Home တၢ်ကစီၣ် ၂၀၂၁ နံၣ် ပဒိၣ်မါရှၣ်သးစၢ်ခိၣ်နၢ်ဖိခိၣ်ဖးအဂီၢ်ဆှၢထီၣ်မံၤသ့လံအဂ့ၢ် ဖါဖီၣ်ဒ့ရှၢၣ်ထုးထီၣ်ဘိးဘၣ်ရၤလီၤ၀ဲ

၂၀၂၁ နံၣ် ပဒိၣ်မါရှၣ်သးစၢ်ခိၣ်နၢ်ဖိခိၣ်ဖးအဂီၢ်ဆှၢထီၣ်မံၤသ့လံအဂ့ၢ် ဖါဖီၣ်ဒ့ရှၢၣ်ထုးထီၣ်ဘိးဘၣ်ရၤလီၤ၀ဲ

972
0

လါအီးကထိဘၢၣ် ၂၆ သီႇ ၂၀၂၁ နံၣ်ႇ ခ့ၣ်အဲးစံၣ်

၂၀၂၁ နံၣ် ပဒိၣ်မါရှၣ်လါဖါသးစၢ်ခိၣ်နၢ်ဖိခိၣ်ဖးအဂီၢ် စးထီၣ်ဟ့ၣ်လီၤမံၤစရီသ့၀ဲလံအဂ့ၢ်န့ၣ်် ဖါဖီၣ်ဒ့ရှၢၣ်(Phan Foundation)ထုးထီၣ်ဘိးဘၣ်ရၤလီၤ၀ဲဖဲမဟါ(လါအီးကထိဘၢၣ် ၂၅)သီအနံၤန့ၣ်လီၤႉ

ပဒိၣ်မါရှၣ်သးစၢ်ခိၣ်နၢ်ဖိခိၣ်ဖးအံၤ ကဘၣ်မ့ၢ်ကညီသးစၢ်လၢတကွၢ်လီၤနီၢ်ကစၢ်အဘျုးဘၣ်ႇ ဂုာ်ကျဲးစၢးဟူးဂဲၤတၢ်လၢကညီဒီကလုာ်တၢ်ကူၣ်ဘၣ်ကူၣ်သ့ႇၦၤဂ့ၢ်၀ီခွဲးယာ်ဒီးလံာ်လဲၢ်တၢ်ဆဲးတၢ်လၤတဖၣ်(Phan Foundation)ဃုထၢထီၣ်ဒီးဟ့ၣ်လၤဟ့ၣ်ကပီၤ၀ဲခိၣ်ဖးအံၤကိးနံၣ်ဒဲးန့ၣ်လီၤႉ

“ကညီသးစၢ်ခိၣ်နၢ်တဖၣ်အံၤ လၢတၢ်ကူၣ်ဘၣ်ကူၣ်သ့ႇ တၢ်အံးထွဲကွၢ်ထွဲတၢ်အိၣ်ဆူၣ်အိၣ်ချ့ႇတၢ်ဆီတလဲၦၤဂ့ၢ်၀ီဒီးခိၣ်ဃၢၤန့ဆၢၣ်လၢအအိၣ်ကၢတဖၣ်တဆီ လၢဒူသ၀ီတၢ်လဲၤထီလဲၤထီၣ်အဂီၢ်န့ၣ် ပၣ်ဃုာ်၀ဲလၢသနၢၣ်လၢအကါဒိၣ်န့ၣ်လီၤႉ လၢအ၀ဲသ့ၣ်အတၢ်ဂုာ်ကျဲးစၢးထဲးဂံၢ်ထဲးဘါတဖၣ်အံၤ ကြၢးတၢ်သ့ၣ်ညါပာ်ပနီၣ်အီၤဒီးကြၢးဒိးန့ၢ်ဘၣ်၀ဲစ့တၢ်ဆီၣ်ထွဲမၤစၢၤအံၤလီၤ”အဂ့ၢ်န့ၣ် Phan Foundation ၦၤနဲၣ်တၢ် နၣ်ဘွါဘွါဖါ စံးလီၤ၀ဲဖဲလံာ်တၢ်ပာ်ဖျါအပူၤန့ၣ်လီၤႉ

ဖါဖီၣ်ဒ့ရှၢၣ်ခိၣ်ဖးအံၤအဂီၢ် ကဘၣ်မ့ၢ်ကညီသးစၢ်အသးနံၣ်(၃၅)နံၣ်ဆူဖီလာ်ဒီး အိၣ်တၢ်လီၢ်တပူၤဂ့ၤတပူၤဂ့ၤတီၣ်ထီၣ်မံၤသ့၀ဲအသိး တၢ်ကရၢကရိတဖၣ်စ့ၢ်ကီးအုၣ်ကီးဆှၢထီၣ်၀ဲအကရၢဖိအမံၤသ့၀ဲစ့ၢ်ကီးန့ၣ်လီၤႉ

၂၀၂၁ နံၣ် ပဒိၣ်မါရှၣ်လါဖါသးစၢ်ခိၣ်နၢ်ဖိခိၣ်ဖးအဂီၢ် တၢ်ကဟ့ၣ်မၤလၤကပီၤ၀ဲလၢ အမဲရကၤစ့ဒီၣ်လၣ်(၄၀၀၀) ဒီး လံာ်ဆှၢနုာ်တဖၣ်တၢ်ကတူၢ်လိာ်အစဲၤခံတုၤဖဲ(၂၀၂၁)လါဒံၣ်စ့ဘၢၣ် ၃၁ သီလီၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ

လၢန့ၣ်အမဲာ်ညါ လံာ်ဆှၢနုာ်အံၤ မံၤႇသးနံၣ်ႇအိၣ်ဖျဲၣ်မုၢ်နံၤႇအိၣ်ဆိးတၢ်လီၢ်ႇတၢ်ကရၢကရိဒီးတၢ်ဂ့ၢ်တၢ်ကျိၤတဖၣ် တၢ်ကဘၣ်ဆှၢထီၣ်၀ဲလၢ(bwabwa.phan@phanfoundation.org)ဒီးတၢ်ကဘၣ်ကွဲးအီၤထဲလၢကညီကျိာ်ႇပယီၤကျိာ်ႇကီၤလၤ၀ါကျိာ်တဖၣ်န့ၣ်လီၤႉ ၦၤလၢတၢ်ဃုထၢထီၣ်အီၤအံၤတၢ်ကထုးထီၣ်ဘိးဘၣ်ရၤလီၤအမံၤဖဲ(၂၀၂၁)နံၣ်စးထီၣ်သီအဂ့ၢ်န့ၣ် ထုးထီၣ်ပာ်ဖျါ၀ဲန့ၣ်လီၤႉ

ဖါဖီၣ်ဒ့ရှၢၣ်အံၤဘၣ်တၢ်ဒုးအိၣ်ထီၣ်အီၤလၢခ့ၣ်အဲၣ်ယူၣ်အနဲၣ်ရွဲၣ်ခိၣ်ကျၢၢ်လီၢ်လံၤ ပဒိၣ်မါရှၣ်လါဖါအဖိမုၣ်ဖိခွါတဖၣ်ဒီး မ့ၢ်တၢ်မၤသ့ၣ်နီၣ်ထီၣ်က့ၤအပါပဒိၣ်မါရှၣ်လါဖါဒီးအမိနၣ်ကၠ့ၤစွ့ၣ်လၢအလဲၤပူၤကွံာ်(၂)ဂၤအံၤဒီး တၢ်စးထီၣ်ဟ့ၣ်လီၤ၀ဲခိၣ်ဖးအံၤဖဲ(၂၀၀၈)နံၣ်အခါန့ၣ်လီၤႉ