KIC News

လါယနူၤအါရံၤ ၁၃ သီႇ ၂၀၂၂ နံၣ်ႇ ခ့ၣ်အဲးစံၣ် ဖဲတဂီၤအံၤ ခီဖျိပယီၤသုးမီၤစိရိၤခးလီၤကျိဖးဒိၣ်ဒီးအသုးကျိၤတဖၣ်ဟဲနုာ်လီၤဆူ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ သုးက့(၆)ဟီၣ်က၀ီၤ ဖလူဖိသ၀ီပူၤအဃိ တၢ်ဘၣ်သဂၢၢ်ခးလိာ်သးကဲထီၣ်၀ဲဒီးဟီၣ်က၀ီၤကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးပာ်ဖှိၣ်တဖၣ်ဒိၣ်ဒိၣ်မုၢ်မုၢ်အဂ့ၢ်န့ၣ် လီၢ်က၀ီၤတၢ်ကစီၣ်စံး၀ဲအသိးသ့ၣ်ညါဘၣ်န့ၣ်လီၤႉ ဖဲတနံၤအံၤဂီၤခီ ၈း၄၀ မံးနံးအဆၢကတီၢ် ပယီၤသုးမီၤစိရိၤခးလီၤကျိဖးဒိၣ်တဖၣ်ဆူကညီဖီၣ်စုက၀ဲၤကရူၢ် တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ်(DKBA)ဘံၣ်ဘၢတၢ်လီၢ်လၢအမ့ၢ်ဘိၤစလိသုးကလၢၤတကပၤဒီး ခီဖျိပယီၤသုးကျိၤနုာ်လီၤတလၢ၀ဲဟီၣ်က၀ီၤအဃိ တၢ်ခးလိာ်သးဘၣ်ဟဲကဲထီၣ်၀ဲလီၤအဂ့ၢ်န့ၣ် ၦၤဘၣ်မူဘၣ်ဒါတဂၤပာ်ဂၢၢ်ပာ်ကျၢၤစံးဘၣ်ခ့ၣ်အဲးစံၣ်န့ၣ်လီၤႉ “ဖဲတဂီၤညါအံၤ ၈ နၣ်ရံၣ်ဘျဲၣ်န့ၣ်ခးလီၤ၀ဲဒီးစ့ၤပၠီ(၁၂၀)လီၤႉ လၢလီၢ်က၀ီၤပူၤစ့ၢ်ကီး ပယီၤသုးကျိၤ(၂)ကျိၤနီၤဖးလိာ်သးဟဲထီၣ်၀ဲဒၣ်လၢဖလူဖးဒိၣ်သ၀ီတကပၤလီၤႉ ဟဲထီၣ်၀ဲလၢသ၀ီချၢတကျိၤဒီး...

လါယနူၤအါရံၤ ၁၃ သီႇ ၂၀၂၂ နံၣ်ႇ ခ့ၣ်အဲးစံၣ် ဖဲတနံၤအံၤလါယနူၤအါရံၤ ၁၃ သီ ဂီၤခီ ၁း၁၀ မံးနံးအဆၢကတီၢ် ခီဖျိပယီၤသုးမီၤစိရိၤအကဘီယူၤဟဲကွံာ်လီၤကဒီးမ့ၣ်ပိၢ်လၢခ့ၣ်အဲၣ်ယူၣ်တၢ်ပၢဟီၣ်က၀ီၤ မုၢ်တြီၢ်ကီၢ်ရ့ၣ် သုးက့(၅) ဒွဲၣ်လိကီၢ်ဆၣ် ၀ီၢ်မုၢ်သ၀ီကရူၢ် စွ့ၤညီၤပ့ၤသ၀ီပူၤအဃိ လီၢ်က၀ီၤဖိသံ၀ဲ(၁)ဂၤႇဘၣ်ဒိ၀ဲ(၃)ဂၤအဂ့ၢ်န့ၣ် လီၢ်က၀ီၤခ့ၣ်အဲၣ်ယူၣ်(သုးက့ ၅)ၦၤဘၣ်မူဘၣ်ဒါစံး၀ဲန့ၣ်လီၤႉ တၢ်လီၢ်လၢပယီၤသုးမီၤစိရိၤဟဲကွံာ်လီၤမ့ၣ်ပိၢ်အလီၢ်န့ၣ် မ့ၢ်၀ဲဒၣ်ခ့ၣ်အဲၣ်ယူၣ်(သုးက့ ၃)ဟီၣ်က၀ီၤဆၢဒီး ခီဖျိကွံာ်လီၤ၀ဲလိၤလိၤဆူဒူသ၀ီပူၤအဃိ လီၢ်က၀ီၤသ၀ီဖိတဖၣ်သံဘၣ်ဒိဘၣ်ထံးအိၣ်၀ဲအဂ့ၢ်န့ၣ်...

လါယနူၤအါရံၤ ၁၃ သီႇ ၂၀၂၂ နံၣ်ႇ ခ့ၣ်အဲးစံၣ် ခီဖျိပယီၤသုးမီၤစိရိၤအကဘီယူၤဟဲကွံာ်လီၤမ့ၣ်ပိၢ်ဒီးခးလီၤကျိဖးဒိၣ်တဖၣ်ဆူ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢတၢ်ပၢဟီၣ်က၀ီၤ ဒူပျာ်ယာ်ကီၢ်ရ့ၣ်(သုးက့ ၆) ကီးတရံး၀့ၢ်ပူၤအဃိ လီၢ်က၀ီၤဖိလၢအဘၣ်ဃ့ၢ်မှံဟးဖျိးအဂၤ(၂၀၀၀)ဘျဲၣ်အံၤ လီၢ်က၀ီၤကမျၢၢ်ကဒဲကဒဲပာ်ဖှိၣ်ထီၣ်သးကွၢ်ထွဲမၤစၢၤသကိး၀ဲၦၤဃ့ၢ်မှံဟးဖျိးဖိတဖၣ်အံၤအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ ၦၤဃ့ၢ်တၢ်ဒုးဖိတဖၣ်အံၤတနီၤန့ၣ်လဲၤအိၣ်၀ဲဒၣ်လၢသီခါဖၠၣ်ဒီးအသကိးအဘူးတံၢ်အဟံၣ်အိၣ်၀ဲအသိး တနီၤန့ၣ်ဒိးန့ၢ်ဘၣ်၀ဲဂံၢ်ခီၣ်ထံးတၢ်အီၣ်တၢ်အီလၢဟီၣ်က၀ီၤတၢ်ကရိကရိအအိၣ်အိၣ်၀ဲဘၣ်ဆၣ် ဘၣ်ဃးလၢတၢ်အီၣ်တၢ်အီအဂီၢ်န့ၣ်အါဒၣ်တက့ၢ်လီၢ်က၀ီၤကမျၢၢ်ကဒဲကဒဲပာ်ဖှိၣ်မၤစၢၤသကိး၀ဲလီၤအဂ့ၢ်န့ၣ် လီၢ်က၀ီၤဖိတဂၤစံး၀ဲန့ၣ်လီၤႉ အီဖးဖိသ၀ီ လီၢ်က၀ီၤဖိတဂၤစံး၀ဲ“လၢသ၀ီပူၤန့ၣ်ၦၤဟးထၢၦၤစံၣ်အနီၣ်ဂံၢ်ဒုအိၣ်လီၤႉ ၦၤထၢစရီ၀ံၤ လံႇဆိမိၣ်ဒုဟီၣ်က၀ီၤၦၤဘၣ်မူဘၣ်ဒါဒီးတၢ်ကရၢကရိတဖၣ်ကဟဲမၤစၢၤ၀ဲလီၤႉ ခဲအံၤလီလီစဲၤဒု ကဒဲကဒဲကွၢ်ထွဲမၤစၢၤလိာ််သးလီၤႉ မ့ဟဲအိၣ်လၢပဟံၣ်ဒုပကဘၣ်ဒုအီၣ်မ့ၤလီၤမီၤနီၤ ကဒဲကဒဲလီၤအဃိတၢ်ကီတၢ်ခဲတအိၣ်ဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ကီးတရံး၀့ၢ်ပူၤ...

လါယနူၤအါရံၤ ၁၂ သီႇ ၂၀၂၂ နံၣ်ႇ ခ့ၣ်အဲးစံၣ် ဖဲလါယနူၤအါရံၤ ၁၀ သီအနံၤ ဒူပျာ်ယာ်ကီၢ်ရ့ၣ်ခိၣ်ပဒိၣ်စီၤစွ့ၤမီကွဲးဒုးသ့ၣ်ညါကီၢ်ရ့ၣ်ၦၤဘၣ်မူဘၣ်ဒါတဖၣ်လၢ လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဒူပျာ်ယာ်ကီၢ်ရ့ၣ်ပူၤ တဘၣ်တြီပယီၤသုးအတၢ်ဆှၢထီၣ်ဆှၢလီၤတၢ်အီၣ်တၢ်အီဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲပယီၤသုးဆှၢတၢ်အီၣ်မ့ၢ်ဂ့ၤႇလဲၤက့ၤဒီးဘ့ၣ်၀ါ(ကမျၢၢ်ကူကၤ)လၢကျဲပူၤတဖၣ်မ့ၢ်ဂ့ၤ တကြၢးတြီဒီးဖီၣ်အီၤဘၣ် မ့ၢ်လၢခီကရဲးတၢ်ဆၢတဲာ်တၢ်တထူးသံမၤဟးဂီၤကွံာ်အီၤဒံးဘၣ်အဃိလီၤအဂ့ၢ်န့ၣ် လံာ်ဃ့ကညးအပူၤပာ်ဖျါ၀ဲန့ၣ်လီၤႉ လၢန့ၣ်အမဲာ်ညါပမ့ဖီၣ်ဒီးတြီအီၤဒ်အံၤလဲၤသးဒ်သိးပတွံၢ်နုာ်တၢ်ကိၢ်တၢ်ဂီၤဆူပအိၣ်ဆိးလီၢ်ကျဲဒီး ကမၤဒ်ခီကရဲးတၢ်ဆၢတဲာ်ဒီးခိၣ်နၢ်တၢ်အၢၣ်လီၤအီလီၤလိာ်သးအဖီခိၣ် လဲၤက့ၤဘ့ၣ်၀ါသ့ဒီးတမၤတံာ်တာ်လိာ်သးဘၣ်န့ၣ်ကဂ့ၤလၢကမျၢၢ်အဂီၢ်လီၤအဂ့ၢ်န့ၣ် စံး၀ဲန့ၣ်လီၤႉ သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ၀ံၤအလီၢ်ခံ ဒူပျာ်ယာ်ကီၢ်ရ့ၣ်ခိၣ်ပဒိၣ်စီၤစွ့ၤမီအံၤထုးထီၣ်၀ဲနီၢ်တဂၤလံာ်တၢ်ပာ်သးခဲအံၤခဲအံၤဒီး အ၀ဲဆီၣ်တခူစံး၀ဲလၢကလူၤပိာ်မၤထွဲ(NCA)လံာ်ဃံးဃာ်ဒီးကထံၣ်လိာ်တၢၣ်ပီၣ်ဘှါဆှဲသကိးလၢစီၤနီၢ်ခိၣ်န့ၣ်လီၤႉ ၦၤဟူးဂဲၤထံရူၢ်ကီၢ်သဲးစီၤအဲလ်ဘၢၣ်ခၠိၤစံး၀ဲလၢ“တဲလၢအိၣ်ဆၢထၢၣ်လၢ(NCA)အဖီခိၣ်ႇသုးဟးထီၣ်ဟးလီၤကဘၣ်ဟ့ၣ်အခွဲးဒု တမ့ၢ်ဒံးဘၣ်မီၤနီၤႉ...

လါယနူၤအါရံၤ ၁၁ သီႇ ၂၀၂၂ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢတၢ်ပၢဟီၣ်က၀ီၤဘျံးဒ၀ဲၢ်ကီၢ်ရ့ၣ် လၢၢ်မုၢ်လါကီၢ်ဆၣ်ပူၤ ပယီၤသုးဒွဲၣ်အူပ၀ိၣ်ကိသ၀ီဖိအဟံၣ်(၅)ဖျၢၣ်၀ံၤအလီၢ်ခံ တကီၢ်ခါခဲအံၤလီၢ်က၀ီၤဖိတဖၣ်ဘၣ်ဃ့ၢ်ပူၤဖျဲးသးသ၀ီဒီတဖျၢၣ်ညါအဂ့ၢ်န့ၣ် လီၢ်က၀ီၤဖိတဖၣ်စံး၀ဲအသိး သ့ၣ်ညါဘၣ်န့ၣ်လီၤႉ ပယီၤသုးလၢအဒွဲၣ်အူကွံာ်လီၢ်က၀ီၤဖိအဟံၣ်န့ၣ်မ့ၢ်၀ဲ(ခလရ-၂၈၅)သုးရ့ၣ်ဒီး ဖဲလါယနူၤအါရံၤ ၈ သီအနံၤန့ၣ် သုးကျိၤအနီၣ်ဂံၢ်ကအိၣ်အဂၤ(၂၀၀)ဃၣ်ဃၣ်ဟဲထီၣ်၀ဲဒီး ခးလီၤနါစိၤကျိဖိဒိၣ်တဖၣ်ဆူဒူသ၀ီပူၤအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ ခီဖျိပယီၤသုးခးလီၤကျိဖးဒိၣ်ဒီးဒွဲၣ်အူကွံာ်လီၢ်က၀ီၤဖိအဟံၣ်အဃီတဖၣ်အဃိ ခ့ၣ်အဲၣ်ယူၣ်ဘျံးဒ၀ဲၢ်ကီၢ်ရ့ၣ်(သုးက့ ၄) လၢၢ်မုၢ်လါကီၢ်ဆၣ်ပူၤ ပ၀ိၣ်ကိသ၀ီႇဒူယ့ပ့ၤစှီၤႇမၠိၣ်ဟီႇကဒဲႇမဒီဒီးမ့ထ့ၤသ၀ီဖိတဖၣ် အိၣ်လၢသ၀ီပူၤတဘူူၣ်လၢာ်ဘၣ်ဒီး ဘၣ်ဟးစံၣ်ပလဲာ်သးသ၀ီဒီတဖျၢၣ်ကဲထီၣ်သးန့ၣ်လီၤႉ ဖဲလါယနူၤအါရံၤ...

လါယနူၤအါရံၤ ၁၁ သီ၊ ၂၀၂၂ နံၣ်၊ ခ့ၣ်အဲးစံၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)လီၢ်ခၢၣ်သးကသံၣ်၀ဲၤဒ့အိးထီၣ်၀ဲ(၃၄)၀ီတ၀ီဂံၢ်ခီၣ်ထံးသုးကသံၣ်တၢ်မၤလိအံၤ ၦၤထီၣ်တၢ်မၤလိဖိအိၣ်၀ဲ(၁၁၆)ဂၤဒီး ဖဲမဟါလါယနူၤအါရံၤ ၁၀ သီအနံၤန့ၣ် တၢ်မၤ၀ဲဂံၢ်ခီၣ်ထံးသုးကသံၣ်တၢ်မၤလိကၠိပျၢ်တၢ်ရဲၣ်တၢ်ကျဲၤအမူးအံၤန့ၣ်လီၤႉ ၦၤလၢအဟဲထီၣ်ဂံၢ်ခီၣ်ထံးသုးကသံၣ်တၢ်မၤလိတဖၣ် ကဘၣ်ဟဲ၀ဲလၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ သုးက့(၅)ဘ့ၣ်အခၢၣ်စးအမဲာ်ညါ သိၣ်မှံၤကရူၢ်လၢအဂၤဒီးတၢ်ကရၢကရိလၢအအိၣ်ဖဲကီၢ်ဆၢလၢအမၤတၢ်လၢဆူၣ်ချ့ ဟဲထီၣ်၀ဲတၢ်သိၣ်လိအံၤအိၣ်၀ဲ(၁၁၆)ဂၤဒီးတၢ်ပျၢ်တၢ်သိၣ်လိတၢ်ရဲၣ်တၢ်ကျဲၤမူးအံၤ ဘၣ်တၢ်မၤအီၤဖဲ(KNLA)သုး၀ဲၤလီၢ်ခိၣ်သ့ၣ်န့ၣ်လီၤႉ ဂံၢ်ခီၣ်ထံးသုးကသံၣ်တၢ်မၤလိလၢတၢ်မၤလိ၀ဲယံၤ(၆)လါအတီၢ်ပူၤအံၤ တၢ်သိၣ်လိမၤဒိးန့ၢ်၀ဲဘၣ်ဃးဂံၢ်ခီၣ်ထံးသုးတၢ်သိၣ်လိဃုာ်ဒီးဂ့ၢ်ဂီၢ်အူတၢ်ကူစါယါဘျါႇတၢ်ဒုးအိၣ်ဖျဲၣ်ဖိႇဂံၢ်ခီၣ်ထံးတၢ်ကွဲးတၢ်ကါႇကမျၢၢ်တၢ်အိၣ်ဆူၣ်အိၣ်ချ့ႇတၢ်ကွၢ်ထွဲကူစါယါဘျါမဲာ်ချံဒီးတၢ်ဂ့ၢ်တၢ်ကျိၤလၢအဂၤသ့ၣ်တဖၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ တၢ်ပျၢ်ကွံာ်ဂံၢ်ခီၣ်ထံးသုးကသံၣ်တၢ်မၤလိတၢ်ရဲၣ်တၢ်ကျဲမူးဘျီ၀ဲအံၤအပူၤ ခ့ၣ်အဲၣ်ယူၣ်နဲၣ်ရွဲၣ် သဃဲၤ(၂)ပဒိၣ်စီၤလၣ်ထိႇ(KNLA)လီၢ်ခၢၣ်သးသုးဂ့ၢ်၀ီခိၣ်ကျၢၢ်သုးခိၣ်ကျၢၢ်ဖိမါရှါထူဂီၤႇ ဖၣ်အၣ်ကီၢ်ရ့ၣ်ခိၣ်ပဒိၣ်စီၤအီၤမီၤအ့ႇတၢ်သိၣ်လိမူဒါခိၣ်(KNLA)ကသံၣ်၀ဲၤဒ့ခိၣ် သုးခိၣ်ဒိၣ်စိနီၢ်စ့ဒ့ကဲႇ ကီၢ်ပယီၤဒံၣ်မိၣ်ကရဲၣ်တ့ၣ်ကၠိဖိသုးမုၢ်(ABSDF)ပၢဆှၢရဲၣ်ကျဲၤကရၢဖိစးလဲယီအီၤႇဒီကလုာ်ဃူဖိး(NUG)ပဒိၣ်...

လါယနူၤအါရံၤ ၁၀ သီႇ ၂၀၂၂ နံၣ်ႇ ခ့ၣ်အဲးစံၣ် မုၢ်တြီၢ်ကီၢ်ရ့ၣ် သုးက့(၅)ဟီၣ်က၀ီၤပူၤ ဖဲမဟါလါယနူၤအါရံၤ ၉ သီ တနံၤဃီအတီၢ်ပူၤ တၢ်ခးလိာ်သးကဲထီၣ်၀ဲ(၅)ဘျီဒီး ဖဲန့ၣ်ပယီၤသုးမီၤစိရိၤအၦၤသံ၀ဲဒၣ်(၁၀)ဂၤႇဘၣ်ဒိ(၃)ဂၤအဂ့ၢ်န့ၣ်် ခ့ၣ်အဲၣ်ယူၣ်-မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲဖဲတနံၤအံၤန့ၣ်လီၤႉ ဒ်မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲအသိး ဖဲလါယနူၤအါရံၤ ၉ သီ ဂီၤခီ ၇ နၣ်ရံၣ်ဘျဲၣ်အဆၢကတီၢ် သုးက့(၅)စုဒုၣ်တီၤအဖီလာ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးရ့ၣ်အၦၤ လဲၤခး၀ဲပယီၤသုးလၢအအိၣ်ဖဲထူၣ်မီဒၢတိၤမဲၢ်ခံတဘျီဒီး...

လါယနူၤအါရံၤ ၇ သီႇ ၂၀၂၂ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢကီၢ်သူလ့ၤတၢ်ပၢဟီၣ်က၀ီၤအပူၤ ဖဲ(၂၀၂၁)နံၣ်အတီၢ်ပူၤ တၢ်ဘၣ်သဂၢၢ်ခးလိာ်သးကဲထီၣ်ပာ်ဖှိၣ်အိၣ်၀ဲ(၃၁၅၂)ဘျီဒီး ဖဲန့ၣ်ပယီၤသုးမီၤစိရိၤ အၦၤသံ၀ဲ(၂၁၉၀)ဂၤႇ ဘၣ်ဒိ၀ဲ(၂၀၄၈)ဂၤအဂ့ၢ်န့ၣ် ခ့ၣ်အဲၣ်ယူၣ်တၢ်ကစီၣ်ဒီးတၢ်ဘိးရၤလီၤထုးထီၣ်ပာ်ဖျါ၀ဲဖဲတနံၤအံၤလါယနူၤအါရံၤ ၇ သီအနံၤန့ၣ်လီၤႉ ဒ်ခ့ၣ်အဲၣ်ယူၣ်ထုးထီၣ်ပာ်ဖျါ၀ဲအသိးန့ၣ် ၂၀၂၁ နံၣ်အတီၢ်ပူၤ ဒူသထူၣ်ကီၢ်ရ့ၣ်(သုးက့ ၁)ဟီၣ်က၀ီၤ တၢ်ဘၣ်သဂၢၢ်ခးလိာ်သးကဲထီၣ်၀ဲ(၂၄၉)ဘျီႇတီအူကီၢ်ရ့ၣ်(သုးက့ ၂) ၅၀ ဘျီႇ ချၢၣ်လွံၢ်ထူၣ်ကီၢ်ရ့ၣ်(သးက့ ၃)...

လါယနူၤအါရံၤ ၇ သီႇ ၂၀၂၂ နံၣ်ႇ ခ့ၣ်အဲးစံၣ် ဖဲတနံၤအံၤလါယနူၤအါရံၤ ၆ သီအနံၤ လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်အပူၤ ပယီၤသုးမီၤစိရိၤအၦၤ(၃)ဂၤဟဲဟ့ၣ်လီၤသးဆူခ့ၣ်အဲၣ်ယူၣ်(သုးက့ ၅)အအိၣ်ဃုာ်ဒီးတၢ်စုက၀ဲၤတဖၣ်အဂ့ၢ်န့ၣ် ခ့ၣ်အဲၣ်ယူၣ်မုၢ်တြီၢ်ကီၢ်ရ့ၣ်တၢ်ကစီၣ်ထုးထီၣ်ပာ်ဖျါ၀ဲန့ၣ်လီၤႉ ပယီၤသုးခီၣ်ချ့သုးရ့ၣ်(ခမရ-၄၃၉)လၢအအိၣ်ဆီလီၤသးဖဲလူၢ်သီကီၢ်ဆၣ် စီၤမုၢ်ပျီပူၤ အီၤမ့ခဲၤ(၂၉)နံၣ်ႇ မ့သ့သါ(၂၂)နံၣ်ဒီးသါထွ့(၂၁)နံၣ်သ့ၣ်တဖၣ် ဆဲးကျိး၀ဲဟီၣ်က၀ီၤ KNU(သုးက့ ၅)ဒီး ဟဲဟ့ၣ်လီၤသးဒ်အံၤလီၤအဂ့ၢ်န့ၣ် ခ့ၣ်အဲၣ်ယူၣ်မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲအသိး သ့ၣ်ညါဘၣ်န့ၣ်လီၤႉ “ခီဖျိလၢအ၀ဲသ့ၣ်သုးကလၢၤန့ၣ်တၢ်အီၣ်တၢ်အီတကူတလၢလၢၤဘၣ်အဖီခိၣ် ကဆှၢထီၣ်တၢ်အီၣ်တၢ်အီအဂီၢ်စ့ၢ်ကီးဆှၢ၀ဲတညီလၢၤဘၣ်အဃိ လၢသုးကလၢၤပူၤအခိၣ်အနၢ်သ့ၣ်တဖၣ်ဆီၣ်တံၢ်မၤနၢၤအ၀ဲသ့ၣ်အဃိ...

လါယနူၤအါရံၤ ၆ သီႇ ၂၀၂၂ နံၣ်ႇ ခ့ၣ်အဲးစံၣ် တၢ်ကစီၣ်ဟူထီၣ်လၢကညီနံၣ်ထီၣ်သီအတီၢ်ပူၤပယီၤသုးကနုာ်လီၤမၤဒုးယၤတၢ်ဟူးတၢ်ဂဲၤအဃိ လူၢ်ပျဲၢ်ကီၢ်ဆၣ် ရှါယွၤသ့ၣ်သ၀ီကပၤ သရ့ၤဖိကွံလီၢ်က၀ီၤသ၀ီဖိတနီၤဟးစံၣ်ပလဲာ်ဆိသးအဂ့ၢ်န့ၣ် သ့ၣ်ညါဘၣ်န့ၣ်လီၤႉ တချုးလၢတနံၣ်အံၤလါယနူၤအါရံၤထီၣ် ၂ သီ ကညီနံၣ်ထီၣ်သီတုၤဒံးဘၣ်အခါန့ၣ် ခီဖျိလီၢ်က၀ီၤဖိတဖၣ်နၢ်ဟူ၀ဲတၢ်ကစီၣ်လၢပယီၤသုးကနုာ်လီၤမၤဒုးယၤတၢ်ဟူးတၢ်ဂဲၤအဃိ လီၢ်က၀ီၤဒူဖိသ၀ီဖိအကျါသူၣ်က့သးၦၢ်ႇပိာ်မုၣ်ပိာ်မၢၤဒီးဖိဒံဖိသၣ်သ့ၣ်တဖၣ် လဲၤစံၣ်ပလဲာ်ဆိသးလၢကီၢ်ဆၢတၢ်လီၢ်တဖၣ်ဒီး တုၤလၢခဲအံၤတစုဟဲက့ၤ၀ဲတဘူၣ်ဒံးဘၣ်အဂ့ၢ်န့ၣ် လီၢ်က၀ီၤၦၤဘၣ်မူဘၣ်ဒါတဂၤစံး၀ဲဒ်အံၤန့ၣ်လီၤႉ အ၀ဲစံး၀ဲလၢ“အ၀ဲသ့ၣ်န့ၣ်အတၢ်လဲၤခီဖျိအိၣ်ဃာ်လၢဘၣ်စံၣ်ဘၣ်ဃ့ၢ်လံအဃိ မ့နၢ်ဟူတၢ်တမံၤမံၤန့ၣ် ဆိမိၣ်၀ဲလၢကစံၣ်ဆိလီၤမီၤနီၤႉ ခဲအံၤၦၤစံၣ်တဖၣ်အကျါန့ၣ် မ့ၢ်၀ဲဒၣ်ပိာ်မုၣ်ပိာ်မၢၤႇ သူၣ်က့သးၦၢ်ဒီးဖိဒံဖိသၣ်တဖၣ်လီၤမီၤနီၤႉ လၢသ၀ီပူၤန့ၣ်ၦၤတအိၣ်အါအါလၢၤဘၣ်ႉ...