ခ့ၣ်အဲးစံၣ် – KIC News

လါမးရှး ၂၈သီႇ ၂၀၂၀နံၣ်ႇ ခ့ၣ်အဲးစံၣ် ဖဲလါမးရှး ၂၆ သီအနံၤန့ၣ် ကညီတၢ်တိစၢၤမၤစၢၤတၢ်မုာ်တၢ်ခုၣ်ၦၤဘျးစဲ =KPSN ထုးထီၣ်၀ဲလံာ် ဘိးဘၣ်ရၤလီၤတဘ့ၣ်ဒီး စံး၀ဲလၢရှွ့ၣ်ကိၣ်ကိၤတၢ်တိာ်ကျဲၤဖးဒိၣ်လၢအအိၣ်ဖဲကညီကီၢ်စဲၣ်– မၠၣ်၀တံၣ်ကီၢ် ဆၣ်အပူၤအံၤ တဟဲစိာ်န့ၢ်၀ဲၦၤလီၢ်က၀ီၤဖိတဖၣ်အတၢ်ဘျုးတၢ်ဖှိၣ်ဘၣ်အဃိႇ တၢ်ကဘၣ်ပတုာ်ကွံာ်၀ဲတဘျီဃီအဂ့ၢ်န့ၣ် ပာ်ဖျါထီၣ်၀ဲဒၣ်ဒီးဃ့ထီၣ်၀ဲန့ၣ်လီၤႉ လံာ်ဘိးဘၣ်ရၤလီၤအံၤတၢ်ကိး၀ဲအမံၤလၢ တၤလီၤအီၣ်ဖျိးကံွာ်ပဟီၣ်ခိၣ်ကပံာ် (Gambling Away Our Lands) ဒီး ဘၣ်ဃးဒီးလံာ်ပာ်ဖျါ၀ဲအံၤန့ၣ် ကညီတၢ်တိစၢၤမၤစၢၤတၢ်မုာ်တၢ်ခုၣ်ၦၤဘျးစဲ ၦၤကတိၤတၢ်ပၢ နီၢ်၀ါခုၣ်ရှံ စံး၀ဲဒ်အံၤန့ၣ်လီၤႉ “ဘၣ်မနုၤအဃိပ၀ဲ KPSN ဘၣ်ထုးထီၣ်၀ဲလံာ်ပာ်ဖျါတဘ့ၣ်အံၤလဲၣ်န့ၣ် ပအဲၣ်ဒိး၀ဲဒၣ်လၢ တၢ်တိာ်ကျဲၤတခါအံၤန့ၣ် ကပတုာ်ကွံာ်အသးန့ၣ်လီၤႉ ဘၣ်မနုၤအဃိလဲၣ်န့ၣ် တၢ်ဟဲသူၣ်ထီၣ်၀ဲဒၣ်တၢ်သူၣ်ထီၣ် (casino) အတၢ်သူၣ်ထီၣ်ဒိၣ်ဒိၣ်မုၢ်မုၢ်အံၤလၢ ပၦၤကညီၦၤထူလံၤဖိအဟီၣ်က၀ီၤအံၤန့ၣ်...

လီၢ်မု၁်ဆိးပၢၤမ့ၢ်ထဲယွၤ တၢ်အိၣ်မူလၢဟီၣ်ခိၣ်ချၢ အီၣ်အီကူသိးတဘံၣ်ဘၢ တၢ်အိၣ်ဆိးလၢဒူလၢ၁်ခိၣ် ထီဘိၦဲၤဒီးတၢ်ဘၣ်ယိၣ် ခဲမုၢ်ဆ့ၣ်အမုၢ်ဟဲထီၣ် ကွၢ်စိဃီၤၦဲၤတၢ်သးဖှီၣ် ဖဲမဟါအမုၢ်လီၤနု၁် ဆိမိၣ်ထွဲၦဲၤသးတမု၁် ဒ်သိးကအီၣ်အီဘၣ်အဂီၢ် ကူၣ်ဂဲၤဖံးမၤဃုနီၢ်နီၢ် ဒ်ကအိၣ်ဆိးဘၣ်မု၁်ခုၣ် အိၣ်မူအိၣ်ဂဲၤမၤဒ်ကုၢ် ဆူခူဝ့ၢ်ပူၤကွၢ်စိဃီၤ ခူဝ့ၢ်ဖိလီၤဘှံးလီၤတီၤ ဆူခိဘ့လ၁်ကစၢၢ်ကျါ တၢ်အီၣ်တမီကပၢၤြပါ ၦၤတူၢ်ဒိၣ်ဒီးၦၤထူးတီၤ ဟံၣ်ဃီအဂီၢ်သးဟးဂီၤ ၦၤစီစၣ်ဒီးၦၤဖှီၣ်ဖိ ဖိလံၤအဂီၢ်သးလီၤဟိ ဟီၣ်ခိၣ်ယူၢ်ၦၤတလီၤတူ၁် ၦၤကညီယူၢ်စၢၤလီၤတူ၁် ထံကီၢ်ပၢြပးဂု၁်ပသီ ကလု၁်ဂ့ၢ်ဝီအိၣ်ဖုၣ်ထီ ဒ်ပမ့ၢ်ဝဲၦၤကညီ ကိးမုၢ်နံၤထံၣ်ဘၣ်တၢ်ကီ ဖဲပအိၣ်မူလၢဟီၣ်ခိၣ် လီၢ်အမု၁်ပဂီၢ်တအိၣ် ဟီၣ်ခိၣ်ပမ့ၢ်ၦၤတမှံၤ မုၢ်တနံၤဘၣ်က့ၤလီၢ်ယံၤ ပဝဲနၤယၤကိးအဂၤ လီၢ်မု၁်ဆိးပၢၤမ့ၢ်ထဲယွၤ. လၢတၢ်အဲၣ်ကကွဲၢ်ကဘီ စီၤကီၢ်ဖျါစ့ (တီနီၢ်ဖိ) ၂၈.၃.၂ဝ၂ဝ

လါမးရှး ၂၈ သီႇ ၂၀၂၀နံၣ်ႇ ခ့ၣ်အဲးစံၣ် ကလံၤကျိၤတၢ်ဆါတခါလၢအမ့ၢ် ခိၣ်ရိၣ်နၣ်တၢ်ဆါအံၤ စးထီၣ်ဖဲလါမးရှး ၁၂ သီအနံၤန့ၣ် ဟီၣ်ခိၣ်ဒီ ဘ့ၣ်တၢ်အိၣ်ဆူၣ်အိၣ်ချ့ကရၢ (WHO) ဘူးဘၣ်ရၤလီၤ၀ဲလၢအမ့ၢ် တၢ်ဆါသံသြတီာ်၀ံၤအလီၢ်ခံႇ ဟီၣ်ခိၣ်ဒီဘ့ၣ်တၢ်လဲၤတၢ်က့ၤတဖၣ်န့ၣ် တၢ်မၤဃံးထီၣ်၀ဲဒၣ်အသိး ထံကီၢ်လၢအဘၣ်ထွဲတဖၣ်စ့ၢ်ကီး စးထီၣ်မၤ၀ဲတၢ်ဒီသဒၢတဖၣ်န့ၣ်လီၤႉ ခိၣ်ရိၣ်နၣ်တၢ်ဆါဃၢ်အံၤ စးထီၣ်ကဲထီၣ်အသးလၢတရူးကီၢ်၀ူၣ်ဟၣ်၀့ၢ်ဒီး ဖဲလါမးရှး ၂၈ သီအနံၤ ဒ်တၢ်ကစီၣ် တၢ်ဂ့ၢ်တၢ်ကျိၤပာ်ဖျါ၀ဲအသိး ခိၣ်ရိၣ်နၣ်တၢ်ဆါအံၤဘၣ်ကူဘၣ်ဂာ်လိာ်အသးလၢထံကီၢ် ၂၀၀ ဘျဲၣ်ဒီး ၦၤဘၣ်တၢ်ဆါအံၤအနီၣ်ဂံၢ်အိၣ်၀ဲ ၅၁၂ႇ ၇၀၁ ဂၤအကျါန့ၣ်သံ၀ဲ ၂၃ႇ၄၉၅ ဂၤလံန့ၣ်လီၤႉ ကီၢ်ကၠီၣ်တဲၣ်လၢအအိၣ်ဘူးလိာ်သးဒီးကညီကီၢ်စဲၣ်အံၤစ့ၢ်ကီး တၢ်ဆါဃၢ်အံၤရၢ်လီၤအသးအါထီၣ်ဒီး တၢ်သံတၢ်ၦၢ်အါထီၣ်၀ဲအဃိ ကမျၢၢ်တဖၣ်တၢ်ဘၣ်ယိၣ်ဘၣ်ဘှီဟဲအါထီၣ်၀ဲဒၣ်န့ၣ်လီၤႉ လၢတၢ်န့ၣ်အဃိ...

သုးမီၤစိရိၤကရူၢ်ဒီးကီၢ်ပယီၤကလုာ်ဒူၣ်တၢ်ပၢၢ်ဆၢဖိတဖၣ် တံနိ (သ၀ီတါ) NLD ပဒိၣ်လၢအီၣ်ဆါစူးကၠံၣ်တီခိၣ်ရိၣ်မဲဒုးအိၣ်ထီၣ်အီၤတဖုအံၤ လၢအပူၤကွံာ်လွံၢ်နံၣ်ဘျဲၣ် အ၀ဲသ့ၣ်နုာ်လီၤတၢ်ဃုထၢအခါန့ၣ် စံး၀ဲ=သါပၣ်တံၣ်မ့ၢ်ကဲထီၣ်ပဒိၣ်န့ၣ် သါကမၤတၢ်သၢမံၤလၢ ထံဖိကီၢ်ဖိအဂီၢ်လၢအမ့ၢ်၀ဲ=(၁)ကဘှီဘၣ်က့ၤဂံၢ်ခီၣ်ထံးထံကီၢ်သဲစး တၢ်ဘျၢခိၣ်သ့ၣ်လၢသုးပဒိၣ်ဒုးအိၣ်ထီၣ်ဆူၣ်အီၤခါအံၤ (၂)သဲစး တၢ်သိၣ်တၢ်သီကဘၣ်ဒိၣ်စိ ကျၢၢ်ဘၢလၢထံလီၢ်ကီၢ်ပူၤ (၃)ကမၤဒ်သိးကဒိးန့ၢ်ဘၣ်က့ၤထံလီၢ်ကီၢ်ပူၤ တၢ်မုာ်တၢ်ခုၣ်အဂီၢ်န့ၣ်လီၤႉ NLD ကဲထီၣ်ပဒိၣ်ခဲအံၤ ပၢတၢ်ကၦဲၤထီၣ်ယဲၢ်နံၣ်အသးသမူကကတၢၢ်လီၤႉ ဘၣ်ဆၣ်တၢ် လၢအအၢၣ်လီၤ၀ဲတဖၣ် အမိၢ်လံၤမိၢ်ၦၢ်တဖျါထီၣ်နီတမံၤဘၣ်အမဲာ်ညါႇ ထံလီၢ်ကီၢ်ပူၤတၢ်အိၣ်သးစ့ၢ်ကီး နးဒိၣ်ထီၣ်န့ၢ်အလီၢ်တက့ၢ်လီၤႉ အတၢ်အၢၣ်လီၤလၢကဘှီဘၣ်က့ၤဂံၢ်ခီၣ်ထံးထံရူၢ်ကီၢ်သဲးတၢ်ဘျၢခိၣ်သ့ၣ်လၢ သုးပဒိၣ်ဒုးအိၣ်ထီၣ်ဆူၣ်အီၤတခါအံၤစ့ၢ်ကီး ဖဲလါမးရှး(၁၀=၁၁)သီႇ ၂၀၂၀ နံၣ် တၢ်မၤ၀ဲ တၢ်ဆၢတဲာ်လၢတၢ်ဖီၣ်တၢ်ဖးႇလၢကီၢ်စၢဖှိၣ်ဘျီၣ်ဒိၣ်ပူၤအခါဃၣ်(ရှူ)ကွံာ်၀ဲအဃိ အတၢ်မုၢ်လၢ်ကတၢၢ်ကွံာ် ၀ဲဒၣ်န့ၣ်လီၤႉ အတၢ်အၢၣ်လီၤလၢအမ့ၢ်၀ဲ “သဲစးတၢ်သိၣ်တၢ်သီက ဘၣ်ဒိၣ်စိကျၢၢ်ဘၢလၢထံ လီၢ်ကီၢ်ပူၤ ”စ့ၢ် ကီးမၤဖျါထီၣ်၀ဲ အမိၢ်လံၤမိၢ်ၦၢ်တန့ၢ်ဘၣ်အမဲာ်ညါ ထံဖိကီၢ်ဖိတဖၣ် တူၢ်ဘၣ်တၢ်မၤတရီတပါအ၀ဲသ့ၣ်လၢ...

Coronavirus Disease (Covid -19) ဖဲ ၂၀၁၉ လါဒံၣ်စ့ဘၢၣ်အပူၤ ကလံၤကျိၤတၢ်ဆါတခါလၢ အဟဲကဲထီၣ်အသးခီဖျိတၢ်ဆါဃၢ်တခါလၢအမ့ၢ် ၂၀၁၉ နိဗၣ် ခိၣ်ရိၣ်နၣ်ဗဲရၣ်စ် အံၤ ဘၣ်ကူဘၣ်ဂာ်ဒီးရၤလီၤသး ချ့သဒံးလၢဟီၣ်ခိၣ်ဒီဖျၢၣ်န့ၣ်လီၤႉ ကလံၤကျိၤတၢ်ဆါလၢအခဲအံၤ ဘၣ်တၢ်ကိးအီၤလၢ ခီဘံၣ် (Covid -19) အံၤ ဟီၣ်ခိၣ်ဒီဘ့ၣ်ဆူၣ်ချ့ကရၢ (WHO) ပာ်ပနီၣ်အီၤလၢတၢ်ဆါသံသြတိာ် (Pandemic ) လံန့ၣ်လီၤႉ ခိဘံၣ်=၁၉ တၢ်ဆါအံၤဟဲကဲထီၣ်အသးအဆိကတၢၢ်လၢတရူးထံကီၢ်အပူၤဒီး ကတီၢ်အံၤဘၣ်ကူဘၣ်ဂာ်အါထီၣ်၀ဲဆူထံကီၢ်ခဲလၢာ် အဘ့ၣ် ၂၀၀ ဘျဲၣ်လံဒီး ကတီၢ်အံၤဟီၣ်ခိၣ်ဒီဘ့ၣ်ဆူၣ်ချ့ကရၢ တၢ်ကစီၣ်ပာ်ဖျါစ့ၢ်ကီး၀ဲလၢ ခိၣ်ဘံၣ်=၁၉အံၤ ဘၣ်ကူဘၣ်ဂာ်ရၤလီၤအသးအါထီၣ်ကွ့ၢ်ကွ့ၢ်အဂ့ၢ် ဒုးသ့ၣ်ညါလီၤ၀ဲ ကမျၢၢ်ထံဖိကီၢ်ဖိတဖၣ်န့ၣ်လီၤႉ ဒ်သိး...

လါမးရှး ၂၂ သီႇ ၂၀၂၀ နံၣ်ႇ န့ၣ်နီၣ် ကီၢ်ကၠီၣ်တဲၣ်–ကီၢ်ပယီၤကီၢ်ဆၢ ကညီကီၢ်စဲၣ် မၠၣ်၀တံၣ်၀့ၢ်အံၤ ဖဲလါမးရှး ၂၁ သီန့ၣ် တရူးအထံဖိကီၢ်ဖိလၢအသံတဂၤအံၤ တၢ်တထံၣ်န့ၢ်၀ဲ ကိၣ်ရိၣ်နၣ်တၢ်ဆါဃၢ် (Covid-19) တၢ်ဆါအက့ၢ်အဂီၤဘၣ်အဂ့ၢ်န့ၣ် မၠၣ်၀တံၣ်ကီၢ်ရ့ၣ် ထံဖိကီၢ်ဖိတၢ်ဆါဟံၣ် ဒီၣ်ကထၢၣ်ယၣ်နဲၣ်အူ ထုးထီၣ်ဘိးဘၣ်ရၤလီၤအဃိ သ့ၣ်ညါဘၣ်လီၤႉ မၠၣ်၀တံၣ်၀့ၢ် နီၣ်ဂံၢ်(၂)က၀ီၤဒ့ႇ သူမှဲကျိကၢၢ်နံၤႇ သုးခိးကီၢ်ဆၢ =BGF သုးကရူၢ် တၢ်ပၢဟီၣ်က၀ီၤ သဲပိၣ်တၢ် ဘံၣ်တၢ်ဘၢြတဲၤ (Heng Sheng-1) ကၣ်စံၣ်နိၣ်တၢ်တၤကျိၣ်တၤစ့အကရၢၢ်အပူၤႇ တရူးအထံဖိကီၢ်ဖိလၢ အအိၣ်ဟဲလၢ ယီၣ်လ့ကီၢ်စဲၣ်ႇ စိကီၣ်၀့ၢ်လၢအမ့ၢ် ရှီၣ်ကဲ ၂၉ နံၣ်အံၤႇ...

လါမးရှး ၂၀ သီႇ ၂၀၂၀ နံၣ်ႇ စီၤမၠၣ်အူသၣ် တနီသရံၣ်ကီၢ်ခီဒိၣ် ယ့ၤဖၠူၤကီၢ်ဆၣ်ပူၤ ခီဖျိလၢဟီၣ်လာ်မ့ၣ်ပိၢ်အဃိႇ လီၢ်က၀ီၤဖိတဖၣ်ဘၣ်ဒိဘၣ်ထံးအိၣ်၀ဲဒၣ်ဒီး ဒ်သိးဒီးအ၀ဲသ့ၣ်ကဖံးအီၣ်မၤအီၣ်လၢမုာ်မုာ်ခုၣ်ခုၣ်အဂီၢ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ဒီး မိၣ်ကီၢ်သီပၣ်တံၣ် NMSP ခံကပၤတၢ်ထံၣ်လိာ်တၢၣ်ပီၣ်တဲသကိး ကဂုာ်ကျဲးစၢး၀ဲအဂ့ၢ်န့ၣ် ဖဲလါမးရှး ၁၆ သီအနံၤန့ၣ် မိၢ်ကီၢ်သီပၣ်တံၣ် ဒ၀ဲၢ်ကီၢ်ရ့ၣ် ထုးထီၣ်ဘိးဘၣ်ရၤလီၤ၀ဲလံာ်တဘ့ၣ်ဒီးစံး၀ဲလီၤႉ ဖဲပလဲၤ၀ဲဒၣ်လၢတၢ်မုာ်တၢ်ခုၣ်အတၢ်တိာ်ကျဲၤအဆၢကတီၢ် တၢ်စံၣ်စိၤလၢအပူၤကွံာ်လၢအခၣ်တဖၣ်န့ၣ် ကဘၣ်ဟံးန့ၣ်တၢ်မၤလိဒီး ဒ်သိးထံဖိကီၢ်ဖိကမျၢၢ်အတၢ်အိၣ်မူဟံၣ်ဃီကဒိၣ်ထီၣ်ထီထီၣ်အဂီၢ် ကလုာ်ဒူၣ်တၢ်အိၣ်မူလၢအဒ််သိးလိာ်သးတဖၣ် ကပာ်ဖှိၣ်မၤသကိးဟံးထီၣ်ဖီၣ်ထီၣ်အဂီၢ် ဘၣ်တၢ်ထုးထီၣ်ဘိးဘၣ်ရၤလီၤ၀ဲလီၤအဂ့ၢ်န့ၣ် မိၣ်ကီၢ်သီပၣ်တံၣ် ဒ၀ဲၢ်ကီၢ်ရ့ၣ် တၢ်ဘိးဘၣ်ရၤလီၤအပူၤပာ်ဖျါ၀ဲလီၤႉ KNU ဒူပျာ်ယာ်ကီၢ်ရ့ၣ် ၀ီၢ်ရီကီၢ်ဆၣ်ခိၣ် ပဒိၣ်စီၤမီၣ်ရှွ့ၣ် စံး၀ဲလၢ “ ခီဖျိလၢတသ့ၣ်ညါတၢ်အိၣ်သးခဲလၢာ် ဘၣ်အဖီခိၣ် ပဟ့ၣ်ထီၣ်တၢ်ထံၣ်တသ့ဒံးဘၣ်မီၤနီၤႉ...

လါမးရှး ၁၉ သီႇ ၂၀၂၀ နံၣ်ႇ န့ၣ်နီၣ် ကီၢ်ကၠီၣ်တဲၣ်–ကီၢ်ပယီၤကီၢ်ဆၢ ၦၤထံဂုၤကီၢ်ဂၤဖိနုာ်လီၤဟးထီၣ်တခါလၢအမ့ၢ် မဲၢ်ဆီး–မၠၣ်၀တံၣ် တၢ်ရ့လိာ်မုာ်လိာ်တိၤတဆီ မ့တမ့ၢ် လၢၦၤကီၢ်ပယီၤဖိဒီး ၦၤကၠီၣ်တဲၣ်အထံဖိကီၢ်ဖိဘၣ်န့ၣ် ၦၤထံဂုၤကီၢ်ဂၤ အထံဖိကီၢ်ဖိအဂၤတဖၣ်ခဲလၢာ် တၢ်တဟ့ၣ်နုာ်လီၤ၀ဲဆူ ကီၢ်ပယီၤအပူၤလၢၤဘၣ်အဂ့ၢ်န့ၣ် ၦၤဘၣ်မူ ဘၣ်ဒါတဖၣ်စံး၀ဲလီၤႉ စးထီၣ်ဖဲလါမးရှး ၁၉ သီ မၠၣ်၀တံၣ်ကီၢ်ဆၢတိၤတဖၣ်န့ၣ် မ့တမ့ၢ်ၦၤကီၢ်ပယီၤဖိဒီးကီၢ်ကၠီၣ်တဲၣ်ဖိတဖၣ်ဘၣ်န့ၣ်ႇ ကယဲၢ်မ့ၢ်ၦၤထံဂုၤကီၢ်ဂၤဖိတဂၤလၢ်လၢ် တၢ်တဟ့ၣ်နုာ်လီၤဟးထီၣ်၀ဲလၢၤဘၣ်န့ၣ် ဖဲလါမးရှး ၁၈ သီအနံၤန့ၣ် ၦၤဘၣ်မူဘၣ်ဒါလၢအအိၣ်တၢ်ဖီခိၣ်တဖၣ် နဲၣ်လီၤ၀ဲတၢ်ကလုၢ်လီၤအဂ့ၢ်န့ၣ် မၠၣ်၀တံၣ်နီၣ်ဂံၢ်(၁) တၢ်ရ့လိာ်မုာ်လိာ်တိၤ တၢ်သမံသမိးၦၤနုာ်လီၤဟးထီၣ် ဒီး ကမျၢၢ်ဂံၢ်ဘါ၀ဲၤကျိၤ (တိၤ) ၦၤနဲၣ်တၢ်ဖိ ၂ ဂၤတဂၤ အူသါရှွ့ၣ်...

လါမးရှး ၁၈ သီႇ ၂၀၂၀ နံၣ်ႇ စးအဲၣ်ဆူ ကီၢ်ကၠီၣ်တဲၣ်ၦၤဘၣ်မူဘၣ်ဒါတဖၣ် နဲၣ်လီၤ၀ဲဒၣ်လၢ တကီၢ်ခါကိၣ်ရိၣ်နၣ်တၢ်ဆါဃၢ် Codvid 19 ကဲထီၣ်သးအဃိႇ ကီၢ်ကၠီၣ်တဲၣ်–ကီၢ်ပယီၤကီၢ်ဆၢဒီတကျိၤ ဘၣ်ကီဘၣ်ခဲဒဲက၀ီၤအပူၤ ဖဲမဟါ(လါမးရှး ၁၇ သီ)အနံၤန့ၣ် တၢ်စးထီၣ်မၤဃံးထီၣ်၀ဲတၢ်ဟးထီၣ်က့ၤလီၤအဂ့ၢ်န့ၣ် သ့ၣ်ညါဘၣ်လၢဒဲက၀ီၤၦၤဘၣ်မူဘၣ်ဒါတဖၣ်အအိၣ်လီၤႉ ကီၢ်ကၠီၣ်တဲၣ် ထံလီၢ်ကီၢ်ပူၤကိတိာ်၀ဲၤကျိၤ နဲၣ်လီၤ၀ဲဒၣ်လၢ ကီၢ်ကၠီၣ်တဲၣ်အပူၤ တၢ်ဆါဘၣ်ကူဘၣ်ဂာ်အိၣ်၀ဲအဖီခိၣ်ႇ ဒ်သိးတၢ်ဆါအံၤသုတနုာ်လီၤဘၣ်ကူဘၣ်ဂာ်လၢ ဘၣ်ကီဘၣ်ခဲဒဲက၀ီၤပူၤတဂ့ၤအဂီၢ်ႇ တၢ်စးထီၣ်မၤဃံးထီၣ်၀ဲလီၤ အဂ့ၢ်န့ၣ် ကညီဘၣ်ကီဘၣ်ခဲကမံးတံး (KRC) နဲၣ်ရွဲၣ် စီၤၦဲၤစ့ စံးဘၣ်ခ့ၣ်အဲးစံၣ်လီၤႉ အ၀ဲစံး၀ဲလၢ “လီၤဆီဒၣ်တၢ် လၢပ၀ဲဘၣ်ကီဘၣ်ခဲဒဲက၀ီၤအပူၤန့ၣ်(NGO) တၢ်ကရၢကရိတဖၣ် တၢ်နုာ်လီၤ ဟးထီၣ်ဒီး ဒဲက၀ီၤဖိတဖၣ်အတၢ်ဟးထီၣ်ဟးလီၤန့ၣ် ဒ်တၢ်ပာ်ပနီၣ်တၢ်သိၣ်တၢ်သီအသိးန့ၣ် တၢ်နုာ်လီၤဟး...

လါမးရှး ၁၈သီႇ ၂၀၂၀ နံၣ်ႇ စးအဲၣ်ဆူ ကညီကီၢ်စဲၣ် ကီးတရံးကီၢ်ဆၣ် ဒီး ကၠၤအ့စ့ၣ်ကၠံကီၢ်ဆၣ် အဘၢၣ်စၢၤလၢအမ့ၢ်ကီးတရံး–ကၠဲးဒိကျဲအံၤ စးထီၣ်လၢတနံၣ်အံၤထီၣ်သီတုၤလၢခဲအံၤတစု သိလ့ၣ်(ကါ)တီၣ်သ့ၣ်လၢအတီၣ်၀ဲသ့ၣ်ဖးဒိၣ်တဖၣ် ခီဖျိလၢလဲၤထီၣ်က့ၤလီၤ၀ဲဒၣ်ကိးမုၢ်နၤဒဲးအဃိ ကျဲသ့ၣ်တဖၣ်ဟးဂီၤ၀ဲဒီး ကဲထီၣ်၀ဲဒၣ်တၢ်တံာ်တာ်လၢ လီၢ်က၀ီၤဖိလၢအအိၣ်လၢကျဲကပၤတဖၣ်အဂီၢ်န့ၣ် သ့ၣ်ညါဘၣ်လီၤႉ သိလ့ၣ်ဖးဒိၣ်လၢအတီၣ်သ့ၣ်တဖၣ်န့ၣ် ဖဲမုၢ်နၤခီၦၤမံအဆၢကတီၢ်န့ၣ် ခီဖျိလၢ လဲၤထီၣ်က့ၤလီၤ၀ဲကိးမုၢ်နၤဒဲးဃၣ်ဃၣ်အဃိ ဒူသ၀ီကမျၢၢ်တဖၣ်အဂီၢ် ကဲထီၣ်၀ဲဒၣ်တၢ်တံာ်တာ်လၢတၢ်မံအဂီၢ်အသိး ကျဲသ့ၣ်တဖၣ်စ့ၢ်ကီးဟးဂီၤ၀ဲဒၣ်ဒီး ဟီၣ်ခိၣ်ကမူၣ်တဖၣ်ဟဲအါထီၣ်၀ဲဒၣ်အဃိ ကမျၢၢ်လၢအအိၣ်ကျဲကပၤတဖၣ် တူၢ်၀ဲတၦဲၤလၢာ်ဘၣ်လီၤအဂ့ၢ်န့ၣ် လီၢ်က၀ီၤဖိတဖၣ်စံး၀ဲလီၤႉ သိလ့ၣ်တီၣ်သ့တဖၣ်လဲၤထီၣ်က့ၤလီၤန့ၣ် သ၀ီလၢအတူၢ်ဘၣ်တၢ်တဖျၢၣ်လၢအမ့ၢ် ကျ့းသ၀ီအံၤ အသ၀ီဖိတဂၤ လၢအမ့ၢ် နါသါအ့ စံး၀ဲလၢ “ဖဲလၢပမံမုာ်အဆၢကတီၢ်န့ၣ် ကါဖးဒိၣ်သ့ၣ်တဖၣ်ဟဲက့ၤ၀ဲဒၣ်အ ကလုၢ်သီၣ်ဖးဒိၣ်ဖးဒိၣ်ဒီး ပဟံၣ်တခီန့ၣ်အိၣ်လၢကျဲကပၤအဃိ ဟံၣ်န့ၣ်ဟူး၀ဲလီၤႉ ဟီၣ်ခိၣ်ကမူၣ်ဒုတဲလၢာ်တဂ့ၤႇ ...