ခ့ၣ်အဲးစံၣ် – KIC News

လါမးရှး ၁၁ သီႇ ၂၀၂၁ နံၣ်ႇ ခ့ၣ်အဲးစံၣ် တကီၢ်ခါတၢ်ကဲထီၣ်သးလၢထံလီၢ်ကီၢ်ပူၤတၢ်ထီဒါမီၤစိရိၤဟံးန့ၢ်ဆူၣ်တၢ်စိတၢ်ကမီၤအံၤအဖီခိၣ် ခီဖျိလၢတၢ်သူ၀ဲတၢ်စုဆူၣ်ခီၣ်တကးတဖၣ်ဒီးတၢ်နုာ်လီၤဖီၣ်တၢ်လၢမုၢ်နၤခီတဖၣ်အဃိ ဒ်သိးတၢ်ကဒီသဒၢၦၤကီၢ်ပယီၤဖိလၢကဟဲဃ့ၢ်အိၣ်ကဒုသးလၢကီၢ်ဆၢတၢ်လီၢ်တဖၣ်အံၤအဂီၢ် တၢ်အိၣ်ခိးကွၢ်ဟုၣ်ကွၢ်ဆူၣ်ၦၤဂ့ၢ်၀ီခွဲးယာ်(HRW)ကရူၢ် ဆီၣ်တခူထီၣ်ကီၢ်ကၠီၣ်တဲၣ်ထံကီၢ် ဖဲမဟါ(လါမးရှး ၁၀)သီအနံၤန့ၣ်လီၤႉ ၦၤကီၢ်ပယီၤဖိလၢအကဟဲနုာ်လီၤဃ့ၢ်အိၣ်ကဒုသးဆူကီၢ်ကၠီၣ်တဲၣ်=ကီၢ်ပယီၤကီၢ်ဆၢတဖၣ်အံၤ ကီၢ်ကၠီၣ်တဲၣ်ၦၤဘၣ်မူဘၣ်ဒါတဖၣ်တဘၣ်သမံသမိးနီဟးထီၣ်အီၤဘၣ်ဒီး ခီဖျိလၢ ထံလီၢ်ကီၢ်ပူၤတဂၢၢ်တကျၢၤဘၣ်အဃိ ၦၤကီၢ်ပယီၤဖိလၢအဟဲအိၣ်ကဒုသးတဖၣ်ခဲလၢာ်န့ၣ် ကြၢးလၢကဘၣ်ဒီသဒၢမၤစၢၤ၀ဲအဂ့ၢ်န့ၣ် (HRW)ဘၣ်ကီဘၣ်ခဲဒီးခီကီၢ်ဖိခွဲးယာ်ဂ့ၢ်၀ီ ၦၤနဲၣ်တၢ် Bill Frelick စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“ၦၤလၢအိၣ်ဟဲစံၣ်လၢကီၢ်ပယီၤပူၤတဖၣ်အံၤ ကီၢ်ကၠီၣ်တဲၣ်ၦၤဘၣ်မူဘၣ်ဒါတဖၣ်တကြၢးနီဟးထီၣ်ဆူၣ်၀ဲဘၣ်ႉ ကီၢ်ပယီၤလၢအလိၣ်ဘၣ်၀ဲတၢ်ဒီသဒၢလၢဒိၣ်ဒိၣ်ကလဲာ်အံၤ ၦၤလၢအဃ့တၢ်မၤစၢၤလၢကအိၣ်ကဒုသးတဖၣ် ကီၢ်ကၠီၣ်တဲၣ်ပဒိၣ်အံၤကြၢးလၢကဘၣ်ဟ့ၣ်၀ဲအခွဲးလီၤ”အဂ့ၢ်န့ၣ် HRW လံာ်တၢ်ပာ်ဖျါအပူၤ စံး၀ဲန့ၣ်လီၤႉ ဖဲအပူၤကွံာ် လါမးရှး ၇ သီအနံၤ ကီၢ်ကၠီၣ်တဲၣ်=ကီၢ်ပယီၤကီၢ်ဆၢ တၤခၠံၤလ့ၣ် ၦၤကီၢ်ပယီၤဖိ ၈ ဂၤ...

လါမးရှး ၁၁ သီႇ ၂၀၂၁ နံၣ်ႇ ခ့ၣ်အဲးစံၣ် ဒူသထူၣ်ကီၢ်ရ့ၣ်ႇဖၣ်အၣ်ကီၢ်ဆၣ်ႇညီၣ်ကိသ၀ီသီအပူၤ ဖဲလါမးရှး ၉ သီအနံၤ ခီဖျိလၢပယီၤသုးဒီး ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးက့(၁)တဖၣ်အဘၢၣ်စၢၤ တၢ်ခးလိာ်သးကဲထီၣ်အဃိ ပယီၤသုးတကပၤသံ၀ဲ ၅ ဂၤအဂ့ၢ်န့ၣ်သ့ၣ်ညါဘၣ်န့ၣ်လီၤႉ ခီဖျိလၢ ပယီၤသုးဒီး BGF ပာ်ဖှိၣ်သုးကရူၢ်တဖၣ်ဟဲထီၣ်ခး၀ဲအဃိ တၢ်ခးလိာ်သး ဘၣ်ဟဲကဲထီၣ်ဒ်အံၤလီၤအဂ့ၢ်န့ၣ် ဒူသထူၣ်(သုးက့ ၁)ကီၢ်ရ့ၣ် နဲၣ်ရွဲၣ် ပဒိၣ်စီၤစိမၠ့ၣ် စံးဘၣ်ခ့ၣ်အဲးစံၣ် ဖဲ(လါမးရှး ၁၀)သီအနံၤန့ၣ်လီၤႉ အ၀ဲစံး၀ဲလၢ“မ့ၢ်၀ဲပယီၤသုးဒီး BGF ပာ်ဖှိၣ်ထီၣ်သးဒီးဟဲထီၣ်ခး၀ဲလီၤႉ အ၀ဲသ့ၣ်အၦၤသံ၀ဲ ၅ ဂၤလီၤႉ လၢပ၀ဲဒၣ်တကပၤဒုတၢ်ဘၣ်ဒိဘၣ်ထံးသံတအိၣ်ဘၣ်”အဂ့ၢ်န့ၣ် ဒူသထူၣ်ကီၢ်ရ့ၣ် နဲၣ်ရွဲၣ်...

လါမးရှး ၁၀ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ ဒူပျာ်ယာ်ကီၢ်ရ့ၣ် ကီးတရံးကီၢ်ဆၣ်အပူၤ ဖဲမဟါ(လါမးရှး ၉ သီ)မုၢ်နၤခီအဆၢကတီၢ် တၢ်ဖီၣ်ချုးန့ၢ်၀ဲသိလ့ၣ် ၁၀ ပၣ်လၢအတီၣ်ဟုၣ်သ့ၣ်လၢအတဖိးသဲစးခံခိၣ် ဖဲကၠဲၤဒိ=ကီးတရံးကျဲမုၢ်ခိၣ်အဂ့ၢ်န့ၣ် ကညီဒီကလုာ်ပၢၤကီၢ်သုး(KNPF)စံးဘၣ်ခ့ၣ်အဲးစံၣ်န့ၣ်လီၤႉ ကီးတရံးကီၢ်ဆၣ် KNPF ပၢၤကီၢ်ခိၣ် စီၤအဲၣ်ဒါချ့ စံး၀ဲလၢ“သိလ့ၣ်ခဲလၢာ်လၢအဟးထီၣ်က့ၤလီၤလၢပအိၣ်တဖၣ်န့ၣ် အလံာ်အလဲၢ်တဖၣ်မ့ၢ်အဖိးသဲစးဧါႇ တဖိးသဲစးဧါန့ၣ်ပသမံသမိး၀ဲလီၤႉ ဖဲလၢပသမံသမိးအဆၢကတီၢ် ခီဖျိလၢလံာ်လဲၢ်တအိၣ်နီတမံၤဘၣ်အဃိ ပကိးအ၀ဲသ့ၣ်ဒီးခဲအံၤသမံးသမိးအဖၢမုၢ်လီၤႉ ၦၤလၢတၢ်ကိးတီၢ်ဃာ်အီၤတဖၣ်န့ၣ် တဲ၀ဲလၢအိၣ်ဟဲလၢကၠဲၤဒိလီၤႉ သိလ့ၣ်ခံခိၣ်န့ၣ်သ့ၣ်ကအိၣ်၀ဲ(၂၅)တၣ်ညါလီၤ”အဂ့ၢ်န့ၣ် စံး၀ဲန့ၣ်လီၤႉ တၢ်သမံသမိးဟံးထီၣ်ဖီၣ်တၢ်ထုးဟုၣ်သ့ၣ်တဖၣ်၀ံၤအလီၢ်ခံ ဒ်သ့ၣ်ၦၢ်တၢ်ဘျၢအိၣ်၀ဲအသိး တၢ်ကဟံး၀ဲအရ့တုၤလီၤတီၤအဂ့ၢ်န့ၣ် ခ့ၣ်အဲၣ်ယူၣ် ဒူပျာ်ယာ်ကီၢ်ရ့ၣ်(facebook)အပူၤ ပာ်ဖျါ၀ဲန့ၣ်လီၤႉ KNU ဟီၣ်က၀ီၤအပူၤတၢ်ကးတံၢ်ဃာ်၀ဲတၢ်မၤဟုၣ်သ့ၣ်တဖၣ်ဒီး လၢလီၢ်က၀ီၤကမျၢၢ်တၢ်လိၣ်အဖီခိၣ်် ...

လါမးရှး ၁၈ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇမၠၣ်၀တံၣ်၀့ၢ် ကလံၤထံးတကပၤ လ့က့ၣ်ကီၤ၀့ၢ်သီလၢအဘၣ်တၢ်သူၣ်ထီၣ်အီၤလၢ ကညီဒီကလုာ်စၢဖှိၣ်ကရၢ -KNU ဟီၣ်က၀ီၤအပူၤအံၤ ဖဲမဟါ လါမးရှး ၁၇ သီ မုၢ်နၤခီအဆၢကတီၢ် လီၢ်က၀ီၤပယီၤသုးတဖၣ်ဂုာ်ကျဲးစၢး၀ဲဒ်သိးကနုာ်လီၤသမံးသမိးတၢ်အဂီၢ်အဂ့ၢ်န့ၣ် သ့ၣ်ညါဘၣ်လၢ လ့က့ၣ်ကီၤ၀့ၢ်သီၦၤဘၣ်မူဘၣ်ဒါတဖၣ်အအိၣ်န့ၣ်လီၤႉ ပယီၤသုး ခီၣ်ချ့သုးရ့ၣ်(ခလရ=၃၁၀)ဘၣ်တၢ်တီခိၣ်ရိၣ်မဲအီၤလၢ သုးခိၣ်ဒိၣ်ဖိအီၤကၠီၤဟ့အံၤ ဖဲမဟါမုၢ်နၤခီ ၁၀ နၣ်ရံၣ်အဆၢကတီၢ် ဆဲးဃီၤ၀ဲလီတဲစိဒီးစံး၀ဲခီဖျိလၢတၢ်ဖီခိၣ်ခိၣ်နၢ်ဟ့ၣ်လီၤတၢ်ကလုၢ်အဃိ ကဘၣ်နုာ်လီၤဒိတၢ်ဂီၤမၤနီၣ်မၤဃါတၢ်လၢလ့က့ၣ်ကီၤ၀့ၢ်သီအပူၤအဂ့ၢ်န့ၣ် လ့က့ၣ်ကီၤ၀့ၢ်သီ ၦၤပၢဆှၢတၢ်ခိၣ် စီၤထ့မၠ့ၣ်အီၤ စံးဘၣ်ခ့ၣ်အဲးစံၣ်ဒ်အံၤန့ၣ်လီၤႉ အ၀ဲစံး၀ဲလၢ“ဖဲမုၢ်နၤခီ ၁၀ နၣ်ရံၣ်အခါန့ၣ်ဆဲးဃီၤ၀ဲလီတဲစိလီၤႉ အ၀ဲသ့ၣ်တဲလၢခိၣ်နၢ်နဲၣ်လီၤလၢ ကဘၣ်နုာ်လီၤဒိတၢ်ဂီၤမီၤနီၤႉ မ့ၢ်မိၣ်သးဒိတၢ်ဂီၤန့ၣ်ဟဲလၢမုၢ်ဆ့ၣ်မုၢ်ဆါမီၤနီၤႉ တၢ်လီၢ်တၢ်ကျဲအံၤ ပခိၣ်ပနၢ်ဒီးကီၢ်ပယီၤခိၣ်နၢ်တၢၣ်ပီၣ်တဲသကိးတၢ်၀ံၤမးတၢ်ဆီလီၤအီၤအဃိ ခံခီယၢ်ပာ်တၢ်ပာ်ကဲလိာ်သးကဘၣ်အိၣ်မီၤနီၤႉ ပ၀ဲဒၣ်နါက့ပအိၣ်ဒီးပတၢ်ဘံၣ်တၢ်ဘၢစ့ၢ်လီၤႉ...

လါမးရှး ၉ သီႇ ၂၀၂၁ နံၣ်ႇ ခ့ၣ်အဲးစံၣ် KNU-ကညီဒီကလုာ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)အပူၤ ဖဲတနံၤအံၤ(လါမးရှး ၉ သီ)အနံၤန့ၣ် ပယီၤသုးဒီး ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA တဖၣ်အဘၢၣ်စၢၤ တၢ်ခးလိာ်သးကဲထီၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ခီဖျိလၢပယီၤသုးတကပၤစးထီၣ်ခးဆိ၀ဲ KNU သုးက့(၁)အဃိ တၢ်ခးလိာ်သးဘၣ်ဟဲထီၣ်အဂ့ၢ်န့ၣ် KNU ဒူသထူၣ်ကီၢ်ရ့ၣ် နဲၣ်ရွဲၣ် ပဒိၣ်စီၤစိမၠ့ၣ် စံးဘၣ်ခ့ၣ်အဲးစံၣ် ဖဲတနံၤအံၤ(လါမးရှး ၉ သီ)အနံၤန့ၣ်လီၤႉ “မ့ၢ်၀ဲလီၤႉ ပနၢ်ဟူလၢတၢ်ခးလိာ်သးကဲထီၣ်လၢညီၣ်ကိတကပၤလီၤႉ ပယီၤသုးအံၤဟဲခး၀ဲပသုးကရူၢ်တဖၣ်အဃိ တၢ်ခးလိာ်သးကဲထီၣ်လီၤမီၤႉ ပ၀ဲသ့ၣ်တဖၣ်န့ၣ်မ့ၢ်၀ဲၦၤပၢဆှၢတၢ်အဃိ ဘၣ်ဃးသုး တၢ်ဂ့ၢ်န့ၣ်ပတဲလီၤတံၢ်လီၤဆဲးတသ့ဘၣ်ႉ တသ့ၣ်ညါဘၣ်စ့ၢ်ကီးလီၤတံၢ်လီၤဆဲးဒံးဘၣ်” အဂ့ၢ်န့ၣ် ကီၢ်ရ့ၣ်နဲၣ်ရွဲၣ် စံး၀ဲန့ၣ်လီၤႉ ဖဲတလါအံၤလါမးရှးအတီၢ်ပူၤ...

လါမးရှး ၉ သီႇ ၂၀၂၁ နံၣ်ႇ ခ့ၣ်အဲးစံၣ် KNU-ကညီဒီကလုာ်စၢဖှိၣ်ကရၢႇ ဒူသထူၣ်ကီၢ်ရ့ၣ်(သုးက့ ၁) မၤစၢၤတူၢ်လိာ်ဃာ်၀ဲပၢၤကီၢ်သုးႇ ဘျီၣ်ဒိၣ်ခၢၣ်စးဒီးၦၤလၢအဟူးဂဲၤထီဒါ၀ဲသုးမီၤစိရိၤတဖၣ် ခဲလၢာ်ပာ်ဖှိၣ်အိၣ်၀ဲ ၅၀ ဂၤဘျဲၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ စးထီၣ် ဖဲလါမးရှး ၁ သီ တုၤလၢ လါမးရှး ၈ သီအနံၤန့ၣ် ဟီၣ်က၀ီၤတၢ်လီၢ် အါတီၤအပူၤၦၤလၢဟဲဆဲးကျိးလၢကဟဲအိၣ်တဒၢသးလၢ KNU အအိၣ်တဖၣ်အံၤ တၢ်ပာ်တဒၢဃာ်အ၀ဲသ့ၣ်လၢကီၢ်ရ့ၣ်ပူၤ တၢ်လီၢ်လၢတၢ်ဘၣ်ယိၣ်ဘၣ်ဘှီတအိၣ််ဘၣ်အပူၤဒီး တၢ်ရဲၣ်ကျဲၤန့ၢ်၀ဲတၢ်အိၣ်တၢ်ဆိးႇတၢ်အီၣ်တၢ်အီတဖၣ်ဂ့ၤဂ့ၤဘၣ်ဘၣ်အဂ့ၢ်န့ၣ် KNU ဒူသထူၣ်ကီၢ်ရ့ၣ် ၦၤဘၣ်မူဘၣ်ဒါတဂၤစံး၀ဲန့ၣ်လီၤႉ “ပၢၤကီၢ် ၉ ဂၤအမဲာ်ညါ ခဲလၢာ်အိၣ်၀ဲ ၅၀ ဂၤလံလီၤႉ ဟဲတုၤ၀ဲလၢအ၀ဲသ့ၣ်အကစၢ်အကျိၤအကျဲလီၤႉ ပ၀ဲသ့ၣ်တဖၣ်ပဒုးတ့ၢ်ဃာ်၀ဲဒၣ်မီၤစိရိၤတဖၣ်တုၤလၢခဲအံၤလီၤႉ...

လါမးရှး ၉ သီႇ ၂၀၂၁ နံၣ်ႇ ခ့ၣ်အဲးစံၣ် KNU- ကညီဒီကလုာ်စၢဖှိၣ်ကရၢ ဖၣ်အၣ်ကီၢ်ရ့ၣ်ႇ တၢ်ကြဲၢ်ကီၢ်ဆၣ် ပံၣ်တခးသ၀ီအပူၤ ဖဲမဟါလါမးရှး ၈ သီအနံၤ လၢအလီၤဘၣ်၀ဲ ၁၁၀ ၀ီတ၀ီ ဟီၣ်ခိၣ်ဒီဘ့ၣ်ပိာ်မုၣ်မုၢ်နံၤတၢ်ရဲၣ်တၢ်ကျဲၤမူးအပူၤ KWO- ကညီပိာ်မုၣ်ကရၢ မၤလၤမၤကပီၤ၀ဲသ၀ီသးၦၢ်မုၣ်လီၢ်လံၤတဖၣ်န့ၣ်လီၤႉ သ၀ီသးၦၢ်ပိာ်မုၣ်သ့ၣ်တဖၣ်အံၤ ဖဲလၢသုးတၢ်သဘံၣ်သဘုၣ်အိၣ်ထီၣ်အခါ မူဒါလၢပိာ်ခွါမၤ၀ဲတ ဘူၣ်ဘၣ်တဖၣ်န့ၣ် မ့ၢ်ၦၤသ့ၣ်တဖၣ်လၢမၤ၀ဲသ၀ီသးၦၢ်တၢ်မၤဒီးဒီသဒၢ၀ဲဒူသ၀ီတဖၣ်အဃိ ခီဖျိလၢကြၢးမၤလၤကပီၤအဃိ ပသ့ၣ်ညါဘၣ်ပနီၣ်အ၀ဲသ့ၣ်ဒီးမၤလၤကပီၤ၀ဲဒ်အံၤလီၤအဂ့ၢ်န့ၣ် ဖၣ်အၣ်ကီၢ်ရ့ၣ် KWO နဲၣ်ရွဲၣ် နီၢ်ရှံ၀ါ စံးဘၣ်ခ့ၣ်အဲးစံၣ်ဒ်အံၤန့ၣ်လီၤႉ “သးၦၢ်မုၣ်တဖၣ်အံၤ ဟ့ၣ်လီၤသးလၢထံကီၢ်ဒီးကလုာ်အဂီၢ်လီၤႉ အ၀ဲသ့ၣ်န့ၣ်အိၣ်ဒီးသူၣ်ဒူသးဒူလီၤႉ လၢ တၢ်ကီတၢ်ခဲအပူၤ မၤ၀ဲမူဒါလၢလၢၦဲၤၦဲၤလီၤႉ တနီၤန့ၣ်တုၤလၢခဲအံၤတစုဆဲးမၤဒံး၀ဲသ၀ီသးၦၢ်မူဒါလီၤႉ အဘျုးအဖှိၣ်အိၣ်၀ဲဒၣ်လၢပ၀ဲသ့ၣ်တဖၣ်အဂီၢ်လီၤႉ...

လါမးရှး ၈ သီႇ ၂၀၂၁ နံၣ်ႇ ခ့ၣ်အဲးစံၣ် ၦၤလၢအပာ်ဖျါထီၣ်သးလၢတၢ်မုာ်တၢ်ခုၣ်အပူၤတဖၣ် မီၤစိရိၤသုးကီၣ်ကးအသုးဖိဒီးပၢၤကီၢ်သုးကရူၢ် စုဒုၣ်တီၤအဖီလာ်လၢအဖီၣ်စုက၀ဲၤတဖၣ် မ့ၢ်မၤကီမၤခဲမၤပျံၤမၤဖုးကမျၢၢ်မ့ၢ်အိၣ်တမံၤမံၤလၢ်လၢ်န့ၣ် အ၀ဲသ့ၣ်တကပၤကခီၣ်ဆၢဒီသဒၢ၀ဲအဂီၢ်မူဒါအိၣ်၀ဲအဂ့ၢ်န့ၣ် ဖဲလါမးရှး ၅ သီအနံၤ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢႇ မုၢ်တြီၢ်ကီၢ်ရ့ၣ် သုးက့=၅ ထုးထီၣ်ဘိးဘၣ်ရၤလီၤ၀ဲန့ၣ်လီၤႉ “ကမျၢၢ်ထံဖိကီၢ်ဖိအတၢ်ဟူးတၢ်ဂဲၤဒုးနဲၣ်ဖျါထီၣ်အတၢ်ဘၣ်သးဒ်အံၤအဖီၣ် တၢ်မၤကီမၤခဲမၤပျံၤမၤဖုးအ၀ဲသ့ၣ်မ့ၢ်ဟဲအိၣ်ထီၣ်တမံၤမံၤန့ၣ် ပတၢ်ပၢတၢ်ပြးပသုးမုၢ်ဒိၣ်ဃုာ်ဒီးကညီဖိခဲလၢာ် အမူအဒါအိၣ်၀ဲဒၣ်လၢကခီၣ်ဆၢဒီသဒၢကဟုကယာ်က့ၤပကမျၢၢ်ထံဖိကီၢ်ဖိလီၤ”အဂ့ၢ်န့ၣ် လံာ်တၢ်ဘိးဘၣ်ရၤလီၤအပူၤ ပာ်ဖျါ၀ဲန့ၣ်လီၤႉ လၢန့ၣ်အမဲာ်ညါ ကမျၢၢ်ဂဲၤဆၢထၢၣ်ထီဒါသုးမီၤစိရိၤတၢ်ဟူးတၢ်ဂဲၤ (CDM)အံၤ မ့ၢ်တၢ်လၢအဘၣ်အတီ၀ဲအဃိ ပ၀ဲဒၣ်လၢတၢ်ပၢၢ်ဆၢဟီၣ်က၀ီၤဒူသ၀ီကမျၢၢ်တဖၣ် ပာ်ဖျါထီၣ်အတၢ်ဘၣ်သး မ့ၢ်ဒ်သိးတၢ်ဆီၣ်တခူထီၣ်စ့ၢ်ကီးခူပူၤ၀့ၢ်ပူၤကမျၢၢ်အတၢ်ဃ့ထီၣ်တဖၣ်အမဲာ်ညါ အ၀ဲသ့ၣ်ကဘၣ်သ့ၣ်ညါ၀ဲဒီး အလီၢ်အိၣ်အသိးကဘၣ်ကဟုကယာ်လိာ်သးအဂ့ၢ်န့ၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ် (သုးက့ ၅ )စံး၀ဲန့ၣ်လီၤႉ ပယီၤသုးလၢအဟံးဃာ်၀ဲကလုာ်ဒိၣ်စိသနူဒီးသုးမီၤစိရိၤတဖုအံၤ လၢကမျၢၢ်ဒီးကလုာ်ဒူၣ်တဖၣ်အဂီၢ် ကဲထီၣ်၀ဲတၢ်ကီတၢ်ခဲဒိၣ်ဒိၣ်မုၢ်မုၢ်အဃိ...

လါမးရှး ၅ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးသုးမီၤစိရိၤကလီၤၦီၢ်ကွံာ်အဂီၢ်ဒီးပယီၤသုးကထုးကွံာ်သုးကလၢၤအဂီၢ် ဖဲတနံၤအံၤ လါမးရှး ၅ သီအနံၤန့ၣ် KNU-ညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်ဟီၣ်က၀ီၤ(သုးက့ ၅ )အပူၤ ကမျၢၢ်ထံဖိကီၢ်ဖိ ၁ ကလးဘျဲၣ် လဲၤပာ်ဖျါထီၣ်သး ဖဲဖၣ်ပူၣ်ႇ ကမၤမိၢ်ကျဲမုၢ်ဖီခိၣ်န့ၣ်လီၤႉ ဒ်သိးပယီၤသုးကလၢၤလၢအိၣ်ဟီၣ်က၀ီၤဖဲန့ၣ်အပူၤတဖၣ်ကထုးကွံာ်သးအဂီၢ် ကမျၢၢ်တဖၣ်မၤ၀ဲတၢ်ပာ်ဖျါထီၣ်သးအိၣ်၀ဲတလီၢ်လီၢ်အသိး ခီဖျိထီဒါစ့ၢ်ကီးသုးဟံးဆူၣ်ကွံာ်တၢ်စိတၢ်ကမီၤအဃိ ဘၣ်ပာ်ဖျါထီၣ်ကဒီးသးအဂ့ၢ်န့ၣ် ၦၤလၢအပၣ်ဃုာ်လၢတၢ်ပာ်ဖျါထီၣ်သးအပူၤတဖၣ် စံးဘၣ်ခ့ၣ်အဲးစံၣ်န့ၣ်လီၤႉ ၦၤလၢအလဲၤပာ်ဖျါထီၣ်သးတဖၣ်မ့ၢ်၀ဲ KNU မုၢ်တြီၢ်ကီၢ်ရ့ၣ် ဒွဲၣ်လိကီၢ်ဆၣ်ဒီးဘုသိၣ်ကီၢ်ဆၣ်အပူၤ ဒူသ၀ီကရူၢ် ၁၃ ကရူၢ်ပၣ်ဃုာ်၀ဲဒီး ဒ်သိးကမျၢၢ်တဖၣ်ကပာ်ဖျါထီၣ်သးလၢတၢ်မုာ်တၢ်ခုၣ်အပူၤကန့ၢ်အဂီၢ် လၢအကပိၤကပၤန့ၣ် ပထံၣ်ဘၣ်လၢ KNU သုးကရူၢ်တဖၣ်ဟံးန့ၢ်၀ဲတၢ်ဘံၣ်တၢ်ဘၢတဖၣ်န့ၣ်လီၤႉ လၢတၢ်ပာ်ဖျါထီၣ်သးအပူၤ ကမျၢၢ်တဖၣ်ကိးသတြီဃ့ထီၣ်၀ဲတၢ်ဂ့ၢ်လၢအမ့ၢ် မ်ကလုာ်ဒိၣ်စိသနူဒီး...

လါမးရှး ၄ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးသုးမီၤစိရိၤကလီၤၦီၢ်ကွံာ်အဂီၢ် ထံရူၢ်ကီၢ်သဲးတၢ်ဂ့ၢ်ကီအစၢလၢတၢ်ပာ်ဖျါထီၣ်သးအံၤ တအိၣ်၀ဲဒၣ်လၢ ၂၀၀၈ တၢ်ဘျၢသဲစးခိၣ်သ့ၣ်အဖီလာ်ဘၣ်အဃိ အလီၢ်အိၣ်လၢတၢ်ကဘၣ်ဒုးအိၣ်ထီၣ် ဒီကလုာ်တၢ်ဃူတၢ်ဖိးပဒိၣ်တဖုလၢအပၣ်ဃုာ်ဒီးကရူၢ်လၢအလီၤဆီလိာ်သးတဖၣ်လိၣ်၀ဲအဂ့ၢ်န့ၣ် ဖဲလါမးရှး ၃ သီအနံၤ ကညီဒီကလုာ်စၢဖှိၣ်ကရၢ -KNU ဆီၣ်တခူစံး၀ဲန့ၣ်လီၤႉ တကီၢ်ခါတၢ်ကဲထီၣ်သးတုၤ၀ဲဒၣ်လၢ သူၣ်ဘီၣ်သးစၢ်အနံၣ်တဆံဘျဲၣ်လၢအပာ်ဖျါထီၣ်သးတဖၣ်အံၤ ဘၣ်ဟ့ၣ်လီၤကွံာ်အသးသမူအမဲာ်ညါ ၦၤမၤတၢ်ဖိတဖၣ်လၢအဟူးဂဲၤလၢ(CDM)အပူၤတဖၣ် ဘၣ်တူၢ်၀ဲဒၣ်တၢ်ကီတၢ်ခဲအံၤန့ၣ် မ့ၢ်၀ဲဒၣ်မီၤစိရိၤဒီးသုးမီၤစိရိၤသနူအတၢ်အိၣ်ကၢအိၣ်ခိးတဖၣ်လီၤဒီး ခါဆူညါအဂီၢ်ဒ်သိးမီၤစိရိၤသနူတဖၣ်သုတဟဲအိၣ်ထီၣ်လၢၤတဂ့ၤအဂီၢ် ကြၢးလၢတၢ်ကဘၣ်ဆိကမိၣ်တကီၢ်ခါ ၂၀၀၈ တၢ်ဘျၢခိၣ်သ့ၣ်အတကွီၢ်အချၢအံၤလံအဂ့ၢ်န့ၣ် KNU နဲၣ်ရွဲၣ်ခိၣ်ကျၢၢ် ပဒိၣ်စီၤတၢ်ဒိၣ်မူ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ “တၢ်တဘၣ်မၤတၢ်စုဆူၣ်ခီၣ်တကးလၢကီၢ်ပူၤဘၣ်ဒီး ဒံၣ်မိၣ်ခြ့ၣ်စံၣ်ဒီးခါဆူညါတၢ်အိၣ်မူအဂီၢ် တၢ်မၤ၀ဲတၢ်ပာ်ဖျါထီၣ်သးဒီးဃ့ထီၣ်၀ဲအံၤ အစၢတအိၣ်လၢ ၂၀၀၈ တၢ်ဘျၢခိၣ်သ့ၣ်အပူၤဘၣ်ႉ အဃိန့ၣ်...