ပယီၤသုးမီၤစိရိၤဟံးန့ၢ်ဆူၣ်ထံကီၢ်တၢ်စိတၢ်ကမီၤဆၢကတီၢ် တၢ်ခွဲးတၢ်ယာ်လၢကလုာ်ဒူၣ်တဖၣ်အဂီၢ်
ပယီၤသုးမီၤစိရိၤဟံးန့ၢ်ဆူၣ်ထံကီၢ်တၢ်စိတၢ်ကမီၤဆၢကတီၢ်= တၢ်ခွဲးတၢ်ယာ်လၢကလုာ်ဒူၣ်တဖၣ်အဂီၢ် ...
ဖၣ်အၣ်ကီၢ်ဆၣ်အပူၤ မ့ၣ်အူအီၣ်တၢ်အဃိ ဖိသၣ်သံ၀ဲ ၂ ဂၤ
လါဖ့ၤဘြူၤအါရံၤ ၁၈ သီႇ ၂၀၂၁ နံၣ်ႇ စီၤရှါ ကညီကီၢ်စဲၣ်ႇဖၣ်အၣ်ကီၢ်ဆၣ်ႇကၤခယဲသ၀ီကရူၢ် ကၠိကၠံသ၀ီလၢပအိၣ်ကလုာ်ဒူၣ်အိၣ်ဆိး၀ဲတဖၣ်အံၤ ဖဲလါဖ့ၤဘြူၤအါရံၤ ၁၆ သီ မုၢ်နၤခီ ၁၁ နၣ်ရံၣ်အဆၢကတီၢ် ခီဖျိလၢမ့ၣ်အူအီၣ်ဟံၣ်အဃိ ဖိသၣ်သံ၀ဲ ၂ ဂၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဟံၣ်လၢမ့ၣ်အူအီၣ်၀ဲအံၤဟံၣ်ဖိဃီဖိခဲလၢာ်အိၣ်၀ဲ ၄ ဂၤ န့ၣ်လီၤႉ ဖိသၣ်လၢအသံ ၂ ဂၤအံၤ အသးနံၣ်အိၣ်၀ဲ ၅ နံၣ်တဂၤႇ၂ နံၣ်တဂၤဒီးမ့ၢ်ဒၣ်ထဲပိာ်မုၣ်ဖိလီၤအဂ့ၢ်န့ၣ် ကၤခယဲသ၀ီကရူၢ်ႇ ၦၤပၢဆှၢတၢ်ခိၣ် အူကၠီၤအ့ စံးဘၣ်ခ့ၣ်အဲးစံၣ် ဖဲလါဖ့ၤဘြူၤအါရံၤ ၁၇ သီအနံၤန့ၣ်လီၤႉ “ဖီအီၣ်မ့ၤ၀ံၤ မုၢ်ဃ့ၢ်လီၤ ၃ နၣ်ရံၣ်အဆၢကတီၢ်န့ၣ် ၦၤတဲလၢမၤပံာ်မ့ၣ်အူလီၤႉ ခဲအံၤလၢ ကဃုတၢ်ကဲထီၣ်သးအခီၣ်ထံးခီၣ်ဘိန့ၣ် မ့ၢ်မတဂၤဒွဲၣ်အူလဲၣ်န့ၣ်တသ့ၣ်ညါနီတမံၤဘၣ်ႉ သုသ့ၣ်ညါ ကတၢၢ်လီၤၦၤလၢအအိၣ်ဒူသ၀ီပူၤတဖၣ် မံ၀ဲဆိဆိလီၤအဃိ မ့ၣ်အူအီၣ်တၢ်၀ံၤမးသ့ၣ်ညါက့ၤလၢခံလီၤ”အဂ့ၢ်န့ၣ် စံး၀ဲန့ၣ်လီၤႉ ဖံသးၦၢ် ၅၂ နံၣ် ဒီၤသါလၢမ့ၣ်အူအီၣ်အီၤတဂၤအံၤ ဘၣ်တၢ်ကူဆါယါဘျါအီၤလၢဒူသ၀ီတၢ်ဆါဟံၣ်ဒီး အလံၤပိာ်ခွါ ၆ နံၣ်တဂၤအံၤ ဘၣ်တၢ်ကူဆါယါဘျါအီၤလၢတီၣ်ကလ့သုးတၢ်ဆါဟံၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖိသၣ်ဖိခံဂၤလၢအသံလၢမ့ၣ်အူအီၣ်အီၤအဃိအံၤ အမိဒီးအပါန့ၣ်မ့ၢ်ၦၤတဖၣ်လၢအလဲၤဖံးမၤ တၢ်လၢကီၢ်ကၠီၣ်တဲၣ်အဂ့ၢ်န့ၣ်...
ပယီၤသုးခးကျိအဃိ လီၢ်က၀ီၤသ၀ီဖိ ၂၀၀ ဘျဲၣ် ဘၣ်စံၣ်မှံဟးဖျိးကဒီး၀ဲ
လါဖ့ၤဘြူၤအါရံၤ ၁၇ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ကလံၤစိးတကပၤႇ ကညီဒီကလုာ်စၢဖှိၣ်ကရၢ -KNU မုၢ်တြီၢ်ကီၢ်ရ့ၣ်ႇ လူၢ်သီကီၢ်ဆၣ်အပူၤ ခီဖျိလၢပယီၤသုးခးလီၤကျိဖးဒိၣ်ကျိဖိတဖၣ်အဃိ ဖဲလါဖ့ၤဘြူၤအါရံၤ ၁၅ သီအနံၤန့ၣ် လီၢ်က၀ီၤသ၀ီဖိ ၂၀၀ ဘျဲၣ် ဘၣ်ဃ့ၢ်မှံဟးဖျိးကဒီး၀ဲအဂ့ၢ်န့ၣ် ၦၤလၢအအံးထွဲကွၢ်ထွဲမၤစၢၤအ၀ဲသ့ၣ် Free Burma Ranger(FBR) ကရူၢ် ထုးထီၣ်ဘိးဘၣ်ရၤလီၤတၢ်ကစီၣ် ဖဲလါဖ့ၤဘြူၤအါရံၤ ၁၅ သီအနံၤန့ၣ်လီၤႉ စးထီၣ်ဖဲလါဖ့ၤဘြူၤအါရံၤ ၁၄ သီမုၢ်နၤခီ တုၤလၢ ၁၅ သီအနံၤန့ၣ် ပယီၤသုးခးလီၤကျိဖးဒိၣ်ကျိဖိတဖၣ်ဆူ လူၢ်သီကီၢ်ဆၣ်ႇတကီၤဒိၣ်ဘီသ၀ီပူၤအဃိ လီၢ်က၀ီၤသ၀ီဖိ ၂၁၂ ဂၤ ဘၣ်ဃ့ၢ်မှံဟးဖျိး၀ဲအဂ့ၢ်န့ၣ် FBR စံး၀ဲန့ၣ်လီၤႉ တကီၢ်ခါလီၢ်က၀ီၤသ၀ီဖိလၢအဘၣ်ဃ့ၢ်မှံဟးဖျိးတဖၣ်အံၤအိၣ်၀ဲတပူၤဃီဒီး FBR တၢ်တိစၢၤမၤစၢၤကရူၢ်ဒီး တုၤလၢခဲအံၤတစုၦၤဃ့ၢ်မှံဟးဖျိးပာ်ဖှိၣ်ခဲလၢာ်အိၣ်၀ဲ ၅ႇ၃၀၀ ဘျဲၣ်လံအဂ့ၢ်န့ၣ် FBR လံာ်တၢ်ပာ်ဖျါအပူၤ ပာ်ဖျါ၀ဲန့ၣ်လီၤႉ ဖဲအပူၤကွံာ် ၂၀၂၀ နံၣ် စးထီၣ်လၢလါဒံၣ်စ့ဘၢၣ်ထီၣ်သီအဆၢကတီၢ်န့ၣ် ကညီကီၢ်စဲၣ်ကလံၤစိးတကပၤ ဖၣ်ပူၣ်ဒီးလၢၢ်ဒိၣ်ဟီၣ်က၀ီၤတဖၣ်အပူၤ ကီၢ်ပယီၤသုးမုၢ်ဒိၣ် ဒီး KNU တၢ်ဖီလာ်သုးကရူၢ်တဖၣ်အဘၢၣ်စၢၤ တၢ်ခးလိာ်သးဟဲကဲထီၣ်၀ဲဒၣ်ဒီး တုၤလၢခဲအံၤတစုတၢ်ခးလိာ်သးကဲထီၣ်ဒံး၀ဲအဂ့ၢ်န့ၣ်...
ၦၤကမျၢၢ်လၢအပာ်ဖျါထီၣ်သးထီဒါသုးမီၤစိရိၤတဖၣ် KNU ကဆီၣ်ထွဲမၤစၢၤဒီးကဟ့ၣ်၀ဲတၢ်ဒီသဒၢ
လါဖ့ၤဘြူၤအါရံၤ ၁၆ သီႇ ၂၀၂၁ နံၣ်ႇ ခ့ၣ်အဲးစံၣ် ကလုာ်ဒူၣ်ထံဖိကီၢ်ဖိကမျၢၢ်လၢ အပာ်ဖျါထီၣ်သးထီဒါ၀ဲ သုးမီၤစိရိၤတဖၣ် ကဆီၣ်ထွဲမၤစၢၤ၀ဲဒီးကဟ့ၣ်၀ဲတၢ်ဒီ သဒၢစ့ၢ်ကီးအဂ့ၢ်န့ၣ် ဖဲလါဖ့ၤဘြူၤအါရံၤ ၁၄ သီအနံၤ KNU - ကညီဒီ ကလုာ်စၢဖှိၣ်ကရၢ ထုးထီၣ်ပာ်ဖျါ၀ဲလံာ်ဘိးဘၣ်ရၤလီၤတဘ့ၣ်န့ၣ်လီၤႉ ဖဲလါဖ့ၤဘြူၤအါရံၤ ၁ သီအနံၤ သုးမုၢ်ဒိၣ်ဟံးဆူၣ်ကွံာ်ထံကီၢ်တၢ်စိတၢ်ကမီၤ၀ံၤအလီၢ်ခံ ကယဲၢ်တၢ်မၤ အသးဒီးတၢ်ပိာ်ထွဲထီၣ်ခဲလၢာ်တဖၣ်အဖီခိၣ် အိၣ်ခိးကွၢ်ဆူၣ်၀ဲတပယူာ်ဃီဒီး တၢ်ဟံးဆူၣ်တၢ်စိတၢ်ကမီၤဒ်အံၤန့ၣ် မ့ၢ်တၢ်လၢအထုးထီထီၣ်မီၤစိရိၤသနူအသးသမူအဃိ ထီဒါ၀ဲအဂ့ၢ်န့ၣ် KNU စံး၀ဲန့ၣ်လီၤႉ နဲၣ်ရွဲၣ်ခိၣ်ကျၢၢ်သဃဲၤ(၂)ပဒိၣ် စီၤလၣ်ထိ စံး၀ဲ “ထံဖိကီၢ်ဖိကမျၢၢ်တဖၣ်မ့ၢ်ၦၤလၢအတအိၣ်ဒီးတၢ်စုက၀ဲၤဘၣ်အသိး တမ့ၢ်ပာ်ဖျါထီၣ်သးဒ်သိးတၢ်မၤပူထီၣ်လီထီၣ်တၢ်ဘၣ်ႉ ဘၣ်ဆၣ် တၢ်လီၢ်တနီၤန့ၣ် ပထံၣ်ဘၣ်လၢသူ၀ဲဒၣ်တၢ်စုဆူၣ်ခီၣ်တကးန့ၣ်လီၤႉ ကမျၢၢ်ထံဖိကီၢ်ဖိခီဖျိဘၣ်၀ဲဒ်အံၤအဖီခိၣ် တၢ်ပျံၤတၢ်ဖုးဟဲအိၣ်ထီၣ်၀ဲလီၤႉ တၢ်သ့ၣ်တဖၣ်အံၤအဖီခိၣ် KNU တကပၤ အပူၤကွံာ်လၢညါလံၤလံၤ ပတဲဃာ်လၢပတသးလီထံလီၢ်ကီၢ်ပူၤတၢ်ဒုးတၢ်ယၤဘၣ်ဘၣ်ဆၣ် ဆၢကတီၢ်ခဲအံၤလၢထံဖိကီၢ်ဖိကမျၢၢ်အဂီၢ် တၢ်ဆီၣ်ထွဲမၤစၢၤလၢတၢ်ဘၣ်ဒိဘၣ်ထံးအစှၤကတၢၢ်တဖၣ်ႇ ကဘၣ်လဲၤဒီးတၢ်မၤအကျဲလီၤႉ ကဘၣ်မၤစၢၤ၀ဲ ဒ်ထံရူၢ်ကီၢ်သဲးအသနၢၣ်အသိးဒီး ဒ်ၦၤဂ့ၢ်၀ီတၢ်ဒိသူၣ်ဒိသးတၢ်တိစၢၤမၤစၢၤအသိး ကဘၣ်မၤစၢၤ၀ဲလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ လၢန့ၣ်အမဲာ်ညါ ဘၣ်ထွဲဒီးသုးဟံးဆူၣ်ကွံာ်တၢ်စိတၢ်ကမီၤအံၤ လၢကလုာ်ဒူၣ်ဖီၣ်စုက၀ဲၤကရူၢ်တဖၣ်အဖီခိၣ် တၢ်ပဲာ်ထံနီၤဖးအိၣ်၀ဲအဖီခိၣ်စ့ၢ်ကီး ထံရူၢ်ကီၢ်သဲးတၢ်ဂ့ၢ်ကီန့ၣ်ဘှါရှဲအီၤလၢစုက၀ဲၤတန့ၢ်ဘၣ်အဂ့ၢ်ဒီး မ့ၢ်ဘှါရှဲလၢစုက၀ဲၤကဒဲကဒဲန့ၣ် ထံကီၢ်တၢ်ဟးဂီၤကအိၣ်ထီၣ်အဂ့ၢ်ႇ ကလုာ်ဒူၣ်တဖၣ်ဖီၣ်၀ဲစုက၀ဲၤအံၤန့ၣ်...
တုၤလၢခဲအံၤတစု တၢ်မၤစၢၤတၢ်ဖိတၢ်လံၤတဖၣ်တတုၤဒံးလၢၦၤလီၢ်အိၣ်ကမှံဖိအအိၣ်ဒံးဘၣ်
လါဖ့ၤဘြူၤအါရံၤ ၁၅ သီႇ ၂၀၂၁ နံၣ်ႇ ခ့ၣ်အဲးစံၣ် စးထီၣ်ဖဲလါဒံၣ်စ့ဘၢၣ်ထီၣ်သီန့ၣ် တၢ်ကဲထီၣ်သးလၢ ကညီဒီကလုာ်စၢဖှိၣ်ကရၢ -KNU စုဒုၣ်တီၤအဖီလာ် သုးကရူၢ်တဖၣ်ဒီး ကီၢ်ပယီၤသုးမုၢ်ဒိၣ်တဖၣ်အဘၢၣ်စၢၤ တၢ်ဒုးကဲထီၣ်အဃိ လၢၦၤဃ့ၢ်မှံဟးဖျိးတဖၣ်အဂီၢ် တၢ်မၤစၢၤတၢ်ဖိတၢ်လံၤလၢတၢ်ဟ့ၣ်မၤစၢၤ၀ဲတဖၣ်အံၤ တုၤလၢခဲအံၤတစုတတုၤဒံး၀ဲလၢၦၤဃ့ၢ်တၢ်ဒုးဖိတဖၣ်အအိၣ်ဒံးဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ၦၤဃ့ၢ်မှံဟးဖျိးဖိတဖၣ်အဂီၢ် တၢ်အီၣ်တၢ်အီတၢ်အိၣ််တၢ်ဆိးလီၢ်ကျဲဒီးတၢ်ကူတၢ်သိးလၢအလိၣ်၀ဲတဖၣ်အံၤ ကညီသးစၢ်တဖၣ်ပၣ်ဖှိၣ်ထၢ၀ဲဒၣ်တၢ်ဖိတၢ်လံၤလၢ ၦၤမၤဘူၣ််လီၤလၢတၢ်လီၢ်အါတီၤအပူၤအံၤ လဲၤတုၤဒံး၀ဲဒၣ်ဖဲပကိကီၢ်ခီလၢၢ်ဒိၣ်၀့ၢ်လီၤဒီး ခီဖျိလၢပယီၤသုးမုၢ်ဒိၣ်တဟ့ၣ်ပျဲလဲၤ၀ဲဘၣ်အဃိ တၢ်ဖိတၢ်လံၤတဖၣ်လဲၤတတုၤဒံး၀ဲလၢၦၤဃ့ၢ်မှံဟးဖျိးအအိၣ်ဘၣ်အဂ့ၢ်န့ၣ် သ့ၣ်ညါဘၣ်လၢ ၦၤဘၣ်မူဘၣ်ဒါလၢတအဲၣ်ဒိးပာ်ဖျါအမံၤတဂၤအအိၣ်န့ၣ်လီၤႉ အ၀ဲစံး၀ဲလၢ“တၢ်မၤစၢၤတၢ်ဖိတၢ်လံၤတဖၣ်တဆှၢဘၣ်ဒံးဘၣ်ႉ ကျဲမးတအိးထီၣ်ဒံးဆှၢကသ့ဒ်လဲၣ်ႉ လၢပအိၣ်န့ၣ် တၢ်ဖိတၢ်လံၤကအိၣ်လၢကါတခိၣ်ညါလီၤႉ တၢ်လီၢ်လၢအဂၤစ့ၢ်ကီးအိၣ်ဒံးဒီဒူၣ်ညါလီၤႉ အါဒၣ်တက့ၢ်န့ၣ် ၀့ၢ်တကူၣ်ႇပသံၣ် မၠီမၠးဒီးပကိတဖၣ်ပၣ်၀ဲလီၤႉ တၢ်ဖိတၢ်လံၤတဖၣ်ဟဲတုၤ၀ဲလၢ အပူၤကွံာ်တလါလံလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ တကီၢ်ခါ တၢ်မၤစၢၤတၢ်ဖိတၢ်လံၤတဖၣ်အံၤ ကညီသးစၢ်တဖၣ်လဲၤဆှၢ၀ဲလၢလၢၢ်ဒိၣ်၀့ၢ် KNU တၢ်ရ့လိာ်မုာ်လိာ်၀ဲၤဒၢးဒီးဟံၣ်တနီၤလံဘၣ်ဆၣ် ခီဖျိလၢတၢ်ဒုးတၢ်ယၤအဃိဒီး သုးမုၢ်ဒိၣ်တြီဃာ်တၢ်လဲၤ ထီၣ်က့ၤလီၤအဃိ တၢ်ဆှၢ၀ဲတၢ်ဖိတၢ်လံၤတသ့ဒံးဘၣ်ဒီး လၢတၢ်သ့ၣ်တဖၣ်အံၤအဂီၢ် KNU တကပၤ ထိၣ်ဃူဘှါရှဲဟံးထီၣ်ဖီၣ်ထီၣ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ ကညီကီၢ်စဲၣ် မုၢ်တြီၢ်ဟီၣ်က၀ီၤ ဒီး ပကိကီၢ်ခီလၢၢ်ဒိၣ်ဟီၣ်က၀ီၤတဖၣ်အပူၤ ဖဲအပူၤကွံာ် လါဒံၣ်စ့ဘၢၣ် ဒီး လါယနူၤအါရံၤအတီၢ်ပူၤအခါ KNU စုဒုၣ်တီၤအဖီလာ်ကရူၢ်တဖၣ်ဒီး ပယီၤသုးမုၢ်ဒိၣ်ကရူၢ်တဖၣ်အဘၢၣ်စၢၤ...
တၢ်မၤ၀ဲတၢ်သ့ၣ်နီၣ်ဆၢက့ၤပဒိၣ်မါရှါလါဖါနံၣ်ဆၢက့ၤဖဲအဒ့ပီၤလီၢ်သ၀ီ
လါဖ့ၤဘြူၤအါရံၤ ၁၅ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲလါဖ့ၤဘြူၤအါရံၤ ၁၄ သီအနံၤ လၢအလီၤဘၣ်၀ဲ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ နဲၣ်ရွဲၣ်ခိၣ်ကျၢၢ်လီၢ်လံၤ ပဒိၣ်မါရှါလါဖါ စူာ်ကွံာ်အသး ၁၃ ၀ီတ၀ီတၢ်သ့ၣ်နီၣ်ဆၢက့ၤအံၤ တၢ်မၤ၀ဲတၢ်ရဲၣ်တၢ်ကျဲၤဒိၣ်ဒိၣ်မုၢ်မုၢ်တန့ၢ်ဒ်သိးအပူၤကွံာ်လၢညါအသိးဘၣ်ဒီး ခီဖျိလၢတၢ်အိၣ်သးတခါအဃိ တၢ်မၤ၀ဲဒၣ်တၢ်ရဲၣ်တၢ်ကျဲၤတဆံးတက့ၢ်လီၤအဂ့ၢ်န့ၣ် သ့ၣ်ညါဘၣ်လၢၦၤတီခိၣ်ရိၣ်မဲတၢ်ဖိအအိၣ်န့ၣ်လီၤႉ အ့ၣ်ယၣ်၀တံၣ် ကညီသးစၢ်တီခိၣ်ရိၣ်မဲကမံးတံာ်ကရူၢ်ဖိ စီၤဖိထူ စံး၀ဲလၢ “တနံၣ်အံၤ ခီဖျိလၢတၢ်အိၣ်သးအဃိ လီၢ်က၀ီၤဖိတဖၣ်စ့ၢ်ကီးလၢကမၤ၀ဲတၢ်ရဲၣ်တၢ်ကျဲၤအံၤအဂီၢ် တၢ်ကီတၢ်ခဲအိၣ်၀ဲလီၤႉ တၢ်ဟ့ၣ်လီၤတၢ်ကလုၢ်လၢအိၣ်ဖှိၣ်ရိၣ်ဖှိၣ်အါအါတန့ၢ်ဘၣ်အဃိ တမၤ၀ဲဒ်သိးတၢ်ရဲၣ်တၢ်ကျဲၤအသိးဘၣ် မၤ၀ဲတဆံးတက့ၢ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ တၢ်မၤ၀ဲပဒိၣ်မါရှါလါဖါတၢ်သ့ၣ်နီၣ်ဆၢက့ၤတၢ်ရဲၣ်တၢ်ကျဲၤအပူၤ KNU˜KY0˜KYN˜PKY တၢ်ကရၢကရိတဖၣ်ဒီး AYA Karen youth˜ မၠီမၠးကညီသးစၢ်ႇ ညီၤတိကညီသးစၢ် ဒီး ကညီသးစၢ်ကရၢခၢၣ်စး ကညီသးစၢ်တဖၣ်အံၤ လဲၤပာ်လီၤ၀ဲတၢ်သးအုးဖီကွီၤတဖၣ်လၢ ပဒိၣ်မါရှါလါဖါတၢ်ဂီၤစိာ်ပျၤဒီးဟ့ၣ်ထီၣ်၀ဲတၢ်ယူးယီၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ KNU နဲၣ်ရွဲၣ်ခိၣ်ကျၢၢ်လီၢ်လံၤ ပဒိၣ်မါရှါလါဖါအံၤ ဖဲအပူၤကွံာ် ၂၀၀၈ နံၣ် လါဖ့ၤဘြူၤအါရံၤ ၁၄ သီအနံၤန့ၣ် ဘၣ်တၢ်ဟဲကူၣ်မၤသံအီၤလၢကီၢ်ကၠီၣ်တဲၣ်၀့ၢ်မဲၢ်ဆီးအဟံၣ်ပူၤန့ၣ်လီၤႉ ပဒိၣ်မါရှါလါဖါစူာ်ကွံာ်သး၀ံၤအလီၢ်ခံ လၢတၢ်သ့ၣ်နီၣ်ဆၢက့ၤအီၤတၢ်ရဲၣ်တၢ်ကျဲၤအဂီၢ် ဘၣ်တၢ်မၤ၀ဲတၢ်ရဲၣ်တၢ်ကျဲၤအံၤဖဲအဒ့ပီၤလီၢ်သ၀ီလၢအမ့ၢ် ပါတနီၤကီၢ်ဆၣ်ႇ တီကၠီသ၀ီ ဒီး KNU...
တီအူ ကညီကမျၢၢ်လွံၢ်ကလးဘျဲၣ် မၤလၤကပီၤ၀ဲကညီဒီကလုာ်မုၢ်နံၤဒီးထီဒါသကိး၀ဲသုးမီၤစိရိၤသနူ
လါဖ့ၤဘြူၤအါရံၤ ၁၂ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲလါဖ့ၤဘြူၤအါရံၤ ၁၁ သီအနံၤ တီအူကီၢ်ရ့ၣ်အပူၤ လီၢ်က၀ီၤကမျၢၢ်လွံၢ်ကလးဘျဲၣ် မၤလၤကပီၤ၀ဲ၀ဲ ၇၃ ၀ီတ၀ီ ကညီဒီကလုာ်အမုၢ်နံၤဒီး တကတီၢ်ဃီမၤဃုာ်၀ဲဒီးတၢ်ထီဒါသုးမီၤစိရိၤသနူတၢ်ပာ်ဖျါထီၣ်တၢ်ဘၣ်သး တၢ်ရဲၣ်တၢ်ကျဲၤတခါန့ၣ်လီၤႉ ကမျၢၢ်တဖၣ်လဲၤပာ်ဖျါထီၣ်သးလၢပယီၤသုးကလၢၤအိၣ်တၢ်လီၢ်အမဲာ်ညါဒီး ကိးသတြီဃ့ထီၣ်၀ဲတၢ်ဂ့ၢ် ၄ ထံၣ်ဃုာ်ဒီး ထူသံကွံာ်သုးမီၤစိရိၤသနူ တၢ်ဂ့ၢ် ၆ ထံၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ တၢ်ပာ်ဖျါထီၣ်တၢ်ဘၣ်သးလၢဘျီ၀ဲအံၤအပူၤ တီအူဟီၣ်က၀ီၤပူၤ ဒူသ၀ီပာ်ဖှိၣ်ခဲလၢာ် ၂၅၀ ဖျၢၣ် ကမျၢၢ် ၄ ကလးဘျဲၣ်ပာ်ဖှိၣ်ထီၣ်သးဒီး လၢအလီၤဘၣ်၀ဲ ၇၃ ၀ီတ၀ီ ကညီဒီကလုာ်မုၢ်နံၤ ကိးသတြီဃ့ထီၣ်၀ဲတၢ်ဂ့ၢ် ၄ ထံၣ်အမဲာ်ညါ တၢ်ဂ့ၢ်အထံၣ်လၢအဘၣ်ထွဲဒီး တကီၢ်ခါတၢ်အိၣ်သးကဲထီၣ်သးလၢကီၢ်ပယီၤအပူၤတဖၣ် ထၢနုာ်ဃ့ထီၣ်၀ဲဒၣ်န့ၣ်လီၤႉ ၦၤလၢအတီခိၣ်ရိၣ်မဲတၢ်ပာ်ဖျါထီၣ်တၢ်ဘၣ်သး နီၢ်ဆၢဆၢ စံး၀ဲလၢ “တကီၢ်ခါပယီၤသုးခဲအံၤတဖၣ် ဟံးဆူၣ်ကွံာ်တၢ်စိတၢ်ကမီၤအံၤ ကမျၢၢ်တဖၣ်ဘၣ်ယိၣ်ဘၣ်ဘှီတၢ်ဒိၣ်မးလီၤႉ ပျံၤတၢ်လီၤႉ ဘၣ်မနုၤအဃိလဲၣ်န့ၣ် ၦၤလၢအဒိၣ်ထီၣ်လၢမီၤစိရိၤသနူအဖီလာ်တဖၣ် တုၤလၢအခဲအံၤအိၣ်ဒံး၀ဲလီၤႉ အ၀ဲသ့ၣ်တဖၣ်စ့ၢ်ကီး ပဲာ်အၢပဲာ်သီ၀ဲတၢ်သ့ၣ်တဖၣ်အံၤလီၤႉ ဟဲနုာ်လီၤပၣ်ဃုာ်၀ဲလီၤႉ တၢ်အဃိန့ၣ် ဘၣ်ကိးသတြီဃ့ထီၣ်၀ဲတၢ်ဂ့ၢ် ၄ ထံၣ်အမဲာ်ညါ...
သမီၣ်န့ၢ်တၢ်သ ဘျ့
သမီၣ်န့ၢ်တၢ်သ ဘျ့ တၢ်ကတိၤ “သမီၣ်” အခီပညီမ့ၢ်ဝဲ တၢ်တမံၤလၢ်လၢ်လၢနမၤအီၤလၢ အလၢ၁်နဂံၢ်နဘါႇ နတၢ်ကူၣ်တၢ်ဆးဒီး နတၢ်ဆိကမိၣ်ဆိကမးခဲလၢ၁်အပူၤန့ၣ်လီၤ. လၢတၢ်န့ၣ်အဃိ တၢ်ကတိၤ “သမီၣ်န့ၢ်တၢ်သ ဘျ့ ” အခီပညီမ့ၢ်ဝဲ တၢ်လၢ၁် ဘူၣ်လၢ၁်စ့ၤလၢ တၢ်ကန့ၢ်ဘၣ်တၢ်ထူၣ်ဖျဲးအဂီၢ်န့ၣ်လီၤ. နမ့ၢ်ပ၁်လီၤနသးနီၢ်နီၢ် ဒ်သိးနတၢ်ဖံးတၢ်မၤကဒိၣ်ထီၣ်ထီထီၣ် ဒီးနကဒိးန့ၢ်ဘၣ်တၢ်မံၤလၤသၣ်ကပီၤလၢ နသးသမူဒီကတီၢ်ညါ လၢအဘၣ်ဃးဒီးနီၢ်ခိအဂံၢ်အဘါမ့ၢ်ဂ့ၤႇ တၢ်ကူၣ်ဘၣ် ကူၣ်သ့မ့ၢ်ဂ့ၤန့ၣ် နကဘၣ်ဂဲၤလိ၁်အီၤသၦၢ်ၦၢ် ဒီးကလၢ၁်နတၢ်ဆၢကတီၢ်ဖးယံ၁်ညါန့ၣ်လီၤ. တချုးလၢနကဒိးန့ၢ်ဘၣ်တၢ် လၤကပီၤဒံးဘၣ်န့ၣ် နကထံၣ်ဘၣ်သဂၢၢ်ဒီးတၢ်လၢအတၤတၢ်ဒီးနၤခီဖျိတၢ်ကီတၢ်ခဲႇ တၢ်ကိၢ်တၢ်ဂီၤႇ တၢ်သူၣ်လီၤဘှံး သးလီၤဘှါႇ တၢ်သူၣ်လီၤကတုၤသးလီၤကဒါ အါကလု၁်လၢ နပဒ့ၣ်ဟးဆှဲးအီၤတသ့ဘၣ်န့ၣ်လီၤ. တၢ်လၢအတၤတၢ်ဒီးနတၢ်အိၣ်မူသ့ၣ်တဖၣ် နကဘၣ်သဂၢၢ်အီၤဃါမနၤန့ၣ်လီၤ. နမ့ၢ်ပဒ့ၣ်ဟးဆှဲးဘၣ်ဖုးအီၤန့ၣ် နကလီၤတိၢ်ကွံ၁်လၢနတၢ်ဖံးတၢ်မၤအပူၤန့ၣ်လီၤ. မ့ၢ်အဂ့ၢ်ဒ်လဲၣ်န့ၣ် နမ့ၢ်ပဒ့ၣ်ဟးဆှဲးဘၣ်ဖုးတၢ်ဒ်သိးအံၤသ့ၣ်တဖၣ်သၢ ပျၢၤတၢ်လၢနကဘၣ်သ့ၣ်ညါႇ တၢ်လၢနကဘၣ်လဲၤခီဖျိအီၤႇ ထံၣ်ဘၣ်အီၤႇ ကွၢ်ဆၢၣ်မဲ၁်အီၤန့ၣ် နတသ့ၣ်ညါဘၣ် အက့ၢ်အဂီၤအိၣ်ဒ်လဲၣ်.မၤအသးဒ်လဲၣ် နကခိးတြီဆၢက့ၤအီၤအဂီၢ် တၢ်ကူၣ်တၢ်ဆးဒီး တၢ်သ့ၣ်ညါဆိပ၁်စၢၤ တၢ်အစၢ တအိၣ်ဒံးလၢနဂီၢ်ဘၣ်အဃိန့ၣ်လီၤ. ဒ်သိးတၢ်သ့ၣ်တဖၣ်အံၤ နခီၣ်ကန့ၢ်ႇ မၤနၢၤကွံ၁်ကသ့အဂီၢ် တၢ်လိၣ်ဘၣ်အဆိ ကတၢၢ်တမံၤမ့ၢ်ဝဲ နဘၣ်မၤပူၤဖျဲးနသးလၢလၢၦဲၤၦဲၤ လၢကယဲၢ်မ့ၢ်တၢ်လၢကမၤဟးဂီၤႇ မၤလီၤပှီၢ်ကွံ၁် နတၢ်ဆၢန့ၢ်ကယ၁်...
“အိၣ်တမှံၤဒံးယံ၁်ဒံးထၢႇ ရၢ်လီၤခိၣ်သူတဘံၣ်ချၢ”
“အိၣ်တမှံၤဒံးယံ၁်ဒံးထၢႇ ရၢ်လီၤခိၣ်သူတဘံၣ်ချၢ” ၁.ကညီဖိလၢဟီၣ်ခိၣ်ချၢ ပတု၁်ကွံ၁်စၢၤတၢ်ဖ့ၣ်ဆၢ စိၤခဲအံၤတမ့ၢ်ဒုးယ၁် မ့ၢ်စီၢ်နီၤခိၣ်အခွဲးယ၁် ၂.နမ့ၢ်ဆၢထံၣ် ကီၢ်သူလ့ၤ ထူရူၢ်ဆဲးလၤ ဘၣ်ၦဲၢ်က့ၤ ကီၢ်သူလ့ၤ နဆၢက့ၤအိၣ် ပှိၢ်ဒီးစှီၤ ဘၣ်က့ၤအိၣ်ဖှိၣ် ၃.ၦၤထံဂ့ၤ ၦၤထံဘၣ်ၦ့ၤ ၦၤကီၢ်ဂ့ၤ ၦၤကီၢ်ဘၣ်ၦ့ၤ ၦၤဂ့ၢ်ဝီ လဲၤတၢ် ဘ့ျဆှီ မ့ၢ်ခိၣ်နၢ် သူၣ်ဂ့ၤသးပျီ ၄.ခ့ခါဖိသၣ် ဖဲသးစၢ် အိၣ်မူတီလိၤ မၤလိၤနၢ် လိၣ်ဘီဘိ ဖံး ဘ့ညျၣ် ဘ့ျ ကီၤသူၣ်ကီၤသး တၢ်ဘ့ၣ်ဆ့ ၅.တၢ်တၤကျိၣ်တၤစ့ တၢ်မၤ ပဒ့ၣ်ဟးဆှဲး လၢ်ကိးဂၤ ...