KIC News

လါစဲးပထ့ဘၢၣ် ၂၈ သီ, ၂၀၁၈နံၣ်, စီၤရှါ. ကညီသးစၢ်ကရၢ(KYO)ဒီးကညီသးစၢ်ပှာ်ဘျးစဲ(KYN)တဖၣ်တီခိၣ်ရိၣ်မဲ၀ဲဒီးကမၤ၀ဲကညီသးစၢ်တၢ်ထံၣ်လိာ်တဲသကိးတခါ ဖဲလါနိၣ်၀့ဘၢၣ် ခံနွံတနွံအံၤ လၢကတီၢ်ယံာ်၀ဲသၢ သီဖဲ(ခ့ၣ်အဲၣ်ယူၣ်) ကီးတရံးတၢ်ပၢ အပူၤန့ၣ်လီၤ. ကညီသးစၢ်ကဒဲကဒဲတဂၤဒီးတဂၤလၢကနၢ်ပၢၢ်လိာ်သးကအါထီၣ်အဂီၢ်, ကသ့ၣ်ညါအါထီၣ် တကီၢ်ခါထံရူၢ် ကီၢ်သဲးတၢ်အိၣ်သးအဂီၢ်ဒီးသးစၢ်သ့ၣ်တဖၣ် အကပၣ်ဃုာ်ဒီး တၢ်ထံၣ်လိာ်တဲသကိး၀ံၤ လဲၤလၢတၢ်အိၣ် ဖှိၣ်ဒိၣ်ပတီၢ်ကန့ၢ်အဂီၢ် ပညိၣ်အီၤအဂ့ၢ် ပှၤဘၣ်မူဘၣ်ဒါလၢရဲၣ်ကျဲၤ၀ဲမူးတဖၣ်စံး၀ဲန့ၣ်လီၤ. သးစၢ်တၢ်ထံၣ်လိာ်တၢၣ်ပီၣ်တဲသကိးလၢတၢ်ပာ်လီၤဃာ်အီၤလီၤလၢစ့ကၠး(၁၄၀)ကလီၢ်အံၤ အပူၤ ခၢၣ်စး လၢ ဟဲထီၣ်တဖၣ်...

လါစဲးပထ့ဘၢၣ် ၂၈ သီ, ၂၀၁၈နံၣ်, စီၤမၠၣ်အူသၣ် အမဲရကၤကီၢ်စၢဖှိၣ် ၀ၣ်ရှ့ၣ်တၣ်ကီၢ်စဲၣ်(Seattle)၀့ၢ်(Washington)ဖၠၣ်စိမိၤ ၂၀၁၈ နံၣ်အဂီၢ် (Roux Prize) ခိၣ်ဖးအံၤ ဟ့ၣ်လီၤ၀ဲဆူ ဒီကထၢၣ်စ့ၣ်သံၣ်ယၣ်မီၣ်လၢအမ့ၢ်မဲၢ်တီၣ် တၢ်ဆါဟံၣ်ပှၤနဲၣ် တၢ်အံၤ ဖဲလါစဲးပထ့ဘၢၣ်(၂၆)သီအနံၤန့ၣ်လီၤ. ဒီကထၢၣ်စ့ၣ်သံၣ်ယၣ်မီၣ်အံၤအိးထီၣ်ဃာ်၀ဲမဲၢ်တီၣ်တၢ်ဆါဟံၣ်ဖဲ မဲၢ်ဆီးအပူၤဒီး ကူစါယါဘျါန့ၢ်၀ဲ ခီကီၢ်ပှၤမၤတၢ်ဖိ,ကီၢ်ပယီၤအပူၤပှၤဆါတဖၣ်ဒီးဟ့ၣ်တၢ်သ့ၣ်ညါနၢ်ပၢၢ်လၢတၢ်အိၣ်ဆူၣ်အိၣ်ချ့တကပၤဒီးတၢ်တီခိၣ်ရိၣ်မဲဂ့ၤအဃိဒိးန့ၢ်ဘၣ်၀ဲခိၣ်ဖးအဂ့ၢ် မဲၢ်တီၣ်တၢ်ဆါဟံၣ် ပှၤဆှၢရဲၣ်ကျဲၤတၢ်(၂)ဂၤတဂၤ နီၢ်အဲနံၣ်စံး၀ဲန့ၣ် လီၤ. “တၢ်အိၣ်ဆူၣ်အိၣ်ချ့တၢ်ဂ့ၢ်တၢ်ကျိၤတဖၣ်ရဲၣ်ကျဲၤ၀ဲဂ့ၤအဃိ တၢ်ဟ့ၣ်လီၤအီၤခိၣ်ဖးလီၤ....

လါစဲးပထ့ဘၢၣ် ၂၈ သီ, ၂၀၁၈ နံၣ်, ခ့ၣ်အဲးစံၣ်. အ့ရှၢၣ်ကျဲမုၢ်ဒိၣ်တၢ်တိာ်ကျဲၤလၢလိညးကစၢၢ်တၢ်ထုးထီၣ်လၢၢ်အံၤ တၢ်ပာ်ပတုာ်ဃာ်အီၤအ၀ံၤအလီၢ်ခံ ကတီၢ်အံၤ တၢ်ထံၣ်ဃာ်ကဒီး၀ဲကစၢၢ်ကထုးထီၣ်လၢၢ်လၢအအိၣ်ဖဲဖၣ်ပူၣ်(မုၢ်တြီၢ်)ဟီၣ်က၀ီၤပူၤ အဂ့ၢ် တၢ်ကွၢ်ထွဲခိၣ်ဃၢၤန့ဆၢၣ်,သ့ၣ်ပှၢ်,ဟီၣ်လာ်ဒီးကျဲမုၢ်ကျဲ ဘိကိတိာ်ခိၣ်စီၤပၠံၣ်သၣ်စံးဘၣ်ခ့ၣ်အဲးစံၣ်န့ၣ်လီၤ. (Chian road and Bridge Corporation-CRBC)ဟံးဃာ် စ့လၢအ့ရှၢၣ် တၢ်ဂုၤထီၣ်ပသီ ထီၣ်စ့တၢး (ADB) ၀ံၤ ကတ့ထီၣ်၀ဲကီးတရံး-အ့ၣ်ဒူၣ်အ့ရှၢၣ်ကျဲအဂီၢ် လိၣ်ဘၣ်လၢၢ်သ့ၣ်တဖၣ်တၢ်ဟံးအီၤလၢလိညး ကစၢၢ်အံၤ...

လါစဲးပထ့ဘၢၣ်,၂၀၁၈နံၣ် “ပထံၣ်လၢပမ့ၢ်ဒီသဒၢလၢတၢ်ဆဲးကသံၣ်တခီ တၢ်ကီတၢ်ခဲတဖၣ်ပလဲၤခီပတာ်အီၤကန့ၢ်” (ခ့ၣ်အဲၣ်ယူၣ်)ကညီဒီကလုာ်စၢဖှိၣ်ကရၢ တၢ်ပၢ မုၢ်တြီၢ်(ဖၣ်ပူၣ်) တၢ်လီၢ်ဟီၣ်က၀ီၤအပူၤ စးထီၣ်ဖဲလါအီကူာ် ကတၢၢ်ဒီးလါစဲးပထ့ဘၢၣ်ကတီၢ်အံၤ ပှၤဖိသၣ်ကအိၣ်လၢ (၃၀၀)ဃၣ်ဃၣ်ဘၣ်၀ဲ တၢ်သမူးဖိတၢ်ဆါအံၤ န့ၣ်လီၤ. ဘၣ်ထွဲဒီးတၢ်ဂ့ၢ်အ၀ဲအံၤ ပှၤလၢအကူစါ၀ဲတၢ်ဆါအံၤ အဘူးကတၢၢ်လၢအမ့ၢ် (BPHWT)ပှၤနဲၣ် တၢ် စီၤ၀့ကၠီၣ်အံၤ ပထံၣ်လိာ်သံကွၢ်အီၤန့ၣ်လီၤ. ခ့ၣ်အဲးစံၣ်-မုၢ်တြီၢ်လီၢ်က၀ီၤအပူၤ တၢ်သမူးဖိတၢ်ဆါ လၢအကဲထီၣ်အသးအံၤ တၢ်အိၣ်သးအလီၢ်ခံကတၢၢ် အိၣ်ဒ်လဲၣ်. စီၤ၀့ကၠီၣ်-မုၢ်တြီၢ်(ဖၣ်ပူၣ်) ဟီၣ်က၀ီၤအပူၤဒွဲၣ်လိ, ဘုသိၣ်ကီၢ်ဆၣ်တဖၣ်အပူၤ...

လါစဲးပထ့ဘၢၣ် ၂၄ သီ, ၂၀၁၈ နံၣ်, နါ၀့ၣ်ဖၠိစၣ် တၢ်ပညိၣ်ဃာ်အီၤလၢထံဆၢကီၢ်ဆၢဘၣ်ကီဘၣ်ခဲဒဲက၀ီၤပူၤကညီဖိသ့ၣ်တဖၣ်, ခီကီၢ်ပှၤမၤတၢ်ဖိသ့ၣ်တဖၣ်, လီၢ်က၀ီၤဖိဒီးပှၤပတီၢ်မုၢ်ဖိတဖၣ်အဂီၢ်ဒီး KNU-ကညီဒီကလုာ်စၢဖှိၣ်ကရၢ သုးက့(၇)အခီပနံၣ်တခါလၢအမ့ၢ် (Stepping Stone Company Limited )အံၤ ရဲၣ်ကျဲၤ၀ဲလၢကဒုးအိၣ်ထီၣ်၀ဲ ဟံၣ်လီၢ်လၢအပှ့ၤကလံၤ စှၤ၀ဲတၢ်တိာ်ကျဲၤတခါ ဖဲ၀့ၢ်ရၤမတံ(မၠၣ်၀တံၣ်)န့ၣ်လီၤ. တၢ်တိာ်ကျဲၤအမံၤလၢ ‘စ့လဲၣ်မၠဲၣ်တၢ်တိာ်ကျဲၤအံၤ’ အိၣ်၀ဲလၢကညီကီၢ်စဲၣ်, ၀့ၢ်ရၤမတံ, အစီၤစုၤဒီးရၤမတံ-မဲၢ်ဆီးတိၤအံၤ (၄)...

လါစဲးပထ့ဘၢၣ်၂၅ သီ, ၂၀၁၈နံၣ်, စီၤမၠၣ်အူသၣ် ပှၤကီၢ်ပယီၤဖိ ဟံၣ်ဒူၣ် ၉၈ ဒူၣ်,ပှၤနီၣ်ဂံၢ် ၅၀၀ဂၤဃၣ်ဃၣ် လၢအအိၣ်ဆိးဖဲကီၢ်အမဲရကၤ (Nebraska) ကီၢ်ဆၣ်(Omaha)၀့ၢ်အပူၤ(Yale Park)ဟံၣ်ဒၢးဖှိၣ်လီၢ်အံၤ ကီၢ်ပဒိၣ်စံးလၢဟံၣ်ဒၢးဖှိၣ်တၢ်သူၣ်ထီၣ်အံၤ တၢ်ဘၣ်ယိၣ်အိၣ်အဃိ အ၀ဲသ့ၣ်ဘၣ်သုးကွံာ်အလီၢ်တစိၣ်တလီၢ်အဂ့ၢ် သ့ၣ်ညါဘၣ်န့ၣ်လီၤ. ဟံၣ်ဒၢးဖှိၣ်လီၢ်သ့ၣ်တဖၣ်အံၤ ပှၤကအိၣ်အဂီၢ် အပတီၢ်တထီၣ်ဘးဒံးဘၣ်ဒီး ဂာ်သ၀ံလၢတၢ်သူအီၤတဖၣ် တၢ်ဘံၣ်တၢ်ဘၢတအိၣ်ဘၣ်အဃိ လၢတၢ်ကက့ၤဘှီဘၣ်က့ၤအီၤအဂီၢ် ပဒိၣ်ပှၤဘၣ်မူဘၣ်ဒါတဖၣ် မၢပှၤသုးဆိအလီၢ်ကျဲအဂ့ၢ် စီၤအဲၣ်မူလၢဘၣ်သုးကွံာ်အလီၢ်အကျဲတဂၤ...

လါစဲးပထ့ဘၢၣ်၂၄ သီ၊ ၂၀၁၈နံၣ်၊ နါဘှါချ့ၤ ဖဲအပူၤကွံာ်လါအီကူာ် ၁၂သီအနံၤ တၢ်မၤလၤကပီၤ၀ဲ ကညီမၤထူရၤအမုၢ်နံၤ ဖဲကညီကမျၢၢ်ပၣ်တံၣ်(KPP) အရူ,ဟ့သတၣ်ကီၢ်ဆၣ်,အ့ရၣ်၀တံၣ်ကီၢ်ခီဒိၣ်အပူၤအကတီၢ်ပှၤလၢအတီခိၣ်ရိၢ်မဲတၢ်(၄)ဂၤသ့ၣ်တဖၣ်အံၤတၢ်ကဆဲးဟံးအီၤအရ့ဒ်အမ့ၢ်ဒူသွီသဲစးတၢ်ဘျၢနီၣ်ဂံၢ်(၂၆) အသိးအဂ့ၢ် ကီၢ်ဆၣ်ပၢပြးအခိၣ် အူသါနဲၣ် စံးဘၣ် ခ့ၣ်အဲးစံၣ် ဖဲလါစဲးပထ့ဘၢၣ်၂၁ သီအနံၤန့ၣ်လီၤ. လၢတၢ်မၤလၤကပီၤကညီမၤထူရၤအမုၢ်နံၤတၢ်ရဲၣ်တၢ်ကျဲၤ၀ဲန့ၣ်၀ံၤအလီၢ်ခံပှၤတီခိၣ်ရိၢ်မဲတၢ်တဖၣ်န့ၣ် ဖဲ၁၃ သီအနံၤ ဟ့သတၣ်ကီၢ်ဆၣ်တၢ်ပၢတၢ်ြပးရူကိးထံၣ်၀ံၤ တၢ်သုးကွံာ်တၢ်ဆၢကတီၢ်၀ံၤအလီၢ်ခံ လံာ် တၢ်နဲၣ်လီၤဟဲလီၤက့ၤလၢတၢ်ပၢတၢ်ြပးရူလၢတၢ်က့ၤကိးထံၣ်က့ၤအ၀ဲသ့ၣ်လၢလါအီကူာ်(၁၇)သီအနံၤန့ၣ်လီၤ. ကီၢ်ဆၣ်ပၢြပးခိၣ်အူသါနဲၣ်စံး၀ဲလၢ“ပမၤအီၤလၢကီၢ်ခီပဒိၣ်တၢ်နဲၣ်လီၤန့ၣ်လီၤ.ပဃ့တၢ်ဟ့ၣ်ကူၣ်ဒီးကီၢ်ခီ သဲးစးတၢ်ဘျၢ၀ဲၤကျိၤက့ၤနဲၣ်လီၤက့ၤပှၤလီၤ. မ့ၢ်၀ဲသ၀ီသဲစးတၢ်ဘျၢအဃိ...

လါစဲးပထ့ဘၢၣ် ၂၁သီ, ၂၀၁၈နံၣ် ၁. ထါစံးပာ်ယွၤဒိၣ်အဖိ ကညီဖိမ့ၢ်ဖိ၀ဲၢ်ကိ သူးသ့ၣ်ထံးကဟုကညီၢ် ကိးလီၤသးလၢပှၤကညီၢ်. ၂. ထိးမဲပၢ်ဒီးစဃ့ၢ်ချိၣ် ကူၣ်ဆးအါစှၤဘၣ်လီၤတိၢ် ထံဆဲးမဲးယွၤထံကီၢ်သီ ကတုၤအိၣ်ဒံးပှၤတဘျီ. ၃. ဖုစဂီၤဒီးဖံပအိၣ် မ့ၢ်၀ဲပမိၢ်ဒိၣ်ပၢ်ဒိၣ် လီၤဖးတ့ၢ်နွံဒူၣ်နွံခီ မိၢ်ထံးပၢ်ထံပှိၢ်ဒီးစှီၤ. ၄. ကျိၣ်ဒီးကွဲၤတၢ်ဆဲးတၢ်လၤ ကညီတၢ်န့ၢ်သါဃံလၤ စံၣ်ကျံၣ်,အူမီ,ပၢ်က၀့ၤ လုၢ်ဧိၤထါဧိၤအုၣ်ခီၣ်က့ၤ. ၅. ဆ့ပျိၢ်တခွဲဘိပနီၣ် ကီၢ်လါ,သူလ့ၤပှ့ၤသီၣ်လီၢ် “လၢ”ခွံဖျၢၣ်လၢဒိထီၣ်၀ဲ မ့ၢ်ကညီအိၣ်ဆိးလီၢ်ကျဲ. ၆. ကညီမုၣ်ဒီးကညီခွါ ထူရူၢ်ဆဲးလၤဟံးန့ၢ်သါ သံၣ်ခွဲၣ်ကတီၤက့ၤထူထံ ကညီဖိမိၢ်ထံးပၢ်ထံး. ၇. ဟံးဃာ်စိာ်ခီမံၤကညီ ချံသၣ်ဂ့ၤမ့ၢ်နီၢ်ဒီးစီ ဒီပုၢ်၀ဲၢ်အဲၣ်ဒၢးအဲၣ်ဘျီၣ် လဲၤသကိးဆူမုၢ်ဟဲထီၣ်. ၈. စိာ်ကဖီနပှၤကလုာ် တချုးဒံးဖဲမုၢ်လီၤနုာ် ကညီဖိဆိမိၣ်အါအါ မ့ၢ်ဒၣ်နၤယၤပမူဒါ. ၀ီၢ်သြဲခီပညီတဖၣ် ၁. တၢ်စံးပာ် -တၢ်တဲဒိတဲစိၤ,တၢ်တဲထးခိၣ်လၢထါအကျိာ်,ပမှံၤပပှၢ်တၢ်စံးပာ်. ၂. သူးသ့ၣ်ထံး -သူးသ့ၣ်လၤကပီၤ,တၢ်သကဲာ်ပ၀းအခီၣ်ထံခီၣ်ဘိ. ၃. ပှၤကညီၢ် -ကညီကလုာ်,ပှၤကညီဖိ. ၄. ထိးမဲပၢ် -ကညီဖိတၢ်စူၢ်တၢ်နာ်အပၢ်,တၢ်တီတၢ်လိၤဒီးတၢ်မ့ၢ်တၢ်တီကစၢ်. ၅.စဃ့ၣ်ချိၣ် -ကညီဖိလၢအိၣ်ဆိးလၢပထံလီၢ်ကီၢ်ပူၤ,တၢ်ကူၣ်တၢ်ဆးတစှၤခီဖျိမ့ၢ် ဒၣ်ပှၤဟီၣ်ခိၣ်ဖိ. ၆. ဖုစဂီၤဒီးဖံပအိၣ် -ကညီဖိမိၢ်ထံးပၢ်ထံး(ပှိၢ်ဒီးစှီၤ)အတၢ်လီၤစၢၤလီၤသွဲၣ်ခိၣ်ကျၢၢ်. ၇. စံၣ်ကျံၣ်,အူမီ,ပၢ်က၀့ၤ -ပှၤကညီကလုာ်အတၢ်ဂဲၤကလံၣ်(ပၢ်က၀့ၤ-ဒိတၢ်ဂဲၤကလံၣ်). ၈. လုၢ်ဧိၤထါဧိၤ -မိၢ်ပၢ်ဖံဖုလၢပျၢၤသိၣ်က့ၤသီက့ၤ,မာ်လိာ်တၢၢ်ထွဲအဖိအနလံၤလၢထါ အကျိာ်,တၢ်တဲထးခိၣ်. ၉. ဆ့ပျိၢ်တခွဲဘိ -ပှၤကညီဟဲမၤနီၣ်မၤဃါအထံအကီၢ်လၢဆ့ပျိၢ်ဒီးတခွဲဘိ. ၁၀. “လၢ”- “လၢ”ခွံဖျၢၣ်မ့ၢ်ကညီဖိအိၣ်ဆိးတၢ်အလီၢ်အကျဲ,အထံအကီၢ် (ဒီကိုးဒီတည်ရပ်ကွက်) ၁၁. ထံဆဲးမဲးယွၤ -မ့ၢ်ကညီဖိအတၢ်ဆၢလဲၤတုၤဘၣ်အလီၢ်,တၢ်လီၢ်စီဆှံ,တၢ်လၢ တၢ်ပှဲၤထံနီၢ်ကီၢ်တီ. ၁၂. နီၢ်ဒီးစီ -ကညီမုၣ်ဒီးကညီခွါ,အမံၤမဲာ်ညါဘၣ်ကိး၀ဲလၢ(နီၢ်)ဒီးမ့မ့ၢ်ကညီ...

လါစဲးပထ့ဘၢၣ် ၂၀ သီ, ၂၀၁၈ နံၣ်, စီၤထိလ့. လၢတၢ်က့ၤကွဲး၀ဲကညီတၢ်စံၣ်စိၤတဲစိၤလံာ်အဂီၢ်န့ၣ် ဒိးန့ၢ်ဘၣ်တၢ်ဂ့ၢ်တၢ်ကျိၤလၢအသီတဖၣ်အဂ့ၢ် ပှၤရဲၣ်ကျဲၤတၢ် တဂၤလၢအမ့ၢ်၀ဲ၀့ၢ်သကူၣ်ဖၠၣ်စိမိၤသရၣ်ဒိၣ်စိ ဒီကထၢၣ်နါလဲၣ်စံး၀ဲန့ၣ်လီၤ. ကညီတၢ်စံၣ်စိၤတဲစိၤလံာ်အ၀ဲအံၤ တၢ်ပာ်လီၤဃာ်အဆၢဒိၣ်(၅) ခါဒီးလၢအဆၢဒိၣ်(၄) အပူၤဟီၣ်ခိၣ်တၢ်ဒုး ဖးဒိၣ်၀ံၤအလီၢ်ခံ ကညီ-ပယီၤ တၢ်ဘၣ်ဂံာ်ဂူာ်,တၢ်တြီဆၢဖုၣ်ခီၣ်(ယပၣ်)ဒီး ကညီတၢ်ပၢၢ်ဆၢ, ကီၢ်ပယီၤတၢ် သဘျ့ဒီးကညီခိၣ်နၢ်တၢ်ထံၣ်တဖၣ်အံၤ တၢ်က့ၤထံၣ်၀ဲအဂ့ၢ်ဒီကထၢၣ်နါလဲၣ်စံးဘၣ်ခ့ၣ်အဲးစံၣ်ဒ်အံၤန့ၣ်လီၤ. “ကတီၢ်အံၤပမၤဆိအီၤလၢအဆၢဒိၣ်(၄)လၢပမၤကတီၢ်ပထံၣ်ဘၣ်တၢ်ဂ့ၢ်တၢ်ကျိၤအသီတဖၣ် မ့ၢ်ဘၣ်တဲန့ၣ် လၢကလုာ်ဒူၣ်မီၣ်ကိ(ေမာ်ကွန်း)တၢးတၢ်မၤနီၣ်ဃာ်အသိးဖဲ ၁၉၄၉-၅၀န့ၣ်...

လါစဲးပထ့ဘၢၣ် ၂၀သီ, ၂၀၁၈နံၣ်, စီၤသ့မၠ့ၣ် ကီၢ်ပယီၤမုၢ်ထီၣ်ကလံၤစိးတကပၤတၢ်ဂုၤထီၣ်ပသီထီၣ်တၢ်တိာ်ကျဲၤတဖၣ်အံၤအဂီၢ် ဟီၣ်ခိၣ်လီၢ်လၢတၢ်ဟံးန့ၢ်ကွံာ်အီၤတဖၣ်အါတက့ၢ်န့ၣ်တဒိးန့ၢ်ဘၣ်စ့အီၣ်လိးဘၣ်အဂ့ၢ်ကညီပှၤဂ့ၢ်၀ီခွဲးယာ်ကရူၢ်(KHRG)စံး၀ဲန့ၣ်လီၤ. ဖဲလါစဲးပထ့ဘၢၣ်၁၈သီအနံၤ(KHRG) မၤ၀ဲတၢ်ဒုးသ့ၣ်ညါ တၢ်ရဲၣ်တၢ်ကျဲၤတခါလၢအလံာ်ပာ်ဖျါအခိၣ်တီ လၢအမ့ၢ် ‘တၢ်ဂုၤထီၣ်ပသီထီၣ်လၢတပၣ်ဃုာ်ဒီးပှၤကမျၢၢ်’ အံၤ ဖဲကီၢ်ကၠီၣ်တဲၣ်-ကီၢ်ပယီၤကီၢ်ဆၢ တၢ်လီၢ်တတီၤအကတီၢ် လံာ်ပာ်ဖျါပှၤကတိၤတၢ်ပၢစီၤ၀့ၢ်လ့စံး၀ဲဒ်အံၤန့ၣ်လီၤ. “ပှၤကမျၢၢ်အါဒၣ်တၢ်တက့ၢ်န့ၣ်တဒိးန့ၢ်ဘၣ်၀ဲစ့အီၣ်လိးဘၣ်န့ၣ် ပပာ်ဖျါဃာ်ရှဲရှဲ လၢပလံာ်တၢ်ပာ်ဖျါအပူၤ န့ၣ်လီၤ. ဘၣ်မနုၤလဲၣ်န့ၣ် လၢတၢ်ဂုၤထီၣ်ပသီထီၣ် တၢ်မၤအပူၤတၢ်သူ၀ဲဟီၣ်ခိၣ် လီၢ်ဒီဒူၣ်ဒီထၢလီၤ. ဘၣ် ဆၣ်တၢ်တိာ်ကျဲၤတနီၤလီၤဟ့ၣ်လီၤ၀ဲ စ့အီၣ်လိးလၢတဆံးတက့ၢ်န့ၣ်လီၤ.”အဂ့ၢ်အ၀ဲစံးဘၣ်ခ့ၣ်အဲးစံၣ်လီၤ. လၢန့ၢ်အမဲာ်ညါလၢတၢ်ဟ့ၣ်စ့အီၣ်လိးကတီၢ် ပှၤဘၣ်မူဘၣ်ဒါ...