ကကဲကုၢ်ခံဘျီတဘျီ
၁. ဖဲလါအီကၢၣ်တဆံခံ မ့ၢ်မၤထူရၤအမုၢ်နံၤ ၦၤလၢအဲၣ်ကလုာ်ထံကီၢ် လုၢ်ထီၣ်တ့ၢ်သးလၢပဂီၢ် ၦၤဒူဃိာ်သွံၣ်ထံစီဆှံ မူဒံး၀ဲတုၤတနံၤအံၤ အိၣ်ဖျါထီၣ်၀ဲတြၢၢ်ကလာ် ကညီမုၣ်ကျါနီၢ်အိလၣ် ၂.တၢ်အဲၣ်ကလုာ်သးသဟီၣ် လၢနလိၤဟဲအိၣ်ဖျါထီၣ် နမ့ၢ်ဘၣ်ဆၣ်ကညီမုၣ် ကလုာ်ဂီၢ်ၦဲၤတၢ်သးဆူၣ် မၤထူရၤစံၣ်စိၤမအဂီၢ် နဘၣ်နဲဒၣ်တၢ်လိာ်ကွီၢ် ပယီၤတၢ်မၤအၢမၤသီ တကတၢၢ်လၢာ်နီတဘျီ ၃.ပယီၤအၢသီအတၢ်တိာ် မၤလီၤမၢ်ပတၢ်စံၣ်စိၤ လၢဖံဖုစိၤပကီၢ်လါ ခဲအံၤကဲထီၣ်လံဘၢၣ်မါ ကညီဟဲထံစဲးမဲးယွၤ ပယီၤဟဲမိကိလံယါ(စံးလီၤအသး) ဒ်ထွံၣ်၀ဲးဘၢထိးခီၣ်လီၢ် ပျိာ်လဲကီၢ်အံၤလၢအကီၢ် ၄.ခဲအံၤလၢပအိၣ်စိးလီၢ် ဘၣ်န့ၢ်ပယီၤလံာ်အုၣ်ကီၤ ကညီဖိမုၢ်နံၤဒိၣ်ထီ မၤလၤကပီၤဘၣ်တၢ်တြီ ဆူညါခီပတၢ်ကတိၤ မ့ၢ်တဲကလီၤဘၣ်ဆူဃိာ် ပမ့ၢ်တပလီၢ်ပဒီ ကကဲကုၢ်ချံဘျီတဘျီ အိၣ်တမှံၤကီၢ်အီစ်ထြ့လ်ယါႉႉႉႉသူလ့ၤနီၣ်မံၤဖိ
ဖၣ်အၣ်ႇအီၣ်ကီၣ်ရ့သ၀ီအပူၤ ကၠိဖိ ၅ဂၤလီၤအုးသံလၢထံ
လါအီကူာ် ၁၆ႇ ၂၀၁၉ႇ နါ၀့ၣ်ဖၠိစၣ် ကညီကီၢ်စဲၣ်ႇ ဖၣ်အၣ်ကီၢ်ဆၣ် လၢအီၣ်ကီၣ်ရ့သ၀ီန့ၣ် ဖဲလါအီကူာ် ၁၄သီအဆၢကတီၢ်ခီဖျိလၢချံတကျၢၢ်အဃိ ဖိသၣ်လၢအသးနံၣ် လၢဘၣ်အိၣ်ကၠိကတီၢ် ၅ဂၤလီၤအုးသံ၀ဲလၢထံအဂ့ၢ် သ့ၣ်ညါဘၣ်န့ၣ်လီၤႉ လၢဃိၣ်လိာ်ကျိလီၢ်ခံတကပၤ ဖဲလဲၤ၀ၢ်၀ဲချံလၢအီၣ်ကီၣ်ရ့သ၀ီ သၣ်ယၣ်ကိ ဆူ ရွှ့ၣ်အူၣ် ဒီး အဘၢၣ်စၢၤ ဖဲဂီၤခီ ၉ နၣ်ရံၣ်အဆၢကတီၢ် ချံတကျၢၢ်၀ဲအဃိ ၦၤလၢအပၣ်ဃုာ်၀ဲလၢချံပူၤ ၅ဂၤလၢာ် သံ၀ဲအဂ့ၢ် လီၢ်က၀ီၤဖိသ့ၣ်တဖၣ်စံး၀ဲဒၣ်န့ၣ်လီၤႉ အီၣ်ကီၣ်ရ့သ၀ီသးၦၢ်စီၤသါ၀့စ့ၣ်စံး၀ဲလၢ “လၢပအိၣ် တၢ်လီၢ်အံၤ ဖဲတၢ်စူၤခါဆၢကတီၢ်န့ၣ် လၢနကလဲၤ လၢသ၀ီတဖျၢၣ်ဒီးတဖျၢၣ်န့ၣ် နဘၣ်လဲၤဒိးချံလီၤႉ တၢ်စူၤခါချံတကျၢၢ် ၦၤကညီသံဒ်အံၤန့ၣ် လၢအပူၤကွံာ်သ၀ီလၢအဂၤသ့ၣ်တဖၣ် ကဲထီၣ်သးအိၣ်၀ဲလီၤႉ လၢတနံၣ်အံၤ တၢ်ကဲထီၣ်သးဒ်အံၤအဃိ ဖိသၣ်လၢထီၣ်ကၠိ ဒီးချံသ့ၣ်တဖၣ်အဂီၢ်ပတၢၣ်ပီၣ်လၢပကမၤန့ၢ် အ၀ဲသ့ၣ်ဒီးဆ့ကၤထီၣ်ဖီ(ဖီးဆ့ကၤ)အိၣ်၀ဲန့ၣ်လီၤႉ” အဂ့ၢ်စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤႉ လၢၦၤသံသ့ၣ်တဖၣ်အကျါ မ့ၢ်၀ဲၦၤသးနံၣ်အိၣ် ၂ နံၣ်တုၤ ၁၇နံၣ် သ့ၣ်တဖၣ်ဒီး မ့ၢ်၀ဲကၠိဖိမုၣ် ၂ဂၤဒီးႇ ကၠိဖိ၃ဂၤအဂ့ၢ် သ၀ီသးၦၢ်ၦၤဘၣ်မူဘၣ်ဒါသ့ၣ်တဖၣ်တဲ၀ဲဒၣ်န့ၣ်လီၤႉ
တၢ်ဒုးအိၣ်ထီၣ် ပၠံၣ်ကီၢ်ရ့ၣ် ကညီလံာ်လဲၢ်တၢ်ဆဲးတၢ်လၤ တၢ်တိစၢၤမၤစၢၤဒီး တၢ်ဂုၤထီၣ်ပသီထီၣ် သးစၢ်ကရူၢ်
လါအီကူာ် ၁၅ သီႇ ၂၀၁၉နံၣ်ႇ ခ့ၣ်အဲးစံၣ် ပကိကီၢ်ခီဒိၣ်ႇ ပၠံၣ်ကီၢ်ရ့ၣ်ႇ ပၠံၣ်၀့ၢ်အပူၤ တၢ်ဒုးအိၣ်ထီၣ်၀ဲ ကညီလံာ်လဲၢ်တၢ်ဆဲးတၢ်လၤ တၢ်တိစၢၤမၤစၢၤဒီး တၢ်ဂုၤထီၣ်ပသီထီၣ် သးစၢ်ကရူၢ် ဖဲလါအီကူာ် ၁၄ သီႇ ပကိကီၢ်ခီဒိၣ် ကညီကလုာ်ဂ့ၢ်၀ီကိတိာ် နီၢ်ၦဲၤစ့ မၤ၀ဲတၢ်ထံၣ်လိာ်သးဒီး ကီၢ်ရ့ၣ် ကညီလံာ် လဲၢ်တၢ်ဆဲးတၢ်လၤဒီး လီၢ်က၀ီၤ သးစၢ်အခါန့ၣ်လီၤ. ကညီလံာ်လဲၢ်တၢ်ဆဲးတၢ်လၤ တၢ်တိစၢၤမၤစၢၤဒီး တၢ်ဂုၤထီၣ်ပသီထီၣ် သးစၢ်ကရူၢ်အံၤ တၢ်ဃုထၢထီၣ်၀ဲခၢၣ်စး ၅ ဂၤလၢကီၢ်ဆၣ် ၅ ဘ့ၣ်အပူၤ ဒ်အမ့ၢ် ၦၤပၢၤလီၢ်ဆ့ၣ်နီၤႇ နဲၣ်ရွဲၣ်ႇ ၦၤပၢၤစ့ႇ ၦၤစဲးစရီ ဒီးတၢ်ဘိးဘၣ်ရၤလီၤသ့ၣ်တဖၣ်အံၤ တၢ်ကက့ၤဃု ထၢထီၣ်စ့ၢ်ကီးအီၤလၢ ကီၢ်ရ့ၣ် ၅ ဘ့ၣ်အပူၤန့ၣ်လီၤ. ကညီဂ့ၢ်၀ီကိတိာ် နီၢ်ၦဲၤစ့တဲ၀ဲ“လၢတၢ်ဟူးဂဲၤမၤ၀ဲ ကညီလံာ်လဲၢ်တၢ်ဆဲးတၢ်လၤအံၤ ကလဲၤသးဘျ့ဘျ့ဒီး သးစၢ်လၢကဟဲထီၣ်လၢခံတဖၣ် လဲၤ၀ဲကန့ၢ် ဘျ့ဘျ့အဂီၢ် ပဒုးအိၣ်ထီၣ်၀ဲ လံာ်လဲၢ်တၢ်ဆဲးတၢ်လၤ တၢ်တိစၢၤမၤစၢၤဒီး တၢ်ဂုၤထီၣ်ပသီထီၣ် သးစၢ်ကရူၢ်အံၤန့ၣ်လီၤႉ ပစးထီၣ်ဃုထၢထီၣ်န့ၢ်၀ဲ ကမံးတံာ် ၅ ဂၤန့ၣ်လီၤႉ လၢတၢ်အံၤအဖီခိၣ်...
မတံ၀့ၢ် ကညီလါခူးကံၢ်စု တၢ်ရဲၣ်တၢ်ကျဲၤ ၦၤနီၢ်ဂံၢ်ဟဲထီၣ် ၅၀၀ ဘျဲၣ်
လါအီကူာ် ၁၅ သီႇ၂၀၁၉နံၣ်ႇ န့ၣ်နီၣ် ကညီလါခူးကံၢ်စု တၢ်ရဲၣ်တၢ်ကျဲၤအံၤ ဘၣ်တၢ်မၤအီၤလၢ ကညီကီၢ်စဲၣ် ရၤမတံ၀့ၢ် က၀ီၤဒ့ ၅ႇ နီၢ်ဂံၢ် ၂ တိၤ ကျဲမုၢ်ကပၤ ထၣ်၀ရၣ် ကညီနံၣ်ထီၣ်သီပျီပူၤဖဲ လါအီကူာ် ၁၅ အနံၤႇ ဂီၤခီ ၉ နၣ်ရံၣ်ကတီၢ် ၦၤနီၢ်ဂံၢ်ခဲလၢာ်ဟဲထီၣ် ၅၀၀ ဘျဲၣ် ဟဲထီၣ်မၤလၤကပီၤသကိး၀ဲန့ၣ်လီၤ. တၢ်ရဲၣ်တၢ်ကျဲၤ၀ဲန့ၣ်အပူၤ ခ့ၣ်အဲၣ်ယူၣ် ကညီဒီကလုာ်စၢဖှိၣ်ကရၢ အကရၢခိၣ် သုးခိၣ်ကျၢၢ်စိ စီၤမူးတူစ့ဖိႇ ခ့ၣ်အဲၣ်ယူၣ် ထီဘိကမံးတံာ် ပဒိၣ်မါည့မီၣ်ႇ ကညီတၢ်ထူၣ်ဖျဲးသုးမုၢ်ဒိၣ်(KNLA) သုးက့ ၇ ဒုးယၤခိၣ် သုးခိၣ်ဒိၣ်စိ စီၤဖီဒိၣ်ႇရၤမတံ ၦၤပၢဆှၢရဲၣ်ကျဲၤတၢ် အူတ့စၣ်အီၣ်ႇ ပယီၤသုးၦၤဘၣ်မူဘၣ်ဒါ တနီၤဒီး ကီၢ်ပဒိၣ်၀ဲၤကျိၤ ဘၣ်မူဘၣ်ဒါတဖၣ် ဟဲထီၣ်မၤလၤကပီၤ၀ဲန့ၣ်လီၤ. တၢ်ရဲၣ်တၢ်ကျဲၤ ၦၤပၢၤလီၢ်ဆ့ၣ်နီၤ (KNLA)သုးက့ ၇ႇ ဒုးယၤခိၣ် သုးခိၣ်ဒိၣ်စိ စီၤဖီဒိၣ် တဲလီၤ၀ဲလၢ တၢ်အအိး ထီၣ်တၢ်ရဲၣ်တၢ်ကျဲၤမူးအပူၤလၢ တၢ်မၤ၀ဲကညီလါခူးကံၢ်စုအံၤ တဘၣ်ဃးဒီး တၢ်ဘူၣ်တၢ်ဘါဘၣ်ႇ...
တၢ်မၤလၤကပီၤဘၣ်၀ဲ ၀့ၢ်တကူၣ် ကညီမၤထူရၤမုၢ်နံၤ လၢတၢ်တြီအကလုာ်ကလုာ်အပူၤ
လါအီကူာ် ၁၂သီႇ ၂၀၁၉နံၣ်ႇ စီၤထိလ့ လီၢ်က၀ီၤ ဘၣ်မူဘၣ်ဒါတဖၣ် တြီ၀ဲအကလုာ်ကလုာ်ဘၣ်ဆၣ် ၆၉ နံၣ်ၦဲၤထီၣ် ကညီမၤထူရၤမုၢ်နံၤလၢအလီၤဘၣ် ဖဲလါအီကူာ် ၁၂ သီအနံၤအံၤန့ၣ် ဘၣ်တၢ်မၤလၤကပီၤအီၤ ဖဲ၀့ၢ်တကူၣ်ကီၢ်ခီဒိၣ်ႇ၀့ၢ်ခၢၣ်သးႇ မဟၣ်ဘၣ်ဒူလး ဖီကရၢၢ်အပူၤအံၤန့ၣ်လီၤႉ တၢ်ရဲၣ်တၢ်ကျဲၤအပူၤ တၢ်ဟ့ၣ်ထီၣ်တၢ်ယူးယီၣ်ဆူ ကညီဒီကလုာ် နီၣ်တယၢ်ဒီးမၤထူရၤလၢအလုၢ်ထီၣ်ကွံာ်အသးသမူတဖၣ်ႇ တၢ်ဖးဖျါထီၣ် ကီၢ်ခိၣ် စီၤဘးအူကၠံအဂ့ၢ်အကျိၤႇ စီၤဘးအူကၠံဃုာ်ဒီး သုးခိၣ်ကျၢၢ် စဲခ့ၣ်ႇ ဒီးၦၤလၢအလုၢ်ထီၣ်ကွံာ် အသးသမူလၢ အၦၤကလုၢ်တၢ်ထူၣ်ဖျဲးအဂီၢ်တဖၣ်အဂီၢ် တၢ်ပာ်လီၤ၀ဲ တၢ်သးအုးဖီကွီၤ၀ံၤ ဟးဆှၣ်တရံးသကိး၀ဲဖီကရၢၢ် တ၀ီ ဒ်တၢ်မၤလၤကပီၤ မၤထူရၤတဖၣ်အသိးန့ၣ်လီၤ. ဘၣ်ထွဲဒီး တၢ်တြီ၀ဲ တၢ်မၤလၤကပီၤ ကညီမၤထူရၤအမုၢ်နံၤအံၤအဖီခိၣ် ၀့ၢ်တကူၣ်ကီၢ်ခီ ကညီကလုာ်ဂ့ၢ်၀ီကိတိာ် နီၢ်ပါသ့ၤစၣ်မၠိ စံး၀ဲလၢ (၂၀၁၈) တၢ်ဘျၢခိၣ်သ့ၣ်ဒီး ၂၀၁၅အတီၢ်ပူၤ တၢ်ဘျၢလၢတၢ်ပာ်ဖျါထီၣ်ဃာ်လၢ တၢ်ဒီသဒၢ ကလုာ်ဒူၣ်အခွဲးအယာ်အပူၤ အသိး ကလုာ်ဒူၣ်တဖၣ် ပာ်ဖျါထီၣ် နီၢ်ကစၢ် လုၢ်လၢ်တၢ်ဆဲးတၢ်လၤ ဒီကလုာ်တၢ်အိၣ်ဖျါတဖၣ်သ့အဃိ တၢ်မၤလၤကပီၤ ကညီမၤ ထူရၤမုၢ်နံၤအံၤန့ၣ် ဒ်တၢ်ဘျၢအိၣ်ပာ်၀ဲအသိး ဖိးမံသဲစးဒီး...
မၤထူရၤတၢ်မိၣ်န့ၢ်သးလီ ကလၢၦဲၤထီၣ်အဂီၢ် ကဘၣ်မၤ ဒီကလုာ်တၢ်မၤ တီတီလိၤလိၤအဂ့ၢ် ခ့ၣ်အဲၣ်ယူၣ် ခိၣ်နၢ်သိၣ်ဒူတဖၣ်စံး၀ဲ
လါအီကူာ် ၁၂ သီႇ၂၀၁၉နံၣ်ႇ စးအဲၣ်ဆူ လၢကညီဒီကလုာ်တၢ်ထူၣ်ဖျဲးအဂီၢ် မၤထူရၤလၢအဟ့ၣ်လီၤသးတဖၣ် အတၢ်မိၣ်န့ၢ်သးလီကလၢထီၣ်ၦဲၤထီၣ်အဂီၢ် အလီၢ်အိၣ်လၢ ကဘၣ်မၤပၦၤ ကလုာ်တၢ်ဖံးတၢ်မၤ တီတီလိၤလိၤအဂ့ၢ် ခ့ၣ်အဲၣ်ယူၣ် ခိၣ်နၢ်သိၣ်ဒူတဖၣ် စံးလီၤ၀ဲ ဖဲတၢ်မၤလၤကပီၤ၀ဲ ကညီမၤထူရၤအမုၢ်နံၤ ၆၉ နံၣ်ၦဲၤထီၣ် လၢအလီၤဘၣ်ဖဲ လါအီကူာ် ၁၂ သီအနံၤန့ၣ်လီၤ. တၢ်မၤလၤကပီၤ၀ဲ ၆၉ နံၣ်ၦဲၤထီၣ် ကညီမၤထူရၤမုၢ်နံၤ ဖဲခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဖၣ်အၣ်ကီၢ်ရ့ၣ် တၢ်ကြဲၢ်ကီၢ်ဆၣ် လၢၢ်ပၢၤ ဟၢသ၀ီႇ(KNLA) ကညီဒီကလုာ်တၢ်ထူၣ်ဖျဲးသုးမုၢ်ဒိၣ် သုးရ့ၣ် ၂၂ တၢ်လီၢ်အကတီၢ် သုးရ့ၣ်ခိၣ်-၂ သုးခိၣ်ဒိၣ်ဖိ စီၤဟဲၣ်စီ စံး၀ဲဒ်အံၤန့ၣ်လီၤ. “ခိၣ်နၢ်သ့ၣ်တဖၣ် ကြၢးကွၢ်လိက့ၤခိၣ်နၢ် လၢညါတဖၣ်န့ၣ်လီၤႉ လၢတၢ်ကွၢ်လိသနာ်က့ ကြၢးကွၢ်လိတၢ်လၢအဂ့ၤတဖၣ် ဒီးဟံးန့ၢ်အီၤ လၢတဂ့ၤဘၣ်တဖၣ် ကြၢးဟးဆှဲးအီၤလီၤႉ မၤထူရၤလၢအဟ့ၣ်လီၤသးတဖၣ် အတၢ်မိၣ်န့ၢ်သးလီ ကလၢထီၣ်ၦဲၤထီၣ်အဂီၢ် ခိၣ်နၢ်တဖၣ်ကြၢးလဲၤလၢပၦၤကလုာ်အဂီၢ် တီတီ လိၤလိၤန့ၣ်လီၤႉ တၢ်ဆိကမိၣ်တဖၣ်ကဘၣ်မ့ၢ်၀ဲ ဒီကလုာ်တၢ်မၤန့ၣ်လီၤႉ”အဂ့ၢ် စံး၀ဲန့ၣ်လီၤႉ သုးရ့ၣ် ၂၂ တီခိၣ်ရိၣ်မဲ မၤလၤကပီၤ၀ဲ ၆၉ နံၣ်ၦဲၤထီၣ် ကညီမၤထူရၤမုၢ်နံၤ...
ကညီဖိ ထံရူၢ်ကီၢ်သဲး တၢ်တိာ်ပာ် ကတုၤထီၣ်ဘးအဂီၢ် ကလဲၤသကိးလၢတၢ်ဃူတၢ်ဖိးအဂ့ၢ် ခ့ၣ်အဲၣ်ယူၣ် ကရၢခိၣ်ဟ့ၣ်သဆၣ်ထီၣ်
လါအီကူာ် ၁၂ သီႇ၂၀၁၉နံၣ်ႇန့ၣ်နီၣ် ကညီမၤထူရၤတဖၣ် အတၢ်မုၢ်လၢ်ဒီး တၢ်ဟ့ၣ်လီၤသးတဖၣ် အခီပညီကလၢထီၣ်ၦဲၤထီၣ်အဂီၢ် ကလဲၤသကိးတၢ်လၢ တၢ်ဃူတၢ်ဖိး အပူၤအဂ့ၢ်န့ၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ကရၢခိၣ် သုးခိၣ်ကျၢၢ်စိ စီၤမူးထူစ့ဖိ ဟ့ၣ်သဆၣ်ထီၣ်၀ဲန့ၣ်လီၤႉ ဖဲလါအီကူာ် ၁၂သီအနံၤႇ တၢ်မၤလၤကပီၤ၀ဲ ၆၉နံၣ်ၦဲၤထီၣ် ကညီမၤထူရၤမုၢ်နံၤ (ၦၤဒူၦၤဃိၤအမုၢ်နံၤ)ဖဲ နိၣ်ဖိသ၀ီ ခရံာ်ဖိ တၢ်ဘါယွၤသရိာ်ႇ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (ခ့ၣ်အဲၣ်အဲလ်အ့ၣ်) သုးက့ (၆)တၢ်ပၢႇ ရၤမတံကီၢ်ဆၣ်အပူၤ အကတီၢ် ခ့ၣ်အဲၣ်ယူၣ် ကရၢခိၣ် ဟ့ၣ်သဆၣ်ထီၣ်၀ဲဒ်န့ၣ်လီၤႉ “ပဟဲထီၣ်မၤလၤကပီၤ ကညီမၤထူရၤမုၢ်နံၤဒ်အံၤ လၢကညီဒီကလုာ်တၢ်တုၤသိးထဲသိးဒီး တၢ်ထူၣ်ဖျဲးအဂီၢ် ၦၤဟ့ၣ်လီၤ တ့ၢ်အသး သမူ ဒ်ကီၢ်ခိၣ်စီၤဘးအူကၠံ ဃုာ်ဒီး ကညီခိၣ်နၢ်တဖၣ်ႇ သိၣ်ဒူတဖၣ်ဒီး ကညီကမျၢၢ်ခဲလၢာ် ပဟဲယူးယီၣ်ထီၣ် အ၀ဲသ့ၣ်န့ၣ်လီၤႉ လၢ တၢ်သ့ၣ်နီၣ်ထီၣ် မၤလၤကပီၤအသိး ကညီမၤထူရၤတဖၣ် တၢ်မုၢ်လၢ်တဖၣ်ႇ တၢ်ဟ့ၣ်လီၤသးတဖၣ်ႇ အခီပညီ ကလၢထီၣ်ၦဲၤထီၣ် အဂီၢ် ကညီဖိခဲလၢာ် ကမၤသကိးတၢ်လၢတၢ်ဃူတၢ်ဖိးအပူၤန့ၣ် လိၣ်၀ဲလီၤ”သုးခိၣ်ကျၢၢ်စိ...
ထံဒိၣ်အဃိ ၀့ၢ်ဖၣ်အၣ်အပူၤ တၢ်အိးထီၣ်ဃာ်၀ဲ တၢ်အိၣ်ကဒုအလီၢ် ၁၂ခါဒီး ၦၤလၢဃ့ၢ်ထံဒိၣ်အတၢ်လီၤဘၣ်ယိၣ် အနီၣ်ဂံၢ် အိၣ်၀ဲ ၇ႇ၀၀၀ ဃၣ်ဃၣ်
လါအီကူာ် ၇သီႇ၂၀၁၉နံၣ်ႇ စီၤရှါ ကညီကီၢ်စဲၣ် ၀့ၢ်ဖၣ်အၣ်အပူၤ ထံဒိၣ်အဃိ တၢ်ဘၣ်အိးထီၣ်ဃာ်၀ဲ တၢ်မၤစၢၤၦၤဘၣ်ကီဘၣ်ခဲလီၢ် ၁၂ခါ ဒီးကမျၢၢ်လၢဘၣ်သဂၢၢ်ဒီး ထံဒိၣ်တၢ်ကီတၢ်ခဲ အိၣ်၀ဲ ၇ႇ၀၀၀ ဃၣ်ဃၣ်အဂ့ၢ် သ့ၣ်ညါဘၣ်လၢ ဖၣ်အၣ်ကီၢ်ဆၣ် ၦၤပၢဆှၢရဲၣ်ကျဲၤတၢ်၀ဲၤကျိၤ စရီတၢ်ပာ်ဖျါ ဖဲလါအီကူာ် ၇ သီအနံၤန့ၣ်လီၤ. ၀့ၢ်ဖၣ်အၣ်အပူၤ စးထီၣ်လၢ လါယူၤလံအလၢာ် တုၤကတီၢ်အံၤ ထံဒိၣ်ထီၣ်၀ဲတဆီဘၣ်တဆီဒီး တၢ်ဘၣ်အိးထီၣ်ဃာ်၀ဲ ဘၣ်ကီဘၣ်ခဲလီၢ်အိၣ်ကမှံလီၢ် ၁၂ တီၤဒီး ၦၤဘၣ်ကီဘၣ်ခဲလၢထံဒိၣ်အနီၢ်ဂံၢ်အိၣ်၀ဲ ၆ႇ၆၃၁ ဂၤအကျါ ဖိသၣ်လၢ ၁၂ နံၣ်အဖီလာ်တဖၣ်အိၣ်၀ဲ ၂ႇ၀၀၄ ဂၤအဂ့ၢ် သ့ၣ်ညါဘၣ်လၢစရီအပူၤ န့ၣ်လီၤ. ဖဲလါအီကူာ် ၇သီ စရီအသိး ဘၣ်ကီဘၣ်ခဲလီၢ်အိၣ်ကမှံလၢတၢ်အိးထီၣ်ဃာ်တဖၣ်ဒ်အမ့ၢ် ဖျၢၣ်ထူပျီ တၢ်သူၣ်ထီၣ်ႇ ရွ့ၣ်ယ့ၣ်မၠီၣ်ႇ အံၣ်စလဲၣ်တၢ်ဘါလီၢ်ႇ အီၣ်သဲၣ်လွ့ၣ်တၢ်လိာ်ကွဲလီၢ်ႇ တီၤခၢၣ်သးနီၢ်ဂံၢ် ၆ ကၠိႇ တီၤထီကၠိနီၢ်ဂံၢ် ၃ ကၠိႇ တီၤထီကၠိအဒ့ နီၢ်ဂံၢ် ၃ ကၠိႇ တီၤဖုၣ်ကၠိ နီၢ်ဂံၢ် ၁၁ႇ...
တလၢၤကီၢ်စဲၣ်ပတီၢ် တၢ်ကအိးထီၣ်၀ဲကညီလံာ်လဲၢ်တၢ်ဆဲးတၢ်လၤအရူ ဖဲ၀့ၢ်မီၣ်လမၠဲၣ်
လါအီကူာ် ၆ သီႇ ၂၀၁၉နံၣ်ႇ စီၤမၠၣ်အူသၣ် တလၢၤကီၢ်စဲၣ်ပတီၢ် ကညီလံာ်လဲၢ်တၢ်ဆဲးတၢ်လၤအရူ တၢ်သူၣ်ထီၣ်အံၤန့ၣ် တၢ်ကစးထီၣ်အိးထီၣ်အီၤလၢ လါလၢကဟဲ လါနိၣ်၀့ဘၢၣ်ႇ ဖဲ၀့ၢ်မီၣ်လမၠဲၣ် ကၠီၣ်တါ က၀ီၤဒ့အဂ့ၢ် တၢ်မၤလိၣ်ထီၣ်ဖးထီၣ်တၢ် ကမံးတံာ်စံးဘၣ် ခ့ၣ်အဲးစံၣ် ကညီတၢ်ကစီၣ်န့ၣ်လီၤ. တလၢၤကီၢ်စဲၣ်အပူၤ‚ ကီၢ်ဆၣ်အဘ့ၣ် ၁၀ လၢကညီကလုာ်အိၣ်ဆိး၀ဲအလီၢ်န့ၣ် ဒ်သိးကဟူးဂဲၤဖံးမၤ၀ဲ လံာ်လဲၢ် တၢ်ဆဲးတၢ်လၤကန့ၢ် အဂီၢ်ဒီး ကၠိဖိလၢ အဟဲမၤလိမၤဒိး၀ဲတၢ်ကူၣ်ဘၣ်ကူၣ်သ့တဖၣ် ဟဲအိၣ်ကဒုသးကန့ၢ်အဂီၢ် ပညိၣ်ဃာ်၀ဲဒီး ကညီလံာ်လဲၢ်တၢ် ဆဲးတၢ်လၤရူအံၤ တၢ်ကသူၣ်ထီၣ်အီၤလီၤအဂ့ၢ် တၢ်ဒုးလိၣ်ထီၣ်ဖးထီၣ် ကညီလံာ်လဲၢ်တၢ်ဆဲးတၢ်လၤရူကမံးတံာ် သီခါအူပညၣ် ၀ၤသၣ် စံးဘၣ်ခ့ၣ်အဲးစံၣ် ကညီတၢ်ကစီၣ် ဖဲလါအီကူာ် ၁သီအနံၤန့ၣ်လီၤ. “၂၀၁၉ နံၣ်ကလၢာ် လါနိၣ်၀့ဘၢၣ်ကတီၢ် ကမၤဖျါထီၣ်ရူတၢ်သူၣ်ထီၣ်အမိၢ်လံၤမိၢ်ၦၢ်ႇ ကတီၢ်အံၤဟီၣ်ခိၣ်လီၢ်တခီ လီၤလၢ၀ဲ စ့ကလီၢ်(၅၀၀) ကၠးလီၤႉ အခဲအံၤကမၢ်အိၣ်တ့ၢ်ဒံး စ့အကလီၢ် တကယၤကၠးဒ်လီၤႉ ပၣ်ဃုာ်ဒီးကီၢ်ဆၣ်အဘ့ၣ် ၁၀ သီခါ ဟ့ၣ်ကူၣ်ဟ့ၣ်ဖးတၢ် လံာ်လဲၢ်ဒီးတၢ်ဆဲးတၢ်လၤတဖုန့ၣ် အကလီၢ် ၁၀ စုာ်စုာ် ဒီး...
တၢ်ဃုထၢထီၣ် နီၢ်ထါထါမၠ့ၣ် လၢကညီမုၢ်ကျိၤ၀ဲၤကွာ်တၢ်မၤကစၢ်ကရူၢ် ၦၤပၢၤလီၢ်ဆ့ၣ်နီၤအသီ
လါအီကူာ် ၅ သီႇ ၂၀၁၉ နံၣ်ႇ စီၤထိလ့ (Global Glory -GG Co.,Ltd.)ၦၤနဲၣ်တၢ် နီၢ်ထါထါမၠ့ၣ်အံၤ ဘၣ်တၢ်ဃုထၢထီၣ်က့ၤအီၤလၢ ကညီ မုၢ်ကျိၤ၀ဲၤကွာ်တၢ်မၤကစၢ်ကရူၢ် ၦၤပၢၤလီၢ်ဆ့ၣ်နီၤတဂၤအသိး ဖဲလါအီကူာ် ၄ သီအနံၤ လၢကရူၢ်အ၀ဲန့ၣ် နံၣ်က တၢၢ်တၢ်အိၣ်ဖှိၣ်ႇဖဲတလၢၤကီၢ်စဲၣ် ၀့ၢ်သထူၣ်ႇ ကဘီယူၤပျီလီၢ်လံၤ (Second Café)ကရၢၢ်အပူၤန့ၣ်လီၤ. နီၢ်ထါထါမၠ့ၣ် လၢအကဲထီၣ်ၦၤပၢၤလီၢ်ဆ့ၣ်နီၤအံၤ စံး၀ဲ လၢ“စံးဘျုးဘၣ်ၦၤဟ့ၣ်ကူၣ်ဟ့ၣ်ဖးတၢ် ဒီးၦၤကိးဂၤဒဲးလၢ အဟ့ၣ်လီၤၦၤပၢၤလီၢ်ဆ့ၣ်နီၤ မူဒါလၢတၢ်နာ်အပူၤန့ၣ်လီၤႉ လၢတၢ်တီခိၣ်ရိၣ်မဲလၢမၤတၢ်ကတီၢ် လိၣ်လၢၦၤကိးဂၤဒဲးကပၣ်ဃုၣ်လီၤႉ ယဲန့ၣ်တလၢၦဲၤဒံးဘၣ်အဃိ ခိၣ်နၢ်ဖဲအံၤတဖၣ် ကမၤစၢၤလၢတၢ်လဲၤခီဖျိမ့ၢ်ဂ့ၤႇ တၢ်ကူၣ်ဘၣ်ကူၣ်သ့တဖၣ်အဂ့ၢ် အဲၣ်ဒိးဃ့ ထီၣ်လီၤ”အဂ့ၢ် တဲ၀ဲန့ၣ်လီၤ. ကညီမုၢ်ကျိၤ၀ဲၤကွာ် တၢ်မၤကစၢ်ကရူၢ် နံၣ်ကတၢၢ်တၢ်အိၣ်ဖှိၣ်အပူၤ ၦၤဟ့ၣ်ကူၣ်ဟ့ၣ်ဖးတၢ်တဖၣ်လၢအမ့ၢ် တလၢၤကီၢ်စဲၣ် ကညီ ကလုာ်ဂ့ၢ်၀ီကိတိာ် စီၤအီၣ်မၠ့ၣ်ခဲၣ်ႇ ၀့ၢ်တကူၣ်ကီၢ်ခီဒိၣ် ကညီကလုာ်ဂ့ၢ်၀ီကိတိာ် နီၢ်ပါသ့ၣ်စၣ်မၠိႇ အ့ယၣ်၀တံၣ်ကီၢ်ခီဒိၣ် ကညီက လုာ်ဂ့ၢ်၀ီကိတိာ် ဂၣ်မိမၠၣ်မၠၣ်သူၣ်ဒီး ကီၢ်ခီဘျီၣ်ဒိၣ်ခၢၣ်စး မါကၠီၣ်နံၣ် ကီၢ်ခီဒီး ကီၢ်စဲၣ် ၅ ဘ့ၣ်အပူၤခၢၣ်စးတဖၣ်...