Home တၢ်ကစီၣ် တၢ်သိၣ်တၢ်သီ(၄)ထံၣ်လၢပၣ်ဃုၥ်တၢ်လံၣ်အီၣ်လီအီၣ်ဒီးတၢ်မၤဆါပယွဲတဖၣ်မ့ဆဲးမၤန့ၣ်ကဟံအရ့အဂ့ၢ် (BGF)ဟ့ၣ်ပလီၢ် ကၠါဖၠၣ်တရူးတၢ်မၤကစၢ်တဖၣ်

တၢ်သိၣ်တၢ်သီ(၄)ထံၣ်လၢပၣ်ဃုၥ်တၢ်လံၣ်အီၣ်လီအီၣ်ဒီးတၢ်မၤဆါပယွဲတဖၣ်မ့ဆဲးမၤန့ၣ်ကဟံအရ့အဂ့ၢ် (BGF)ဟ့ၣ်ပလီၢ် ကၠါဖၠၣ်တရူးတၢ်မၤကစၢ်တဖၣ်

119
0

လါယနူၤအါရံၤ ၁၆ သီ, ၂၀၂၅ နံၣ်, ခ့ၣ်အဲးစံၣ်

ကၠါဖၠၣ်တရူးတၢ်မၤကစၢ်လၢအဟဲဆီလီၤ(ကၣ်စံၣ်နိၣ်)တၢ်ဖံးတၢ်မၤလီၢ်လၢမၠၣ်၀တံၣ်,စွ့ၤကိၣ်ကိၤ,ကၠီးခဲးဟီၣ်က၀ီၤပူၤတဖၣ် တၢ်သိၣ်တၢ်သီ(၄)ထံၣ် လၢအပၣ်ဃုၥ်၀ဲ တၢ်ကူၣ်လဲၤမၤကၤပှၤကညီဒီးတၢ်မၤဆါမၤပယွဲသ့ၣ်တဖၣ်အံၤ တၢ်မ့ဆဲးမၤ၀ဲန့ၣ် ကဟံ၀ဲအရ့တုၤလီၤအဂ့ၢ်န့ၣ် သုးခိးကီၢ်ဆၢ(BGF)အခိၣ် သုးခိၣ်စီၤခၠ့ၣ်သူၤ ဟ့ၣ်ပလီၢ်၀ဲတရူးတၢ်မၤကစၢ်တဖၣ်ဖဲလါယနူၤအါရံၤ ၁၄ သီ တၢ်အိၣ်ဖှိၣ်ပူၤ အဂ့ၢ်န့ၣ် သ့ၣ်ညါဘၣ်န့ၣ်လီၤ.

ဖဲလါယနူၤအါရံၤ ၁၄ သီ ဂီၤခီအဆၢကတီၢ်န့ၣ် လၢမၠး၀တံၣ်၀့ၢ်ပူၤ သုးခိးကီၢ်ဆၢ(BGF) သုးခိၣ်စီၤခၠံၣ်သူၤ , တၢ်ဘၣ်ဘျုးဒံၣ်မိၣ်ခြ့ၣ် စံၣ်ကညီသုးမုၢ်ဒိၣ်(DKBA)ဒီးကၠါဖၠၣ်တရူးတၢ်မၤကစၢ်တဖၣ်မၤ၀ဲတၢ်အိၣ်ဖှိၣ်တခါဒီး လၢတၢ်အိၣ်ဖှိၣ်အပူၤန့ၣ် (BGF)အခိၣ် ထုးထီၣ် တၢ်သိၣ်တၢ်သီ(၄)ထံၣ်လၢ တၢ်ဘၣ်ဟးကိးလံၣ်ကိးလီမၢအီၣ်,မၤဆါမၤပယွဲ,မၢအီၣ်သးစၢ်(၁၈)နံၣ်ဆူဖီလၥ်ဒီး ကူၣ်လဲၤမၤကၤ အီၣ်ပှၤကညီဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ.

ဒ်န့ၣ်အသိးတၢ်သိၣ်တၢ်သီ(၄)ထံၣ်လၢတၢ်ထုးထီၣ်၀ဲသ့ၣ်တဖၣ်အံၤ ကၠါဖၠၣ်တရူးတၢ်မၤကစၢ်တဖၣ် မ့တလူၤပိၥ်ထွဲ၀ဲ
ဘၣ်န့ၣ် ကဟံထီၣ်ဖီၣ်အရ့တုၤလီၤတီၤလီၤအဂ့ၢ်န့ၣ် (DKBA) သုးရိၣ်မဲခိၣ်ကျၢၢ်-၂ သုးခိၣ်ကျၢၢ်စိ စီၤစွ့ၤ၀ၣ် လၢအပၣ်ဃုၥ်တၢ်အိၣ်ဖှိၣ် ဘျီ၀ဲအံၤအပူၤ စံးဘၣ်ခ့ၣ်အဲးစံၣ်-ကညီတၢ်ကစီၣ် ဒ်အံၤန့ၣ်လီၤ.
“တရူးလၢအဟဲအိၣ်ဖဲစွ့ၤကိၣ်ကိၤ,ကၠီးခဲး,မၠၣ်၀တံၣ်တဖၣ်န့ၣ်ဟဲမၤနၢၤအီၣ်ပှၤတသ့ဘၣ်.အထုးထီၣ်တၢ်သိၣ်တၢ်သီလၢ ပှၤသးစၢ် မ့တပှဲၤ(၁၈)နံၣ်ဘၣ်န့ၣ်တဘၣ်တူၢ်လိၥ်မၢအဖံးတၢ်မၤတၢ်ဘၣ်.မ့၀ံၤပှၤသးပှၢ်စ့န့ၣ်တဘၣ်ဟးလံၣ်အီၣ်တဂ့ၤ.၀ံၤဒီးထိးတီၢ်,ထိးဒီးဒးန့ၣ်တအဲၣ်၀ဲဘၣ် န့ၣ်နဲၣ်လီၤ၀ဲလၢတၢ်အိၣ်ဖှိၣ်ပူၤန့ၣ်.ပှၤမ့မၤမ့သ့ၣ်ညါ၀ဲန့ၣ်(BGF)ကဟံ၀ဲအရ့တုၤလီၤတီၤလီၤ”အဂ့ၢ်န့ၣ် စံး၀ဲန့ၣ်လီၤ.

တကတီၢ်ဃီဘၣ်ဃး(BGF)ထုးထီၣ်တၢ်သိၣ်တၢ်သီသ့ၣ်တဖၣ်အံၤအဖီခိၣ်န့ၣ် ကၠါဖၠၣ်တရူးတၢ်မၤကစၢ်လၢအဟဲထီၣ် တၢ်အိၣ်ဖှိၣ် တဖၣ်စ့ၢ်ကီး တူၢ်လိၥ်အၢၣ်လီၤ၀ဲတၢ်သိၣ်တၢ်သီတဖၣ်အံၤခဲလၢၥ်လီၤအဂ့ၢ်န့ၣ် သုးခိၣ်ကျၢၢ်စိ စီၤစွ့ၤ၀ၣ် စံး၀ဲန့ၣ်လီၤ.
တကးဒံးဘၣ်လၢကၠါဖၠၣ်တရူးတၢ်မၤကစၢ်တဖၣ်အဂီၢ်တၢ်ထုးထီၣ်တၢ်သိၣ်တၢ်သီ(၄)ထံၣ်အံၤအမဲၥ်ညါန့ၣ် လၢမၠၣ်၀တံၣ်၀့ၢ်ပူၤ ကယဲၢ်မ့ၢ်တၢ်တၤကျိၣ်တၤစ့တၢ်လိၥ်ကွဲလီၢ်လၢတၢ်အိးထီၣ်ဃၥ်၀ဲတဖၣ် သၢသီအတီၢ်ပူၤတၢ်ကဘၣ်ထုးကွံၥ်၀ဲခဲလၢၥ်အဂ့ၢ်န့ၣ် (BGF)ဒီး(DKBA)နဲၣ်လီၤစ့ၢ်ကီး၀ဲတၢ်ကလုၢ်အဂ့ၢ်န့ၣ် သုးခိၣ်ကျၢၢ်စိ စီၤစွ့ၤ၀ၣ် စံးအါထီၣ်၀ဲန့ၣ်လီၤ.

“တၢ်လိၥ်ကွဲတၢ်တၤကျိၣ်တၤစ့(က့မ်),အၣ်ကလိၣ်တၢ်ဂဲၤလိၥ်ကွဲလၢအိၣ်မၠၣ်၀တံၣ်ပူၤတဖၣ်န့ၣ်တအဲၣ်လၢၤ၀ဲဘၣ်. ပှၤအိၣ်လၢ မၠၣ်၀တံၣ်တဖၣ်န့ၣ်တနီၤန့ၣ်အဒံၣ်အဖိလဲၤအီကသံၣ်ကသ့ၣ်လၢတၢ်လိၥ်ကွဲလီၢ်အိၣ်မီၤနီၤ.ပမၢပှၤပံးကွံၥ်မ့၀ံၤ(BGF)မၢကွံၥ်စ့ၢ်. ဘၣ်ဃးတၢ်ဂ့ၢ်အံၤပအိၣ်ဖှိၣ်ဖဲမဟါန့ၣ်ဘၣ်ဂီၢ်လၢၤလံ. ယမၢလီၤသုးခိၣ်ဆါအီၤ၀ံၤလံ. သၢသီအတီၢ်ပူၤန့ၣ် လ့ၤတက့ၤ (က့မ်) အယိၢ်တအိၣ်လၢၤဘၣ်မၠၣ်၀တံၣ်၀့ၣ်ပူၤန့ၣ်.”အဂ့ၢ်န့ၣ် စံး၀ဲန့ၣ်လီၤ.

ဒ်(DKBA)ခိၣ်နၢ်စံး၀ဲအသိးန့ၣ် မၠၣ်၀တံၣ်၀့ၢ်ပူၤ တၢ်တၤကျိၣ်တၤစ့တၢ်လိၥ်ကွဲလီၢ်ဃုၥ်ဒီး(က့မ်)လီၢ်န့ၣ် ပၥ်ဖှိၣ်ခဲလၢၥ် အိၣ်၀ဲ အခါ(၆၀)ဘျဲၣ်ဒီး လၢလိၥ်ကွဲတၤကျိၣ်တၤစ့လီၢ်အံၤအဃိ လီၢ်က၀ီၤကမျၢၢ်ထံဖိကီၢ်ဖိဃုၥ်ဒီးသူၣ်ဘီၣ်သးစၢ်, ပှၤကၠိဖိသ့ၣ် တဖၣ်ဟးဂီၤ၀ဲဒၣ်အါမးအဂ့ၢ်န့ၣ် သ့ၣ်ညါန့ၣ်လီၤ.

လၢန့ၣ်အမဲၥ်ညါတၢ်အိၣ်ဖှိၣ်ဘျီအပူၤန့ၣ် တၢ်တဲသကိးဃုၥ်စ့ၢ်ကီး၀ဲဘၣ်ဃးတကီၢ်ခါ တရူးထံဖိကီၢ်ဖိလၢတၢ်ကွဲလံၣ် ကွဲလီအီၤ တဖၣ်ခါဆူမဲၥ်ညါတၢ်တဘၣ်ဆဲးမၤ၀ဲလၢၤဘၣ်အဂ့ၢ်န့ၣ် (BGF)သုးခိၣ်စီၤခၠ့ၣ်သူၤ ဟ့ၣ်ပလီၢ်စံးဘၣ်ကၠါဖၠၣ် တရူး တၢ်မၤကစၢ် သ့ၣ်တဖၣ်အံၤစ့ၢ်ကီးအိၣ်၀ဲအဂ့ၢ်န့ၣ် သုးခိၣ်ကျၢၢ်စိ စီၤစွ့ၤ၀ၣ် စံးအါထီၣ်၀ဲဒ်အံၤန့ၣ်လီၤ.

“တၢ်ဂ့ၢ်တခါအံၤတၢ်တဲဃုၥ်၀ဲစ့ၢ်.တၢ်တခါအံၤအဖျါလၢအ၀ဲစ့ၢ်လီၤ.တၢ်တခါအံၤအရ့ဒိၣ်တအဲၣ်ဒိး၀ဲလၢသုမၤလၢၤဘၣ်. ပှၤတဖၣ်န့ၣ်အဟဲတုၤသုအိၣ်န့ၣ်အလဲၤမၤမတၤလဲၣ်.သုးခိၣ်ခၠံၣ်သူၤတဲတရူးတဖၣ်န့ၣ်ဟးမၤကြီတၢ်ဒ်န့ၣ်တဂ့ၤ.တမ့ၢ်တၢ်ဂ့ၤဘၣ်.တၢ်ဖံးတၢ်မၤတဖၣ်အံၤမၤတအဲၣ်၀ဲဘၣ်.”အဂ့ၢ်န့ၣ် စံး၀ဲန့ၣ်လီၤ.

တၢ်အိၣ်ဖှိၣ်လၢသုးခိးကီၢ်ဆၢ(BGF)အခိၣ်သုးခိၣ်ကျၢၢ်ဖိ စီၤခၠ့ၣ်သူၤတီခိၣ်ရိၣ်မဲမၤ၀ဲဘျီ၀ဲအံၤအပူၤန့ၣ် သုးခိၣ်စီၤခၠ့ၣ်သူၤအမဲၥ်ညါ သုးခိၣ် စီၤမိၣ်သိၤ, သုးခိၣ် စီၤတ့ၤ၀့, သုးခိၣ်စီၤမီၤ၀့ မ့မ့ၢ်လၢတၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် (DKBA) တကပၤန့ၣ် သုးခိၣ်ဒိၣ်ကျၢၢ်စိ စီၤစွ့ၤ၀ၣ်, ပၢဆှၢသုးဂ့ၢ်၀ီခိၣ်ကျၢၢ် သုးခိၣ်ကျၢၢ်ဂီၢ်ဂ့ၢ် စီၤဆါအီၤ, သုးခိၣ်ကျၢၢ်ဖိ စဲကၠီၤလၣ်ဃုၥ်ဒီး ခိၣ်နၢ်ဘၣ်ထွဲလၢအဂၤတဖၣ်ဒီး ကၠါဖၠၣ်တရူးတၢ်မၤကစၢ် ပၥ်ဖှိၣ်ခဲလၢၥ်လဲၤထီၣ်၀ဲတစှၤန့ၢ်(၅၀)ဂၤအဂ့ၢ်န့ၣ် သ့ၣ်ညါဘၣ်န့ၣ်လီၤ.

ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ဟီၣ်က၀ီၤဒီတကျိၤအပူၤန့ၣ် ခီဖျိကၠါဖၠၣ်တရူးတၢ်ဖံးတၢ်မၤသ့ၣ်တဖၣ်အံၤအဃိန့ၣ် တၢ်ဖီၣ်ဃၥ်၀ဲ ထံကီၢ်(၂၁)ဘ့ၣ် ထံဖိကီၢ်ဖိအဂၤ(၆၀၀၀)ဘျဲၣ်ဒီး ပှၤသ့ၣ်တဖၣ်အံၤအါဒၣ်တက့ၢ်န့ၣ်မ့ၢ်၀ဲတရူးထံဖိကီၢ်ဖိဒီး ပှၤသ့ၣ်တဖၣ်အံၤ ဘၣ်တၢ်မၢဆူၣ်မၢဆိးအီၤလၢအတဖိးသဲစးဘၣ်အဂ့ၢ်န့ၣ် အပူၤကွံၥ်စှၤသီအခါ တၢ်မၤလီၤမၢ်တၢ်ကူၣ်လဲၤမၤကၤပှၤဟီၣ်ခိၣ်ဖိ ကရူၢ်ဒီး ထံဂုၤကီၢ်ဂၤတၢ်ကရၢကရိတဖၣ် တီၣ်ဖျါထီၣ်၀ဲဆူကၠီၣ်တဲၣ် ပှၤဂ့ၢ်၀ီခွဲးယၥ်ကမံးတံၥ်အအိၣ်ဒံးအဂ့ၢ်န့ၣ် သ့ၣ်ညါဘၣ် န့ၣ်လီၤ.