ခံသီအတီၢ်ပူၤ ကဘီယူၤအဃိမုၢ်တြီၢ်ကီၢ်ရ့ၣ်ဒီးဘျံးဒဝဲၢ်ကီၢ်ရ့ၣ်ပူၤ ကမျၢၢ်ဃုၥ်ဒီးဖိသၣ်ဆံးသံ(၉)ဂၤဒီးဘၣ်ဒိတစှၤန့ၢ်(၉)ဂၤ
လါမးရှး ၉ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)ဒီးဘျံးဒဝဲၢ်ကီၢ်ရ့ၣ်(သုးက့ ၄)တၢ်ပၢဟီၣ်ကဝီၤအပူၤ ခီဖျိလၢသုးမီၤစိရိၤအကဘီယူၤအံၤအဃိ ခံသီအတီၢ်ပူၤ ကမျၢၢ်ဃုၥ်ဒီးဖိသၣ်ဆံးသံ(၉)ဂၤဒီးဘၣ်ဒိဘၣ်ထံးတစှၤန့ၢ်(၉)ဂၤ အဂ့ၢ်န့ၣ် ကီၢ်ရ့ၣ်တၢ်ကစီၣ်ထုးထီၣ်ပၥ်ဖျါဒီး လီၢ်ကဝီၤကကမျၢၢ် စံးဝဲအသိးသ့ၣ်ညါဘၣ်န့ၣ်လီၤ. ဖဲတနံၤအံၤလါမးရှး ၉ သီ မုၢ်ထူၣ် ၁၂း၃၀ နၣ်ရံၣ်အဆၢကတီၢ် သုးမီၤစိရိၤ(jet fighter)ကဘီယူၤ လဲၤတ့ၢ်လီၤဝဲပီၣ်(၅၀၀)မ့ၣ်ပိၢ် ၂ ဖျၢၣ်လၢ ဘျံးဒဝဲၢ်ကီၢ်ရ့ၣ်(သုးက့ ၄)လၢၢ်မုၢ်လါကီၢ်ဆၣ်ဟီၣ်ကဝီၤ တဖံၣ်လ့ခိၣ်သဝီအပူၤန့ၣ်လီၤ. ခီဖျိလၢကဘီယူၤအံၤအဃိ ကမျၢၢ်သံဝဲ(၆)ဂၤအကျါပၣ်ဃုၥ်ဝဲဖိသၣ်ပိၥ်ခွါ(၁၁)နံၣ်ဆူဖီလၥ်(၂)ဂၤ,ဖိသၣ်ပိၥ်မုၣ်(၆)နံၣ် တဂၤ အမဲၥ်ညါပှၤဘၣ်ဒိဘၣ်ထံးဝဲ(၃)ဂၤန့ၣ်စ့ၢ်ကီးမ့ၢ်ဝဲဖိသၣ်(၁၃)နံၣ်ဆူဖီလၥ်သ့ၣ်တဖၣ်အဂ့ၢ်န့ၣ် ဘျံးဒဝဲၢ်ကီၢ်ရ့ၣ်လံၥ်တၢ်ပၥ်ဖျါအပူၤ ပၥ်ဖျါဝဲန့ၣ်လီၤ. ဒ်ခ့ၣ်အဲၣ်ယူၣ်စံးဝဲအသိးန့ၣ် တဖံၣ်လ့ခိၣ်သဝီလၢကဘီယူၤလဲၤတ့ၢ်လီၤမ့ၣ်ပိၢ်ခဲအံၤန့ၣ်အိၣ်တဘူးလိၥ်အသးဒီး တၢ်ဒုးတၢ်ယၤ ကဲထီၣ်အလီၢ်ဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ. ဘျံးဒဝဲၢ်ကီၢ်ရ့ၣ်(သုးက့ ၄)အမဲၥ်ညါ ဖဲတနံၤအံၤလါမးရှး ၉ သီ မုၢ်ဃ့ၢ်လီၤ ၂း၀၀ နၣ်ရံၣ်ဃၣ်ဃၣ်အဆၢကတီၢ်န့ၣ်စ့ၢ်ကီး လၢမုၢ်တြီၢ်ကီၢ်ရ့ၣ်(သုးက့ ၅)လူၤသီကီၢ်ဆၣ် တ့မုၢ်ဒၢကရူၢ်အပူၤ သုးမီၤစိရိၤကဘီယူၤလဲၤခးလီၤတၢ်လၢတၢ်လီၢ်(၄)တီၤအဃိ ဘၣ်သံဝဲကမျၢၢ်(၂)ဂၤဒီးဘၣ်ဒိဘၣ်ထံးတစှၤန့ၢ်(၅)ဂၤအဂ့ၢ်န့ၣ် လီၢ်ကဝီၤပှၤဘၣ်မူဘၣ်ဒါစံးဝဲန့ၣ်လီၤ. ဒ်န့ၣ်အသိးတချုးတၢ်ကဲထီၣ်သးအံၤဘၣ်ဖဲလါမးရှး ၇ သီဒီး ၈ သီအနံၤန့ၣ်စ့ၢ်ကီး သုးမီၤစိရိၤ(jet fighter)ကဘီယူၤ လဲၤတ့ၢ်လီၤဒံးဝဲ မ့ၣ်ပိၢ်လၢ...
KNU ဟီၣ်ကဝီၤ(၅)နံၣ်အတီၢ်ပူၤကျိဖးဒိၣ်,ကဘီယူၤဒီးဟီၣ်လၥ်မ့ၣ်ပိၢ်အဃိ ကမျၢၢ်သံ(၁၂၀၀)ဘျဲၣ်အကျါ ပိၥ်မုၣ်ပၣ်ဃုၥ်ဝဲ (၅၀၀)ဘျဲၣ် အဂ့ၢ် KWO စံးဝဲ
လါမးရှး ၉ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်ပၢဟီၣ်ကဝီၤအပူၤ သုးဟံန့ၢ်တၢ်စိတၢ်ကမီၤ(၅)နံၣ်အတီၢ်ပူၤအံၤ ခီဖျိလၢသုးမီၤစိရိၤ အကျိဖးဒိၣ်,ကဘီယူၤဒီးဟီၣ်လၥ်မ့ၣ်ပိၢ်အံၤအဃိ လီၢ်ကဝီၤကမျၢၢ်သံပၥ်ဖှိၣ်အိၣ်ဝဲ(၁၂၀၀)ဘျဲၣ်ဒီးဖဲန့ၣ်အကျါပိၥ်မုၣ်ပိၥ်မၢၤပၣ် ဃုၥ်ဝဲအဂၤ(၅၀၀)ဘျဲၣ်အဂ့ၢ်န့ၣ် လီၢ်ခၢၣ်သးကညီပိၥ်မုၣ်ကရၢ(KWO)အလံၥ်တၢ်ပၥ်ဖျါအပူၤစံးဝဲန့ၣ်လီၤ. စးထီၣ်လၢ(၂၀၂၁)သုးဟံန့ၢ်တၢ်စိတၢ်ကမီၤဝံၤတုၤလၢ(၂၀၂၅)အံၤန့ၣ် လၢကီၢ်ရ့ၣ်/သုးက့(၇)ဘ့ၣ်တၢ်ပၢအပူၤ ပယီၤသုးသူ ကဘီယူၤလဲၤတ့ၢ်လီၤဝဲမ့ၣ်ပိၢ်ခဲလၢၥ်အိၣ်ဝဲ(၃၄၈၀)ဘျီ,ခးလီၤတၢ်လၢကျိဖိ(၄၄၆၈၈)ဘျီ,ခးလီၤတၢ်စုကဝဲၤလၢ မူဖးဖီဆူ ဟီၣ်ခိၣ် လိၤကဲထီၣ်(၁၂၉၀၇),ခးလီၤမ့ၣ်ပိၢ်လၢဒူသဝီတၢ်ဖံးအီၣ်မၤအီၣ်လီၢ်ကဲထီၣ်(၃၇၈)ဘျီအဂ့ၢ်န့ၣ် လံၥ်တၢ်ပၥ်ဖျါအပူၤ ပၥ်ဖျါဝဲလီၤ တံၢ်လီၤ ဆဲးန့ၣ်လီၤ. ခီဖျိလၢသုးမီၤစိရိၤအတၢ်မၤကမၣ်ပှၤဂ့ၢ်ဝီခွဲးယၥ်တၢ်ဟူးတၢ်ဂဲၤသ့ၣ်တဖၣ်အံၤအဃိ ကမျၢၢ်သံဝဲ(၁၂၇၁)ဂၤ, ဘၣ်ဒိဘၣ်ထံး ဝဲ(၂၉၁၃)ဂၤဒီး ဒ်န့ၣ်အသိးပှၤသံ(၁၂၀၀)ဘျဲၣ်အံၤအကျါပၣ်ဃုၥ်ဝဲပိၥ်မုၣ်ပိၥ်မၢၤ(၅၁၄)ဂၤဒီးဘၣ်ဒိဘၣ်ထံး (၂၉၀၀)ဘျဲၣ်အကျါ စ့ၢ်ကီးပၣ်ဃုၥ်ဝဲပိၥ်မုၣ်(၁၂၀၆)ဂၤအဂ့ၢ်န့ၣ် စံးဝဲန့ၣ်လီၤ. ဘၣ်ဃးဒီးတၢ်ဂ့ၢ်အံၤ(KWO)နဲၣ်ရွဲၣ်သဃဲၤ-၁ နီၢ်ဒါမုၣ် စံးဝဲလၢ“ပတၢ်ပၥ်ဖျါတဘ့ၣ်အံၤစးထီၣ်ဖဲ(၂၀၂၁)သုးဟံန့ၢ် တၢ်စိတၢ်ကမီၤ ဝံၤလီၢ်ခံ တုၤလၢ(၂၀၂၅)မီၤနီၤ.ဒ်သိးပထၢဖှိၣ်မၤနီၣ်ဃၥ်တၢ်မၤနီၣ်မၤဃါအပူၤန့ၣ် လၢကီၢ်သူၤလ့ၤဟီၣ်ကဝီၤအပူၤပှၤသံ ဘၣ်ဒိ ဘၣ်ထံးလၢကျိဖးဒိၣ်ဒီးကဘီယူၤအဃိန့ၣ်ပှၤသံ(၁၀၀၀)ဘျဲၣ်အကျါန့ၣ်ပၣ်ဃုၥ်ပိၥ်မုၣ်၅၁၄)ဂၤလီၤ.ပမ့က့ၤကွၢ်ကဒါပှၤသံတဖၣ်အံၤပှၤနီၢ်ဒိၣ်ကပၣ်ဃုၥ်,ပိၥ်မုၣ်ဖိသၣ်သ့ၣ်တဖၣ်န့ၣ်ကပၣ်ဃုၥ်ဝဲလီၤ. နမ့က့ၤကွၢ်လၢ(၅)နံၣ်အတီၢ်ပူၤအံၤန့ၣ်ပိၥ်မုၣ်နီၢ်ဒိၣ် ,ဖိသၣ်မုၣ်ဘၣ်သံအိၣ်ဒီဒူၣ်ညါအဃိပဟီၣ်ကဝီၤပူၤအံၤတၢ်မုၥ်တၢ်ခုၣ်တအိၣ်ဘၣ်အမဲၥ်ညါတၢ်ဘံၣ်တၢ်ဘၢစ့ၢ်ကီးတအိၣ်ဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်ဖဲမဟါအနံၤန့ၣ် လီၤ. ဒ်န့ၣ်အသိးခီဖျိကျိဖးဒိၣ်,ကဘီယူၤအမဲၥ်ညါပယီၤသုးအတၢ်ဒွဲၣ်အူအီၣ်အံၤအဃိ ကီၢ်ရ့ၣ်/သုးက့(၇)ဘ့ၣ်အပူၤ ကမျၢၢ်ဟံၣ်တၢ် သူၣ်ထီၣ်ဒီးခ့ၣ်အဲၣ်ယူၣ်ပဒိၣ်အတၢ်သူၣ်ထီၣ်ဟးဂီၤကွံၥ်ခဲလၢၥ်(၃၈၀၅)ဖျၢၣ်အသိး စံၥ်အလီၢ်(၉၀)ဟးဂီၤဃုၥ်ဝဲအဂ့ၢ်န့ၣ် (KWO)လံၥ်တၢ်ပၥ်ဖျါအပူၤ ပၥ်ဖျါဃုၥ်ဝဲန့ၣ်လီၤ. သုးမီၤစိရိၤအံၤအပူၤကွံၥ်မ့သူဝဲဒၣ်ထဲလၢကျိဖးဒိၣ်,ကဘီယူၤလီၤဘၣ်ဆၣ်လီၢ်ခံအံၤသူအါထီၣ်ဃုၥ်ဝဲမ့ၣ်ပိၢ်လၢအပၣ်ဃုၥ်ဒီး တၢ်စုၣ်တၢ်ပျၢ်အံၤဟဲအါထီၣ်ဝဲတကးဒံးဘၣ်လၢကလုၥ်ဒူၣ်ဟီၣ်ကဝီၤတဖၣ်အပူၤလၢကဘီယူၤအံၤတဆီဟးခးလီၤတၢ်အိၣ်ဝဲကိးမုၢ်နံၤဒဲးတုၤလၢခဲအံၤတစုအဂ့ၢ်န့ၣ် (KWO)နီၢ်ဒါမုၣ် စံးအါထီၣ်ဝဲန့ၣ်လီၤ. “ပမ့ကွၢ်လၢစးထီၣ်လၢ(၂၀၂၁)တုၤလၢခဲအံၤန့ၣ်အပူၤကွံၥ်သူဝဲဒၣ်ကျိဖးဒိၣ်,ကဘီၤယူၤသနါက့လၢခံန့ၣ်သူဝဲပၣ်ဃုၥ်ဒြိသ့ၣ်တဖၣ်. ခဲအံၤပမ့ၢ်ကွၢ်အဟဲခးလီၤတၢ်ခဲအံၤန့ၣ်တမ့ၢ်ယိယိလၢၤဘၣ်သူဃုၥ်ဝဲတၢ်စုၣ်တၢ်ပျၢ်သ့ၣ်တဖၣ်မီၤနီၤ.နဆိမိၣ်အဝဲသ့ၣ်မၤတၢ်အံၤကလီၤစှၤနမ့က့ၤကွၢ်က့ၤတနံၤတနံၤန့ၣ်ကဘီယူၤဟးထီၣ်အိၣ်ဒီဒူၣ်တနံၤန့ၣ်တဘျီတခီၣ်အဟးထီၣ်ကအိၣ်လၢအဝီ(၂၀)ဘျဲၣ်ညါ. အဃိန့ၣ်နကဆိမိၣ်လၢပယီၤသုးကဘီယူၤန့ၣ်တဟးခးလီၤတၢ်လၢကလုၥ်ဒူၣ်ဟီၣ်ကဝီၤအပူၤလၢၤဘၣ်န့ၣ်တမ့ၢ်ဘၣ်ကိးနံၤဒဲးဃၣ်ဃၣ်န့ၣ်အိၣ်ဒံးတုၤလၢခဲအံၤလီၤ”အဂ့ၢ်န့ၣ် စံးဝဲန့ၣ်လီၤ. ပယီၤသုးအံၤလၢတၢ်(၅)နံၣ်အတီၢ်ပူၤအံၤစ့ၢ်ကီးဖဲအဝဲသ့ၣ်နုၥ်လီၤလၢသဝီပူၤအိၣ်ဆီလီၤသးအံၤအခါ မၢဆူၣ်ဝဲသဝီလၢကမၤန့ၢ် အတၢ်မၤ, မၢအဝံပီၤတၤဒီးမၢဆူၣ်ကဲသုးလၢတအိၣ်ဒီးနီၢ်ကစၢ်တၢ်ဘၣ်အံၤတဖၣ်စ့ၢ်ကီးကဲထီၣ်ဝဲ(၁၀၈)ဘျီအသိး ဟုၣ်တၢ်, မၤဟး...
(သုးက့ ၃)ဟီၣ်ကဝီၤပယီၤသုးကျိၤလၢနုၥ်လီၤတဖၣ်အတၢ်ဟူးတၢ်ဂဲၤအဃိကမျၢၢ်သံ(၃၀)ဘျဲၣ်ဒီးဖီၣ်ဃၥ်ဝဲ(၁၀၀)ဘျဲၣ်
လါမးရှး ၉ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ချၢၣ်လွံၢ်ထူၣ်ကီၢ်ရ့ၣ်(သုးက့ ၃)လၢၢ်ဒိၣ်ကီၢ်ဆၣ်အပူၤ ပယီၤသုးကျိၤလၢအနုၥ်လီၤတဖၣ်အံၤခီဖျိအဝဲသ့ၣ်တၢ်ဟူး တၢ်ဂဲၤအံၤအဃိ ကမျၢၢ်သံဝဲ(၃၀)ဘျဲၣ်အမဲၥ်ညါဖီၣ်ဃၥ်ဝဲကမျၢၢ်အဂၤ(၁၀၀)ဘျဲၣ်အဂ့ၢ်န့ၣ် လီၢ်ခၢၣ်သးခ့ၣ်အဲၣ်ယူၣ်ထုးထီၣ် ပၥ်ဖျါ ဝဲဖဲတနံၤအံၤမုၢ်ဃ့ၢ်လီၤအခါ န့ၣ်လီၤ. ဖဲလါမးရှး ၅ သီအနံၤန့ၣ် ပယီၤသုးခီၣ်ချ့သုးရ့ၣ်(ခမရ-၂၀/ခမရ-၄၃၉)ဒီးခီၣ်သုးရ့ၣ်(ခလရ-၂၆၄)သုးရ့ၣ်သ့ၣ်တဖၣ်အံၤပၥ်ဖှိၣ်ထီၣ် သးနုၥ်လီၤဝဲလၢယ့ၤတွ့ကိ(ရေတွင်းကုန်း)ကရူၢ်ပူၤဝံၤ ဖီၣ်ဝဲကမျၢၢ်(၁၆၀)ဂၤလၢတၢ်ဂ့ၢ်တအိၣ်နီတမံၤအံၤဘၣ်အဂ့ၢ်န့ၣ် ခ့ၣ်အဲၣ်ယူၣ် စံးဝဲန့ၣ်လီၤ. တကတီၢ်ဃီတၢ်ကဲထီၣ်သးဖဲန့ၣ်ဝံၤလါမးရှး ၇ သီအနံၤန့ၣ် ပယီၤသုးကျိၤသုးပၥ်ဖှိၣ်လၢအနုၥ်လီၤသ့ၣ်တဖၣ်အံၤဒီး ဟီၣ်ကဝီၤ ကညီဒီကလုၥ်တၢ် ထူၣ်ဖျဲးသုးမုၢ်ဒိၣ်(KNLA)အဘၢၣ်စၢၤတၢ်ဒုးကဲထီၣ်ဝဲဒီး ဖဲန့ၣ်ပယီၤသုးတကပၤခီဖျိသူဝဲဒြိ, ကဘီယူၤစ့ၢ်ကီး ဟဲခးလီၤတၢ်လၢယ့ၤတွ့ကိကရူၢ် ဒူသဝီပူၤအဃိ ကမျၢၢ်လၢတၢ်ဖီၣ်ဃၥ်ဝဲတဖၣ်သံဝဲ(၂၅)ဂၤန့ၣ်လီၤ. တကးဒံးဘၣ်ကမျၢၢ်လၢတၢ်ဖီၣ်ဃၥ်ဝဲသ့ၣ်တဖၣ်အံၤအကျါ(၅)ဂၤန့ၣ် ပယီၤသုးမၤသံကွံၥ်ဝဲစ့ၢ်ကီးအဂ့ၢ်န့ၣ် ခ့ၣ်အဲၣ်ယူၣ် လံၥ်တၢ်ပၥ်ဖျါ အပူၤပၥ်ဖျါဝဲန့ၣ်လီၤ. ဘၣ်ဃးတၢ်ဂ့ၢ်ကဲထီၣ်သးလၢပယီၤသုးကျိၤနုၥ်လီၤမၤသံဒီးဖီၣ်ဝဲကမျၢၢ်တၢ်ဂ့ၢ်အံၤန့ၣ် ကီၢ်ရ့ၣ်ပှၤဘၣ်မူဘၣ်ဒါတဂၤစံးဝဲလၢ“ခဲအံၤ လၢချၢၣ်လွံၢ်ထူၣ်တကပၤအံၤတၢ်အိၣ်သးဃံးဒိၣ်မးလီၤ.ပယီၤသုးနုၥ်လီၤအါအါဂီၢ်ဂီၢ်လၢဒူသဝီပူၤဒီးဖီၣ်ဆူၣ်,တီၢ်သံခးသံဝဲအိၣ်လီၤ.ခဲအံၤပယီၤသုးအိၣ်ဒံးလၢသဝီပူၤဒံးလီၤ.ထဲပယီၤသုးမၤသံဝဲန့ၣ်အိၣ်လၢအဂၤ(၃၀)ဘျဲၣ်လံ.ဖီၣ်ဝဲန့ၣ်အိၣ်လၢအကယၤဘျဲၣ်ညါ.ကမျၢၢ်လၢအဖီၣ်ဝဲတဖၣ်န့ၣ်တနီၤန့ၣ်အဝဲသ့ၣ်ဆှၢထီၣ်ဝဲဆူအသုးကလၢၤပူၤဒီးတနီၤန့ၣ်ပၥ်ဝဲလၢသဝီပူၤဒံးလီၤ.” အဂ့ၢ်န့ၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်ဖဲတဟါအံၤန့ၣ်လီၤ. ဘၣ်ဃးဒီးပယီၤသုးကျိၤနုၥ်လီၤဖီၣ်မၤသံကမျၢၢ်တၢ်ဂ့ၢ်အံၤဒ်ကညီဆီၣ်ထွဲမၤစၢၤတၢ်မုၥ်တၢ်ခုၣ်ပှၥ်ဘျးစဲကရူၢ်(KPSN)ထုးထီၣ်ပၥ်ဖျါဝဲဖဲတနံၤ အံၤအသိးန့ၣ် ခီဖျိလၢဒြိဒီးကဘီယူၤအံၤအဃိ ပှၤသံ(၂၀)ဘျဲၣ်အံၤအကျါပၣ်ဃုၥ်ဝဲဖိသၣ်(၆ နံၣ်တုၤ ၁၅)နံၣ်အဘၢၣ်စၢၤ ၁၃ ဂၤ အဂ့ၢ်န့ၣ် စံးဝဲန့ၣ်လီၤ. တကီၢ်ခါခဲအံၤခီဖျိလၢပယီၤသုးကျိၤနုၥ်လီၤတၢ်ဒုးကဲထီၣ်ဒီးကဘီယူၤ,ဒြိအမဲၥ်ညါပယီၤသုးမၤသံကမျၢၢ်ဖီၣ်ဒီးမၤသံကမျၢၢ်အိၣ်ထီၣ်ဒ်အံၤ အဖီခိၣ်ယ့ၤတွ့ကိဃုၥ်ဒီးဒူသဝီလၢအိၣ်ဘူးဖဲန့ၣ်သ့ၣ်တဖၣ်ပျံၤတၢ်ဃ့ၢ်ထီၣ်ဝဲအါအါဂီၢ်ဂီၢ်အဂ့ၢ်န့ၣ် ကီၢ်ရ့ၣ်ပှၤဘၣ်မူဘၣ်ဒါစံးဝဲ အသိး သ့ၣ်ညါဘၣ်န့ၣ်လီၤ. သုးမီၤစိရိၤအံၤလီၤဆီဒၣ်တၢ်အဝဲသ့ၣ်မၤဝဲတၢ်ဃုထၢဝံၤလီၢ်န့ၣ် လုၢ်သ့ၣ်ခါပတၥ်မၤကမၣ်ဝဲပှၤဟီၣ်ခိၣ် ဖိခွဲးယၥ်ဟဲ အါထီၣ်ဝဲဖျိဖျိဖျါဖျါအဂ့ၢ်န့ၣ်...
ကီၢ်ကၠီၣ်တဲၣ်ပူၤပှၤလၢအိးထီၣ်န့ၢ်ဝဲပှၤဂၤ(SIM)လၢနီၢ်ကစၢ်ခိၣ်ဂီၤသ့ၣ်တဖၣ်လီၤဘၣ်ဃိၥ်ပူၤ(၃)နံၣ်သ့ဝဲ
လါမးရှး ၉သီ, ၂၀၂၆နံၣ်, ခ့ၣ်အဲးစံၣ်, ကီၢ်ကၠီၣ်တဲၣ်အပူၤပှၤလၢအိးထီၣ်န့ၢ်ဝဲပှၤဂၤ(SimCard)လၢအနီၢ်ကစၢ်ခိၣ်ဂီၤသ့ၣ်တဖၣ်အံၤလီၤဘၣ်ဝဲလၢဃိၥ်ပူၤ(၃)နံၣ်သ့ဝဲဒၣ်အဂ့ၢ်,ကၠီၣ်တဲၣ်ပဒိၣ်စံးဝဲအဂ့ၢ်,ကၠီၣ်တဲၣ်တၢ်ကစီၣ်သန့တဖၣ်ပၥ်ဖျါထီၣ်ဝဲဒၣ်ဖဲမဟါလါမးရှး(၈)သီအနံၤန့ၣ်လီၤ. ဒ်ကၠီၣ်တဲၣ်တၢ်ဘျၢသဲးစးအိၣ်ဝဲအသိးန့ၣ်,ပှၤလၢအိးထီၣ်န့ၢ်ဝဲပှၤဂၤ(SimCard)လၢအနီၢ်ကစၢ်မံၤဒီးခိၣ်ဂီၤသ့ၣ်တဖၣ်အံၤတၢ်ဟံးထီၣ်ဝဲအရ့လၢကဘၣ်လီၤလၢဃိၥ်ပူၤအစှၤကတၢၢ်(၃)နံၣ်ဒီးကဘၣ်ဟ့ၣ်ဝဲစ့အီၣ်လိးအစှၤကတၢၢ်(၃၀၀၀၀၀)ဘးသ့အဂ့ၢ်,ကၠီၣ်တဲၣ်ပဒိၣ်ဟ့ၣ်ပလီၢ်ပၥ်ဖျါထီၣ်ဝဲဒၣ်န့ၣ်လီၤ. လၢန့ၣ်အမဲၥ်ညါ,ပှၤလၢအက့ၤမၤဆါ,ငါဒိးလဲလီၤ,ဟ့ၣ်လိၢ်ဒုးလိၢ်,ဘိးဘၣ်ရၤလီၤ,ကွဲန့ၢ်လွဲန့ၢ်ဝဲပှၤဂၤလၢအကပှ့ၤဝဲ(SimCard)တဆီသ့ၣ်တဖၣ်အံၤတၢ်ကဟံဝဲအရ့အါန့ၢ်ပှၤအိးထီၣ်တၢ်ဖိသ့ၣ်တဖၣ်ဒီးကဟံဝဲအရ့လၢတၢ်လၢကဘၣ်လီၤဝဲဃိၥ်(၅)နံၣ်,ဒီးစ့အီၣ်လိး(၅၀၀၀၀၀)ဘးအဂ့ၢ်,ပၥ်ဖျါစ့ၢ်ကီးဝဲဒၣ်န့ၣ်လီၤ. တၢ်အိးထီၣ်န့ၢ်ဝဲပှၤဂၤ(SimCard)လၢနီၢ်ကစၢ်ခိၣ်ဂီၤအံၤကဲထီၣ်ဝဲစဲးဖီကဟၣ်ပီညါတၢ်သ့တၢ်ဘၣ်တၢ်မၤဆူၣ်မၤစိးတခါဒီးဘၣ်ထွဲဘၣ်ဃးဝဲဒီးထံကီၢ်တၢ်ဒီသဒၢအိၤလဲတၢ်မၤကမၣ်ကွီၢ်မ့ၣ်သဲးစးတၢ်ဘျၢအဃိ,မ့ၢ်တၢ်လၢအလီၤဘၣ်ယိၣ်ဖးဒိၣ်တခါအဂ့ၢ်,ကၠီၣ်တဲၣ်ပဒိၣ်ကမျၢၢ်တၢ်ရ့လိၥ်ဘၣ်ထွဲဝဲၤကျိၤပှၤကတိၤတၢ်ပၢမူဒါခိၣ်(၂)မံၣ်စ်(AirinPhanrit)ကတိၤပၥ်ဖျါဝဲဒၣ်လၢကၠီၣ်တဲၣ်တၢ်ကစီၣ်အပူၤန့ၣ်လီၤ. တၢ်အိးထီၣ်န့ၢ်ဝဲပှၤဂၤ(SimCard)လၢနီၢ်ကစၢ်မံၤသၣ်ခိၣ်ဂီၤအံၤတၢ်ဃုထံၣ်သ့ၣ်ညါဘၣ်ဝဲလၢကၠီၣ်တဲၣ်ထံဖိကီၢ်ဖိတနီၤပၣ်ဃုၥ်ပၣ်ဂီၢ်ဝဲဒၣ်အဂ့ၢ်,ကၠီၣ်တဲၣ်တၢ်ကစီၣ်သန့ၣ်တဖၣ်ပၥ်ဖျါဝဲဒၣ်န့ၣ်လီၤ. ဒီးခီဖျိတၢ်အိးထီၣ်(SimCard)အယိၥ်အဘျၣ်ဒီး(CallCenter)တၢ်လံၣ်အီၣ်လီအီၣ်ကျိၣ်စ့တၢ်ဖံးတၢ်မၤတဖၣ်အဃိ,ဘၣ်ဒိဘၣ်ထံးဘၣ်နးဝဲထံဖိကီၢ်ဖိကမျၢၢ်တဖၣ်အဂ့ၢ်,ကၠီၣ်တဲၣ်တၢ်ကစီၣ်သန့ၣ်တဖၣ်ပၥ်ဖျါဝဲဒၣ်န့ၣ်လီၤ. ဒ်န့ၣ်အသိး,ကၠီၣ်တဲၣ်ပဒိၣ်အတၢ်ထုးထီၣ်ဟ့ၣ်ပလီၢ်အံၤမ့ၢ်တၢ်ဒီသဒၢဝဲတၢ်သူလံၣ်အီၣ်လီအီၣ်ဝဲပှၤဂၤ(SimCard)ဒီးမ့ၢ်တၢ်မၤထီဒါဝဲ(ကၠါဖၠၣ်)တၢ်လံၣ်အီၣ်လီတၢ်မၤရဲၣ်ကျဲၤတခါအဂ့ၢ်,ဘိးဘၣ်ပၥ်ဖျါဝဲဒၣ်စ့ၢ်ကီးန့ၣ်လီၤ.
(KTLA)ဖီၣ်မၤသံဝဲ သုးရ့ၣ်-၁၂ အပှၤတဂၤဒီးကီၢ်ဆၣ်ပှၤမၤတၢ်ဖိတဂၤအဂ့ၢ်န့ၣ် KNU ယူၣ်စံးဝဲ
လါမးရှး ၈ သီ, ၂၀၂၆ နံၣ်, ခ့ၣ်အဲးစံၣ် လၢခ့ၣ်အဲၣ်ယူၣ် ဘျံးဒဝဲၢ်ကီၢ်ရ့ၣ်(သုးက့ ၄)ကစၢၢ်ဒိၣ်ကီၢ်ဆၣ်အပူၤ ဖဲမဟါအနံၤန့ၣ် ကီၢ်သူလ့ၤသုးမုၢ်ဒိၣ်(KTLA)အပှၤ ဖီၣ်မၤသံဝဲ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးရ့ၣ်-၁၂ အပှၤတဂၤဒီးကီၢ်ဆၣ်ပှၤမၤတၢ်ဖိတဂၤ အဂ့ၢ်န့ၣ် ကီၢ်ရ့ၣ်တၢ်ကစီၣ် ထုးထီၣ်ပၥ်ဖျါဝဲဖဲမဟါအနံၤန့ၣ်လီၤ. ဖဲမဟါလါမးရှး ၇ သီ ဂီၤခီ ၂း၀၀ နၣ်ရံၣ်အဆၢကတီၢ် လၢပီချိဟီၣ်ကဝီၤအပူၤ ဖဲ(KNLA)သုးရ့ၣ်-၁၂ အပှၤဒီး ကီၢ်ဆၣ် ပှၤမၤ တၢ်ဖိ(၂)ဂၤအံၤ အဝဲသ့ၣ်ဟံမူဒါလၢသုးဂ့ၢ်ဝီ,လီၢ်ကဝီၤတၢ်ဘံၣ်တၢ်ဘၢအဆၢကတီၢ် (KTLA)ကရူၢ်လၢအဘၣ်တၢ် တီခိၣ်ရိၣ် မဲအီၤ လၢ သုးခိၣ်စီၤအဲၣ်ခွံ(ကိး)ကီၤလၤဖိအံၤအပှၤတဖၣ် နုၥ်လီၤကဝီၤဖီၣ်သမူဝဲပှၤခံဂၤအံၤဝံၤမၤသံဝဲဆှူၣ်မဲၥ်ကဲၤမဲၥ်အဂ့ၢ်န့ၣ် ခ့ၣ်အဲၣ်ယူၣ် စံးဝဲန့ၣ်လီၤ. ဒ်ခ့ၣ်အဲၣ်ယူၣ်ကီၢ်ရ့ၣ်တၢ်ကစီၣ်တၢ်ဂီၤပူၤပၥ်ဖျါဝဲအသိးန့ၣ် သုးရ့ၣ်-၁၂ အပှၤဒီးကီၢ်ဆၣ်အပှၤခံဂၤအံၤတချုးတၢ်မၤသံဝဲဒံးဘၣ် အခါန့ၣ် ဖျါလီၤဂၥ်လၢတၢ်ကမၤဆါမၤဒၢၣ်မၤလီၤမၤပယွဲအဝဲသ့ၣ်နးနးကျံၤကျံၤဒီး အဖံးအဘ့ၣ်,အနၢ်ကု, အစုအခီၣ်မိၢ်ပှၢ်တနီၤ ဖျါလီၤဂၥ်လၢတၢ်ဒွဲၣ်ဝဲဒီးမ့ၣ်အူ,အဘ့ၣ်အိးလဲးထီၣ်အသးန့ၣ်လီၤ. တချုးတၢ်ဂ့ၢ်ကဲထီၣ်သးအံၤဒံးဘၣ်ဖဲအပူၤကွံၥ်လါမးရှး ၄ သီ ဟါခီ ၃း၀၀ နၣ်ရံၣ်အဆၢကတီၢ်န့ၣ်စ့ၢ်ကီး ဖဲ(KNLA) သုးရ့ၣ်-၁၂ အပှၤကလဲၤမၤပှဲၤအါထီၣ်အဂံၢ်ဘါလၢတၢ်ထီၣ်ပယီၤသုးကလၢၤပူၤအံၤအဂီၢ်ဖဲလဲၤတုၤဝဲလၢသမံပိၥ်သီသဝီဒီး ကနဲဃီသဝီ ဘၢၣ်စၢၤအခါ ဘၣ်တၢ်ခိးခးဒံးအဝဲသ့ၣ်လၢ(KTLA)သုးခိၣ်အဲၣ်ခွံအပှၤအံၤဒံးန့ၣ်လီၤ. တကးဒံးဘၣ်လၢသုးခိၣ်အဲၣ်ခွံအပှၤခိးခးဝဲဘျီဝဲန့ၣ်အဃိ (KNLA)သုးရ့ၣ်-၁၂ အပှၤသုးဖိ ဘၣ်ဒိဘၣ်ထံးဒံးဝဲ(၅)ဂၤ န့ၣ်လီၤ. ဘၣ်ဃးဒီးတၢ်ဂ့ၢ်ကဲထီၣ်သးဘျီဝဲန့ၣ် ထံၣ်ဘၣ်လၢသုးခိၣ်အဲၣ်ခွံတဲလီၤဝဲလၢ(social...
ပှၤလၢတီခိၣ်ရိၣ်မဲက့ၤပၥ်ဖှိၣ်မၤသကိးတၢ်ဒီး(DKBA)အံၤဘၣ်တၢ်ထုးထီၣ်တ့ၢ်အီၤလၢတၢ်ကရၢကရိပူၤလံအဂ့ၢ် PC စံးဝဲ
လါမးရှး ၇ သီ, ၂၀၂၆ နံၣ်, ခ့ၣ်အဲးစံၣ် ကရူၢ်အပှၤလၢအက့ၤမၤသကိးတၢ်ဒီးဘူးဒးကညီသုးမုၢ်ဒိၣ်(DKBA)အံၤအကျါပှၤလၢအတီခိၣ်ရိၣ်မဲတၢ်တဂၤန့ၣ် ဘၣ်တၢ်ထုး ထီၣ်တ့ၢ်ဃၥ်အီၤလၢ တၢ်ကရၢကရိပူၤလံ အဂ့ၢ်န့ၣ် ကညီတၢ်မုၥ်တၢ်ခုၣ်ကီၣ်ကးကရၢ(KNU/KNLA-PC) စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. ဖဲမဟါလါမးရှး ၆ သီအနံၤန့ၣ်လၢ(social media)အပူၤတၢ်ကစီၣ်ရၤလီၤသးလၢ ကညီတၢ်မုၥ်တၢ်ခုၣ်ကီၣ်ကးကရၢ (KNU/KNLA-PC)အပှၤ ၃၉ ဂၤ က့ၤပၥ်ဖှိၣ်မၤသကိးတၢ်ဒီး ဘူးဒးကညီသုးမုၢ်ဒိၣ်(DKBA)ကရူၢ်လၢအဘၣ်တၢ်တီခိၣ်ရိၣ်မဲအီၤ လၢသုးခိၣ်ဘိၤဘံၣ်အံၤန့ၣ်လီၤ. ဘၣ်ဃးကရူၢ်အပှၤက့ၤပၥ်ဖှိၣ်မၤသကိးတၢ်ဒီး(DKBA)အံၤအကျါလီၤဆီဒၣ်တၢ်ပှၤအခိၣ်လၢအတီခိၣ်ရိၣ်မဲတၢ်ပၣ်ဃုၥ်လၢ တၢ်က့ၤ ပၥ်ဖှိၣ်မၤသကိးတၢ်ဘျီဝဲအံၤအပူၤတဂၤန့ၣ် ဖဲအပူၤကွံၥ်စှၤလါအခါခီဖျိလၢအတၢ်ဆှၢထီၣ်ဆှၢလီၤ(ကၠါဖၠၣ်)အတၢ်ဖံးတၢ်မၤအဃိ ဘၣ်တၢ်ထုးထီၣ်တ့ၢ်ဃၥ်အီၤလၢတၢ်ကရၢကရိပူၤအဂ့ၢ်န့ၣ် (KNU/KNLA-PC) ပှၤကတိၤတၢ်ပၢ သုးခိၣ်ဒိၣ်စိ စီၤကၠီၤညိၣ် စံးဝဲ န့ၣ်လီၤ. “တၢ်ကစီၣ်ဟးထီၣ်တခါအံၤမ့ၢ်ဝဲဒၣ်အနီၢ်ကီၢ်လီၤ.လၢတၢ်ဂီၤအပူၤပှၤ(၃၉)ဂၤအကျါအခိၣ်တဂၤန့ၣ်ပသ့ၣ်ညါလီၤ.အခိၣ်တဂၤအံၤ ဖဲအပူၤကွံၥ်လါယနူၤအါရံၤအခါန့ၣ်ဘၣ်တၢ်ဟံန့ၢ်အီၤဂ့ၢ်ဝီခီဖျိလၢအဟးစိၥ်ဆှၢဝဲတရူး(ကၠါဖၠၣ်)မၤဘၣ်ဒိဝဲတၢ်ကရၢကရိအသူးသ့ၣ်လၤကပီၤတကးဒံးဘၣ်ဘၣ်ဃးလၢ(ကၠါဖၠၣ်)တၢ်ဖံးတၢ်မၤန့ၣ်လ့ၤတက့ၤတၢ်တမၤဝဲဘၣ်န့ၣ်တၢ်နဲၣ်လီၤဃၥ်အိၣ်ထီဘိလီၤ.အဃိဖဲအပူၤကွံၥ်လါနိၣ်ဝ့ဘၢၣ်အခါန့ၣ်ဘၣ်တၢ်ဖီၣ်အီၤဝံၤပှၤဆှၢထီၣ်လၢလီၢ်ခၢၣ်သးဝံၤဘၣ်တၢ်ဟံန့ၢ်ဂ့ၢ်ဝီဘၣ်တၢ်စံၣ်ညီအီၤလၢဘၣ်အိၣ်ဃိၥ်ပူၤ(၃)နံၣ်.တကးဒံးဘၣ်တဘျီဃီပှၤထုးထီၣ်ကွံၥ်အီၤလၢတၢ်ကရၢကရိပူၤဘၣ်အိၣ်က့ၤဒ်ကမျၢၢ်တဂၤအသိးမီၤ”အဂ့ၢ်န့ၣ် စံး ဘၣ်ခ့ၣ်အဲးစံၣ်-ကညီတၢ်ကစီၣ်ဖဲမဟါဟါခီအခါန့ၣ်လီၤ. သုးခိၣ်လၢအဘၣ်တၢ်ထုးထီၣ်တ့ၢ်ဃၥ်အီၤလၢတၢ်ကရၢကရိပူၤအံၤန့ၣ်မ့ၢ်ဝဲနီၣ်ဂံၢ်(၆)ဒုးယၤ သုးဂ့ၢ်ဝီခိၣ် သုးခိၣ်စိ စီၤမၠ့ၣ်စွ့ၤ သး နံၣ်အိၣ်ဒံးဒၣ်ထဲ(၃၀)ဘျဲၣ်ဒံးလီၤဒီး အဝဲန့ၣ် အိၣ်ဆိး ဝဲဒၣ်လၢနီၤလိၤ(နောင်လုံ)တကပၤအဂ့ၢ်န့ၣ် သ့ၣ်ညါဘၣ်လၢ (KNU/KNLA-PC)ပှၤဘၣ်မူဘၣ်ဒါအအိၣ်န့ၣ်လီၤ. လၢတၢ်စိၥ်ဆှၢတရူး(ကၠါဖၠၣ်)တၢ်ဖံးတၢ်မၤအံၤအဃိ သုးခိၣ်စိ စီၤမၠ့ၣ်စွ့ၤ အံၤ ဖဲအပူၤကွံၥ်(၂၀၂၅)လါနိၣ်ဝ့ဘၢၣ် တၢ်စံၣ်ညီၣ် လၢဘၣ်အိၣ်ဃိၥ်ပူၤ(၃)နံၣ်ဘၣ်ဆၣ် ဖဲအပူၤကွံၥ်တနံၣ်အံၤ(၂၀၂၆)လါဖ့ၤဘြူၤအါရံၤ ၁၁ သီ ကညီဒီကလုၥ်မုၢ်နံၤ လၢအမ့ၢ်စ့ၢ်ကီး (KNU/KNLA-PC)နံၣ်ဆၢက့ၤမုၢ်နံၤအခါန့ၣ် တၢ်မၤစှၤလီၤန့ၢ်အတၢ်ကမၣ်(၁)နံၣ်တဝၥ်အဃိ...
တၢ်ကြဲၢ်ကီၢ်ဆၣ်ဒူသဝီတနီၤအပူၤပယီၤသုးအိၣ်ဒံးအဃိကမျၢၢ်က့ၤဟံၣ်တဘူၣ်ဒံးဘၣ်အဂ့ၢ်န့ၣ် ပှၤဘၣ်မူဘၣ်ဒါစံးဝဲ
လါမးရှး ၆ သီ, ၂၀၂၆ နံၣ်, ခ့ၣ်အဲးစံၣ် လၢကထီၣ်ဟံန့ၢ်က့ၤခ့ၣ်အဲၣ်ယူၣ် ဖၣ်အၣ်ကီၢ်ရ့ၣ်(သုးက့ ၇)တၢ်ြကဲၢ်ကီၢ်ဆၣ်ပူၤ သုးကလၢၤတဖၣ်အဂီၢ် ပယီၤသုးလၢအဟဲထီၣ် ဟူးဂဲၤတဖၣ်အံၤဂုၤကဒါလီၢ်ခံလံဘၣ်ဆၣ် အိၣ်ဆီလီၤသးဒံးလၢသဝီတနီၤပူၤအဃိ ကမျၢၢ်သ့ၣ်တဖၣ်က့ၤဟံၣ်တဘူၣ်ဒံးဘၣ် အဂ့ၢ်န့ၣ် ကီၢ်ဆၣ်ပှၤဘၣ်မူဘၣ်ဒါစံးဝဲန့ၣ်လီၤ. စးထီၣ်ဖဲအပူၤကွံၥ်လါဖ့ၤဘြူၤအါရံၤ ၂၃ သီအနံၤန့ၣ် လၢကထီၣ်ဟံန့ၢ်က့ၤထံဆၢကီၢ်ဆၢတၤလဲၤ,မီၤဖိက့ၣ်,နီၢ်တယၢ်လူၢ် သုးကလၢၤသ့ၣ်တဖၣ်အံၤအဂီၢ် ပယီၤသုးလၢအိၣ်တၢ်ြကဲၢ်ဝ့ၢ်အံၤတဖၣ်ဖဲအလဲၤထီၣ်တုၤ(တီၤလိကၠီၤ)ကစၢၢ်ခီၣ်ထံးအံၤအခါ တၢ်ဒုးကဲထီၣ်ဝဲဒိၣ်ဒိၣ်မုၢ်မုၢ်ဒီးဟီၣ်ကဝီၤ(KNLA)သုးပၥ်ဖှိၣ်အဘၢၣ်စၢၤတုၤဝဲလၢ ၂၆ သီညါန့ၣ်လီၤ. ဒ်န့ၣ်အသိး ခီဖျိလၢတၢ်ဒုးတၢ်ယၤအံၤအဃိ စးထီၣ်ဖဲန့ၣ်တၢ်ြကဲၢ်ကရူၢ်ဒီးဖါကၣ်ကရူၢ်ပူၤကမျၢၢ်သ့ၣ်တဖၣ်ပျံၤတၢ်ဖုးတၢ် ဃ့ၢ်ထီၣ်ဝဲခဲလၢၥ် ဃၣ်ဃၣ်န့ၣ်လီၤ. တကးဒံးဘၣ်ပယီၤသုးလၢလဲၤတုၤဖဲ(တီၤလိကၠီၤ)တဖၣ်ခီဖျိသုးပၥ်ဖှိၣ်လဲၤခးအဝဲသ့ၣ်ဒီးတၢ်သံတၢ်ဘၣ်ဒိဘၣ်ထံးအိၣ်အဖီခိၣ် ဖဲလါဖ့ၤဘြူၤအါရံၤ ၂၇ သီ အနံၤန့ၣ်ပယီၤသုးဂုၤက့ၤအလီၢ်ခံဟဲက့ၤအိၣ်ဆီလီၤသးဖဲကကၠိသဝီ သီခါဖၠၣ် ဒီး ပနွဲၢ်ကျါသဝီကျဲမုၢ်ခိၣ် တုၤလၢ ခဲအံၤအဃိ ကမျၢၢ်လၢအဃ့ၢ်ထီၣ်တဖၣ်အါဒၣ်တက့ၢ်က့ၤဟံၣ်က့ၤဃီတဘူၣ်ဒံးဘၣ်ဒ်အံၤလီၤအဂ့ၢ်န့ၣ် သ့ၣ်ညါဘၣ် န့ၣ်လီၤ. ဘၣ်ဃးတၢ်ဂ့ၢ်အံၤ တၢ်ကြဲၢ်ကီၢ်ဆၣ်ခိၣ် ပဒိၣ်စီၤပလဲဒံၤဝါ စံးဝဲလၢ “လီၤဆီဒၣ်တၢ်တၢ်ကြဲၢ်ဒူသဝီဒီးပနွဲၢ်ကျါသဝီတဖၣ်န့ၣ် ပှၤစံၣ် ခဲလၢၥ်ဃၣ်ဃၣ်လီၤ.အိၣ်က့ၤဒၣ်သူၣ်က့သးပှၢ်,တၢ်အိၣ်ဖှိၣ်သရၣ်ဒ်န့ၣ်လီၤ. မုၢ်ဆါခါန့ၣ်ပှၤတနီၤကိးထီၣ် လီၤသးက့ၤကွၢ် ဟံၣ်ကွၢ်ဃီဒုအိၣ်မီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်ဖဲတနံၤအံၤန့ၣ်လီၤ. ဒ်န့ၣ်အသိးဖဲလီၢ်ကဝီၤသဝီဖိဃ့ၢ်ထီၣ်လီၢ်ခံန့ၣ် ပယီၤသုးလၢအိၣ်ဆီလီၤသးဖဲသဝီအံၤအပူၤတဖၣ် နုၥ်လီၤဟံန့ၢ်ကမျၢၢ် တၢ်ဖိတၢ်လံၤ ဒီးဖီၣ်အီၣ်ဝဲဆၣ်ဖိကီၢ်ဖိလၢပှၤဘုၣ်ဃၥ်ဝဲတဖၣ်အိၣ်တကးဒံးဘၣ် အဝဲသ့ၣ်အံၤမ့ထံၣ်ကမျၢၢ်န့ၣ်သမံသမိးသံဒိး သံကွၢ်ဝဲတၢ်အိၣ်အဂ့ၢ်န့ၣ် ကမျၢၢ်ပိၥ်ခွါလၢအဃ့ၢ်တၢ်ဒုးက့ၤကွၢ်အဟံၣ်တဂၤအံၤ စံးစ့ၢ်ကီးဝဲန့ၣ်လီၤ. “ပက့ၤန့ၣ်ပထံၣ်ပယီၤသုးအိၣ်လၢကျဲကပၤ,တနီၤန့ၣ်အိၣ်လၢပှၤဟံၣ်ကပၤသံကွၢ်နၤနကလဲၤဖဲန့ၣ်,နတီတၢ်ဖိတၢ်လံၤမနုၤလဲၣ်, နအိၣ်ဟဲက့ၤဖဲလဲၣ်ဒ်န့ၣ်.ဂ့ၤလၢယက့ၤန့ၣ်ယက့ၤစိၥ်တၢ်တဘူၣ်ဘၣ်.နမ့စိၥ်တၢ်ဖိတၢ်လံၤန့ၣ်အိၣ်ဒၣ်ကဃ့အီၣ်နၤစ့လီၤ.တဘျီတခီၣ်ဟံတ့ၢ်နတၢ်ဖိတၢ်လံၤအိၣ်လီၤ.မ့ဝံၤခဲအံၤအဝဲသ့ၣ်န့ၣ်ထီၣ်မံလၢပှၤသဝီဖိဟံၣ်ပူၤမ့ဝံၤန့ၣ်ကဟးဟုၣ်ပှၤတၢ်ဖိတၢ်လံၤလီၤ.အဃိပှၤက့ၤအိၣ်တဘူၣ်ဘၣ်.ခဲအံၤပနၢ်ဟူလၢဟးဖီၣ်အီၣ်ပှၤထိၣ်,ပှၤထိၣ်ဒ့ၣ်သ့ၣ်တဖၣ်အိၣ်မီၤ.အဝဲသ့ၣ်န့ၣ်မၤညီနုၢ်တၢ်ဒ်အံၤလီၤ” အဂ့ၢ်န့ၣ်...
(သုးက့ ၅)ဟီၣ်ကဝီၤတလါအတီၢ်ပူၤ တၢ်ဒုးကဲထီၣ်(၉၀)ဘျဲၣ်ဒီးပယီၤသုးသံဘၣ်ဒိဘၣ်ထံး(၄၀)ဘျဲၣ်
လါမးရှး ၆ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)တၢ်ပၢဟီၣ်ကဝီၤအပူၤ လါဖ့ၤဘြူၤအါရံၤတလါအတီၢ်ပူၤ တၢ်ဒုးကဲထီၣ်ဝဲတဘျီ(၉၀)ဘျဲၣ်ဒီး ပယီၤသုးတကပၤသံဘၣ်ဒိဘၣ်ထံးအဂၤ(၄၀)ဘျဲၣ်အဂ့ၢ်န့ၣ် ကီၢ်ရ့ၣ်တၢ်ကစီၣ်ထုးထီၣ်ပၥ်ဖျါဝဲဖဲတနံၤအံၤလါမးရှး ၆ သီအံၤ န့ၣ် လီၤ. (သုးက့ ၅)တၢ်ပၢဟီၣ်ကဝီၤအပူၤစးထီၣ်ဖဲလါဖ့ၤဘြူၤအါရံၤ ၁ သီတုၤ ၂၈ သီလၢတလါအတီၢ်ပူၤ ပယီၤသုးဒီးဟီၣ်ကဝီၤကညီဒီ ကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးပၥ်ဖှိၣ်အဘၢၣ်စၢၤ တၢ်ဒုးကဲထီၣ်ဝဲခဲလၢၥ်(၉၁)ဘျီအဃိ ပယီၤသုးသံ(၁၃)ဂၤဒီးဘၣ်ဒိဘၣ် ထံးဝဲ (၃၄)ဂၤန့ၣ်လီၤ. ဒ်န့ၣ်အသိးပယီၤသုးသံတဖၣ်အကျါပၣ်ဃုၥ်ဝဲသုးစကီၤ(၁)ဂၤဒီး လၢန့ၣ်အမဲၥ်ညါတၢ်ဒုးဘျီဝဲအံၤအပူၤစ့ၢ်ကီးဟီၣ်ကဝီၤ(KNLA) သုးပၥ်ဖှိၣ်တကပၤတၢ်ဘၣ်ဒိဘၣ်ထံးအိၣ်ဝဲတဆံးတက့ၢ် အဂ့ၢ်န့ၣ် လံၥ်တၢ်ပၥ်ဖျါအပူၤစံး ဝဲန့ၣ်လီၤ. တကးဒံးဘၣ်တလါအတီၢ်ပူၤအံၤစ့ၢ်ကီး လၢဟီၣ်ကဝီၤကမျၢၢ်အိၣ်ဆိးလီၢ်ကျဲ,တၢ်ဖံးအီၣ်မၤအီၣ်အပူၤ ပယီၤသုးကဘီယူၤ လဲၤတ့ၢ်လီၤဝဲမ့ၣ်ပိၢ်(၂၁)ဘျီ, ခးလီၤဝဲ(60 mm/120 mm/122 mm)ကျိဖးဒိၣ် (၁၀)ဘျီဒီး လဲၤတ့ၢ်လီၤဝဲဒြိမ့ၣ်ပိၢ်(၈)ဘျီညါ အဂ့ၢ်န့ၣ် စံးဝဲန့ၣ်လီၤ. ခီဖျိလၢကဘီယူၤဒီးကျိဖးဒိၣ်,ဒြိအံၤအဃိ လီၢ်ကဝီၤကမျၢၢ်သံ(၁)ဂၤ,ဘၣ်ဒိဘၣ်ထံး(၂)ဂၤအမဲၥ်ညါ ဟံၣ်ဃုၥ်ဒီးတၢ်သူၣ်ထီၣ် လၢအဂၤ ဟးဂီၤဝဲ(၂)ဖျၢၣ်ဟးဂီၤဝဲဒၣ်စ့ၢ်ကီးန့ၣ်လီၤ. မုၢ်တြီၢ်ကီၢ်ရ့ၣ်ဟီၣ်ကဝီၤအပူၤမ့ဘၣ်ကွၢ်ဖဲအပူၤကွံၥ်လါယနူၤအါရံၤတလါအတီၢ်ပူၤန့ၣ်စ့ၢ်ကီး ပယီၤသုးဒီး(KNLA )သုးပၥ်ဖှိၣ် အဘၢၣ်စၢၤ တၢ်ဒုးကဲထီၣ်ဝဲ(၁၂၆)ဘျီဒီး ဖဲန့ၣ်ပယီၤသုးတကပၤသံ(၃၄)ဂၤ,ဘၣ်ဒိဘၣ်ထံးဝဲ(၅၈)ဂၤန့ၣ်လီၤ. ဒ်န့ၣ်အသိးသုးမီၤ စိရိၤ သူဝဲအကဘီယူၤ, ကျိဖးဒိၣ်ဒီးဒြိအိၣ်ဝဲဒၣ်လၢအဘျီ(၅၀)ဘျဲၣ်ညါအဂ့ၢ်န့ၣ် တၢ်မၤနီၣ်စရီပူၤအသိးသ့ၣ်ညါဘၣ်န့ၣ်လီၤ. တကီၢ်ခါခဲအံၤလီၤဆီဒၣ်တၢ်လၢဖၣ်ပူၣ်ဒုးယၤသုးကလၢၤလၢဟီၣ်ကဝီၤတၢ်ပၢၢ်ဆၢသုးပၥ်ဖှိၣ်စးထီၣ်က့ၤကဝီၤခးဝဲဖဲလါဖ့ၤဘြူၤ အါရံၤထီၣ်အခါအံၤန့ၣ် တုၤလၢခဲအံၤတစုတယံၤတမီၢ်တၢ်ဒုးဆဲးပြဲးဆဲးကဲထီၣ်ဒံးဝဲလၢခံခီခံကပၤအဘၢၣ်စၢၤဒီး...
တၢ်ဒုးဆူၣ်ထီၣ်ကဒါလၢကီးတရံး-မၠၣ်ဝတံၣ်ကျဲလီၢ်လံၤ တီနီၢ် အီၣ်ဘိၤတဲကျဲတကပၤ
လါမးရှး ၅ သီ, ၂၀၂၆ နံၣ်, ခ့ၣ်အဲးစံၣ် လၢခ့ၣ်အဲၣ်ယူၣ် ဒူပျၥ်ယၥ်ကီၢ်ရ့ၣ်(သုးက့ ၆)ကီးတရံးကီၢ်ဆၣ် မၠၣ်ဝတံၣ်-ကီးတရံးကျဲလီၢ်လံၤ တီနီၢ်ကစၢၢ်ကျဲ အီၣ်ဘိၤတဲတၢ်လီၢ် တကပၤန့ၣ် စးထီၣ်ဖဲတလါ အံၤလါမးရှး ၁ သီအနံၤန့ၣ် တၢ်ဒုးက့ၤဆူၣ်ထီၣ်ကဒါက့ၤဝဲလၢပယီၤသုးဒီးဟီၣ်ကဝီၤကညီဒီကလုၥ် တၢ်ထူၣ်ဖျဲးသုးမုၢ်ဒိၣ်(KNLA)သုးပၥ်ဖှိၣ် အဘၢၣ်စၢၤအဂ့ၢ်န့ၣ် သ့ၣ်ညါဘၣ်လၢတၢ်ပၢၢ်ဆၢကရူၢ်အအိၣ်န့ၣ်လီၤ. ပယီၤသုးကျိၤဟဲထီၣ်နုၥ်လီၤဝဲလၢတီနီၢ်ကစၢၢ်ကျဲလီၢ်လံၤတကးဒံးဘၣ်အမဲၥ်ညါ ပယီၤသုးလၢအိၣ်ထံဖိစီသဝီ,ယီၢ်ကိၥ်သဝီသ့ၣ်တဖၣ် အံၤစ့ၢ်ကီးသူဝဲဒၣ်ကဘီယူၤ,ကျိဖးဒိၣ်,ဒြိ ခးလီၤစိဝဲတၢ်ဆူ အီၣ်ဘိၤတဲတၢ်လီၢ်တကပၤအဂ့ၢ်န့ၣ် သိၣ်မှံၤသုးပၥ်ဖှိၣ်ကရူၢ် ပှၤဘၣ်မူဘၣ်ဒါ တဂၤ စံးဝဲန့ၣ်လီၤ. အဝဲစံးဝဲလၢ“လၢပျီပူၤဒုတၢ်ဒုးဆူၣ်ထီၣ်လီၤ.အဝဲသ့ၣ်လီကီဝဲ(အီၣ်ဘိၤတဲ)တၢ်လီၢ်မီၤ.မ့မၤဝဲဒ်န့ၣ်မးအဝဲသ့ၣ်အိးထီၣ်ကဒါအ့ရှါကျဲကန့ၢ် အဃိအဝဲသ့ၣ်ဟဲခးလီၤတၢ်ဒီးကဘီယူၤ.ကဘီယူၤလဲၤခးလီၤတၢ်တုၤလၢမံၣ်ဖးလဲၢ်,ယီၢ်ကိၥ်,အီၣ်ဘိၤတဲ သီခါဖၠၣ်အဃၢၤန့ၣ်ညါ. ပယီၤသုး(၉၇)စ့ၢ်ကီးခးလီၤတၢ်ဒီးဒြိ,ကျိဖးဒိၣ်အိၣ်လီၤ.”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်ဖဲမဟါအနံၤန့ၣ်လီၤ. တကးဒံးဘၣ်ကြုၢ်တု-ကီးတရံးကျဲအံၤဒ်သိးတၢ်ပၢၢ်ဆၢသိၣ်မှံၤကရူၢ်ဟဲထီၣ်ဝဲသုတတုၤတဂ့ၤအဂီၢ် ပယီၤသုးအံၤဟူးဂဲၤမၤအါထီၣ် အသုးဂံၢ်ဘါ လၢတန့ခၠါ(နဘူ)-ယ့ၤကွဲတီၤ(ရင်ကွဲတောင်)သုးကလၢၤတၢ်လီၢ်ဒီးနွါခၠၤကိသဝီတကပၤအဂ့ၢ်န့ၣ် တၢ်ပၢၢ်ဆၢသုးကရူၢ် တကပၤ စံးဝဲအသိး သ့ၣ်ညါဘၣ်န့ၣ်လီၤ. ဘၣ်ဃးတၢ်ဂ့ၢ်အံၤကြုၢ်တုတၢ်ပၢၢ်ဆၢကရူၢ်အပှၤတဂၤစံးဝဲလၢ“ဖဲ ၃ သီဟါခီအခါန့ၣ်ပယီၤသုးဒွဲၣ်အူဝဲ(နွါခၠၤကိ)ဝးဝးတရံးလီၤ. .မ့ဝံၤလၢသဝီၤပူၤန့ၣ်အဝဲသ့ၣ်ခူၣ်လီၤဝဲတၢ်ပူၤတဖၣ်. တကးဒံး ဘၣ်ခဲအံၤအဝဲသ့ၣ်က့ၤတ့ဂ့ၤထီၣ်ကဒါဝဲနဘူ(တန့ခၠါ)-ယ့ၤကွဲတီၤ သုးကလၢၤလံ”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. တကးဒံးဘၣ်လၢန့ၣ်အမဲၥ်ညါပယီၤသုးနီၣ်ဂံၢ်လၢကအိၣ်အဂၤ(၇၀)ဃၣ်ဃၣ်အံၤလၢကြုၢ်တုအံၤတဆီဟဲထီၣ်မၤပှဲၤအါထီၣ်အသုးဂံၢ်ဘါလၢနဘူ(တန့ခၠါ)-ယ့ၤကွဲတီၤသုးကလၢၤဒီး ဒ်န့ၣ်အသိးအဝဲသ့ၣ်အံၤဆီလီၤဝဲတၢ်သမံသမိးတြဲၤ အိၣ်ခိးသမံသမိးဝဲလီၢ်ကဝီၤကမျၢၢ်လၢ အလ့ၢ်ထီၣ်လ့ၢ်လိၤဖဲန့ၣ်တဖၣ်အဂ့ၢ်န့ၣ် ကမျၢၢ်လၢအိၣ်ဘူးဖဲန့ၣ်တဖၣ်စံးဝဲန့ၣ်လီၤ. ပယီၤသုးလၢအဟဲထီၣ်နုၥ်လီၤဆူမၠၣ်ဝတံၣ်-ကီးတရံး တီၢ်နီၢ်ကစၢၢ်ကျဲလီၢ်လံၤ အီၣ်ဘိၤတဲကျဲတကပၤအံၤတဖၣ် ကျဲလီၢ်လံၤအမဲၥ်ညါ အဝဲသ့ၣ်အံၤအိၣ်ကတီၤထီၣ်အသးလၢကဒိၣ်စိဆီလီၤအသးလၢထိၣ်ကီၥ်ကိဒီးကၠဲၣ်အူၣ်တီၤကျဲတၢ်လီၢ်သ့ၣ်တဖၣ်အံၤအိၣ်ဝဲအဂ့ၢ်န့ၣ် ပှၤလၢအဘူးဒီးပယီၤသုးအံၤတဖၣ်စံးဝဲအသိးသ့ၣ်ညါဘၣ်န့ၣ်လီၤ.
လၢၢ်ဒိၣ်ကီၢ်ဆၣ်တနံၤဃီအတီၢ်ပူၤ ကျိဖးဒိၣ်ဒီးဒြိအဃိ ကမျၢၢ်ဘၣ်ဒိကဒီးဝဲ(၂)ဂၤ
လါမးရှး ၄ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ်(သုးက့ ၃)လၢၢ်ဒိၣ်ကီၢ်ဆၣ် တနံၤဃီအတီၢ်ပူၤ ခီဖျိလၢပယီၤသုး အကျိဖးဒိၣ်ဒီးဒြိအံၤအဃိ ကမျၢၢ်ဘၣ်ဒိဝဲ(၂)ဂၤအဂ့ၢ်န့ၣ် သ့ၣ်ညါဘၣ်လၢကီၢ်ရ့ၣ်ပှၤဘၣ်မူဘၣ်ဒါအအိၣ်န့ၣ်လီၤ. ဖဲလါမးရှး ၂ သီ ဂီၤခီ ၉း၃၀ ဘျဲၣ်အဆၢကတီၢ် လၢကည့ၤကၠိ(ကညင်ကျွန်း)သဝီအပူၤ ပယီၤသုးခးလီၤ(၁၂၀ မမ) ကျိဖးဒိၣ် ၆ ဖျၢၣ်အဃိ ဘၣ်ဒိဝဲသဝီဖိ စီၤအဲၣ်တီၣ်စ့(၂၇)နံၣ်အံၤန့ၣ်လီၤ. တကးဒံးဘၣ်တနံၤဃီတၢ်ကဲထီၣ်သးဝံၤဖဲဂီၤခီ ၁၀း၀၀ အဆၢကတီၢ်န့ၣ် ပယီၤသုးခီၣ်သုးရ့ၣ်(ခလရ-၂၉၄)သုးရ့ၣ်အံၤအပှၤ လဲၤတ့ၢ်လီၤဝဲဒြိမ့ၣ်ပိၢ်(၂)ဖျၢၣ်လၢ ကၠိကၠံ(ကျွန်းကြီး)သဝီပူၤအဃိ ဘၣ်ဒိစ့ၢ်ကီးဝဲ စီၤအဲၣ်ကီၢ်စ့(၂၈)နံၣ်အံၤအဂ့ၢ်န့ၣ် ကီၢ်ရ့ၣ် တၢ်မၤနီၣ်ပူၤအသိး သ့ၣ်ညါဘၣ်န့ၣ်လီၤ. ဒ်န့ၣ်အသိးကည့ၤကၠိသဝီလၢပယီၤသုးခးလီၤကျိဖးဒိၣ်ခဲအံၤန့ၣ် အဘူးကတၢၢ်ဖဲအပူၤကွံၥ်လါဖ့ၤဘြူၤအါရံၤ ၂၃ သီအနံၤစ့ၢ်ကီး ပယီၤသုးခီၣ်သုးရ့ၣ်(ခလရ-၂၆၄)သုးရ့ၣ်တဒူၣ်ဃီဝဲအံၤ ခးလီၤဝဲ(၈၁ မမ)ကျိဖးဒိၣ်အဃိ ကမျၢၢ်ပိၥ်မုၣ်ဘၣ်ဒိဘၣ်ထံးဒံးဝဲ(၃)ဂၤ ကဲထီၣ်ဒံး ဝဲဒၣ်န့ၣ်လီၤ. လၢန့ၣ်အမဲၥ်ညါတနံၤဃီ ၂၃ သီဝဲန့ၣ်စ့ၢ်ကီးလၢမူကီၢ်ဆၣ်အပူၤ ပယီၤသုးလၢအိၣ်နၣ်သၤကွ့ ဟီၣ်ကဝီၤအံၤတဖၣ် ခးလီၤဝဲ(၈၁ မမ) ကျိဖးဒိၣ်ဆူငနွါစ့ၣ်(ငနွားဆိပ်)သဝီပူၤအဃိ ကမျၢၢ်ပိၥ်ခွါဘၣ်ဒိၣ်ဘၣ်ထံးဝဲ(၂)ဂၤဒီးဖဲန့ၣ်အကျါတဂၤန့ၣ်မ့ၢ်ဝဲဖိသၣ်(၁၅) နံၣ် န့ၣ်လီၤ. ဒ်တလါတဘျီတၢ်မၤနီၣ်စရီပူၤအသိးန့ၣ် ချၢၣ်လွံၢ်ထူၣ်ကီၢ်ရ့ၣ်(သုးက့ ၃)လၢၢ်ဒိၣ်,မူဒီးဆီထံးကီၢ်ဆၣ်ဟီၣ်ကဝီၤအပူၤ အပူၤကွံၥ်...