လါအီးကထိဘၢၣ် ၆ သီ, ၂၀၂၆ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)ဟီၣ်ကဝီၤ လါစဲးပထ့ဘၢၣ်ထီၣ် ၁ သီတုၤ ၃၀ သီ လၢတလါ အတီၢ်ပူၤ ပယီၤသုးဒီးဟီၣ်ကဝီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးပၥ်ဖှိၣ်အဘၢၣ်စၢၤ တၢ်ဒုးကဲထီၣ်ဝဲ(၁၀၆)ဘျီအဂ့ၢ် န့ၣ် ကီၢ်ရ့ၣ်တၢ်ကစီၣ်ထုးထီၣ်ပၥ်ဖျါဝဲဖဲမဟါလါစဲးပထ့ဘၢၣ် ၅ သီအနံၤန့ၣ်လီၤ.
လၢခံခီခံကပၤတၢ်ဒုးကဲထီၣ်အတီၢ်ပူၤအံၤ ပယီၤသုးတကပၤသံဝဲ(၄၇)ဂၤ, ဘၣ်ဒိဘၣ်ထံး(၂၇)ဂၤဒီး ဘၣ်ဒိဘၣ်ထံးအကျါပၣ်ဃုၥ်ဝဲ သုးဒ့ခိၣ်(၂)ဂၤဒီး သုးခိၣ်ဖိ(၁)ဂၤတကးဒံးဘၣ်အမဲၥ်ညါ ပယီၤသုးဖိဟဲက့ၤပၥ်လီၤစုကဝဲၤလၢ(သုးက့ ၅)အအိၣ်တဂၤစိၥ်ဃုၥ်ဝဲ MA-1 ကျိ(၁)ခိၣ်, BA-100 (၁)ခိၣ်ဒီးကျိချံပှၥ်သၣ်အဂ့ၢ်န့ၣ် လံၥ်တၢ်ပၥ်ဖျါအပူၤပၥ်ဖျါဝဲန့ၣ်လီၤ.
ဒီးပယီၤသုး(၇၄)ဂၤလၢအသံအဘၣ်ဒိဘၣ်ထံးသ့ၣ်တဖၣ်အံၤအါဒၣ်တက့ၢ်သံဘၣ်ဒိဘၣ်အါဝဲလၢ ကမၤမိၢ်-ကတၢတံၥ် ဒီး ဖၣ်ပူၣ်ဟီၣ်ကဝီၤတၢ်ဒုးတၢ်ယၤအပူၤလီၤဒီး ဒ်န့ၣ်အသိးဟီၣ်ကဝီၤတၢ်လီၢ်သ့ၣ်တဖၣ်အံၤဒုးယၤတၢ်ဖ့ၣ်စၢဆဲးကဲထီၣ်ဝဲ အဖၢမုၢ်တုၤလၢခဲအံၤအဂ့ၢ်န့ၣ် သ့ၣ်ညါဘၣ်န့ၣ်လီၤ.
ဘၣ်ဃးတၢ်ဂ့ၢ်အံၤ (သုးက့ ၅)ပှၤကတိၤတၢ်ပၢ ပဒိၣ်စီၤထိၣ်ရီၤဘ့ၤ စံးဝဲလၢ“တလါညါအံၤတၢ်ဒုးကဲထီၣ်အါကတၢၢ်လၢကမၤမိၢ်-ကတၢတံၥ် ပယီၤသုးကျိၤဟဲထီၣ်ဟူးဂဲၤတကပၤန့ၣ်လီၤ.
လၢန့ၣ်တကပၤန့ၣ် တၢ်ဒုးကဲထီၣ်ကိးမုၢ်နံၤဒဲးဃၣ်ဃၣ်အဃိမ့ဘၣ်ကွၢ်ဒု ပယီၤသုးအသံအဘၣ်ဒိဘၣ်ထံးအါန့ၣ် လၢန့ၣ်တကပၤလီၤ”အဂ့ၢ်န့ၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
ဒ်န့ၣ်အသိးလၢလါစဲးပထ့ဘၢၣ်တလါအတီၢ်ပူၤန့ၣ်စ့ၢ်ကီး သုးမီၤစိရိၤလၢအသဂၢၢ်ဘၣ်ဝဲတၢ်သံတၢ်ဘၣ်ဒိဘၣ်ထံးအါဝဲအံၤန့ၣ် သူဝဲဒၣ်ဒြိ(၃၂)ဘျီ, ခးလီၤဝဲ(၁၂၀ မမ),(၁၂၂ မမ)ကျိဖးဒိၣ်(၃၃)ဘျီဒီး ကဘီယူၤလဲၤခးလီၤတၢ်ဆူကမျၢၢ်အိၣ်ဆိးဒူသဝီ ,တၢ်ဖံးအီၣ် မၤလီၢ်အိၣ်ဝဲ(၂၃)ဘျီ ပၥ်ဖှိၣ်ခဲလၢၥ်အိၣ်ဝဲ(၈၈)ဘျီညါန့ၣ်လီၤ.
ဒီးလၢသုးမီၤစိရိၤအကျိဖးဒိၣ်,ဒြိ,ကဘီယူၤအံၤအဃိ လီၢ်ကဝီၤကမျၢၢ်သံမ့တအိၣ်ဘၣ်ဘၣ်ဆၣ် ဘၣ်ဒိဘၣ်ထံးဝဲ(၃)ဂၤဒီး ကမျၢၢ်ဟံၣ်(၂၉)ဖျၢၣ်, စံၥ်ဒဲ(၄)ဖျၢၣ်, ဘုဖီ(၂)ဖျၢၣ်လၢအပၣ်ဃုၥ်ဝဲဘု(၅၀)နၥ်အံၤဟးဂီၤဘၣ်ဒိဘၣ်ထံးဝဲဒၣ်အဂ့ၢ်န့ၣ် ခ့ၣ်အဲၣ်ယူၣ် စံးဝဲန့ၣ်လီၤ.
(သုးက့ ၅)ဟီၣ်ကဝီၤအပူၤ အပူၤကွံၥ်လါအီကူးတလါအတီၢ်ပူၤန့ၣ်စ့ၢ်ကီး ပယီၤသုးဒီးဟီၣ်ကဝီၤတၢ်ပၢၢ်ဆၢသုးပၥ်ဖှိၣ်ကရူၢ် အ ဘၢၣ်စၢၤ တၢ်ဒုးကဲထီၣ်ဝဲ(၁၁၇)ဘျီဒီး ဖဲန့ၣ်ပယီၤသုးသံဝဲ(၄၃),ဘၣ်ဒိဘၣ်ထံး(၄၂)ဂၤကဲထီၣ်ဒံးဝဲဒၣ်န့ၣ်လီၤ.
