ပယီၤသုးဒြိအဃိ ကီးတရံးကလံၤစိး အီးဖးသဝီဖးဒိၣ်ကမျၢၢ်သံ(၂)ဂၤအကျါပၣ်ဃုၥ်ဖိသၣ်တဂၤဒီး ဘၣ်ဒိ(၂)ဂၤ
လါအ့ဖြ့ၣ် ၃၀ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဒူပျၥ်ယၥ်ကီၢ်ရ့ၣ်(သုးက့ ၆)ကီးတရံးကီၢ်ဆၣ် အီးဖးသဝီဖးဒိၣ်အပူၤ ဖဲမဟါအနံၤခီဖျိပယီၤသုးလဲၤတ့ၢ်လီၤဝဲ ဒြိမ့ၣ်ပိၢ်အဃိ ကမျၢၢ်သံ(၂)ဂၤအကျါပၣ်ဃုၥ်ဝဲဖိသၣ်တဂၤဒီး ဘၣ်ဒိဘၣ်ထံးဝဲ(၂)ဂၤအဂ့ၢ်န့ၣ် သ့ၣ်ညါဘၣ်လၢကီးတရံးကမျၢၢ် တဖၣ်အအိၣ်န့ၣ်လီၤ. ဖဲမဟါလါအ့ဖြ့ၣ် ၂၉ သီ ဂီၤခီ ၉း၂၀ မံးနံးဃၣ်ဃၣ်အဆၢကတီၢ်န့ၣ် ခီဖျိပယီၤသုးအံၤလဲၤတ့ၢ်လီၤဝဲဒြိမ့ၣ်ပိၢ် လီၤတဲၥ်ပိၢ် ဖးထီၣ်ဝဲ လၢ အီးဖးသဝီဖးဒိၣ်(ဖန်းခါကုန်း)တၢ်လီၢ်အဃိ ဘၣ်သံဝဲကမျၢၢ်ပိၥ်ခွါ(၁)ဂၤဒီးဖိသၣ်(၁)ဂၤအမဲၥ်ညါ ဖိသၣ်လၢ အသးနံၣ်တပှဲၤ ဒံးဘၣ်(၂)ဂၤ ဘၣ်ဒိဘၣ်ထံးဝဲစ့ၢ်ကီးအဂ့ၢ်န့ၣ် လီၢ်ကဝီၤကမျၢၢ်စံးဝဲန့ၣ်လီၤ. “ပယီၤသုးကလၢၤလၢအိၣ်ဖဲကီးတရံးဝ့ၢ်ပူၤတဖၣ်န့ၣ် အဟဲတ့ၢ်လီၤတၢ်ဒီးဒြိအိၣ်တလီၢ်လီၢ်လီၤ.ပှၤကမျၢၢ်ဃ့ၢ်တၢ်ဒုး ဟးပလဲၥ် သးတဖၣ် ခီဖျိတၢ်ကီတၢ်ခဲအိၣ်အါအဃိအဝဲသ့ၣ်ဟဲက့ၤအိၣ်လၢအဟံၣ်အဃီ,ဟဲက့ၤအိၣ်ဘျီတဘၣ်ပှၤအဂၤဘၣ် ဘၣ်ဝဲဒၣ်ကမျၢၢ်န့ၣ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. တကးဒံးဘၣ်လၢန့ၣ်အမဲၥ်ညါပယီၤသုးဟဲတ့ၢ်လီၤဒြိဘျီဝဲအံၤ ဟံၣ်တၢ်သူၣ်ထီၣ်ဟးဂီၤစ့ၢ်ကီးဝဲ(၁)ဖျၢၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ. တကီၢ်ခါခဲအံၤ လၢကီးတရံး-မၠၣ်ဝတံၣ်အ့ရှါကျဲမုၢ်အခိၣ်အဃၢၤန့ၣ် သုးမီၤစိရိၤဒိၣ်စိဝဲဒီး ဆီလီၤပၥ်လီၤဃၥ်ဝဲ တၢ်ဘံၣ်တၢ်ဘၢ လၢလၢပှဲၤပှဲၤအဂ့ၢ်န့ၣ် တၢ်ပၢၢ်ဆၢသုးကရူၢ်တကပၤ စံးဝဲန့ၣ်လီၤ. လၢန့ၣ်အမဲၥ်ညါသုးမီၤစိရိၤအံၤတၢ်ရဲၣ်တၢ်ကျဲၤအိၣ်လၢကလဲၤထီၣ်ဝဲဆူ(သုးက့ ၆)ကီးတရံးကလံၤထံးတကပၤ အိၣ်အသိး ခဲအံၤပယီၤသုးနုၥ်လီၤဟူးဂဲၤဝဲဒၣ်လၢကမဲၤကိ(ကမိုင်ကုန်း)ဒီးကၠီၤစှၤကိ(ကြောင်လျှာကုန်း)သဝီတကပၤအိၣ်ဝဲအဂ့ၢ်န့ၣ် (KNLA)အပှၤစံးဝဲ အသိး သ့ၣ်ညါဘၣ်န့ၣ်လီၤ.
သုးခိၣ်အဲၣ်ခွံခိးခးကဒီးဝဲအဃိ (KNLA) သုးရ့ၣ်-၁၂ အပှၤသံ ၄ ဂၤဒီးကမျၢၢ်ဖိသၣ်သံတဂၤ
လါအ့ဖြ့ၣ် ၂၂ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဘျံးဒဝဲၢ်ကီၢ်ရ့ၣ်(သုးက့ ၄)ကစၢၢ်ဒိၣ်ကီၢ်ဆၣ်ဟီၣ်ကဝီၤပူၤ ကီၢ်သူလ့ၤသုးမုၢ်ဒိၣ်-KTLA သုးခိၣ်အဲၣ်ခွံအပှၤခိးခးဝဲ အဃိ ဟီၣ်ကဝီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်-KNLA သုးရ့ၣ်-၁၂ အပှၤသံ ၄ ဂၤဒီး ကမျၢၢ်ဖိသၣ်သံဃုၥ်စ့ၢ်ကီးဝဲတဂၤ အဂ့ၢ်န့ၣ် သ့ၣ်ညါဘၣ်န့ၣ်လီၤ. ဖဲတနံၤအံၤလါအ့ဖြ့ၣ် ၂၂ သီ ဂီၤခီ ၅း၀၀ နၣ်ရံၣ်အဆၢကတီၢ်န့ၣ် လၢပီချိဟီၣ်ကဝီၤ (KNLA)သုးရ့ၣ်-၁၂ ဟီၣ်ကဝီၤအပူၤန့ၣ် (KTLA)အပှၤခးဝဲအဃိ တၢ်သံတၢ်ပှၢ်ဘၣ်ဟဲအိၣ်ထီၣ်ဝဲဒ်အံၤန့ၣ်လီၤ. ပှၤလၢဘူးဒီးတၢ်ပၢၢ်ဆၢကရူၢ်တဂၤစံးဝဲလၢ “တၢ်ကဲထီၣ်သးန့ၣ်ကဘၣ်ဖဲတဂီၤအံၤ ၅ နၣ်ရံၣ်ခိၣ်ဃၢၤန့ၣ်လီၤ.သုးခိၣ်အဲၣ်ခွံ (ကီၤလၤဖိ)အပှၤခးဝဲလီၤ.ပသ့ၣ်ညါဘၣ်လၢပပှၤတကပၤသံ(၄)ဂၤဒီးပှၤကမျၢၢ်ဖိသၣ်နါက့သံတဂၤန့ၣ်လီၤ.ဖိသၣ်အံၤကအိၣ်ဖဲ(၁၁)နံၣ်ခိၣ်ဃၢၤဒီးမ့ၢ်ဝဲပိၥ်ခွါဖိန့ၣ်လီၤ”အဂ့ၢ်န့ၣ် စံးဝဲန့ၣ်လီၤ. ဟီၣ်ကဝီၤတၢ်လီၢ်လၢအကဲထီၣ်သးခဲအံၤန့ၣ် မ့ၢ်ဝဲဒၣ်ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA) သုးရ့ၣ်-၁၂ ဟီၣ်ကဝီၤတၢ်လီၢ် အသိး တၢ်လီၢ်အံၤ(KTLA)သုးခိၣ်အဲၣ်ခွံကရူၢ်အိၣ်ဆီလီၤသးဟူးဂဲၤဝဲတၢ်လီၢ်သ့ၣ်တဖၣ်အဂ့ၢ်န့ၣ် လီၢ်ကဝီၤကမျၢၢ်ဒီးပှၤဘၣ်မူ ဘၣ်ဒါ တဖၣ်စံးဝဲ အသိး သ့ၣ်ညါဘၣ်န့ၣ်လီၤ. တချုးတၢ်ကဲထီၣ်သးအံၤဒံးဘၣ်အဘူးကတၢၢ် ဖဲအပူၤကွံၥ်လါမးရှး ၁၄ သီအနံၤစ့ၢ်ကီး လၢကစၢၢ်ဒိၣ်ကီၢ်ဆၣ်အပူၤ ဟီၣ်ကဝီၤတၢ်ပၢၢ်ဆၢကရူၢ် (ဗထူး)အပှၤတဖၣ်ဖဲအဝဲသ့ၣ်အိၣ်ဟဲက့ၤလီၤလၢမိၣ်ဒီၣ်သုးကလၢၤဒုးယၤရဲၣ်ကျဲၤအခါ ခီဖျိ(KTLA) အပှၤခိးခးဝဲဖဲသမံပိၥ်သီသဝီဒီး ကနဲဃီသဝီဘၢၣ်စၢၤအဃိ သံဝဲ(၆)ဂၤဒီးဘၣ်ဒိဘၣ်ထံးကဲထီၣ်အိၣ်ဝဲန့ၣ်လီၤ. တကးဒံးဘၣ်တလါဃီဖဲလါမးရှး ၄ သီ ဒီး...
တးပီသုးကလၢၤသုတလီၤတဂ့ၤအဂီၢ်ပယီၤသုးပၥ်ဖှိၣ်ဆဲးဟဲထီၣ်ဝဲဒီးကဘီယူၤစ့ၢ်ကီးဟဲခးလီၤတၢ်အဆၢတတဲၥ်
လါအ့ဖြ့ၣ် ၁၆ သီ, ၂၀၂၆ နံၣ်, ခ့ၣ်အဲးစံၣ် တးပီသုးကလၢၤလၢ(သုးက့ ၁)အပှၤဆဲးထီၣ်ဝဲခဲအံၤန့ၣ် သုးကလၢၤအံၤသုးတလီၤတဂ့ၤအဂီၢ် ပယီၤသုးပၥ်ဖှိၣ်ဂုၥ်ကျဲးစၢးဆဲးဟဲ ထီၣ်ဝဲဒီး လၢကဘီယူၤအံၤတဆီကဘီယူၤဟဲခးလီၤတၢ်အဆၢတတဲၥ်ဝဲအဂ့ၢ်န့ၣ် သ့ၣ်ညါဘၣ်လၢလီၢ်ကဝီၤပှၤဘၣ်မူဘၣ်ဒါ အအိၣ်န့ၣ်လီၤ. လ့က့ၣ်သုးကလၢၤလီၤဝံၤလီၢ်ခံခီဖျိတၢ်ဆဲးထီၣ်ဝဲတးပီသုးကလၢၤအဃိ လၢကဟဲထီၣ်မၤပှဲၤအါထီၣ်သုးနီၣ်ဂံၢ်အဂီၢ် လၢပနွဲၢ်ကျါ ဒီးကမၤမိၢ်အံၤတဆီပယီၤသုးဒီးဟီၣ်ကဝီၤဘူးဒးစၢၤကညီသုးမုၢ်ဒိၣ်(DKBA)သုးခိၣ်ဘိၤဘံၣ်အပှၤတဖၣ်ပၥ်ဖှိၣ် ထီၣ်သးလၢ (၁၅၀)ဃၣ်ဃၣ်ဂုၥ်ကျဲးစၢးဟဲထီၣ်ဝဲလၢကျဲအဘိဘိအဂ့ၢ်န့ၣ် (KNLA)ပှၤဘၣ်မူဘၣ်ဒါတဂၤ စံးဝဲန့ၣ်လီၤ. အဝဲစံးဝဲလၢ“အခဲအံၤ(စစ်ကူ)ဟဲထီၣ်ဒီဒူၣ်လီၤ.ဟဲထီၣ်ကျဲလၢကမၤမိၢ်,မဲၢ်ကနးခံ,မ့ဝံၤလၢပနွဲၢ်ကျါတကပၤန့ၣ်စ့ၢ်ကီးဟဲထီၣ်. ဖဲဟဲထီၣ်အခါပပှၤခိးခးအဃိတၢ်ဒုးကဲထီၣ်.အခဲအံၤပနၢ်ဟူလၢမ့အီၣ်လဲၣ်နဲၣ်လီၤလၢကဘၣ်ဟဲထီၣ်ဟံန့ၢ်က့ၤလ့က့ၣ်သုးကလၢၤ. ခဲအံၤပယီၤသုးဟဲခးလီၤတၢ်လဲးလူးလီၤ.”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်ဖဲတနံၤအံၤန့ၣ်လီၤ. ဒ်လီၢ်ကဝီၤပှၤဘၣ်မူဘၣ်ဒါစံးဝဲအသိးန့ၣ်လၢကဟဲထီၣ်လူၤမၤစၢၤတၢ်အဂီၢ်ပယီၤသုးပၥ်ဖှိၣ်သ့ၣ်တဖၣ်အံၤ စးထီၣ်ဟဲထီၣ်ဝဲလၢ လ့က့ၣ်သုးကလၢၤတလီၤဒံးဘၣ်ဒီး ဖဲအဝဲသ့ၣ်ဟဲထီၣ်လၢကျဲအခါစ့ၢ်ကီး ခီဖျိဘၣ်တၢ်ခိးခးအဝဲသ့ၣ်လၢ(KNLA)အဃိ ပယီၤသုးပၥ်ဖှိၣ်တကပၤဘၣ်ဒိဘၣ်ထံးက့ၤယိးလီၤသးအိၣ်ဝဲဒၣ်န့ၣ်လီၤ. ဘၣ်ဆၣ်လၢကျဲအဘိဘိတကီၢ်ခါခဲအံၤပယီၤသုးပၥ်ဖှိၣ်လၢဟဲထီၣ်တဖၣ်တနီၤန့ၣ် ဟဲထီၣ်တုၤလၢတးပီသဝီကစၢၢ်ပှၢ်ပူၤလံ ဒီး လၢကနုၥ်လီၤဝဲလၢသုးကလၢၤပူၤအဂီၢ် ခီဖျိတၢ်ခိးခးဝဲအဃိတၢ်ဒုးကဲထီၣ်ဝဲဒိၣ်ဒိၣ်မုၢ်မုၢ်လၢခံခီခံကပၤအဘၢၣ်စၢၤအဂ့ၢ်န့ၣ် လီၢ်ကဝီၤပှၤဘၣ်မူ ဘၣ်ဒါစံးဝဲန့ၣ်လီၤ. တးပီသုးကလၢၤလၢပယီၤသုးပၥ်ဖှိၣ်ဂုၥ်ကျဲးစၢးဟဲထီၣ်မၤအါထီၣ်အသုးနီၣ်ဂံၢ်အံၤန့ၣ် တၢ်တယးကွၢ်ဝဲလၢသုးဂံၢ်ဘါကအိၣ်တဲ အဂၤ(၆၀)ဃၣ်ဃၣ်န့ၣ်လီၤ. ဒ်န့ၣ်အသိးလၢတၢ်ထီၣ်ဝဲသုးကလၢၤတၢ်ဂ့ၢ်ပိၥ်ထွဲအံၤအဃိ စးထီၣ်လၢလါအ့ဖြ့ၣ် ၁၂ သီ တုၤလၢတနံၤအံၤ ၁၆ သီတစုန့ၣ် လၢတးပီသုးကလၢၤအခိၣ် အဃၢၤန့ၣ် သုးမီၤစိရိၤကဘီယူၤဟဲတ့ၢ်လီၤဝဲမ့ၣ်ပိၢ်အိၣ်ဝဲကိးမုၢ်နံၤမုၢ်နၤဒဲးဒီး တုၤလၢတနံၤအံၤ ဒုးယၤတၢ်ဖ့ၣ်စၢဆဲးကဲထီၣ်ဒံးဝဲအဖၢမုၢ်န့ၣ်လီၤ. ဒ်ကီၢ်ရ့ၣ်တၢ်မၤနီၣ်မၤဃါပူၤအိၣ်ဝဲအသိးန့ၣ်အပူၤကွံၥ်လါအ့ဖြ့ၣ် ၁၂ သီတုၤ ၁၄ သီ လၢ(၃)သီအတီၢ်ပူၤ ကဘီယူၤလဲၤတ့ၢ်လီၤဝဲ မ့ၣ်ပိၢ်ဒီးကျိဒိၣ်လၢတးပီ,ပှိၢ်သဝီ,ပယၢ်ရီသဝီပူၤပၥ်ဖှိၣ်အိၣ်လံဝဲအဖျၢၣ်(၇၀)ဃၣ်ဃၣ်ညါလံန့ၣ်လီၤ.အဃိလၢတၢ်(၃)သီအတီၢ်ပူၤအံၤ ကမျၢၢ်သံ(၁)ဂၤ, ဘၣ်ဒိ(၁)ဂၤဒီး ဟံၣ်(၆)ဖျၢၣ်,ကျးဆါတၢ်(၂)ဖျၢၣ်ဟးဂီၤဘၣ်ဒိဘၣ်ထံးဝဲဒၣ်အဂ့ၢ်န့ၣ် သ့ၣ်ညါဘၣ်...
သုးမီၤစိရိၤလဲၤတ့ၢ်လီၤကဒီးမ့ၣ်ပိၢ်လၢ(သုးက့ ၅) ကမျၢၢ်သံ(၄)ဂၤဒီးဘၣ်ဒိဘၣ်ထံး(၁၀)ဘျဲၣ်
လါအ့ဖြ့ၣ် ၁၆ သီ, ၂၀၂၆ နံၣ်, ခ့ၣ်အဲးစံၣ် စှၤသီအတီၢ်ပူၤ ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)ဟီၣ်ကဝီၤလၢသုးမီၤစိရိၤလဲၤတ့ၢ်လီၤမ့ၣ်ပိၢ်တပယူၥ်ဃီအံၤ ခီဖျိလဲၤတ့ၢ်လီၤ ကဒီးဝဲမ့ၣ်ပိၢ်အဃိ ကမျၢၢ်သံ(၄)ဂၤဒီးဘၣ်ဒိဘၣ်ထံးအဂၤ(၁၀)ဘျဲၣ်အဂ့ၢ်န့ၣ် သုးက့ပှၤဘၣ်မူဘၣ်ဒါစံးဝဲအသိး သ့ၣ်ညါဘၣ်န့ၣ် လီၤ. ဖဲမဟါလါအ့ဖြ့ၣ် ၁၅ သီ တါလီၤခံသီတသီ ကဘၣ်ဖဲဟါခီ ၃း၀၀ နၣ်ရံၣ်ဘျဲၣ်အဆၢကတီၢ်န့ၣ် သုးမီၤစိရိၤ(Jet fighter)ဒီး (Y-12)ကဘီယူၤ လဲၤတ့ၢ်လီၤကဒီးဝဲမ့ၣ်ပိၢ်ဒိၣ်ဒိၣ်မုၢ်မုၢ်လၢလူၤသီကီၢ်ဆၣ် ဘုလိၥ်ကျိဟီၣ်ကဝီၤ ဃဲပၤကရူၢ် ဒူသဝီပူၤအဃိ ဟံၣ်တၢ်သူၣ်ထီၣ်အူအီၣ်လီၤဘျဲးကွံၥ်ဝဲ (၉)ဖျၢၣ် န့ၣ်လီၤ. ကဘီယူၤလဲၤတ့ၢ်လီၤမ့ၣ်ပိၢ်ဘျီဝဲအံၤဟံၣ်အူအီၣ်ဟးဂီၤအမဲၥ်ညါ ဃဲပၤကမျၢၢ်သံဝဲ(၄)ဂၤဒီးဘၣ်ဒိဘၣ်ထံး(၁၃)ဂၤ ဘၣ်ဟဲကဲ ထီၣ်ဝဲဒ်အံၤလီၤ အဂ့ၢ်န့ၣ် (သုးက့ ၅) ပှၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံးဘၣ်ခ့ၣ်အဲးစံၣ်-ကညီတၢ်ကစီၣ် ဖဲတဂီၤအံၤဒ်အံၤန့ၣ်လီၤ. “ဖဲမဟါ ၁၅ သီဟါခီမုၢ်ဟါလီၤ ၃ နၣ်ရံၣ်ဘျဲၣ်အခါန့ၣ် ပယီၤသုးကဘီယူၤဒုးသုးဟဲခးတၢ်လၢဘုလိၥ်ကျိတြီၤ ဃဲပၤသဝီ ဒီး တၢ်လီၢ်လၢအဂုၤအဂၤနါက့ခးဝဲတနီၤ. ပဒိးန့ၢ်က့ၤတၢ်ကစီၣ်ဖဲတဂီၤအံၤန့ၣ်ဟံၣ်န့ၣ်အူအီၣ်ဝဲ(၉)ဖျၢၣ်.သဝီဖိန့ၣ်ဘၣ်ဒိဝဲဒၣ်(၁၃)ဂၤ. သံဝဲဒၣ်(၄)ဂၤ.တုၤလၢခဲအံၤန့ၣ်ပှၤဃုလိၥ်သးတဘၣ်လၢၤဒံးဘၣ်အဃိတၢ်ကစီၣ်အလီၤတံၢ်လီၤဆဲးန့ၣ်တန့ၢ်ဒံးဘၣ်”အဂ့ၢ်န့ၣ် စံးဝဲန့ၣ်လီၤ. ဘၣ်ဃးကဘီယူၤဟဲခးလီၤတၢ်လီဃဲပၤသဝီပူၤဘျီဝဲအံၤဒ်လီၢ်ကဝီၤကမျၢၢ်ပၥ်ထီၣ်ဝဲတၢ်ဂီၤမူအသိးန့ၣ် ဟံၣ်လၢအအူအီၣ်တဖၣ် အိၣ်ဝဲလၢကျဲကပၤခံခီယၢ်ပၤဒီး ဖဲကမျၢၢ်လဲၤကွၢ်ဝဲအခါတၢ်သူၣ်ထီၣ်တဖၣ်မ့ၣ်အူအီၣ်အပလုၢ်ထီၣ်,မ့ၣ်အူလၣ်ကဲၤဒံးဝဲ...
သုးမီၤစိရိၤကဘီယူၤအဃိ မုၢ်တြီၢ်ကီၢ်ရ့ၣ်ပူၤ ဒ့ၣ်ပူၤနိၣ်တီၤထီကၠိဒီး(MTJC)ကၠိတၢ်သူၣ်ထီၣ်လီၤပှီၢ်ဟးဂီၤအါမး
လါအ့ဖြ့ၣ် ၁၅ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)လူၤသီကီၢ်ဆၣ်အပူၤ ဖဲမဟါအနံၤခီဖျိသုးမီၤစိရိၤကဘီယူၤလဲၤတ့ၢ်လီၤဝဲမ့ၣ်ပိၢ်အဃိ ဒ့ၣ်ပူၤနိၣ်ဟီၣ်ကဝီၤ ကညီကူၣ်သ့ဆဲးလၤဝဲၤကျိၤ(KECD)စုတီၤဖီလၥ် MTJC ကၠိဃုၥ်ဒီးတီၤထီကၠိတၢ်သူၣ်ထီၣ်လီၤပှီၢ်ဟးဂီၤဝဲ အါမးအဂ့ၢ်န့ၣ် လီၢ်ကဝီၤ ပှၤဘၣ်မူဘၣ်ဒါစံးဝဲအသိး သ့ၣ်ညါဘၣ်န့ၣ်လီၤ. လူၤသီကီၢ်ဆၣ် ပ့က့ကရူၢ် ဒ့ၣ်ပူၤနိၣ်ဟီၣ်ကဝီၤအပူၤ ဖဲမဟါတါလီၤလါအ့ဖြ့ၣ် ၁၄ သီ မုၢ်နၤခီ ၁၀း၀၀ ဃၣ်ဃၣ်အဆၢကတီၢ် တၢ်ဒုးကဲထီၣ်တအိၣ် သုးမီၤစိရိၤကဘီယူၤ လဲၤတ့ၢ်လီၤဝဲမ့ၣ်ပိၢ်တစှၤန့ၢ်(၅)ဘျီဒီး ဖဲန့ၣ် (Mutraw Junior College-MTJC)ကၠိ ဒီး ဒ့ၣ်ပူၤနိၣ်တီၤထီကၠိ(၂)ဖျၢၣ်အံၤလီၤပှီၢ်ဟးဂီၤလီၤကရဲဝဲခဲလၢၥ်ဃၣ်ဃၣ် (သုးက့ ၅) ပှၤကတိၤတၢ်ပၢ သုးခိၣ်ဒိၣ် ဂီၢ်ဂ့ၢ် စီၤကျၢၤဒိၣ် စံးဝဲန့ၣ်လီၤ. တချုးကဘီယူၤဟဲခးလီၤတၢ် ကၠိတၢ်သူၣ်ထီၣ်လီၤပှီၢ်ဟးဂီၤကဲထီၣ်ဒံးဘၣ်ဖဲအပူၤကွံၥ်လါအ့ဖြ့ၣ် ၁၃ သီ ဟါခီ ၈း၀၀ နၣ်ရံၣ်ဃၣ် ဃၣ်အဆၢကတီၢ်န့ၣ်စ့ၢ်ကီး လၢဒ့ၣ်ပူၤနိၣ်ဟီၣ်ကဝီၤအပူၤ သုးမီၤစရိၤအကဘီယူၤဟဲတ့ၢ်လီၤမ့ၣ်ပိၢ်ကဲထီၣ်ဒံးဝဲန့ၣ်လီၤ. လၢကဘီယူၤဟဲတ့ၢ်လီၤ မ့ၣ်ပိၢ်ဘျီဝဲအံၤစ့ၢ်ကီးကမျၢၢ်တၢ်ဘၣ်ဒိဘၣ်ထံးမ့တအိၣ်ဘၣ်ဆၣ်ဟံၣ်တၢ်သူၣ်လီၤပှီၢ် ဟး ဂီၤတစှၤ န့ၢ်ဝဲ(၃)ဖျၢၣ်အဂ့ၢ်န့ၣ် သ့ၣ်ညါဘၣ်လၢလီၢ်ကဝီၤပှၤဘၣ်မူဘၣ်ဒါအအိၣ်န့ၣ်လီၤ. ဘၣ်ဃးကဘီယူၤဟဲခးလီၤတၢ်ခံသီတပယူၥ်ဃီအံၤန့ၣ် (သုးက့ ၅)ပှၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ်...
လ့က့ၣ်သုးကလၢၤလီၤဝံၤတၢ်ဆဲးထီၣ်တးပီသုးကလၢၤအဃိ ဖၣ်အၣ်ကီၢ်ဆၣ်ပူၤကမျၢၢ်ဃ့ၢ်ထီၣ်ကဒီး(၆၀၀၀)ဘျဲၣ်
လါအ့ဖြ့ၣ် ၁၅ သီ, ၂၀၂၆ နံၣ်, ခ့ၣ်အဲးစံၣ် လါအ့ဖြ့ၣ် ၁၂ သီ လ့က့ၣ်ပယီၤသုးကလၢၤလီၤဝံၤတကတီၢ်ဃီတၢ်ဆဲးထီၣ်ဝဲတးပီသုးကလၢၤဒီး တၢ်ဒုးအပူၤခီဖျိကဘီယူၤ ဟဲခးလီၤတၢ်အဃိ ဖၣ်အၣ်ကီၢ်ဆၣ်ပူၤ သဝီ(၁၀)ဖျၢၣ် လီၢ်ကဝီၤကမျၢၢ်(၆၀၀၀)ဘျဲၣ်ဘၣ်ဃ့ၢ်ထီၣ်ဝဲအဂ့ၢ်န့ၣ် ကီၢ်ရ့ၣ်ပှၤဘၣ်မူ ဘၣ်ဒါစံးဝဲန့ၣ်လီၤ. လ့က့ၣ်ဒီးတးပီသုးကလၢၤ(၂)ဖျၢၣ်လၢဟီၣ်ကဝီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးပၥ်ဖှိၣ်လဲၤခးဝဲဖဲလါအ့ဖြ့ၣ်ထီၣ် အခါအံၤန့ၣ် အပူၤကွံၥ်စှၤသီအခါလ့က့ၣ်သုးကလၢၤအံၤဘၣ်တၢ်ထီၣ်န့ၢ်ကွံၥ်အီၤလံန့ၣ်လီၤ.ဘၣ်ဆၣ်တးပီသုးကလၢၤလၢ အအိၣ်တ့ၢ်ဝဲအံၤလၢကထီၣ်မၤန့ၢ်ဝဲအဂီၢ် တၢ်ဆဲးထီၣ်ဝဲသုးကလၢၤအဃိတၢ်ဒုးကဲထီၣ်ဝဲလၢခံခီခံကပၤအဘၢၣ်စၢၤန့ၣ်လီၤ. တကတီၢ်ဃီလၢတးပီသုးကလၢၤတၢ်ဒုးအံၤအပူၤစ့ၢ်ကီး ခီဖျိသုးမီၤစိရိၤကဘီယူၤ ဟဲခးလီၤတၢ်လၢသုးကလၢၤအခိၣ် အဃၢၤဒူသဝီ ပူၤကိးမုၢ်နံၤဒဲးဃၣ်ဃၣ်အဃိ ဘီနီၤကျိဝၢ်ခီ ဖၣ်အၣ်ကီၢ်ဆၣ် ဟးတရဲးကရူၢ်ပူၤ ဟးတရဲး, ကြူစံ,ဖှၣ်ဂီၤ, နိၣ်အီလၢ်, နိၣ်ခၣ်ဒ့ၣ်, နိၣ်လီၤပျီ,ထံဖးဒိၣ်ခံ,ပှိၢ်,မဲၢ်သဲ,မဲၢ်သံခံသဝီ ကမျၢၢ်ပှၤနီၣ်ဂံၢ်(၆၂၈၆)ဂၤဘၣ်ဃ့ၢ် ထီၣ်ဝဲန့ၣ်လီၤ. ဒ်န့ၣ်အသိးကမျၢၢ်အဂၤ(၆၀၀၀)ဘျဲၣ်လၢအဃ့ၢ်ထီၣ်တဖၣ်အံၤဘၣ်ဟးအိၣ်လၢထံကျိထံကွၥ်,သ့ၣ်ခီၣ်ထံးဝၣ်ခီၣ်ထံးအဃိ လၢအဝဲသ့ၣ်အဂီၢ် လိၣ်ဘၣ်ဝဲဂ့ၢ်ဂီၢ်အူအိၣ်ဆိးလီၢ်ကျဲ,တၢ်အီၣ်တၢ်အီဒီးကသံၣ်ကသီတၢ်ဆီၣ်ထွဲမၤစၢၤအဂ့ၢ်န့ၣ် ကီၢ်ရ့ၣ်ပှၤဘၣ်မူ ဘၣ်ဒါစံးဝဲန့ၣ်လီၤ. တကးဒံးဘၣ်လၢကဘီယူၤအံၤအဃိဖဲအပူၤကွံၥ်လါအ့ဖြ့ၣ် ၁၃ သီ ၄း၀၀ နၣ်ရံၣ်ဘျဲၣ်အဆၢကတီၢ် လၢတးပီသဝီ ဘီနီၤကျိဝၢ်ခီ ဟးတရဲးကရူၢ်အပူၤ သုးမီၤစိရိၤ(Y-12)ကဘီယူၤဟဲတ့ၢ်လီၤဝဲ(၁၂၂ မမ) ၄ ဖျၢၣ်လီၤတဲၥ်ပိၢ်ဖးထီၣ်ဝဲလၢ ပှိၢ်သဝီပူၤ(၂)ဖျၢၣ်ဒီး လၢပှိၢ်-ကွ့လ့သဝီဘၢၣ်စၢၤကျီးပူၤ(၂)ဖျၢၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ. ကဘီယူၤလဲၤတ့ၢ်လီၤကျိဒိၣ်ဘျီဝဲအံၤ ပှိၢ်သဝီဖိ စီၤမၤခၠူၤ(၄၈)နံၣ်အံၤသံဝဲဒီးစီၤတံတံၤ(၆၀)နံၣ်အံၤဘၣ်ဒိဘၣ်ထံး တကးဒံးဘၣ် ဟံၣ်တၢ်သူၣ်ထီၣ်ဟးဂီၤဝဲ(၂)ဖျၢၣ်ဒီးကျီၢ်စ့ၢ်ကီးသံဝဲ(၁)ဒုအဂ့ၢ်န့ၣ် သ့ၣ်ညါဘၣ်လၢကီၢ်ရ့ၣ်တၢ်မၤနီၣ်စရီအပူၤန့ၣ်လီၤ. ဒ်န့ၣ်အသိးတချုးတၢ်ကဲထီၣ်သးအံၤဒံးဘၣ်ဖဲလါအ့ဖြ့ၣ်...
တါလီၤအနံၤသုးမီၤစိရိၤဒြိအဃိ (မင်းလက်ပံ)ကမျၢၢ်ဒီဖိမိၢ်သံ ၂ ဂၤဒီး ဟံၣ်အူအီၣ်(၃)ဖျၢၣ်
လါအ့ဖြ့ၣ် ၁၄ သီ, ၂၀၂၆ နံၣ်, ခ့ၣ်အဲးစံၣ် တါလီၤတနံၤအံၤသုးမီၤစိရိၤဒြိအဃိ မၠၣ်ဝတံၣ်ဝ့ၢ်ဃၢၤ (မင်းလက်ပံ)သဝီပူၤ ကမျၢၢ်ဒီဖိမိၢ်သံဝဲ(၂)ဂၤဒီး ဟံၣ်အူအီၣ်ဝဲ (၃)ဖျၢၣ်အဂ့ၢ်န့ၣ် သ့ၣ်ညါဘၣ်လၢဟီၣ်ကဝီၤ(KNLA)ပှၤဘၣ်မူဘၣ်ဒါ အအိၣ် န့ၣ်လီၤ. ဖဲတနံၤအံၤလါအ့ဖြ့ၣ် ၁၄ သီ တါလီၤအခီၣ်ထံးတနံၤအံၤကဘၣ်ဖဲမုၢ်ထူၣ်အဆၢကတီၢ်န့ၣ် ပယီၤသုးပျၢ်လီၤဝဲဒြိလဲၤတ့ၢ်လီၤဝဲ မ့ၣ်ပိၢ်အူအီၣ်တၢ်သ့အံၤဖဲ(မင်းလက်ပံ)သဝီ အိတီကျဲအံၤန့ၣ်လီၤ. ခီဖျိလၢဒြိမ့ၣ်ပိၢ်အူအီၣ်တၢ်သ့အံၤအဃိ ဟံၣ်တၢ်သူၣ်ထီၣ်အူအီၣ်ထီၣ်ဝဲ(၃)ဖျၢၣ်ဒီး မိၢ်တဂၤဃုၥ်ဒီးအဖိလၢကအိၣ်ဒံးထဲ(၃)နံၣ် ဃၣ်ဃၣ်အံၤသံဝဲဒၣ်န့ၣ်လီၤ.ဘၣ်ဃးတၢ်ဂ့ၢ်အံၤဟီၣ်ကဝီၤ(KNLA)ပှၤဘၣ်မူဘၣ်ဒါလၢအိၣ်ဘူး ဖဲန့ၣ်တဂၤစံးဘၣ်ခ့ၣ်အဲးစံၣ်-ကညီတၢ်ကစီၣ် ဒ်အံၤန့ၣ်လီၤ. “ဖဲမုၢ်ဆါခီန့ၣ် လၢမ့လဲၣ်ပၤသဝီ အိတီကျဲန့ၣ် ခးလီၤဝဲ(မီးလောင်ဗုံး)အဃိမ့ၣ်အူအီၣ်ဝဲတၢ်ဖဲန့ၣ်တဘျီဃီလီၤ.ဒူသဝီတၢ်လီၢ် ဖဲအံၤတဖၣ်န့ၣ် အဟဲတ့ၢ်လီၤဝဲ(ဒြိ)ကိးမုၢ်နံၤဒဲးအဃိ ဟံၣ်ဖဲအံၤတဖၣ်မ့ၣ်အူအီၣ်ကလၢၤ ဃၣ်ဃၣ်လီၤ.”အဂ့ၢ်န့ၣ် စံးဝဲန့ၣ်လီၤ. လီၢ်ကဝီၤကမျၢၢ်ဒီဖိမိၢ်လၢအသံခံဂၤအံၤအပူၤကွံၥ်ခီဖျိဟီၣ်ကဝီၤတၢ်အိၣ်သးတဂ့ၤဘၣ်အဃိ ဖဲပှၤဃ့ၢ်ထီၣ်အခါပၣ်ဃုၥ်ဝဲဒၣ် လၢပှၤကျါဒီး ဟီၣ်ကဝီၤပူၤဖဲန့ၣ်ပယီၤသုးဟဲတ့ၢ်လီၤမ့ၣ်ပိၢ်အိၣ်ဝဲကိးမုၢ်နံၤဒဲးဒီးတၢ်သံတၢ်ဘၣ်ဒိဘၣ်ထံးကဲထီၣ်အိၣ်ဝဲ တလီၢ်လီၢ်အဂ့ၢ်န့ၣ် (KNLA)ပှၤဘၣ်မူဘၣ်ဒါတဂၤဃီဝဲန့ၣ် စံးအါထီၣ်ဝဲန့ၣ်လီၤ. “ပမ့ဘၣ်ကွၢ်ကမျၢၢ်ဖဲအံၤန့ၣ်အသံတမ့ၢ်တၢ်တနံၤအံၤဘၣ်အသံအိၣ်ကိးမုၢ်နံၤဒဲးလီၤ.ကမျၢၢ်တနီၤန့ၣ်ဘၣ်လဲၤအိၣ်လၢပှၤလီၢ်အိၣ်ကဒုလီၢ်ဒီးအိၣ်ဝဲယံၤထီၣ်ဘျီတဘၣ်ဂီၢ်ဘၣ်ဝံၤဟဲက့ၤအိၣ်လၢအဟံၣ်မီၤနီၤ.အဃိအသံဂီၤဒ်အံၤအိၣ်လီၤ.အဝဲသ့ၣ်အိၣ်လၢတၢ်ချၢတဘၣ်ဂီၢ်ဘၣ်အဃိဝဲဒၣ်ခီန့ၣ်ပတဲအဝဲသ့ၣ်လၢမ့ဘၣ်သးဟဲက့ၤအိၣ်န့ၣ်ဟဲက့ၤအိၣ်လၢတၢ်ပလီၢ်ပဒီပတဲအဝဲသ့ၣ်ဒ်န့ၣ်”အဂ့ၢ်န့ၣ် စံးဝဲန့ၣ်လီၤ. မ့လဲၣ်ပၤသဝီလၢတၢ်ကဲထီၣ်သးခဲအံၤန့ၣ်မ့အိၣ်ဝဲဒၣ်လၢ(DKBA)ဟီၣ်ကဝီၤပူၤဘၣ်ဆၣ် ဟီၣ်ကဝီၤပူၤဖဲန့ၣ်အိၣ်ဆီလီၤ အသးလၢ ခ့ၣ်အဲၣ်ယူၣ် ဒူပျၥ်ယၥ်ကီၢ်ရ့ၣ်(သုးက့ ၆)ရၤမတံကီၢ်ဆၣ်တၢ်ပၢဟီၣ်ကဝီၤအပူၤဒီး ဟီၣ်ကဝီၤပူၤဖဲန့ၣ်အပူၤကွံၥ်လါမးရှး ၈ သီ တုၤလၢ ၂၁ သီအနံၤ ခီဖျိလၢသုးမီၤစရိၤခးလီၤကျိဖးဒိၣ်,ကဘီယူၤဟဲတ့ၢ်လီၤမ့ၣ်ပိၢ်တပယူၥ်ဃီအဃိ မ့လဲၣ်ပၤဃုၥ်ဒီးဖလူသဝီပူၤ ဟံၣ်, သီခါဖၠၣ်,ကၠိ,တၢ်ဆါဟံၣ် တၢ်သူၣ်ထီၣ်ဟးဂီၤဝဲအါအါဂီၢ်ဂီၢ်ကဲထီၣ် ဒံးန့ၣ်လီၤ. ဒ်န့ၣ်အသိးဟီၣ်ကဝီၤပူၤဖဲန့ၣ်ကမျၢၢ်တဖၣ်အါဒၣ်တက့ၢ်တုၤလၢခဲအံၤက့ၤဟံၣ်က့ၤဃီတဘူၣ်,...
လ့က့ၣ်သုးကလၢၤတၢ်ဒုးအပူၤပယီၤသုးလၢဃ့ၢ်ထီၣ်တဖၣ်တၢ်ဖီၣ်န့ၢ်ကဒီးဝဲ(၂)ဂၤ,မၤန့ၢ်ဃုၥ်ကျိ(၉)ခိၣ်
လါအ့ဖြ့ၣ် ၁၄ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ဘံလ့ကီၢ်ဆၣ် လ့က့ၣ်သုးကလၢၤတၢ်ဒုးအပူၤ ပယီၤသုးလၢဃ့ၢ်ထီၣ်တဖၣ် တၢ်ဖီၣ်န့ၢ် ကဒီးဝဲ(၂)ဂၤဒီးမၤန့ၢ်ဃုၥ်ဝဲကျိ(၉)ခိၣ်အဂ့ၢ်န့ၣ်(အထူးတိုင်းစစ်ဌာန)တၢ်ပၢၢ်ဆၢသုးကရူၢ် ထုးထီၣ်ပၥ်ဖျါဝဲဖဲမဟါလါအ့ဖြ့ၣ် ၁၃ သီ အံၤ န့ၣ်လီၤ. လ့ၣ်က့ၣ်သုးကလၢၤအံၤဖဲအပူၤကွံၥ်လါအ့ဖြ့ၣ် ၁၂ သီဂီၤခီအဆၢကတီၢ်န့ၣ် ဟီၣ်ကဝီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ် (KNLA) , ကညီဒီကလုၥ်ဂၢၤသးကရၢ(KNDO), (SOF),ဝ့ၢ်တကူၣ်(ပကဖ)သုးကျိၤ, (UOC)သုးကျိၤ, (FFD)ဒြိသုးကရူၢ်, ယီၤနံၤဒြိကရူၢ် ,(Cloud Wings)ဒြိကရူၢ်,(KRF)ဒြိကရူၢ်,( FFDF)ဒြိကရူၢ်သုးပၥ်ဖှိၣ် သ့ၣ်တဖၣ်အံၤထီၣ်မၤန့ၢ်ဝဲန့ၣ်လီၤ. ဒီးဖဲလၢတၢ်ထီၣ်သုးကလၢၤဘျီဝဲအံၤအပူၤ တၢ်ဖီၣ်သမူန့ၢ်ဝဲပယီၤသုး(၂)ဂၤအကျါပၣ်ဃုၥ်ဝဲသုးရ့ၣ်ခိၣ်-၂ ဒီး သံ(၅)ဂၤ, ဘၣ်ဒိဘၣ် ထံးတစှၤန့ၢ်(၁၀)ဂၤဒီးလၢအအိၣ်တ့ၢ်တဖၣ်ဃ့ၢ်ဖျိးထီၣ်ကွံၥ်လၢသုးကလၢၤပူၤအဂ့ၢ်န့ၣ် (အထူးတိုင်းစစ်ဌာန) ထုးထီၣ် ပၥ်ဖျါတ့ၢ် ဝဲန့ၣ်လီၤ. ဘၣ်ဆၣ်ပယီၤသုးလၢအဃ့ၢ်ဖျိးထီၣ်လၢသုးကလၢၤပူၤတဖၣ် ဖဲမဟါလါအ့ဖြ့ၣ် ၁၃ သီ အနံၤန့ၣ် ဟီၣ်ကဝီၤ(KNLA)သုးပၥ်ဖှိၣ် လူၤဖီၣ်န့ၢ် ကဒီးဝဲ(၂)ဂၤ တကတီၢ်ဃီလၢအဝဲသ့ၣ်အအိၣ်တၢ်မၤန့ၢ်ဃုၥ်ဝဲကျိ ၉ ခိၣ်ဃုၥ်ဒီးသုးတၢ်ပီးတၢ်လီလၢအဂၤအဂ့ၢ်န့ၣ် (အထူးတိုင်းစစ်ဌာန) စံးဝဲန့ၣ်လီၤ. ဒ်(သုးက့)တၢ်မၤနီၣ်ပူၤအိၣ်ဝဲအသိးန့ၣ် လ့က့ၣ်သုးကလၢၤတၢ်ဒုးဘျီဝဲအံၤအပူၤ တၢ်မၤန့ၢ်ဝဲ(MA4)တခိၣ်, (MA2)စဲးလးတခိၣ်, (MA3)လွံၢ်ခိၣ်,(MA1)သၢခိၣ်,စုကွံၥ်မ့ၣ်ပိၢ်(၅)ဖျၢၣ်,ကျိဒၢ(၅)ခါ,ကျိချံ(၁၄၀၀)ဖျၢၣ်ဒီးသုးတၢ်ပီးတၢ်လီလၢအဂၤတဖၣ် တၢ်မၤန့ၢ်ဝဲ အဂ့ၢ်န့ၣ်...
(သုးက့ ၇)ဟီၣ်ကဝီၤပူၤတၢ်ထီၣ်န့ၢ်ဝဲ (ခမရ-၉၆၂)ဒုးယၤအတၢ်ဒီသဒၢသုးကလၢၤတဖျၢၣ်
လါအ့ဖြ့ၣ် ၁၃ သီ, ၂၀၂၆ နံၣ်, ခ့ၣ်အဲးစံၣ် (ခမရ-၉၆၂)ဒုးယၤအတၢ်ဒီသဒၢသုးကလၢၤတဖျၢၣ်လၢအိၣ်ခ့ၣ်အဲၣ်ယူၣ် ဖၣ်အၣ်ကီၢ်ရ့ၣ်(သုးက့ ၇)ကီၢ်ကၠီၣ်တဲၣ်-ကီၢ်ပယီၤ ကီၢ်ဆၢ မဲၢ်သဝီဟီၣ်ကဝီၤအပူၤအံၤ ဖဲတနံၤအံၤလါအ့ဖြ့ၣ် ၁၃ သီအံၤတၢ်ထီၣ်မၤန့ၢ်ဝဲအဂ့ၢ်န့ၣ် တၢ်ပၢၢ်ဆၢသုးကရူၣ်တကပၤ စံးဝဲအသိး သ့ၣ်ညါဘၣ် န့ၣ်လီၤ. ဖဲတနံၤအံၤကဘၣ်ဖဲမုၢ်ဃ့ၢ်လီၤအဆၢကတီၢ်န့ၣ် ကီၢ်ကၠီၣ်တဲၣ် မုၣ်အ့ပူၤဆၢလၥ် မဲၢ်တဝီသူမှဲကျိဝၢ်ခီခီၣ်ချ့သုးရ့ၣ်(ခမရ-၉၆၂) ဒုးယၤ အတၢ်ဒီသဒၢသုးကလၢၤတဖျၢၣ်လၢအမ့ၢ် ပနၢ်အီၣ်ဘုတူၢ်သုးကလၢၤအံၤ(သုးက့ ၇)အပှၤကညီဒီ ကလုၥ်တၢ်ထူၣ်ဖျဲးသုး မုၢ်ဒိၣ် (KNLA)သုးပၥ်ဖှိၣ် ထီၣ်မၤန့ၢ်ကွံၥ်ဝဲ ဒၣ်န့ၣ်လီၤ. (KNLA)ပှၤဘၣ်မူဘၣ်ဒါတဂၤစံးဝဲလၢ“ပနၢ်အီၣ်ဘူတူၢ်သုးကလၢၤဒုလီၤလံ.သုးကလၢၤအံၤအကဲဝဲဒၣ်(ကာကင်း)ဒ်န့ၣ်လီၤ.ပနၢ်အီၣ်ဘုတူၢ်အံၤပယီၤသုးနီၣ်ဂံၢ်ကအိၣ်ထဲ ၂၀ ခိၣ်ဃၢၤဒ်န့ၣ်လီၤ”အဂ့ၢ်န့ၣ် စံဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. ဒ်လီၢ်ကဝီၤပှၤဘၣ်မူဘၣ်ဒါစံးဝဲအသိးန့ၣ် ပနၢ်အီၣ်ဘုတူၢ်(ကာကင်း)ဒီသဒၢသုးကလၢၤလၢတၢ်ထီၣ်န့ၢ်ဝဲခဲအံၤန့ၣ် ခီဖျိအပှၤနီၣ်ဂံၢ် အိၣ်စှၤ ဟီၣ်ကဝီၤတၢ်ပၢၢ်ဆၢသုးပၥ်ဖှိၣ်ကရူၢ်လဲၤခးစဲးပြဲးဝဲတလီၢ်လီၢ်အဃိ ပယီၤသုးလၢအိၣ်သုးကလၢၤပူၤအံၤတဖၣ် ဟးထီၣ် က့ၤအိၣ် ဖှိၣ်က့ၤဝဲလၢ(ခမရ-၉၆၂)သုးကလၢၤဖးဒိၣ်ပူၤအဂ့ၢ်န့ၣ် သ့ၣ်ညါဘၣ် န့ၣ်လီၤ. တကီၢ်ခါခဲအံၤ(ကာကင်း)ဒီသဒၢသုးကလၢၤအံၤလီၤလံဘၣ်ဆၣ်လၢကထီၣ်မၤန့ၢ်ဝဲ(ခမရ-၉၆၂)ဒုးယၤသုးကလၢၤဖးဒိၣ်အံၤအဂီၢ် တၢ်ကဘၣ်ဆဲးထီၣ်ဒုးဖျိးကွံၥ်ဝဲဒီသဒၢ(ကာကင်း)သုးကလၢၤ ၁ ဖျၢၣ်ဒံးအဂ့ၢ်န့ၣ် လီၢ်ကဝီၤပှၤဘၣ်မူဘၣ်ဒါစံးဝဲအသိး သ့ၣ်ညါဘၣ် န့ၣ်လီၤ. တနံၤအံၤပနၢ်အီၣ်ဘုတူၢ်သုးကလၢၤအမဲၥ်ညါ ဒူသထူၣ်ကီၢ်ရ့ၣ်(သုးက့ ၁) ဘံလ့ကီၢ်ဆၣ် လ့က့ၣ်သုးကလၢၤလၢ သုးမီၤစိရိၤအခိၣ် မ့အီၣ်လဲၣ် လဲၤဆ့ၣ်နီၤဟံတ့ၢ်ဝဲမူဒါဒ်သုးရ့ၣ်ခိၣ်အသိးအံၤစ့ၢ်ကီး ဖဲမဟါလါအ့ဖြ့ၣ် ၁၂ သီအနံၤန့ၣ် ဘၣ်တၢ်ထီၣ်ဒုးမၤန့ၢ်ဒံးဝဲဒီး...
ပနၢ်အီၣ်ဘုတူၢ်သုးကလၢၤတၢ်ဒုးအပူၤ တၢ်မၤန့ၢ်ဝဲကျိချံပှၥ်သၣ်အါမးအဂ့ၢ် ABSDF ထုးထီၣ်ပၥ်ဖျါ
လါအ့ဖြ့ၣ် ၁၄ သီ, ၂၀၂၆ နံၣ်, ခ့ၣ်အဲးစံၣ် ပနၢ်အီၣ်ဘုတူၢ်သုးကလၢၤလၢ(သုးက့ ၇)အပှၤဒီးတၢ်ပၢၢ်ဆၢသုးပၥ်ဖှိၣ်ထီၣ်န့ၢ်ဝဲဖဲမဟါအနံၤအံၤ တၢ်ဒုးအပူၤတၢ်မၤဝဲကျိချံပှၥ်သၣ် အဂ့ၢ်န့ၣ် All Burma Students’ Democratic Front-ABSDF လၢအပၣ်ဃုၥ်လၢဒုးယၤတၢ်ရဲၣ်တၢ်ကျဲၤ ဘျီဝဲအံၤအပူၤ ထုးထီၣ်ပၥ်ဖျါဝဲဖဲတနံၤအံၤန့ၣ်လီၤ. ပနၢ်အီၣ်ဘုတူၢ်(ကြယ်ပြောင်ကုန်း)သုးကလၢၤအံၤမ့ၢ်ဝဲခီၣ်ချ့သုးရ့ၣ်(ခမရ-၉၆၂)ဒုးယၤသုးကလၢၤအတၢ်ဒီသဒၢသုးကလၢၤဖိ တဖျၢၣ်ဒီး ဖဲမဟါ လါအ့ဖြ့ၣ် ၁၃ သီ ဂီၤခီအဆၢကတီၢ်န့ၣ် ဟီၣ်ကဝီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ် (KNLA)ဒီးသိၣ်မှံၤ သုးပၥ်ဖှိၣ် ကရူၢ်လၢအဂၤ ပၥ်ဖှိၣ်ထီၣ်သးထီၣ်မၤန့ၢ်ကွံၥ်ဝဲသုးကလၢၤအံၤန့ၣ်လီၤ. ဒ်(ABSDF)ပၥ်ဖျါထီၣ်တၢ်ဂီၤအသိးန့ၣ် လၢတၢ်ထီၣ်ဝဲသုးကလၢၤဘျီဝဲအံၤအပူၤ တၢ်မၤန့ၢ်ဝဲကျိအခိၣ်(၂၀)ဃၣ်ဃၣ်, ဃုၥ်ဒီးကျိဖးဒိၣ်,ကျိဖးဒိၣ်အချံ,ကျိချံပှၥ်သၣ်,စိၤလၤ(တၢ်လိမုၢ်),သုးတၢ်ပီးတၢ်လီလၢအဂၤအါမးန့ၣ်လီၤ. ကျိချံပှၥ်သၣ်အမဲၥ်ညါဘၣ်ဃးပယီၤသုးသံဘၣ်ဒိဘၣ်ထံးတၢ်အိၣ်သးခီန့ၣ်တၢ်ပၥ်ဖျါဃုၥ်ဝဲတအိၣ်ဘၣ်ဘၣ်ဆၣ် လၢတၢ်ထီၣ် သုးကလၢၤဘျီဝဲအံၤအပူၤ ပယီၤသုးသံဘၣ်ဒိဘၣ်ထံးအိၣ်အသိး တၢ်ဖီၣ်န့ၢ်ဝဲအိၣ်အဂ့ၢ်န့ၣ် တၢ်ပၢၢ်ဆၢသုးကရူၢ်အပှၤ လၢတအဲၣ်ဒိး ပၥ်ဖျါအမံၤတဂၤစံးဝဲန့ၣ်လီၤ. “ဖဲမဟါန့ၣ်ပယီၤသုးသံတ့ၢ်အိၣ်.အသံတဖၣ်န့ၣ်ဖျါလီၤဂၥ်လၢအသူကသံၣ်မူၤဘှီးကသံၣ်ကစၢ်ခီ.ဘၣ်မနုၤအဃိလဲၣ်န့ၣ်တဂၤတဂၤန့ၣ်ဃဲၤသံ. အဃ့ၢ်ထီၣ်ပှၤဖီၣ်န့ၢ်ကဒါနါက့အိၣ်” အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. ပနၢ်အီၣ်ဘုတူၢ်လၢအမ့ၢ်ဒီသဒၢသုးကလၢၤအံၤအိၣ်ဆီလီၤအသးလၢခ့ၣ်အဲၣ်ယူၣ် ဖၣ်အၣ်ကီၢ်ရ့ၣ်(သုးက့ ၇) ခ့ၣ်အဲၣ်ယူၣ် လီၢ်ခၢၣ်သး မဲၢ်တရံး ,မုၣ်အ့ပူၤဆၢလၥ် မဲၢ်သဝီဟီၣ်ကဝီၤပူၤအံၤန့ၣ်လီၤ. ဒ်န့ၣ်အသိးဖဲမဟါတၢ်လဲၤထီၣ်န့ၢ်ဝဲသုးကလၢၤအံၤဝံၤတနၤဃီဖဲဟါခီ ၉း၂၀ မံးဃၣ်ဃၣ်အဆၢကတီၢ်န့ၣ် လၢ(ခမရ-၉၆၂) မဲၢ်သဝီ ဒုးယၤသုးကလၢၤအံၤတဆီပယီၤသုးခးစိဃီၤဝဲကျိဖးဒိၣ်တစှၤန့ၢ်(၂)ဖျၢၣ်ဆူမုၣ်အ့ပူၤဟီၣ်ကဝီၤဒီး ဘၣ်ဆၣ်ပယီၤသုး ခးလီၤကျိဖးဒိၣ်ဘျီဝဲအံၤတၢ်ဘၣ်ဒိဘၣ်ထံး,တၢ်ဟးဂူၥ်ဟးဂီၤတအိၣ်ဝဲဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ.