Home တၢ်ကစီၣ် ကီးတရံးကပၤ သုးမီၤစိရိၤအသုးဒီး သုးက့ ၆ အဘၢၣ်စၢၤတၢ်ဒုးစးထီၣ်ကဲထီၣ်

ကီးတရံးကပၤ သုးမီၤစိရိၤအသုးဒီး သုးက့ ၆ အဘၢၣ်စၢၤတၢ်ဒုးစးထီၣ်ကဲထီၣ်

883
0

လါအီကူး ၂၃ သီႇ ၂၀၂၁ နံၣ်ႇ ခ့ၣ်အဲးစံၣ်

ကညီကီၢ်စဲၣ် ကီးတရံး၀့ၢ်ကလံးထံး လၢကမဲၤကိသ၀ီတကပၤန့ၣ် ဖဲတနံၤအံၤ(လါအီကူး ၂၃)သီ မုၢ်ဃ့ၢ်လီၤ ၁ နၣ်ရံၣ်အဆၢကတီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ဒီးသုးမီၤစိရိၤအသုးတဖၣ်အဘၢၣ်စၢၤ တၢ်ခးလိာ်သးစးထီၣ်ကဲထီၣ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ

သုးမီၤစိရိၤအသုးနီၣ်ဂံၢ်လၢအကယၤဒီးသုးခိးကီၢ်ဆၢ(BGF)သုးတဖၣ် ဖဲမဟါမုၢ်ဟါခါအဆၢကတီၢ်န့ၣ် နုာ်လီၤဟံန့ၢ်အလီၢ်အကျဲလၢကမဲၤကိသ၀ီပူၤ၀ံၤ တၢ်ဒုးစးထီၣ်ဟဲကဲထီၣ်၀ဲန့ၣ်လီၤႉ

“တၢတ၀ီန့ၣ်ခး၀ဲဒၣ်ကျိဖးဒိၣ် ၃ ထံၣ်ႉ မ့ၢ်၀ံၤဘျီန့ၣ်ခး၀ဲကျိဖးဒိၣ်ကျိဖိတဖၣ်တပယူာ်ဃီလီၤႉ ကဲထီၣ်၀ဲလၢကမဲၤကိဒီးအီးဖးကၠံသ၀ီအဘၢၣ်စၢၤလီၤႉ ခးလိာ်သးခံခီယၢ်ပာ်လီၤႉ မ့ၢ်မတဂၤခးဆိ၀ဲလဲၣ်ဒုတသ့ၣ်ညါဘၣ်”အဂ့ၢ်န့ၣ် လီၢ်က၀ီၤဖိတဂၤ စံးဘၣ်ခ့ၣ်အဲးစံၣ်န့ၣ်လီၤႉ

ခီဖျိတၢ်ခးလိာ်သးကဲထီၣ်အဃိ လီၢ်က၀ီၤကမျၢၢ် တဖၣ်ဘၣ်ယိၣ်ဘၣ်ဘှီပျံၤတၢ်ဖုးတၢ်ဒီးဃ့ၢ်ပူၤဖျဲးစံၣ်အိၣ်ခူသူၣ်အိၣ်၀ဲအသိး နုာ်လီၤအိၣ်ခူသူၣ်လၢဟံၣ်ဖီလာ်တၢ်ပူၤတဖၣ်စ့ၢ်ကီးအိၣ်၀ဲဒၣ်န့ၣ်လီၤႉ