KIC News

လါစဲးပထ့ဘၢၣ် ၃၀ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါလါစဲးပထ့ဘၢၣ် ၂၉ သီအနံၤ တၢ်ဒွဲၣ်အူကွံာ်ပယီၤသုး(mytel)လီတဲစိအတၢၣ်စဲးဖီကဟၣ်လၢအအိၣ်ဖဲကညီကီၢ်စဲၣ် ကီးတရံး၀့ၢ်ကလံၤထံး ကွ့ကလ့သ၀ီပူၤအဂ့ၢ်န့ၣ် သ့ၣ်ညါဘၣ်လၢဟီၣ်က၀ီၤတၢ်ကစီၣ်အအိၣ်န့ၣ်လီၤႉ လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤစံး၀ဲ“တၢ်ဒွဲၣ်အူ၀ဲဖဲတနံၤညါအံၤဂီၤခီအနၣ်ရံၣ် ၁၀ မီၤနီၤႉ ဖဲမဟါနါက့တၢ်ခးလိာ််သးကဲထီၣ်စ့ၢ်ကီးလီၤႉ ၦၤတဲလၢဟဲမၤတဲာ်၀ဲ(tower)တၢၣ်စဲးဖီကဟၣ်အပျံၤမီၤနီၤႉ တဲ၀ဲလၢၦၤတဒူၣ်ဟဲမၤ၀ဲမီၤနီၤႉ ဖဲမဟါန့ၣ်ပယီၤသုးမၢၦၤကးတံၢ်၀ဲဒီး၀ၣ်ဒံးလီၤ”အဂ့ၢ်န့ၣ်် စံးဘၣ်ခ့ၣ်အဲးစံၣ်ဖဲမဟါ(လါစဲးပထ့ဘၢၣ် ၂၉)သီအနံၤန့ၣ်လီၤႉ ဖဲအပူၤကွံာ်(လါစဲးပထ့ဘၢၣ် ၂၅)သီအနံၤ တၢ်မၤတဲာ်ကွံာ်ပယီၤသုး...

"ကညီဒီကလု၁်ကရၢခိၣ်တစိၤဘၣ်တစိၤ" ၁.ဒီကလု၁်ကရၢမိၢ်ၦၢ် အဂံၢ်ထံးစးထီၣ်ဝဲဒၣ် ယဲၢ်ႇ ထ့ကူ၁်ႇ တၢခွံလွံၢ်နွံ (၅.၂.၁၉၄၇) ခ့ၣ်အဲၣ်ယူၣ်အိၣ်ဖျဲၣ်ထီၣ်လံ ၂.ကရၢလွံၢ်ဖုပ၁်ဖှိၣ်သး ပတၢ်စံၣ်စိၤအိၣ်ကွဲးသး ခ့ၣ်အဲၣ်အ့ၣ်ဒီး ခ့ၣ်စံၣ်အိၣ် (KNA, KCO) ...

လါစဲးပထ့ဘၢၣ် ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ပယီၤသုးလၢအဟူးဂဲၤဖဲခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်အပူၤတဖၣ် ခီဖျိအ၀ဲသ့ၣ်ခးလီၤကျိဖးဒိၣ်အဃိ လီၢ်က၀ီၤသ၀ီဖိတဂၤအခိၣ်ဘၣ်၀ဲဒီးကျိဖးဒိၣ်အက့အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲအပူၤကွံာ်(လါစဲးပထ့ဘၢၣ် ၂၇)သီအနံၤ သုးခိၣ်ဒိၣ်ဂီၢ်ဂ့ၢ် စီၣ်မ့ထဲၣ်တီခိၣ်ရိၣ်မဲ အၦၤပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ–၈)စုဒုၣ်တီၤအဖီလာ် ခီၣ်ချ့သုးရ့ၣ်(ခမရ–၄၀၇)လၢအအိၣ်ဖဲမုၢ်တြီၢ်ကီၢ်ရ့ၣ် ဒွဲၣ်လိကီၢ်ဆၣ် နါကူၢ်နါသ၀ီကရူၢ်အံၤ ခီဖျိအ၀ဲသ့ၣ်ခးလီၤကျိဖးဒိၣ်အဃိ လီၤတဲာ်ပိၢ်ဖးထီၣ်၀ဲဒၣ်လၢကျီၢ်ထၣ်သ၀ီကပၤဒီး ဖဲန့ၣ်ကျိဖးဒိၣ်အက့ဘၣ်၀ဲဒၣ်စီၤမၠၣ်မီၤ(၅၆)နံၣ်အခိၣ်အဂ့ၢ်န့ၣ် သ့ၣ်ညါဘၣ်လၢဟီၣ်က၀ီၤတၢ်ကစီၣ်အအိၣ်န့ၣ်လီၤႉ ပယီၤသုးလၢအဟူးဂဲၤဖဲမုၢ်တြီၢ်ကီၢ်ရ့ၣ်အပူၤတဖၣ် ခးလီၤကျိဖးဒိၣ်လၢလီၢ်က၀ီၤဒူသ၀ီကမျၢၢ် ထံဖိကီၢ်ဖိတၢ်အိၣ်တၢ်ဆိးလီၢ်ကျဲပူၤအိၣ်၀ဲကိးမုၢ်နံၤဒဲးဃၣ်ဃၣ်ညါအဂ့ၢ်န့ၣ် ကညီတၢ်တိစၢၤမၤစၢၤတၢ်မုာ်တၢ်ခုၣ်ၦာ်ဘျးစဲ(KPSN)အၦၤကတိၤတၢ်ပၢ...

လါစဲးပထ့ဘၢၣ် ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤလါစဲးပထ့ဘၢၣ် ၂၉ သီအနံၤ ကညီကီၢ်စဲၣ်သုးကီၣ်ကးခိၣ် စီၤမၠ့ၣ်အူအတၢ်လဲၤလၢဒံၣ်မိၣ်ခြ့ၣ်စံၣ်ကညီသုးမုၢ်ဒိၣ်(DKBA)သုး၀ဲၤလီၢ်သ့ၣ်ဆိၣ်စံမၠဲၣ်တၢ် လီၢ်အံၤ မ့ၢ်ဒၣ်တၢ်ဟဲဟ့ၣ်လီၤလီၢ်က၀ီၤဖိတဖၣ်အခိၣ်ဂီၤ(မၣ်ပိၤတ့ၤ)လီၤအဂ့ၢ်န့ၣ် DKBA တကပၤစံး၀ဲန့ၣ်လီၤႉ ကီၢ်စဲၣ်သုးကီၣ်ကးခိၣ်ဃုာ်ဒီး ကီၢ်စဲၣ်ဘံၣ်ဘၢကိတိာ်ခိၣ် သုးခိၣ်ဒိၣ်စိ မၠိမ့နီၣ်အတၢ်လဲၤဘျီ၀ဲအံၤမ့ၢ်ဒၣ်ဟဲဟ့ၣ်လီၤ၀ဲလီၢ်က၀ီၤသ၀ီဖိ(၂၀၀)ဘျဲၣ်အခိၣ်ဂီၤလီၤအဂ့ၢ်န့ၣ် DKBA လီၢ်ခၢၣ်သးသုး၀ဲၤလီၢ်ခိၣ်သ့ၣ် သုးရိၣ်မဲခိၣ်(၂)သုးခိၣ်ဒိၣ်ဖိ စီၤစးမ့စံး၀ဲဒ်အံၤန့ၣ်လီၤႉ “တနံၤညါအံၤအ၀ဲသ့ၣ်ဟဲ၀ဲဒၣ်တၢ်ဟ့ၣ်လီၤခိၣ်ဂီၤတၢ်ရဲၣ်တၢ်ကျဲၤအမူးလီၤႉ ဟဲဟ့ၣ်လီၤ၀ဲဒၣ်လ့ဂီၤႇ၀ၣ်မံၤကျါႇအူးကြ့ၣ်ထၣ်ႇဂီၤလ့ၤသ၀ီဖိအဂၤ(၂၀၀)ဘျဲၣ်အခိၣ်ဂီၤလီၤ”အဂ့ၢ်န့ၣ်...

လါစဲးပထ့ဘၢၣ် ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤလါစဲးပထ့ဘၢၣ် ၂၉ သီအနံၤ သ့ၣ်ညါဘၣ်လၢ ကညီကီၢ်စဲၣ်သုးကီၣ်ကးအခိၣ် စီၤမၠ့ၣ်အူကလဲၤ၀ဲဒၣ်လၢတၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ်(DKBA)သုး၀ဲၤလီၢ်ခိၣ်သ့ၣ်ဆိၣ်စံမၠဲၣ်တၢ်လီၢ်အဃိ ကျဲလၢတၢ်ကလဲၤဆိၣ်စံမၠဲၣ်ဒီတကျိၤန့ၣ်(DKBA)မၤအါထီၣ်ကျဲတၢ်ဘံၣ်တၢ်ဘၢအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိလၢအထံၣ်ဒီးအမဲာ်တဖၣ်အအိၣ်န့ၣ်လီၤႉ တၢ်ကစီၣ်ဟူထီၣ်လၢ ကီၢ်စဲၣ်သုးကီၣ်ကးအခိၣ် စီၤမၠ့ၣ်အူလၢသုးမီၤစိရိၤတီၣ်ထီၣ်၀ဲအံၤ ကဟဲ၀ဲဒၣ်လၢလ့က့ၣ်ကီာ်၀့ၢ်သီဒီးဆိၣ်စံမၠဲၣ်တၢ်လီၢ်အဃိ တကီၢ်ခါခဲအံၤဖဲလီၢ်က၀ီၤ၀ဲန့ၣ်အပူၤ ပယီၤသုးဃုာ်ဒီး(DKBA)သုးတဖၣ်မၤအါထီၣ်တၢ်ဘံၣ်တၢ်ဘၢအဂ့ၢ်န့ၣ် လီၢ်က၀ီၤဖိလၢအထံၣ်၀ဲဒီးအမဲာ်တဂၤစံး၀ဲဒ်အံၤန့ၣ်လီၤႉ “ဖဲတနံၤအံၤဂီၤခီဂီၤဂီၤန့ၣ် စးထီၣ်လၢဆိၣ်စံမၠဲၣ်တုၤလၢဖလူကျဲဒီတကျိၤန့ၣ် ပထံၣ်လၢ(DKBA)သုးအိၣ်၀ဲတဒူၣ်တဒူၣ်လီၤႉ ဘၣ်မနုၤအဃိလဲၣ်န့ၣ်တသ့ၣ်ညါဘၣ်ႉ...

လါစဲးပထ့ဘၢၣ် ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤလါစဲးပထ့ဘၢၣ် ၂၈ သီ ဂီၤခီ ၁၁ နၣ်ရံၣ်အဆၢကတီၢ် ပယီၤသုးစုဒုၣ်တီၤအဖီလာ်လၢအမ့ၢ်(ခမရ–၅၆၀)သုးရ့ၣ် သုးဂံၢ်ဘါအဂၤ(၁၀၀)ဃၣ်ဃၣ်နုာ်လီၤ၀ဲဒၣ်လၢလ့က့ၣ်ကီာ်၀့ၢ်သီက၀ီၤဒ့တဖၣ်အပူၤဒီး နုာ်လီၤသံဒိးသံကွၢ်တၢ်လၢလီၢ်က၀ီၤကမျၢၢ်အဟံၣ်လၢအိၣ်က၀ီၤဒ့ပူၤတဖၣ်န့ၣ်လီၤႉ ပယီၤသုးစုဒုၣ်တီၤအဖီလာ်သုးတဖၣ်အံၤ ခီဖျိနုာ်လီၤ၀ဲဒၣ်လၢကညီဒီကလုာ်စၢဖှိၣ်ကရၢ သုးက့(၆)ဟီၣ်က၀ီၤ လ့က့ၣ်ကီာ်၀့ၢ်သီပူၤအဃိ လီၢ်က၀ီၤဖိတဖၣ်ဘၣ်ယိၣ်၀ဲလၢတၢ်ဒုးကဟဲကဲထီၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ပယီၤသုးဟူးဂဲၤသုးကျိၤ၀ဲအံၤ ဖဲအ၀ဲသ့ၣ်နုာ်လီၤသံဒိးသံကွၢ် တၢ်လၢလ့က့ၣ်ကီာ်က၀ီၤဒ့ကမျၢၢ်အဟံၣ်ပူၤ၀ံၤအလီၢ်ခံ ဟးထီၣ်ဆဲးလဲၤ၀ဲဆူဖလူသ၀ီတကပၤအဂ့ၢ်န့ၣ် သ့ၣ်ညါဘၣ််န့ၣ်လီၤႉ

လါစဲးပထ့ဘၢၣ် ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် ခီဖျိတၢ်ကစီၣ်ဟူထီၣ်လၢသုးမီၤစိရိၤအစုဒုၣ်တီၤအဖီလာ်သုးကရူၢ်လၢအအိၣ်ဖဲပကိကီၢ်ခီႇလၢၢ်ဒိၣ်ကီၢ်ဆၣ် မိဟီၣ်က၀ီၤအပူၤတဖၣ် က့ၤပာ်ဖှိၣ်ထီၣ်သးဒီး ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးရ့ၣ်(၈)အဃိ တကီၢ်ခါခဲအံၤပယီၤသုးတကပၤကတဲာ်ကတီၤမၤအါထီၣ်အသုးဂံၢ်ဘါဖဲလီၢ်က၀ီၤ၀ဲန့ၣ်ပူၤအဂ့ၢ်န့ၣ် KNU တကပၤစံး၀ဲန့ၣ်လီၤႉ တၢ်ကစီၣ်ဟူထီၣ်လၢဖဲအပူၤကွံာ်လါစဲးပထ့ဘၢၣ် ၂၄ သီအနံၤ ပယီၤသုးခီၣ်ချ့သုးရ့ၣ်(ခမရ–၅၉၉) သုးခိၣ်စိတဂၤဒီးအၦၤသုးဖိတနီၤလၢအအိၣ်ဖဲမိဟီၣ်က၀ီၤအပူၤအံၤ က့ၤပာ်ဖှိၣ်ထီၣ်သးဒီးခ့ၣ်အဲၣ်ယူၣ် သုးက့(၃) သုးရ့ၣ်(၈)က့ၤစိာ်ဃုာ်ဒီးကျိဖိကျိဖးဒိၣ်တဖၣ်အဃိ တကီၢ်ခါခဲအံၤပယီၤသုးတကပၤကတဲာ်ကတီၤမၤၦဲၤထီၣ်အသုးဂံၢ်ဘါ(၂၀၀)ဘျဲၣ်ဖဲလီၢ်က၀ီၤ၀ဲန့ၣ်ပူၤအဂ့ၢ်န့ၣ်...

လါစဲးပထ့ဘၢၣ် ၂၇ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲအပူၤကွံာ်လါစဲးပထ့ဘၢၣ် ၂၅ သီအနံၤ ခီဖျိသုးမီၤစိရိၤအသုးကဘီယူၤဟဲဆှၣ်တၢ်လၢကညီကီၢ်စဲၣ် ကီးတရံးကီၢ်ဆၣ်ပူၤတလီၢ်လီၢ်အဃိ လီၢ်က၀ီၤဖိတဖၣ်ဘၣ်ယိၣ်ဘၣ်ဘှီပျံၤတၢ်ဖုးတၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ သုးမီၤစိရိၤအသုးကဘီယူၤဟဲဆှၣ်တၢ်အဖီခိၣ် ကီးတရံးကီၢ်ဆၣ် လီၢ်က၀ီၤဖိတဂၤစံး၀ဲလၢ“ဘၣ်ယိၣ်လၢကဟဲကွံာ်လီၤမ့ၣ်ပိၢ်ဒ်သိးဒီးတၢ်လီၢ်လၢအဂၤမီၤနီၤႉ ခဲအံၤမ့ၢ်စ့ၢ်ကီးတၢ်စူၤခါႇမ့ၢ်ဘၣ်စံၣ်ဒီးဖိဒံဖိသၣ်ဒုတညီဘၣ်ႉ မ့ၢ်၀ံၤလၢကအီၣ်ကအီအဂီၢ်စ့ၢ်ကီး တမ့ၢ်လၢကဘၣ်ဂီၢ်၀ဲဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ သုးမီၤစိရိၤဟံးန့ၢ်ကွံာ်တၢ်စိတၢ်ကမီၤ၀ံၤအလီၢ်ခံ သုးမီၤစိရိၤတကပၤဟဲဃုသ့ၣ်ညါဟဲဆှၣ်တၢ်ဒီး drone ႇကဘီယူၤအိၣ်၀ဲတလီၢ်လီၢ်အဂ့ၢ်န့ၣ် လီၢ်က၀ီၤၦၤဘၣ်မူဘၣ်ဒါတဖၣ်စံး၀ဲန့ၣ်လီၤႉ ဖဲအပူၤကွံာ်လါအီကူးသၢနွံတနွံအခါ လၢကီးတရံးကလံၤထံး...

လါစဲးပထ့ဘၢၣ် ၂၇ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ ခီဖျိသူမှဲကျိထံဒိၣ်ထီၣ်အဃိ က၀ီၤဒ့ဟံၣ်လၢအအိၣ်တၢ်လီၢ်လီၤဖုၣ်လၢထံကျိကပၤအဖျၢၣ်(၁ႇ၀၀၀)ဘျဲၣ် ဘၣ်သုးလီၢ်သုးကျဲအဂ့ၢ်န့ၣ်သ့ၣ်ညါဘၣ်န့ၣ်လီၤႉ ဖဲမဟါလါစဲးပထ့ဘၢၣ် ၂၆ သီ ဟါခီအဆၢကတီၢ် သူမှဲကျိထံဟဲထီၣ်၀ဲဒၣ်ကွ့ၢ်ကွ့ၢ်ဒီး တုၤလၢမုၢ်နၤခီအဆၢကတီၢ် ထံအံၤထီၣ်တလၢကွံာ်၀ဲဒၣ်တုၤလၢတၢ်ဘၣ်ယိၣ်ထံနီၣ်ဂံၢ်(၃)ပ့ၣ်ဘျဲၣ်ညါန့ၣ်လီၤႉ ခီဖျိသူမှဲကျိထံဒိၣ်ထီၣ်အဃိ က၀ီၤဒ့တဖၣ်လၢအအိၣ်တၢ်လီၢ်လီၤဖုၣ်လၢထံကျိအကပိၤကပၤတဖၣ်လၢအမ့ၢ် ကၠီၣ်ဖၠၤတြဲၤႇသဲပိၤတြဲၤႇသယဲၣ်ပ့ၤတြဲၤႇသဖါပ့ၤတြဲၤႇခိၤစၤတြဲၤႇကၠီၣ်တါတြဲၤႇ၀ါတီတြဲၤတၢ်လီၢ်တဖၣ်ဒီး က၀ီၤဒ့လၢအိၣ်၀့ၢ်ပူၤတနီၤဟံၣ်ခိၣ်အဖျၢၣ်(၁ႇ၀၀၀)ဘျဲၣ်ဃၣ်ဃၣ် ဘၣ်သုးလီၢ်သုးကျဲန့ၣ်လီၤႉ ထံဖိကီၢ်ဖိကမျၢၢ်လၢအသဂၢၢ်ဘၣ်ဒီးထံဒိၣ်ထီၣ်တၢ်ကီတၢ်ခဲအံၤတဖၣ် တၢ်အိးထီၣ်န့ၢ်၀ဲတၢ်အိၣ်ကဒုတၢ်လီၢ်လၢအဘူးဖဲန့ၣ်တဖၣ်ဒီး တုၤလၢတဂီၤအံၤဂီၤခီအဆၢကတီၢ် ၦၤနီၣ်ဂံၢ်(၃ႇ၀၀၀)ဃၣ်ဃၣ်ဟဲတုၤအိၣ်၀ဲဒၣ်ဖဲတၢ်အိၣ်ကဒုအလီၢ်န့ၣ်လီၤႉ မၠၣ်၀တံၣ်၀့ၢ်အံၤ ဖဲအပူၤကွံာ်လါယူၤဒီးလါယူၤလံအခါစ့ၢ်ကီး...

လါစဲးပထ့ဘၢၣ် ၈ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် ဖၣ်အၣ်၀့ၢ်ပူၤ ဖဲမဟါ(လါစဲးပထ့ဘၢၣ် ၇)သီအနံၤ တၢ်ခးသံကွံာ်ၦၤလၢ အမံၤဟူသၣ်ဖျါလၢအဟ့ၣ်သုးမီၤစိရိၤအသုးတၢ်ကစီၣ်တဂၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ကိၣ်ကၠီၤစ့ၤ၀့(ကိး)တကီၤငကၠွဲလၢအအိၣ်ဖဲဖၣ်အၣ်၀့ၢ် နီၣ်ဂံၢ်(၄)က၀ီၤဒ့တဂၤအံၤ ဖဲမဟါဟါခီ ၆ နၣ်ရံၣ် အဆၢကတီၢ် ၦၤစိာ်စုက၀ဲၤဖိဟဲခးသံအီၤလၢအဟံၣ်မဲာ်ညါဒီး ကျိ ၂ ထံၣ်အဂ့ၢ်န့ၣ် ၦၤလၢအဘူးဒီးအီၤတဖၣ်စံး၀ဲန့ၣ်လီၤႉ “ဖဲမဟါ ၆ နၣ်ရံၣ်ဃၣ်ဃၣ်န့ၣ်တၢ်ဟဲခးသံအီၤလီၤႉ...