ဒ်သိးတၢ်က့ၤအိးထီၣ်ကၠိကန့ၢ်အဂီၢ် ကူၣ်သ့ခိၣ်၀ဲၤဒၢးဟးထၢကၠိသရၣ်/သရၣ်မုၣ်လၢအက့ၤထီၣ်ကဒါကၠိအနီၣ်ဂံၢ်
လါအ့ဖြ့ၣ် ၂၇ သီႇ ၂၀၂၁ နံၣ်ႇ ခ့ၣ်အဲးစံၣ် လါလၢကဟဲ လါယူၤလံအတီၢ်ပူၤ ခီဖျိသုးကီၣ်ကးရဲၣ်ကျဲၤ၀ဲလၢကက့ၤအိးထီၣ်ဂံၢ်ခီၣ်ထံးကၠိတဖၣ်အဃိ ကူၣ်သ့ခိၣ်၀ဲၤဒၢးလၢအဘၣ်ထွဲတဖၣ် ဟးလူၤထၢ၀ဲဒၣ် ကၠိသရၣ်/သရၣ်မုၣ်လၢအကသိၣ်လိတၢ်တဖၣ်အမံၤစရီအဂ့ၢ်န့ၣ် သ့ၣ်ညါဘၣ်လၢကၠိသရၣ်/သရၣ်မုၣ်အအိၣ်န့ၣ်လီၤႉ ကီၢ်ဆၣ်ကူၣ်သ့ခိၣ်၀ဲၤဒၢးဟးထၢ၀ဲကၠိသရၣ်/သရၣ်မုၣ်လၢအပၣ်ဃုာ်လၢ (CDM)တၢ်ဟူးတၢ်ဂဲၤအပူၤတဖၣ်ဒီး ကၠိသရၣ်သရၣ်မုၣ်လၢအတပၣ်ဃုာ်တဖၣ်အနီၣ်ဂံၢ်စရီအမဲာ်ညါ ကၠိကရၢၢ်ပူၤဒ်သိးတၢ်ကတြီ Covid-19 တၢ်ဆါအဂီၢ်တၢ်အိၣ်ကတဲၤကတီၤတၢ်အိၣ်သးဒီး ဟးလူၤထၢ၀ဲ ဒၣ်ကၠိသရၣ်/သရၣ်မုၣ်တလဲၤထီၣ်၀ဲဒၣ်တၢ်သိလိအဂ့ၢ်အကျိၤတဖၣ်အဂ့ၢ်န့ၣ် သ့ၣ်ညါဘၣ်လၢဖၣ်အၣ်ကီၢ်ဆၣ် သရၣ်မုၣ်ကၠိခိၣ်အအိၣ်န့ၣ်လီၤႉ ဖၣ်အၣ်ကီၢ်ဆၣ် သရၣ်မုၣ်ကၠိခိၣ်လၢတအဲၣ်ဒိးပာ်ဖျါအမံၤတဂၤ စံး၀ဲ “သရၣ်/သရၣ်မုၣ်လၢတထီၣ်၀ဲဒၣ် ကၠိသရၣ်/သရၣ်မုၣ်တၢ်သိၣ်လိန့ၣ်အနီၣ်ဂံၢ်အါမးလီၤႉ ခဲအံၤဟးလူၤထၢ၀ဲၦၤလၢအနုာ်လီၤဟူးဂဲၤလၢ (CDM) အပူၤတဖၣ်လီၤႉ ၀ံၤဘျီဘၣ်မနုၤအဃိတထီၣ်တၢ်သိၣ်လိဘၣ်လဲၣ်ႉဟဲသံကွၢ်၀ဲတၢ်သ့ၣ်တဖၣ်န့ၣ်လီၤႉ ပ၀ဲသ့ၣ်တဖၣ်ဒုလ့ၤတက့ၤတသိၣ်လိတၢ်လၢသုးမီၤစိရိၤသနူအဖီလာ်ဘၣ်န့ၣ် တဲဃာ်ရှဲရှဲလီၤႉ ပတထီၣ်ဟုၣ်ထီၣ်ဘျၣ်တၢ်မၤလိဘၣ်ႉ ကမျၢၢ်မ့ၢ်အဲၣ်ဒိး၀ဲတနံၤမးကက့ၤထီၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ကၠိမ့ၢ်က့ၤထီၣ်ကဒါဘၣ်ဆၣ် ကၠိဖိသ့ၣ်ခဲလၢာ်တက့ၤထီၣ်ကဒါကၠိဘၣ်အသိး ကၠိဖိမိၢ်ပၢ်တဖၣ်စ့ၢ်ကီး တဒုးထီၣ်အဖိလၢသုးမီၤစိရိၤတၢ်ပၢအဖီလာ်ဘၣ်အိၣ်၀ဲစ့ၢ်ကီးအဂ့ၢ်န့ၣ် သရၣ်မုၣ်တဂၤဃီ၀ဲန့ၣ် စံးအါထီၣ်၀ဲန့ၣ်လီၤႉ လၢန့ၣ်အမဲာ်ညါ ကၠိသရၣ်/သရၣ်မုၣ်လၢအဟူးဂဲၤပၣ်ဃုာ်လၢ (CDM)ပူၤလၢအစံၣ်အိၣ်ခူသူၣ်တဖၣ်ဒီး ကၠိဖိသ့ၣ်တဖၣ်ကဟဲက့ၤကဒါအဂီၢ် တၢ်တဲသကိး၀ဲလၢတၢ်အိၣ်ဖှိၣ်ပူၤအိၣ်၀ဲအသိး တၢ်မ့ၢ်မၤပျံၤမၤဖုးလၢကဘၣ်ဟဲနုုာ်လီၤပၣ်ဃုာ်လၢ(CDM)ပူၤန့ၣ် လဲၤတီၣ်ထီၣ်တၢ်ဂ့ၢ်တၢ်ကျိၤန့ၢ်ဒီး တၢ်ကဟံးန့ၢ်အရ့တုၤလီၤတီၤလီၤအဂ့ၢ်န့ၣ် ဖဲလါအ့ဖြ့ၣ် ၂၄ သီအနံၤ ကညီကီၢ်စဲၣ် သုးကီၣ်ကီၣ်ကးခိၣ်စံးတ့ၢ်ဃာ်၀ဲန့ၣ်လီၤႉ ကၠိသရၣ်မုၣ်လၢအနုာ်လီၤလၢ (CDM)တၢ်ဟူးတၢ်ဂဲၤပူၤလၢအဘၣ်ဃ့ၢ်အိၣ်ခူသူၣ်တဂၤ စံး၀ဲ“သုးမီၤစိရိၤအံၤခီဖျိအသးတလီၤဂာ်ၦၤကညီလၢၤဘၣ်အဃိ မၤသံ၀ဲဒၣ်ကမျၢၢ်ထံဖိကီၢ်ဖိလီၤႉ ဟးဖီၣ်၀ဲဒၣ်တၢ်လီၤႉ ခဲအံၤကၠိကက့ၤအိးထီၣ်ကဒါလီၤအဃိ...
သုးက့ ၅ ထီၣ်ဒုးန့ၢ် သုးမီၤစိရိၤ သီလဲၤထၣ် အသုးကလၢၤ
လါအ့ဖြ့ၣ် ၂၇သီႇ ၂၀၂၁နံၣ်ႇခ့ၣ်အဲးစံၣ် ဖဲလါအ့ဖြ့ၣ်၂၇ သီအနံၤ သုးမီၤစိရိၤအသုးကလၢၤလၢဆီလီၤသးဖဲကီၢ်ပယီၤ=ကီၢ်ကၠီၣ်တဲၣ်ကီၢ်ဆၢ သီလဲၤထၣ်(မဲၢ်စၤမ်လဲၣ်ဘ်)အံၤ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢစုဒုၣ်တီၤဖီလာ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (ခ့ၣ်အဲၣ်အဲလ်အ့ၣ်)သုးက့ ၅ ထီၣ်ဒုးန့ၢ်ကွံာ်၀ဲန့ၣ်လီၤႉ ဘၣ်ထွဲဒီးတၢ်ထီၣ်ဒုးန့ၢ်ကွံာ်သုးကလၢၤအံၤ မ့ၢ်လီၤတံၢ်အဂ့ၢ် သုးက့(၅)ၦၤတဲတၢ်ပၢသုးခိၣ်ဒိၣ်စိ စီၤကျၢၤဒိၣ်စံး၀ဲဒီးမ့မ့ၢ်တၢ်ဘၣ်ဒိ၊တၢ်သံတၢ်ၦၢ်အလီၤတံၢ်လီၤဆဲးတခီတသ့ၣ်ညါဒံးဘၣ်အဂ့ၢ် အ၀ဲစံး၀ဲန့ၣ်လီၤႉ သီလဲၤထၣ်သုးကလၢၤလၢအိၣ်ဆီလီၤသးဖဲ ဃိၣ်လိာ်ကျိကၢၢ်နံၤအံၤအပူၤကွံာ်စှၤသီအတီၢ်ပူၤ ခး၀ဲကမျၢၢ်ချံစဲးတဖၣ်လၢလ့ၢ်လိၤလၢဃိၣ်လိာ်ကျိပူၤဃုာ်ဒီးကၠီၣ်တဲၣ်ကီၢ်ဆၢဘံၣ်ဘၢသုးအချံ တဖၣ်အိၣ်စ့ၢ်ကီးန့ၣ်လီၤႉ သီလဲၤထၣ်သုးကီၣ်ကးအသုးကလၢၤအံၤလၢသုးက့(၅)ဟီၣ်က၀ီၤအပူၤ မ့ၢ်၀ဲသုးကလၢၤလၢအဒိၣ်တဖၣ်အကျါတဖျၢၣ်ဒီး ဖဲအပူၤကွံာ်လါမးရှး ၂၇သီအနံၤန့ၣ် ကီၢ်ပယီၤ=ကီၢ်ကၠီၣ်တဲၣ်ကီၢ်ဆၢ သံမူထၣ် သုးကီၢ်ကးအသုးကလၢၤစ့ၢ်ကီး ခ့ၣ်အဲၣ်အဲလ်အ့ၣ် သုးက့(၅)ထီၣ်ဟံန့ၢ်ကွံာ်တ့ၢ်၀ဲန့ၣ်လီၤႉ
သ၀ီဖိတဖၣ်အဲၣ်ဒိးလၢ သုးမီၤစိရိၤအသုးလၢအဟဲဆီလီၤသးဖဲ ချၢၣ်- တကူၣ်တဲၣ်သ၀ီအပူၤတဖၣ် ကက့ၤကဒါဆူအလီၢ်အကျဲ
လါအ့ဖြ့ၣ် ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် သုးမီၤစိရိၤအသုးလၢအဟဲဆီလီၤသး ဖဲ၀ီၢ်ရီကီၢ်ဆၣ် ချၢၣ်=တခိၣ်တဲၣ်သ၀ီ ပၢၤကီၢ်၀ဲၤလီၢ်တဖၣ် လီၢ်က၀ီၤသ၀ီဖိတဖၣ်အဲၣ်ဒိးလၢ အ၀ဲသ့ၣ်ကက့ၤကဒါဆူအလီၢ်အကျဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ စးထီၣ်ဖဲတလါအံၤလါထီၣ်သီအခါ သုးမီၤစိရိၤအသုးဟဲတုၤ၀ဲဒၣ်ဖဲပၢၤကီၢ်၀ဲၤလီၢ်၀ံၤအလီၢ်ခံ ခီဖျိသမံသမိး၀ဲဒၣ်ၦၤဟးထီၣ်က့ၤလီၤဖိတဖၣ်အဃိ လီၢ်က၀ီၤသ၀ီဖိတဖၣ်အါဒၣ်တက့ၢ် ဘၣ်ပတုာ်ကွံာ်၀ဲတၢ်ကွးရီဘၢၣ်အထုးတၢ်မၤႇတၢ်မၤ၀ဲၤလီၢ်တဖၣ်ဒီး လၢဟီၣ်က၀ီၤအပူၤ ဘၣ်ယိၣ်လၢတၢ်ဒုးကဟဲက့ၤကဲထီၣ်ကဒါအဂ့ၢ်န့ၣ် လီၢ်က၀ီၤဖိတဖၣ်စံးဘၣ်ခ့ၣ်အဲးစံၣ်န့ၣ်လီၤႉ “စးထီၣ်လၢအ၀ဲသ့ၣ်ဟဲတုၤန့ၣ် လဲၤကွးရီဘၢၣ်အထုးႇလဲၤလၢခုးပူၤစံာ်ပူၤတဘူၣ်လၢၤဘၣ်ႉ ပျံၤလၢကခး၀ဲတၢ်လီၤႉ တူၢ်ဘၣ်ဒ်သိးဒီးတၢ်ဘံၣ်တၢ်ဘၢတအိၣ်လၢၤဘၣ်လီၤႉ မ့ၢ်တၢ်ဒုးကကဲထီၣ်ဧါႇမ့ၢ်ကဘၣ်စံၣ်လီၣ်ဧါႇအိၣ်ဒီးဖိဒံဖိသၣ်အဃိဘၣ်ပျံၤတၢ်လီၤႉ လၢနံၣ် ၅၀ တၢ်ဒုးအပူၤ ဘၣ်ခီဖျိ၀ံၤလံလီၤႉ အဲၣ်ဒိးဃ့၀ံသးစူၤလၢကက့ၤကဒါန့ၣ်လီၤ”အဂ့ၢ်န့ၣ် ၀ီၢ်ရီလီၢ်က၀ီၤဖိ နီၢ်ကူၣ်ကူၣ် စံးဘၣ်ခ့ၣ်အဲစံၣ်န့ၣ်လီၤႉ ဖဲအပူၤကွံာ် လါအ့ဖြ့ၣ် ၅ သီ ဟါခီ ၇ နၣ်ရံၣ်အဆၢကတီၢ် ၀ီၢ်ရီဟီၣ်က၀ီၤ တကူၣ်တဲၣ် ပၢၤကီၢ်၀ဲၤလီၢ်ကရၢၢ်အပူၤ သုးကီၣ်ကးအသုးဒီးသုးခိးကီၢ်ဆၢသုးတဖၣ်ပာ်ဖှိၣ်ထီၣ်သးဟဲအိၣ်ဆီ လီၤသး၀ံၤအလီၢ်ခံ သ၀ီဖိတဖၣ်အါဒၣ်တက့ၢ်န့ၣ် လဲၤတၢ်မၤလၢမုၢ်နၤခီတဘူၣ်လၢၤဘၣ်အမဲာ်ညါ ထံကီၢ်ၦၤမၤတၢ်ဖိတဖၣ်ႇကမျၢၢ်လၢအပာ်ဖျါထီၣ်သးတဖၣ်အါဒၣ်တက့ၢ်န့ၣ် ဘၣ်ယိၣ်၀ဲလၢတၢ်ကသမံသမိးအ၀ဲသ့ၣ်အဃိ ဘၣ်ဟးစံၣ်အိၣ်ခူသူၣ်စ့ၢ်ကီးအိၣ်၀ဲအဂ့ၢ်န့ၣ် သ့ၣ်ညါဘၣ်လၢသ၀ီၦၤဘၣ်မူဘၣ်ဒါတဖၣ်အအိၣ်န့ၣ်လီၤႉ စးထီၣ်ဖဲလါဖ့ၤဘြူၤအါရံၤ ၁ သီ သုးဟံးန့ၢ်ကွံာ်ထံကီၢ်တၢ်စိတၢ်ကမီၤ၀ံၤအလီၢ်ခံ ကီၢ်ပယီၤအပူၤ တၢ်ပာ်ဖျါထီၣ်သးတၢ်ဘၣ်သးတဖၣ်ဟဲကဲထီၣ်အသးဒီး လၢ၀ီၢ်ရီဟီၣ်က၀ီၤအပူၤစ့ၢ်ကီး တၢ်ကရၢကရိထီၣ်တၢ်ပာ်ဖျါထီၣ်သးဒီးတၢ်ပာ်ဖျါထီၣ်တၢ်ဘၣ်သးစ့ၢ်ကီးအိၣ်၀ဲဒၣ်န့ၣ်လီၤႉ
တၢ်ဟဲကွံာ်လီၤ မၠၣ်၀တံၣ်၀့ၢ် နီၣ်ဂံၢ် ၄ က၀ီၤဒ့ သးၦၢ်အဟံၣ်ဒီးမ့ၣ်ပိၢ်
လါအ့ဖြ့ၣ် ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ တၢ်ဟဲကွံာ်လီၤ နီၣ်ဂံၢ်(၄)က၀ီၤဒ့ သးၦၢ်အဟံၣ်ဒီးမ့ၣ်ပိၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲတနံၤအံၤ လါအ့ဖြ့ၣ် ၂၆ သီ ဂီၤခီ ၅း၂၀ မံးနံးအဆၢကတီၢ် ၦၤခံဂၤလၢဟဲဒိး၀ဲဒီးဆဲးကဲးတခိၣ်အံၤ ဟဲကွံာ်လီၤစိမ့ၣ်ပိၢ်လၢဟံၣ်ကရၢၢ်အချၢအဂ့ၢ်န့ၣ် (CCTV) လၢတၢ်ထီထီၣ်ဃာ်လၢသးၦၢ်အဟံၣ်တၢ်မၤနီၣ်အသိး တၢ်စံးပဲာ်ထံနီၤဖးအိၣ်၀ဲန့ၣ်လီၤႉ ခီဖျိမ့ၣ်ပိၢ်အံၤပိၢ်ဖးထီၣ်၀ဲလၢ နီၣ်ဂံၢ်(၄)က၀ီၤဒ့ သးၦၢ်အူစံၤလဲၣ်အဟံၣ်ကရၢၢ်ပူၤအကါကပၤအဃိ တၢ်ဘၣ်ဒိဘၣ်ထံးတအိၣ်၀ဲဘၣ်ဆၣ် အသိလ့ၣ်အခီၣ်ပၣ်တဖၣ် ဟးဂုၤဟးဂီၤ၀ဲဒၣ်န့ၣ်လီၤႉ မ့ၣ်ပိၢ်ပိၢ်ဖးထီၣ်၀ံၤအလီၢ်ခံ ပၢၤကီၢ်သုးႇသုးဒီး သုးခိးကီၢ်ဆၢ -BGF တဖၣ်ဒီး သုးကီၣ်ကးသးၦၢ်တဖၣ်ပာ်ဖှိၣ်ထီၣ်သးဒီး နုာ်လီၤသမံသမိးတၢ်လၢမၠၣ်၀တံၣ်က၀ီၤဒ့ဟံၣ်ပူၤတဖၣ်န့ၣ်လီၤႉ
တတူၢ်လိာ် NUG ပဒိၣ်ဒံးဘၣ်အဂ့ၢ် DKBA ထုးထီၣ်ပာ်ဖျါ
လါအ့ဖြ့ၣ် ၂၃ သီႇ ၂၀၂၁ နံၣ်ႇ ခ့ၣ်အဲးစံၣ် ဒီကလုာ်တၢ်ဃူတၢ်ဖိးပဒိၣ်ကရူၢ် (NUG) လၢကီၢ်စၢဖှိၣ်ဘျီၣ်ဒိၣ်ခၢၣ်စးကမံးတံာ်(CRPH)ဒုးအိၣ်ထီၣ်၀ဲအံၤ တတူၢ်လိာ်ဒံးဘၣ်အဂ့ၢ်န့ၣ် တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် -DKBA ထုးထီၣ်ဒုးသ့ၣ်ညါပာ်ဖျါ၀ဲ ဖဲတနံၤအံၤ(လါအ့ဖြ့ၣ် ၂၃)သီအနံၤန့ၣ်လီၤႉ ဖဲလါအ့ဖြ့ၣ် ၂၁ သီအနံၤ တီနီၢ်မုၢ်ထီၣ် ဟီၣ်က၀ီၤအပူၤ သူၣ်က့သးၦၢ်သ၀ီသးၦၢ်တဖၣ်ဃုာ်ဒီး ကညီဒီကလုာ်စၢဖှိၣ်ကရၢ -KNU, တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် -DKBA ဒီး ကညီကူၣ်သ့ဆဲးလၤ၀ဲၤကျိၤ -KECD တဖၣ် မၤ၀ဲတၢ်တၢၣ်ပီၣ်တဲသကိးတၢ်ကူၣ်ဘၣ်ကူၣ်သ့တၢ်အိၣ်ဖှိၣ်တခါဖဲ DKBA လီၢ်ခၢၣ်သး သုး၀ဲၤလီၢ်ခိၣ်သ့ၣ်တၢ်လီၢ်၀ံၤ ထုးထီၣ်၀ဲတၢ်ပာ်သးတဖၣ်အကျါတထံၣ်လၢအမ့ၢ်“ကတူၢ်လိာ်ဆီၣ်ထွဲ NUG ပဒိၣ်ကရူၢ်”တၢ်ဂ့ၢ်အံၤ KIC ကညီတၢ်ကစီၣ်၀ဲၤလီၢ်ခိၣ်သ့ၣ် ကွဲးဃာ်၀ဲတၢ်ကစီၣ်အိၣ်န့ၣ်လီၤႉ ဘၣ်ထွဲဒီး KIC ကညီတၢ်ကစီၣ်၀ဲၤလီၢ်ခိၣ်သ့ၣ်ကွဲးတၢ်ကစီၣ်အံၤ အ၀ဲသ့ၣ် တၢ်ကရၢကရိတၢ်ပာ်သးတၢ်ထုးထီၣ်ပာ်ဖျါတအိၣ်ဘၣ်အသိး လ့ၤတက့ၤတတူၢ်လိာ်၀ဲဘၣ်အဂ့ၢ်ႇ လၢတၢ်တၢၣ်ပီၣ်တဲသကိးတၢ်ကူၣ်ဘၣ်ကူၣ်သ့အပူၤ တၢ်တဲသကိးဒၣ်ထဲလၢဟီၣ်က၀ီၤအပူၤ ဘၣ်ထွဲဒီးတၢ်ကူၣ်ဘၣ်ကူၣ်သ့လီၤဒီး တမ့ၢ်တၢ်တၢၣ်ပီၣ်တဲသကိးဘၣ်ထွဲ NUG ဘၣ်အဂ့ၢ်န့ၣ် DKBA က့ၤထုးထီၣ်ဒုးသ့ၣ်ညါကဒါ၀ဲဒၣ်န့ၣ်လီၤႉ DKBA ၦၤကတိၤတၢ်ပၢ သုးခိၣ်ကျၢၢ်ဖိ စီၤမူခိၣ် စံး၀ဲလၢ“တၢ်ဂ့ၢ်တၢ်ကျိၤတခါအံၤ ပဒိၣ်တဖၣ်...
ဖၣ်အၣ်၀့ၢ်ပူၤ တၢ်ဖီၣ်ကဒီးၦၤဟူးဂဲၤ CDM ကၠိသရၣ်မုၣ်တဂၤ
လါအ့ဖြ့ၣ် ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇဖၣ်အၣ်၀့ၢ်ပူၤ ကၠိသရၣ်မုၣ်လၢအပၣ်ဃုာ်လၢတၢ်ထီဒါသုးမီၤစိရိၤ (CDM) အပူၤတဂၤ ဖဲလါအ့ဖြ့ၣ် ၂၁ သီ ဟါခါအဆၢကတီၢ် သုးကီၣ်ကးအသုးဒီးပၢၤကီၢ်သုးတဖၣ် လဲၤနုာ်လီၤဖီၣ်အီၤဖဲတၢ်လီၢ်လၢအလဲၤစံၣ်အိၣ်ခူသူၣ်အလီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ကၠိသရၣ်မုၣ်နါနွ့နွ့လဲၤအံၤ မ့ၢ်၀ဲဒၣ်တီၤဖုၣ်ကၠိသရၣ်မုၣ် လီၤဘၣ်မူဒါလၢဖၣ်အၣ်ကီၢ်ဆၣ် ကီၣ်ကၠဲၣ်သ၀ီတီၤဖုၣ်ကၠိဒီး ခီဖျိဖၣ်အၣ်၀့ၢ်ပူၤသုးဒီးပၢၤကီၢ်သုးဟးဖီၣ်တၢ်အိၣ်အဃိ ဖဲအလဲၤစံၣ်အိၣ်ခူသူၣ်လၢ အသကိးအဟံၣ်အ့ၤဒူၣ်သ၀ီပူၤအဆၢကတီၢ် တၢ်ဖီၣ်ချုး၀ဲအီၤလီၤအဂ့ၢ်န့ၣ် သ့ၣ်ညါဘၣ်လၢၦၤလၢအအိၣ်ဘူးဒီးအီၤတဂၤအအိၣ်န့ၣ်လီၤႉ “ပၢၤကီၢ်သုးတဖၣ်ဟဲဖီၣ်အီၤလၢအမိအဟံၣ် ခီဖျိအ၀ဲတအိၣ်လၢဟံၣ်ဘၣ်အဃိ ဒ်သိးတၢ်ကဒုးနဲၣ်ပၠးအအိၣ်လီၢ်အဂီၢ် တၢ်ကိး၀ဲအပုၢ်လီၤႉ မ့ၢ်တၢ်တဲအပုၢ်ဒ်လဲၣ်န့ၣ်တသ့ၣ်ညါဘၣ် မၢအလဲၤပၠးတၢ်လီၢ်ဒီးဖီၣ်၀ဲလီၤ” အဂ့ၢ်န့ၣ် ၦၤလၢအအိၣ်ဘူးဖဲန့ၣ်တဂၤ စံးဘၣ်ခ့ၣ်အဲးစံၣ်န့ၣ်လီၤႉ တၢ်လဲၤဖီၣ်ကၠိသရၣ်မုၣ်နါနွ့နွ့လဲၤအဆၢကတီၢ်န့ၣ် ဘၣ်ဖဲမုၢ်နၤခီအနၣ်ရံၣ် ၁၀ ဘျဲၣ်ဒီး ပၢၤကီၢ်သုးႇသုးဖိတဖၣ်ဒီး ၦၤအဂၤ ၃၀ ဘျဲၣ်ႇသိလ့ၣ် ၅ ခိၣ် ဖီၣ်က့ၤကိး၀ဲဒၣ်သရၣ်မုၣ်အံၤလီၤအဂ့ၢ်န့ၣ် သ့ၣ်ညါဘၣ်လၢၦၤလၢအထံၣ်ဒီးအမဲာ်တဂၤအအိၣ်န့ၣ်လီၤႉ ကၠိသရၣ်မုၣ်တဂၤအံၤအိၣ်၀ဲဒၣ်လၢဖၣ်အၣ်၀့ၢ် ကါနါ(ကမ်းနား)ကျဲအသိး တချုးဒံးလၢမုၢ်နံၤ၀ဲန့ၣ် ဒ်သိး သရၣ်မုၣ်အံၤကလီၤကဒါက့ၤကၠိသရၣ်မူဒါအဂီၢ် ဖၣ်အၣ်ကီၢ်ဆၣ် တၢ်ကူၣ်ဘၣ်ကူၣ်သ့၀ဲၤဒၢး ကိးဃာ်အီၤအိၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဒ်န့ၣ်အသိး ဖဲလါအ့ဖြ့ၣ် ၂၀ သီအနံၤစ့ၢ်ကီး ဖၣ်အၣ်၀့ၢ်ပူၤ ကၠိသရၣ်မုၣ်လၢအဟူးဂဲၤလၢ(CDM)အပူၤတဂၤစ့ၢ်ကီး...
ကညီတၢ်ကရၢကရိ ၄၀ ဘျဲၣ် ဃ့ထီၣ်ကၠီၣ်တဲၣ်ပဒိၣ်ဒ်သိးကဒုးအိၣ်ကဒုၦၤဃ့ၢ်မှံဟးဖျိးဖိတစိၢ်တလီၢ်
လါအ့ဖြ့ၣ် ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် ခီဖျိသုးကီၣ်ကးဟဲကွံာ်လီၤမ့ၣ်ပိၢ်အဃိ လီၢ်က၀ီၤထံဖိကီၢ်ဖိကမျၢၢ်လၢအဘၣ်ပာ်တ့ၢ်ကွံာ်အဟံၣ်အဃီ ဘၣ်ဃ့ၢ်မှံဟးဖျိးတဖၣ်အံၤ ဒ်သိးကၠီၣ်တဲၣ်ၦၤဘၣ်မူဘၣ်ဒါကဒုးအိၣ်ကဒု၀ဲလၢကီၢ်ကၠီၣ်တဲၣ်ပူၤတစိၢ်တလီၢ်အဂီၢ် ကီၢ်ပူၤကီၢ်ချၢကညီတၢ်ကရၢကရိပာ်ဖှိၣ်ခဲလၢာ် ၄၁ ဒူၣ် ထုးထီၣ်၀ဲလံာ်တၢ်ပာ်ဖျါဃ့ထီၣ်ကၠီၣ်တဲၣ်ပဒိၣ် ဖဲလါအ့ဖြ့ၣ် ၂၀ သီအနံၤန့ၣ်လီၤႉ စးထီၣ်ဖဲအပူၤကွံာ်လါမးရှး ၂၇ သီအနံၤ ခီဖျိသုးကီၣ်ကးဟဲကွံာ်လီၤမ့ၣ်ပိၢ်လၢကညီဒီကလုာ်စၢဖှိၣ်ကရၢ -KNU သုးက့(၅)ဟီၣ်အ၀ီၤပူၤအဃိ ကမျၢၢ်သံဘၣ်ဒိဘၣ်ထံးအိၣ်၀ဲဒီး လီၢ်က၀ီၤဖိအကလးလၢအဘၣ်ဃ့ၢ်မှံဟးဖျိးတဖၣ်အံၤ ကီၢ်ကၠီၣ်တဲၣ် ၦၤဘၣ်မူဘၣ်ဒါတဖၣ်တဟ့ၣ်အိၣ်ကဒု၀ဲလၢကၠီၣ်တဲၣ်ပူၤဘၣ်ဒီးက့ၤနီက့ၤကဒါ၀ဲအဖီခိၣ် ဘၣ်ထုးထီၣ်လံာ်တၢ်ပာ်ဖျါဒီးဃ့ထီၣ်ဒ်အံၤန့ၣ်လီၤႉ လံာ်တၢ်ပာ်ဖျါ ၦၤကတိၤတၢ်ပၢ စီၤဆါလွ့ၤ စံး၀ဲ “ကၠီၣ်တဲၣ်ပဒိၣ်အံၤ ဒ်သိးအပူၤကွံာ်လၢညါ မၤစၢၤ၀ဲဒၣ် ပ၀ဲကီၢ်ဆၢကညီၦၤဃ့ၢ်မှံဟးဖျိးတဖၣ်အသိး ဆၢကတီၢ်ခဲအံၤစ့ၢ်ကီး အဲၣ်ဒိးဃ့ထီၣ်လၢကအိးထီၣ်န့ၢ်ပဲတြီလီၤမီၤနီၤႉ ဘၣ်မနုၤအဃိလဲၣ်န့ၣ် တၢ်အိၣ်သးကဲထီၣ်သးလၢကီၢ်ပယီၤအပူၤအံၤ တမ့ၢ်လၢက၀ံၤ၀ဲဒၣ်လၢကီၢ်ပယီၤအပူၤဘၣ်အဃိ ၦၤလၢဟဲဃ့ၢ်ထီၣ်လၢကီၢ်ဆၢတဖၣ်နီက့ၤကဒါ၀ဲအံၤ တမ့ၢ်ကျဲတဘိလၢအဘှါရှဲတၢ်ဂ့ၢ်ကီဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ တကီၢ်ခါဆၢကတီၢ်ခဲအံၤ သုးကီၣ်ကးအသုးတဖၣ်ခးလီၤကျိဖးဒိၣ်လၢဒူသ၀ီပူၤႇတၢ်သူၣ်အီၣ်ဖျးအီၣ်လီၢ်ကျဲ တဖၣ်အပူၤကိးမုၢ်နံၤဒဲးဒီး ဟဲကွံာ်လီၤမ့ၣ်ပိၢ်၀ံၤအလီၢ်ခံဟဲဃုသ့ၣ်ညါတၢ်ဒီးသုးကဘီယူၤအိၣ်၀ဲဒီး ကိးဆၢက တီၢ်ဒဲးဟဲကွံာ်လီၤမ့ၣ်ပိၢ်သ့၀ဲအဂ့ၢ်န့ၣ် လံာ်တၢ်ပာ်ဖျါအပူၤ ပာ်ဖျါ၀ဲန့ၣ်လီၤႉ လၢန့ၣ်အမဲာ်ညါ ၦၤဃ့ၢ်မှံဟးဖျိးဖိတဖၣ်အဂီၢ် တၢ်အီၣ်တၢ်အီဒီးတၢ်အိၣ်တၢ်ဆိးတၢ်ခိၣ်ဒုးတဖၣ်အဂီၢ် တၢ်မၤစၢၤတၢ်ဖိတၢ်လံၤလၢၦၤမၤဘူၣ်လီၤလၢတၢ်လီၢ်အါတီၤအပူၤတဖၣ်အံၤ ဒ်သိးတၢ်ကလဲၤဆှၢ၀ဲအဂီၢ် ကၠီၣ်တဲၣ်ၦၤဘၣ်မူဘၣ်ဒါတဖၣ်တဟ့ၣ်အခွဲးကးတံၢ်ကျဲဒီး တကီၢ်ခါခဲအံၤဘၣ်လဲၤဆှၢတၢ်ဖိတၢ်လံၤလၢတၢ်နၢ်ပၢၢ်အပူၤလီၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ တကီၢ်ခါဆၢကတီၢ်ခဲအံၤစ့ၢ်ကီး လၢခ့ၣ်အဲၣ်ယူၣ်တၢ်ပၢဟီၣ်က၀ီၤအပူၤ သုးကီၣ်ကး အသုးဟဲဃုသ့ၣ်ညါတၢ်ဒီးသုးကဘီယူၤအိၣ်၀ဲကိးမုၢ်နံၤဒဲးဒီး...
ဒ်သိးကဒုးဖျိးထီၣ်ကွံာ်သုးမီၤစိရိၤအဂီၢ် KNU,DKBA ဒီး BGF သုးပာ်ဖှိၣ်ထီၣ်သးလံအံၤ မ့ၢ်တၢ်ကစီၣ်လၢအကမၣ်
လါအ့ဖြ့ၣ် ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးတၢ်ကဒုးဖျိးထီၣ်ကွံာ်သုးမီၤစိရိၤအဂီၢ် တကီၢ်ခါတၢ်ဂီၤမူတၢ်ကစီၣ်ရၤလီၤသးလၢ KNU˜DKBA ဒီး BGF သုးကရူၢ်တဖၣ်ပာ်ဖှိၣ်ထီၣ်သးလံတၢ်ဂ့ၢ်အံၤ မ့ၢ်တၢ်ဂီၤမူတခါလၢတၢ်ဒိဃာ်အီၤတချုးလၢမီၤစိရိၤ ဟံးန့ၢ်ကွံာ်ထံကီၢ်တၢ်စိတၢ်ကမီၤဒံးဘၣ်အခါလီၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ တၢ်ဂီၤမူ၀ဲအံၤ တချုးဒံးလၢသုးဟံးန့ၢ်ထံကီၢ်တၢ်စိတၢ်ကမီၤ ဖဲအပူၤကွံာ် ၂၀၂၀ နံၣ်ႇ လါဒံၣ်စ့ဘၢၣ်အတီၢ်ပူၤ ကညီဒီကလုာ်စၢဖှိၣ်ကရၢ -KNU˜ တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် -DKBA ဒီး သုးခိးကီၢ်ဆၢ BGF သုးကရူၢ်တဖၣ် မၤ၀ဲဒၣ်တၢ်အိၣ််ဖှိၣ်တခါဖဲကီးတရံးကီၢ်ဆၣ် မီၣ်လီၣ်အံးကစၢၢ်ခိၣ်တၢ်ဂီၤမူတခါလီၤအဂ့ၢ်န့ၣ် မီၣ်လီၣ် အံးလီၢ်က၀ီၤဖိလၢအထံၣ်တၢ်မၤတၢ်အိၣ်ဖှိၣ်ဒီးအမဲာ်တဂၤ စံး၀ဲန့ၣ်လီၤႉ “အပူၤကွံာ်န့ၣ် ဘၣ်ထွဲဒီးမီၣ်လီၣ်အံးသ့ၣ်ၦၢ်က၀ီၤတၢ်ဂ့ၢ်ဟဲထံၣ်လိာ်သးအိၣ်လီၤႉ တၢ်ဂီၤမူတခါအံၤ မ့ၢ်၀ဲဒၣ်တၢ်ဂီၤမူလၢအပူၤကွံာ်လီၤႉ ဖဲသုးဟံးန့ၢ်ကွံာ်တၢ်စိတၢ်ကမီၤ၀ံၤအလီၢ်ခံ တထံၣ်ဘၣ်လၢသုးကရူၢ်ခဲလၢာ်ထံၣ်လိာ်သးဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ တၢ်ဂီၤမူ၀ဲအံၤပထံၣ်ဘၣ်လၢ အပူၤကွံာ်သုးခိးကီၢ်ဆၢ -BGF နီၣ်ဂံၢ် ၄ သုးဟီၣ်က၀ီၤခိၣ် ဒီး ၁၀၂၂ သုးရ့ၣ်ခိၣ်လၢအမ့ၢ် သုးခိၣ်ဒိၣ်ဖိ စီၤမိၣ်သိၤႇကညီဒီကလုာ်ဂၢၤသးကရၢ -KNDO သုးရိၣ်မဲခိၣ်ကျၢၢ် သုးခိၣ်ကျၢၢ်ဖိ စီၤနၢၤဒါမၠးႇKDBA သုးခိၣ်စွ့ၤ၀ၣ် ဃုာ်ဒီး KNLA သုးခိၣ်တဂၤ စံးကတိၤလီၤတၢ်တဂၤစုာ်စုာ်ဒီး ...
EU ဟံးအါထီၣ်ကဒီးသုးကီၣ်ကးအရ့အကျါ ပၣ်ဃုာ်ဒီးမါည့မီၣ်
လါအ့့ဖြ့ၣ် ၂၁ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲလါဖ့ၤဘြူၤအါရံၤ ၁ သီအနံၤ သုးမီၤစိရိၤဟံးန့ၢ်ကွံာ်တၢ်စိတၢ်မီၤ၀ံၤအလီၢ်ခံ ယူရပၤဘီမုၢ်စၢဖှိၣ်ကရၢစၢဖှိၣ်(EU)ဖီၣ်ဃံးဟံးအါထီၣ်ပယီၤသုးကီၣ်ကးအရ့အကျါ ပၣ်ဃုာ်၀ဲဒီးသုးကီၣ်ကးကရၢဖိ မါည့မီၣ်အဂ့ၢ်န့ၣ် ဖဲလါအ့ဖြ့ၣ် ၁၉ သီအနံၤ လံာ်တၢ်ဘိးဘၣ်ရၤလီၤပူၤအသိး သ့ၣ်ညါဘၣ်န့ၣ်လီၤႉ တၢ်ဟံး၀ဲဒၣ်သုးကီၣ်ကးအရ့လၢအ၀ဲသ့ၣ်ပၢ၀ဲလၢအမ့ၢ် ကီၢ်ပယီၤမုၢ်ကျိၤ၀ဲၤကွာ်လံၣ်မံၣ်တဲၣ်(MEHL)ႇ ကီၢ်ပယီၤမုၢ်ကျိၤ၀ဲၤကွာ်ခီၣ်ပ့ရှၢၣ်လံၣ်မံၣ်တဲၣ်ဒီး ၦၤအဂၤ ၁၀ လၢအမၤဘၣ်ထွဲလိာ်သးဒီးသုးမီၤစိရိၤအကျါ ပၣ်ဃုာ်၀ဲဒၣ်ဒီးမါည့မီၣ်န့ၣ်လီၤႉ ၦၤသ့ၣ်တဖၣ်အံၤ ခီဖျိမၤဟးဂီၤ၀ဲဒၣ်ဒံၣ်မိၣ်ခြ့ၣ်စံၣ်ဒီးသဲစးတၢ်ဒိၣ်စိႇမၤကမၣ်၀ဲဒၣ်ၦၤဂ့ၢ်၀ီခွဲးယာ်ဒိၣ်ဒိၣ်မုၢ်မုၢ်အဃိ ဘၣ်တၢ်ဟံးန့ၢ်အရ့လီၤအဂ့ၢ်န့ၣ် တၢ်ဘိးဘၣ်ရၤလီၤအသိးသ့ၣ်ညါဘၣ်န့ၣ်လီၤႉ ၦၤအဂၤ ၁၀ အံၤ ထံကီၢ်ပၢပြးလၢသုးမီၤစိရိၤဒုးအိၣ်ထီၣ်၀ဲအကျါပၣ်ဃုာ်၀ဲဒၣ်ဒီး မါည့မီၣ်ႇအူသ့ညိၣ်ႇအူခ့ၤမီၤစွ့ၤႇဒီၤအ့နုၣ်စ့ၤႇ Jeng Phang နီၤထီၤႇအူမီဟၤႇဒီၣ်ကထၢၣ် ဘညါအီၤမိ ဒီး အူခၠ့ၣ်နဲၤသ့ၣ်တဖၣ်န့ၣ်လီၤႉ ကညီတၢ်တိစၢၤမၤစၢၤတၢ်မုာ်တၢ်ခုၣ်ၦာ်ဘျးစဲ -KPSN ၦၤကတိၤတၢ်ပၢ နီၢ်၀ါခုၣ်ရှံ စံး၀ဲလၢ “သုးသ့ၣ်တဖၣ်အတၢ်မၤအၢမၤသီႇတၢ်မၤသံမၤ၀ီဆှုၣ်မဲာ်ကဲၤမဲာ်သ့ၣ်တဖၣ်အံၤ ၦၤလၢအမၤသကိးတၢ်ဒီးသုးတဖၣ်န့ၣ် တၢ်ကဘၣ်ဟံးအရ့လီၤမီၤနီၤႉ ဘၣ်ဆၣ်သနာ်က့လၢၦၤကညီဖိအဂီၢ်ဒု ကဲထီၣ်၀ဲဒၣ်တၢ်လီၤသးအုးလၢပထံၣ်ဘၣ်၀ဲဒၣ်ကညီဖိခိၣ်နၢ်လၢအလဲၤပာ်ဖှိၣ်မၤသကိးတၢ်ဒီးသုးမီၤစိရိၤလီၤႉ ကညီခိၣ်နၢ်လၢအလဲၤပာ်ဖှိၣ်မၤသကိးတၢ်ဒီးပယီၤသုးန့ၣ် တၢ်ကဘၣ်မၤမဲာ်ဆှးအီၤဒီးတၢ်ကဘၣ်ဟံးဂ့ၢ်၀ီခဲလၢာ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ သုးကီၣ်ကးကရၢဖိ မါည့မီၣ်အံၤ အပူၤကွံာ်မ့ၢ်၀ဲဒၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ လီၢ်ခၢၣ်သးထီဘိကမံးတံာ်တဂၤန့ၣ်လီၤႉ မါည့မီၣ်အံၤဟးထီၣ်၀ဲဒၣ်လၢခ့ၣ်အဲၣ်ယူၣ်အပူၤဒီး ဖဲအပူၤကွံာ် ၂၀၂၀ တၢ်ဃုထၢအခါ နုာ်လီၤဒိးဃုထၢသးလၢ ကညီကမျၢၢ်ပၣ်တံၣ်...
ၦၤလၢအမၤဟးဂီၤ NCA န့ၣ် မ့ၢ်ဒၣ်သုးကီၣ်ကးလီၤအဂ့ၢ် KNU သုးက့ ၅ စံး၀ဲ
လါအ့ဖြ့ၣ် ၂၀ သီႇ ၂၀၂၁ နံၣ်ႇ ခ့ၣ်အဲးစံၣ် သုးမီၤစရိၤ ၦၤကတိၤတၢ်ပၢ သုးခိၣ်ကျၢၢ်ဖိ စီၣ်မ့ထိ စံး၀ဲ ခီဖျိ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ သုးက့ ၅အံၤ လုၢ်သ့ၣ်ခါပတာ်၀ဲဒၣ်တၢ်ပတုာ်တၢ်ခး(NCA)တၢ်သိၣ်တၢ်သီအဃိ ဟ့ၣ်ပလီၢ်ဟဲကွံာ်လီၤမ့ၣ်ပိၢ်လၢ သုးက့(၅)ဟီၣ်က၀ီၤအပူၤလီၤတၢ်ဂ့ၢ်အံၤအဖီခိၣ် တမ့ၢ်တဘၣ်၀ဲအဂ့ၢ်န့ၣ် KNU သုးက့(၅)တကပၤ ထုးထီၣ်ထီဒါက့ၤ၀ဲ ဖဲတနံၤအံၤ(လါအ့ဖြ့ၣ် ၂၀)သီအနံၤန့ၣ်လီၤႉ ဖဲလါအ့ဖြ့ၣ် ၉ သီအနံၤ သုးကီၣ်ကးမၤ၀ဲဒၣ်တၢ်ရှဲလဲတၢ်ကစီၣ်မူးအပူၤ သုးခိၣ်ကျၢၢ်ဖိ စီၣ်မ့ထိ ရှဲလဲစံး၀ဲလၢ KNU သုးက့(၅)အံၤ အခိၣ်ကိၤႇတမိၣ်န့ၢ်သးလီ၀ဲဒၣ်တၢ်မုာ်တၢ်ခုၣ်ဘၣ်ဒီး လုၢ်သ့ၣ်ခါပတာ်မၤ ကမၣ်၀ဲဒၣ်(NCA)အဘျီဘၣ်အဘျီအဃိ လဲၤခးဟ့ၣ်ပလီၢ်၀ဲဒီးကဘီယူၤလီၤအဂ့ၢ်အဖီခိၣ် KNU တကပၤတတူၢ်လိာ်ဘၣ်ဒီးဘၣ်က့ၤထီဒါကဒါ၀ဲဒ်အံၤန့ၣ်လီၤႉ သုးကီၣ်ကးပာ်ဖျါထီၣ်၀ဲတၢ်ဂ့ၢ်လၢတၢ်ဂုၤထီၣ်ပသီထီၣ်ဒီးဘၢၣ်၀ဲဒၣ်ကျဲအဖီခိၣ် ခီဖျိ KNU တကပၤတတူၢ် လိာ်၀ဲဘၣ်အဃိ ခံခီခံကပၤတၢ်ခးလိာ်သးဘၣ်ဟဲကဲထီၣ်ဒီး သုးကီၣ်ကးအံၤတချုးဒံးလၢ အလဲၤကွံာ်လီၤမ့ၣ်ပိၢ်ဒံးဘၣ်န့ၣ် ဟဲဃုသ့ၣ်ညါတၢ်ဒီး(drone)အဘျီဘၣ်အဘျီလၢခ့ၣ်အဲၣ်ယူၣ် သုးက့(၅)ဟီၣ်က၀ီၤအပူၤဒီး ဟဲကွံာ်လီၤ၀ဲမ့ၣ်ပိၢ်လၢအအိၣ်ဒီးတၢ်ပညိၣ်လီၤအဂ့ၢ်န့ၣ် KNU သုးက့(၅)စံး၀ဲန့ၣ်လီၤႉ လၢန့ၣ်အမဲာ်ညါ သုးကီၣ်ကးအံၤစံး၀ဲလၢ KNU အံၤလုၢ်သ့ၣ်ခါပတာ်မၤကမၣ်၀ဲဒၣ်(NCA)ဘၣ်ဆၣ် တၢ်သိၣ်တၢ်သီလၢအပၣ်လၢ(NCA)အပူၤတထံၣ်လၢအမ့ၢ်...