တးခ်ကီၢ်ရ့ၣ်အပူၤ ထံဂုၤကီၢ်ဂၤခီကီၢ်ၦၤမၤတၢ်ဖိတဖၣ် တၢ်စးထီၣ်ကးတံာ်၀ဲတၢ်ဟးထီၣ်က့ၤလီၤ

လါအ့ြဖ့ၣ် ၃ သီႇ ၂၀၂၀ နံၣ်ႇ စးအဲၣ်ဆူ

ကီၢ်ကၠီၣ်တဲၣ်ႇ တးခ်ကီၢ်ရ့ၣ်အပူၤ ထံဂုၤကီၢ်ဂၤခီကီၢ်ၦၤမၤတၢ်ဖိတဖၣ် ဒ်တၢ်ြတီဆၢ၀ဲ (Covid-19) တၢ်တိာ်ကျဲၤအသိးႇ စးထီၣ်ဖဲတလါအံၤ လါအ့ြဖ့ၣ် ၁ သီအနံၤန့ၣ် တၢ်စးထီၣ်းကးတံာ်၀ဲတၢ်ဟးထီၣ်က့ၤလီၤ လံအဂ့ၢ်န့ၣ် ဖဲမးရှး ၁ သီအနံၤ တးခ်ကီၢ်ရ့ၣ် ၦၤဘၣ်မူဘၣ်ဒါတဖၣ် ထုးထီၣ်ဘိးဘၣ်ရၤလီၤ၀ဲန့ၣ်လီၤႉ

ဖဲအပူၤကွံာ် လါမးရှး ၂၅ သီအနံၤ ကီၢ်ကၠီၣ်တဲၣ် တၢ်နုာ်လီၤ ဟးထီၣ်ႇ ၦၤမၤတၢ်ဖိ ကိတိာ်၀ဲၤကျိၤ ဒီး ၦၤဂ့ၢ်၀ီတၢ်ဂုၤထီၣ်ပသီထီၣ် ကိတိာ်၀ဲၤကျိၤ ၃ ခါအံၤ တၢ်တၢၣ်ပီၣ်တဲသကိးအဖီခိၣ်ဒီး ဖဲလါမးရှး ၃၁ သီအနံၤန့ၣ် တးခ်ကီၢ်ရ့ၣ် တၢ်ြတီဆၢတၢ်ဘၣ်ကူဘၣ်ဂာ် ကမံးတံာ်ဖိတဖၣ် တၢ်အိၣ်ဖှိၣ်အပူၤ တၢ်သးလီၤပလိာ်အိၣ်အသိးႇ တၢ်ဘၣ်ကးတံာ်၀ဲ ဒ်အံၤန့ၣ်လီၤႉ

ၦၤကီၢ်ပယီၤဖိဂ့ၢ်၀ီ တၢ်ပာ်ဖှိၣ်မၤသကိးတၢ် ကမံးတံာ် (JACBA) ၦၤပၢၤလီၢ်ဆ့ၣ်နီၤ အူမိကၠိ စံး၀ဲလၢ “ဖဲ ၂၀၂၀ နံၣ် လါမးရှး ၃၁ သီအနံၤန့ၣ် ၦၤမၤတၢ်ဖိလၢအလံာ်အလဲၢ်လၢအသးနံၣ်လၢာ်တဖၣ်န့ၣ် တၢ်ကမၤအါ ထီၣ်န့ၢ်၀ဲ အသးနံၣ်လီၤႉ တုၤလၢ လါယူၤလီၤႉ ဘၣ်ဆၣ်သနာ်က့ ခီကီၢ်ၦၤမၤတၢ်ဖိတဖၣ်န့ၣ် ကဘၣ် အိၣ်ဆိး၀ဲဒၣ်လၢ အကစၢ်ကီၢ်ရ့ၣ်ပူၤလီၤႉ ဖဲဂ့ၢ်ဂီၢ်အူတၢ်ဒုးသ့ၣ်ညါအဆၢကတီၢ်န့ၣ် တၢ်တမၤ၀ဲဒၣ် တၢ်ဟးဖီၣ်တၢ်ဘၣ်ႉ ဘၣ်ဆၣ် သနာ်က့ လၢတၢ်ဟးထီၣ်က့ၤလီၤတဘၣ်တလၢ၀ဲ ကီၢ်ရ့ၣ်တဘ့ၣ်ဒီး တဘ့ၣ်တၢ်လီၢ်ဘၣ်ႉ” အဂ့ၢ်န့ၣ် စံးဘၣ်ခ့ၣ် အဲးစံၣ်လီၤႉ

ဒ်န့ၣ်အသိး ကီၢ်ပယီၤႇ မၠၣ်၀တံၣ်ကီၢ်ရ့ၣ်အပူၤ ဒ်တၢ်ြတီဆၢ တၢ်ဆါ Covid-19 တၢ်ဘိးဘၣ်သ့ၣ်ညါအသိးန့ၣ်ႇ ကီၢ်ပယီၤအပူၤ ၦၤကီၢ်ပယီၤဖိလၢအဟဲက့ၤနုာ်လီၤတဖၣ်န့ၣ် စးထီၣ်ဖဲ (လါအ့ြဖ့ၣ် ၁ သီ)တုၤလၢ ၁၅ သီအနံၤ တၢ်တဟ့ၣ်နုာ်၀ဲလၢၤဘၣ်အဂ့ၢ်န့ၣ် ကီၢ်ပယီၤပဒိၣ် ထုးထီၣ်ဘိးဘၣ်ရၤလီၤ၀ဲန့ၣ်လီၤႉ

ဒ်တးခ်ကီၢ်ရ့ၣ် ပဒိၣ် တၢ်ဘိးဘၣ်သ့ၣ်ညါအသိးန့ၣ် တၢ်ထုးထီၣ်တၢ်ကလုၢ်ဒီးတၢ်ြတီဃာ်တဖၣ်အံၤ တၢ်မ့ၢ် တလူၤပိာ်မၤထွဲ၀ဲဘၣ်န့ၣ် ကီၢ်ကၠီၣ်တဲၣ်နံၣ် ၂၅၅၈ ဘၣ်ဃးတၢ်ဆါဘၣ်ကူဘၣ်ဂာ် တၢ်ပာ်ပနီၣ်၀ဲ တၢ်ဘျၢသဲစး အဆၢဖိ(၅၂) အသိးန့ၣ်ႇ ကဘၣ်အိၣ်လၢဃိာ်ပူၤလၢ တအါန့ၢ်တနံၣ် (မ့တမ့ၢ်)တၢ်ကအီၣ်လိးစ့အီၣ်လိးလၢစ့ယိၤ အအါန့ၢ်တကလီၢ် (မ့တမ့ၢ်) တၢ်ကဟ့ၣ်၀ဲတၢ်ကမၣ်ခံခါလၢာ်သ့၀ဲစ့ၢ်ကီးန့ၣ် ထုးထီၣ်ပာ်ဖျါ၀ဲလီၤႉ