KIC News

လါယနူၤအါရံၤ ၅ သီႇ ၂၀၂၂ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)ဟီၣ်က၀ီၤအပူၤ လၢ(၂၀၂၁)နံၣ် တနံၣ်အတီၢ်ပူၤ တၢ်ဒုးကဲထီာ်ပာ်ဖှိၣ်အိၣ်၀ဲအဘျီ(၂၆၉၂)ဘျီဒီး ဖဲန့ၣ်ပယီၤသုးသံခဲလၢာ်(၁၃၆၄)ဂၤႇဘၣ်ဒိ၀ဲ(၁၃၁၃)ဂၤအဂ့ၢ်န့ၣ် KNU မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲဖဲတနံၤအံၤ လါယနူၤအါရံၤ ၅ သီအနံၤန့ၣ်လီၤႉ ဒ်ခ့ၣ်အဲၣ်ယူၣ်မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲအသိးန့ၣ် (၂၀၂၁)နံၣ် စးထီၣ်လၢလါယနူၤအါရံၤတုၤလၢလါဒံၣ်စ့ဘၢၣ်န့ၣ် တၢ်ဒုးကဲထီၣ်လၢကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ဒီးပယီၤသုးမီၤစိရိၤႇသုးခိးကီၢ်ဆၢ(BGF)သုးတဖၣ်အဘၢၣ်စၢၤ ခဲလၢာ်အိၣ်၀ဲ(၂၆၉၂)ဘျီဒီး ပယီၤသုးမီၤစိရိၤတကပၤသံ၀ဲ(၁၃၆၄)ဂၤႇဘၣ်ဒိ၀ဲ(၁၃၁၃)ဂၤအဂ့ၢ်န့ၣ် ပာ်ဖျါ၀ဲန့ၣ်လီၤႉ ပယီၤသုးမီၤစိရိၤသံတဖၣ်အကျါပၣ်ဃုာ်၀ဲသုးခိၣ်ဒိၣ်ဖိ(၁)ဂၤႇသုးရ့ၣ်ခိၣ်(၃)ဂၤႇသုးဒ့ခိၣ်(၁၄)ဂၤႇသုးဒ့ခိၣ်ခံ(၁)ဂၤႇသုးခိၣ်ဖိ(၁)ဂၤႇသုးစကီၤ(၁)ဂၤႇသုးစကီၤဖိ(၁)ဂၤဒီး...

လါယနူၤအါရံၤ ၄ သီႇ ၂၀၂၂ နံၣ်ႇ ခ့ၣ်အဲးစံၣ် ဖဲမဟါလါယနူၤအါရံၤ ၃ သီ ဟါခီအဆၢကတီၢ် ခီဖျိပယီၤသုးမီၤစိရိၤအသုးခးလီၤကျိဖးဒိၣ်လၢမၠၣ်၀တံၣ်ကလံၤထံးလ့က့ၣ်ကိာ်ဟီၣ်က၀ီၤပူၤအဃိ ဖလူလီၢ်က၀ီၤဖိပိာ်မုၣ်လၢအသးနံၣ်အိၣ်(၄၀)နံၣ်တဂၤဘၣ်၀ဲဒီးကျိဖးဒိၣ်သံကွံာ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ ၦၤမၤစၢၤၦၤဃ့ၢ်မှံဟးဖျိးဖိလၢတအဲၣ်ဒိးပာ်ဖျါအမံၤတဂၤစံး၀ဲ“ဖဲမဟါမုၢ်ဟါလီၤ ၃ နၣ်ရံၣ်တခီအဆၢကတီၢ်န့ၣ် တၢ်ဒုးကဲထီၣ်ႇပယီၤသုးခးလီၤကျိဖးဒိၣ်အဃိဘၣ်၀ဲဒၣ်လီၤႉ ခဲအံၤၦၤပိာ်မုၣ်လၢအသံတဂၤန့ၣ် ခီဖျိ(BGF)သုးခိၣ်မိၣ်သိၤတဲလၢက့ၤအိၣ်လၢဟံၣ်န့ၢ်လံအဃိ က့ၤ၀ဲဒၣ်န့ၣ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ဖဲတၢ်ဒုးကဲထီၣ်လၢလ့က့ၣ်ကိာ်ဟီၣ်က၀ီၤအဆၢကတီၢ် သုးခိးကီၢ်ဆၢ(BGF)သုးဟီၣ်က၀ီၤ(၄)ခိၣ် သုးခိၣ်ဒိၣ်ဖိစီၤမိၣ်သိၤတီခိၣ်ရိၣ်မဲအၦၤ ဟဲတုၤ၀ဲဒၣ်ဖဲၦၤလီၢ်အိၣ်ကမှံဖိအိၣ်တၢ်လီၢ်တစိၢ်တလီၢ်အံၤဒီး ခီဖျိလၢဆီၣ်တခူထီၣ်၀ဲၦၤဃ့ၢ်မှံဟးဖျိးဖိတဖၣ်လၢက့ၤအိၣ်လၢဟံၣ်သ့လံအဃိ ၦၤဃ့ၢ်မှံဟးဖျိဖိတနီၤက့ၤအိၣ်လၢအဟံၣ်အဃီအဒူသ၀ီပူၤန့ၣ်လီၤႉ “အနီၢ်နီၢ်ခီန့ၣ်ကမျၢၢ်တဖၣ်အိၣ်၀ဲဒၣ်လၢတၢ်ပူၤဖျဲးအလီၢ်လံႇတဲ၀ဲဒၣ်လၢတဘၣ်တၢ်နီတမံၤဘၣ်ႉ...

လါယနူၤအါရံၤ ၃ သီႇ ၂၀၂၂ နံၣ်ႇ ခ့ၣ်အဲးစံၣ် မီၤစိရိၤအသုးလၢအအိၣ်ဆီလီၤသးဖဲမၠၣ်၀တံၣ်ကလံၤထံးလ့က့ၣ်ကိာ်၀့ၢ်သီဟီၣ်က၀ီၤလၢတၢ်ဒုးကဲထီၣ်အလီၢ်သ့ၣ်တဖၣ်အံၤနုာ်လီၤမၤဟးဂီၤကွံာ်၀ဲကၠိႇဆူၣ်ချ့တၢ်သူၣ်ထီၣ်ဒီးကၠိတၢ်ပီးတၢ်လီလၢနံၣ်ပီဖီၣ်ဒ့ရှၢၣ်မၤဘူၣ်လီၤ၀ဲဖဲလ့က့ၣ်ကီာ်၀့ၢ်သီပူၤတဖၣ်အဂ့ၢ်န့ၣ် သ့ၣ်ညါဘၣ်လၢလီၢ်က၀ီၤတၢ်ကစီၣ်အအိၣ်န့ၣ်လီၤႉ လ့က့ၣ်ကိာ်ဟီၣ်က၀ီၤပူၤလၢတၢ်ဒုးကဲထီၣ်ဒံး၀ဲဒၣ်အံၤ ပယီၤသုးလၢအနုာ်လီၤဟူးဂဲၤဖဲန့ၣ်သ့ၣ်တဖၣ် နုာ်လီၤမၤဟးဂီၤကွံာ်၀ဲဒၣ်ထံဖိကီၢ်ဖိကမျၢၢ်အဟံၣ်အဃီႇကၠိဆူၣ်ချ့တၢ်သူၣ်ထီၣ် လၢယပၣ်နံၣ်ပိဖီၣ်ဒ့ရှၢၣ်ဆီၣ်ထွဲမၤစၢၤ၀ဲသ့ၣ်တဖၣ်ဒီး ကၠိတၢ်ပီးတၢ်လီႇခီၣ်ဖၠူထၢၣ်ဆဲးဖီကဟၣ်ႇ၀ဲၤဒၢးတၢ်ဖိတၢ်လံၤဒီးတၢ်ဖိတၢ်လံၤလၢတၢ်သူ၀ဲသ့ၣ်တဖၣ်အဂ့ၢ်န့ၣ် လီၢ်က၀ီၤၦၤဃ့ၢ်မှံဟးဖျိးဖိလၢအက့ၤလၢအဟံၣ်တဖၣ်စံး၀ဲဒၣ်န့ၣ်လီၤႉ လ့ၣ်က့ၣ်ကိာ်ဆူၣ်ချ့ၦၤမၤတၢ်ဖိတဂၤစံး၀ဲလၢ“(BGF)စီၤမိၣ်သိၤတဲ၀ဲလၢပက၀ီၤဒ့ဖိတဖၣ်က့ၤအိၣ်လၢက၀ီၤဒ့ပူၤန့ၢ်လံမီၤနီၤႉ ပဟဲက့ၤဘျီဒုခိ၀ံၣ်စဲထၢၣ်လီၢ်လၢပမၤဃာ်လၢကၠိပူၤတဖၣ် ဆူၣ်ချ့တၢ်ဖိ တၢ်လံၤတဖၣ်တၢ်မၤဟးဂီၤ၀ဲခဲလၢာ်လီၤႉ ကသံၣ်ကသီတနီၤန့ၣ်တအိၣ်လၢၤဘၣ်ႉ ကသံၣ်ကသီတနီၤန့ၣ်ဘၣ်တၢ်မၤဟးဂီၤကွံာ်၀ဲန့ၣ်ပသ့ၣ်ညါလီၤႉ လၢက၀ီၤဒ့ပူၤနါက့တၢ်နုာ်လီၤဘၢၣ်ဖျိ၀ဲၦၤဟံၣ်လီၤႉ ကျးလၢအဆါတၢ်ဖိတၢ်လံၤတၢ်အီၣ်တၢ်အီတဖၣ်န့ၣ်ဟံ၀ဲခဲလၢာ်ႇမ့မ့ၢ်ကျးတၢ်ဖိတၢ်လံၤခီန့ၣ်မၤဟးဂီၤ၀ဲခဲလၢာ်လီၤႉ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ လ့က့ၣ်ကိာ်၀့ၢ်သီတကးဘၣ်အမဲာ်ညါလၢထံမဲး၀ါခံႇပဟံၣ်ကျီးသ၀ီတကပၤန့ၣ်စ့ၢ်ကီး တီၢ်သဲၣ်ဖးကမျၢၢ်အဟံၣ်အကျးခဲလၢာ်ဒီးဟံးန့ၢ်၀ဲတၢ်ဖိတၢ်လံၤစ့ၢ်ကီးအဂ့ၢ်န့ၣ် လ့က့ၣ်ကိာ်ဆူၣ်ချ့ၦၤမၤတၢ်ဖိတဂၤဃီ၀ဲန့ၣ်စံးအါထီၣ်၀ဲဒၣ်န့ၣ်လီၤႉ သုးမီၤစိရိၤဘိးဘၣ်ရၤလီၤ၀ဲလၢဖီၣ်ဂၢၢ်ဃာ်၀ဲ KNU-ကညီဒီကလုာ်စၢဖှိၣ်ကရၢ...

“လ့က့ၣ်ကီၤ” ၁.ကညီဒီကလု၁်ကရၢ သူၣ်ထီၣ်ဝ့ၢ်သီကပၢဆှၢ တၢ်လီၢ်မံၤကိး “လ့က့ၣ်ကီၤ” မ့ၢ် “ဒူပျ၁်ယ၁်” ဟီၣ်ကဝီၤ ၂.တၢ်သူၣ်ထီၣ်အတၢ်ဆီၣ်ထွဲ ဖုၣ်ခီၣ် N.P.O ကိးဝဲ (Nippon Foundation ,Japan) မ့ၢ်...

“မီၤစိရိၤတၢ်ပၢထံကီၢ်ႇ တဂ့ၤလၢကမျၢၢ်ဖိဂီၢ်” ၁.ကီၢ်ပံၤယီၤသုးမီၤစိရိၤ ပတၢ်စံၣ်စိၤအိၣ်လီၤစိၤ မ့ၢ်ၦၤသူၣ်က့ၣ်သးတလိၤ ဒ် “သၣ်ကိၢ်ကွံ” တၢ်တဲစိၤ သုးမီၤစိရိၤအဒူၣ်ထၢ ဆိၣ်ကဲၤထံကီၢ်တၢ်ပၢၢ်ဆၢ ၂.ၦၤကညီအိၣ်ဆိးလီၢ်ကျဲ သုးမီၤစိရိၤသးလီဝဲ ...

လါဒံၣ်စ့ဘၢၣ် ၃၀ သီႇ ၂၀၂၁နံၣ်ႇ ခ့ၣ်အဲးစံၣ် ခီဖျိပယီၤသုးဒီးသုးခိးကီၢ်ဆၢ(BGF)သုးပာ်ဖှိၣ်တဖၣ်မၤအါထီၣ်သုးဂံၢ်ဘါဟူးဂဲၤအါထီၣ်လၢဒူသထူၣ်ကီၢ်ရ့ၣ် ဘံလ့ကီၢ်ဆၣ်(သုးက့ ၁)ဟီၣ်က၀ီၤပူၤအဃိ ကတီၢ်အံၤလီၢ်က၀ီၤသ၀ီဖိလၢအိၣ်ဖဲန့ၣ်သ့ၣ်တဖၣ် ဘၣ်အိၣ်၀ဲဒၣ်လၢတၢ်ပျံၤတၢ်ဖုးအပူၤဒီးတနီၤန့ၣ်ဘၣ်ဟးဃ့ၢ်ပလဲာ်သးအိၣ်ဒံး၀ဲအဂ့ၢ်န့ၣ် လီၢ်က၀ီၤဖိိတဖၣ်စံး၀ဲအသိးသ့ၣ်ညါဘၣ်န့ၣ်လီၤႉ ဖဲအပူၤကွံာ်လါဒံၣ်စ့ဘၢၣ် ၁၇ သီအနံၤ သုးက့(၁)အၦၤလဲၤထီၣ်မၤန့ၢ်ယိၤကျါ(BGF)သုးလၢၤ၀ံၤအလီၢ်ခံန့ၣ် လီၢ်က၀ီၤသ၀ီလၢအအိၣ်ဘူးဖဲယိၤကျါသ၀ီခိၣ်ဃၢၤသ့ၣ်တဖၣ်ဘၣ်ယိၣ်၀ဲလၢတၢ်ဒုးကကဲထီၣ်ဒီး တုၤလၢခဲအံၤတစုတနီၤန့ၣ်ဘၣ်ဟးစံၣ်ပလဲာ်သးအိၣ်ဒံး၀ဲအဂ့ၢ်န့ၣ် လီၢ်က၀ီၤဖိတဖၣ်စံးဘၣ်ခ့ၣ်အဲးစံၣ်ဖဲတနံၤအံၤလါဒံၣ်စ့ဘၢၣ် ၃၀ သီအနံၤန့ၣ်လီၤႉ လီၢ်က၀ီၤဖိတဂၤစံး၀ဲလၢ“မ့ၢ်လီၤၦၤစံၣ်ကိးမုၢ်ဒဲးလီၤႇစံၣ်တကတၢၢ်နီတဘျီလၢၤဘၣ်ႉ ဒ်သိးယိၤကျါန့ၣ်ခဲအံၤၦၤအိၣ်တ့ၢ်က့ၤစှၤဟံၣ်လီၤႉ ခဲအံၤၦၤဖိဒံဖိသၣ်နါက့ၦၤမၢအိၣ်ဃာ်လၢတၢ်ပူၤမီၤနီၤႉ သ၀ီဖိတဖၣ်ပျံၤ၀ဲဒၣ်လၢပယီၤသုးဒီးကညီသုးကခးလိာ်သးကတိလိာ်သးဘၣ်ဖုးမီၤနီၤ”အဂ့ၢ်န့ၣ်စံး၀ဲဒၣ်န့ၣ်လီၤႉ လၢန့ၣ်အမဲာ်ညါစးထီၣ်လၢတၢ်လဲၤထီၣ်မၤန့ၢ်ယိၤကျါ(BGF)သုးကလၢၤ၀ံၤအလီၢ်ခံန့ၣ် လီၢ်က၀ီၤသ၀ီဖိလၢအအိၣ်ဘူးဖဲန့ၣ်သ့ၣ်တဖၣ်တုၤလၢခဲအံၤဘၣ်အိၣ်လၢတၢ်ပျံၤတၢ်ဖုးအပူၤဒီးစံၣ်ပြံစံၣ်ပြါကိးမုၢ်နံၤဒဲးန့ၣ်လီၤႉ သ၀ီလၢအစံၣ်တဖၣ်န့ၣ်မ့ၢ်၀ဲထံဖးဒိၣ်ထၣ်သ၀ီႇယိၤကျါႇထံဖးဒိၣ်ခံႇထီးကျီးထၣ်ႇ...

လါဒံၣ်စ့ဘၢၣ် ၃၀ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤဂီၤခီ ၇ နၣ်ရံၣ်ဃၣ်ဃၣ်အဆၢကတီၢ် သုးမီၤစိရိၤအသုးဒီးကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)တဖၣ်အဘၢၣ်စၢၤ တၢ်ဒုးကဲထီၣ်၀ဲဖဲကီးနွဲၢ်သ၀ီကရူၢ် အၤကလီၤဒီးယွၤသ့ၣ်ကိသ၀ီအဘၢၣ်စၢၤဒီး ဖဲန့ၣ်ခီဖျိပယီၤသုးတကပၤသူ၀ဲဒၣ်ကျိဖးဒိၣ်အါအါဂီၢ်ဂီၢ်အဃိ လီၢ်က၀ီၤဖိလၢအအိၣ်ဘူးဖဲန့ၣ်အဂၤ(၁၀၀၀)ဘျဲၣ် ဘၣ်ဃ့ၢ်ထီၣ်ဟးပလဲာ်သးအဂ့ၢ်န့ၣ် လီၢ်က၀ီၤဖိိတဖၣ်စံး၀ဲအသိးသ့ၣ်ညါဘၣ်န့ၣ်လီၤႉ လီၢ်က၀ီၤသ၀ီဖိတဂၤစံး၀ဲလၢ“တၢ်ဒုးတၢ်အိၣ်သးအံၤဆူၣ်ထီၣ်ဒိၣ်မးအဃိ ကီးနွဲၢ်ကရူၢ်ပူၤ သ၀ီ(၆)ဖျၢၣ်ဘၣ်ဃ့ၢ်ထီၣ်ဟးပလဲာ်အသးမီၤနီၤႉ ၦၤဃ့ၢ်ထီၣ်အနီၣ်ဂံၢ်နီၣ်ဒွးန့ၣ်အိၣ်၀ဲ(၁၇၉၇)ဂၤႇ ဟံၣ်ခိၣ်န့ၣ်အိၣ်၀ဲ(၃၅၆)ဖျၢၣ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ပယီၤသုး(ခလရ-၂၀၁)ဒီး(ခလရ-၃၁၀)သုးရ့ၣ်လၢအနီၣ်ဂံၢ်ကအိၣ်၀ဲအဂၤ(၁၀၀)ဘျဲၣ်အံၤ ဖဲနုာ်လီၤ၀ဲလၢခ့ၣ်အဲၣ်ယူၣ်တၢ်ပၢဟီၣ်က၀ီၤဒူပျာ်ယာ်ကီၢ်ရ့ၣ်(သုးက့ ၆) ကီးတရံးကီၢ်ဆၣ်...

လါဒံၣ်စ့ဘၢၣ် ၃၀ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤ လါဒံၣ်စဲဘၢၣ် ၃၀ သီဂီၤခီအဆၢကတီၢ် တၢ်ဒုးကဲထီၣ်လၢလ့ၣ်က့ၣ်ကီာ်အခါ (KNLA)သုးပာ်ဖှိၣ်ဖီၣ်န့ၢ်၀ဲသုးမီၤစိရိၤအသုး(၇)ဂၤ ဃုာ်ဒီးကျိချံၦာ်သၣ်တဖၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲအ၀ဲသ့ၣ်ဟဲ၀ဲဒီးၦၤကမျၢၢ်သိလ့ၣ်လၢကဆီတလဲတၢ်လီၢ်အခါ တၢ်ဖီၣ်ချုးန့ၢ်၀ဲဖဲယသ့ၣ်ကူၤသ၀ီကပၤအဂ့ၢ်န့ၣ် လီၢ်က၀ီၤတၢ်ကစီၣ်လၢအဘူးဒီး(KNLA)အံၤ စံး၀ဲန့ၣ်လီၤႉ အ၀ဲစံး၀ဲလၢ“တၢ်ဖီၣ်ချုးန့ၢ်၀ဲဖဲတနံၤအံၤတၢ်ဒုးကဲထီၣ်အပူၤလီၤႉ ဖီၣ်ချုး၀ဲ ၇ ဂၤႇပၣ်၀ဲဒီးသုးဒ့ခိၣ်တဂၤလီၤႉ အဂၤန့ၣ်မ့ၢ်၀ဲသုးဖိတဖၣ်လီၤႉ ခဲအံၤအိၣ်၀ဲဒၣ်လၢခိၣ်နၢ်အစုပူၤလီၤ”အဂ့ၢ်န့ၣ် ပာ်ဂၢၢ်ပာ်ကျၢၤစံးဘၣ်ခ့ၣ်အဲးစံၣ်န့ၣ််လီၤႉ ဖဲအပူၤကွံာ်လါဒံၣ်စ့ဘၢၣ် ၁၆...

လါဒံၣ်စ့ဘၢၣ် ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် တကီၢ်ခါတၢ်ကဲထီၣ်သးလၢသုးမီၤစိရိၤအသုးဒီးကညီဒီကလုာ်တၢ်ထူၣ်ဖျဲးသုးမုၢ်ဒိၣ်-KNLA အဘၢၣ်စၢၤတၢ်ဒုးကဲထီၣ်၀ဲဒၣ်ဖဲလ့က့ၣ်ကီာ်ဟီၣ်က၀ီၤအဖီခိၣ်အံၤ ကညီတၢ်မုာ်တၢ်ခုၣ်ကီၣ်ကး(KNU/KNLA-PC)ဒီးတၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ်(DKBA)တဖၣ်တတူၢ်လိာ်၀ဲဘၣ်အဂ့ၢ်န့ၣ် စံး၀ဲဒၣ်န့ၣ်လီၤႉ ဖဲစှၤသီအတီၢ်ပူၤအံၤ ပယီၤသုးမီၤစိရိၤမၤ၀ဲတၢ်ထီၣ်ဒုးလၢကဘီယူၤဖဲ(KNU)သုးက့ ၆ ဟီၣ်က၀ီၤပူၤအဖိခိၣ်အံၤ အ၀ဲသ့ၣ်တကပၤတူၢ်လိာ်၀ဲတသ့ဘၣ်အဂ့ၢ်န့ၣ် ကညီတၢ်မုာ်တၢ်ခုၣ်ကီၣ်ကးအနဲၣ်ရွဲၣ်သဃဲၤ သုးခိၣ်ဒိၣ်စိစီၤကၠီၤညိၣ်စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“တၢ်တခါအံၤပတထံၣ်လၢအကြၢးဘၣ်မီၤနီၤႉ ပတအဲၣ်ဒိးဘၣ်ႇပထီဒါ၀ဲဒၣ်လီၤႉ တမံၤဂ့ၤတမၠိဂ့ၤသုးမီၤစိရိၤမၤတၢ်ဖံးတၢ်မၤသ့ၣ်တဖၣ်အံၤပတဆီၣ်ထွဲအ၀ဲသ့ၣ်ဘၣ်ႉ မ့မ့ၢ်လၢကညီဘၣ်တူၢ်ဘၣ်ကီၤတၢ်ခဲလၢာ်ခဲစ့ခီန့ၣ်ဒ်သိးဒီးပတူၢ်ဘၣ်ကီၤဘၣ်စ့ၢ်ကီးလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ လၢန့ၣ်အမဲာ်ညါ ပတဆၢမုၢ်လၢ်လၢတၢ်ဒုးကကဲထီၣ်ဘၣ်ႇဘၣ်ဆၣ်မ့မ့ၢ်ကစၢ်ဂီၢ်တၢ်ဒီသဒၢဒု တၢ်ရဲၣ်တၢ်ကျဲၤလၢသုးတကပၤန့ၣ်အိၣ်၀ဲဒၣ်အသိး ပသုးဂ့ၢ်၀ီတၢ်မၤန့ၣ်ပတဲပၠးတသ့ခဲလၢာ်ဘၣ်ဒီး တမံၤဂ့ၤတမၠိဂ့ၤကညီဖီၣ်စုက၀ဲၤတၢ်ဃူတၢ်ဖိးကရၢကအိၣ်ဖှိၣ်ကတၢၣ်ပီၣ်တဲသကိးတၢ်ဒုတၢ်ရဲၣ်တၢ်ကျဲၤအိၣ်၀ဲအဂ့ၢ်န့ၣ်...

လါဒံၣ်စ့ဘၢၣ် ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲအပူၤကွံာ်လါဒံၣ်စ့ဘၢၣ် ၂၃ သီအနံၤ ခီဖျိပယီၤသုးဆှၢအါထီၣ်သုးဂံၢ်ဘါအါအါဂီၢ်ဂီၢ်လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ်(သုးက့ ၃) လၢၢ်ဒိၣ်ကီၢ်ဆၣ် မုၢ်သဲးဟီၣ်က၀ီၤပူၤအဃိ လီၢ်က၀ီၤဖိတဖၣ်ဘၣ်ဃ့ၢ်မှံဟးဖျိးအဂ့ၢ်န့ၣ် ခ့ၣ်အဲၣ်ယူၣ်တၢ်ကစီၣ်ဒီးတၢ်ဘိးဘၣ်ရၤလီၤ၀ဲၤကျိၤထုးထီၣ်ပာ်ဖျါ၀ဲန့ၣ်လီၤႉ ပယီၤသုးခီၣ်သုးရ့ၣ်(ခလရ-၃၅၁ႇခလရ-၁၂၄ႇခလရ-၅၈၉ႇခလရ-၅၉၈ႇခလရ-၄၄၀)ဒီးခီၣ်ချ့သုးရ့ၣ်(ခမရ-၇၉)တဖၣ်ပာ်ဖှိၣ်ထီၣ်သးႇသုးသိလ့ၣ်အခိၣ်(၃၀)သုးဂံၢ်ဘါကအိၣ်(၄၈၀)ဃၣ်ဃၣ်ဒီး ကသ့ၣ်လၢအတီၣ်တၢ်အီၣ်တၢ်အီအဒု(၁၀၀)ဃၣ်ဃၣ်အံၤ ဟဲနုာ်လီၤဟူးဂဲၤ၀ဲဒၣ်လၢခ့ၣ်အဲၣ်ယူၣ်မုၢ်တြီၢ်ကီၢ်ရ့ၣ်ဟီၣ်က၀ီၤပူၤအဃိ လီၢ်က၀ီၤဖိလၢအအိၣ်ဖဲမုၢ်သဲးကျဲဖီခိၣ်အကပိၤကပၤတဖၣ်ပျံၤတၢ်ဖုးတၢ်ဘၣ်ဟးဃ့ၢ်အိၣ်ခူသူၣ်လၢတၢ်လီၢ်အဂၤအဂ့ၢ်န့ၣ် KNU ထုးထီၣ်ပာ်ဖျါ၀ဲအသိးသ့ၣ်ညါဘၣ်န့ၣ်လီၤႉ ခီဖျိသုးမီၤစိရိၤအသုးတဖၣ်ဟူးဂဲၤ၀ဲဒုးယာ်ဂ့ၢ်၀ီအဃိ သ့ၣ်နွဲၤထၣ်သ၀ီ(ကိး)မုၢ်သဲးသ၀ီဖိတဖၣ်ဘၣ်ဃ့ၢ်မှံဟးဖျိးအမဲာ်ညါ ပီၤဖီခံသ၀ီႇစ့ဘီလူၢ်ႇထံပနၢ်အ့ၣ်ခံႇဃဲၢ်ကၢ်ခိၣ်သ၀ီ ဟံၣ်ခိၣ်(၈၆)ဖျၢၣ် ၦၤနီၣ်ဂံၢ်(၅၅၀)ဘျဲၣ်...