ခီဖျိပယီၤသုးနုာ်လီၤသံဒိးသံကွၢ်တၢ်လၢလ့က့ၣ်ကီာ်၀့ၢ်သီဒီးစုက၀ဲၤလၢလၢၦဲၤၦဲၤအဃိ ကမျၢၢ်တဖၣ်အိၣ်ဒီးတၢ်ဘၣ်ယိၣ်ဘၣ်ဘှီ

လါစဲးပထ့ဘၢၣ် ၂၈ သီႇ ၂၀၂၁ နံၣ်ႇ ခ့ၣ်အဲးစံၣ်

ဖဲတနံၤအံၤလါစဲးပထ့ဘၢၣ် ၂၈ သီ ဂီၤခီ ၁၁ နၣ်ရံၣ်အဆၢကတီၢ် ပယီၤသုးစုဒုၣ်တီၤအဖီလာ်လၢအမ့ၢ်(ခမရ–၅၆၀)သုးရ့ၣ် သုးဂံၢ်ဘါအဂၤ(၁၀၀)ဃၣ်ဃၣ်နုာ်လီၤ၀ဲဒၣ်လၢလ့က့ၣ်ကီာ်၀့ၢ်သီက၀ီၤဒ့တဖၣ်အပူၤဒီး နုာ်လီၤသံဒိးသံကွၢ်တၢ်လၢလီၢ်က၀ီၤကမျၢၢ်အဟံၣ်လၢအိၣ်က၀ီၤဒ့ပူၤတဖၣ်န့ၣ်လီၤႉ

ပယီၤသုးစုဒုၣ်တီၤအဖီလာ်သုးတဖၣ်အံၤ ခီဖျိနုာ်လီၤ၀ဲဒၣ်လၢကညီဒီကလုာ်စၢဖှိၣ်ကရၢ သုးက့(၆)ဟီၣ်က၀ီၤ လ့က့ၣ်ကီာ်၀့ၢ်သီပူၤအဃိ လီၢ်က၀ီၤဖိတဖၣ်ဘၣ်ယိၣ်၀ဲလၢတၢ်ဒုးကဟဲကဲထီၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ

ပယီၤသုးဟူးဂဲၤသုးကျိၤ၀ဲအံၤ ဖဲအ၀ဲသ့ၣ်နုာ်လီၤသံဒိးသံကွၢ် တၢ်လၢလ့က့ၣ်ကီာ်က၀ီၤဒ့ကမျၢၢ်အဟံၣ်ပူၤ၀ံၤအလီၢ်ခံ ဟးထီၣ်ဆဲးလဲၤ၀ဲဆူဖလူသ၀ီတကပၤအဂ့ၢ်န့ၣ် သ့ၣ်ညါဘၣ််န့ၣ်လီၤႉ