“ဟံၣ်မု၁်ဃီပၢၤဆၢက့ၤအိၣ်”
၁.ထိၣ်ဘျ့ၣ်ဘျီၣ်ဖိယူၤဝ့ၤဝီၤ
သယုၢ်ဘၣ်က့ၤယဒ့ပီၤ
ကစၢၢ်ကလိဖျါလါဟ့
ဆၢက့ၤတုၤအိၣ်လၢအချ့
၂.ဘံၣ်ဘ့ယူၤကပြုၢ်ဆဲးလ့
သယုၢ်ဟံၣ်ဃီအိၣ်တသ့
ထိၣ်မ့ၤကွၤအိၣ်မု၁်ဟံၣ်ဃီ
လီၢ်မု၁်ကတၢၢ်ဒူသဝီ
၃.ထိၣ်ကံၣ်ဘီဒီးနီၢ်သိမီ
ဝၣ်သိကစၢၢ်ရိမးဒီ
ခူၣ်နီၢ်လ့ဒီးနီၢ်မုၣ်အ့
ဆၢက့ၤတုၤအိၣ်ကျိၣ်ယီၤလ့
၄.လုၣ်ထံဝံၤမ့ၢ်ခွံထီၣ်ခိၣ်
ထံၣ်မှံဘၣ်က့ၤၦဲၤဟံၣ်ခိၣ်
ကညီဖိအါဒံအါဂၤ
နီၢ်ဘုၣ်ဘီဧၢ သ့ၣ်နီၣ်နၤ
၅.ကစၢၢ်ဒိၣ်ဖိမုၣ်ဃံလၤ
ဝဲၢ်ဖိစီၤလိၤသ့ၣ်နီၣ်နၤ
လီဖိမုၣ်နီၢ်မုၢ်ယဲၤဖဲ
ကုၤဒ့ဖျးခိၣ်သယုၢ်ထွဲ
၆.ကွဲၢ်ကဘီလ့အခိၣ်ဒီ
မ့ၢ်ဖိၣ်ဃဲဖိအဟံၣ်ဃီ
တီနီၢ်ကစၢၢ်ကလိလိၤ
ကညီဆၢက့ၤအိၣ်လီၤစိၤ
၇.မီၣ်လီၣ်အံးဒီးမီၣ်လီၣ်အး
ကညီဖိဆၢတုၤလဲၤဟး
ထံဒိၣ်ကီၢ်လဲၢ်အိၣ်ဘၣ်ဆၣ်
ဟံၣ်ဒ့လီဖိသ့ၣ်နီၣ်ဘၣ်
၈.ခွဲးလီၤမ့ၤဝါကဖီလီ
ဆၢက့ၤအိၣ်ယဒူသဝီ
အိၣ်မူတစိၤလၢဟီၣ်ခိၣ်
ဟံၣ်မု၁်ဃီပၢၤဆၢက့ၤအိၣ်.
လၢတၢ်အဲၣ်ကကွဲၢ်ကဘီ
စီၤကီၢ်ဖျါစ့ (တီနီၢ်ဖိ)
၂၉.၁၁.၂ဝ၂၁
