ခ့ၣ်အဲးစံၣ် – KIC News

လါယနူၤအါရံၤ ၁၆ သီႇ ၂၀၂၀ နံၣ်ႇ စီၤမၠၣ်အူသၣ် ပယီၤသုးမုၢ်ဒိၣ်လၢအလဲၤအိၣ်ဆီလီၤအသးဖဲ ကီၢ်ကၠီၣ်တဲၣ်–ကီၢ်ပယီၤကီၢ်ဆၢ ဃိၣ်သၢဖျၢၣ်၀့ၢ် ကလံၤထံး ယပၣ်ထံကမျၢ (ဂျပန်ေရတွင်း) သ၀ီ မိၣ်ကီၢ်သီပၣ်တံၣ် (NMSP) ဟ့ၣ်သၣ်တဲၣ် တြဲၤတၢ်လီၢ်န့ၣ် ဖဲ လါယနူၤအါရံၤ ၁၃ သီအနံၤ မုၢ်ဟါလီၤအဆၢကတီၢ်န့ၣ် ထုးကွံာ်အသးလံအဂ့ၢ်န့ၣ် မိၣ်ကီၢ်သီပၣ်တံၣ် လီၢ်ခၢၣ်သးကမံးတံာ်ဖိ နဲၣ်အၣ်ကၣ် စံးဘၣ် ခ့ၣ်အဲးစံၣ်လီၤႉ ကၠၤအ့စ့ၣ်ကၠံကီၢ်ဆၣ် ယပၣ်ထံကမျၢလၢအဘူးဒီးမိၣ်ကီၢ်သီပၣ်တံၣ်သုးတၢ်လီၢ်အံၤႇ ဖဲအပူၤကွံာ် လါနိၣ်၀့ဘၢၣ် ၂၇ သီအနံၤ ဂီၤခီအဆၢကတီၢ်န့ၣ် မိၣ်ကီၢ်သီပၣ်တံၣ် ဒီး သုးမုၢ်ဒိၣ်တဖၣ် တၢ်ခးလိာ်သးကဲထီၣ်သးအကတီၢ် ကီၢ်ပယီၤ သုးမုၢ်ဒိၣ်တဖၣ်...

လါယနူၤအါရံၤ ၁၅သီႇ ၂၀၂၀ နံၣ်ႇ စီၤရှါ ကညီကီၢ်စဲၣ်ႇ တၢ်ဘံၣ်တၢ်ဘၢ ဒီး ကီၢ်ဆၢဂ့ၢ်၀ီကိတိာ် စံး၀ဲလၢ တၢ်ထၢသုးသီဒီး ကဲွးဆှၢထီၣ်လံာ်ဒီဒါတၢ်ဂ့ၢ်အံၤန့ၣ် ပကဘှါဆှဲအီၤဒ်တၢ်ကွၢ်ဟုၣ်ကွၢ်စူၣ် သဃဲၤတၢ်ပတုာ်တၢ်ခးကမံးတံာ် JMC အသိးလီၤအဂ့ၢ်န့ၣ် KNU ကညီဒီ ကလုာ်စၢဖှိၣ်ကရၢ လဲဘွဲကီၢ်ဆၣ် ၦၤပၢၤလီၢ်ဆ့ၣ်နီၤ ပဒိၣ်စီၤအဲၣ်ထံကီၢ် စံးဘၣ်ခ့ၣ်အဲးစံၣ်လီၤႉ ဖဲလါယနူၤအါရံၤ ၁၃ သီအနံၤ ကညီကီၢ်စဲၣ်ပဒိၣ် တၢ်ဘံၣ်တၢ်ဘၢဒီး ကီၢ်ဆၢဂ့ၢ်၀ီကိတိာ်၀ဲၤဒၢး ကီၢ်ဆၢဂ့ၢ်၀ီဘံၣ်ဘၢကိတိာ် သုးခိၣ်ဒိၣ်ဖိ မၠိမ့နီၣ် ဆဲးလီၤ၀ဲစုမုၢ်ကျၢၢ်ဒီး ဆှၢထီၣ်၀ဲလံာ်ထီဒါဆူ JMC-S အအိၣ်၀ံၤအလီၢ်ခံ ပဒိၣ်စီၤအဲၣ်ထံကီၢ် စံးဘၣ် ၀ဲဒၣ်ဖဲတနံၤအံၤ လါယနူၤအါရံၤ...

လါယနူၤအါရံၤ ၁၅ သီႇ ၂၀၂၀ နံၣ်ႇ စးအဲၣ်ဆူ မုၢ်ြတီၤကီၢ်ရ့ၣ်ဟီၣ်က၀ီၤအပူၤ ခီဖျိလၢပယီၤသုးတဖၣ်တ့ကျဲအဃိ ဖဲလါယနူၤအါရံၤ ၁၅ သီ အနံၤန့ၣ် မုၢ်ြတီၤ (ဖၣ်ပူၣ်)ကီၢ်ရ့ၣ်ႇ လူၢ်သီႇ ဘုသိၣ် ဒီး ဒွဲၣ်လိ ဃုာ်ဒီးကီၢ်ဆၣ်ဒူသ၀ီအဂၤတဖၣ်စုာ်စုာ်ႇ လီၢ်က၀ီၤဖိတဖၣ် ထီဒါဒီး မၤ၀ဲဒၣ်တၢ်ပာ်ဖျါထီၣ်တၢ်ဘၣ်သးတၢ်ရဲၣ်တၢ်ကျဲၤတဖၣ် တဘျီဃီအဂ့ၢ်န့ၣ်သ့ၣ်ညါဘၣ်လီၤႉ ခီဖျိလၢပယီၤသုးတဖၣ်တၢ်ခူၣ်ကျဲအဃိ လီၢ်က၀ီၤဖိတဖၣ်တၢ်လုၢ်အီၣ်နီၢ်ခိသးသမူ ဒီး တၢ်ဘံၣ်တၢ်ဘၢအဂီၢ်ႇ တၢ်ဘၣ်ယိၣ်ဘၣ်ဘှီအိၣ်၀ဲဒၣ်အဃိ ဘၣ်တၢ်မၤ၀ဲတၢ်ပာ်ဖျါထီၣ်တၢ်ဘၣ်သးအံၤလီၤအဂ့ၢ်န့ၣ် လၢတၢ်ပာ်ဖျါထီၣ်သးအပူၤ ၦၤလၢအပၣ်ဃုာ်တီခိၣ်ရိၣ်မဲတၢ်တဂၤလၢအမ့ၢ် စီၤအဲၣ်စ့ စံး၀ဲဒ်အံၤလီၤႉ အ၀ဲစံး၀ဲလၢ “ထံရူၢ်ကီၢ်သဲးတၢ်တၢၣ်ပီၣ်တဲသကိးပူၤ တၢ်အုၣ်ကီၤသးတအိၣ်၀ဲဒၣ်နီတမံၤဒံးဘၣ်အဖီခိၣ်ႇ ပယီၤပဒိၣ် တဖၣ်မ့ၢ်ဂ့ၤ ပယီၤသုးတဖၣ်မ့ၢ်ဂ့ၤ တၢ်တ့ကျဲအံၤ ပတလိၣ်ဘၣ်၀ဲဒၣ်ဘၣ်လီၤႉ တံရူၢ်ကီၢ်သဲးတၢ်အုၣ်ကီၤသးဒီး...

လါယနူၤအါရံၤ ၁၃ သီႇ ၂၀၂၀ နံၣ်ႇ ခ့ၣ်အဲးစံၣ် ဖဲကီၢ်ဆၢြတဲၤတဖၣ်တပတီၢ် တၢ်ဆှၢ၀ဲဘုခ့လၢအတဖိးသဲစးတဖၣ်န့ၣ် အပူၤကွံာ်စးထီၣ်လၢလါနိၣ်၀့ဘၢၣ် တုၤလၢအခဲအံၤတစုႇ ခီဖျိလၢကီၢ်ကၠီၣ်တဲၣ်ပဒိၣ်တဖၣ်ြတီဃာ်၀ဲဒၣ်အဃိ ကီၢ်ကၠီၣ်တဲၣ်–ကီၢ်ပယီၤကီၢ်ဆၢႇ ကညီကီၢ်စဲၣ် တီနီၢ်မုၢ်ထီၣ်တပၤႇ မၠၣ်၀တံၣ်ကီၢ်ရ့ၣ် လီၢ်က၀ီၤဖိလၢအသူၣ်ဘုခ့တဖၣ် သဂၢၢ်ဘၣ်ဒီးတၢ်ကီတၢ်ခဲအဂ့ၢ်န့ၣ် လီၢ်က၀ီၤဖိတဖၣ်စံး၀ဲလီၤႉ ကီၢ်ကၠီၣ်တဲၣ်သုးခိးကီၢ်ဆၢတြီဃာ်၀ဲလၢ လီၢ်က၀ီၤဖိလၢအကူၣ်လဲၤမၤကၤတၢ်လၢ အဆှၢ၀ဲဘုခ့တဖၣ်လၢ အတဖိးသဲစး တဖၣ်အဖီခိၣ်ႇ တုၤလၢအခဲအံၤထိၣ်ဃူထိၣ်ဖိး၀ဲတန့ၢ်ဒံးဘၣ်န့ၣ်လီၤႉလၢတၢ်န့ၣ်အဃိ လီၢ်က၀ီၤသ၀ီဖိတဖၣ် ဟံၣ်ဖိဃီဖိ တၢ်လဲၤတရံးအဂီၢ်ႇ သဂၢၢ်ဘၣ်၀ဲဒၣ်ဒီးတၢ်ကီတၢ်ခဲအကလုာ်ကလုာ်လီၤ အဂ့ၢ်န့ၣ် သ့ၣ်ဘီဘိသ၀ီ ၦၤသူၣ်ဘုခ့တဂၤ လၢအမ့ၢ် စီၤတိတိးစံး၀ဲလီၤႉ အ၀ဲစံး၀ဲလၢ “ပ၀ဲလီၢ်က၀ီၤဖိတဖၣ်ဒီး ၦၤလၢန့ၣ်(ကီၢ်ကၠီၣ်တဲၣ်ဖိ)တပၤတဖၣ် မၤသကိးတၢ်ဖံးတၢ်မၤလီၤႉ အ၀ဲသ့ၣ် ကီၢ်ကၠီၣ်တဲၣ်န့ၣ်အဲၣ်ဒိး၀ဲလၢ ကဆှၢ၀ဲလၢအဖိးသဲစးႉ တၢ်အဃိန့ၣ်...

လါယနူၤအါရံၤ ၁၂ သီႇ ၂၀၂၀ နံၣ်ႇ ခ့ၣ်အဲးစံၣ် ဖၣ်ပူၣ်ကီၢ်ဆၣ် ကၣ်ညံၣ်နီၣ်သ၀ီ ၦၤသ၀ီဖိတဂၤ တနံၤအံၤဂီၤခီအဆၢကတီၢ် ဖဲအကလဲၤကွးရီ ဘၢၣ်ဒီးလဲၤ၀ဲ အဆၢကတီၢ်န့ၣ် ဘၣ်၀ဲဒီးမ့ၣ်ပိၢ်အဃိ အခီၣ်လၢအစ့ၣ်တပၤဘၣ်ဒိ၀ဲဒၣ်ဒီး အခဲအံၤကူစါယါဘျါအသး လၢဖၣ်အၣ်တၢ်ဆါဟံၣ်အဂ့ၢ်န့ၣ် ခ့ၣ်အဲးစံၣ်ဒိးန့ၢ်ဘၣ်တၢ်ကစီၣ်လီၤႉ မၠဲၣ်ကၠံငူၣ် တၢ်ဆါဟံၣ်ၦၤမၤတၢ်ဖိဒီး ၦၤလၢအအိၣ်ဘူးဖဲန့ၣ်တဂၤစံး၀ဲလၢ “တဂီၤအံၤ ၃ နၣ်ရံၣ် ၃၀ မံးနံး အဆၢကတီၢ်န့ၣ်ႇ ၦၤကွးရီဘၢၣ်ဖိဘၣ်၀ဲဒၣ်ဒီးမ့ၣ်ပိၢ်လီၤႉ အလဲၤန့ၣ်ပၣ်၀ဲဒၣ်ဒီးအသကိးတဂၤလီၤႉ ဘၣ်၀ဲဒၣ်ဒီးမ့ၣ်ပိၢ်တခီန့ၣ် ဘၣ်၀ဲထဲတဂၤလီၤႉ ဘၣ်၀ံၤတဘျီဃီန့ၣ် တၢ်လဲၤဆှၢဆိအီၤဆူမၠဲၣ်ကၠံငူၣ်တၢ်ဆါဟံၣ်လီၤႉ အခဲအံၤလဲၤတုၤ၀ဲဒၣ်လၢဖၣ်အၣ်တၢ်ဆါဟံၣ်လံလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ ၦၤလၢအဘၣ်ဒီးမ့ၣ်ပိၢ်တဂၤလၢအမ့ၢ် အူမီၣ်အိတ့ၣ် အသးနံၣ်အိၣ်၀ဲ ၄၆ နံၣ်ႇ...

လါယနူၤအါရံၤ ၁၀ သီႇ ၂၀၂၀ နံၣ်ႇ ခ့ၣ်အဲးစံၣ် လၢၢ်ဒိၣ်ကီၢ်ဆၣ်ပူၤ ကီၢ်ပယီၤပဒိၣ်တဖၣ် တၢ်တ့ကျဲအဃိႇ တၢ်ဘၣ်ဒိဘၣ်ထံးအိၣ်၀ဲအဃိ ထံကီၢ်ဒီဘ့ၣ်တၢ်ပတုာ် တၢ်ခးအလံာ်ဃံးဃာ် NCA အံၤန့ၣ် သုးခံကပၤလၢာ် ကမၤဖျါထီၣ်အမိၢ်လံၤမိၢ်ၦၢ်လၢလၢၦဲၤၦဲၤအဂီၢ်ႇ ဖဲလါယနူၤအါရံၤ ၉ သီအနံၤန့ၣ် လီၢ်က၀ီၤဖိလၢအကထိတဖၣ် မၤ၀ဲဒၣ်တၢ်ပာ်ဖျါထီၣ်တၢ်ဘၣ်သးန့ၣ်လီၤႉ တၢ်ပာ်ဖျါထီၣ်တၢ်ဘၣ်သးလၢ အမုၢ်လၢ်ပာ်၀ဲတၢ်မုာ်တၢ်ခုၣ်အံၤ တၢ်တ့၀ဲကျဲဒီတဘိဒူသ၀ီလၢအမ့ၢ် မူၤသဲးကူၢ်ႇ မီၤဘွဲၤကရူၢ် ဒီး လီၢ်မူၢ်ပဲၤက&ူၢ်တဖၣ်ႇ လီၢ်က၀ီၤၦၤနီၣ်ဂံၢ်အိၣ်၀ဲ အဂၤ ၁ႇ၅၀၀ ဘျဲၣ် ဃုာ်ဒီးလၢၢ်ဒိၣ်၀့ၢ် နီၤဖးလီၤ၀ဲ တၢ်လီၢ် ၃ တီၤဒီး ပာ်ဖျါထီၣ်၀ဲအတၢ်ဘၣ်သးန့ၣ်လီၤႉ မူၤသဲးကရူၢ် တၢ်ပာ်ဖျါထီၣ်သးအံၤ ၦၤလၢအတီခိၣ်ရိၣ်မဲဒီးပၣ်ဃုာ်၀ဲတဂၤလၢအမ့ၢ် နီၢ်ဂ့ၤဟဲစံး၀ဲလၢ...

လါယနူၤအါရံၤ ၁၅ သီႇ ၂၀၂၀ နံၣ်ႇ စးအဲၣ်ဆူ ကီၢ်ကၠီၣ််တဲၣ်–ကီၢ်ပယီၤကီၢ်ဆၢ ကညီဘၣ်ကီဘၣ်ခဲဒဲက၀ီၤ (၆)ဖျၢၣ်အံၤ စးထီၣ်လၢအပူၤကွံာ် ၂၀၁၉ နံၣ် တုၤလၢအခဲအံၤ တီၤထီတလၢကၠိသ့ၣ်တဖၣ် သဂၢၢ်ဘၣ်ဒံး၀ဲဒၣ်ဒီးတၢ်ဆီၣ်ထွဲမၤစၢၤတၢ်ကီတၢ်ခဲအဂ့ၢ်န့ၣ် ကညီဘၣ်ကီဘၣ်ခဲ ကမံးတံာ် တၢ်ကူၣ်ဘၣ်ကူၣ်သ့ တၢ်မၤမုၢ်ကျၢၢ် KRCEE စံး၀ဲလီၤႉ ဘၣ်ကီဘၣ်ခဲဒဲက၀ီၤအဂီၢ် စးထီၣ်လၢ ထံဂုၤကီၢ်ဂၤ တၢ်ဆီၣ်ထဲမွၤစၢၤလီၤစှၤ၀ဲအဆၢကတီၢ်န့ၣ် ဘၣ်ကီဘၣ်ခဲဒဲ က၀ီၤအပူၤ တၢ်ကူၣ်ဘၣ်ကူၣ်သ့လၢအပတီၢ်ထီအတၢ်မၤစၢၤတဖၣ်န့ၣ်ႇ အပူၤကွံာ် ၂၀၁၈ နံၣ် စးထီၣ်လၢနံၣ်လၢာ်န့ၣ် ထံဂုၤကီၢ်ဂၤတၢ်ကရၢကရိ အတၢ်ဆီၣ်ထွဲမၤစၢၤတအိၣ်၀ဲဒၣ်လၢာ်ဘၣ်န့ၣ်လီၤႉ ကညီတၢ်ကရၢကရိလၢအအိၣ်လၢ ထံဂုၤကီၢ်ဂၤတဖၣ်မၤစၢၤ၀ဲဒၣ်အဃိ ဆဲးအိၣ်ဆၢထၢၣ်ဒံး၀ဲအဂ့ၢ်န့ၣ် KRCEE ၦၤနဲၣ်တၢ် နီၢ်ဒီခၢးမူ...

လါယနူၤအါရံၤ ၉ သီႇ ၂၀၂၀ နံၣ်ႇ န့ၣ်နီၣ် ဖဲကီၢ်ကၠီၣ်တဲၣ်–ကီၢ်ပယီၤကီၢ်ဆၢ မဲၢ်ဆီး–မၠၣ်၀တံၣ် တြဲၤတဆီ လၢတလါဘျဲၣ်အတီၢ်ပူၤႇ ကီၢ်ပယီၤၦၤမၤတၢ်ဖိလၢ အလဲၤမၤတၢ်မၤလၢ ကီၢ်ကၠီၣ်တဲၣ်လၢတဖိးသဲစးတဖၣ် ဘၣ်တၢ်ဆှၢကဒါက့ၤအီၤ အဂၤ ၈ႇ၅၀၀ ဘျဲၣ်အဂ့ၢ်န့ၣ် သ့ၣ်ညါ ဘၣ်လီၤႉ ဖဲအပူၤကွံာ် ၂၀၁၉ နံၣ်ႇ လါဒံၣ်စ့ဘၢၣ် တုၤလၢ ၂၀၂၀ နံၣ် လါယနူၤအါရံၤ ၈ သီအနံၤႇ လၢ ၃၉ သီအတီၢ်ပူၤ ကီၢ်ပယီၤ ၦၤမၤတၢ်ဖိလၢ အတဖိးသဲးစးလၢအအိၣ်ကီၢ်ကၠီၣ်တဲၣ်တဖၣ် အဂၤ ၈ႇ၅၀၀ ဘျဲၣ် ဘၣ်တၢ်ဆှၢကဒါက့ၤအ၀ဲသ့ၣ်လၢ မဲၢ်ဆီး–မၠၣ်၀တံၣ်ၦၤမၤတၢ်ဖိတၢ်ရ့လိာ်မုာ်လိာ်၀ဲၤဒၢးတပတီၢ် ဘၣ်တၢ်ဆှၢကဒါက့ၤဆူကီၢ်ပယီၤတကပၤလီၤအဂ့ၢ်န့ၣ်...

လါယနူၤအါရံၤ ၆ သီႇ ၂၀၂၀ နံၣ်ႇ ခ့ၣ်အဲးစံၣ် တနီသရံၣ်ကီၢ်ခီဒိၣ်ႇ တနီသရံၣ်ကီၢ်ဆၣ် မဲး၀ါသ၀ီ တီၤဖုၣ်ကၠိ ကၠိကရၢၢ်အပူၤ ဒူဖိသ၀ီဖိလၢအထီထီၣ်၀ဲကညီနီၣ်တယၢ် လၢအထီသဃဲၤဃုာ်သးဒီးထံကီၢ်အနီၣ်တယၢ်အံၤ ဘၣ်တၢ်မၤဟးဂီၤ၀ဲအဖီခိၣ် တၢ်ကဆှၢလံာ်ထီဒါလီၤအဂ့ၢ်န့ၣ် KNU ကညီဒီကလုာ်စၢဖှိၣ်ကရၢ ဘျံးဒ၀ဲၢ်ကီၢ်ရ့ၣ်စံး၀ဲဒၣ်လီၤႉ လါယနူၤအါရံၤ ၁ သီအနံၤန့ၣ် မၠ့ၣ်ကီၢ်ရ့ၣ် မဲး၀ါသ၀ီ လီၢ်က၀ီၤသ၀ီဖိဃုာ်ဒီး ကၠိၦၤဘၣ်မူဘၣ်ဒါတဖၣ် လၢကၠိကရၢၢ်ပူၤန့ၣ် ဆီထီၣ်၀ဲဒၣ်ကညီနီၣ်တယၢ်၀ံၤအလီၢ်ခံ ဖဲလါယနူၤအါရံၤ ၂ သီ ဟါခီ ၉ နၣ်ရံၣ်တခီအဆၢကတီၢ်န့ၣ် ကီၢ်ပယီၤသုးမုၢ်ဒိၣ် လၢအအိၣ်ဆီလီၤအသးလၢတၢ်လီၢ်ဖဲန့ၣ်တဖၣ် သုးကရူၢ်ဖိလၢအအိၣ်၀ဲ အဂၤ ၂၀ ဃၣ်ဃၣ် ဟဲမၤဟးဂီၤကွံာ်၀ဲဒၣ်လီၤ အဂ့ၢ်န့ၣ်...

လါယနူၤအါရံၤ ၃ သီႇ ၂၀၂၀ နံၣ်ႇ ခ့ၣ်အဲးစံၣ် ကညီကီၢ်စဲၣ် ကမၤမိၣ်ကီၢ်ဆၣ်ပူၤန့ၣ် KNU ကညီဒီကလုာ်စၢဖှိၣ်ကရၢစုဒုၣ်စုတီၤအဖီလာ်ႇ ကညီဒီကလုာ်တၢ် ထူၣ်ဖျဲးသုးမုၢ်ဒိၣ် KNLA သုးက့ ၅ ဒီး ပဒိၣ်သုးမုၢ်ဒိၣ်တဖၣ် ဖဲ လါယနူၤအါရံၤ ၂ သီ အနံၤန့ၣ် တၢ်ခးလိာ်သး ကဲထီၣ်၀ဲဒၣ်ဒီး ဖဲန့ၣ် ပဒိၣ်သုးတပၤသုးတဖၣ်ဘၣ်ဒိ၀ဲ အမဲာ်ညါ လီၢ်က၀ီၤသ၀ီဖိတဖၣ် ဘၣ်ဒိဃုာ်၀ဲဒၣ်အဂ့ၢ်န့ၣ် KNLA တကပၤစံး၀ဲလီၤႉ KNU တၢ်ပၢဟီၣ်က၀ီၤ သုးက့ (၁) ဒီး သုးက့ (၅)အဘၢၣ်စၢၤ ကမၤမိၣ်ကီၢ်ဆၣ်ႇ သ့ၣ်ဘိၣ်ထၣ်ကရူၢ်ႇ...