သုးကီၣ်ကးမ့ၢ်မၤအၢမၤသီကီၢ်ပယီၤထံဖိကီၢ်ဖိအါထီၣ်န့ၣ် တပူၤ၀ဲဒၣ်ဒီးအၣ်စံၣ်ယၣ်အမူဒါဘၣ်အဂ့ၢ် ၈၈ စၢၤသွဲၣ်ကရူၢ်ဟ့ၣ်ပလီၢ်၀ဲ
လါအ့ဖြ့ၣ် ၂၀ သီႇ ၂၀၂၁ နံၣ်ႇ ခ့ၣ်အဲးစံၣ် အၣ်စံၣ်ယၣ်ခိၣ်နၢ်ဒိၣ်ထီတၢ်အိၣ်ဖှိၣ်ဖးဒိၣ်အပူၤ တၢ်ကွဲမုာ်၀ဲဒၣ်ကီၢ်ပယီၤသုးကီၣ်ကးအဖီခိၣ် ထီဒါ၀ဲတဲာ်တဲာ်ဖျုဖျုဒီး သုးကီၣ်ကးအံၤမ့ၢ်မၤအၢမၤသီမၤသံမၤ၀ီကီၢ်ပယီၤထံဖိကီၢ်ဖိဒိၣ်ထီၣ်အါထီၣ်န့ၣ် တပူၤ၀ဲဒၣ်ဒီးအၣ်စံၣ်ယၣ်အမူဒါဘၣ်အဂ့ၢ်န့ၣ် ၈၈ စၢၤသွဲၣ် တၢ်မုာ်တၢ်ခုၣ်ဒီးၦၤဂ့ၢ်၀ီတၢ်ကရၢကရိ ဟ့ၣ်ပလီၢ်၀ဲန့ၣ်လီၤႉ ဖဲတလါအံၤ လါအ့ဖြ့ၣ် ၂၄ သီအနံၤ တၢ်ကမၤ၀ဲအၣ်စံၣ်ယၣ်ခိၣ်နၢ်ဒိၣ်ထီတၢ်အိၣ်ဖှိၣ်လၢတၢ်ကမၤ၀ဲ ဖဲအ့ၣ်ဒိၣ်နံၣ်ရှါထံကီၢ်ႇ ကၠၤကၤတၤ၀့ၢ်ပူၤအံၤ တၢ်ကွဲမုာ်၀ဲသုးကီၣ်ကးအဖီခိၣ် ထံၣ်ဘၣ်တၢ်ပနီၣ်လၢဟ့ၣ်၀ဲဒၣ်သုးမီၤစိရိၤလၢအမၤသံမၤ၀ီကမျၢၢ်အလီၢ်အဂ့ၢ်န့ၣ် ဖဲလါအ့ဖြ့ၣ် ၁၉ သီအနံၤ အ၀ဲသ့ၣ်ထုးထီၣ်ဘိးဘၣ်ရၤလီၤလံာ်တၢ်ပာ်ဖျါအပူၤ ပာ်ဖျါ၀ဲန့ၣ်လီၤႉ အၣ်စံၣ်ယၣ်ကရူၢ်အံၤ ညီနုၢ်န့ၣ်အ၀ဲသ့ၣ်ပာ်သူၣ်ပာ်သးကနၣ်၀ဲဒၣ်လၢနီၢ်ကစၢ်တၢ်ဘၣ်ဘျုးလီၤဒီး လၢဟီၣ်က၀ီၤအပူၤ တၢ်မၤနီၣ်မၤဃါတအိၣ်လၢကဟံးအရ့ကဘှါရှဲဃဲၣ်လီၤ၀ဲ ထံကီၢ်အထံရူၢ်ကီၢ်သဲးတၢ်ဂ့ၢ်ကီတဖၣ်ဘၣ်အမဲာ်ညါ ကီၢ်ပယီၤဒံၣ်မိၣ်ခြ့ၣ်စံၣ်အတၢ်ဂဲၤပျုၢ်ဂဲၤဆှးလၢနံၣ် ၃၀ ဘျဲၣ်အတီၢ်ပူၤ တၢ်စံၣ်စိၤတဲစိၤအၢသီအိၣ်ပာ်လၢ အိၣ်ဆၢထၢၣ်၀ဲဒၣ်လၢပယီၤသုးအအိၣ်တကပၤလီၤအဂ့ၢ်န့ၣ် ၈၈ စၢၤသွဲၣ် တၢ်မုာ်တၢ်ခုၣ်ဒီးၦၤဂ့ၢ်၀ီတၢ်ကရၢကရိတဖၣ် စံး၀ဲန့ၣ်လီၤႉ ဖဲလါအ့ဖြ့ၣ် ၁၇ သီအနံၤ ကီၢ်ကၠီၣ်တဲၣ်ထံဂုၤကီၢ်ဂၤကိတိာ်၀ဲၤကျိၤ တဲဖျါထီၣ်၀ဲလၢ တၢ်အိၣ်ဖှိၣ်လၢတၢ်ကတၢၣ်ပီၣ်တဲသကိးဘၣ်ထွဲဒီးကီၢ်ပယီၤဂ့ၢ်၀ီအံၤ သုးကီၣ်ကးလၢအဟံးဆူၣ်ကွံာ်ထံကီၢ်တၢ်စိတၢ်ကမီၤခိၣ်နၢ်ဒိၣ်ထီ သုးခိၣ်ကျၢၢ်ဒိၣ်စိ မ့အီၣ်လဲၣ် ကလဲၤထီၣ်၀ဲဒၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဘၣ်ဆၣ်မ့မ့ၢ် ကီၢ်ကၠီၣ်တဲၣ် ကိတိာ်ခိၣ်ကျၢၢ် ပြၤယိၣ်ခၠၤအိၤခၠၤအံၤ တလဲဲၤထီၣ်၀ဲအၣ်စံၣ်ယၣ်ခိၣ်နၢ်ဒိၣ်ထီတၢ်အိၣ်ဖှိၣ်ဘၣ်ဒီး လၢကီၢ်ကၠီၣ်တဲၣ်အခၢၣ်စးဆၢတဲာ်လီၤ၀ဲ ကပျၢ်လီၤ၀ဲကိတိာ်ခိၣ်ကျၢၢ်=၂ ထံဂုၤကီၢ်ဂၤကိတိာ်အဂ့ၢ် ဘီကီးလံာ်တၢ်ကစီၣ်အပူၤ ပာ်ဖျါ၀ဲန့ၣ်လီၤႉ လၢန့ၣ်အမဲာ်ညါ...
ခီဖျိသုးမီၤစိရိၤအသုးခး၀ဲချံလၢအဟးထီၣ်က့ၤလီၤလၢဃိၣ်လိာ်ကျိအပူၤတဖၣ်အဃိ ချံတဖၣ်ဘၣ်အိၣ်ဆိကတီၢ်သး
လါအ့ဖြ့ၣ်ႇ ၂၀ သီႇ ၂၀၂၁ နံၣ်ႇ ခ့ၣ်အဲးစံၣ် ချံလၢအဟးထီၣ်က့ၤလီၤလၢ KNU- ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်တၢ်ပၢဟီၣ်က၀ီၤဒီး ကီၢ်ကၠီၣ်တဲၣ်=ကီၢ်ပယီၤကီၢ်ဆၢအဘၢၣ်စၢၤဃိၣ််လိာ်ကျိအပူၤတဖၣ် ဖဲအပူၤကွံာ် လါအ့ဖြ့ၣ် ၁၇ သီအနံၤ ခီဖျိပယီၤသုးမီၤစိရိၤအသုးခး၀ဲအဃိ တကီၢ်ခါတၢ်အိၣ်သးခဲအံၤချံတဖၣ်လဲၤထီၣ်က့ၤလီၤတဘူၣ်လၢၤဘၣ်ဒီး ဘၣ်ဆိကတီၢ်ပာ်စၢၤသးအဂ့ၢ်န့ၣ် ၦၤနီချံဖိတဖၣ်စံးဘၣ်ခ့ၣ်အဲးစံၣ်န့ၣ်လီၤႉ ဟီၣ်က၀ီၤဖဲန့ၣ်အပူၤတဖၣ် လီၢ်က၀ီၤဖိတၢ်လုၢ်အီၣ်နီၢ်ခိသးသမူအဂီၢ် ဆှၢထီၣ်ဆှၢလီၤ၀ဲဒၣ်တၢ်ဖိတၢ်လံၤတဖၣ်ဒီး ချံလၢအဟးထီၣ်က့ၤလီၤအိၣ်၀ဲအဘ့ၣ် ၂၀ ဘျဲၣ်န့ၣ်လီၤႉ ဖဲလါအ့ဖြ့ၣ် ၁၇ သီအနံၤ မီၤစိရိၤအသုးကလၢၤလၢအအိၣ်ဖဲမဲၢ်ခါထၣ်ဃိၣ်လိာ်ကျိကၢၢ်နံၤအံၤ ခး၀ဲချံ ၅ ဘ့ၣ် လၢအဆှၢထီၣ်ဆှၢလီၤတၢ်ဖိတၢ်လံၤအမဲာ်ညါ ခးစ့ၢ်ကီးချံတဘ့ၣ်လၢအကလဲၤလၢကျီးပူၤအဂ့ၢ်န့ၣ် ၦၤနီချံဖိတဖၣ်စံး၀ဲအသိးသ့ၣ်ညါဘၣ်န့ၣ်လီၤႉ ခီဖျိတၢ်ခး၀ဲဒၣ်ချံလၢအဆှၢထီၣ်ဆှၢလီၤတၢ်ဖိတၢ်လံၤတဖၣ်ဒ်အံၤအဃိ တကီၢ်ခါဆၢကတီၢ်ခဲအံၤ လီၢ်က၀ီၤဖိတဖၣ်ဟးထီၣ်ဟးလီၤတဘူၣ်လၢၤဘၣ်အမဲာ်ညါ သုးက့ ၅ ဟီၣ်က၀ီၤအပူၤ ၦၤလီၢ်အိၣ်ကမှံဖိတဖၣ်အဂီၢ် တၢ်အီၣ်တၢ်အီတၢ်ဖိတၢ်လံၤလၢတၢ်ကလဲၤမၤစၢၤ၀ဲတဖၣ်စ့ၢ်ကီး လဲၤဆှၢတန့ၢ်လၢၤဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ “မ့ၢ်လဲၤခဲအံၤန့ၣ်ဘၣ်ယိၣ်လၢပယီၤသုးကခးအဃိ ချံတဘ့ၣ်မးလဲၤတဘူၣ်လၢၤဘၣ်ႉ ၀ံၤဘျီန့ၣ် လၢကလဲၤဆှၢန့ၢ်ၦၤလီၢ်အိၣ်ကမှံဖိတဖၣ်တၢ်အီၣ်တၢ်အီအဂီၢ်စ့ၢ်ကီး လဲၤတဘူၣ်လၢၤဘၣ်ႉ လၢကၠီၣ်တဲၣ်တကပၤန့ၣ်တၢ်ဖိတၢ်လံၤပူၣ်ထီၣ်သးဒီဒူၣ်ညါ ချံလၢအလဲၤတဖၣ်ပယီၤသုးခး၀ဲအဃိ ကလဲၤလၢကီၢ်ပယီၤတကပၤအဂီၢ်စ့ၢ်ကီး ကၠီၣ်တဲၣ်ချံသန့တဟ့ၣ်အခွဲးဒံးဘၣ်”အဂ့ၢ်န့ၣ် ၦၤနီချံဖိတဂၤ စံးဘၣ်ခ့ၣ်အဲးစံၣ်န့ၣ်လီၤႉ လၢန့ၣ်အမဲာ်ညါ ချံမ့ၢ်လဲၤထီၣ်က့ၤလီၤန့ၣ် မဲၢ်ခါထၣ်ပယီၤသုးကလၢၤတကပၤ ကထၢစရီကသမံသမိး၀ဲအသိး မ့ၢ်ထံၣ်န့ၢ်၀ဲတၢ်လီၤဆီမ့ၢ်အိၣ်တခါခါန့ၣ် တဟ့ၣ်လဲၤ၀ဲချံလၢၤဘၣ်ဒီးကဖီၣ်ဃာ်၀ဲလီၤအဂ့ၢ် ပယီၤသုးဟ့ၣ်ပလီၢ်ဃာ်ၦၤနီချံဖိတနီၤအိၣ်၀ဲအဂ့ၢ်န့ၣ်...
KNU မုၢ်တြီၢ်ကီၢ်ရ့ၣ် တူၢ်လိာ်၀ဲ CRPH အတၢ်ဖံးတၢ်မၤဒီး CDM တၢ်ဟူးတၢ်ဂဲၤတဖၣ်
လါအ့ဖြ့ၣ် ၁၉ သီႇ ၂၀၂၁ နံၣ်ႇ ခ့ၣ်အဲးစံၣ် ကီၢ်စၢဖှိၣ်ဘျီၣ်ဒိၣ်ခၢၣ်စးကမံးတံာ်(CRPH)အတၢ်ဖံးတၢ်မၤဒီး တၢ်ထီဒါသုးမီၤစိရိၤ CDM န)တၢ်ဟူးတၢ်ဂဲၤတဖၣ်အံၤ တူၢ်လိာ်၀ဲအဂ့ၢ်န့ၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)ထုးထီၣ်ပာ်ဖျါလံာ်တၢ်ပာ်သး ဖဲလါအ့ဖြ့ၣ် ၁၇ သီအနံၤန့ၣ်လီၤႉ CRPH အတၢ်ဟူးတၢ်ဂဲၤဒီးအတၢ်ထုးထီၣ်ပာ်ဖျါလံာ်တၢ်ပာ်သးတဖၣ်အံၤ ခီဖျိ ပညိၣ်ဃီၤဆူဖဲၣ်ဒရၢၣ်ကီၢ်စၢဖှိၣ်အမ့ၢ်အတီလၢအထုးဖှိၣ်ထီၣ်သးဒီးကီၢ်စဲၣ်ခဲလၢာ်အဃိ မုၢ်တြီၢ်ကီၢ်ရ့ၣ်(သုးက့ ၅)တူၢ်လိာ်သဂၢၢ်၀ဲအသိး တူၢ်လိာ်ဟ့ၣ်ဂံၢ်ဟ့ၣ်ဘါ၀ဲ ကီၢ်ပူၤကမျၢၢ်ထံဖိကီၢ်ဖိသူၣ်ဘီၣ်သးစၢ်တဖၣ်ဒီး(CDM)တၢ်ဟူးတၢ်ဂဲၤတဖၣ်အဂ့ၢ်န့ၣ် လံာ်တၢ်ပာ်ဖျါအပူၤ ပာ်ဖျါ၀ဲန့ၣ်လီၤႉ လၢန့ၣ်အမဲာ်ညါ ကမျၢၢ်လၢအတအိၣ်ဒီးတၢ်စုက၀ဲၤတဖၣ်ႇ သးစၢ်ကၠိဖိတဖၣ်ဒီး သီဘူၣ်သီခါသ့ၣ်တဖၣ် ပာ်ဖျါထီၣ်သးဒီးဃ့ထီၣ်၀ဲတၢ်သ့ၣ်တဖၣ်အံၤ ပယီၤသုးကီၣ်ကးကရူၢ်ကွၢ်ကပာ်၀ဲဒၣ်ဒီး သုးမီၤစိရိၤသုးကီၣ်ကးမၤလီၢ်မုၢ်ပြံပြါခးလီၤကျိဖးဒိၣ်ႇကျိဖိတဖၣ်အၢအၢသီသီအဖီခိၣ် ပဲာ်အၢပာ်သီ၀ဲတဲာ်တဲာ်ဖျုဖျုအဂ့ၢ်န့ၣ် မုၢ်တြီၢ်ကီၢ်ရ့ၣ်(သုးက့ ၅)စံး၀ဲန့ၣ်လီၤႉ သုးကီၣ်ကးအံၤ ဟံးဆူၣ်ကွံာ်၀ဲထံကီၢ်တၢ်စိတၢ်ကမီၤလၢအတဖိးသဲစးဘၣ်ဒီး ဖီၣ်ဃာ်၀ဲဒၣ် ဒီၣ်အီၣ်ဆါဆူးကၠံၣ်ဃုာ်ဒီးကီၢ်ခိၣ်အူ၀့မၠ့ၣ်ဒီးခိၣ်နၢ်အဂၤတဖၣ်ႇၦၤဟူးဂဲၤတၢ်တဖၣ် အိၣ်လံ၀ဲဒၣ်ခံလါဘျဲၣ်သၢလါဃၣ်ဃၣ်လံဘၣ်ဆၣ် ဘီမုၢ်စၢဖှိၣ်ကရၢဃုာ်ဒီးထံဂုၤကီၢ်ရၤတၢ်ကရိကရၢတဖၣ် တတူၢ်လိာ်ပာ်ပနီၣ်၀ဲဒၣ်သုးမီၤစိရိၤလၢအမ့ၢ်ပဒိၣ်လၢအဖိးသဲစးဘၣ်အသိး အ၀ဲသ့ၣ်စ့ၢ်ကီး လ့ၤတက့ၤတတူၢ်လိာ်ပာ်ပနီၣ်သုးကီၣ်ကးကရူၢ်လၢထံကီၢ်ခိၣ်နၢ်ဘၣ်အဂ့ၢ်န့ၣ် မုၢ်တြီၢ်ကီၢ်ရ့ၣ်(သုးက့ ၅)ထုးထီၣ်ပာ်ဖျါ၀ဲန့ၣ်လီၤႉ တမ့ၢ်ထဲလၢတသ့ၣ်ညါပာ်ပနီၣ်သုးမီၤစိရိၤကရူၢ်လၢထံကီၢ်ခိၣ်နၢ်တကးဘၣ် ဒ်သိးသုးမီၤစိရိၤသနူကကတၢၢ်ကွံာ်အဂီၢ် မုၢ်တြီၢ်ကီၢ်ရ့ၣ် ကပာ်ဖှိၣ်မၤသကိးတၢ်ဒီးထံဖိကီၢ်ဖိကမျၢၢ်ဒီး ဒ်သိးမီၤစိရိၤသုးအဂံၢ်ကတဲာ်ကွံာ်အဂီၢ် ကဂုာ်ကျဲးစၢး၀ဲထီဘိလီၤအဂ့ၢ်န့ၣ် စံး၀ဲန့ၣ်လီၤႉ မုၢ်တြီၢ်ဟီၣ်က၀ီၤအပူၤ သုးကီၣ်ကးအရူၢ်လၢအဟံးဆူၣ်ကွံာ်ထံကီၢ်တၢ်စိတၢ်ကမီၤအံၤ ပၢပြးတၢ်လဲၤတရံးသးအကျိၤအကျဲတဖၣ်လၢအပာ်လီၤ၀ဲ ကီၢ်ဆၣ်ႇက၀ီၤဒ့ဒီးဒူသ၀ီသးၦၢ်တဖၣ်အံၤ ကမျၢၢ်ထံဖိကီၢ်ဖိတဖၣ်လ့ၤတက့ၤတဘၣ်တူၢ်လိာ်ဟ့ၣ်ဂံၢ်ဟ့ၣ်ဘါပာ်ဖှိၣ်မၤသကိးတၢ်ဘၣ်ဒီး မ့ၢ်တူၢ်လိာ် CRPH အတၢ်ဟူးတၢ်ဂဲၤႇကီၢ်ပူၤကမျၢၢ်ထံဖိကီၢ်ဖိႇသးစၢ်ကၠိဖိတဖၣ်ဒီး...
“စၢၤသွဲၣ်ကဂ့ၤဘၣ်ကတီၤ”
“စၢၤသွဲၣ်ကဂ့ၤဘၣ်ကတီၤ” ၁.ဟီၣ်ခိၣ်တၢ်အိၣ်မူနီၣ်ထိၣ် နီၢ်ခိနီၢ်သးကဂ့ၤဒိၣ် ဟံးစုနဲၣ်ကျဲ ကၢပ၁်ဖှိၣ် ကဲထီၣ်က့ၤလၢတၢ်ဘၣ်ယိၣ် ၂.တၢ်သ့ၣ်ညါနၢ်ပၢၢ်ဖုၣ်ထီ လီၢ်လၤမူဒါပီညါသီ သိၣ်လိနဲၣ်လိဟ့ၣ်ခီယုၤ သးစၢ်အိၣ်ဒၣ်ထုတရုၤ ၃.ၦၤသးစၢ်လၢစိၤခဲအံၤ တၢ်ကွၢ်တလီၤအိၣ်အါမံၤ ဟ့ၣ်တခူဟံးစုနဲၣ်ကျဲ တအဲၣ်ဒိးဟံးတမၤထွဲ ၄.ဆၢကတီၢ်ခဲအံၤတၢ်အိၣ်သး ကညီသးစၢ်လူၤဘၣ်သး မ့ၢ်ဟ့ၣ်သဆၣ်ထီၣ်န၁်က့ ဂ့ၢ်လိ၁်ဝဲဟံးန့ၢ်တသ့ ၅.ခါခဲအံၤတၢ်မူးတၢ်ရၢ် “ယၤ” ဒိၣ်စိလုၣ်ဘၢကွံ၁်တၢ် ဟ့ၣ်ဂံၢ်ဟ့ၣ်ဘါၦၤဘၣ်ဆၣ် ၦၤတသးစဲတကနၣ် ၆.တၢ်အိၣ်မူတစိၢ်တလီၢ် အိၣ်မူကဲဘျုးၦၤဂၤဂီၢ် တၢ်လိၣ်ဘၣ်နမၤဂ့ၤအီၤ စၢၤသွဲၣ်ကဂ့ၤဘၣ်ကတီၤ. လၢတၢ်အဲၣ်ကကွဲၢ်ကဘီ စီၤကီၢ်ဖျါစ့ (တီနီၢ်ဖိ) လါထ့ကူ၁်.၇.၂ဝ၂၁
KNLA သုးရ့ၣ် ၂၄ သုးဂ့ၢ်ခိၣ် သုးခိၣ်စိ မါခိၤလီယံၤ လဲၤပူၤကွံာ်သး
လါအ့ဖြ့ၣ် ၁၂ သီႇ ၂၀၂၁ နံၣ်ႇ ခ့ၣ်အဲးစံၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးရ့ၣ် ၂၄ သုးဂ့ၢ်ခိၣ်(သုး၀ဲၤဒၢးခိၣ်)သုးခိၣ်စိ မါခိၤလီယံၤအံၤ ဖဲတနံၤအံၤ(လါအ့ဖြ့ၣ် ၁၂)သီ ဂီၤခီ ၅ နၣ်ရံၣ်ဘျဲၣ်အဆၢကတီၢ် လဲၤပူၤကွံာ်သးလၢသွံၣ်ထီၣ်တၢ်ဆါအဂ့ၢ်န့ၣ် သ့ၣ်ညါဘၣ်လၢၦၤလၢအိၣ်ဘူးဒီးအီၤအအိၣ်န့ၣ်လီၤႉ မါခိၤလီယံၤလၢအသးနံၣ်အိၣ်လံ(၆၁)နံၣ်အံၤ ဖဲတဂီၤအံၤဂီၤခီ ၅ နၣ်ရံၣ်ဘျဲၣ်အဆၢကတီၢ် လဲၤပူၤကွံာ်သးလၢသွံၣ်ထီၣ်တၢ်ဆါအဂ့ၢ်န့ၣ် KNLA သုးရ့ၣ်ခိၣ်လၢအအိၣ်ဘူးဒီးအီၤတဂၤ စံးဘၣ်ခ့ၣ်အဲးစံၣ်ဒ်အံၤန့ၣ်လီၤႉ “ဖဲဂီၤခီ ၄ နၣ်ရံၣ်အဆၢကတီၢ် ၦၤဟဲကိးယၤအခါန့ၣ်အသးသမူအိၣ်ဒံးလီၤႉ ပလဲၤဆှၢအီၤလၢတၢ်ဆါဟံၣ်ဒီး သံ၀ဲဖဲ ၅ နၣ်ရံၣ် ၁၀ မံးနံးအဆၢကတီၢ်လီၤႉ ခီဖျိအသွံၣ်ထီၣ်တၢ်ဆါအိၣ်ပာ်စၢၤအဃိ တချုးလၢအသံန့ၣ်မၢသရၣ်မုၣ်မၤကွၢ်ဒီး အသွံၣ်ဖီခိၣ်အိၣ် ၂၂၀ သွံၣ်ဖီလာ်အိၣ် ၁၂၀ အဃိ ဘၣ်ဒီအ၀ဲနါက့ကီၤတန့ၢ်လၢၤဘၣ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ မါခိၤလီယံၤအံၤအိၣ်ဖျဲၣ်ထီၣ်၀ဲလၢအ့ၣ်ယၣ်၀တံၣ်ကီၢ်ခီဒိၣ်ႇမၠီမၠးကီၢ်ဆၣ်ႇမဒီၣ်ခၠီသ၀ီဒီး ဖဲ ၁၉၇၉ နံၣ်ႇ စးထီၣ်ဖဲအသးနံၣ်ကအိၣ်ဖဲ(၁၈)နံၣ်ဃၣ်ဃၣ်န့ၣ် နုာ်လီၤ၀ဲလၢကညီတၢ်ပၢၢ်ဆၢပူၤဒ်သုးဖိတဂၤအသိးဒီး မ့ၢ်ၦၤတဂၤလၢအပၣ်ဃုာ်လၢတၢ်ဒုးအပူၤအါမးန့ၣ်လီၤႉ လၢတၢ်ပၢၢ်ဆၢအဖီခိၣ် မ့ၢ်ၦၤတဂၤလၢအတၢ်ထံၣ်ထီဒီး လၢသုးဖိသံၣ်ဖိအကျါမ့ၢ်ၦၤတဂၤလၢတၢ်ပာ်ပနီၣ်၀ဲတဂၤစ့ၢ်ကီးန့ၣ်လီၤႉ KNLA သုးခိၣ်ကျၢၢ်ဖိလၢတအဲၣ်ဒိးပာ်ဖျါအမံၤတဂၤ စံး၀ဲ“အ၀ဲန့ၣ် လၢထံကီၢ်ဒီးၦၤကလုာ်အဂီၢ်န့ၣ် မ့ၢ်ခိၣ်နၢ်တဂၤလၢအဂုာ်ကျဲးမၤတၢ်လီၤႉ ဖဲ ၁၉၈၃...
ခီဖျိတၢ်ဒုးကဲထီၣ်အဆၢကတဲာ်ဘၣ်အဃိ ဖၣ်ပူၣ်-ကမၤမိၢ်ကျဲမုၢ်ဖးဒိၣ်အကပၤ လီၢ်က၀ီၤဖိလၢအကထိဘၣ်ဃ့ၢ်မှံဟးဖျိး
လါအ့ဖြ့ၣ် ၁၂ သီႇ ၂၀၂၁ နံၣ်ႇ ခ့ၣ်အဲးစံၣ် KNU-ကညီဒီကလုာ်စၢဖှိၣ်ကရၢ တၢ်ပၢဟီၣ်က၀ီၤ မုၢ်တြီၢ်ကီၢ်ရ့ၣ် သုးက့ ၅ အပူၤ စးထီၣ်ဖဲလါအ့ဖြ့ၣ်ထီၣ်သီန့ၣ် ခီဖျိပယီၤသုးမီၤစိရိၤအသုးခးလီၤကျိဖးဒိၣ်လၢသ၀ီပူၤကိးမုၢ်နံၤဒဲးအဃိ ဖၣ်ပူၣ်=ကမၤမိၢ်ကျဲမုၢ်ဖးဒိၣ်အကပိၤကပၤသ၀ီတဖၣ် လီၢ်က၀ီၤဖိလၢအကထိဘၣ်ဃ့ၢ်မှံဟးဖျိးအဂ့ၢ်န့ၣ် သ့ၣ်ညါဘၣ်န့ၣ်လီၤႉ ခီဖျိတၢ်ခးလိာ်သးအဃိ မုၢ်တြီၢ်ကီၢ်ရ့ၣ် ဒွဲၣ်လိကီၢ်ဆၣ်ဒီးဘုသိၣ်ကီၢ်ဆၣ်အပူၤ သ၀ီလၢအအိၣ်ဘူးဒီးဖၣ်ပူၣ်=ကမၤမိၢ်ကျဲမုၢ်ဖးဒိၣ်တဖၣ်လၢအမ့ၢ် န့ၤကါႇ၀ၣ်သိခိၣ်ႇမဲာ်ကျံၤခံသ၀ီႇ၀ီဒူႇ ထံကိၢ်သ၀ီဃုာ်ဒီးသ၀ီပာ်ဖှိၣ်ခဲလၢာ် ၃၀ ဘျဲၣ် လီၢ်က၀ီၤဖိတဖၣ် ဘၣ်လဲၤဃ့ၢ်၀ဲဆူသ၀ီလၢအပူၤဖျဲးဒီးတၢ်ဘၣ်ယိၣ်အဂ့ၢ်န့ၣ် လီၢ်က၀ီၤဖိ စီၤမီၤအ့ စံးဘၣ်ခ့ၣ်အဲးစံၣ်န့ၣ်လီၤႉ “ကျဲမုၢ်ဖးဒိၣ်အကပိၤကပၤန့ၣ်သ၀ီအိၣ်ဒီဒူၣ်ညါလီၤႉ ပယီၤသုးဒီး BGF သုးတဖၣ်ပာ်ဖှိၣ်ထီၣ်သးဒီး မၤအါထီၣ်သုးဂံၢ်ဘါထီဘိလီၤႉ အ၀ဲသ့ၣ်န့ၣ်ဟဲထီၣ်လၢမုၢ်နၤခီလီၤႉ တၢ်ခးလိာ်သးစ့ၢ်ကီးကဲထီၣ်အဆၢတတဲာ်ဘၣ်အဃိ သ၀ီဖိတဖၣ်ဘၣ်လဲၤဃ့ၢ်လၢ သ၀ီလၢအယံၤဒီးကျဲမုၢ်ဖးဒိၣ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ကီၢ်ဆၣ်ခံဘ့ၣ်အပူၤခီဖျိတၢ်ခးလိာ်သးကဲထီၣ်အဃိ လီၢ်က၀ီၤဖိဘၣ်ဃ့ၢ်မှံဟးဖျိးအိၣ်၀ဲ ၂ႇ၀၀၀ ဂၤ ဘျဲၣ်ဒီး သ၀ီလၢအအိၣ်ဘူးဒီးတၢ်ခးလိာ်သးကဲထီၣ်အလီၢ်တဖၣ် သ၀ီဒီတဖျၢၣ်ဘၣ်ဃ့ၢ်မှံဟးဖျိး၀ဲအဂ့ၢ်န့ၣ် လီၢ်က၀ီၤတၢ်မၤနီၣ်စရီအသိး သ့ၣ်ညါဘၣ်န့ၣ်လီၤႉ ခီဖျိတၢ်ခးလိာ်သးအဃိ ဖဲလါအ့ဖြ့ၣ် ၂ သီအနံၤ ဘုသိၣ်ကီၢ်ဆၣ် ကၠီၣ်ဖါသ၀ီဖိ ၂ ဂၤႇ လါအ့ဖြ့ၣ် ၇ သီအနံၤ ဒွဲၣ်လိကီၢ်ဆၣ် န့ၤကါသ၀ီဖိ...
ခီဖျိပယီၤသုးမီၤစိရိၤအသုးခးလီၤကျိဖးဒိၣ်လၢသ၀ီပူၤအဃိ သ၀ီဖိသံတဂၤႇ ခ့ၣ်အဲၣ်ယူၣ်ဟီၣ်က၀ီၤအပူၤ ကညီၦၤဃ့ၢ်မှံဟးဖျိးခဲလၢာ်အိၣ် ၃၀ႇ၀၀၀ ဘျဲၣ်လံ
လါအ့ဖြ့ၣ် ၉ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါ(လါအ့ဖြ့ၣ် ၈)သီအနံၤ ပယီၤသုးမီၤစိရိၤအသုးကလၢၤလၢအအိၣ်ဆီလီၤသးဖဲမုုၢ်တြီၢ်(ဖၣ်ပူၣ်)ကီၢ်ရ့ၣ် ပီၢ်ဃ့ခိၣ်တၢ်လီၢ်အံၤ ခီဖျိခးလီၤကျိဖးဒိၣ်လၢဒူသ၀ီပူၤအဃိ သ၀ီဖိသံ၀ဲတဂၤဒီးဟံၣ်ဃီတဖၣ်ဟးဂီၤကွံ၁်၀ဲ အဂ့ၢ်န့ၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ ထုးထီၣ်ပာ်ဖျါတၢ်ကစီၣ်န့ၣ်လီၤႉ ဖဲလါအ့ဖြ့ၣ် ၈ သီ ဟါခီ ၁၈း၃၅ မံးနံးအဆၢကတီၢ် ပယီၤသုးမီၤစိရိၤအသုးကလၢၤလၢအအိၣ်ဆီလီၤသးဖဲပီၢ်ဃ့ခိၣ်အံၤ ခီဖျိခးလီၤကျိဖးဒိၣ်ဆူယဲမုၢ်ပျီသ၀ီပူၤ ၃ ဖျၢၣ်ႇတဲဘိပျီသ၀ီပူၤ ၄ ဖျၢၣ် ဒီး စီၤမုၢ်ပျီသ၀ီပူၤ ၅ ဖျၢၣ် ခဲလၢာ် ၁၂ ဖျၢၣ်အဃိ ဘၣ်၀ဲဒၣ်လူၢ်သီကီၢ်ဆၣ် ယဲမုၢ်ပျီကရူၢ် မ့ၤဖှဲထၣ်သ၀ီဖိ စီၤကံၣ်ဘု ၆၀ နံၣ် ဒီးသံ၀ဲအဂ့ၢ်န့ၣ် ပာ်ဖျါ၀ဲန့ၣ်လီၤႉ လၢန့ၣ်အမဲာ်ညါ ဖဲမဟါ(လါအ့ဖြ့ၣ် ၈ သီ)အနံၤ ခီဖျိပယီၤသုးမီၤစိရိၤအသုးဟဲဆှၣ်တၢ်လၢ ခ့ၣ်အဲၣ်ယူၣ် သုးက့ ၅ သုး၀ဲၤလီၢ်ခိၣ်သ့ၣ်အကပၤ ဒ့ၣ်ပူၤနိၣ်သ၀ီပူၤအိၣ်၀ဲခံဘျီအဃိ လီၢ်က၀ီၤဖိတဖၣ်ဘၣ်ယိၣ်၀ဲလၢတၢ်ကကွံာ်လီၤကဒီးမ့ၣ်ပိၢ်အဂ့ၢ်န့ၣ် သ့ၣ်ညါဘၣ်လၢၦၤဃ့ၢ်မှံဟးဖျိးတဖၣ်အအိၣ်န့ၣ်လီၤႉ စးထီၣ်ဖဲလါမးရှး ၂၇ သီ တုၤလၢ လါအ့ဖြ့ၣ် ၈ သီအနံၤန့ၣ် ခီဖျိပယီၤသုးမီၤစိရိၤအသုးကဘီယူၤဟဲကွံာ်လီၤမ့ၣ်ပိၢ်ဒီးခးလီၤကျိဖးဒိၣ်အဃိ...
မၠၣ်၀တံၣ်၀့ၢ်ပူၤ သုးမီၤစိရိၤပၢၤကီၢ်ဒီးပၢပြးကရူၢ်တဖၣ် ဟးဟံကွံာ် PSI စလီ
လါအ့ဖြ့ၣ် ၈ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ ဖဲတနံၤအံၤ(လါအ့ဖြ့ၣ် ၈)သီ ဂီၤခီအဆၢကတီၢ် ပယီၤသုးမီၤစိရိၤအသုးဒီး ပၢၤကီၢ်သုးတဖၣ် ဟးဟံကွံာ်၀ဲဒၣ်(PSI)စလီလၢကျးတနီၤအပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဘၣ်ထွဲဒီးတၢ်ဟးဟံကွံာ်(PSI)တၢ်ဂ့ၢ် မၠၣ်၀တံၣ်၀့ၢ်ဖိလၢအထံၣ်ဒီးအမဲာ်တဂၤ စံး၀ဲ“တနံၤအံၤဂီၤခီ ဖဲယလဲဲၤလၢပၢၤကီၢ်၀ဲၤလီၢ်အခါ ယထံၣ်လၢၦၤပာ်ပူၣ်ထီၣ်(PSI)စလီအဃိ ယသံကွၢ်ဒီးၦၤတဲလၢစလီတဖၣ်အံၤ တၢ်ဟံန့ၢ်လၢၦၤဆါကျးပူၤလီၤ” အဂ့ၢ်န့ၣ် စံး၀ဲန့ၣ်လီၤႉ ဒ်န့ၣ်အသိး ဖဲတနံၤအံၤ(လါအ့ဖြ့ၣ် ၈)သီအနံၤ မိၣ်ကီၢ်စဲၣ်ဒီးအ့ၣ်ယၣ်၀တံၣ်ကီၢ်ခီဒိၣ်အပူၤဃုာ်ဒီး တၢ်လီၢ်အဂၤတဖၣ်စ့ၢ်ကီး တၢ်ဟးသ့၀ဲ(PSI)စလီတဖၣ်စ့ၢ်ကီးအိၣ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဘၣ်ထွဲဒီးတၢ်ဟးဟံကွံာ်(PSI)စလီတၢ်ဂ့ၢ်အံၤ မၠၣ်၀တံၣ်၀့ၢ်ဖိတဂၤ စံး၀ဲ “ခီဖျိလၢ(PSI)စလီအံၤအဃိ ပကွၢ်ဘၣ် Mizzima Channel ဒီး DVB အတၢ်ကစီၣ်လီၤႉ ခဲအံၤတၢ်ဟးဟံကွံာ်(PSI)ဒ်အံၤ မၤ၀ဲဒ်သိးဒီးကမျၢၢ်တဖၣ်သုတကွၢ်ဘၣ်တၢ်ကစီၣ်ႇသုတသ့ၣ်ညါဘၣ်တၢ်လီၤ” အဂ့ၢ်န့ၣ် စံး၀ဲန့ၣ်လီၤႉ လၢန့ၣ်အမဲာ်ညါ ဘၣ်ထွဲဒီးတၢ်ဟးဟံကွံာ်(PSI)စလီတၢ်ဂ့ၢ်အံၤ ကဘျးစဲလိာ်အသးဒီး ဖဲအပူၤကွံာ်စှၤသီ ပယီၤသုးမီၤစိရိၤဆှၢဒုးသ့ၣ်ညါလံာ်ဆူ (skynet )ကွဲၤထံၣ်ဟူခီပနံၣ်အအိၣ်လၢ ၦၤမၤဒွဲ လၤတၢ်ကူၣ်သ့တဖၣ်လၢတၢ်လိာ်ဘၢလိာ်ကွီၢ်ဃာ်၀ဲလၢ အဆၢဖိ ၅၀၅(က)အံၤ တၢ်တဘၣ်ထုးထီၣ်ရၤလီၤလၢ ကွဲၤထံၣ်ဟူဒီးတၢ်ဟူးတၢ်ဂဲၤလၢအဂၤနီတခါဘၣ်အဂ့ၢ်န့ၣ်...
ကမျၢၢ်ထံဖိကီၢ်ဖိလၢအဘၣ်ဃ့ၢ်မှံဟးဖျိးတဖၣ် လိၣ်ဘၣ်၀ဲတၢ်အီၣ်တၢ်အီႇတၢ်အိၣ်ဆူၣ်အိၣ်ချ့ ဒီးတၢ်အိၣ်ဆိးလီၢ်
လါအ့ဖြ့ၣ် ၈ သီႇ ၂၀၂၁ နံၣ်ႇ ခ့ၣ်အဲးစံၣ် ခီဖျိပယီၤသုးမီၤစိရိၤအသုးဟဲကွံာ်လီၤမ့ၣ်ပိၢ်ဒီးကဘီိယူၤအဃိ ကညီကမျၢၢ်ထံဖိကီၢ်ဖိလၢအဘၣ်ဃ့ၢ်မှံဟးဖျိးတဖၣ် လိၣ်ဘၣ်၀ဲဒၣ်တၢ်အရ့ဒိၣ်န့ၣ်မ့ၢ်၀ဲ တၢ်အီၣ်တၢ်အီႇတၢ်အိၣ်ဆူၣ်အိၣ်ချ့ႇ ဒီးတၢ်အိၣ်ဆိးလီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ် ဆူၣ်ချ့မၤစၢၤမူဒါခိၣ် သရၣ်စီၤညိၣ်၀့ လၢအအိၣ်ဒီးၦၤဃ့ၢ်မှံဟးဖျိးတပူၤဃီအံၤစံး၀ဲလၢ လၢအ၀ဲသ့ၣ်ကီၢ်ရ့ၣ်အပူၤ ၦၤဃ့ၢ်မှံဟးဖျိးတဖၣ်အဂီၢ် လိၣ်ဘၣ်၀ဲတၢ်လၢအရ့ဒိၣ်ကတၢၢ်န့ၣ်မ့ၢ်၀ဲ တၢ််အီၣ်တၢ်အီဒီးတၢ်အိၣ်ဆူၣ်အိၣ်ချ့လီၤအဂ့ၢ်န့ၣ် စံး၀ဲဒ်အံၤန့ၣ်လီၤႉ “တၢ်အိၣ်တၢ်ဆိးခီန့ၣ်အိၣ်ဒ်လဲၣ်န့ၣ်အိၣ်သ့လီၤႉ တၢ်လၢအရ့ဒိၣ်လၢအလိၣ်န့ၣ်မ့ၢ်၀ဲ တၢ်အီၣ်တၢ်အီဒီးတၢ်အိၣ်ဆူၣ်အိၣ်ချ့လီၤႉ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ တၢ်လီၢ်ဖဲန့ၣ်သ့ၣ်တဖၣ်အပူၤ စးထီၣ်ဖဲအပူၤကွံာ် လါမးရှး ၂၇သီ တုၤလၢ လါမးရှး ၃၁ သီအနံၤ ခီဖျိသုးမီၤစိရိၤအသုးကဘီယူၤဟဲကွံာ်လီၤမ့ၣ်ပိၢ်အဃိ ဟံၣ်ဃီဒီးကၠိတဖၣ်ဟးဂီၤ၀ဲဒၣ်အါမးန့ၣ်လီၤႉ ဘၣ်ဆၣ် ဖဲလါအ့ဖြ့ၣ်ထီၣ်သီအကတီၢ် ကဘီယူၤဟဲဆှၣ်တၢ်အိၣ်ဒီးကွံာ်လီၤမ့ၣ်ပိၢ်တအိၣ်၀ဲဘၣ်ဆၣ် မ့မ့ၢ်လၢ ခ့ၣ်အဲၣ်ယူၣ် သုးက့ ၅ ဟီၣ်က၀ီၤအပူၤ ပယီၤသုးမီၤစိရိၤအသုးတဖၣ်ဟူးဂဲၤအါထီၣ်၀ဲအဂ့ၢ်န့ၣ် သ့ၣ်ညါဘၣ်လၢဟီၣ်က၀ီၤၦၤဟ့ၣ်တၢ်ကစီၣ်ဖိအအိၣ်န့ၣ်လီၤႉ ဖဲအပူၤကွံာ်(လါမးရှး ၂၈)သီအနံၤ ကီၢ်ဆၢလီၢ်က၀ီၤဖိတဖၣ်လဲၤဃ့ၢ်ထီၣ်၀ဲလၢကီၢ်ကၠီၣ်တဲၣ်တကပၤဘၣ်ဆၣ် ကၠီၣ်တဲၣ်ၦၤဘၣ်မူဘၣ်ဒါတဖၣ်တတူၢ်လိာ်၀ဲအမဲာ်ညါ လၢကဘၣ်က့ၤကဒါလၢလီၢ်ကျဲအဂီၢ် တၢ်ဘံၣ်တၢ်ဘၢအဂီၢ်တၢ်ကီတၢ်ခဲအိၣ်၀ဲလီၤႉ လၢန့ၣ်အမဲာ်ညါတၢ်အိၣ်ဆူၣ်အိၣ်ချ့အဂီၢ် ဒိးန့ၢ်ဘၣ်ကသံၣ်ကသီတၢ်မၤစၢၤစှၤကိာ်ဖိဒံးလီၤအဂ့ၢ်န့ၣ် အံတူၢ်ထၣ်သ၀ီဖိတဂၤ စံးဘၣ်ခ့ၣ်အဲးစံၣ်န့ၣ်လီၤႉ အ၀ဲစံး၀ဲလၢ “တၢ်ဖိတၢ်လံၤခီန့ၣ် သီလဲၤထၣ်သ၀ီ ၦၤလၢအအိၣ်ဒီးအချံတဖၣ်ဟဲဆှၢန့ၢ်၀ဲလီၤႉ ခဲအံၤတၢ်လဲၤတၢ်က့ၤတညီဘၣ်အဃိကီခဲတစဲးအိၣ်လီၤႉ ကျိၣ်စ့တၢ်ဟဲနုာ်စ့ၢ်ကီးတအိၣ်ဘၣ်ႉ မူခိၣ်နါက့စူၤအဃိ...
လူၢ်ပျဲၢ်၀့ၢ်ပူၤ တၢတဘျီတၢ်စးထီၣ်ဆဲးခိ၀ံၣ်ကသံၣ်ဒီသဒၢ
လါအ့ဖြ့ၣ် ၇ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇလူၢ်ပျဲၢ်၀့ၢ်ပူၤ စးထီၣ်ဖဲလါအ့ဖြ့ၣ် ၄ သီအနံၤ သုးကီၣ်ကး သုးဟံၣ်ဖိဃီဖိတဖၣ်ဒီးသ၀ီဖိတဖၣ် တၢတဘျီတၢ်စးထီၣ်ဆဲးန့ၢ်ခိ၀ံၣ်ကသံၣ်ဒီသဒၢ ဖဲလူၢ်ပျဲၢ်၀့ၢ်အီၤဆါဘျီၣ်ပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ၦၤလၢအဆဲးခိ၀ံၣ်ကသံၣ်ဒီသဒၢ၀ံၤတဂၤ စံး၀ဲ“အဆိကတၢၢ်န့ၣ်အ၀ဲသ့ၣ်ထိၣ်၀ဲဒၣ်သွံၣ်လီၤႉ ၀ံၤဘျီ အိၣ်ဘှံး ၃ မံးနံး၀ံၤမး ဆဲးန့ၢ်၀ဲခိ၀ံၣ်ကသံၣ်ဒီသဒၢလီၤႉ ဆဲး၀ဲ၀ံၤဘျီန့ၣ် အိၣ်ဒ်ညီနုၢ်အသိးလီၤတဘၣ်တၢ်နီတမံၤဘၣ်” အဂ့ၢ်န့ၣ် စံးဘၣ်ခ့ၣ်အဲးစံၣ် ဖဲလါအ့ဖြ့ၣ် ၆ သီအနံၤန့ၣ်လီၤႉ လူၢ်ပျဲၢ်၀့ၢ်ပူၤ စးထီၣ်ဖဲလါအ့ဖြ့ၣ် ၄ သီအနံၤ တုၤလၢ ၆ သီအနံၤ ၦၤလၢအဆဲးခိ၀ံၣ်ကသံၣ်ဒီသဒၢ၀ံၤအိၣ်၀ဲ ၃၀၀ ဘျဲၣ်အဂ့ၢ်န့ၣ် သ့ၣ်ညါဘၣ်လၢၦၤဘၣ်မူဘၣ်ဒါတဖၣ်အအိၣ်န့ၣ်လီၤႉ ခိ၀ံၣ်ကသံၣ်ဒီသဒၢအံၤ တၢ်ကဘၣ်ဆဲး၀ဲ ၂ ဘျီဒီး ခံဘျီတဘျီန့ၣ် တၢ်ကဆဲးကဒါလၢလါမ့ၤအတီၢ်ပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ