လါအီကူၥ် ၁၁သီ, ၂၀၂၆နံၣ်, ခ့ၣ်အဲးစံၣ်,
တၢ်ဂဲၤလိၥ်ဆူညါအပူၤ ပၥ်ကပၤကွံၥ်ပတၢ်လီၤဆီလိၥ်သး, တၢ်ထံၣ်တဒ်သိးလိၥ်သးတဖၣ်ဒီး ကအိၣ်ဒီးတၢ်နၢ်ပၢၢ် လိၥ်သးမၤသကိးတၢ်အဂ့ၢ်ကညီဒီကလုၥ်စၢဖှိၣ်ကရၢ,အကရၢခိၣ်ပဒိၣ်စီၤကွဲၤထူဝ့ဆီၣ်သခူပၥ်ဖျါဝဲလၢတနံၣ်အံၤ (၇၆)နံၣ်ပှဲၤထီၣ် ကညီမၤထူ ရၤမုၢ်နံၤ လံၥ်ဟ့ၣ်ယုၢ်အပူၤန့ၣ်လီၤ.
တၢ်မၤလၢပှဲၤကညီကလုၥ်တၢ်မိၣ်န့ၢ်သးလီ တၢ်ဂဲၤလိၥ်အပူၤ ခိၣ်နၢ်သိၣ်ဒူ,ထံဖိကီၢ်ဖိကမျၢၢ်တစိၤဘၣ်စိၤဟံးထီၣ်ဝဲ မူဒါဒီးမၤတ့ၢ်ဝဲလၢ အသနၢၣ်လီၢ်ကျဲဒၣ်ဝဲစုၥ်စုၥ် အိၣ်ဝဲဒီး တၢ်အံၤမ့ၢ်စ့ၢ်ကီးဝဲ ပှၤကိးဂၤဒဲးအမူဒါ, တၢ်ဖံးတၢ်မၤအဂ့ၢ်, လံၥ်ဟ့ၣ်ယုၢ်အပူၤ ခ့ၣ်အဲၣ်ယူၣ် ဘိးဘၣ်ပၥ်ဖျါဝဲဒၣ်န့ၣ်လီၤ.
ပှၤကလုၥ်တၢ်ဖံးတၢ်မၤအပူၤ ဒ်ကညီမၤထူရၤတဖၣ် မၤတ့ၢ်ဝဲဒၣ်လၢပှဲၤလံအသိးန့ၣ်, တၢ်ဂဲၤလိၥ်ဆူညါ အပူၤ အလီၢ်အိၣ် ဝဲလၢပဘၣ်ပၥ်ကပၤကွံၥ် ပတၢ်လီၤဆီလိၥ်သး, တၢ်ထံၣ်တဒ်သိးတဖၣ်ဒီး ပၥ်ဖှိၣ်ထီၣ်သးလၢ ကညီဒီ ကလုၥ်အနီၣ်တယၢ်အဖီလၥ် ဃူဃူဖိးဖိးဒီး ဂဲၤလိၥ်သကိးအီၤလၢ ပလီၢ်ကျဲသနၢၣ် အိၣ်ဒီး တၢ်နၢ်ပၢၢ်လိၥ်သး အတၢ်မၤသကိးအဂ့ၢ်, ပဒိၣ်စီၤကွဲၤထူဝ့ ဆီၣ်တခူ ကတိၤပၥ်ဖျါဝဲန့ၣ်လီၤ.
လၢန့ၣ်အမဲၥ်ညါ, အလီၢ်အိၣ်စ့ၢ်ကီးဝဲဒၣ်လၢ ပကပညိၣ်ဃီၤသကိး ပခိၣ်ဆူ တၢ်မၤလၢပှဲၤကညီကလုၥ် အတၢ်မိၣ် န့ၢ် သးလီဒီး ကညီမၤထူရၤတဖၣ် အတၢ်ဟ့ၣ်လီၤသး အခီပညီ အဂ့ၢ် စံးစ့ၢ်ကီးဝဲဒၣ်န့ၣ်လီၤ.
လၢတၢ်သ့ၣ်နီၣ်မၤလၤကပီၤက့ၤဝဲ ကီၢ်ခိၣ် စီၤဘးအူကၠံဃုၥ်ဒီး ကညီကလုၥ်ခိၣ်နၢ်သိၣ်ဒူ, ထံဖိကီၢ်ဖိကမျၢၢ် မၤထူ ရၤ တဖၣ်အဂီၢ် (၁၉၅၀)နံၣ် လါအီကူၥ်(၁၂)သီအံၤ တၢ်ပၥ်ပနီၣ်ဝဲလၢ ကညီမၤထူရၤမုၢ်နံၤ န့ၣ်လီၤ.
တကးဒံးဘၣ်,မၤထူရၤစံးတၢ်န့ၣ် မ့ၢ်ဝဲပှၤတဖၣ်လၢအဆၢထၢၣ် ဂၢၢ်ဂၢၢ်ကျၢၤကျၢၤလၢတၢ်စူၢ်တၢ်နၥ်, တၢ်ကွၢ်စိ တုၤဒၣ်လဲၥ် ဟ့ၣ်လီၤအသးသမူလၢအတၢ်နၥ်ဒီးတၢ်ကွၢ်စိကလၢပှဲၤထီၣ်အဂီၢ်အဃိ,မုၢ်နံၤအံၤမ့ၢ်ဝဲတၢ်သးအုးအမုၢ် နံၤတနံၤလၢ ကညီကလုၥ်ဒူၣ်သ့ၣ်တဖၣ်အဂီၢ်ဒီး မ့ၢ်စ့ၢ်ကီးဝဲ ကညီကလုၥ်ဒူၣ်ဃုၥ် ဒီး ပှၤလၢဘၣ်ထွဲတဖၣ် အတၢ် ပၥ်ကဖၢသးသ့အမုၢ်နံၤတနံၤလၢ အအိၣ်ဒီး ပှၤဒူပှၤဃိၤမၤထူရၤပှၤဟ့ၣ်လီၤသးတဖၣ်အဃိအဂ့ၢ်,လံၥ်ဟ့ၣ်ယုၢ်အ ပူၤ တၢ်ပၥ်လီၤဖျါဝဲဒၣ်န့ၣ်လီၤ.
လၢတၢ်န့ၣ်အဃိ, တနံၣ်အံၤလါအီကူၥ်(၁၂)သီအနံၤလၢ ကလီၤဘၣ်ဝဲ ကညီမၤထူရၤမုၢ်နံၤအံၤ ကညီဖိလၢအိၣ်တၢ် လီၢ်အါတီၤအပူၤ,ကပၥ်ဖှိၣ်ထီၣ်သး သ့ၣ်နီၣ်မၤလၤကပီၤက့ၤဝဲပပှၤကလုၥ် မၤထူရၤပှၤဒူပှၤဃိၤတဖၣ်အဂ့ၢ် (KNU) ကရၢခိၣ် ဆီၣ်သခူပၥ်ဖျါဝဲဒၣ်လၢ လံၥ်ဟ့ၣ်ယုၢ်ပူၤစ့ၢ်ကီးန့ၣ်လီၤ.
ဒ်န့ၣ်အသိး, တၢ်သ့ၣ်နီၣ်မၤ လၤကပီၤအံၤကဘၣ် မ့ၢ်ဝဲ တၢ်မၤလၤကပီၤနီၢ်နီၢ်လၢ အအိၣ်ဃုၥ်ဒီး တၢ်အၢၣ်လီၤသး လၢ တၢ်ကမၤပှဲၤဝဲ ပှၤဒူပှၤဃိၤ ကညီကလုၥ် မၤထူရၤ တဖၣ်အံၤ အတၢ်မုၢ်လၢ်ကွၢ်စိ, တၢ်ဟ့ၣ်လီၤသး အခီပညီ အဂ့ၢ်, လံၥ်ဟ့ၣ်ယုၢ်အပူၤ ပၥ်ဖျါဝဲန့ၣ်လီၤ.
