၀့ၢ်ရၤမတံအပူၤ တၢ်ဖီၣ်န့ၢ်၀ဲ စ့ပယီၤအယီၤအဘျၣ် ၁ ကလးကၠး ၁၄၀ ဘ့ၣ်ႉ
လါစဲးပထ့ဘၢၣ် ၈ သီႇ၂၀၁၉နံၣ် ႇန့ၣ်နီၣ်ႉ ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ကညီကီၢ်စဲၣ် ၀့ၢ်ရၤမတံ၀့ၢ်အပူၤ ဖဲလါစဲးပထ့ဘၢၣ် ၆ သီအနံၤ တၢ်ဖီၣ်န့ၢ်၀ဲ ပိာ်ခွါတဂၤလၢ အစိာ်၀ဲ စ့ပယီၤအယီၤ တကလးအဘ့ၣ် ၁၄၀ဘ့ၣ် ဘျဲၣ်အဂ့ၢ် သ့ၣ်ညါဘၣ်လၢ ရၤမတံ ကီၢ်ဆၣ်ပၢကီၢ် တၢ်ပာ်ဖျါအပူၤန့ၣ်လီၤႉ ၀့ၢ်ရၤမတံ က၀ီၤဒ့နီၢ်ဂံၢ် ၁ သၤစ့ၣ်ကျဲအပူၤ ဖဲလါစဲးပထ့ဘၢၣ် ၆ သီႇ ဂီၤခီ ၁၁ နၣ်ရံၣ်ကတီၢ် ကီၢ်ဆၣ်ပၢၤကီၢ်ခိၣ် သဲစီၣ်၀့ တီခိၣ်ရိၣ်မဲကရူၢ်ဒီး ၦၤသ့ၣ်ညါထွဲတၢ်ဂ့ၢ်တဖၣ် အိၣ်ခိးကတီၢ် တၢ်သမံသမိး၀ဲ ပိာ်ခွါ၀ဲန့ၣ်ဒီး စ့ထၢၣ်အပူၤ တၢ်ထံၣ်န့ၢ်၀ဲ စ့ပယီၤအယီၤအဘျၣ် ၁ ကလးအဘ့ၣ် ၇၀ ဒီးတၢ်ဟံးကွံာ်အီၤန့ၣ်လီၤႉ တၢ်ဆဲးသမံသမိးအီၤဒီး သ့ၣ်ညါဘၣ်လၢ အ၀ဲန့ၣ်လၢအပူၤကွံာ် ၃ သီကတီၢ် ဟဲအိၣ်လၢရၤမတံ ၦၤတမှံၤအိၣ်ကဒုလီၢ်အဃိ တၢ်လဲၤဃုကွၢ်ဖဲတၢ်လီၢ်၀ဲန့ၣ်အပူၤဒီး တၢ်ထံၣ်န့ၢ်ကဒီး စ့အယီၤအဘျၣ် ၁ ကလးအဘ့ၣ် ၇၀ ဒီးဖဲအ၀ဲၦ့ၤအီၣ် သဘျုၣ်ကျးအပူၤ တၢ်ထံၣ်န့ၢ်၀ဲ ၂...
၀့ၢ်ရၤမတံအပူၤ တရူးထံဖိကီၢ်ဖိလၢ ဟဲအိၣ်ဆိး တဒုးသ့ၣ်ညါ တၢ်ကွၢ်ထွဲ (လႉ၀ႉက)အဃိ တၢ်အိးထီၣ်ဃာ်တၢ်မူးတၢ်ရၢ်ႉ
လါစဲးပထ့ဘၢၣ် ၅ သီႇ၂၀၁၉နံၣ်ႇ န့ၣ်နီၣ်ႉ ကညီကီၢ်စဲၣ်ႇ ရၤမတံကီၢ်ဆၣ် က၀ီၤဒ့နီၢ်ဂံၢ် ၅ႇ တၢ်သူၣ်တၢ်ဖျးက၀ီၤဒိၣ် (စိၣ်) ဟံၣ်လၢၦၤအိၣ်တဖၣ်အပူၤ တရူးထံဖိကီၢ်ဖိ အိၣ်ဆိးဖဲန့ၣ်တဂၤ လံာ်အုၣ်ကီၤသးတအိၣ်နီတမံၤဘၣ်အဃိ ဒ်တၢ်ကွၢ်ထွဲထံဂုၤကီၢ်ဂၤ ၦၤနုာ်လီၤဟးထီၣ်ဂ့ၢ်၀ီဒီးထံဖိကီၢ်ဖိဂံၢ်ဘါ၀ဲၤကျိၤ (လႉ၀ႉက)တၢ်ဘျၢသဲစးအိၣ်၀ဲအသိး တၢ်ကဟံးအရ့အဂ့ၢ် ကီၢ်ရ့ၣ်ပတီၢ် ၦၤဘၣ်မူဘၣ်ဒါတဲ၀ဲန့ၣ်လီၤႉ တၢ်ကဲထီၣ်သးန့ၣ် က၀ီၤဒ့အပူၤ ၦၤကီၢ်ချၢဖိတဖၣ် အိၣ်ဆိးအိၣ်တအိၣ်န့ၣ် ကီၢ်ရ့ၣ်ပၢၤကီၢ်ခိၣ်ႇ ပၢၤကီၢ်ခိၣ် ၂ သဲၣ်လ့တီခိၣ်ရိၣ်မဲ၀ဲကရူၢ် ပာ်ဖှိၣ်ထီၣ်သးဒီး က၀ီၤဒ့ၦၤပၢဆှၢရဲၣ်ကျဲၤတၢ်ကရူၢ် နုာ်လီၤသမံသမိး၀ဲ ဖဲလါစဲးပထ့ဘၢၣ် ၄ သီအနံၤ မုၢ်နၤခီ ၁၁ နၣ်ရံၣ်ကတီၢ်န့ၣ်လီၤႉ လၢတၢ်လဲၤလီၤသမံသမိး တၢ်ကတီၢ် ဖဲဒီၣ်မၠိမၠိအ့ အိၣ်ဟံၣ်အပူၤ တရူးထံဖိကီၢ်ဖိဒီး ၃ ဂၤဒီး ပယီၤပိာ်မုၣ်တဂၤႇ လၢအူအီၣ်အီၣ်အဟံၣ်ပူၤ တရူးထံဖိကီၢ်ဖိ ၄ ဂၤသ့ၣ်တဖၣ် တၢ်ထံၣ်န့ၢ်အီၤ၀ံၤ တၢ်က့ၤကိးဃီၤအ၀ဲသ့ၣ်ဆူ ရၤမတံပၢၤကီၢ်ရူ၀ံၤ ကီၢ်ဆၣ် တၢ်ကွၢ်ထွဲထံဂုၤကီၢ်ဂၤ ၦှၤနုာ်လီၤဟးထီၣ် ဘၣ်မူဘၣ်ဒါ အူအီၣ်တိဒီးကရူၢ်တဖၣ် သမံသမိးအဂ့ၢ် သ့ၣ်ညါဘၣ်လၢ ၦၤဘၣ်မူဘၣ်ဒါအအိၣ်န့ၣ်လီၤႉ တရူးထံဖိကီၢ်ဖိ ၇...
တရူးထံဖိကီၢ်ဖိလၢ အဟဲအိၣ်လၢဖၣ်အၣ်အပူၤ တဒုးသ့ၣ်ညါ၀ဲ (လႉ၀ႉက)အဖီခိၣ် တၢ်အိးထီၣ်ဃာ်တၢ်မူး
လါစဲးပထ့ဘၢၣ် ၅ သီႇ၂၀၁၉ နံၣ်ႇ ခ့ၣ်အဲးစံၣ်ႉ ၀့ၢ်ဖၣ်အၣ် က၀ီၤဒ့တဖၣ်အပူၤ ဖဲတၢ်တလါအံၤ လါထီၣ်ကတီၢ် တရူးထံဖိကီၢ်ဖိတဖၣ် ဟဲနုာ်လီၤအဖီခိၣ် တၢ်ဒုးသ့ၣ်ညါတအိၣ်ဘၣ်အဃိ မ့ဟ့ခဲးခီပနံၣ် ၦၤပၢဆှၢရဲၣ်ကျဲၤတၢ်ခိၣ်တဂၤအံၤ တၢ်အိးထီၣ်ဃာ်တၢ်မူးတၢ်ရၢ် ဒ်တၢ်ကွၢ်ထွဲၦၤနုာ်လီၤဟးထီၣ်ဒီး ၦၤဂ့ၢ်၀ီဂံၢ်ဘါ၀ဲၤကျိၤ (လႉ၀ႉက) တၢ်ဘျၢသဲစးအသိးအဂ့ၢ် ကီၢ်စဲၣ် တၢ်ကွၢ်ထွဲၦၤနုာ်လီၤဟးထီၣ်လၢထံဂုၤကီၢ်ဂၤ ၦၤနဲၣ်တၢ်ခိၣ် ၂ အူအီၣ်၀့ တဲဘၣ်ခ့ၣ်အဲးစံၣ်ဖဲ စဲးပထ့ဘၢၣ် ၄ သီအနံၤန့ၣ်လီၤႉ အ၀ဲတဲ၀ဲလၢ“လၢပ၀ဲတကပၤ ပၢၤကီၢ်ကရူၢ်ႇဒူသ၀ီၦၤပၢဆှၢရဲၣ်ကျဲၤတၢ်တဖၣ် ပပာ်ဖှိၣ်ထီၣ်သး၀ံၤ တဘျီတခီၣ် ပလီၤသမံသမိး၀ဲတရူးတဖၣ်န့ၣ်လီၤႉ တရူးထံဖိကီၢ်ဖိတဖၣ် မ့ၢ်ဟဲအိၣ်လၢ အဖိးသဲစးအိၣ်ဒီး လံာ်အုၣ်သး လၢၦဲၤန့ၣ် တၢ်ဟံးန့ၢ်အရ့တအိၣ်ဘၣ်ႉ ဘၣ်ဆၣ်တရူးထံဖိကီၢ်ဖိတဖၣ်အံၤ ဟဲအိၣ်၀ံၤ ဒုးသ့ၣ်ညါတၢ်ကွၢ် ထွဲၦၤ နုာ်လီၤဟးထီၣ်လၢထံဂုၤကီၢ်ဂၤ၀ဲၤကျိၤ တအိၣ်ဘၣ်အဃိ ပအိးထီၣ်ဃာ်၀ဲ တၢ်မူးတၢ်ရၢ် လၢဟ့မ့ခဲးခီပနံၣ် ၦၤပၢဆှၢရဲၣ်ကျဲၤတၢ် တဂၤလၢ ထံဂုၤကီၢ်ဂၤဖိတၢ်တ့လံာ်အုၣ်ကီၤသး တၢ်ဘျၢအသိး”အဂ့ၢ်န့ၣ်လီၤႉ တၢ်အိးထီၣ်ဃာ် တၢ်မူးတၢ်ရၢ်အဖီခိၣ် ၦၤဘၣ်မူဘၣ်ဒါတဖၣ် ကတဲဖျါထီၣ်၀ဲ တၢ်ဂ့ၢ်တၢ်ကျိၤလီၤတံၢ်လီၤဆဲး တအိၣ်ဘၣ်အသိး တၢ်ကဟံးအရ့ တၢ်အိၣ်သးလီၤတံၢ်လီၤဆဲးအံၤ တၢ်တသ့ၣ်ညါဒံးဘၣ်န့ၣ်လီၤႉ ကညီကီၢ်စဲၣ်...
လၢတၢ်ကိး၀ဲ ကလုာ်အမံၤတၢ်ပနီၣ်အဖီခိၣ် ခ့ၣ်အဲၣ်ယူၣ် ၀ီၢ်ရီကီၢ်ဆၣ် ထုးထီၣ်လံာ်ပာ်ဖျါ
လါစဲးပထ့ဘၢၣ် ၄ သီႇ ၂၀၁၉ နံၣ်ႇ စီၤရှါႉ ကလုာ်ဒူၣ်တဖၣ်အမံၤႇ မံၤကယၢဒီး ကလုာ်တဒူၣ်တၢ်ပနီၣ်တဖၣ် သုတလီၤမၢ်ဘၣ်အဂီၢ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ၀ီၢ်ရီကီၢ်ဆၣ်အပူၤ ဒ်သိးဒူသ၀ီ ၦၤပၢဆှၢရဲၣ်ကျဲၤတၢ်ဒီး သ၀ီဖိတဖၣ် ကသ့ၣ်ညါအဂီၢ် ထုးထီၣ်၀ဲလံာ်တၢ်ပာ်ဖျါ တဘ့ၣ်ဖဲ လါစဲပထ့ဘၢၣ် ၁ သီအနံၤန့ၣ်လီၤႉ ခ့ၣ်အဲၣ်ယူၣ် သုးရ့ၣ် ၁၆ႇ ၀ီၢ်ရီကီၢ်ဆၣ် လံာ်တၢ်ပာ်ဖျါနီၢ်ဂံၢ် ၁⁄၂၀၁၉ အပူၤ မ့မ့ၢ်ကညီကလုာ်န့ၣ် “စီၤႇ မါႇ စး ႇနါႇ နီၢ်” မ့မ့ၢ်တလၢၤတခီ “နဲၣ်ႇ မ့ႇ မံၣ်” မ့မ့ၢ်ပယီၤတခီ “အူႇ မီၣ်ႇ ဒီၣ်ႇ မ” သ့ၣ်တဖၣ်လီၤအဂ့ၢ် ဒ်သိးတၢ်ကကိးအီၤ ကွဲးအီၤရှဲရှဲပျီပျီအဂ့ၢ် လံာ်တၢ်ပာ်ဖျါအပူၤ ပညိၣ်ဃာ်၀ဲန့ၣ်လီၤႉ ဘၣ်ဃးတၢ်ပာ်ဖျါ၀ဲအံၤအဖီခိၣ် ခ့ၣ်အဲၣ်ယူၣ် ၀ီၢ်ရီကီၢ်ဆၣ် ကီၢ်ဆၣ်ခိၣ် ပဒိၣ်စီၤမီၣ်ရွ့ၣ်တဲ၀ဲ“သးနံၣ် ၁၈ နံၣ်အဖီလာ် မံၤတဖၣ်အမဲာ်ညါန့ၣ် တၢ်ကိး၀ဲ မီၣ်ႇ မး ၁၈ နံၣ်အဖီခိၣ် တၢ်ကိး၀ဲ...
ကၠိဖိဒီး လီၢ်က၀ီၤဖိသ့ၣ်တဖၣ် ကဒိးန့ၢ်ထံကဆှီအဂီၢ် တၢ်ဆီလီၤန့ၢ်၀ဲ ထံအီစဲးတဖၣ်
လါစဲးပထ့ဘၢၣ် ၂သီႇ၂၀၁၉နံၣ်ႇခ့ၣ်အဲးစံၣ် အီးထြ့လံယါထံကီၢ် (Safe Water For Every Child)ကရူၢ်အံၤ ဒ်သိးကညီကၠိဖိဒီး ကမျၢၢ်တနီၤလၢ အအိၣ်ဖဲ ကီၢ်ကၠီၣ်တဲၣ် ကီၢ်ပယီၤကီၢ်ဆၢတဖၣ် ကဒိးန့ၢ်အီဘၣ်ထံကဆှီတဖၣ်အဂီၢ် ပညိၣ်၀ဲ၀ံၤ မၤဘူၣ်လီၤ၀ဲထံကဆှီဒၢတဖၣ် န့ၣ်လီၤႉ တၢ်မၤစၢၤ၀ဲ ထံကဆှီဒၢ တၢ်ရဲၣ်တၢ်ကျဲၤအံၤ စးထီၣ်လၢ ၂၀၁၈နံၣ်ကတီၢ် ဒုးအိၣ်ထီၣ်၀ဲ တၢ်မၤစၢၤထံကဆှီဒၢကရူၢ်တဖု၀ံၤ ကတီၢ်အံၤ လၢဖၣ်ပူၣ်ႇ ဖၣ်အၣ်ကီၢ်ရ့ၣ်တလီၢ်တနီၤ ဒီးသူမှဲခံ ကၠိလၢအအိၣ်သူၣ်လီၤအသးဖဲ ကီၢ်ကၠီၣ်တဲၣ် ခီကီၢ်ကၠိအပူၤ လဲၤလီၤထီန့ၢ်၀ဲ ထံအီဒၢတဖၣ် ခဲလၢာ် ၆ ဖျၢၣ်န့ၣ်လီၤႉ ၦၤလဲၤလီၤမၤစၢၤ ထံအီဒၢ ၦၤနဲၣ်တၢ် စီၤရ့ၣ်မူတဲ၀ဲ“ တၢ်ဒုးအိၣ်ထီၣ်၀ဲ ထံအီဒၢအံၤ တၢ်ပညိၣ်အိၣ်လၢ ကမၤစၢၤလီၢ်က၀ီၤ တၢ်အိၣ် ဆူၣ်အၣ်ချ့အဂီၢ်န့ၣ်လီၤႉ လၢသူမွံခံကၠိ တၢ်လီၢ်အပူၤမ့ၢ်ဂ့ၤႇ လၢကညီကီၢ်စဲၣ်တၢ်လီၢ်အပူၤမ့ၢ်ဂ့ၤ လၢတၢ်မၤကွၢ်ထံကတီၢ် ထံသ့ၣ်တဖၣ်အပူၤ ထံၣ်ဘၣ်လၢအိၣ်ဒီးအဃၢ်န့ၣ်လီၤႉ အဃိလၢတၢ်က့ၤထိၣ်သတြီၤ ကွၢ်ကဒါက့ၤလၢ ထံဂုၤကီၢ်ဂၤပတီၢ် ထံတဖၣ်အံၤ တကြၢးလၢတၢ်အီအီၤဘၣ်ႉ ကဲထီၣ်တၢ်ဆါသ့အဃိ လၢတၢ်ကဘှါရှဲ ၦၤဂ့ၢ်၀ီတၢ်အိၣ်မူကန့ၢ်အဂီၢ် ပဒုးအိၣ်ထီၣ်ကရူၢ်၀ဲအံၤန့ၣ်လီၤ”အဂ့ၢ် တဲ၀ဲန့ၣ်လီၤႉ လၢတၢ်ကဒိးန့ၢ်ထံအီကဆှီအဂီၢ်...
လၢကခးလိာ်သးကဒဲကဒဲအဂီၢ် သးတအိၣ်လၢၤဘၣ်အဂ့ၢ် (BGF)သုးခိၣ် စီၤခၠ့ၣ်သူၣ်တဲ
လါအီကူာ် ၂၀ႇ ၂၀၁၉နံၣ်ႇ ခ့ၣ်အဲးစံၣ် ဒီပုၢ်၀ဲ ကဒဲကဒဲ ကခးလိာ်သးဂီၢ် သးတအိၣ်လၢၤဘၣ်အဂ့ၢ်ႇ ကီၢ်စဲၣ်အပူၤ တၢ်မုာ်တၢ်ခုၣ်မ့ၢ်အိၣ်ထီၣ်န့ၣ် တအဲၣ်ဒိးဖီၣ်စုက၀ဲၤ လၢၤဘၣ်အဂ့ၢ် ကညီကီၢ်စဲၣ် သုးခိးကီၢ်ဆၢ(B.G.F) လီၢ်ခၢၣ်သးၦၤဟ့ၣ်ကူၣ်တၢ် နဲၣ်ရွဲၣ်ခိၣ်ကျၢၢ် သုးခိၣ်ဒိၣ်စိ စီၤခၠ့ၣ်သူၣ် တဲလီၤ၀ဲဖဲ (B.G.F) ၉ နံၣ်ၦဲၤထီၣ် တၢ်ရဲၣ်တၢ်ကျဲၤအပူၤန့ၣ်လီၤ. ထုးဖးသးလၢ ဘူးဒးတၢ်ဘါတၢ်လဲၤထီၣ်လဲၤထီ ကညီသုးမုၢ်ဒိၣ်(D.K.B.A) ၀ံၤ ကဲထီၣ်က့ၤ၀ဲ သုးခိးကီၢ်ဆၢ ၉ နံၣ်ၦဲၤ ထီၣ် တၢ်ရဲၣ်တၢ်ကျဲၤအံၤ ဘၣ်တၢ်မၤလၤကပီၤအီၤ ဖဲလါအီကူာ် (၂၀)သီႇ ဖဲရၤမတံကီၢ်ရ့ၣ်ႇ ရွ့ၣ်ကိကိၣ်မၠဲၣ်၀့ၢ် မုၢ်ထီၣ်ကလံၤထံး သုးကီၢ်ခီႇ နီၢ်ဂံၢ် ၃ အပူၤအခါ စံးလီၤ၀ဲဒ်န့ၣ်လီၤ. သုးခိၣ်ဒိၣ်စိ စီၤခၠ့ၣ်သူၣ် စံး၀ဲ“ပ၀ဲ ဒီပုၢ်၀ဲၢ်ကဒဲကဒဲ ဒုးလိာ်သး အမဲာ်ညါ မၤသံမၤ၀ီလိာ်သး ကဒဲကဒဲ အိၣ်လံအနံၣ် ၂၀ ဃၣ်ဃၣ်လံႇ ဒုးလိာ်ယာ်လိာ် မၤသံလိာ်သး တၢ်သ့ၣ်တဖၣ်အံၤ တလိးကီလၢၤဘၣ်ႇ မ့ၢ်ဘၣ်တဲအဒိန့ၣ် ကညီကီၢ်စဲၣ်အပူၤ မ့ၢ်တမုာ်ခုၣ်...
(PC)သုးဖိ ခး၀ဲသ၀ီ ၦၤပၢဆှၢတၢ် လၢကျိအဃိႇဘၣ်တီၣ်ထီၣ်ဆူ တၢ်ဆါဟံၣ်
လါအီကူာ် ၂၀ႇ ၂၀၁၉နံၣ်ႇ န့ၣ်နီၣ် ကညီကီၢ်စဲၣ်ႇ ရၤမတံ၀့ၢ်ႇ ၀ှ့ၣ်ရှါသ၀ီကရူၢ် ညီၣ်နါသၣ်သ၀ီအပူၤ ဘၣ်ထွဲဒီး တၢ်ထီထီၣ်၀ဲလီမ့ၣ်အူပျံၤတၢ်ဂ့ၢ်အဖီခိၣ် တၢ်တဲအါလိာ် သးအိၣ်ထီၣ်၀ဲအဃိ ကညီတၢ်မုာ်တၢ်ခုၣ်ကီၣ်ကး (KNU/KNLA-PC) သုးဖိတနီၤ ခး၀ဲသ၀ီသးၦၢ် (ၦၤပၢဆှၢတၢ်)ဒီးကျိအဃိ ကတီၢ်အံၤသ၀ီသးၦၢ် ဘၣ်တၢ်တီၣ်ထီၣ်ဆူ တၢ်ဆါဟံၣ်အပူၤန့ၣ်လီၤ. လၢညီၣ်နါသၣ်သ၀ီပူၤ ကီၢ်ကၠီၣ်တဲၣ်လီမ့ၣ်အူလၢတၢ်သူအီၤအခဲအံၤန့ၣ် တၢ်ကပတုာ်ကွံာ်အီၤ၀ံၤ လၢတၢ်ကသူက့ၤ၀ဲ ကီၢ်ပယီၤလီမ့ၣ် အူအဂီၢ် တၢ်တဲအါလိာ်သးအိၣ်ထီၣ်,တၢ်သးတမံသးတမုာ်လိာ်သးအိၣ်ထီၣ်၀ဲအဃိ ဖဲလါအီကူာ် ၁၈ သီႇဟါလီၤ ၉ နၣ်ရံၣ်ကတီၢ် (KNU/KNLA-PC)သုးရ့ၣ် ၇၀၉ အသုးခိၣ် သုးခိၣ်ဒိၣ်ဂီၢ်ဂ့ၢ် စီၤ၀ါနဲ အၦၤလၢအမ့ၢ် ကၠံၣ်နဲၣ် ဃုာ်ဒီး အသကိး ၅ ဂၤ လဲၤခး၀ဲ ညီၣ်နါသၣ်သ၀ီသးၦၢ် အူသဲၣ်အူဒီးကျိ ၅ထံၣ်၀ံၤ ဃ့ၢ်ပူၤဖျဲးသးအဂ့ၢ် လီၢ်က၀ီၤဘၣ်မူဘၣ်ဒါ တဲ၀ဲန့ၣ်လီၤ. တၢ်ခးဘၣ်၀ဲ အူသဲၣ်အူ ဒီးကျိလၢ သးနါၦၢ်အထွဲတကပၤ ဖျိသဂၢၢ်၀ဲတထံၣ်ႇ စုထွဲစုနၢၣ်ခံ အစၢတထံၣ်ဒီး ခီၣ်ကံၣ်ဒုၣ်အထွဲတ ကပၤတထံၣ်အဃိ ဖဲတနၤဃီ ၉ နၣ်ရံၣ်...
ကူၣ်သ့မ့ၢ်အိၣ်ကဲၦၤခိၣ်ႇ ဖဲပအိၣ်မူလၢဟီၣ်ခိၣ်.
ဒ်သိးပဒိၣ်ထီၣ်က ချ့ ပ၁်ဒိၣ်တၢ်ကူၣ်ဘၣ်ကူၣ်သ့ ဆဲးလၤသနူဟံးန့ၢ်သါ မ့ၢ်ဒၣ်လၢယွၤဂ့ၢ်ပီညါ နီၢ်သကဲ၁်ခွါလၢပီညါ ပီညါကနၣ်အ့ၣ်န့ၢ်ထး ဒိးတၢ်ကူၣ်သ့ကဟၣ်ထူ အိၣ်တီလိၤဒီးမၤဃူဃူ အီၣ်တသ့ကဲတၢ်ဆူးဆါ အီၣ်မ့ၢ်သ့ကဲထီၣ်ဂံၢ်ဘါ တၢ်လဲၢ်ဟီၣ်ခိၣ်ဆှါဟံၣ်လီၢ် ကူၣ်ဆးအါစှၤတီၤပတီၢ် နီၢ်တမၤလံ၁်တမၤလဲၢ် ကဲကုၢ်ခ့ၦၤဒ်ၦၤပျဲၢ် စီမၤလံ၁်မၤလဲၢ်တမု၁် ဒိးလဲသးဒီးကဲၦၤကုၢ် နီၢ်အိၣ်ကၢၣ်မံဆူၣ်အီၣ်ဃး ကူၣ်တဘၣ်ဒီးသးတဆး စီအိၣ်ဝံမံဆူးမံခ့ ကဲခ့ၦၤအ့စိၢ်အ့န့ ဝံသးစူၤကဲဘၣ်မိၢ်စၢၤ ဝံသးကၢၣ်သံဘျၢတလၢၤ ခိၣ်ထံဘီၣ်သးနါၦၢ်ဘူ ထိၣ်ကိးလံၣ်ကိးတနၢ်ဟူ စုနၢဖုၣ်ထီဂံၢ်မ့ၢ်သ့ ကဲဘၣ်နဲၦၤကူၣ်ဖးသ့ တၢ်လိၣ်ဘၣ်ဒီးတၢ်အဲၣ်ဒိး နီၤဖးဒူၣ်ဆၢၦဲၤသိးသိး တၢ်ကူၣ်သ့ပစိ၁်အီၤညီ ပဃုပ၁်ဖှိၣ်အဂီၢ်ကီ မ့တမ့ၢ်လၢတၢ်ကူၣ်သ့ တၢ်အိၣ်မူထီၣ်ဘးတ့သ ဒိးကူၣ်သ့ၣ်ချံလၢအဖှံ မ်တမ့ၢ်ၦၤမၢဆီၣ်ခံ ဃုတၢ်ကူၣ်သ့တၢ်သးဆး သ့ၣ်ညါနဲထံသးကီၢ်သး ကူၣ်သ့မ့ၢ်စှၤကဲခ့ၦၤ ဒီပုၢ်ဝဲၢ်ဟ့ၣ်ပလီၢ်နၤ ““ကူၣ်သ့မ့ၢ်အိၣ်ကဲၦၤခိၣ် ဖဲပအိၣ်မူလၢဟီၣ်ခိၣ်””. လၢတၢ်အဲၣ်ကကွဲၢ်ကဘီ စီၤကီၢ်ဖျါစ့ (တီနီၢ်ဖိ) ၂၇.၈.၂ ဝ၁၉ ဝီၢ်သြဲတဖၣ် ၁.ဆဲးလၤသနူ -ဘာရိုးရာဓလေ့ (Traditional) ၂.ထူယွၤပီညါ - ပီညါ -တၢ်ကူၣ်တၢ်ဆးႇ တၢ်ကူၣ်ဘၣ်ဖးသ့. ဘာသာရေးဆိုင်ရာအတတ်ပညာ (Theological) ၃.ကုၢ် - ကျွန်(Slave) ၄.ဒိးလဲ - ငှားရမ်းသူ၊နေ့စားလုပ်သား (Day-labour) ၅.အိၣ်ဝံမံဆူးမံခ့ - အချိန်ရှိတိုင်းကျောင်းခင်း (Waste) ၆.ဝံသးကၢၣ် - ပျင်းရိခြင်း (bone-lazy) ၇. ဆှါ ...
ကဒီသဒၢသကိး နီၢ်အိလၣ်ဒီးသးစၢ် ၂ ဂၤလၢ ဘၣ်တၢ်လိာ်ဘၢလိာ်ကွီၢ်တဖၣ် တက့ၢ်န့ၣ် KNU Concerned Group ထုးထီၣ်ပာ်ဖျါတၢ်ပာ်သး
အီကူာ် ၁၇သီႇ ၂၀၁၉ နံၣ်ႇ ခ့ၣ်အဲးစံၣ် လၢ၀့ၢ်တကူၣ် ၦၤလၢတီခိၣ်ရိၣ်မဲမၤလၤပီၤ၀ဲ ကညီမၤထူရၤအမုၢ်နံၤၦဲၤထီၣ် ၆၉ ၀ီတ၀ီလၢအမ့ၢ်ကညီပိာ်မုၣ်ကရၢ KWU အကရၢခိၣ်နီၢ်အိလၣ်ဒီး ကညီသးစၢ်၂ ဂၤသ့ၣ်တဖၣ် ကီၢ်ပယီၤပၢၤကီၢ်ကရူၢ်လိာ်ဘၢလိာ်ကွီၢ်အီၤဒီးကဟံးန့ၢ်၀ဲအရ့အဖီခိၣ် ဒီသဒၢမၤစၢၤဘၣ်လၢ်တက့ၢ်န့ၣ် KNU Concerned Group ထုးထီၣ်၀ဲအတၢ်ပာ်သးဖဲလါအီကူာ် ၁၇သီအနံၤန့ၣ်လီၤႉ လၢ KNU Concerned Group တၢ်ပာ်ဖျါအပူၤဘၣ်ဃးဒီး ကၠီၣ်တတါပၢၤကီၢ်ခိၣ် လိာ်ဘၢလိာ်ကွီၢ်တၢ် ဒ်အံၤန့ၣ် ထီဒါ၀ဲလ့ၤတုၤလ့ၤတီၤအဂ့ၢ်ႇ တၢ်လိာ်ဘၢလိာ်ကွီၢ် ဒ်အံၤအဃိ မၤဘၣ်ဒိ၀ဲကလုာ်ဒူၣ်တၢ်ဃူတၢ်ဖိး လၢတၢ်ကသူၣ်ထီၣ် ဖဲၣ်ဒရဲၣ်ကီၢ်စၢဖှိၣ်အဂီၢ်ဒီး ၦၤလၢဘၣ်တၢ်လိာ်ဘၢလိာ်ကွီၢ်သ့ၣ်တဖၣ်အဂီၢ် ကညီဖိလၢကီၢ်ပူၤကီၢ်ချၢ ဃုာ်ဒီးကလုာ်ဒူၣ် ထံဖိကီၢ်ဖိသ့ၣ်တဖၣ် ကဒီသဒၢမၤစၢၤဘၣ်လၢ်တက့ၢ်အဂ့ၢ်န့ၣ် ပာ်ဖျါထီၣ်၀ဲဒၣ်န့ၣ်လီၤႉ လၢနီၢ်အိလၣ် ( Face Book)အပူၤ ကွဲးဖျါထီၣ်၀ဲလၢ ကၠီၣ်တတါကီၢ်ဆၣ် အပၢၤကီၢ်ကလၢၤခိၣ် ကိးဃီၤ၀ဲလီတဲဆိဒီး စံး၀ဲလၢ ခီဖျိလၢကညီမၤထူရၤအမုၢ်နံၤ လၢ၀့ၢ်တကူၣ်ကီၢ်ခီဒိၣ် အပဒိၣ်တအဲၣ်မၤလၤကပီၤဘၣ်န့ၣ် မၤလၤကပီၤ၀ဲလၢ မဟၣ်ဘၣ်ဒူ လၣ်ဖီကရၢၢ်အမဲာ်ညါအဃိ ကၠီၣ်တတါကီၢ်ဆၣ် အပၢၤကီၢ်ကလၢၤခိၣ် အိးထီၣ်၀ဲတၢ်မူးတၢ်ရၢ်အဂ့ၢ် ကွဲးတီၣ်ထီၣ်၀ဲဖဲ လါအီကူာ် ၁၅သီ...