ခ့ၣ်အဲးစံၣ် – KIC News

လါမးရှး ၆ သီႇ ၂၀၂၄ နံၣ်ႇ ခ့ၣ်အဲးစံၣ် စးထီၣ်လၢ (၂၀၂၁) သုးဟံးန့ၢ်တၢ်စိတၢ်ကမီၤတုၤလၢတနံၣ်အံၤ (၂၀၂၄) နံၣ်လါမးရှး (၃) သီန့ၣ် ကီၢ်ပယီၤဒီတဘ့ၣ်အပူၤကီၢ်ဆၣ်လၢတၢ်ဘိးဘၣ်ရၤလီၤ၀ဲ (Martial Law) သုးတၢ်ပၢတၢ်ပြးအံၤအိၣ်၀ဲ (၆၁) ဘ့ၣ်လံအဂ့ၢ် (Data for Myanmar) ထုးထီၣ်ပာ်ဖျါ၀ဲ ဖဲလါမးရှး(၅)သီအနံၤန့ၣ်လီၤႉ ကီၢ်ဆၣ်လၢတၢ်ဒုးကဲထီၣ်၀ဲလၢတၢ်ပၢၢ်ဆၢသုးပာ်ဖှိၣ်ကရူၢ်ဒီးပယီၤသုးအဘၢၣ်စၢၤသ့ၣ်တဖၣ်အံၤန့ၣ်...

လါမးရှး ၆သီႇ ၂၀၂၄နံၣ်ႇ ခ့ၣ်အဲးစံၣ်ႇ ခ့ၣ်အဲၣ်ယူၣ်ကညီဒီကလုာ်စၢဖှိၣ်ကရၢႇဖၣ်အၣ်ကီၢ်ရ့ၣ်တၢ်ကြဲၢ်ကီၢ်ဆၣ်အပူၤကညီသးစၢ်ကရၢ(KYO)တီခိၣ်ရိၣ်မဲကအိးထီၣ်၀ဲတၢ်ကိၢ်ခါလံာ်အဲကလံးတၢ်မၤလိဒီးတၢ်မၤလိသ့သးဖျၢၣ်ထူတၢ်ဂဲၤလိာ်ကွဲတၢ်မၤလိဖဲတလါအံၤလါမးရှးအတီၢ်ပူၤအဂ့ၢ်တၢ်ကြဲၢ်ကီၢ်ဆၣ်(KYO)ကညီသးစၢ်ကရၢထုးထီၣ်ပာ်ဖျါ၀ဲဖဲလါမးရှး(၃)သီအနံၤန့ၣ်လီၤႉ ဘၣ်ဃးဒီးတၢ်အိးထီၣ်၀ဲကၠိပျၢ်ကသုၣ်တၢ်ကိၢ်ခါကီၤလၤ၀ါတၢ်မၤလိအံၤန့ၣ်အတၢ်ပညိၣ်မ့ၢ်ဒ်သိးဖိဒံဖိသၣ်တဖၣ်ကဒိးန့ၢ်အါထီၣ်လံာ်အဲကလံးတၢ်သိၣ်လိဒီးသူက့ၤ၀ဲလၢကၠိတၢ်မၤလိမၤဒိးပူၤအဂီၢ်ဒီးၦၤလၢကသိၣ်လိတၢ်တဖၣ်န့ၣ်မ့ၢ်(KYO)ကညီသးစၢ်ကရၢအကျါလၢတၢ်ဃုထၢထီၣ်ပာ်အီၤတဖၣ်အဂ့ၢ်တၢ်တြဲၢ်ကီၢ်ဆၣ်((KYO)ကညီသးစၢ်ကရၢအၦၤဘၣ်မူဘၣ်ဒါစီၤနဲၤအူလွ့ၤစံး၀ဲဒ်အံၤန့ၣ်လီၤႉ အ၀ဲစံး၀ဲလၢ“ပတၢ်ပညိၣ်တၢ်တိာ်ပာ်န့ၣ်ခီမ့ၢ်၀ဲဒၣ်ဖိသၣ်တဖၣ်ဖဲအချူးအဆၢကတီၢ်ကၠိပျၢ်ကသုၣ်အဆၢကတီၢ်ဒ်သိးကမၤလိန့ၢ်အါထီၣ်ဘၣ်၀ဲကီၤလၤ၀ါဒီးကက့ၤသူက့ၤ၀ဲအကျိၤအကျဲလၢအဘၣ်အဂီၢ်မီၤနီၤႉဒီးခီဖျိပထံၣ်လၢအါတက့ၢ်ၦၤအတီၤတဆံဖိတဖၣ်န့ၣ်ဘၣ်ဃးဒီးကီၤလၤ၀ါတကပၤန့ၣ်အတၢ်ဂံၢ်စၢ်ဘါစၢ်အိၣ်မီၤနီၤႉဒီးသရၣ်သရၣ်မုၣ်လၢကသိၣ်လိန့ၢ်၀ဲဖိသၣ်တဖၣ်အံၤန့ၣ်မ့ၢ်၀ဲၦၤလၢပကညီသးစၢ်ကရၢအကျါလီၤမီၤဘၣ်ဆၣ်တမ့ၢ်ဒ်သိးၦၤဘၣ်ပဃုန့ၢ်ၦၤလၢအကြၢး၀ဲဘၣ်ဒီးလၢအကဟ့ၣ်ဖိသၣ်တၢ်သိၣ်လိသ့တဖၣ်မီၤနီၤ”အဂ့ၢ်စံးဘၣ်ခ့ၣ်အဲးစံၣ်တၢ်ကစီၣ်န့ၣ်လီၤႉ လၢန့ၣ်အမဲာ်ညါဘၣ်ဃးတၢ်မၤလိသ့သးဖျၢၣ်ထူတၢ်ဂဲၤလိာ်ကွဲတၢ်သိၣ်လိအံၤစ့ၢ်ကီးအတၢ်ပညိၣ်မ့ၢ်၀ဲဒ်သိးတၢ်ကဒုးအိၣ်ဖျဲၣ်ထီၣ်၀ဲကညီသူၣ်ဘီၣ်သးစၢ်ၦၤလိာ်ကွဲဖိတဖၣ်အဂ့ၢ်အ၀ဲစံးအါထီၣ်၀ဲဒၣ်န့ၣ်လီၤႉ လၢတၢ်မၤလိဘျီ၀ဲအံၤန့ၣ်တၢ်ကသိၣ်လိန့ၢ်၀ဲခီၣ်တဃာ်လံာ်ကိၤလၤ၀ါ(၄)ကလုာ်လၢအမ့ၢ်တၢ်ဖးလံာ်လဲၢ်(Reading) တၢ်ကွဲးလံာ်ကွဲးလဲၢ်((Writing)) တၢ်တဲလိ((Speaking) ဒီး တၢ်ဒိကနၣ်လိတၢ် (Listening) သ့ၣ်တဖၣ်န့ၣ်လီၤႉ ...

လါမးရှး ၆ သီႇ ၂၀၂၄ နံၣ်ႇ ခ့ၣ်အဲးစံၣ် သုးကီၣ်ကးဟံးန့ၢ်ထံကီၢ်တၢ်စိတၢ်ကမီၤ၀ံၤလီၢ်ခံ လၢကီၢ်ကၠီၣ်တဲၣ်-ကီၢ်ပယီၤကီၢ်ဆၢ မဲၢ်ဆီး၀့ၢ်ပူၤန့ၣ် ခီဖျိၦၤဟးဃုငါအိၣ်ဟံၣ်ဟဲအါထီၣ်၀ဲအဃိဟံၣ်လဲသ့ၣ်တဖၣ်အၦ့ၤထီၣ်၀ဲဒၣ်ကွ့ၢ်ကွ့ၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ကီၢ်ကၠီၣ်တဲၣ် မဲၢ်ဆီး၀့ၢ်ပူၤ စးထီၣ်လၢသုးကီၣ်ကးဟံးန့ၢ်တၢ်စိတၢ်ကမီၤန့ၣ် ခီဖျိထံလီၢ်ကီၢ်ပူၤတၢ်သဘံၣ်သဘုၣ် အိၣ်ထီၣ်အဖီခိၣ်ထံဖိကီၢ်ဖိကမျၢၢ်သ့ၣ်တဖၣ်ဟဲဃ့ၢ်ထီၣ်အိၣ်၀ဲဒၣ်အံၤတကပၤအိၣ်ထီၣ်၀ဲဒီး လၢတၢ်န့ၣ်အဃိ ဟံၣ်လဲစ့ၢ်ကီးအၦ့ၤဒိၣ်ထီၣ်၀ဲဒၣ်ကွ့ၢ်ကွ့ၢ်အဂ့ၢ်န့ၣ် ခီကီၢ်ၦၤမၤတၢ်ဖိလၢအိၣ် မဲၢ်ဆီး၀့ၢ်ပူၤတဖၣ် စံး၀ဲန့ၣ်လီၤႉ ဘၣ်ဃးတၢ်ဂ့ၢ်အံၤခီကီၢ်ၦၤမၤတၢ်ဖိလၢအိၣ်မဲၢ်ဆီး၀့ၢ်ပူၤန့ၢ်အနံၣ်(၁၀)ဘျဲၣ်တဂၤ စံး၀ဲလၢ“ပအိၣ်လၢညါအပူၤကွံာ်န့ၣ် ဟံၣ်ဖဲ(၂၀၀၀),(၃၀၀၀)ဘးန့ၣ်ပပာ်လၢအၦ့ၤဖးဒိၣ်လံမီၤနီၤႉနါက့စးထီၣ်ဖဲသုးဟံးန့ၢ်တၢ်စိတၢ်ကမီၤ၀ံၤလီၢ်ခံန့ၣ် ၦၤဟဲထီၣ်အိၣ်လၢအံၤဟဲအါထီၣ်အဃိဟံၣ်သ့ၣ်တဖၣ်အၦ့ၤဒိၣ်ထီၣ်ႉလၢညါခါဟံၣ်ဖဲတဖျၢၣ်(၃၅၀၀)ဘးန့ၣ်ခဲအံၤ အိၣ်လၢ(၇၀၀၀)ဃၣ်ဃၣ်လံမီၤနီၤႉအဃိသုးကီၣ်ကးဟံးန့ၢ်တၢ်စိတၢ်ကမီၤ၀ံၤလီၢ်ခံန့ၣ်ၦၤကီၢ်ပယီၤဟဲနုာ်လီၤအိၣ်လၢ ...

လါမးရှး ၅ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ် လၢၢ်ဒိၣ်ကီၢ်ဆၣ်အပူၤ သုးကီၣ်ကးဘှီဂ့ၤ ထီၣ်က့ၤ (နၣ်သၤကွ့) တိၤ၀ံၤအလီၢ်ခံအ၀ဲသ့ၣ်ခးလီၤကျိဖးဒိၣ်ဟဲအါထီၣ်ဒိၣ်န့ၢ်အပူၤကွံာ်လၢညါအဂ့ၢ်န့ၣ် ဟီၣ်က၀ီၤၦၤဘၣ်မူဘၣ်ဒါတဖၣ် စံး၀ဲန့ၣ်လီၤႉ သုးကီၣ်ကးဟဲဘှီဂ့ၤထီၣ်က့ၤ (နၣ်သၤကွ့) တိၤအံၤမ့ၢ်ဒ်သိးအ၀ဲသ့ၣ်ကစိးကါ၀ဲလၢဒုးယၤတၢ်ဟူးတၢ်ဂဲၤ အဂီၢ်ဒီး လၢန့ၣ်အမဲာ်ညါတိၤအံၤအရ့ဒိၣ်၀ဲလၢသုးကီၣ်ကးသ့ၣ်တဖၣ်အဂီၢ်အဂ့ၢ်န့ၣ် လၢၢ်ဒိၣ်ကီၢ်ဆၣ် ၦၤကတိၤတၢ်ပၢ ပဒိၣ်စီၤ၀ါမုၢ် စံး၀ဲဒ်အံၤန့ၣ်လီၤႉ “ပကွၢ်က့ၤဖဲလါယနူၤအါရံၤထီၣ်(၂၀၂၄)နံၣ်ဒီးတုၤလၢလါဖ့ၤဘြူၤအါရံၤန့ၣ်အ၀ဲသ့ၣ်ဘှီ၀ဲဒၣ်တိၤတဘိန့ၣ်ဒီး မၤအါထီၣ်အဂံၢ်အဘါဖဲန့ၣ်မီၤနီၤႉ ပကွၢ်ကဒါက့ၤ...

လါမးရှး ၅ သီႇ ၂၀၂၄ နံၣ်ႇ ခ့ၣ်အဲးစံၣ်ႇ လၢကညီကီၢ်စဲၣ် ဖၣ်အၣ်၀့ၢ်က၀ီၤဒ့တဖၣ်အပူၤ ခီဖျိတၢ်မၤဃံးထီၣ်၀ဲၦၤတမှံၤတရီအဃိ ၦၤလၢအဟဲနုာ်လီၤအိၣ်ပတုာ် တစိၢ်တလီၢ်တဖၣ်အိၣ်၀ဲဒီးတၢ်ဘၣ်ယိၣ်ဘၣ်ဘှီအဂ့ၢ်န့ၣ် ကမျၢၢ်အိၣ်၀့ၢ်ပူၤတဖၣ် စံး၀ဲန့ၣ်လီၤႉ စှၤသီအတီၢ်ပူၤဖၣ်အၣ်၀့ၢ်က၀ီၤဒ့တဖၣ်အပူၤၦၤအိၣ်လၢတၢ်ချၢလၢအဟဲအိၣ်ပတုာ်တစိၢ်တလီၢ်တဖၣ်အံၤ ကဘၣ်လဲၤတီၣ်ထီၣ်တမှံၤစရီဒီးတီၣ်ထီၣ်၀ဲဒ်တၢ်နဲၣ်လီၤအိၣ်အသိးဘၣ်ဆၣ်ခီဖျိတၢ်ဘံၣ်တၢ်ဘၢတအိၣ်ဘၣ်အဃိ ဘၣ်ယိၣ်၀ဲလၢသုးကီၣ်ကးအၦၤကဖီၣ်ချူးအ၀ဲသ့ၣ်ဒီးဒ်န့ၣ်အသိးဟံၣ်ကစၢ်လၢအတူၢ်လိာ်တၢ်တဖၣ်စ့ၢ်ကီး ဘၣ်ယိၣ်တၢ်လၢခံခီယၢ်ပၤအဂ့ၢ်န့ၣ်ဖၣ်အၣ်ကမျၢၢ်လၢတအဲၣ်ဒိးပာ်ဖျါအမံၤတဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“ပငါအိၣ်ဟံၣ်န့ၣ်ပဘၣ်လဲၤတီၣ်ထီၣ်တမှံၤစရီ၊ပဘၣ်လဲၤစိာ်ဒီးပတၢ်ဂီၤ(မၣ်ပိၤတ့ၤ)မီၤနီၤ အဃိန့ၣ်ၦၤမ့ဟဲအိၣ်ပတုာ်ဖဲပအိၣ်န့ၣ်ပတၢ်ကိၢ်တၢ်ဂီၤအိၣ်မီၤႉဘၣ်မနုၤအဃိလဲၣ်န့ၣ်ပသကိးဟဲအိၣ်ပတုာ်ဖဲပအိၣ်န့ၣ်အ၀ဲသ့ၣ်ကဲတမှံၤအဃိဘၣ်ပျံၤဘၣ်ဖုးလၢၦၤကမၤကီမၤခဲအီၤဒီးတလဲၤတ့ၣ်ထီၣ်၀ဲတမှံၤစရီဘၣ်မီၤႇအမ့လဲၤတ့ၣ်တီၣ်၀ဲနါက့တၢ်ဘံၣ်တၢ်ဘၢတအိၣ်လၢအ၀ဲသ့ၣ်ဂီၢ်စ့ၢ်ကီးဘၣ်မီၤႉအဃိန့ၣ်ဖဲအ၀ဲသ့ၣ်အိၣ်ပတုာ်၀ဲတသီခံသီအတီၢ်ပူၤဒု ပဘၣ်ကိၢ်တၢ်လၢအ၀ဲသ့ၣ်အဂီၢ်ဒီးအ၀ဲသ့ၣ်နာ်က့ဘၣ်ကိၢ်က့ၤတၢ်လၢပဂီၢ်စ့ၢ်ကီးအိၣ်၀ဲမီၤႉပဘၣ်ယိၣ်လၢတၢ်ကသမံသမိးချူးၦၤမီၤနီၤႉ”...

လါမးရှး ၅ သီႇ ၂၀၂၄ နံၣ်ႇ ခ့ၣ်အဲးစံၣ် လၢကညီကီၢ်စဲၣ်အပူၤ သုးကီၣ်ကးထုးထီၣ်တၢ်ကဘၣ်မၤသုးသဲစး၀ံၤလီၢ်ခံ ကမျၢၢ်သူၣ်ဘီၣ်သးစၢ်လၢအိၣ်ခူပူၤ ၀့ၢ်ပူၤတဖၣ်တနံၤဘၣ်တနံၤလဲၤဃ့ၢ်ထီၣ်၀ဲဒၣ်လၢထံဂုၤကီၢ်ဂၤအါထီၣ်၀ဲဒၣ်ကွ့ၢ်ကွ့ၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲအပူၤကွံာ်လါဖ့ၤဘြူၤအါရံၤ ၁၀ သီအနံၤန့ၣ် ကီၢ်ပယီၤအပူၤသုးကီၣ်ကးထုးထီၣ်တၢ်ကလုၢ်လၢ ထံဖိကီၢ်ဖိလၢ တၢ်ပာ်ပနီၣ်သးနံၣ်တဖၣ်ကဘၣ်မၤသုးဒီးဖဲန့ၣ်၀ံၤလီၢ်ခံသူၣ်ဘီၣ်သးစၢ်လၢအမံၤအိၣ်လၢကဘၣ်ကဲသုးတဖၣ်အံၤ ပျံၤ၀ဲလၢကဘၣ်ကဲသုးအဃိအ၀ဲသ့ၣ်ဟးဃ့ၢ်အိၣ်ခူသူၣ်ဟးထီၣ်လၢတၢ်လီၢ်ပူၤဖျဲးအလီၢ်ဟဲအါထီၣ်၀ဲဒၣ် ကိးမုၢ်နံၤဒဲး အဂ့ၢ်န့ၣ် သးစၢ်တဖၣ်စံး၀ဲန့ၣ်လီၤႉ ဘၣ်ဃးဒီးတၢ်ဂ့ၢ်အံၤသးစၢ်လၢအိၣ်၀့ၢ်ပူၤတဂၤစံး၀ဲလၢ“သူၣ်ဘီၣ်သးစၢ်တဖၣ်ဘၣ်မနုၤဘၣ်စးစံၣ်ဟးဖျိးလဲၤထီၣ်လၢ ၦၤထံၦၤကီၢ်လဲၣ်န့ၣ်တၢတထံၣ်န့ၣ်ဖဲအံၤတၢ်ဘံၣ်တၢ်ဘၢတအိၣ်လၢၤဘၣ်ႉခံထံၣ်တထံၣ်ခီန့ၣ်တၢ်ပညိၣ်တအိၣ်လၢၤဘၣ်မီၤနီၤႉ၀ံၤဘျီဒုန့ၣ်ကဘၣ်မၤဒ်လဲၣ်အ၀ဲသ့ၣ်မၤ၀ဲတဘၣ်လၢၤဘၣ်ႉနအိၣ်ဖဲကီၢ်ပယီၤပူၤအံၤနနီၢ်ကစၢ်သးသမူမးန့ၣ် ၦၤအုၣ်ကီၤနၤတအိၣ်ဘၣ်ႉအဒိၦၤမ့ဟဲကိးဆူၣ်ၦၤဒီးပကဘၣ်လဲၤလီၤႉနကဆှဲပၠးအီၤတၢ်ဂ့ၢ်တၢ်ကျိၤနါက့အခွဲးအယာ်တအိၣ်ဘၣ်ႉအဃိသးစၢ်တဖၣ်ဘၣ်ပျံၤဘၣ်ဖုးတၢ်အဃိအ၀ဲသ့ၣ်ဆၢတဲာ်လီၤသးလၢကဟးထီၣ်လၢကီၢ်ပယီၤပူၤလဲၤထီၣ်စံၣ်အိၣ်လၢၦၤထံၦၤကီၢ်ဒ်န့ၣ်မီၤနီၤ”အဂ့ၢ် န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤႉ လၢန့ၣ်အမဲာ်ညါသုးကီၣ်ကးထုးထီၣ်တၢ်ကဘၣ်မၤသုးသဲစး၀ံၤလီၢ်ခံသူၣ်ဘီၣ်သးစၢ်တဖၣ်အိၣ်ဒီးတၢ်ပျံၤတၢ်ဖုး တၢ်ဘၣ်ယိၣ်ဘၣ်ဘှီဒီးဒ်န့ၣ်အသိးမ့ဆဲးအိၣ်ဒံးလၢကီၢ်ပယီၤပူၤန့ၣ်ကဘၣ်ကဲသုးတကးဒံးဘၣ်တၢ်ပညိၣ်တၢ်မုၢ်လၢ်...

လါဖ့ၤဘြူၤအါရံၤ ၄ သီႇ ၂၀၂၄ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ် မူကီၢ်ဆၣ်အပူၤ လါဖ့ၤဘြူၤအါရံၤ(၂၈)သီ တုၤ လါမးရှး(၂)သီလၢ(၄)သီအတီၢ်ပူၤ ခီဖျိပယီၤသုးကျိၤနုာ်လီၤဒီးမၤထီဒါၦၤဟီၣ်ခိၣ်ဖိခွဲးယာ်အဃိ ကမျၢၢ်သံ(၃)ဂၤႇ ဘၣ်ဒိ(၅)ဂၤဒီးမ့ၣ်အူအီၣ်ဟးဂီၤကမျၢၢ်ဟံၣ်အါအါဂီၢ်ဂီၢ်အဂ့ၢ်န့ၣ် ခ့ၣ်အဲၣ်ယူၣ်လီၢ်ခၢၣ်သး ထုးထီၣ်ပာ်ဖျါ၀ဲ ဖဲလါမးရှး(၃)သီအနံၤန့ၣ်လီၤႉ ပယီၤသုးကျိၤလၢအဟဲနုာ်လီၤလၢဒူသ၀ီပူၤသ့ၣ်တဖၣ်အံၤဖီၣ်မၤဆါမၤပယွဲကမျၢၢ်ဒီးဒွဲၣ်အူအီၣ်ကွံာ်၀ဲကမျၢၢ်အဟံၣ် အဃီတကးဒံးဘၣ်အမဲာ်ညါပယီၤသုးအံၤဖဲအ၀ဲသ့ၣ်နုာ်လီၤအဆၢကတီၢ်ခးလီၤကျိဖးဒိၣ်ဒီးတ့ၢ်လီၤ စ့ၢ်ကီးဒြိမ့ၣ်ပိၢ် အိၣ်၀ဲအဂ့ၢ်န့ၣ် မူကီၢ်ဆၣ် ၦၤမၤစၢၤၦၤဃ့ၢ်မှံဟးဖျိး သရၣ်စီၤစံးပတြၢၤ စံး၀ဲန့ၣ်လီၤႉ...

လါမးရှး ၄သီႇ ၂၀၂၄နံၣ်ႇ ခ့ၣ်အဲးစံၣ်ႇ သုးကီၣ်ကးထုးထီၣ်ပာ်ဖျါ၀ဲတၢ်ဘၣ်ကဲသုးသဲစး၀ံၤအလီၢ်ခံကီၢ်ရ့ၣ်အပူၤကမျၢၢ်အိၣ်ဆိးလၢ၀့ၢ်ပူၤတဖၣ်တၢ်မ့မၤဆူၣ်အီၤလၢကလဲၤကဲသုးန့ၣ်ကဘၣ်လဲၤအိၣ်ကဒု၀ဲအသးလၢသ၀ီလၢအဘူးဒီးခ့ၣ်အဲၣ်ယူၤတၢ်ပၢဟီၣ်က၀ီၤတဖၣ်အပူၤအဂ့ၢ်ခ့ၣ်အဲၣ်ယူၤမုၢ်တြီၢ်ကီၢ်ရ့ၣ်သုးက့(၅)ပၢဆှၢရဲၣ်ကျဲၤကမံးတံာ်ထုးထီၣ်ပာ်ဖျါတ့ၢ်၀ဲဖဲအပူၤကွံာ်လါမးရှး(၁)သီအနံၤန့ၣ်လီၤႉ သုးကီၣ်ကးဒုးမူထီၣ်ဂဲၤထီၣ်၀ဲတၢ်ပာ်ပနီၣ်ကမျၢၢ်သးနံၣ်တၢ်ဘၣ်ကဲသုးသဲစးအံၤမ့ၢ်၀ဲတၢ်မၢန့ၣ်ဆူၣ်ကမျၢၢ်တဖၣ်လၢကနုာ်လီၤဆူတၢ်ဒုးပျီပူၤအဃိကမျၢၢ်လၢအိၣ်၀့ၢ်ပူၤတဖၣ်တၢ်မ့မၤန့ၣ်ဆူၣ်အီၤလၢကဘၣ်လဲၤကဲသုးန့ၣ်လဲၤအိၣ်ကဒု၀ဲအသးလၢသ၀ီလၢအဘူးဒီးခ့ၣ်အဲၣ်ယူၤတၢ်ပၢဟီၣ်က၀ီၤဖဲန့ၣ်တဖၣ်အပူၤသ့၀ဲအဂ့ၢ်ဒ်သိးကမျၢၢ်အိၣ်ကီၢ်ရ့ၣ်အပူၤတဖၣ်ကသ့ၣ်ညါနၢ်ပၢၢ်၀ဲအဂီၢ်ဒီးပဒ့ၣ်ဟးဆှဲးသးကသ့အဂီၢ်မုၢ်တြီၢ်ကီၢ်ရ့ၣ်ဘၣ်ထုးထီၣ်ပာ်ဖျါ၀ဲဒၣ်န့ၣ်လီၤႉ ဒီးကမျၢၢ်လၢကအိၣ်ကဒုအသးလၢသ၀ီပူၤတဖၣ်အံၤကဘၣ်လူၤပိာ်ထွဲ၀ဲၦၤဘၣ်မူဘၣ်ဒါတဖၣ်အတၢ်နဲၣ်လီၤဒီးဒ်သိးကဒိးန့ၢ်ဘၣ်တၢ်အံးထွဲကွၢ်ထွဲတၢ်မၤစၢၤအဂီၢ်ကဘၣ်တီၣ်ထီၣ်၀ဲအမံၤစရီလီၤတံၢ်လီၤဆဲးလီၤအဂ့ၢ်မုၢ်တြီၢ်လံာ်တၢ်ပာ်ဖျါပာ်ဖျါ၀ဲစ့ၢ်ကီးန့ၣ်လီၤႉ လၢန့ၣ်အမဲာ်ညါမုၢ်တြီၢ်ကီၢ်ရ့ၣ်အပူၤကမျၢၢ်လၢအိၣ်သ၀ီပူၤဒီး၀့ၢ်ပူၤတဖၣ်အံၤကဘၣ်ထီဒါ၀ဲသုးကီၣ်ကးတၢ်ဘၣ်ကဲသုးသဲစးအသိးတဘၣ်ပၣ်ဃုာ်ပၣ်ဂီၢ်၀ဲလၢသုးကီၣ်ကးအတၢ်ထၢသုးဘၣ်ဒီးတဘၣ်အိၣ်ၦိၤဟ့ၣ်ဂံၢ်ဟ့ၣ်ဘါ၀ဲသုးကီၣ်ကးဘၣ်အမဲာ်ညါကမျၢၢ်တဖၣ်အံၤမ့ၢ်လီၤဘၣ်တၢ်ကီတၢ်ခဲတၢ်ဃံးတၢ်စ့ၤန့ၣ်ကဘၣ်ဒုးသ့ၣ်ညါ၀ဲတၢ်မဲာ်ညါၦၤဘၣ်မူဘၣ်ဒါလၢအအိၣ်ဘူးဖဲန့ၣ်သ့ၣ်တဖၣ်တဘျီဃီအဂ့ၢ်ခ့ၣ်အဲၣ်ယူၣ်မုၢ်တြီၢ်ကီၢ်ရ့ၣ်စံး၀ဲန့ၣ်လီၤႉ ဒ်န့ၣ်အသိးဘၣ်ဃးဒီးမုၢ်တြီၢ်လံာ်ထုးထီၣ်ပာ်ဖျါအံၤတၢ်မ့ၢ်တလူၤပိာ်ထွဲမၤထွဲ၀ဲဘၣ်ဒီးမ့ၢ်မၤထွဲဒၣ်ဒ်သုးကီၣ်ကးအတၢ်နဲၣ်လီၤအသိးန့ၣ်တၢ်ကပၣ်ပနီၣ်၀ဲၦၤသ့ၣ်တဖၣ်န့ၣ်လၢအမၤန့ၢ်သုးကီၣ်ကးအတၢ်မၤဒီးမ့ၢ်၀ဲသုးကီၣ်ကးကရူၢ်ကရၢဖိလီၤအဂ့ၢ်ဟ့ၣ်ပလီၢ်စံး၀ဲလၢလံာ်ထုးထီၣ်ပာ်ဖျါအပူၤန့ၣ်လီၤႉ သုးကီၣ်ကးပာ်ဂၢၢ်ပာ်ကျၢၤထုးထီၣ်ပာ်ဖျါ၀ဲတၢ်ဘၣ်ကဲသုးသဲစး၀ံၤအလီၢ်ခံတၢ်လီၢ်အါတီၤသူၣ်ဘီၣ်သးစၢ်သ့ၣ်တဖၣ်ဟဲထီၣ်အိၣ်ကဒု၀ဲလၢခ့ၣ်အဲၣ်ယူၣ်တၢ်ပၢဟီၣ်က၀ီၤအပူၤအိၣ်၀ဲအဂ့ၢ်သ့ၣ်ညါဘၣ်န့ၣ်လီၤႉ

လါမးရှး ၄သီႇ ၂၀၂၄နံၣ်ႇ ခ့ၣ်အဲးစံၣ် သးစၢ်လၢအအိၣ်လၢ၀့ၢ်ပူၤ လၢအဃ့ၢ်တၢ်ဘၣ်ကဲသုးသ့ၣ်တဖၣ်န့ၣ် (BGF)တူၢ်လိာ်အ၀ဲသ့ၣ်လၢကမၤသကိးတၢ်ဒီး( BGF)အဂ့ၢ် (BGF)အၦၤဘၣ်မူဘၣ်ဒါစံးဘၣ်၀ဲဒၣ် ခ့ၣ်အဲးစံၣ်ကညီတၢ်ကစီၣ်န့ၣ်လီၤႉ ဖဲအပူၤကွံာ်လါဖ့ၤဘြူၤအါရ့ၤ အသီ၁၀ဒီး၁၃သီအနံၤန့ၣ် သုးကီၣ်ကးဘိးဘၣ်ရၤလီၤ၀ဲလံာ်တၢ်ကလုၢ်တဘံၣ်လၢအမ့ၢ်ထံဖိကီၢ်ဖိဘၣ်ကဲသုးတၢ်ဘျၢသဲစးဒီးဖဲ၂၇၊၂၀၂၄ႇ၃၂၊၂၀၂၄န့ၣ်လံာ်၀ဲအံၤဘၣ်တၢ်ဒုးမူထီၣ်အီၤလံအသိးဖဲလါဖ့ၤဘြူၤအါရံၤ၁၃သီအနံၤန့ၣ် ဒုးအိၣ်ထီၣ်၀ဲဒၣ် တၢ်ကိးကမျၢၢ်ဘၣ်ကဲသုးလီၢ်ခၢၣ်သးဒ် ၁၊၂၀၂၄ အဂ့ၢ်ထုးထီၣ်ပာ်ဖျါ၀ဲဒၣ်န့ၣ်လီၤႉ လၢသုးကီၣ်ကးထုးထီၣ်၀ဲကမျၢၢ်ဘၣ်ကဲသုးတၢ်ဘျၢသဲစးဒ်အံၤအဖီခိၣ် အ၀ဲသ့ၣ်ထံၣ်ဘၣ်၀ဲလၢသးစၢ်လၢ၀့ၢ်ပူၤသ့ၣ်တဖၣ်ဃ့ၢ်ထီၣ်ကွံာ်၀ဲအါအါဂီၢ်ဂီၢ်အဃိသးစၢ်သ့ၣ်တဖၣ်အံၤ(BGF)တကပၤတူၢ်လိာ်အ၀ဲသ့ၣ်လၢကမၤသကိးတၢ်အဂ့ၢ် (BGF)သုးဟီၣ်က၀ီၤနီၣ်ဂံၢ်(၂)အဒုးယာ်ခိၣ် သုးခိၣ်ဒိၣ်စိ စီၤတ့ၤ၀ဲစံးဘၣ်၀ဲဒၣ် ခ့ၣ်အဲးစံၣ်ကညီတၢ်ကစီၣ်ဒ်အံၤန့ၣ်လီၤႉ အ၀ဲစံး၀ဲလၢ“ ပထံၣ်ဘၣ်လၢသးစၢ်လၢအိၣ်လၢလာ်သ့ၣ်တဖၣ်န့ၣ် ပယီၤသုးထီၣ်ရၤလီၤ၀ဲလၢ ၦၤသးနံၣ်အိၣ်(၁၈)နံၣ်ဒီး(၃၅)နံၣ်အဘၢၣ်စၢၤန့ၣ် ကဘၣ်ကဲသုး...

လါမးရှး ၄ သီႇ ၂၀၂၄ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)ဟီၣ်က၀ီၤ တလါအတီၢ်ပူၤ ခံခီခံကပၤအဘၢၣ်စၢၤ တၢ်ဒုးကဲထီၣ်၀ဲ(၈၆)ဘျီဒီးပယီၤသုးတကပၤသံဘၣ်ဒိဘၣ်ထံး၀ဲခဲလၢာ်(၇၀)ဂၤအဂ့ၢ်န့ၣ် မုၢ်တြီၢ်တၢ်ကစီၣ် ထုးထီၣ်ပာ်ဖျါ၀ဲ ဖဲလါမးရှး ၂ သီအနံၤန့ၣ်လီၤႉ (သုးက့ ၅)ဟီၣ်က၀ီၤအပူၤ လါဖ့ၤဘြူၤအါရံၤ ၁ သီတုၤလၢ ၂၉ သီ လၢတလါအတီၢ်ပူၤ တၢ်ဒုးကဲထီၣ်၀ဲလၢ...