Home တၢ်ကစီၣ် BGF(၁၀၁၉)သုးရ့ၣ်ခိၣ် သုးခိၣ်ဒိၣ်ဖိ စီၤလဲသ့ၣ်စူးကွံာ်သးလၢတၢ်သတူၢ်ကလာ်ပူၤ

BGF(၁၀၁၉)သုးရ့ၣ်ခိၣ် သုးခိၣ်ဒိၣ်ဖိ စီၤလဲသ့ၣ်စူးကွံာ်သးလၢတၢ်သတူၢ်ကလာ်ပူၤ

1050
0
Photo: CJ

လါနိၣ်၀့ဘၢၣ် ၃၀ သီႇ ၂၀၂၁ နံၣ်ႇ ခ့ၣ်အဲးစံၣ်

ဖဲတနံၤအံၤလါနိၣ်၀့ဘၢၣ် ၃၀ သီ ဂီၤခီအဆၢကတီၢ် ကညီကီၢ်စဲၣ်သုးခိးကီၢ်ဆၢ-BGF(၁၀၁၉)သုးရ့ၣ်ခိၣ် သုးခိၣ်ဒိၣ်ဖိ စီၤလဲသ့ၣ်စူးကွံာ်သးလၢတၢ်သတူၢ်ကလာ်အပူၤအဂ့ၢ်န့ၣ် ကညီကီၢ်စဲၣ်သုးခိးကီၢ်ဆၢအနဲၣ်ရွဲၣ်ခိၣ်ကျၢၢ် သုးခိၣ်ဒိၣ်စိ စီၤခၠ့ၣ်သူၤ ပာ်ဂၢၢ်ပာ်ကျၢၤစံးဘၣ်ခ့ၣ်အဲးစံၣ်န့ၣ်လီၤႉ

သုးခိၣ်ဒိၣ်စိ စီၤခၠ့ၣ်သူၤစံး၀ဲလၢ“ဖဲမဟဟါန့ၣ်အတဲတၢ်ဒီးယၤကၠးနးလီၤႉ အလဲၤထီၣ်ကွၢ်တၢ်လၢတၢ်ဖီခိၣ်ထံခံန့ၣ်အဟဲက့ၤလီၤႇအ၀ဲမံန့ၣ်လၢဘ့ၣ်ဆ့ဖဲအဟံၣ်ကၠွဒ်ၣ်ပၠါ(ကြွေပြား)အဖီခိၣ်ဖဲအဟံၣ်န့ၣ်လီၤႉ မုၢ်၀ါထီၣ်နွံနၣ်ရံၣ်ဃိးနၣ်ရံၣ်န့ၣ်အပျဲၢ်လဲၤကွၢ်ၦၤတဂၤတဆၢထၢၣ်ဒံးဘၣ်ႉ ဖဲခွံနၣ်ရံၣ်က့ၤကွၢ်၀ဲဘျီအသံလံလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ

သုးခိၣ်ဒိဖိစီၤလဲသ့ၣ်စူးကွံာ်သးအကတီၢ်အသးနံၣ်အိၣ်၀ဲ(၄၂)နံၣ်ဒီး လၢကညီကီၢ်စဲၣ်သုးခိးကီၢ်ဆၢ(BGF)သုးရ့ၣ် ၁၃ ရ့ၣ်အကျါ မ့ၢ်၀ဲ(၁၀၁၉)အသုးရ့ၣ်ခိၣ်တဂၤစ့ၢ်ကီးန့ၣ်လီၤႉ

အပူၤကွံာ်လါနိၣ်၀့ဘၢၣ်ထီၣ်အခါ ဖဲ(BGF)သုးလဲၤထီၣ်မၤ၀ဲသုးတၢ်ဟူးတၢ်ဂဲၤ ဖဲခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ သုးက့(၁)ဟီၣ်က၀ီၤပူၤအခါ သုးခိၣ်ဒိၣ်ဖိစီၤလဲသ့ၣ်အံၤမ့ၢ်ၦၤလၢအတီခိၣ်ရိၣ်မဲတၢ်တဂၤဒီး ခီဖျိတၢ်ဟူးတၢ်ဂဲၤဒ်အံၤအဃိ လၢကညီကမျၢၢ််တဖၣ်အဘၢၣ်စၢၤတၢ်ပဲာ်ထံနီၤဖးဟဲအိၣ်ထီၣ်၀ဲအကလုာ်ကလုာ်န့ၣ်လီၤႉ