တၢ်ကပာ်ပနီၣ် ပာ်ကဲကလုာ်ဒူၣ်တဖၣ်အခွဲးကယာ်အဂီၢ် အ့ယၣ်၀တံၣ် ကညီသးစၢ် ထုးထီၣ်တၢ်ပာ်သး
လါစဲးပထ့ဘၢၣ် ၁၄ သီႇ၂၀၁၉နံၣ်ႇစးဖါရှီႉ ကီၢ်ပဒိၣ်တကပၤ ကပာ်ပနီၣ် ကလုာ်ဒူၣ်တဖၣ် အခွဲးအယာ် လၢတၢ်တုၤသိးထဲသိးအဂီၢ်ႇ ကပာ်ကဲဒီး ဟ့ၣ်တၢ်ခွဲးတၢ်ယာ် တၢ်ဒီသဒၢ ဒ်သိးသိးအဂ့ၢ် ညီၣ်တိကီၢ်ဆၣ်အပူၤ ကညီသးစၢ်မၤ၀ဲ တၢ်ထံၣ်လိာ်တဲသကိး၀ံၤ ဖဲလါစဲးပထ့ဘၢၣ် ၁၃ သီအနံၤ ထုးထီၣ်တၢ်ပာ်သးဒီး ဃ့ထီၣ်၀ဲန့ၣ်လီၤႉ ညီၣ်တိကီၢ်ဆၣ် ကညီလံာ်လဲၢ်ဒီးတၢ်ဆဲးတၢ်လၤ ကမံးတံာ်ႇ ကညီသးစၢ် တၢ်ဂုၤထီၣ်ပသီထီၣ်ကရၢ( KYDA) ဒီး သးစၢ်က၀ီၤကရူၢ်(YC)တဖၣ် တီခိၣ်ရိၣ်မဲ၀ဲဒီး မၤ၀ဲသးစၢ် တၢ်ထံၣ်လိာ်တဲသကိးဖဲ ညီၣ်တိကီၢ်ဆၣ်ႇ ဖီၣ်ယိခၠိသ၀ီအပူၤ၀ံၤ ဖဲစဲးပထ့ဘၢၣ် ၁၃ သီအနံၤ ကညီကလုာ်တဖၣ် လၢအဟဲထီၣ်လၢ အ့ယၣ်၀တံၣ်ကီၢ်ခီဒိၣ်တဖၣ် ထုးထီၣ်၀ဲ တၢ်ပာ်သးဒ်အံၤန့ၣ်လီၤႉ ဘၣ်ထဲတွၢ်ထုးထီၣ်၀ဲ တၢ်ဘၣ်သးအဖီခိၣ် ၦၤတဲတၢ်ပၢ မါ၀့မီၣ်တဲ၀ဲ“ဘၣ်ဃးတၢ်မၤလၤကပီၤ၀ဲ ကညီမၤထူရၤအမုၢ်နံၤအံၤ တၢ်တြီ အီၤ အမၠိမၠိကလုာ်ကလုာ် တၢ်ဟံးအရ့သ့ၣ်တဖၣ်အံၤ မ့ၢ်၀ဲတၢ်မၤတရီတပါ၀ဲ ကလုာ်ဒူၣ်တဖၣ် အခွဲးအယာ်ဒီး ကတီၢ်အံၤ တၢ်မုာ်တၢ်ခုၣ်တၢ်လဲၤကျဲ သနာ်က့ ကဲထီၣ်၀ဲ တၢ်မၤတံာ်တာ်န့ၣ်လီၤ”အဂ့ၢ် တဲ၀ဲန့ၣ်လီၤႉ လၢန့ၢ်အမဲာ်ညါ ကလုာ်ဒူၣ်တဖၣ် အမံၤမဲာ်ညါအပူၤ မ့ၢ်၀ဲ...
ရၤမတံ-ကီးတရံး အ့ရှၢၣ်ကျဲမုၢ်အပူၤ သိလ့ၣ်တီၣ်ၦၤကညီတခိၣ် တကျၢၢ်အဃိ ပိာ်မုၣ်သံတဂၤဒီး ၦၤ ၃၅ ဂၤဘၣ်ဒိႉ
လါစဲးပထ့ဘၢၣ် ၁၁ သီႇ၂၀၁၉ နံၣ်ႇ န့ၣ်နီၣ်ႉ ရၤမတံ-ကီတရံး အ့ရှၢၣ်ကျဲမုၢ် တၢၣ်နီၢ်ဂံၢ် ၁၅၈-၁၅၉ ကံၣ်လိၣ်မံထၢၣ် အဘၢၣ်စၢၤ (ကမွ်းခြံေကွ့ကုန်း)ကစၢၢ်အလီၤတၢ်လီၢ်အံၤ သိလ့ၣ်ဒိးလဲတီၣ်ၦၤကညီ၀ဲန့ၣ် လီၤတကျၢၢ်၀ဲဖဲ လါစဲးပထ့ဘၢၣ် ၁၀ သီႇမုၢ်ထူၣ် ၁:၃၀မံနံးကတီၢ် ပိာ်မုၣ်သံ၀ဲတဂၤဒီး ၦၤ ၃၅ ဂၤဘၣ်ဒိ၀ဲအဂ့ၢ် သ့ၣ်ညါဘၣ်လီၤႉ ကညီကီၢ်စဲၣ် ၀့ၢ်ဖၣ်အၣ်အပူၤ တၢ်သူၣ်တၢ်ဖျးကၠိဖိတဖၣ် ကဟဲလီၤဃိထံသ့ၣ်ညါတၢ်လၢ ကီၢ်ကၠီၣ်တဲၣ် ၀့ၢ်မဲၢ်ဆီးအံၤ ဟဲထီၣ်လၢသိလ့ၣ်ခံခိၣ်ကတီၢ် သိလ့ဒိးလဲတီၣ်ၦၤကညီရွ့ၣ်ပၠံၣ်သၣ်သိလ့ၣ်အံၤ ဟဲလီၤ၀ဲဖဲ ကစၢၢ်တၢ်က့ၣ်သနၢၣ်ဖဲသဲးကျီး(ကမွ်းခြံေကွ့)ကတီၢ် ပၢၤက့ၤ၀ဲသိလ့ၣ်အံၤ အသဟီၣ်တန့ၢ်လၢၤဘၣ်ဒီး တကျၢၢ်၀ဲဒီး ၦၤဘၣ်ဒိတဖၣ်န့ၣ်ၦၤလၢရၤမတံႇသ့ၣ်ကါညံၣ်နီၣ်ႇ၀့ၣ်ရှဲႇကီၤတရံးၦၤဂ့ၢ်၀ီမၤစၢၤကရူၢ်သ့ၣ်တဖၣ်ဆှၢအ၀ဲသ့ၣ်ဆူရၤမတံကမျၢၢ်တၢ်ဆါဟံၣ်ဖးဒိၣ်ချုးဆၢချုးကတီၢ်အဂ့ၢ်ၦၤမၤစၢၤတၢ်သ့ၣ်တဖၣ်စံး၀ဲဒၣ်န့ၣ်လီၤႉ “ကလဲၤဟးလိာ်ကွဲ လီၤဃိထံတၢ်လၢ ကၠီၣ်တဲၣ်တခီထံခီကီၢ်ဒီး တၢ်ကဲထီၣ်သးဒ်အံၤ သးတမုာ်ဘၣ်ႉ အနီၢ်ကီၢ်ခီ ၦၤနီသိလ့ၣ်ဖိလီၤႉ မ့ၢ်ဟဲကျဲ၀ဲအံၤန့ၣ် ဘၣ်သမံသမိးသိလ့ၣ်မူာ်နီၢ်လီၤႉ ကဘၣ်နီအီၤဂ့ၤဂ့ၤ”အဂ့ၢ် ပိာ်မုၣ်တဂၤလၢ အပၣ်ဃုာ်ဖဲလလ့ၣ်တကျၢၢ် ဘၣ်ဒိတဆံးတက့ၢ်တဂၤ တဲ၀ဲလီၤႉ သိလ့ၣ်တကျၢၢ်အဃိ နီၢ်မုၣ်ဒါလၢအအိၣ်ဖဲ ၀့ၢ်ဖၣ်အၣ် ဒီနးကိသ၀ီလၢ အသးနံၣ်အိၣ် ၄၂ နံၣ်တဂၤအံၤ အသးသမူဟးထီၣ်ကွံာ်ဖဲ တၢ်ကဲထီၣ်သးအလီၢ်န့ၣ်လီၤႉ ဒီး...
ကညီသးစၢ် တၢ်မၤရဲၣ်ကျဲၤခိၣ်သ့ၣ် ကဟဲအိၣ်ဖျါထီၣ်အဂီၢ် တၢ်ဒုးအိၣ်ထီၣ် တၢ်မၤကမံးတံာ် ၃ ဖု
လါစဲးပထ့ဘၢၣ် ၁၁သီႇ၂၀၁၉နံၣ်ႇ ခ့ၣ်အဲးစံၣ်ႉ ကညီသးစၢ်ကရၢ(KYO) တီခိၣ်ရိၣ်မဲ၀ဲဒၣ်ဒီး ကညီသးစၢ်လၢတၢ်လီၢ်အါတီၤ ပာ်ဖှိၣ်ထီၣ်သး မၤ၀ဲတၢ်အိၣ်ဖှိၣ်တခါဖဲ ကီၢ်ကၠီၣ်တဲၣ် ကီၢ်ပယီၤကီၢ်ဆၢ စးထီၣ်လၢလါစဲးပထ့ဘၢၣ် ၆ သီတုၤ ၉ သီအနံၤ တၢ်အိၣ်ဖှိၣ်အပူၤ ဒ်သိး ကညီသးစၢ် တၢ်မၤရဲၣ်ကျဲၤခိၣ်သ့ၣ် ကဟဲအိၣ်ဖျါထီၣ်အဂီၢ် တၢ်ဒုးအိၣ်ထီၣ်၀ဲ တၢ်မၤကမံးတံာ် ၃ ဖုန့ၣ်လီၤႉ (KYO)ကရၢခိၣ် စီၤလၢၢ်နၢၤတဲ၀ဲ“ဒ်သိးကညီသးစၢ် အဖီလ်စံၣ် ကဟဲအိၣ်ဖျါထီၣ်အဂီၢ် ပကကိးအါထီၣ် တၢ်အိၣ်ဖှိၣ် ခံဘျီ အဂ့ၢ် ပဆၢတဲာ်လီၤဃာ်လီၤႉ လၢတၢ်အိၣ်ဖှိၣ်တဖၣ်န့ၣ်အပူၤ ဒ်သိးတၢ်ကမၤအိၣ်ဖျါထီၣ်တၢ်အဂီၢ် ပပာ်လီၤဃာ် တၢ်မၤကမံးတံာ် ၃ ဖုန့ၣ်လီၤႉ တၢ်တဖုန့ၣ် တၢ်ဒုးလိာ်ထီၣ်ဖးထီၣ်ကမံးတံာ်ႇ ၀ံၤတၢ်ကွဲးလီၤ တၢ်မၤရဲၣ်ကျဲၤခိၣ်သ့ၣ် ပတြီာ်ကမံးတံာ်ႇ မ့ၢ်၀ံၤ ကမံးတံာ်လၢ ကဟ့ၣ်ကူၣ်ဟ့ၣ်ဖး ကမံးတံာ်ခံဖုန့ၣ်အဃိ ပကိးအီၤလၢ တၢ်ဟ့ၣ်ကူၣ်ဟ့ၣ်ဖး ကမံးတံာ်န့ၣ်လီၤ”အဂ့ၢ် တဲဘၣ်ခ့ၣ်အဲးစံၣ်န့ၣ်လီၤႉ ကမံးတံာ် ၃ ဖုလၢ တၢ်ဒုးအိၣ်ထီၣ်၀ဲန့ၣ် တၢ်အိၣ်ဖှိၣ်လၢ ကဟဲဆူမဲာ်ညါအပူၤ တၢ်ကဃုထၢဟ့ၣ်လီၤ မူဒါတဖၣ်အသိး ကညီသးစၢ်...
ကသူၣ်ထီၣ်က့ၤ တၢ်အိၣ်မူအသီ လၢတၢ်ကီတၢ်ခဲအပူၤ
လါစဲးပထ့ဘၢၣ် ၉ သီႇ၂၀၁၉ နံၣ်ႇ စီၤကၣ် လူၢ်ပျဲၢ်ကီၢ်ဆၣ်ႇ မဲၢ်သ၀ီဟီၣ်က၀ီၤပူၤ ခီဖျိစုက၀ဲၤတၢ်သဘံၣ်သဘုၣ်အဃိ ဘၣ်ပာ်တ့ၢ်ကွံာ်ဒူသ၀ီႇဟံၣ်ဃီ တၢ်မၤအီၣ်လီၢ်ဒီးဘၣ်လဲၤအိၣ်ကဒုဆူ ခီတီၢ်(မၠဲၣ်ကၠံငူၣ်)ပူၤ ဒ်ၦၤလီၢ်အိၣ်ကမှံအသိးလၢ (၄)နံၣ်အတီၢ်ပူၤန့ၣ်လီၤႉ ကတီၢ်အံၤ ၦၤလီၢ်အိၣ်ကမှံဖိတနီၤ ဟဲက့ၤကဒါက့ၤဆူအဒူသ၀ီဒီးစးထီၣ်ကဒါက့ၤ ၀ဲအတၢ်အိၣ်မူန့ၣ်လီၤႉ ဖဲ၂၀၁၉ နံၣ်လါယနူၤအါရံၤဒီးလါဖ့ၤဘြူၤအါရံၤအတီၢ်ပူၤန့ၣ် ခီဖျိလၢအ၀ဲသ့ၣ်ကရူၢ်အပူၤ သ၀ီတနီၤ တၢ်သဘံၣ်သဘုၣ်တအိၣ်လၢၤဘၣ်အဃိဒီးသ၀ီဖိလၢ မဲၢ်ပြိးခံဒီးမဲၢ်ပြိထၣ်တဖၣ်ဟဲက့ၤထီၣ် ကဒါ က့ၤ၀ဲဆူအ၀ဲသ့ၣ် သ၀ီဒီးကျဲးစၢးသူၣ်ထီၣ်ကဒါက့ၤအတၢ်အိၣ်မူအဖီခိၣ်လိၣ်ဘၣ်၀ဲတၢ်ဆီၣ်ထွဲမၤစၢၤအဂ့ၢ်စံး၀ဲလီၤႉ မဲၢ်ပြိးခံသ၀ီဖိ စီၤလံကံ“ပအိၣ်လၢကစၢၢ်ကျါနး ဒိၣ်မးႉ လိၣ်ဒိၣ်ကတၢၢ်ဒု ဟုသးတခါလီၤႉ ၦၤမ့ၢ်ၦ့ၤန့ၢ် ၦၤဟုသးတခါဒု ပသးခုဒိၣ်မးႉ အခဲအံၤတနုာ်လီၤနီဂၤ ဟဲတအိၣ်နီဂၤႉ တၢ်တအိၣ်နီမံၤဘၣ်အခဲအံၤႉ မ့ၢ်ဟဲမၤစၢၤၦၤဒီးအဲၣ်ဒိးလၢဟဲဆှၢန့ၣ်ၦၤႉ ဘၣ်၀ံအီၣ်တၢ်ယံၤမး အိၣ်တၢ်လီၢ်တခွ့ၣ်တခွီၣ်အံၤႉ ချံဧီၣ်ဒၢးချံကျဲတအိၣ်ႇကါဧီၣ်ဒၢးကါကျဲတအိၣ်ႉ ဘၣ်ဟဲလီၤတၢ်ဖးယံာ်ညါႉကစၢၢ်ကျါခြးဒၢးႉ” ဖဲ၂၀၁၆နံၣ် တၢ်ဒုးကဲထီၣ်လၢ ကညီကီၢ်စဲၣ်ႇသုးခိးကီၢ်ဆၢဒီး ဘူးဒးတၢ်ဘါတၢ်လဲၤထီၣ်လဲၤထီ ကညီသုး မုၢ်ဒိၣ်(ဒံၣ်ခ့ၣ်ဘံၣ်အ့ၣ်)သုးတဖၣ်အဘၢၣ်စၢၤဖဲ မဲၢ်သ၀ီ ဟီၣ်က၀ီၤအဃိ သ၀ီအဖျၢၣ် ၃၀ဘျဲၣ် ၦၤကညီနီၢ်ဂံၢ်ကအိၣ်၀ဲ ၅ႇ၈၀၀ဘျဲၣ် ဘၣ်ဃ့ၢ်ပူၤဖျဲးအသးဒီးဟးထီၣ်ကွံာ်လၢအ၀ဲသ့ၣ် သ၀ီတဖၣ်အပူၤ ဒီးဘၣ်လဲၤအိၣ်ကဒု၀ဲဆူ ခီတီၢ်(မၠဲၤကၠံငူ)န့ၣ်လီၤႉ ဖဲန့ၣ်အကျါ မဲၢ်ပြိးခံဒီး မဲၢ်ပြိးထၣ် သ၀ီ ၂ဖျၢၣ်ႇ...
ထူးတၢ်ကူတၢ်ကၤလၢ ထးကိၢ်ကတီၢ် ထးကိၢ်လီမ့ၣ်အူပျံၤ ဟးဂီၤအဃိ မ့ၣ်အူအီၣ်ထီၣ် ဟံၣ် ၅ ဖျၢၣ်ဖဲ ရၤမတံ
လါစဲးပထ့ဘၢၣ် ၁၀သီႇ၂၀၁၉နံၣ်ႇန့ၣ်နီၣ်ႉ ကညီကီၢ်စဲၣ် ၀့ၢ်ရၤမတံ က၀ီၤဒ့ ၂ႇ ပလဲယၣ်တနၣ် ၁ ကျဲအပူၤ ဖဲစဲးပထ့ဘၢၣ် ၉ သီအနံၤ ဂီၤခီ ၉:၃၀ နၣ်ရံၣ်ကတီၢ် လၢဟံၣ်တဖျၢၣ်အပူၤ ထူးတၢ်ကူတၢ်ကၤ လၢလီမ့ၣ်အူကတီၢ် လီမ့ၣ်အူပျံၤဟးဂီၤ မ့ၣ်အူအီၣ်ထီၣ်တၢ်အဃိ ဟံၣ် ၅ ဖျၢၣ်မ့ၣ်အူအီၣ်ထီၣ်ကွံာ်၀ဲန့ၣ်လီၤႉ မ့ၣ်အူစးထီၣ်အီၣ် တၢ်ဟံၣ်လၢအမ့ၢ် မးစိစိထွ့အံၤ ထူးတၢ်ကူတၢ်ကၤအဆၢကတီၢ် လီမ့ၣ်အူပျံၤဟးဂီၤ (ရှီး)အဃိ အဟံၣ်မ့ၣ်အူအီၣ်ထီၣ်၀ံၤ ဟံၣ်အဂၤ ၄ ဖျၢၣ် မ့ၣ်အူအီၣ်ဃုာ်အဂ့ၢ် ၦၤဘၣ်မူဘၣ်ဒါတဖၣ်တဲ၀ဲန့ၣ်လီၤႉ တၢ်ကဲထီၣ်သးအလီၢ် ၦၤမၤသံမ့ၣ်အူကရူၢ်ဃုာ်ဒီး ၦၤဘၣ်မူဘၣ်ဒါဘၣ်ထွဲတဖၣ်ႇ ကမျၢၢ်လၢအိၣ်က၀ီၤဒ့ပူၤတဖၣ် လဲၤမၤသံစၢၤမ့ၣ်အူအဃိ ဖဲအနၣ်ရံၣ် ၁၀ တခီကတီၢ် မ့ၣ်အူလီၤပံာ်၀ဲန့ၣ်လီၤႉ မ့ၣ်အူအီၣ်ထီၣ်တၢ်အဃိ ဟံၣ်ခံကထြၢခိၣ်ဒုးအသးလၢ ထး၀ါ လၢအလဲၣ်အထီအိၣ်၀ဲ ၂၇-၁၈ ပ့ၣ် ၅ ဖျၢၣ် ဟးဂီၤကွံာ်၀ဲဒီး ခီဖျိသူလီမ့ၣ်အူဂံၢ် တအိၣ်ဒီးတၢ်ပလီၢ်ဘၣ်အဃိ ဟံၣ် ၅ ဖျၢၣ်ဘၣ်အူအီၣ်ထီၣ်ကွံာ် အဖီခိၣ် မးစိစိထွ့အံၤ ရၤမတံပၢၤကီၢ်ရူ ဟံးန့ၢ်အီၤအရ့ဒ်...
တၢ်ဖီၣ်၀ဲနီၢ်အိလးအံၤ မ့ၢ်၀ဲတၢ်မၤဘၣ်ဒိႇ မၤတရီတပါကညီဒီတကလုာ်အဂ့ၢ် (KNU Concerned Group)စံး၀ဲ
လါစဲးပထ့ဘၢၣ် ၁၀ သီႇ၂၀၁၉နံၣ်ႇ စီၤလီဒူႉ (KWU)ကညီပိာ်မုၣ်ကရၢ ၦၤပၢၤလီၢ်ဆ့ၣ်နီၤ နီၢ်အိလးလၢ အတီခိၣ်ရိၣ်မဲမၤလၤကပီၤ၀ဲ ကညီမၤထူရၤအမုၢ်နံၤအံၤန့ၣ် ကၠီၣ်တတါကီၢ်ဆၣ် ပၢၤကီၢ်ရူ ၦၤဘၣ်မူဘၣ်ဒါတဖၣ် ဟဲဖီၣ်၀ဲတၢ်ဂ့ၢ်အံၤ မ့ၢ်၀ဲတၢ်မၤဘၣ်ဒိႇမၤတရီတပါ၀ဲ ကညီဒီတကလုာ်အဂ့ၢ် (KNU Concerned Groupp)ပာ်ဖျါထီၣ် တၢ်ပာ်သးဖဲ လါစဲးပထ့ဘၢၣ် ၁၀ သီအနံၤန့ၣ်လီၤႉ (KNU Concerned Group)ကရူၢ်ခိၣ် လၢအမ့ၢ်စ့ၢ်ကီး၀ဲ ခ့ၣ်အဲၣ်ယူၣ် ကရၢခိၣ် ၂ လီၢ်လံၤ ပဒိၣ်နီၢ်စံၣ်ဖိရၤစ့ၣ်တဲ၀ဲ“တၢ်က့ၤဖီၣ်နီၢ်အိလးဒ်အံၤ တကြၢးနီတစဲးဘၣ်ႉ အ၀ဲန့ၣ် တီခိၣ်ရိၣ်မဲ၀ဲ မၤထူရၤမုၢ်နံၤလၢ ကညီဒီတကလုာ် ပာ်ကဲသ့ၣ်နီၣ်အီၤလီၤႉ တၢ်က့ၤဖီၣ်အ၀ဲဒ်အံၤ မ့ၢ်တၢ်မၤဘၣ်ဒိ မၤတရီတပါ၀ဲကညီဒီတကလုာ်န့ၣ်လီၤ”အဂ့ၢ် တဲဘၣ်ခ့ၣ်အဲးစံၣ် န့ၣ်လီၤႉ လၢန့ၢ်အမဲာ်ညါ ကီၢ်ပယီၤပၢၤကီၢ် က့ၤဖီၣ်၀ဲနီၢ်အိလး တၢ်ဂ့ၢ်အ၀ဲအံၤ တမ့ၢ်လၢဘၣ်ထွဲထဲ ၦၤနီၢ်တဂၤဘၣ်ဒီး ဘၣ်ထွဲ၀ဲၦၤဒီတကလုာ်အဃိ ကညီကရူၢ်ကရၢတဖၣ် ကတြီဆၢထီဒါ ကဟ့ၣ်ဂံၢ်ဟ့ၣ်သကိး နီၢ်အိလးအဂ့ၢ် ပဒိၣ်နီၢ်စံၣ်ဖိရၤစ့ၣ် တဲအါထီၣ်၀ဲလီၤႉ ဖဲလါအီကူာ် ၁၂သိအနံၤ တၢ်မၤလၤကပီၤ၀ဲ ၆၉ နံၣ်ၦဲၤထီၣ် ကညီမၤထူရၤမုၢ်နံၤအံၤ ဖဲ၀့ၢ်တကူၣ်ႇ...
ကမၤနၢၤတၢ်လၢ ၂၀၂၀ တၢ်ဃုထၢအဂီၢ်ကဂုာ်ကျဲးစၢး၀ဲအဂ့ၢ် (KNDP) အၦၤပၢၤလီၢ်ဆ့ၣ်နီၤစံး၀ဲ
လါစဲးပထ့ဘၢၣ်ႇ ၁၀သီႇ ၂၀၁၉ႉ န့ၣ်နီၣ် နံၣ်လၢကဟဲ၂၀၂၀တၢ်ဃုထၢအဂီၢ် ကညီဒီကလုာ်ဒံၣ်မိၣ်ကရဲၣ်တ့ၣ်ပၣ်တံၣ်(KNDP) လၢ အအိၣ်သူၣ်လီၤသးလၢ ကညီကီၢ်စဲၣ်အံၤန့ၣ် လၢကီၢ်စဲၣ်ဘျီၣ်ဒိၣ်အပတီၢ် ကမၤနၢၤတၢ်အဂီၢ် ကဂုာ်ကျဲးစၢး၀ဲအဂ့ၢ် ပၣ်တံၣ်အၦၤပၢၤလီၢ်ဆ့ၣ်နီၤ မါအီၣ်ပၠံၣ်စိစံး၀ဲဒၣ်န့ၣ်လီၤႉ တၢ်ဂ့ၢ်၀ဲအံၤ မါအီၣ်ပၠံၣ်စိ စံးလီၤ၀ဲဖဲ တၢ်မၤတၢ်အိးထီၣ်(KNDP) ပၣ်တံၣ်ကီၢ်ဆၣ်အရူ မူးတၢ်ရဲၣ်တၢ်ကျဲၤလၢ ရၤမတံ၀့ၢ်က၀ီၤဒ့ ၅ အီၣ်စ့ၣ်ယၣ်ကျဲ ဖါစံၤမိၤထဲလ်အပူၤဖဲ လါစဲးပထ့ဘၢၣ် ၉ သီဂီၤခီအဆၢကတီၢ်န့ၣ်လီၤႉ “လၢဘျီၣ်ဒိၣ်အပူၤန့ၣ် ဘျီၣ်ဒိၣ်အိၣ်၀ဲ ခံခါလၢအမ့ၢ် ကီၢ်စၢဖှိၣ်ဘျီၣ်ဒိၣ်ဒီး ကီၢ်စဲၣ်ဘျီၣ်ဒိၣ်န့ၣ်လီၤႉ ( KNDP)ပၣ်တံၣ်အံၤ အိၣ်သူၣ်လီၤ၀ဲအသးလၢ ကညီကီၢ်စဲၣ်ပူၤအဃိ လၢကမၤနၢၤ၀ဲ ကီၢ်စဲၣ်ဘျီၣ်ဒိၣ်အဂီၢ် ကဂုာ်ကျဲးစၢး၀ဲလၢ တၢ်ထဲးဂံၢ်ထဲးဘါ အပူၤန့ၣ်လီၤႉ ကီၢ်စၢဖှိၣ်ဘျီၣ်ဒိၣ်လၢ ဘၣ်တၢ်ပာ်ဖှိၣ်ထီၣ်အီၤလၢ ဘျီၣ်ဒိၣ်ခံခါဒ်အမ့ၢ် ကမျၢၢ်ဘျီၣ်ဒိၣ်ဒီး ကလုာ်ဘျီၣ်ဒိၣ်သနာ်က့ လၢကန့ၢ်ဘၣ်တၢ်လီၢ်အဂီၢ် တသ့ဖဲအသ့ ကနုာ်ပြၢ၀ဲစ့ၢ်ကီးလီၤႉ ပမ့ၢ်န့ၢ်ဘၣ်တၢ်လီၢ်လၢ ကီၢ်စၢဖှိၣ်ဘျီၣ်ဒိၣ်ပတီၢ်န့ၣ် ကပာ်ဖှိၣ်မၤသကိးတၢ်ဒီး ကလုာ်ဒူၣ်ပၣ်တံၣ်အဂၤ သ့ၣ်တဖၣ် တကးဒံးဘၣ် ကပာ်ဖှိၣ်မၤသကိးစ့ၢ်ကီးတၢ်ဒီး ကီၢ်ဒီတဘ့ၣ်ပၣ်တံၣ်လၢ အဒိၣ်သ့ၣ်တဖၣ်လီၤ” အဂ့ၢ်(KNDP)...
ကစၢၢ်လာ်အဃိ ကျီးလီၢ်လၢအဟးကွံာ်တဖၣ် တၢ်ကက့ၤသူၣ်ထီၣ်အဂီၢ်ကီခဲ
လါစဲးပထ့ဘၢၣ် ၁၀ သီႇ၂၀၁၉နံၣ်ႇစီၤမၠးအူသၣ်ႉ တလၢၤကီၢ်စဲၣ်ႇယ့ကီၢ်ဆၣ် (ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ၀ီၢ်ရီကီၢ်ဆၣ်) ကျီးခၠဲ (ကၠီၣ်တဲၤ) ကရူၢ်ဒီး လ့ၣ်ပိးကရူၢ်အပူၤ ဖဲလါအီကူးထီၣ်သီကတီၢ် ထံကျိဒိၣ်ထီၣ်ဒီး ကစၢၢ်လာ်အဃိ ကမျၢၢ်တဖၣ် အသဲးကျီးႇ ပနီကျဲကျီးႇ ရီဘၢၣ်ကျီတဖၣ်ဟးဂီၤကွံာ်၀ဲအဃိ လၢတၢ်ကက့ၤသူၣ်က ဒါက့ၤအီၤအဂီၢ် တၢ်ကီတၢ်ခဲအိၣ်အဂ့ၢ် လီၢ်က၀ီၤဖိတဖၣ် တဲဘၣ် ခ့ၣ်အဲးစံၣ်န့ၣ်လီၤႉ လ့ၣ်ပိးသ၀ီဖိ စီၤကၠီၣ်မိတဲ၀ဲ“ကစၢၢ်လာ်အဃိ သဲးကျီးႇ ပနီကျဲကျီးဒီး နဲးထူၣ်တဖၣ် ဟးဂီၤဖးအါညါႉ ဟံၣ်ဖိဃီဖိတၢ်လုၢ်အီၣ်သးသမူဒီး ဖိသၣ်တၢ်ကူၣ်ဘၣ်ကူၣ်သ့ႇ ဆူၣ်ချ့အဂီၢ် ဘၣ်ဒိးသန့ၤထီၣ်သးလၢ တၢ်ထူၣ်တၢ်ဘိတဖၣ်အံၤအိၣ် ၁၃ နံၣ်လံႉ ဘၣ်ဟ့ၣ်တၢ်ဆၢကတီၢ်သူၣ်အီၤ လၢနံၣ်ယံာ်အဃိ ဟးဂီၤကွံာ်လၢ တၢ်သတူၢ်ကလာ်အပူၤ ပနီကျဲအထူၣ် ၅၀၀ ခဲလၢာ်လီၤႉ သဲးထူၣ် ၃၀၀ နဲးထူၣ် ၇၀၀ ပၣ်ဃုာ်၀ဲလီၤႉ ကအိၣ်မူအဂီၢ် တၢ်ကီတၢ်ခဲအိၣ်ဖးဒိၣ်လီၤ”အဂ့ၢ် စံး၀ဲန့ၣ်လီၤႉ ယ့ကီၢ်ဆၣ်အပူၤ ကျီးခၠဲ(ကၠီၣ်တဲၤ) သ၀ီႇလ့ၣ်ပိးႇ အဘၠီးႇ မရဲခၠီႇ နဲးကၠံႇကဲတီႇမ့တပၠ့ႇဆီထၣ်ႇနဲၣ်ပၠါႇကမိသ၀ီတဖၣ်အပူၤ လၢအပူၤကွံာ် လါအီကူာ် ၁၁ သီအနံၤ...
ကကွၢ်ဆၢၣ်မဲာ်၀ဲ တၢ်မူးတၢ်ရၢ်လၢအနီၢ်ကစၢ်အဂ့ၢ်နီၢ်အိလးစံး၀ဲ
လါစဲးပထ့ဘၢၣ် ၁၀သီႇ ၂၀၁၉ နံၣ်ႉ စီၤထိလ့ မၤလၤကပီၤ၀ဲ ၆၉ နံၣ်ၦဲၤထီၣ် ကညီမၤထူ&ၤ အမုၢ်နံၤအဃိ နီၢ်အိလးလၢ ကီၢ်ပဒိၣ်လိာ်ကွီၢ်တ့ၢ်အီၤတဂၤအံၤ အတဒိးလဲ၀ဲ ပီၢ်ရီဘၣ်သတးဒီး မ့မ့ၢ်တခီ ကဆၢၣ်မဲာ်၀ဲ တၢ်မူးတၢ်ရၢ်လၢ အနီၢ်ကစၢ်ဒၣ်၀ဲအဂ့ၢ် စံး၀ဲဖဲ၀့ၢ်တကူၣ်ႇ ကၠီၣ်တတါကီၢ်ဆၣ် ပီၢ်ရီအရူဖဲ လၢကကွၢ်ဆၢၣ်မဲာ်၀ဲ တၢ်မူးတၢ်ရၢ်အဂီၢ် ဖဲလါစဲးပထ့ဘၢၣ် အသီ ၁၀ ဂီၤခီအနၣ်ရံၣ် ၁၀ အဆၢကတီၢ် စံးဘၣ်၀ဲ ခ့ၣ်အဲးစံၣ်န့ၣ်လီၤႉ “တလိၣ်ပီၢ်ရီဘၣ်ႇ တၢ်ဂ့ၢ်၀ဲအံၤ တမ့ၢ်ယတၢ်ကမၣ်ဘၣ်ႉ တၢ်ဂ့ၢ်ကီ၀ဲအံၤမ့ၢ်ဒၣ် ကီၢ်ပဒိၣ်အတၢ်ဂ့ၢ်န့ၣ်လီၤႉ ခီဖျိတၢ်မၤဒ်သိးအံၤအဃိ ဘၣ်ဒိ၀ဲကလုာ် တၢ်ဃူတၢ်ဖိးသ့၀ဲဒၣ်န့ၣ်လီၤႉ ဘၣ်ဒိစ့ၢ်ကီး၀ဲ တၢ်မုာ်တၢ်ခုၣ် အတၢ်လဲၤကျဲသ့န့ၣ် ပတဲပာ်စၢၤလၢ အခီၣ်ထံးခါလံႉ ဘၣ်ဆၣ်သနာ်က့ မၤ၀ဲဒ်သိးအံၤအဃိ ယကကွၢ်ဆၢၣ်မဲာ်ဒီး ကီၢ်ပဒိၣ်လီၤႉ” အဂ့ၢ် နီၢ်အိလး စံး၀ဲဖဲအ၀ဲဟဲတုၤလၢ ကၠီၣ်တတါကီၢ်ဆၣ် ပီၢ်ရီရူအဆၢ ကတီၢ်န့ၣ်လီၤႉ တကီၢ်ခါခဲအံၤလၢ ကၠီၣ်တတါကီၢ်ဆၣ် ပီၢ်ရီအရူန့ၣ် တၢ်ကတဲၤကတီၤပာ်စၢၤဃာ်၀ဲ တၢ်မူးတၢ်ရၢ် ဘျးစဲလၢ တၢ်ကတီၣ်ထီၣ်အီၤ...
တၢ်ထံၣ်လိာ်သံကွၢ်ဒီး (KSNG)လီၢ်ခၢၣ်သး ၦၤပၢၤလီၢ်ဆ့ၣ်နီၤ စီၤစ့မူ
KIC: ကညီတၢ်ကစီၣ် ထံၣ်လိာ်သံကွၢ်သံဒိး၀ဲ ကညီကၠိဖိၦာ်ဘျးစဲကရူၢ်( KSNG) လီၢ်ခၢၣ်သး ၦၤပၢၤလီၢ်ဆ့ၣ်နီၤ စီၤစ့မူ လၢအဘၣ်ထွဲဒီး တၢ်ဒုးအိၣ်ထီၣ် (KSNG) အံၤ အတၢ်ပညိၣ်ႇ ကရူၢ်အံၤ အိၣ်ဆီလီၤသးအက့ၢ်အဂီၤႇ တၢ်ဟူးတၢ်ဂဲၤလၢ ကညီကၠိဖိအဂီၢ်သ့ၣ်တဖၣ်ႇ တကီၢ်ခါ တၢ်တၤလၢ အ၀ဲသ့ၣ် သဂၢၢ်ဘၣ်၀ဲတဖၣ်ဒီး ခါဆူညါ တၢ်ဟူးတၢ်ဂဲၤသ့ၣ်တဖၣ်န့ၣ်လီၤႉ သံကွၢ်: အဆိ ဒုးသ့ၣ်ညါဘၣ် (KSNG) စးထီၣ် ဟဲကဲထီၣ်အသးဒီး အတၢ်ပညိၣ်တၢ်ကွၢ်စိသ့ၣ်တဖၣ် မ့ၢ်တၢ်မနုၤလဲၣ်ႉ စံးဆၢ : ပ(KSNG)န့ၣ် ဘၣ်တၢ်ဒုးအိၣ်ထီၣ်အီၤ ဖဲ ၁၉၉၆ နံၣ်ႇ လါယူၤလံ ၆ သီ လၢမဲၢ်လး ကညီဘၣ်ကီဘၣ်ခဲဒဲက၀ီၤအပူၤ ပ(KSNG)န့ၣ် တၢ်ဒုးအိၣ်ထီၣ်အီၤန့ၣ် အတၢ်ပညိၣ်ကွၢ်စိအိၣ် (၅) ထံၣ် ၁-လၢအဃုန့ၢ်လီၢ်က၀ီၤ တၢ်ကူၣ်ဘၣ်ကူၣ်သ့အဂီၢ် ၂-ကတဲာ်ကတီၤန့ၢ် ကၠိဖိဒီးသးစၢ်သ့ၣ်တဖၣ် လၢခါ ဆူမဲာ်ညါတၢ်တီခိၣ်ရိၣ်မဲ ၃-အဂၤတမံၤန့ၣ် ဒ်သိးဒီးကၠိဖိသ့ၣ်တဖၣ် ကမၤလိသ့သး လၢမုၢ်ကျိၤ၀ဲၤကွာ်ႇ ၦၤဂ့ၢ်၀ီဒီး ထံရူၢ်ကီၢ်သဲး...