မ်တုၤအိၣ်လၢ်သုတစု
၁. ကညီဖိလၢကီၢ်ပယီၤ
အိၣ်ၦဲၤထဲတၢ်သံသတြီၤ
ၦၤသူၣ်က့ၣ်သးအၢတနီၤ
မၤသံတၢ်စုခီၣ်တုၤလီၤ
ကွၢ်ဆိမိၣ်ထံ ဆိမိၣ်ဆး
အိၣ်ဖျဲၣ်ထီၣ်အသးတဖး
၂. ကညီဖိအိၣ်လၢဟံၣ်ဃီ
တလဲၤဒုးသုနီတဘျီ
ကမျၢၢ်ဖိအိၣ်ဒူသဝီ
တအဲၣ်တၢ်ယာ်ချံၣ်ယာ်ဘီ
သုရၢၢ်သုစၢၢ်သုသးက့ၣ်
လီၤစိၤသါပ့ၤနီၣ်တန့ၢ်
၃. မုၢ်နၤမုၢ်ဆါအိၣ်မံဖုး
နံၣ်လီၤလူာ်ကူထီၣ်တချုး
ထံလီၢ်ကီၢ်ပူၤအတၢ်ဒုး
ကမျၢၢ်ဖိၦဲၤတၢ်သးအုး
ကလုာ်ဂ့ၢ်ဝီတၢ်ဂ့ၢ်ကီ
လဲၤပူၤကွံာ််ၦၤတသ့ညီ
၄. ထံကီၢ်ဟးဂီၤၦဲၤတၢ်အၢ
အီၣ်အီကူသိးတဘံၣ်ဘၢ
ဃ့ၢ်မှံဟးဖျိးအိၣ်ကနၢ
မီၤစိရိၤသူၣ်သးတဘျၢ
ပဟံၣ်ပဃီပဒ့ပီၤ
ဆံးယံာ်မးကဘၣ်က့ၤဃီၤ
၅. တၢ်ဒုးတၢ်ယၤတဘှါၡဲ
ကွၢ်တပူၤကီတပူၤခဲ
ကျိချံၦာ်သၣ်အသဟီၣ်
မ့ၢ်တၢ်နးတၢ်ဖှီၣ်ပနီၣ်
ဃၣ်ခိၣ်ဃၣ်ခံကျိပိၢ်သီၣ်
တၢ်သံပျုၤကိးနံၤအိၣ်ထီၣ်
၆. တၢ်သးအၢလၢသုသူၣ်လီၤ
မုၢ်တနံၤသုကထံၣ်အီၤ
တၢ်ဆိၣ်ဃီၣ်မ့ၢ်တုၤနတီၤ
နွံစိၤနွံဃၣ်တဟးဂီၤ
တၢ်သူၣ်တဂ့ၤသးတဝါ
မ်တုၤအိၣ်လၢ်သုတသါ
လၢ
တၢ်အဲၣ်ကကွဲၢ်ကဘီ
စီၤကီၢ်ဖျါစ့ (တီနီၢ်ဖိ)
၃၁. သလ့ၤ. ၂ဝ၂၃
