Home တၢ်ကစီၣ် တၢ်ပာ်ဖှိၣ်ကွဲး၀ဲကညီတၢ်စံၣ်စိၤတဲစိၤလံာ် ၀ံၤလံ၀ဲ ၈၀ မျးကယၤ

တၢ်ပာ်ဖှိၣ်ကွဲး၀ဲကညီတၢ်စံၣ်စိၤတဲစိၤလံာ် ၀ံၤလံ၀ဲ ၈၀ မျးကယၤ

500
0

လါယနူၤအါရံၤ ၂၂သီ၊ ၂၀၁၉နံၣ်။ နၣ်ဖီၣ်မွံၤရှၣ်

၀့ၢ်တကူၣ်ကီၢ်ခီဒိၣ် ကညီလံာ်လဲၢ် ဒီးတၢ်ဆဲးတၢ်လၤကမံးတံာ် တီခိၣ်ရိၣ်မဲ၀ဲဒီးပာ်ဖှိၣ်ကွဲး၀ဲကညီဖိ တၢ်စံၣ်စိၤတဲစိၤလံာ်အံၤ ၀ံၤလံ၀ဲ(၈၀)မျးကယၤလံအဂ့ၢ် ၦၤတီခိၣ်ရိၣ်မဲတၢ်၀့ၢ်တကူၣ်ဖၠၣ်စိမိၤ တၢ်စံၣ်စိၤတဲစိၤ၀ဲၤကျိၤ ဒီကထၢၣ်နါလဲၣ်စံး၀ဲန့ၣ်လီၤႉ

ဒီကထၢၣ် နါလဲၣ် စံး၀ဲလၢ “၀ံၤဖးအါလံ၊ အိၣ်လၢ(၈၀)မျးကယၤလံႉ အခဲအံၤက့ၤဖီၣ်ဘျ့အီၤလီၤႉ ပ၀ဲတခီတမ့ၢ်လၢ ပကလူၤ လၢကီၢ်ပဒိၣ်ဒီး ကညီဖီၣ်စုက၀ဲၤတဖၣ်ဘၣ်ႉ မ့ၢ်ဒ်သိးပကပာ်လီၤဒုးနဲၣ်ကမျၢၢ်သ့ၣ်တဖၣ်အဂီၢ် ပကျဲးစၢးလီၤႉ ပဆိမိၣ်လၢကမ့ၢ်တၢ်သးမံတခါလီၤ”အဂ့ၢ် စံးဘၣ်၀ဲ ခ့ၣ်အဲးစံၣ် ကညီတၢ်ကစီၣ်အံၤ ဖဲလါယနူၤအါရံၤ၁၈သီအနံၤန့ၣ်လီၤႉ

တၢ်ထၢဖှိၣ်ကွဲးလီၤ၀ဲကညီတၢ်စံၣ်စိၤတဲစိၤလံာ်အံၤလၢ ၂၀၁၇ နံၣ်လါအီကူးအပူၤဒီးဒ်တၢ်ပာ်ပနီၣ်ဃာ်အသိး မ့ၢ်တုၤလၢ၂၀၁၉ လါယနူၤအါရံၤအပူၤ တၢ်ကမၤအီၤတုၤလၢအ၀ံၤလီၤအဂ့ၢ်ဒီကထၢၣ်တၢ်နါလဲၣ်စံးအါထီၣ်၀ဲန့ၣ်လီၤႉ

လံာ်တၢ်စံၣ်စိၤတဲစိၤ လၢတၢ်ပာ်ဖှိၣ်ကွဲးအီၤခဲအံၤန့ၣ် လံာ်ကဘျံးပၤ ကအိၣ်၀ဲ(၅၀၀)ဒီး ကညီဖိတၢ်ဟဲလီၤတုၤဃီၤ ကီၢ်ပယီၤပူၤဒီး ရၤလီၤအသးတၢ်ဂ့ၢ် တၢ်ကျိၤတဖၣ်၊ တကီၢ်ခါ တၢ်မၤ၀ဲကီၢ်ဒီတဘ့ၣ်တၢ်ပတုာ်တၢ်ခးဒီးကညီကလုာ်ဒူၣ်ဖိသ့ၣ်တဖၣ်အဂ့ၢ် ကပၣ်ဃုာ်၀ဲခဲလၢာ်န့ၣ်လီၤႉ

လၢန့ၢ်အမဲာ်ညါဒ်သိးတၢ်ကွဲးဖှိၣ်၀ဲလံာ်၀ဲအံၤကလၢၦဲၤအဂီၢ်တၢ်လီၤလၢပျီပူၤသံကွၢ်၀ဲၦၤလၢအအိၣ်မူဒ်လၢအချုးန့ၢ်၀ဲစိၤလၢညါ၊ စိၤခဲအံၤတၢ်အိၣ်သးသ့ၣ် တဖၣ်အဂ့ၢ် ဒီကထၢၣ်တၢ်နါလဲၣ်တဲ၀ဲန့ၣ်လီၤႉ

ကတီၢ်အံၤ တၢ်ကွဲးလီၤထုးထီၣ်၀ဲ ကညီတၢ်စံၣ်စိၤတဲစိၤလံာ် အလၢအၦဲၤတအိၣ်ဒံးဘၣ်ဆၣ် တၢ်ထုးထီၣ်၀ဲကညီလံာ်လဲၢ်ဒီးတၢ်ဆဲးတၢ်လၤအလံာ်တဖၣ်၊ (ခ့ၣ်အဲၣ်ယူၣ်) ကညီဒီကလုာ်စၢဖှိၣ်ကရၢထုးထီၣ်၀ဲဘၣ်ဃး ကညီတၢ်ပၢၢ်ဆၢတၢ်စံၣ်စိၤတဲစိၤအလံာ်တဖၣ်အိၣ်၀ဲဒၣ်န့ၣ်လီၤႉ