လါမ့ၤ ၂၇ သီ, ၂၀၂၆ နံၣ်, ခ့ၣ်အဲးစံၣ်
လၢတလၢၤကီၢ်စဲၣ် ဝီၢ်ရ့ၣ်ကီၢ်ဆၣ်(ရေးမြို့နယ်)အပူၤန့ၣ် ဖဲမနၤမုၢ်နၤခီဖးဖီမုၢ်အဆၢကတီၢ်န့ၣ် သုးမီၤစိရိၤကဘီယူၤ လဲၤတ့ၢ်လီၤ ဝဲမ့ၣ်ပိၢ်အါအါဂီၢ်ဂီၢ်လၢ(ရေးဘီလူး)တၢ်ပၢၢ်ဆၢသုးကရူၢ်အသုးကလၢၤတၢ်လီၢ်အဃိ (ရေးဘီလူး)အပှၤသံဝဲ ၆ ဂၤ, ဘၣ်ဒိဘၣ်ထံးဝဲ (၂၀)ဘျဲၣ်အဂ့ၢ်န့ၣ် ပှၤလၢဘူးဒီးတၢ်ပၢၢ်ဆၢကရူၢ်လၢအိၣ်ဖဲန့ၣ်တဖၣ်စံးဝဲန့ၣ်လီၤ.
ဖဲတနံၤအံၤလါမ့ၤ ၂၇ သီ ဖးဖီမုၢ်ကဘၣ်ဖဲ ၁း၀၀ နၣ်ရံၣ်ဘျဲၣ်အဆၢကတီၢ်န့ၣ် ကဘီယူၤဟဲတ့ၢ်လီၤဝဲမ့ၣ်ပိၢ်အဖျၢၣ်(၄၀)ဘျဲၣ် လၢ(ရေးဘီလူး)သုးကလၢၤတၢ်လီၢ်အဃိ တၢ်သံတၢ်ဘၣ်ဒိဘၣ်ထံးဘၣ်ဟဲကဲထီၣ်ဝဲအသးဒ်အံၤလီၤအဂ့ၢ်န့ၣ် (KNLA)ပှၤဘၣ်မူ ဘၣ်ဒါလၢအိၣ်ဘူး ဖဲန့ၣ်တဂၤ စံးဝဲန့ၣ်လီၤ.
အဝဲစံးဝဲလၢ“ဖဲမနၤ ၁း၁၀ မံးနံးအခါန့ၣ် ဟဲခးလီၤဝဲဒီးကဘီယူၤ. ခးလီၤဝဲကအိၣ်လၢအဖျၢၣ်(၄၀)ဘျဲၣ်ညါ. ဖဲန့ၣ်ပှၤသုးဖိသံ ၅ ဂၤ ၆ ဂၤညါ. မ့မ့ၢ်လၢအဘၣ်ဒိန့ၣ်အိၣ်အဂၤ(၂၀)ဘျဲၣ်”အဂ့ၣ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်ဖဲတဟါအံၤန့ၣ်လီၤ.
ကဘီယူၤဟဲခးလီၤတၢ်လၢ(ရေးဘီလူး)သုးကလၢၤတၢ်လီၢ်ဘျီဝဲအံၤဟဲဝဲဒၣ်ကဘီယူၤ(၃)ဘ့ၣ် ခးလီၤဝဲလိၤလိၤဆူ သုးကလၢၤ ပူၤအဃိ ပှၤသုးဖိအိၣ်တၢ်သူၣ်ထီၣ်အလီၢ်သ့ၣ်တဖၣ်ဟးဂီၤလီၤပှီၢ်ဝဲအါမးအဂ့ၢ်န့ၣ် လီၢ်ကဝီၤကမျၢၢ်တဖၣ်စံးဝဲအသိး သ့ၣ်ညါဘၣ်န့ၣ်လီၤ.
ဘၣ်ဃးတၢ်ဂ့ၢ်ကဲထီၣ်သးဘျီဝဲအံၤဒ်သိးကသ့ၣ်ညါအါထီၣ်ဘၣ်တၢ်ဂ့ၢ်တၢ်ကျိၤတၢ်အိၣ်သးအဂီၢ် ပခ့ၣ်အဲးစံၣ်-ကညီတၢ်ကစီၣ် ဆဲးကျိးဝဲ(ရေးဘီလူး)လၢ(facebook messeger)အံၤတဆီဘၣ်ဆၣ် တကွၢ်လီၤဝဲလံၥ်အံၤဘၣ်န့ၣ်လီၤ.
သုးမီၤစိရိၤအံၤလၢကလံၤကျါအံၤတဆီ ပၥ်ဝဲတၢ်ခးပနီၣ်ဆူကမျၢၢ်ထံဖိကီၢ်ဖိဒီးတၢ်ပၢၢ်ဆၢကရူၢ်ကရၢ လၢအထီဒါအဝဲသ့ၣ် အံၤဟဲအါထီၣ်ဝဲအဃိ ကအိၣ်လၢတၢ်ပလီၢ်ပဒီပူၤအဂ့ၢ်န့ၣ် ဟီၣ်ကဝီၤတၢ်ပၢၢ်ဆၢကရူၢ်ကရၢတဖၣ် ဟ့ၣ်ပလီၢ်ဝဲ ကမျၢၢ်ထံဖိ ကီၢ်ဖိသ့ၣ်တဖၣ်န့ၣ်လီၤ.
(ရေးဘီလူး)တၢ်ပၢၢ်ဆၢကရူၢ်လၢသုးမီၤစိရိၤကဘီယူၤလဲၤတ့ၢ်လီၤဝဲမ့ၣ်ပိၢ်ခဲအံၤန့ၣ် မ့ၢ်ဖီၣ်စုကဝဲၤကရူၢ်တဒူၣ်လၢ ဒုးထီဒါဝဲ သုးမီၤစိရိၤအသိး လီၤဆီဒၣ်တၢ်သုးမီၤစိရိၤစုတီၤဖီလၥ်သဝီသးပှၢ်လၢၥ်ဃုၥ်ဒီးသုးခိၣ်သုးနၢ်လၢအမံၤထီၣ်လၢမၤဆူၣ်မၤဆိးကမျၢၢ်, မၤန့ၢ်သုးမီၤစိရိၤအတၢ်ဖံးတၢ်မၤတဖၣ်န့ၣ် ကရူၢ်အံၤအမံၤဟူသၣ်ဖျါဝဲဒၣ်လၢတၢ်မၤဆှဲလဲဝဲပှၤသ့ၣ်တဖၣ်အံၤ အိၣ်တလီၢ်လီၢ် အဂ့ၢ်န့ၣ် သ့ၣ်ညါဘၣ်န့ၣ်လီၤ.
