လါနိၣ်ဝ့ဘၢၣ် ၂၁သီ, ၂၀၂၅နံၣ်, ခ့ၣ်အဲးစံၣ်.
ကညီကီၢ်စဲၣ်သုးခိး ကီၢ်ဆၢ BGFအနဲၣ်ရွဲၣ် သုးခိၣ်ခၠံၣ်သူအံၤ မ့ၢ်တူၢ်ဘၣ်ဝဲတၢ်ပၥ်ဒ့ၣ်ပၥ်ကမၢ်ဘၣ်ဆၣ် ခီဖျိအတၢ်ကမၣ်တအိၣ်ဘၣ်အဃိ အတဃ့ၢ်ပူၤဖျဲးသးနီတပူၤဘၣ်အဂ့ၢ် BGF အပှၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် နဲၣ်မီၣ်စီၣ် စံးဘၣ်ဝဲပှၤမၤတၢ်ကစီၣ်ဖိ ဖဲမဟါ လါနိၣ်ဝ့ဘၢၣ်(၂၁)သီအနံၤဖဲအဝဲသ့ၣ်မၤဝဲတၢ်ကတိၤရှဲလဲတၢ်ဒီးတၢ်ကစီၣ်ကစၢ်အဆၢကတီန့ၣ်လီၤ.
ဖဲBGF မၤဝဲတၢ်ကတိၤရှဲလဲတၢ်ဂ့ၢ်တၢ်ကျိၤဒီး ကီၢ်ကၠီၣ်တဲၣ် တၢ်ကစီၣ်သန့တခါအဆၢကတီၢ် ကၠီၣ်တဲၣ်တၢ်ကစီၣ်သန့သံကွၢ်အီၤလၢ တကီၢ်ခါခဲအံၤခီဖျိသုးခိၣ်ခၠံၣ်သူဂၢၢ်ဘၣ်ဒီးထံဂုၤကီၢ်ဂၤတၢ်ဖီၣ်ဃံးဒီးတၢ်ဆီၣ်သနံးအဖီခိၣ်,သုးခိၣ်ကခၠံၣ်သူၣ် အအိၣ်ဖဲအံၤဒံးဧါမ့တမ့ၢ် အဃ့ၢ်ပူၤဖျဲးသးလံဧါ?တၢ်သံကွၢ်အိၣ်ထီၣ်ဝဲအဖီခိၣ် BGF သုးခိၣ်နဲၣ်မီၣ်စီၣ် စံးဝဲလၢ အဝဲသ့ၣ်ခိၣ်နၢ်န့ၣ်တၢ်ကမၣ်တအိၣ်ဘၣ်အဃိတဃ့ၢ်ပူၤဖျဲးသးနီတပူၤဘၣ်အဂ့ၢ် စံးဝဲဒၣ်န့ၣ်လီၤ.
အဝဲစံးဝဲလၢ“ပခိၣ်ပနၢ်န့ၣ် ဘၣ်တၢ်ပၥ်ဒ့ၣ်ပၥ်ကမၢ်အိၣ်ဒီးဒူၣ်န့ၣ်လီၤ.ပနီၢ်ကစၢ်တၢ်ပၣ်ဃုၥ်ပၣ်ဂီၢ်လၢ Online scam တအိၣ်ဘၣ်.ပှၤဟဲသူၣ်ထီၣ်တၢ်သူၣ်ထီၣ်လၢပဟီၣ်ခိၣ်ပူၤ, လၢတၢ်သူၣ်ထီၣ်အပူၤပှၤသူၣ်ထီၣ်ဟီးတဲးဒီးဟီးတဲးအပူၤပှၤမၤမနုၤလဲၣ်န့ၣ်ပတသ့ၣ်ညါဘၣ်.အဃိန့ၣ်ပခိၣ်ပနၢ်န့ၣ်အတၢ်ကမၣ်တအိၣ်ဘၣ်.ကဃ့ၢ်ပူၤဖျဲးအသးစ့ၢ်ကီးတၢ်ရဲၣ်တၢ်ကျဲၤတအိၣ်ဘၣ်.အတၢ်မၤအိၣ်န့ၣ်အမၤဝဲလီၤ.အခဲအံၤ လီၢ်ကဝီၤတၢ်ဂုၤထီၣ်ပသီထီၣ်အဂီၢ်အဝဲတချုးဘၣ်.အဝဲနဲၣ်လီၤပှၤတၢ်ကလုၢ်လၢတၢ်ကဒုးထီဒါမၤလီၤမၢ်ကၠါဖၠၣ်တၢ်ဖံးတၢ်မၤတဲၥ်တဲၥ်ဖျုဖျုန့ၣ်လီၤ.လီၢ်ကဝီၤတၢ်လဲၤထီၣ်လဲၤထီအဂီၢ်အဝဲဘၢၣ်ကျဲ,တ့ထီၣ်ဘူၣ်တၢ်ဘါအလီၢ်န့ၣ်လီၤ.အတဃ့ၢ်နီတပူၤဘၣ်.”အဂ့ၢ် စံးဝဲဒၣ်န့ၣ်လီၤ.
လၢတၢ်ကဒုးထီဒါမၤလီၤမၢ်ကၠါဖၠၣ်တၢ်ဖံးတၢ်မၤဖဲစွံၣ်ကိၣ်ကိၤဝ့ၢ်သီဟီၣ်ကဝီၤအဂီၢ် စးထီၣ်ဖဲအပူၤကွံၥ် လါနိၣ်ဝ့ဘၢၣ် ၁၈သီအနံၤန့ၣ် BGF ပၥ်ဖှိၣ်ထီၣ်သးဒီး သုးကရူၢ်ဝံၤ နုၥ်လီၤသမံသမိးဝဲတၢ်လၢ တၢ်သူၣ်ထီၣ်သ့ၣ်တဖၣ်အပူၤပှဲၤထီၣ်ဝဲဒၣ်(၃)သီတသီလံန့ၣ်လီၤ.
ဒ်BGFသုးခိၣ်ဒိၣ်ဂီၢ်ဂၢ် နဲၣ်မီၣ်စီၣ် စံးဝဲဒၣ်အသိးန့ၣ် တၢ်(၃)သီအတီၢ်ပူၤနုၥ်လီၤသမံမိးဝဲစွ့ၣ်ကိၣ်ကိၤဟီၣ်ကဝီၤပူၤတၢ်သူၣ်ထီၣ်(၂၂)ဖျၢၣ်,ဖီၣ်ချုးန့ၢ်ဝဲဒၣ် ကၠါဖၠၣ်ပှၤမၤတၣ်ဖိ(၉၆၀)ဘျဲၣ်အဂ့ၢ်စံးဘၣ်ဝဲဒၣ် တၢ်ကစီၣ်သန့သ့ၣ်တဖၣ်န့ၣ်လီၤ.
လၢန့ၣ်အမဲၥ်ညါ (၃)သီတီၢ်ပူၤ ကၠါဖၠၣ်ပှၤမၤတၢ်ဖိ(၉၆၀)ဘျဲၣ်လၢ အဘၣ်တၢ်ဖီၣ်န့ၢ်အီၤခဲအံၤသ့ၣ်ဖၣ်န့ၣ် အိၣ်ဟဲဝဲဒၣ်လၢထံကီၢ်(၂၂)ဘ့ၣ်ဒီး အကျါန့ၣ် ပှၤတရူးဖိအအါကတၢၢ်အဂ့ၢ် စံးဝဲဒၣ်န့ၣ်လီၤ.
တကတီၢ်ဃီ ဖီၣ်ချုးန့ၢ်ဝဲဒၣ်ဒီး ကၠါဖၠၣ်တၢ်ဖံးတၢ်မၤအဂီၢ် တၢ်ဖိတၢ်လံၤလၢပှၤသူအီၤဒ်အမ့ၢ် ခီဖၠူထီၣ်ဒီးမီနံထၢၣ်(၂၆၅၃)ဖျၢၣ်,လီတဲစိ(၂၁၇၅၀)ဖျၢၣ်ဒီးပှၤကညီတၢ်ဖိတၢ်လံၤလၢတၢ်ဖီၣ်န့ၢ်အီၤသ့ၣ်တဖၣ်တၢ်ဟ့ၣ်လီၤက့ၤဆူသုးကရူၢ်အပှၤဘၣ်မူဘၣ်ဒါအစုပူၤလံဒီးတၢ်မံသမိးတၢ်ရဲၣ်တၢ်ကျဲၤအိၣ်ဒံးဝဲဒၣ်အဖၢမုၢ်အဃိတၢ်မၤဝံပှဲၤမျးကယၥ်န့ၣ်တဲဘၣ်အီၤကီဒီးအိၣ်လၢသုးကရူၢ်အစုပူၤလီၤBGF သုးခိၣ်ဒိၣ်စိနဲၣ်မီၣ်စီၣ် စံးဝဲဒၣ်စ့ၢ်ကီးန့ၣ်လီၤ.
