ခ့ၣ်အဲးစံၣ် – KIC News

လါအီးကထိဘၢၣ် ၁၉ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ် ဖဲတနံၤအံၤ(လါအီးကထိဘၢၣ် ၁၉)သီ မုၢ်ထူၣ် ၁၂ နၣ်ရံၣ်အဆၢကတီၢ် ကီၢ်ဆၣ်စံၣ်ညီၣ်ကွီၢ်ဘျီၣ်အံၤထူးသံကွံာ်၀ဲတၢ်မူးတၢ်ရၢ်ဒီး ပျၢ်လီၤကွံာ်ၦၤလၢတၢ်ဖီၣ်လိာ်ဘၢလိာ်ကွီၢ်ဃာ်အီၤလၢကွီၢ်မ့ၣ် နီၣ်ဂံၢ် ၅၀၅(က)လၢအဘၣ်ထီၣ်တၢ်မူးတၢ်ရၢ်(၂၀)ဂၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ မၠၣ်၀တံၣ်၀့ၢ်ပူၤဖဲအပူၤကွံာ်လါဖ့ၤဘြူၤအါရံၤန့ၣ် ၦၤလၢအထီဒါသုးမီၤစိရိၤပာ်ဖျါထီၣ်သးတဖၣ် တၢ်တီၣ်ထီၣ်အ၀ဲသ့ၣ် ကွီၢ်မ့ၣ် နီၣ်ဂံၢ် ၅၀၅(က)ဒီး တၢ်ဖီၣ်ဒုးဃာ်၀ဲဖဲမၠၣ်၀တံၣ်ပၢၤကီၢ်၀ဲၤလီၢ်ယံၤ၀ဲ(၇)လါဃၣ်ဃၣ်န့ၣ်လီၤႉ ဖဲတနံၤညါအံၤ...

လါအီးကထိဘၢၣ် ၁၈ သီႇ ၂၀၂၁ နံၣ်ႇ ခ့ၣ်အဲးစံၣ် ချၢၣ်လွံၣ်ထူၣ်ကီၢ်ရ့ၣ် လၢၢ်ဒိၣ်ကီၢ်ဆၣ်အပူၤ ဖဲလါအီးကထိဘၢၣ် ၁၄ သီအနံၤန့ၣ် ကညီဒီကလုာ်ဂၢၤသးကရၢ(KNDO)ဒီးပယီၤသုးတဖၣ်အဘၢၣ်စၢၤတၢ်ခးလိာ်သးကဲထီၣ်၀ဲဒီး ဖဲန့ၣ် ပယီၤသုးတကပၤသံ၀ဲ(၇)ဂၤ ႇဘၣ်ဒိ၀ဲ(၅)ဂၤဒီး သံအကျါန့ၣ်ပၣ်ဃုာ်၀ဲသုးခိၣ်ဒိၣ်ဖိတဂၤအဂ့ၢ် ခ့ၣ်အဲၣ်ယူၣ်တၢ်ကစီၣ်ဒီးတၢ်ဘိးဘၣ်ရၤလီၤ၀ဲၤကျိၤ ထုးထီၣ်ပာ်ဖျါ၀ဲဖဲတနံၤအံၤ(လါအီးကထိဘၢၣ် ၁၈)သီအနံၤန့ၣ်လီၤႉ လၢၢ်ဒိၣ်ကီၢ်ဆၣ် မုၢ်သဲးသ၀ီ သ၀ီဟးထီၣ်န့ၣ် (KNDO)သုးရ့ၣ်(၃)လၢအဟံးဃာ်တၢ်ဘံၣ်တၢ်ဘၢအံၤဒီးပယီၤသုးခီၣ်ချ့သုးရ့ၣ်(ခမရ-၅၅၉)ဒီး(ခမရ- ၅၉၀)တဖၣ်အဘၢၣ်စၢၤ တၢ်ဒုးကဲထီၣ်၀ဲ(၃)ဘျီဒီးဖဲန့ၣ်ပယီၤသုးတကပၤဘၣ်ဒိဘၣ်ထံးသံ၀ဲအိၣ်အဂ့ၢ်န့ၣ်...

လါအီးကထိဘၢၣ် ၁၈ သီႇ ၂၀၂၁ နံၣ်ႇ ခ့ၣ်အဲးစံၣ် ပယီၤသုးလၢအနုာ်လီၤဟူးဂဲၤဖဲကညီကီၢ်စဲၣ် ကီးတရံး၀့ၢ် ကလံၤထံးတဖၣ် ဖဲမဟါ(လါအီးကထိဘၢၣ် ၁၇)သီအနံၤန့ၣ် ဖီၣ်၀ဲလီၢ်က၀ီၤဖိတဂၤလၢကနဲၣ်ပၠး၀ဲကျဲအဂီၢ်ဒီး ဖဲတနံၤအံၤဂီၤခီအဆၢကတီၢ်ပျၢ်လီၤက့ၤ၀ဲလံအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဂံၢ်ခီၣ်ထံးတၢ်ကစီၣ်အအိၣ်န့ၣ်လီၤႉ ဖဲမဟါ(လါအီးကထိဘၢၣ် ၁၇)သီအနံၤ ပယီၤသုးခီၣ်ချ့သုးရ့ၣ်(ခမရ-၅၅၆)ဒီး(၅၆၀)သုးရ့ၣ်လၢအနီၣ်ဂံၢ်ကအိၣ်၀ဲအဂၤ(၆၀)ဃၣ်ဃၣ်အံၤ ဖဲအ၀ဲသ့ၣ်အိၣ်လၢ၀့ၢ်လီၢ်လံၤဒီးဟဲက့ၤ၀ဲလၢ၀့ၢ်သီဟဲက့ၤဟး၀ဲဒီးခီၣ်အခါ ဖီၣ်မၢ၀ဲလီၢ်က၀ီၤဖိလၢအကွၢ်ကျီၢ်တဂၤအံၤလၢကနဲၣ်ပၠးန့ၢ်အ၀ဲသ့ၣ်ကျဲအဂီၢ်အဂ့ၢ်န့ၣ် ၦၤလၢအဘူးဒီး(KNLA)တဂၤစံး၀ဲန့ၣ်လီၤႉ ၦၤလၢအဘူးဒီး(KNLA)တဂၤစံး၀ဲလၢ“ပယီိၤသုးဖီၣ်အီၤဖဲမဟါဟါခီအဆၢကတီၢ်လီၤႉ တၢ်ဖီၣ်အီိၤဖဲအလဲၤကွၢ်ကျီၢ်အခါမီၤနီၤႉ ကးဘၢ၀ဲအမဲာ်သၣ်ခဲလၢာ်လီၤႉ ဖီၣ်ဃာ်၀ဲဒီတနၤညါလီၤႉ ပယီၤသုးအံၤမံဒံး၀ဲဖဲသ၀ီသီမံၣ်ကစ့ၤသီခါဖၠၣ်တနၤဒံးလီၤႉ...

လါအီးကထိဘၢၣ် ၁၅ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးတၢ်ကၢၤက့ၤဂၢၤက့ၤကီၢ်ပယီၤအသုးမုၢ်ဒိၣ်အသူးသ့ၣ်လၤကပီၤအဂီၢ် သုးမုၢ်ဒိၣ်ကဟးထီၣ်ကွံာ်လၢတၢ်နုာ်လီၤ ပၣ်ဃုာ်သးလၢထံရူၢ်ကီၢ်သဲးတၢ်ဖံးတၢ်မၤအပူၤအဂ့ၢ်န့ၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဃ့ထီၣ်၀ဲဖဲတနံၤအံၤ(လါအီးကထိဘၢၣ် ၁၅)သီလၢအလီၤဘၣ်၀ဲတၢ်ဆဲးလီၤထံကီၢ်ဒီဘ့ၣ်တၢ်ပတုာ်တၢ်ခး(NCA)ၦဲၤထီၣ်(၆)နံၣ်တနံၣ်န့ၣ်လီၤႉ ခ့ၣ်အဲၣ်ယူၣ် နဲၣ်ရွဲၣ်ခိၣ်ကျၢၢ် ပဒိၣ်စီၤတၢ်ဒိၣ်မူ စံး၀ဲ“ပယီၤသုးမုၢ်ဒိၣ်ခဲအံၤတဖၣ်န့ၣ် ကမျၢၢ်ထံဖိကီၢ်ဖိိတဖၣ်သးဘၣ်အၢ၀ဲလၢၤလံလီၤႉ လၢတၢ်ကဘှီဘၣ်က့ၤသုးအံၤအဂီၢ်န့ၣ် သုးခိၣ်သုးနၢ်လၢအအိၣ်လၢသုးမုၢ်ဒိၣ်အပူၤတဖၣ်မ့တပၣ်ဃုာ်ဘၣ်န့ၣ် တၢ်ကဘှီဘၣ်က့ၤအဂီၢ်ကီခဲ၀ဲန့ၣ်လီၤႉ သုးခိၣ်သုးနၢ်လၢကဟံးန့ၢ်တၢ်ဘံၣ်တၢ်ဘၢလၢကမျၢၢ်အဖီခိၣ်ႇကအိၣ်ဆၢထၢၣ်လၢကမျၢၢ်အဂီၢ်အိၣ်သ့၀ဲအသိး သုးမုၢ်ဒိၣ်အံၤအတၢ်ဃါဃုာ်သးလၢထံရူၢ်ကီၢ်သဲးတအိၣ်ဘၣ်ႇတၢ်ကြၢးသူၣ်ထီၣ်သုးမုၢ်ဒိၣ်တဖုလၢက အဒီသဒၢကမျၢၢ်ထံဖိကီၢ်ဖိအသးသမူန့ၣ် အဲၣ်ဒိးစံး၀ဲလီၤ”အဂ့ၢ်န့ၣ်...

လါအီးကထိဘၢၣ် ၁၄ သီႇ ၂၀၂၁ နံၣ်ႇ ခ့ၣ်အဲးစံၣ် လၢကဟဲတလါအံၤ(လါအီးကထိဘၢၣ် ၂၅)သီအနံၤ တၢ်ကမၤ၀ဲအၣ်စံၣ်ယၣ်ခိၣ်နၢ်ဒိၣ်ထီတၢ်အိၣ်ဖှိၣ်အပူၤ ဒ်သိးတၢ် တဒုးထီၣ်သုးမီၤစိရိၤအခိၣ်မ့အီၣ်လဲၣ်လၢတၢ်အိၣ်ဖှိၣ်အံၤတဂ့ၤအဂီၢ် ဂံၢ်ခီၣ်ထံးကမျၢၢ်တၢ်ကရၢကရိ(၅၂)ဒူၣ် ဃ့ထီၣ်ဒီးဆှၢထီၣ်လံာ်ဆူအၣ်စံၣ်ယၣ်ခိၣ်နၢ်တဖၣ်အအိၣ်ဖဲလါမဟါ(လါအီးကထိဘၢၣ် ၁၃)သီအနံၤန့ၣ်လီၤႉ ဖဲအပူၤကွံာ်(လါအ့ဖြ့ၣ် ၂၄)သီအနံၤ အၣ်စံၣ်ယၣ်ခိၣ်နၢ်တၢ်အိၣ်ဖှိၣ်အပူၤ တၢ်သးလီၤပလိာ်(၅)ထံၣ်လၢတၢ်ကဘှါရှဲ ကီၢ်ပယီၤတၢ်ဃံးတၢ်စ့ၤအံၤန့ၣ် တကီၢ်ခါခဲအံၤပယီၤသုးခိၣ်သုးနၢ်တဖၣ်တဟံးထီၣ်ဖီၣ်ထီၣ်မၤဖျါထီၣ်အမိၢ်လံၤမိၢ်ၦၢ် ဘၣ်ဒီးဆဲးမၤကမၣ်၀ဲတၢ်စုဆူၣ်ခီၣ်တကးတဖၣ်ဒံးအဃိ ဒ်သိးအၣ်စံၣ်ယၣ်သုတသ့ၣ်ညါပာ်ပနီၣ်အီၤတဂ့ၤအဂီၢ် ဘၣ်တၢ်ဆှၢထီၣ်လံာ်ဃ့ထီၣ်၀ဲလီၤအဂ့ၢ်န့ၣ် တၢ်ကရၢကရိတဖၣ်စံး၀ဲန့ၣ်လီၤႉ တၢ်ကရၢကရိ(၅၂)ဒူၣ်အကျါလၢအပၣ်ဃုာ်၀ဲဒီးကညီဂ့ၢ်၀ီခွဲးယာ်ကရူၢ်(KHRG)ၦၤကတိၤတၢ်ပၢစီၤနၢၤဒၣ်ဆူစံး၀ဲလၢ“ ပယီၤသုးခိၣ်မ့အီၣ်လဲၣ်အံၤ တူၢ်လိာ်သးလီၤပလိာ်၀ဲအၣ်စံၣ်ယၣ်တၢ်သးလီၤပလိာ်(၅)ထံၣ်အံၤဘၣ်ဆၣ်...

လါအီးကထိဘၢၣ် ၁၄ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲအပူၤကွံာ်(လါအီးကထိဘၢၣ် ၇)သီဟါခီအဆၢကတီၢ် ဘၣ်ထွဲဒီးတၢ်လဲၤမၤသံ(BGF)သုးလၢအအိၣ်ဖဲကညီကီၢ်စဲၣ် တၢ်ကြဲၢ်ကီၢ်ဆၣ် နီၤမၠၣ်လွဲသ၀ီဒီးကီၣ်အံးစဲးသ၀ီအဘၢၣ်စၢၤအံၤ တကီၢ်ခါခဲအံၤဟီၣ်က၀ီၤ BGF သုးရ့ၣ်(၁၀၁၄)ဖီၣ်ချုးန့ၢ်၀ဲ ၦၤမၤသံတၢ်ဖိ(၄)ဂၤအံၤလံဂ့ၢ်န့ၣ် သ့ၣ်ညါဘၣ်လၢဟီၣ်က၀ီၤၦၤဘၣ်မူဘၣ်ဒါအအိၣ်န့ၣ်လီၤႉ ခီဖျိမၤသံ၀ဲ(BGF)သုးတဖၣ်အမဲာ်ညါ ဟံဃုာ်စ့ၢ်ကီးဒီးအ၀ဲသ့ၣ်စုက၀ဲၤတနီၤအဃိ ၦၤလၢအမၤကမၣ် တၢ်သ့ၣ်တဖၣ်(BGF)ဟးလူၤဖီၣ်အ၀ဲသ့ၣ်ဒီး တၢ်ဖီၣ်ချုးန့ၢ်၀ဲစီၤဖၣ်ကၠိလၢအဘၣ်တၢ်ထုးထီၣ်ကွံာ်အီၤလၢ(KNU/KNLA-PC)တၢ်မုာ်တၢ်ခုၣ်ကီၣ်ကးကရူၢ်ဃုာ်ဒီးၦၤလၢအဂၤ(၃)ဂၤန့ၣ်လီၤႉ တကီၢ်ခါခဲအံၤၦၤလၢတၢ်ဖီၣ်ချုး၀ဲ(၄)ဂၤအကျါ...

လါအီးကထိဘၢၣ် ၁၃ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် ကီးတရံး ကလံၤထံးတကပၤ ဖဲတနံၤအံၤ(လါအီးကထိဘၢၣ် ၁၃)သီအနံၤ တၢ်ဒုးဆဲးကဲထီၣ်လၢကညီသုးပာ်ဖှိၣ်ဒီး ပယီၤသုးတဖၣ်အဘၢၣ်စၢၤဒီး ဖဲန့ၣ်ခံခီခံကပၤတၢ်ဘၣ်ဒိဘၣ်ထံးအိၣ်၀ဲအဂ့ၢ်န့ၣ် သ့ၣ်ညါဘၣ်လၢဟီၣ်က၀ီၤတၢ်ကစီၣ်အအိၣ်န့ၣ်လီၤႉ ဖဲတနံၤအံၤဂီၤခီ ၁၁ နၣ်ရံၣ်အဆၢကတီၢ် ပယီၤသုးလၢအအိၣ်ဖဲကီးတရံး၀့ၢ် လဲၤ၀ၣ်ဖယါကိအံၤ ခးလီၤ၀ဲကျိဖးဒိၣ်လၢကမဲၤကိသ၀ီတကပၤ၀ံၤအလီၢ်ခံ တၢ်ခးလိာ်သးဟဲကဲထီၣ်၀ဲဒီး ဟီၣ်က၀ီၤကညီသုးပာ်ဖှိၣ်တဖၣ်အဂ့ၢ်န့ၣ် ၦၤလၢအဘူးဒီးကညီဖီၣ်စုက၀ဲၤကရူၢ်တဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“ဖဲတဂီၤအံၤ ၁၁...

လါအီးကထိဘၢၣ် ၁၂ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢတၢ်ပၢဟီၣ်က၀ီၤ မုၢ်တြီၢ်ကီၢ်ရ့ၣ် သုးက့(၅)ဟီၣ်က၀ီၤအပူၤ ပယီၤသုးရ့ၣ်(၂)ရ့ၣ်လၢအဟူးဂဲၤ၀ဲလၢလီၢ်ခံသ့ၣ်တဖၣ်အံၤ ခးလီၤကျိဖးဒိၣ်ဆူဒူသ၀ီတၢ်မၤအီၣ်လီၢ်ကျဲတဖၣ်အပူၤ ဟဲအါထီၣ်၀ဲအဂ့ၢ်န့ၣ် မုၢ်တြီၢ်ကီၢ်ရ့ၣ် ၦၤဘၣ်မူဘၣ်ဒါစံး၀ဲန့ၣ်လီၤႉ တကီၢ်ခါခဲအံၤ ပယီၤသုးလၢအဟဲနုာ်လီၤဆူဖၣ်ပူၣ်-ကမၤမိၣ်ဟီၣ်က၀ီၤပူၤတဖၣ်မ့ၢ်၀ဲ ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ-၈)စုဒုၣ်တီၤအဖီလာ် ခီၣ်ချ့သုးရ့ၣ်(ခမရ-၄၀၄)ဒီး (ခမရ-၄၀၆)သုးရ့ၣ်တဖၣ်ဒီး အ၀ဲသ့ၣ်ပာ်ဖှိၣ်မၤသကိးတၢ်ဒီးဟီၣ်က၀ီၤ(BGF) သုးရ့ၣ်(၁၀၁၄)တဖၣ်စ့ၢ်ကီးအသိး ပယီၤသုးတဖၣ်ဟူးဂဲၤဟးထီၣ်က့ၤလီၤ လီၤလီၤဆီဆီစ့ၢ်ကီးအိၣ်၀ဲအဂ့ၢ်န့ၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်...

လါအီးကထိဘၢၣ် ၁၂ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤ(လါအီးကထိဘၢၣ် ၁၂)သီအနံၤ ကညီသုးပာ်ဖှိၣ်ဒီးပယီၤသုးတဖၣ်အဘၢၣ်စၢၤ တၢ်ခးလိာ်သးကဲထီၣ်ကဒီးဖဲကညီကီၢ်စဲၣ် ကီးတရံး ကလံၤထံး လၢသ၀ီသီတကပၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲခ့ၣ်အဲၣ်ယူၣ်တၢ်ပၢဟီၣ်က၀ီၤ ကီးတရံး ကလံၤထံး သ၀ီသီခိၣ်ထိးန့ၣ် ပယီၤသုးခီၣ်ချ့သုးရ့ၣ်(ခမရú၅၅၆)လၢအဟဲနုာ်လီၤတလၢ၀ဲဟီၣ်က၀ီၤအံၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA) သုးက့(၆) သုးရ့ၣ်(၁၈)ဒီး (DKBA)ထုးဖးကရူၢ်တဖၣ် အိၣ်ခိးခး၀ဲဒၣ်အဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤစံး၀ဲ“တၢ်ခးလိာ်သးစးထီၣ်ကဲထီၣ်ဖဲ...

လါအီးကထိဘၢၣ် ၁၁ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤ(လါအီးကထိဘၢၣ် ၁၁)သီ ဂီၤခီအဆၢကတီၢ် ဖဲကီးတရံး၀့ၢ် ကီးနွဲၢ်သ၀ီကပၤ ကညီသုးပာ်ဖှိၣ်ကရူၢ်ဒီးပယီၤသုးတဖၣ်အဘၢၣ်စၢၤတၢ်ခးလိာ်သးကဲထီၣ်ယံၤ၀ဲ(၃၀)မံးနံးဃၣ်ဃၣ်ဒီး ဖဲန့ၣ်ပယီၤသုးတကပၤသံ၀ဲ(၂)ဂၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲတနံၤအံၤဂီၤခီအဆၢကတီၢ် ပယီၤသုးဂံၢ်ဘါအဂၤ(၇၀)ဃၣ်ဃၣ်လၢအအိၣ်ဖဲကီးနွဲၢ်သ၀ီကလဲၤထီၣ်ဆူ၀့ၢ်လီၢ်လံၤအခါ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးက့(၆) သုးရ့ၣ်(၁၈)ဒီး (DKBA)ထုုးဖးကရူၢ်သုးပာ်ဖှိၣ်တဖၣ် အိၣ်ခိးခး၀ဲဒၣ်လီၤအဂ့ၢ်န့ၣ် ၦၤလၢအဘူးဒီး(KNLA)တဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“အ၀ဲသ့ၣ်ခးလိာ်သးဖဲတနံၤအံၤ(၈)နၣ်ရံၣ်တခီအဆၢကတီၢ်မီၤနီၤႉ ပယီၤသုးအံၤအိၣ်၀ဲလၢကီးနွဲၢ်သ၀ီကလဲၤ၀ဲလၢ၀့ၢ်လီၢ်လံၤမီၤနီၤႉ ဟဲထီၣ်တလၢတၢ်လီၢ်အဃိလၢန့ၣ်တကပၤခး၀ဲမီၤနီၤႉ ဒ်ပသ့ၣ်ညါခဲအံၤန့ၣ်...