လါနိၣ်ဝ့ဘၢၣ် ၁ သီ, ၂၀၂၆ နံၣ်, ခ့ၣ်အဲးစံၣ်
မဲၥ်ရၥ်ထၣ်တၢ်လီၢ်လၢအိၣ်ကီၢ်ကၠီၣ်တဲၣ်-ကီၢ်ပယီၤကီၢ်ဆၢ မဲၢ်ဟီၤဆီၤကီၢ်ရ့ၣ် မဲၢ်စရံယါကီၢ်ဆၣ်ကီၢ်ဆၢ ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅) ဟီၣ်ကဝီၤပူၤအံၤ ဖဲမဟါလါအီးကထိဘၢၣ် ၃၁ သီ ဟါခီအဆၢကတီၢ်န့ၣ် သုးမီၤစိရိၤကဘီယူၤလဲၤတ့ၢ် လီၤဝဲမ့ၣ်ပိၢ်အဂ့ၢ်န့ၣ် သ့ၣ်ညါဘၣ်န့ၣ်လီၤ.
တၢ်ကဲထီၣ်ထီၣ်သးန့ၣ် ဖဲမဟါ ၇း၀၀ ဘျဲၣ်အဆၢကတီၢ် မဲၢ်စးလဲး(သီလဲၥ်ထၣ်)သဝီ ဃိၣ်လိၥ်ကျိချံသန့လီၢ်ဝၢ်ခီ မဲၥ်ရၥ်ထၣ် Welcome to Kawthoolei တၢ်လီၢ်လၢအဘၣ်တၢ်သ့ၣ်ညါအီၤအါဝဲအံၤ သုးမီၤစိရိၤကဘီယူၤတဘ့ၣ်လဲၤတ့ၢ်လီၤဝဲ မ့ၣ်ပိၢ် (၂)ဖျၢၣ်န့ၣ်လီၤ.
ဒီးလၢကဘီယူၤအတၢ်လဲၤခးလီၤတၢ်ဘျီဝဲအံၤအပူၤန့ၣ် မ့ၣ်ပိၢ်အက့အခီဖျိးဃီၤဝဲဒၣ်ဆူ မဲၢ်စးလဲးသဝီပူၤအဃိ ပဒိၣ်တၢ်ဆါဟံၣ် ပဲတြီ,ဟံၣ်(မျက်နှာကြက်)အမဲၥ်ညါ သဝီပူၤတၢ်ဘါယွၤသရိၥ်,ဟံၣ်တနီၤအပဲတြီသ့ၣ်တဖၣ် လီၤတဲၥ်သဲၣ်ဖးဘၣ်ဒိဘၣ်ထံး ဝဲဒၣ်အိၣ်အဂ့ၢ်န့ၣ် ကၠီၣ်တဲၣ်တၢ်ကစီၣ်ထုးထီၣ် ပၥ်ဖျါဝဲအသိးသ့ၣ်ညါဘၣ်န့ၣ်လီၤ.
ဒ်ကၠီၣ်တဲၣ်ကစီၣ်ပၥ်ဖျါဝဲအသိးန့ၣ် တချုးတဘီယူၤလဲၤခးလီၤတၢ်ဒံးဘၣ်လၢကီၢ်ကၠီၣ်တဲၣ်တကပၤတၢ်ဒုးသ့ၣ်ညါဟ့ၣ်ပလီၢ်ဝဲ ကမျၢၢ်အိၣ်ဘၣ်ဆၣ် ကဘီယူၤအတၢ်ဟဲခးလီၤတၢ်ဘျီဝဲအံၤလၢတၢ်သတူၢ်ကလၥ်ပူၤအဃိ တၢ်ကတဲၥ်ကတီၤသးတချုးဝဲနီမံၤ ဘၣ် အဂ့ၢ်န့ၣ် စံးဝဲန့ၣ်လီၤ.
မုၢ်နၤခီတၢ်ကဲထီၣ်သးဝံၤဖဲ ၉ နၣ်ရံၣ်ဃၣ်ဃၣ်အဆၢကတီၢ်ဒီးတဂီၤအံၤလါနိၣ်ဝ့ဘၢၣ် ၁ သီ ဂီၤခီအဆၢကတီၢ်န့ၣ် ကၠီၣ်တဲၣ် ပှၤဘၣ်မူဘၣ်ဒါတဖၣ်လဲၤလီၤဃိထံသမံသမိးဝဲ သဝီပူၤတၢ်ဆါဟံၣ်,တၢ်ဘါယွၤသရိၥ်ဃုၥ်ဒီးတၢ်သူၣ်ထီၣ် တၢ်ဘၣ်ဒိ ဘၣ်ထံး တၢ်အိၣ်သးသ့ၣ်တဖၣ်အံၤန့ၣ်လီၤ.
ကဘီယူၤအတၢ်ဟဲခးလီၤတၢ်ဘျီဝဲအံၤ တၢ်ဘၣ်ဒိဘၣ်ထံးတၢ်ဟးဂူၥ်ဟးဂီၤတၢ်အိၣ်သးတဖၣ်ကၠီၣ်တဲၣ်တကပၤတၢ်ထုးထီၣ်ပၥ်ဖျါဝဲ မ့ၣ်အိၣ်ဘၣ်ဆၣ် လၢသီလဲၥ်ထၣ်ဝၢ်ခီ မဲၥ်ရၥ်ထၣ် ခ့ၣ်အဲၣ်ယူၣ်တၢ်လီၢ်တကပၤခီန့ၣ်ဘၣ်ဃးတၢ်ဘၣ်ဒိဘၣ်ထံး, တၢ်ဟးဂူၥ်ဟးဂီၤ တၢ်အိၣ်သးန့ၣ် တုၤလၢတဂီၤအံၤ တထံၣ်လၢတၢ်ထုးထီၣ်ပၥ်ဖျါဝဲတအိၣ်ဘၣ်ဒံးဘၣ်န့ၣ်လီၤ.
ဘၣ်ဆၣ်ကဘီယူၤအတၢ်လဲၤခးလီၤတၢ်ဘျီဝဲအံၤ ကၠီၣ်တဲၣ်တကပၤတၢ်သူၣ်ထီၣ်ဘၣ်ဒိဘၣ်ထံးအိၣ်အသိး လၢဃိၣ်လိၥ်ကျိ ဝၢ်ခီ ကဘီယူၤလဲၤခးလီၤတၢ်လီၢ်တကပၤန့ၣ် တၢ်သူၣ်ထီၣ်ဘၣ်ဒိဘၣ်ထံးဟးဂူၥ်ဟးဂီၤကဲထီၣ်အိၣ်စ့ၢ်ကီးဝဲအဂ့ၢ်န့ၣ် သ့ၣ်ညါဘၣ်လၢ ပှၤလၢအိၣ်ဘူးဖဲန့ၣ်တဖၣ်အအိၣ်န့ၣ်လီၤ.
မဲၥ်ရၥ်ထၣ်(Welcome to Kawthoolei)တၢ်လီၢ်လၢကဘီယူၤလဲၤခးလီၤတၢ်ဖဲမဟါအံၤန့ၣ် အပူၤကွံၥ်မ့ၢ်ဝဲသုးမီၤစိရိၤ အသုးကလၢၤ အိၣ်ဆီလီၤတ့ၢ်သးတၢ်လီၢ်တတီၤဒီး ဘၣ်ဆၣ်ဖဲကီၢ်ပယီၤသုးဟံန့ၢ်ဆူၣ်ထံကီၢ်တၢ်စိတၢ်ကမီၤဝံၤလီၢ်ခံ လါအ့ဖြ့ၣ် ၂၇ သီ အခါန့ၣ် ဘၣ်တၢ်ထီၣ်ဒုးမၤန့ၢ်က့ၤအီၤလၢဟီၣ်ကဝီၤ (KNLA) သုးပၥ်ဖှိၣ်အံၤန့ၣ်လီၤ.
ဒ်န့ၣ်အသိးမဲၢ်ဟီၤဆီၤကီၢ်ရ့ၣ် စးထီၣ်လၢမၤနၢၤပျီတုၤဃီၤဝဲဒၣ်လၢကရ့ၣ်နံၣ်ကီၢ်စဲၣ်အဆၢ ကီၢ်ဆၢတၢ်လီၢ်(၅)တီၤအကျါ သီလဲၥ်ထၣ်ဟီၣ်ကဝီၤအံၤ မ့ၢ်ဟီၣ်ကဝီၤလၢကၠီၣ်တဲၣ်တကပၤပံးဃၥ်ဝဲတၢ်စိၥ်ခီဆှၢဝဲတၢ်ဖိတၢ်လံၤတစှၤန့ၢ်(၃၅)ကလုၥ်လၢ အပၣ်ဃုၥ်ဝဲ ဟံၣ်ဃီတၢ်ပီးတၢ်လီအံၤ န့ၣ်လီၤ.
