Home တၢ်ကစီၣ် ကဟ့ၣ်တၢ်ဆီၣ်ထွဲမၤစၢၤဆူ ဖၣ်ပူၣ်ႇလၢၢ်ဒိၣ်ၦၤလီၢ်အိၣ်ကမှံဖိတဖၣ်ကန့ၢ်အဂီၢ် ကညီသးစၢ်ဒီးလံာ်လဲၢ်တၢ်ဆဲးတၢ်လၤကရူၢ်ရဲၣ်ကျဲၤ၀ဲ

ကဟ့ၣ်တၢ်ဆီၣ်ထွဲမၤစၢၤဆူ ဖၣ်ပူၣ်ႇလၢၢ်ဒိၣ်ၦၤလီၢ်အိၣ်ကမှံဖိတဖၣ်ကန့ၢ်အဂီၢ် ကညီသးစၢ်ဒီးလံာ်လဲၢ်တၢ်ဆဲးတၢ်လၤကရူၢ်ရဲၣ်ကျဲၤ၀ဲ

1128
0
Photo: Ayeyarwaddy karen youth seminar

လါယနူၤအါရံၤ ၂၁သီႇ ၂၀၂၁ နံၣ်ႇ စးဖါရှီ

ခီဖျိလၢသုးတၢ်ဖ့ၣ်ဆၢတဖၣ်အဃိ ကညီကီၢ်စဲၣ် ဖၣ်ပူၣ်ဒီးလၢၢ်ဒိၣ်ကီၢ်ဆၣ်တဖၣ်အပူၤ ကညီလီၢ်က၀ီၤဖိလၢအဘၣ်ဃ့ၢ်မှံဟးဖျိးတဖၣ် လိၣ်ဘၣ်၀ဲဒၣ်တၢ်ဆီၣ်ထွဲမၤစၢၤအဖီခိၣ် လီၢ်က၀ီၤကမျၢၢ်ၦၤဃ့ၢ်မှံဟးဖျိးဖိတဖၣ်အဂီၢ် ၀့ၢ်တကူၣ် ဒီး အ့ၣ်ယၣ်၀တံၣ်ကီၢ်ခီဒိၣ်အပူၤ ကညီလံာ်လဲၢ်တၢ်ဆဲးတၢ်လၤဒီး ကညီသးစၢ်ကရူၢ်တဖၣ် မၤ၀ဲဒၣ်တၢ်ရၤလီၤဒုး သ့ၣ်ညါ၀ဲလၢကပာ်ဖှိၣ်မၤဘူၣ်လီၤစ့အဂ့ၢ်န့ၣ် သ့ၣ်ညါဘၣ်န့ၣ်လီၤႉ

လၢတၢ်ဆီၣ်ထွဲမၤစၢၤတဖၣ်အံၤအဂီၢ် တၢ်ရၤလီၤဒုးသ့ၣ်ညါ၀ဲဆူ online န)ပူၤတဆီအမဲာ်ညါ အ့ၣ်ယၣ်၀တံၣ် ကညီသးစၢ်ခိၣ်နၢ်ကမံးတံာ်ႇ ပါတနီၤကီၢ်ဆၣ် ကညီလံာ်လဲၢ်တၢ်ဆဲးတၢ်လၤကမံးတံာ်ဒီး ၀့ၢ်တကူၣ်ႇ အ့ၣ်ယၣ်၀တံၣ်ကီၢ်ခီဒိၣ်အပူၤ ကညီသးစၢ်ကရူၢ်တဖၣ်နီၤဖးလီၤ၀ဲမူဒါဒီး တူၢ်လိာ်၀ဲဒၣ်တိၢ်မၤဘူၣ်စ့ဒီး တၢ်ဆီၣ်ထွဲမၤစၢၤတၢ်ဖိတၢ်လံၤလၢအဂၤတဖၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ

ပါတနီၤ ကညီလံာ်လဲၢ်တၢ်ဆဲးတၢ်လၤကမံးတံာ် ၦၤဟ့ၣ်ကူၣ်တၢ် မါ၀့မီၤ စံး၀ဲ “လၢတဘျီအခါအ့ၣ်ယၣ်၀တံၣ်ပူၤအံၤစ့ၢ်ကီး ပနီၢ်ဆံးအခါဘၣ်စံၣ်မှံဟးဖျိးႇ ဘၣ်စံၣ်အိၣ်ခူသူၣ်လၢတၢ်ပူၤႇ တၢ်မၤသံ၀ဲဒၣ်ၦၤအိၣ်၀ဲအါမးလီၤႉ ခဲအံၤတၢ်ကဲထီၣ်အသးတဖၣ်အံၤႇ က့ၤထံၣ်မှံကဒါက့ၤတၢ်ကီတၢ်ခဲႇ က့ၤနၢ်ဟူဘၣ်ကဒါက့ၤဒီး လၢပ၀ဲဒၣ်စ့ၢ်ကီး သးအုးတူၢ်ဘၣ်ဒ်သိးဒီးအ၀ဲသ့ၣ်အသိး ဒိသူၣ်ဒိသးတူၢ်ဘၣ်အဃိ ဒ်သိးကမၤစၢၤလၢအဂ့ၤကတၢၢ်ကန့ၢ်အဂီၢ် ပမၤ၀ဲဒၣ်တၢ်ဟူးတၢ်ဂဲၤအံၤလီၤ” အဂ့ၢ်န့ၣ် စံး၀ဲန့ၣ်လီၤႉ

စးထီၣ်ဖဲအပူၤကွံာ် လါဒံၣ်စ့ဘၢၣ်ထီၣ်သီန့ၣ် ကီၢ်ဆၣ်ဖဲန့ၣ်တဖၣ်အပူၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးတဖၣ်ဒီး ကီၢ်ပယီၤသုးမုၢ်ဒိၣ်တဖၣ်အဘၢၣ်စၢၤ ခီဖျိလၢသုးတၢ်ဖ့ၣ်ဆၢဟဲက့ၤကဲထီၣ်ကဒါအဃိ လီၢ်က၀ီၤသ၀ီဖိလၢအကထိဘၣ်ဃ့ၢ်မှံဟးဖျိဘၣ်သုးလီၢ်သုးကျဲတုၤလၢခဲအံၤတစုအဃိ လိၣ်ဘၣ်၀ဲဒၣ်တၢ်ဆီၣ်ထွဲမၤစၢၤတဖၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ

အ့ၣ်ယၣ်၀တံၣ် တၢ်တီခိၣ်ရိၣ်မဲကညီသးစၢ်ကမံးတံာ်ဖိ စးထိၣ်၀့ၤအီၤ စ့ၢ်ကီးစံး၀ဲလၢ “လီၢ်က၀ီၤဖိတဖၣ်ဘၣ်သဂၢၢ်၀ဲဒၣ်ဒီးတၢ််ကီတၢ်ခဲတဖၣ်အံၤ တသ့ဖဲအသ့န့ၣ်ဆၢမုၢ်လၢ်လၢကမၤစၢၤ၀ဲလီၤႉ လၢအတကပၤ ကတူၢ်လိာ်၀ဲဒၣ်တၢ်မၤစၢၤတဖၣ်ဒီး ကညီလၢအအိၣ်လၢကီၢ်ပူၤဃုာ်ဒီး ကလုာ်ဒူၣ်ထံဖိကီၢ်ဖိကမျၢၢ်လၢအဂၤတဖၣ်စ့ၢ်ကီး ဒ်သိးကနုာ်လီၤပၣ်ဃုာ်အဂီၢ် မ့ၢ်တၢ်ဟူးတၢ်ဂဲၤလၢအဆီၣ်တခူဒုးသ့ၣ်ညါ၀ဲစ့ၢ်ကီးလီၤ” အဂ့ၢ်န့ၣ် စံး၀ဲန့ၣ်လီၤႉ

တကီၢ်ခါ ဖဲအ့ၣ်ယၣ်၀တံၣ်ကီၢ်ခီအပူၤ ကီၢ်ဆၣ် ၁၀ ဘ့ၣ်အပူၤန့ၣ် တၢ်ပာ်လီၤ၀ဲဒၣ်မူဒါခိၣ်လၢကတူၢ်လိာ်၀ဲဒၣ်စ့မၤဘူၣ်အိၣ်၀ဲအသိး တၢ်ဆီၣ်ထွဲမၤစၢၤလၢဒိးန့ၢ်ဘၣ်၀ဲတဖၣ်အံၤစ့ၢ်ကီး တၢ်ကဆှၢ၀ဲတဘျီဃီဆူၦၤလီၢ်အိၣ်ကမှံဖိအိၣ်အလီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ

ၦၤလၢအိၣ်တၢ်လီၢ်တတီၤတတီၤဂ့ၤမ့ၢ်အဲၣ်ဒိးဆီၣ်ထွဲမၤဘူၣ်လီၤတၢ်န့ၣ် ကျိၣ်စ့တၢ်မၤစၢၤအမဲာ်ညါ ၦၤလီၢ်အိၣ်ကမှံ ဖိသၣ်ႇသးၦၢ်တဖၣ်အဂီၢ် တကီၢ်ခါအရ့ဒိၣ်လိၣ်ဘၣ်၀ဲဒၣ် ဆ့ကၤကလၢၤႇတၢ်ကူတၢ်ကၤတဖၣ်ႇတၢ်အီၣ်တၢ်အီတဖၣ်ဒီး ဂံၢ်ခီၣ်ထံးကသံၣ်ကသီတဖၣ် တူၢ်လိာ်၀ဲဒၣ်စ့ၢ်ကီးအဂ့ၢ်န့ၣ် သ့ၣ်ညါဘၣ်လၢၦၤဟူးဂဲၤမၤစၢၤတၢ်ဖိတဖၣ်အအိၣ်န့ၣ်လီၤႉ