢ်ပတုာ် တၢ်ခးအလံာ်ဃံးဃာ် NCA အံၤန့ၣ် သုးခံကပၤလၢာ် ကမၤဖျါထီၣ်အမိၢ်လံၤမိၢ်ၦၢ်လၢလၢၦဲၤၦဲၤအဂီၢ်ႇ ဖဲလါယနူၤအါရံၤ ၉ သီအနံၤန့ၣ် လီၢ်က၀ီၤဖိလၢအကထိတဖၣ် မၤ၀ဲဒၣ်တၢ်ပာ်ဖျါထီၣ်တၢ်ဘၣ်သးန့ၣ်လီၤႉ တၢ်ပာ်ဖျါထီၣ်တၢ်ဘၣ်သးလၢ အမုၢ်လၢ်ပာ်၀ဲတၢ်မုာ်တၢ်ခုၣ်အံၤ တၢ်တ့၀ဲကျဲဒီတဘိဒူသ၀ီလၢအမ့ၢ် မူၤသဲးကူၢ်ႇ မီၤဘွဲၤကရူၢ် ဒီး လီၢ်မူၢ်ပဲၤက&ူၢ်တဖၣ်ႇ လီၢ်က၀ီၤၦၤနီၣ်ဂံၢ်အိၣ်၀ဲ အဂၤ ၁ႇ၅၀၀ ဘျဲၣ် ဃုာ်ဒီးလၢၢ်ဒိၣ်၀့ၢ် နီၤဖးလီၤ၀ဲ တၢ်လီၢ် ၃ တီၤဒီး ပာ်ဖျါထီၣ်၀ဲအတၢ်ဘၣ်သးန့ၣ်လီၤႉ မူၤသဲးကရူၢ် တၢ်ပာ်ဖျါထီၣ်သးအံၤ ၦၤလၢအတီခိၣ်ရိၣ်မဲဒီးပၣ်ဃုာ်၀ဲတဂၤလၢအမ့ၢ် နီၢ်ဂ့ၤဟဲစံး၀ဲလၢ “တၢ်တ့ကျဲအံၤ တဲ၀ဲလၢ တၢ်ဂုၤထီၣ်ပသီထီၣ်အဂီၢ်လီၤႉ တၢ်တ့ကျဲအံၤလီၤအဃိ ဘၣ်ဒိဘၣ်ထံး၀ဲ ပ၀ဲဒၣ်လီၢ်က၀ီၤဖိတဖၣ်လီၤႉ ပဘၣ်ပာ်တ့ၢ်ကွံာ်ပလီၢ်ပကျဲႇ ခံကပၤလၢာ်တၢ်ဒုးကဲထီၣ်ကဒါက့ၤႇ သုးနီၣ်ဂံၢ်တဖၣ်ဟဲအါထီၣ်၀ဲလီၤႉ တၢ်ဂ့ၢ်အခိၣ်သ့ၣ် တခီန့ၣ် တလူၤပိာ်ထွဲ၀ဲဒၣ် NCA အလံာ်ဃံးဃာ်ဘၣ်န့ၣ်လီၤႉ မ့ၢ်လိၣ်ဘၣ်တၢ်မုာ်တၢ်ခုၣ်လီၤစိၤလီၤထီန့ၣ် ကဘၣ် မၤဖျါထီၣ် NCA အလံာ်ဃံးဃာ်လၢလၢၦဲၤၦဲၤန့ၣ်လီၤႉ တၢ်မုာ်တၢ်ခုၣ်တအိၣ်ဒံးဘၣ်ဒီး...
ဘၣ်ကီဘၣ်ခဲဒဲက၀ီၤပူၤ တီၤထီတလၢကၠိတဖၣ် တၢ်မၤစၢၤတၢ်ကီတၢ်ခဲအိၣ်၀ဲ
လါယနူၤအါရံၤ ၁၅ သီႇ ၂၀၂၀ နံၣ်ႇ စးအဲၣ်ဆူ ကီၢ်ကၠီၣ််တဲၣ်–ကီၢ်ပယီၤကီၢ်ဆၢ ကညီဘၣ်ကီဘၣ်ခဲဒဲက၀ီၤ (၆)ဖျၢၣ်အံၤ စးထီၣ်လၢအပူၤကွံာ် ၂၀၁၉ နံၣ် တုၤလၢအခဲအံၤ တီၤထီတလၢကၠိသ့ၣ်တဖၣ် သဂၢၢ်ဘၣ်ဒံး၀ဲဒၣ်ဒီးတၢ်ဆီၣ်ထွဲမၤစၢၤတၢ်ကီတၢ်ခဲအဂ့ၢ်န့ၣ် ကညီဘၣ်ကီဘၣ်ခဲ ကမံးတံာ် တၢ်ကူၣ်ဘၣ်ကူၣ်သ့ တၢ်မၤမုၢ်ကျၢၢ် KRCEE စံး၀ဲလီၤႉ ဘၣ်ကီဘၣ်ခဲဒဲက၀ီၤအဂီၢ် စးထီၣ်လၢ ထံဂုၤကီၢ်ဂၤ တၢ်ဆီၣ်ထဲမွၤစၢၤလီၤစှၤ၀ဲအဆၢကတီၢ်န့ၣ် ဘၣ်ကီဘၣ်ခဲဒဲ က၀ီၤအပူၤ တၢ်ကူၣ်ဘၣ်ကူၣ်သ့လၢအပတီၢ်ထီအတၢ်မၤစၢၤတဖၣ်န့ၣ်ႇ အပူၤကွံာ် ၂၀၁၈ နံၣ် စးထီၣ်လၢနံၣ်လၢာ်န့ၣ် ထံဂုၤကီၢ်ဂၤတၢ်ကရၢကရိ အတၢ်ဆီၣ်ထွဲမၤစၢၤတအိၣ်၀ဲဒၣ်လၢာ်ဘၣ်န့ၣ်လီၤႉ ကညီတၢ်ကရၢကရိလၢအအိၣ်လၢ ထံဂုၤကီၢ်ဂၤတဖၣ်မၤစၢၤ၀ဲဒၣ်အဃိ ဆဲးအိၣ်ဆၢထၢၣ်ဒံး၀ဲအဂ့ၢ်န့ၣ် KRCEE ၦၤနဲၣ်တၢ် နီၢ်ဒီခၢးမူ စံးဘၣ်ခ့ၣ်အဲးစံၣ်လီၤႉ အ၀ဲစံး၀ဲလၢ “ဘၣ်ဃးဒီးတၢ်မၤစၢၤပမ့ၢ်ဘၣ်တဲန့ၣ် အခိၣ်သ့ၣ်န့ၣ်မ့ၢ်၀ဲဒၣ် ကၠိသရၣ် သရၣ်မုၣ်တဖၣ် အတၢ်မၤစၢၤလီၤႉ မ့ၢ်ဘၣ်တဲတခီန့ၣ် တၢ်ကူၣ်ဘၣ်ကူၣ်သ့လၢအပတီၢ်ထီလၢအမ့ၢ် ကၠူၣ်နံၣ်ယၢၣ် ခီလ့း (Junior College) အဂီၢ်န့ၣ် စးထီၣ်လၢအပူၤကွံာ်နံၣ်စးထီၣ်န့ၣ် တၢ်မၤစၢၤတအိၣ်၀ဲဒၣ်လၢၤဘၣ်ႉ အိၣ်၀ဲဒၣ် ထဲၦၤတ၀ၢ တၢ်ကရၢကရိတခါလီၤႉ ဘၣ်ဆၣ် ပဃု၀ဲအကျိၤအကျဲဘၣ်ဖၢလီၤ”...