လါအ့ဖြ့ၣ် ၁၄ သီ, ၂၀၂၆ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ဘံလ့ကီၢ်ဆၣ် လ့က့ၣ်သုးကလၢၤတၢ်ဒုးအပူၤ ပယီၤသုးလၢဃ့ၢ်ထီၣ်တဖၣ် တၢ်ဖီၣ်န့ၢ် ကဒီးဝဲ(၂)ဂၤဒီးမၤန့ၢ်ဃုၥ်ဝဲကျိ(၉)ခိၣ်အဂ့ၢ်န့ၣ်(အထူးတိုင်းစစ်ဌာန)တၢ်ပၢၢ်ဆၢသုးကရူၢ် ထုးထီၣ်ပၥ်ဖျါဝဲဖဲမဟါလါအ့ဖြ့ၣ် ၁၃ သီ အံၤ န့ၣ်လီၤ.
လ့ၣ်က့ၣ်သုးကလၢၤအံၤဖဲအပူၤကွံၥ်လါအ့ဖြ့ၣ် ၁၂ သီဂီၤခီအဆၢကတီၢ်န့ၣ် ဟီၣ်ကဝီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ် (KNLA) , ကညီဒီကလုၥ်ဂၢၤသးကရၢ(KNDO), (SOF),ဝ့ၢ်တကူၣ်(ပကဖ)သုးကျိၤ, (UOC)သုးကျိၤ, (FFD)ဒြိသုးကရူၢ်, ယီၤနံၤဒြိကရူၢ် ,(Cloud Wings)ဒြိကရူၢ်,(KRF)ဒြိကရူၢ်,( FFDF)ဒြိကရူၢ်သုးပၥ်ဖှိၣ် သ့ၣ်တဖၣ်အံၤထီၣ်မၤန့ၢ်ဝဲန့ၣ်လီၤ.
ဒီးဖဲလၢတၢ်ထီၣ်သုးကလၢၤဘျီဝဲအံၤအပူၤ တၢ်ဖီၣ်သမူန့ၢ်ဝဲပယီၤသုး(၂)ဂၤအကျါပၣ်ဃုၥ်ဝဲသုးရ့ၣ်ခိၣ်-၂ ဒီး သံ(၅)ဂၤ, ဘၣ်ဒိဘၣ် ထံးတစှၤန့ၢ်(၁၀)ဂၤဒီးလၢအအိၣ်တ့ၢ်တဖၣ်ဃ့ၢ်ဖျိးထီၣ်ကွံၥ်လၢသုးကလၢၤပူၤအဂ့ၢ်န့ၣ် (အထူးတိုင်းစစ်ဌာန) ထုးထီၣ် ပၥ်ဖျါတ့ၢ် ဝဲန့ၣ်လီၤ.
ဘၣ်ဆၣ်ပယီၤသုးလၢအဃ့ၢ်ဖျိးထီၣ်လၢသုးကလၢၤပူၤတဖၣ် ဖဲမဟါလါအ့ဖြ့ၣ် ၁၃ သီ အနံၤန့ၣ် ဟီၣ်ကဝီၤ(KNLA)သုးပၥ်ဖှိၣ် လူၤဖီၣ်န့ၢ် ကဒီးဝဲ(၂)ဂၤ တကတီၢ်ဃီလၢအဝဲသ့ၣ်အအိၣ်တၢ်မၤန့ၢ်ဃုၥ်ဝဲကျိ ၉ ခိၣ်ဃုၥ်ဒီးသုးတၢ်ပီးတၢ်လီလၢအဂၤအဂ့ၢ်န့ၣ် (အထူးတိုင်းစစ်ဌာန) စံးဝဲန့ၣ်လီၤ.
ဒ်(သုးက့)တၢ်မၤနီၣ်ပူၤအိၣ်ဝဲအသိးန့ၣ် လ့က့ၣ်သုးကလၢၤတၢ်ဒုးဘျီဝဲအံၤအပူၤ တၢ်မၤန့ၢ်ဝဲ(MA4)တခိၣ်, (MA2)စဲးလးတခိၣ်, (MA3)လွံၢ်ခိၣ်,(MA1)သၢခိၣ်,စုကွံၥ်မ့ၣ်ပိၢ်(၅)ဖျၢၣ်,ကျိဒၢ(၅)ခါ,ကျိချံ(၁၄၀၀)ဖျၢၣ်ဒီးသုးတၢ်ပီးတၢ်လီလၢအဂၤတဖၣ် တၢ်မၤန့ၢ်ဝဲ အဂ့ၢ်န့ၣ် သ့ၣ်ညါဘၣ်န့ၣ်လီၤ.
လ့က့ၣ်သုးကလၢၤအံၤတချုးတၢ်ထီၣ်န့ၢ်ဒံးဝဲဘၣ်အခါ သုးနီၣ်ဂံၢ်ကအိၣ်ဝဲ(၄၆)ဂၤခိၣ်ဃၢၤဒီး တၢ်ဒုးအပူၤခီဖျိသံဘၣ်ဒိဘၣ်ထံး, တၢ်ဖီၣ်န့ၢ်ဝဲအိၣ်တနီၤလံအဃိ ပယီၤသုလၢဃ့ၢ်ပူၤဖျဲးထီၣ်လၢသုးကလၢၤပူၤတဖၣ် တၢ်လူၤဖီၣ်အီၤတန့ၢ်ဒံးဘၣ်ကအိၣ်တ့ၢ်ဝဲအဂၤ (၂၀)ဘျဲၣ်ဒီး ပှၤသ့ၣ်တဖၣ်အံၤတၢ်ဆဲးလူၤဃုဝဲအဖၢမုၢ်အဂ့ၢ်န့ၣ် သ့ၣ်ညါဘၣ်လၢ(သုးက့)ပှၤဘၣ်မူဘၣ်ဒါအအိၣ်န့ၣ်လီၤ.
ဒ်န့ၣ်အသိးလၢသုးကလၢၤတၢ်ဒုးဘျီဝဲအံၤအပူၤပယီၤသုးသံဘၣ်ဒိဘၣ်ထံးအမဲၥ်ညါ (ABSDF)အပှၤ ၃ ဂၤ, ဝ့ၢ်တကူၣ်(ပကဖ) သုးကျိၤအပှၤတဂၤ, (UOC)သုးကျိၤအပှၤတဂၤ ပၥ်ဖှိၣ်ခဲလၢၥ်(၅)ဘၣ်ဟ့ၣ်လီၤကွံၥ်အသးသမူလၢ ထံကီၢ်ဒီး ပှၤကလုၥ်ဂီၢ် အဂ့ၢ်န့ၣ် သ့ၣ်ညါဘၣ်န့ၣ်လီၤ.
တကီၢ်ခါခဲအံၤစးထီၣ်လၢလ့က့ၣ်သုးကလၢၤလီၤဝံၤတးပီသုးကလၢၤလၢအိၣ်ဘူးဝဲဒီးလ့က့ၣ်အံၤလၢတၢ်ကမၤဖျိးကွံၥ်ဝဲအဂီၢ် တၢ်ဆဲးထီၣ်ကဒီးဝဲသုးကလၢၤအံၤအဃိ တုၤလၢခဲအံၤတၢ်ဒုးတၢ်ယၤဆဲးကဲထီၣ်ဝဲအဖၢမုၢ်အဂ့ၢ်န့ၣ် (သုးက့)ပှၤဘၣ်မူ ဘၣ်ဒါ စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
လၢတၢ်န့ၣ်အဃိတးပီးသုးကလၢၤလၢဟီၣ်ကဝီၤသုးပၥ်ဖှိၣ်ဆဲးထီၣ်ဝဲခဲအံၤသုတလီၤကဒီးတဂ့ၤအဂီၢ်န့ၣ် တုၤလၢမဟါလါအ့ဖြ့ၣ် ၁၃ သီတစု သုးမီၤစိရိၤကဘီယူၤလဲၤခးလီၤဝဲတၢ်လၢသုးကလၢၤအခိၣ်အဃၢၤတပယူၥ်ဃီအဃိ တၢ်ဟးဂူၥ်ဟးဂီၤစ့ၢ်ကီးကဲထီၣ် အိၣ်ဝဲအဂ့ၢ်န့ၣ် သ့ၣ်ညါဘၣ်န့ၣ်လီၤ.
