ခ့ၣ်အဲးစံၣ် – KIC News

လါယူၤ ၈ သီႇ ၂၀၁၉ နံၣ်ႇ စီၤရှါ ကညီကီၢ်စဲၣ်အပူၤ ၂၀၁၈-၁၉ တၢ်သိၣ်လိနံၣ် တၢ်နုာ်လီၤဖၠၣ်စိမိၤတၢ်ဒိးစဲး ဒ်တၢ်အဆၢဟးထီၣ်၀ဲအသိး ၦၤဖျိထီၣ်အမျးကယၤလီၤစှၤ၀ဲ ဒ်အပူၤကွံာ် တနံၣ်အသိးအဂ့ၢ် သ့ၣ်ညါဘၣ်လၢကီၢ်စဲၣ်ကူၣ်သ့၀ဲၤကျိၤအရူအအိၣ် န့ၣ်လီၤ. ၂၀၁၇ တၢ်သိၣ်လိနံၣ်အပူၤ ကညီကီၢ်စဲၣ် ၦၤဖျိထီၣ်မျးကယၤအံၤအိၣ်၀ဲ ၂၉.၄၇ မျးကယၤဒီး ၂၀၁၈ တၢ်သိၣ်လိနံၣ်အပူၤ ၂၉၄၅ မျးကယၤႇ၂၀၁၉နံၣ်အပူၤ လီၤစှၤ၀ဲတုၤလၢ၂၇.၆၇ မျးကယၤအဂ့ၢ် သ့ၣ်ညါဘၣ်လၢကီၢ်စဲၣ်ကူၣ်သ့၀ဲၤကျိၤရူ စရီအသိးန့ၣ်လီၤ. ကီၢ်စဲၣ် ကူၣ်သ့ခိၣ် ဒီၤမၠ့ၣ်မၠ့ၣ်၀့စံး၀ဲ“တနံၣ်ညါအံၤ တမ့ၢ်လၢတၢ်သံကွၢ်ကီဘၣ်ႉ တၢ်သံကွၢ်အက့ၢ်အဂီၤတဖၣ် ဆီတလဲအသးဒီး တၢ်စံးဆၢတဖၣ် တနုာ်လီၤလၢတၢ်ဟ့ၣ်အမးတၢ်ဘျၢဘၣ်ကအိၣ်ႇ တၢ်ဘၣ်ဒိးစဲးလၢတၢ်သံကွၢ်အသီဒီးၦၤဒိးန့ၢ်လံာ်ဖျိးစိစှၤ၀ဲႇ ကညီကီၢ်စဲၣ်ၦၤဖျိထီၣ်တဖၣ်စှၤလီၤႉ ကီၢ်ခီဒီးကီၢ်စဲၣ်ခဲလၢာ် ၦၤဖျိထီၣ်မျးကယၤစှၤလီၤဒီး...

လါယူၤ ၇ သီႇ၂၀၁၉ နံၣ်ႇ န့ၣ်နီၣ် မဟၣ်မဲခီၣ်(မဟာမဲခေါင်)ဟီၣ်က၀ီၤ မုၢ်ကျိၤ၀ဲၤကွာ်ကျဲမုၢ်လၢအအိၣ်၀ဲဖဲ ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ရၤမတံ-မဲၢ်ဆီးနီၣ်ဂံၢ်(၂)တိၤအံၤ ဒ်သိးဒီး တၢ်အိးထီၣ်အီၤကန့ၢ်လၢအဆိအချ့အဂီၢ် ထံကီၢ်ခံဘ့ၣ် ကီၢ်စၢဖှိၣ်ပတီၢ် ၦၤဘၣ်မူဘၣ်ဒါတဖၣ် ထံၣ်လိာ်အသး ဖဲ(လါယူၤ ၇သီ)အနံၤဂီၤခီကတီၢ်ဖဲ ကီၢ်ကၠီၣ်တဲၣ်ႇ တးခ်ကီၢ်ရ့ၣ်ႇ ၀့ၢ်မဲၢ်ဆီးႇ တၢ်လဲၤတၢ်က့ၤ၀ဲၤကျိၤရူအပူၤန့ၣ်လီၤ. တၢ်အိၣ်ဖှိၣ်၀ဲန့ၣ်အပူၤ လၢကီၢ်ပယီၤတကပၤ တၢ်သူၣ်ထီၣ်ဆီလီၤကိတိာ်၀ဲၤကျိၤႇ ကျဲမုၢ်-တိၤ ၀ဲၤကျိၤၦၤနဲၣ်တၢ်ခိၣ်(၂) အူကၠီၣ်ကီခၠိၣ်ႇ ထံဂုၤကီၢ်ဂၤဂ့ၢ်၀ီကိတိာ် ၦၤနဲၣ်တၢ်ခိၣ် (၂)အူအီၣ်မၠ့ၣ်ဒီး ကီၢ်စဲၣ်-ကီၢ်ရ့ၣ်ဘၣ်မူဘၣ်ဒါတဖၣ်ဟဲထီၣ်၀ဲဒီး လၢကီၢ်ကၠီၣ်တဲၣ်တကပၤတခီ အ့ကၠ့နယၢၣ်၀ဲၤကျိၤ ၦၤနဲၣ်တၢ်ခိၣ်(၂) (Mr.Apichart Juntarasup) တီခိၣ်ရိၣ်မဲ ၦၤဘၣ်မူဘၣ်ဒါတဖၣ် ဟဲထီၣ်၀ဲန့ၣ်လီၤႉ ရၤမတံ-မဲၢ်ဆီးတိၤနီၣ်ဂံၢ်(၂)အံၤ လၢကီၢ်ကၠီၣ်တဲၣ်တကပၤ အဲၣ်ဒိးအိးထီၣ်အီၤလၢအဆိအချ့ကတၢၢ်...

လါယူၤ ၇ သီႇ ၂၀၁၉နံၣ်ႇ စီၤရှါ ကညီကီၢ်စဲၣ်ႇ ၀့ၢ်ဖၣ်အၣ် ထံကျိကၢၢ်ကပၤ (ကမ်းနားလမ်း)ကဖျါဃံဖျါလၤအဂီၢ် တၢ်တိာ်ကျဲၤအံၤ တၢ်ပဲာ်ထံနီၤဖးလၢအအိၣ်ထီၣ်တဖၣ် တူၢ်လိာ်၀ဲသ့ ဘၣ်ဆၣ် သုတပဲာ်ထံနီၤဖးအီၤလၢကကဲထီၣ်တၢ်ဟးဂူာ်ဟးဂီၤတဂ့ၤအဂ့ၢ် ၦၤတီခိၣ်ရိၣ်မဲတၢ်(UHM)ခီပနံၣ်ၦၤနဲၣ်တၢ် အူထိအီၣ်ရွ့ၣ်တဲ၀ဲန့ၣ်လီၤ. ဘၣ်ထွဲ ၀့ၢ်ဖၣ်အၣ် ထံကျိကၢၢ်နံၤကျဲအ၀ဲန့ၣ် ၦၤတနီၤပဲာ်ထံနီၤဖး၀ဲအိၣ်အဖီခိၣ် အူထိအီၣ်ရွ့ၣ်တဲလီၤ၀ဲဖဲ တၢ်မၤရှဲလဲ ၦၤကွဲးတၢ်ကစီၣ်ဖိအမူး ဖဲလါယူၤ (၇သီ) အနံၤ ဖဲတီၣ်၀့ၤယတနၣ် ဟိၤထဲအပူၤန့ၣ်လီၤ. အူထိအီၣ်ရွ့ၣ်စံး၀ဲ“တၢ်တိာ်ကျဲၤအံၤ သုပဲာ်ထံနီၤဖးအီၤသ့ႇ တူၢ်လိာ်တၢ်ပဲာ်ထံနီၤဖးလၢအဂ့ၤတဖၣ်လီၤႉ ပတလိးကီ တၢ်ထီဒါဘၣ်ႉ တလိၣ်ဟ့ၣ်ၦၤတၢ်ဆီၣ်သနံးတဖၣ်ဘၣ်ႉ မ့ၢ်တအဲၣ်ဒိး လၢပကတ့ထီၣ်အီၤဘၣ်န့ၣ် လဲၤဒုးသ့ၣ်ညါလၢၦၤဘၣ်မူဘၣ်ဒါတဖၣ် တၢ်ကရၢကရိသ့ၣ်တဖၣ်တက့ၢ်”အဂ့ၢ် စံးလီၤ၀ဲ တၢ်မၤရှဲလဲ တၢ်ကစီၣ် အမူးတၢ်ရဲၣ်တၢ်ကျဲၤအပူၤန့ၣ်လီၤႉ...

၁.နၤယၤတုၤလၢကီၢ်ဝံစု နီၢ်တဘၣ်ဆုတဘၣ်ဂုၤ ကီၢ်ဝံစုတုၤအိၣ်ပဝဲ နီၢ်ဒီးစီ တမၤမုၢ်ဝဲၤ ၂. မုၢ်ဆ့ၣ်ထီၣ်ဆီတအိၣ် စီတလဲၤခုးတလဲၤဂိၢ် နီၢ်တယီၢ်ဘုတဃၤဘု နံၣ်မ့ၢ်ဘၣ် ဘၣ်ၦ့ၤအီၣ်ဟု ၃.ဒ့ၣ်ညါအလါဟဲတုၤဃီၤ မူခိၣ်စူၤထံတဟဲလီၤ သ့ၣ်စှီၤအဖီမ့ၢ်ဖးထီၣ် ကျီၢ်ႇ ပနၢ်တထဲၣ်ဘၣ်ဟီၣ် ၄.ကစၢၢ်ခိၣ်ဖိတဖဲးခုး ဖၣ်ကွၤထံးမ့ၣ်အူတခုၣ် ၦၤဘ့လ၁်ဖိတထူစံ၁် လၢၢ်ဆီထံးမ့ၣ်အူလီၤပံ၁် ၅.မူခိၣ်မူထံးတဘၣ်လီၢ် ခုးဒီးစံ၁် တဂ့ၤဝဲၤလီၢ် တၢ်သူတၢ်သၣ်ဖီတစဲ ဟီၣ်စီဟီၣ်ချါတစှံၢ်စဲ ၆.ကစၢၢ်ခိၣ်ဆီမံၤဝဲးဘၢ ထူစံ၁်မၤၦဲၤတဂ့ၤလၢၤ ပၢၤထံးဘ့လ၁်ထံတဂ့ၤ ဟီၣ်ခိၣ်ညၣ်ထ့ၣ်နိဃ့လ့ၤ ၇.ဖ့ဘ့ၣ်ၦၢ်ၦ့ၤဃု၁်ဆါဃု၁် အီၣ်အီအဂီၢ်နးတချုး ကဆီတံၢ်ဒီးမ့ၤတဘိၣ် ၦၤၦ့ၤအီၣ်ထဲဒၣ်မ့ၤဘိၣ် ၈.ကညီဖိကိးဒံကိးဂၤ ထါစံးပ၁်တုၤအိၣ်လံၦၤ စ့ၦဲၤကုႇ ဘုတၦဲၤကု တုၤအိၣ်ၦၤလံကီၢ်ဝံစု. လၢ - တၢ်အဲၣ်ကကွဲၢ်ကဘီ စီၤကီၢ်ဖျါစ့ (တီနီၢ်ဖိ)

လါယူၤ ၄သီႇ ၂၀၁၉နံၣ်ႇ စီၤရှါ ကညီကီၢ်စဲၣ် သးစၢ်ကရူၢ်ဒီး ကခၠ့ၣ်ကၠိဖိသးစၢ်လၢအဟဲ လီၤဃုသ့ၣ်ညါဘၣ်ဃး၀ဲကညီကီၢ်စဲၣ်တၢ်အိၣ်သးသ့ၣ်တဖၣ် ထံၣ်လိာ်ဟ့ၣ်ခီနီၤလိာ်သးတၢ်ထံၣ် ဖဲလါယူၤ ၃သီႇ ဖဲ၀့ၢ်ဖၣ်အၣ် ဒူယီၢ်ဟီၣ်က၀ီၤ ကွဲၢ်ကဘီကစၢၢ်ခိၣ်ထံးန့ၣ်လီၤ. တၢ်ရဲၣ်တၢ်ကျဲၤလၢတၢ်မၤအီၤလၢနံၤ၀ဲန့ၣ် တၢ်ပညိၣ်အိၣ်ဒ်သိး ကလုာ်ဒူၣ်သးစၢ်ကဒဲကဒဲကဟ့ၣ်ခီနီၤလိာ်သးတၢ်ထံၣ်ႇ ကအိၣ်ဒီးတၢ်ဃူတၢ်ဖိးဒီး တၢ်အဲၣ်တၢ်ကွံလီၤအဂ့ၢ်ၦၤတီခိၣ်ရိၣ်မဲတၢ် နီၢ်စဲဘၣ် စံးဘၣ် ခ့ၣ်အဲးစံၣ် ကညီတၢ်ကစီၣ်န့ၣ်လီၤႉ အ၀ဲစံး၀ဲလၢ“လၢတၢ်ထံၣ်လိာ်သးအဃိ ကသူၣ်ထီၣ်၀ဲတၢ်ဃူတၢ်ဖိးႇတၢ်ထံၣ်လိာ်သးအဃိ ကအိၣ်တၢ်အဲၣ်တၢ်ကွံႇ တၢ်ထံၣ်လိာ်သးအဃိ ကသူၣ်ထီၣ်၀ဲတၢ်မုာ်တၢ်ခုၣ်ကန့ၢ်အဂီၢ်တၢ်ပညိၣ်အီၤ”အဂ့ၢ် စံး၀ဲန့ၣ်လီၤႉ လၢတၢ်ထံၣ်လိာ်သးအပူၤ ကခၠ့ၣ်သးစၢ်ကၠိဖိတဖၣ်ႇ ကညီကီၢ်စဲၣ်အပူၤ ဒူယီၢ်ကညီသးစၢ်တဖၣ်ႇ လူၢ်ပျဲၢ်သးစၢ်ဘျးစဲႇ (ကၠ့စူတီၣ်နလိသါ)ဟံၣ်ဒွဲကၠိဖိႇ ကၠိဖိသးစၢ်ခဲလၢာ် ၁၅၀ဂၤ ဟဲထီၣ်၀ဲန့ၣ်လီၤ. ကခၠ့ၣ်ကီၢ်စဲၣ် ကၠိဖိမုၣ်သးစၢ်တဂၤလၢအမ့ၢ် စံၣ်တၣ်စံး၀ဲလၢ“ၦၤသးစၢ်အိၣ်ဖဲအံၤသ့ၣ်တဖၣ် အတၢ်တီခိၣ်ရိၣ်မဲအိၣ်ဒ်လဲၣ်ႇ ကညီဒီးကခၠ့ၣ်သးစၢ်တဖၣ်အတၢ်လီၤဆီအိၣ်ဒ်လဲၣ်သ့ၣ်တဖၣ်...

လါယူၤ ၅ သီႇ ၂၀၁၉နံၣ်ႇ စးအဲၣ်စူ ဖဲတနံၤအံၤ လါယူၤ (၅သီ) အနံၤ လၢအလီၤဘၣ်၀ဲ ဟီၣ်ခိၣ်ဒီဖျၢၣ်ခိၣ်ဃၢၤန့ဆၢၣ်အမုၢ်နံၤအံၤန့ၣ် ဖဲကညီကီၢ်စဲၣ်ႇ ရၤမတံကီၢ်ဆၣ်ႇ သ့ၣ်ဘီဘိသ၀ီအပူၤ ကညီကၠိဖိသးစၢ်တဖၣ် ဃုာ်ဒီးကၠိဖိမိၢ်ပၢ်တဖၣ်ႇ ဂံၢ်ခီၣ်ထံးတၢ်ကရၢကရိတဖၣ် ပာ်ဖှိၣ်ထီၣ်သးဒီးသူၣ်သကိး၀ဲသ့ၣ်လၢအကထိဘျဲၣ် အဂ့ၢ်သ့ၣ်ညါဘၣ်န့ၣ်လီၤ. ခိၣ်ဃၢၤန့ဆၢၣ်တၢ်ဘၣ်ဒိဘၣ်ထံးအံၤ အိၣ်ဖျါထီၣ်၀ဲဖျိဖျိဖျါဖျါလံဒီး ဒ်သိးကၠိဖိသးစၢ်သ့ၣ်တဖၣ် ကပလီၢ်အသးႇ ကသ့အဲၣ်ခိၣ်ဃၢၤ န့ဆၢၣ်အဂီၢ် တၢ်ပညိၣ်အီၤဒီး တၢ်မၤ၀ဲတၢ်ရဲၣ်တၢ်ကျဲၤဒ်အံၤလီၤအဂ့ၢ် ကညီဂံၢ်ခီၣ်ထံးတၢ်ကရၢကရိ ၦၤတဲတၢ်ပၢ နီၢ်စၤဒၤ၀ဲ စံး၀ဲဒ်အံၤန့ၣ်လီၤ. အ၀ဲစံး၀ဲလၢ“တၢ်အရ့ဒိၣ်တခါန့ၣ် ဒ်သိးကၠိဖိသးစၢ်သ့ၣ်တဖၣ် ကအိၣ်ဒိးသန့ၤထီၣ်အသးဒီး ခိၣ်ဃၢၤန့ဆၢၣ် ဒီး ဆူမဲာ်ညါ ကသ့သူၣ်ထီၣ် တၢ်ဆိမိၣ်အသီလၢ ဘၣ်ဃးဒီး ခိၣ်ဃၢၤန့ဆၢၣ်အဂ့ၢ် ပပညိၣ်အီၤဒီး...

လါယူၤ, ၄ သီႇ ၂၀၁၉နံၣ်ႇ စီၤထိလ့ ကီၢ်ပဒိၣ်ကၠိသ့ၣ်တဖၣ်အပူၤ တၢ်ကသိၣ်လိ၀ဲ ကညီလံာ်ညိၣ်သိၣ်ဒိၣ် တတီၤလံာ်မိၢ်ၦၢ်အံၤ ကီၢ်ပဒိၣ်တ ကပၤကထုး ထီၣ်န့ၢ်၀ဲတၢ်လၢာ်ဘူၣ်လၢာ်စ့ၤလၢ ပဒိၣ်စ့တိာ်ပာ်အပူၤအဂ့ၢ် ၀့ၢ်တကူၣ်ကီၢ်ခီဒိၣ် ကညီဂ့ၢ်၀ီ ကိတိာ် နီၢ်ပါသ့ၣ်စၣ်မၠိစံး၀ဲန့ၣ်လီၤႉ ဖဲလါယူၤ ၃သီအနံၤႇ တၢ်ပျၢ်က့ၤ တၢ်မၤသီထီၣ်က့ၤကၠိ သရၣ်ႇမုၣ်တဖၣ် တၢ်မၤလိလၢကီၢ်မူကီၢ်ဆၣ်ႇ ၀ါသ့ၣ်ခး သ၀ီအပူၤကအတီၢ် ကညီဂ့ၢ်၀ီကိတိာ် စံး၀ဲဒၣ်န့ၣ်လီၤႉ ကိတိာ်စံး၀ဲလၢ “ကတီၢ်အံၤ ပဆှၢထီၣ်ဃာ် လၢကလုာ်ဒူၣ် ဂ့ၢ်၀ီကိတိာ်အအိၣ်န့ၣ်လီၤႉ ပာ်ဂၢၢ်ပာ်ကျၢၤ၀ဲမ့ၢ်၀ံၤ ပကဆှၢဃီၤလၢ ကူၣ်သ့၀ဲၤကျိၤအအိၣ်ႇ ကူၣ်သ့၀ဲၤကျိၤတခီ ကထုးထီၣ်န့ၢ်လံာ်မိၢ်ၦၢ်ႇ ကတီၢ်အံၤ အိၣ်ဒၣ်လၢ ကၠိသရၣ်ႇမုၣ်...

လါယူၤ ၄ သီႇ ၂၀၁၉ နံၣ်ႇ နါ၀့ၣ်ဖၠိစၣ် ဒ်သိးဒီး ကညီ၀ါတဖၣ် ဆဲးကျိးလိာ်အသး လၢတၢ်လီၢ်အါတီၤကန့ၢ်အဂီၢ်ဒီး လၢကညီ၀ါဂ့ၢ်၀ီတ ကပၤ ပာ်ဖှိၣ်မၤအီၤကန့ၢ်အဂီၢ် ပညိၣ်၀ဲဒီး တၢ်ဒုးအိၣ်ထီၣ်၀ဲ ကညီ၀ါသးစၢ်ကရၢ(Karenphyu Youth Organization-KPYO) ဖဲန့ၣ်ပၠံၣ်တီၣ်ကီၣ်ကးဟီၣ်က၀ီၤႇအီၣ်နဲခၠိၣ်သ၀ီအပူၤန့ၣ်လီၤႉ ဖဲတလါအံၤ လါယူၤ ၂သီတုၤ ၃သီအနံၤ ကညီ၀ါသးစၢ်ခၢၣ်စး လၢသ၀ီအါဖျၢၣ် ပာ်ဖှိၣ်ထီၣ်သးအဂၤ (၆၀)ဘျဲၣ်အံၤ မၤ၀ဲတၢ်ထံၣ်လိာ်အသးတခါဖဲ အီၣ်နဲခၠိၣ်သ၀ီအပူၤဒီး ကွဲးပာ်လီၤ၀ဲကရၢကရိ တၢ်အိၣ်ဆၢထၢၣ်တဖၣ်ႇ သနူသ့ၣ်တဖၣ်ဒီး ပာ်ဂၢၢ်ပာ်ကျၢၤ၀ဲ၀ံၤ ဒုးအိၣ်ထီၣ်၀ဲ ကညီ၀ါသးစၢ်ကရၢ (KPYO)အံၤန့ၣ်လီၤႉ စီၤသါတိအီၤ လၢဘၣ်တၢ်ဃုထၢထီၣ်အီၤ လၢကညီ၀ါသးစၢ်ကရၢခိၣ်တဂၤစံး၀ဲလၢ “ပ၀ဲကညီ၀ါသးစၢ်သ့ၣ်တဖၣ် အဲၣ်ဒိး...

လါမ့ၤ ၂၄ သီႇ ၂၀၁၉နံၣ်ႇ ခ့ၣ်အဲးစံၣ် ကညီကီၢ်စဲၣ် ကီၢ်ပဒိၣ်အပူၤ တလါအံၤအပူၤ ကိတိာ်အသီတဂၤလၢအမ့ၢ် ပယီၤကလုာ်ဂ့ၢ်၀ီကိတိာ်ခိၣ် အူတ့ၣ်စးထိၣ်လဲၣ်ထွ့အံၤဃ့ဟးထီၣ်အသးလၢ မူဒါတၢ်မၤအပူၤ အဂ့ၢ်သ့ၣ်ညါဘၣ်လီၤႉ ဖဲ လါမ့ၤ ၂၃သီအနံၤ ထံကီၢ်ႇကီၢ်ခိၣ်အရူ ဘိးဘၣ်ရၤလီၤ၀ဲ တၢ်ကစီၣ်လၢ ကညီကီၢ်စဲၣ် ပယီၤကလုာ်ဒူၣ်ကိတိာ်ဂ့ၢ်၀ီခိၣ် အူတ့ၣ်စးထိၣ်လဲၣ်ထွ့ အံၤ ပျဲဟးထီၣ်ကွံာ်လၢ ကိတိာ် အလီၢ်လၤလံအဂ့ၢ်န့ၣ်လီၤႉ ဖဲအပူၤကွံာ် လါမ့ၤ ၁၆သီအနံၤစ့ၢ်ကီး ကညီကီၢ်စဲၣ်ပဒိၣ်ကရူၢ်ကိတိာ်တဂၤလၢအမ့ၢ် ၦၤဂ့ၢ်၀ီကိတိာ်၀ဲၤကျိၤခိၣ် ဒီကထၢၣ်တ့ၣ်၀့ကၠီၣ် စ့ၢ်ကီး ခီဖျိတၢ်အိၣ်ဆူၣ်အိၣ်ချ့အဃိ ဃ့ဟးထီၣ်အသးအဃိ ကညီကီၢ်စဲၣ်အပူၤ တလါအံၤအတီၢ်ပူၤ ကိတိာ်၂ ဂၤဃ့ဟးထီၣ်သးအဂ့ၢ်သ့ၣ်ညါဘၣ်န့ၣ်လီၤႉ အူတ့ၤစၣ်ထိၣ်လဲၤထွ့အံၤ အဟံးတ့ၢ် မူဒါဘၣ်ဃးပယီၤကလုာ်ဒူၣ်ဂ့ၢ်၀ီတကးဘၣ် ၦၤဂ့ၢ်၀ီ၀ဲၤကျိၤႇတၢ်ကရၢကရိဒီးတၢ်ရ့လိာ်မုာ်လိာ်၀ဲၤ...

ဖဲ၂၀၁၉နံၣ်ႇ လါမ့ၤ၁၄သီတုၤ ၁၈သီအနံၤန့ၣ်(NCA-EAOs) ကလုာ်ဒူၣ်ဖီၣ်စုက၀ဲၤတၢ်ပၢၢ်ဆၢကရူၢ် လၢအဆဲးလီၤ ဃာ်ထံ ကီၢ်ဒီတဘ့ၣ်တၢ်ပတုာ်တၢ်ခး အလံာ်ဃံးဃာ်(NCA) ခိၣ်နၢ်တဖၣ် မၤ၀ဲ ၄ဘျီတဘျီ (EAOs Summit)တၢ်အိၣ်ဖှိၣ်ဖးဒိၣ်လၢ၀့ၢ်ကံၢ်မဲ(ခၠ့မဲၤ), ကီၢ်ကၠီၣ်တဲၣ်န့ၣ်လီၤႉ လၢတၢ်အိၣ်ဖှိၣ်ဘျီ၀ဲအံၤအပူၤန့ၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဃ့ဟးထီၣ်ကွံာ်လၢ(PPST-Peace Process Steering Team)တၢ်တီခိၣ်ရိၣ်မဲဒီးလၢတၢ်ကတၢၣ်ပီၣ်သကိး၀ဲ တၢ်မုာ်တၢ်ခုၣ်တၢ်လဲၤကျဲခါဆူညါအဂီၢ် ဆှၢနုာ်၀ဲလၢ ကရၢကရိထီၣ်၀ဲဒီး ကလဲၤ၀ဲဒ်(PPCM-Peace Process Consultative Meeting)တၢ်ကူၣ်လိာ်တၢၣ်ပီၣ်တၢ် မုာ်တၢ်ခုၣ်တၢ် အိၣ်ဖှိၣ်အသိးန့ၣ်လီၤႉ လၢတၢ်န့ၣ်အဃိခ့ၣ်အဲးစံၣ် ကညီတၢ်ကစီၣ် အိၣ်ဒီးတၢ်ထံၣ်လိာ်သံကွၢ်ဒီး ကညီဒီကလုာ်စၢဖှိၣ်ကရၢ အနဲၣ်ရွဲၣ်ခိၣ်ကျၢၢ်ပဒိၣ်စီၤတၢ်ဒိၣ်မူ ဒ်န့ၣ်လီၤႉ သံကွၢ်…… ၀့ၢ်ကံၢ်မဲ (Chaing Mai)တၢ်အိၣ်ဖှိၣ်အခါ ခ့ၣ်အဲၣ်ယူၣ် ဆှၢနုာ်လံာ်လၢကဟးထီၣ်လၢ(PPST)...