Home တၢ်ကစီၣ် သုးက့(၅)လဲၤခးပယီၤသုးဖဲထွံၣ်သံအုၣ်တၢ်လီၢ်ႇပယီၤသုးတၢ်ဘၣ်ဒိဘၣ်ထံးအိၣ်

သုးက့(၅)လဲၤခးပယီၤသုးဖဲထွံၣ်သံအုၣ်တၢ်လီၢ်ႇပယီၤသုးတၢ်ဘၣ်ဒိဘၣ်ထံးအိၣ်

1045
0
Photo -KNU Mutraw News

လါဒံၣ်စ့ဘၢၣ် ၈ သီ, ၂၀၂၁ နံၣ်, ခ့ၣ်အဲးစံၣ်

ဖဲတနံၤအံၤလါဒံၣ်စ့ဘၢၣ် ၈ သီ ဂီၤခီအဆၢကတီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးက့(၅) လဲၤခး၀ဲပယီၤသုးမီၤစိရိၤဖဲဖၣ်ပူၣ်ဟီၣ်က၀ီၤထွံၣ်သံအုၣ်တၢ်လီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ

ဖဲတနံၤအံၤ ဂီၤခီ(၇း၂၅)မံးနံးအဆၢကတီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးက့(၅)အပှၤလဲၤခးပယီၤသုးတဖုဖဲဖၣ်ပူၣ်ဟီၣ်က၀ီၤပူၤထွံၣ်သံအုၣ်တၢ်လီၢ်ဒီးပယီၤသုးအၦၤသံဘၣ်ဒိဘၣ်ထံးအိၣ်၀ဲအဂ့ၢ်န့ၣ် ခ့ၣ်အဲၣ်ယူၣ်မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲဖဲတနံၤအံၤန့ၣ်လီၤႉ

ဒ်န့ၣ်အသိးဖဲမဟါလါဒံၣ်စ့ဘၢၣ် ၇ သီ ဟါခီ(၅း၃၀)ဃၣ်ဃၣ်အဆၢကတီၢ်စ့ၢ်ကီး ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)အၦၤနုာ်လီၤခးကဒီးပယီၤသုးလၢအအိၣ်ဖဲထွံၣ်သံအုၣ်ဒီး(၂၁)တၢၣ်အဘၢၣ်စၢၤတဘျီအသိး ဖဲတၢ်တနံၤဃီ၀ဲန့ၣ်ဟါခီ(၆)ဃၣ်ဃၣ်အဆၢကတီၢ် နုာ်လီၤခးကဒီး၀ဲပယီၤသုးဖဲဃီၤကျါသ၀ီတဘျီကဒီးအဂ့ၢ်န့ၣ် အဂ့ၢ်န့ၣ် KNU မုၢ်တြီၢ်တၢ်ကစီၣ်ပာ်ဖျါ၀ဲန့ၣ်လီၤႉ

တၢ်ဒုးကဲထီၣ်ခံဘျီလၢာ်အတီၢ်ပူၤပယီၤသုးသံဘၣ်ဒိဘၣ်ထံးအိၣ်၀ဲဘၣ်ဆၣ် တၢ်မၤလီၤတံၢ်ၦၤသံၦၤဘၣ်ဒိဘၣ်ထံးအနီၣ်ဂံၢ်တန့ၢ်ဒံးဘၣ်အဂ့ၢ်န့ၣ် လီၢ်က၀ီၤၦၤဘၣ်မူဘၣ်ဒါဖဲန့ၣ်တဂၤ စံးဘၣ်ခ့ၣ်အဲၣ်ယူၣ်မုၢ်တြီၢ်တၢ်ကစီၣ်န့ၣ်လီၤႉ

တနံၣ်အံၤလါဖ့ၤဘြူၤအါရံၤ ၁ သီ သုးဟံးန့ၢ်ကွံာ်တၢ်စိတၢ်ကမီၤ၀ံၤအလီၢ်ခံ လၢ(KNU)သုးက့(၅)တၢ်ပၢဟီၣ်က၀ီၤအပူၤ ခီဖျိပယီၤသုးမၤအါထီၣ်သုးတၢ်ဟူးတၢ်ဂဲၤအဃိ တၢ်ဒုးဟဲကဲထီၣ်၀ဲဒီးကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)အဘၢၣ်စၢၤအိၣ်၀ဲကိးမုၢ်နံၤဒဲးဃၣ်ဃၣ်ညါန့ၣ်လီၤႉ