DKBA ဒီး(BGF)တဖၣ် တၢ်ခးလိာ်သး ကဲထီၣ် ဖဲကီၢ်မူ
လါမ့ၤ ၁၇ သီႇ၂၀၁၉နံၣ်ႇန့ၣ်နီၣ် ဖဲလါမ့ၤ ၁၇ သီအနံၤ ဂီၤခီကတီၢ် ဘူးဒးတၢ်ဘါတၢ်လဲၤထီၣ်လဲၤထီသုးမုၢ်ဒိၣ်(DKBA)ထုးဖးသးကရူၢ်ဒီးသုးခိးကီၢ် ဆၢ(BGF)သ့ၣ်တဖၣ် တၢ်ခးလိာ်သးကဲထီၣ် ဖဲ ကီၢ်မူသ၀ီႇကီၤတရံးကီၢ်ဆၣ်ႇကညီကီၢ်စဲၣ်န့ၣ်လီၤ. ဖဲဂီၤခီ အနၣ်ရံၣ် ၁၀း၁၅ မံးနံးကတီၢ်(DKBA)ထုးဖးသးကရူၢ်စီၤဖါကီၢ်တီခိၣ်ရိၣ်မဲ အၦၤ ၁၉ဂၤဒီးသုးခိးကီၢ်ဆၢ (BGF)သုးရ့ၣ်ခိၣ်(၂) သုးခိၣ်ဒိၣ်ဖိ စီၤကၠီၣ်နီၢ်တီခိၣ်ရိၣ်မဲကရူၢ်တၢ်ခးလိာ်သးကဲထီၣ်အသး ဖဲကီၢ်မူသ၀ီဒီး ပၠါပ့ၣ်ထံခံတၢ်လီၢ်အပူၤ အမံးနံး ၃၀ကတီၢ်၀ံၤ တၢ်ဖီၣ်သမူန့ၢ်၀ဲ(DKBA)တဂၤအဂ့ၢ် ကညီကီၢ်စဲၣ်ႇသုးခိးကီၢ်ဆၢတဖၣ် အနဲၣ်ရွဲၣ် သုးခိၣ်ဒိၣ်စိစီၤခၠ့ၣ်သူၤ အၦၤဘၣ်မူဘၣ်ဒါသုးခိၣ် နဲၣ်မီၣ်စီၣ်စံး၀ဲန့ၣ်လီၤ. “တဂီၤအံၤအနၣ်ရံၣ် ၁၀ ကတီၢ်တၢ်ခးလိာ်သး ကဲထီၣ်ႉ ကဲထီၣ်၀ဲဒီး(DKBA ဗ)ထုးဖးသးကရူၢ်စီၤဖါကီၢ်ကရူၢ်သ့ၣ်တဖၣ်လီၤႉ သုးခိးကီၢ်ဆၢ သုးရ့ၣ် ၁၀၁၇ လဲၤရှဲ ပျီတၢ်လီၢ်ကတီၢ် ဖီၣ်န့ၢ်၀ဲအ၀ဲသ့ၣ် သုးဖိတဂၤလၢအဘၣ်ဒိ မူဒ်န့ၣ်လီၤႉ ကတီၢ်အံၤ အိၣ်လၢတၢ်ကူဆါယါဘျါအပူၤန့ၣ်လီၤႉ တၢ်ဘၣ်ယိၣ်တအိၣ်နီတမံၤဘၣ်ႉ ကတီၢ်အံၤ (BGF)သုးတဖၣ်လဲၤလီၤမၤရှဲပျီ၀ဲတၢ်လီၢ် အဖၢမုၢ်လီၤ” အဂ့ၢ် သုခိၣ်နဲၣ်မီၣ်စီၣ်စံး ၀ဲန့ၣ်လီၤ. သုးဖိလၢတၢ်ဖီၣ်န့ၢ်အီၤတဂၤအံၤ အမံၤမ့ၢ်၀ဲ စံၣ်သူၣ်ႇအသးနံၣ်အိၣ် (၂၆)နံၣ်ဒီး လၢအခီၣ်ထွဲတကပၤဘၣ်ဒိဒီး ကျိန့ၣ်လီၤႉ တၢ်ဖီၣ်န့ၢ်အီၤဃုာ်ဒီးမ့ၣ်ပိၢ် အဖျၢၣ်...
တၢ်မုာ်တၢ်ခုၣ်တၢ်မၤ ဆဲးလဲၤသးကန့ၢ်အဂီၢ် တၢ်ကြၢးပာ်လီၤ၀ဲ တၢ်မၤရဲၣ်ကျဲၤခိၣ်သ့ၣ်တခါအဂ့ၢ် (ခ့ၣ်အဲၣ်ယူၣ်)ကရၢခိၣ်ဆီၣ်ထွဲ
လါမ့ၤ ၁၅ သီ ႇ၂၀၁၉ နံၣ်ႇ စးအဲၣ်စူ တၢ်မုာ်တၢ်ခုၣ်တၢ်လဲၤကျဲအံၤ တၢ်ကဆဲးလဲၤအီၤ လၢအကံၢ်အလဲအိၣ် ကန့ၢ်အဂီၢ် ဘၣ်ပာ်လီၤတၢ်မၤရဲၣ်ကျဲၤခိၣ်သ့ၣ်တခါအဂ့ၢ် ခ့ၣ်အဲၣ်ယၣ်-ကညီဒီကလုာ် စၢဖှိၣ်ကရၢ အကရၢခိၣ် သုးခိၣ်ကျၢၢ်စိ စီၤမူးတူစ့ဖိစံးလီၤ၀ဲဖဲ ၄ဘျီတဘျီ ကလုာ်ဒူၣ် ဆဲးလီၤတၢ်ပတုာ်တၢ်ခး (၁၀)ဖု တၢ်အိၣ် ၂သီတသီအနံၤန့ၣ်လီၤ. ၄ ဘျီတဘျီ တၢ်အိၣ်ဖှိၣ်လၢတၢ်မၤအီၤဖဲ ကီၢ်ကၠီၣ်တဲၣ် ၀့ၢ်ကံၢ်မဲ လၢတၢ်စးထီၣ်အီၤ ဖဲ လါမ့ၤ ၁၄ သီအနံၤန့ၣ် ခၢၣ်စးဒိၣ်ထီတဖၣ်လၢ အဆဲးလီၤဃာ် ကီၢ်ဒီဘ့ၣ်တၢ်ပတုာ်တၢ်ခး (အဲၣ်စံၣ်အ့ၣ်)၁၀ဒူၣ် တၢ်အိၣ်ဖှိၣ် ၂ သီတသီ တၢ်အိးထီၣ်မူးတၢ်&ဲၣ်တၢ်ကျဲၤအပူၤ သုးခိၣ်ကျၢၢ်စိ စီၤမူးတူစ့ဖိစံးလီၤ၀ဲဒ်အံၤန့ၣ်လီၤ. “ဒ်ပဖီတၢၣ်အိၣ်၀ဲအသိး ပမ့ၢ်သူၣ်ထီၣ်၀ဲဖဲၣ်ဒရဲၣ် ကီၢ်စၢဖှိၣ်န့ၣ် ပ၀ဲကိးဂၤဒဲး ပကဘၣ်ဃူဖိးလီၤႉ လၢတၢ်ဃူတၢ်ဖိးကတီၢ်သနာ်က့ ကဘၣ်မ့ၢ်၀ဲဃူဖိးလၢပာ်လီၤတၢ်မၤရဲၣ်ကျဲၤခိၣ်သ့ၣ်န့ၣ်လီၤႉ တၢ်န့ၣ်မးကကဲထီၣ်၀ဲ တၢ်ဃူတၢ်ဖိးဒီးကစၢတံၢ်ဃာ်သးလၢဂံၢ်ဘါဒီး ကမၤစၢၤ၀ဲအကျိၤအကျဲတခါခါလၢကတုာ်လၢပဖီတၢၣ်လီၤ”အဂ့ၢ် စံးလီၤ၀ဲန့ၣ်လီၤ. လၢန့ၢ်အမဲာ်ညါ ခိၣ်နၢ်ဒိၣ်ထီတၢ်အိၣ်ဖှိၣ်၀ဲန့ၣ်အပူၤ တဘၣ်ဆိကမိၣ်၀ဲ ကရူၢ်ဒိၣ်ကရူၢ်ဆံးဘၣ်ဒီး ကကွၢ်တၢ်လၢတၢ်တခါဃီအဂီၢ် ကသူၣ်ထီၣ်ခီၣ် တဃာ်လၢ တၢ်နာ်န့ၢ်လိာ်သး(Functional Trust)၀ံၤ ဆိမိၢ်ပာ်လီၤတၢ်မၤခိၣ်သ့ၣ်ရဲၣ်ကျဲၤအဂ့ၢ်...
တၢ်ကသုးကံွာ် သုးခိၣ်ကျၢၢ်အီၣ်ဆါ တၢ်ဂီၤစိးပျၤအဂီၢ် ကဆဲးဂုာ်ကျဲးစၢး၀ဲအဂ့ၢ် ကရ့ၣ်နံၣ်သးစၢ်စံး၀ဲ
လါမ့ၤ ၁၄ သီ ႇ၂၀၁၉နံၣ် ႇစးအဲၣ်စူူ သုးခိၣ်ကျၢၢ်အီၣ််ဆါတၢ်ဂီၤစိးပျၤ လၢအအိၣ်ဖဲ ကယါကီၢ်စဲၣ် ႇလွဲၣ်ကီၣ်၀့ၢ် ကၣ်ဒၣ်ဟ့ၣ်၀ိၣ်ဖီကရၢၢ်အပူၤအံၤ တၢ်ကသုးကွံာ်အီၤအဂီၢ် ကဆဲးဂုာ်ကျဲးစၢးမၤအီၤအဂ့ၢ် ကရ့ၣ်နံၣ်သးစၢ်ကရူၢ် စံးလီၤ၀ဲဒၣ် ဖဲလါမ့ၤ ၁၄သီအနံၤ ဖဲကရ့ၣ်နံၣ်သးစၢ်ကရူၢ်ဒီး ကီၢ်စဲၣ်ပဒိၣ် တၢ်ထံၣ်လိာ် ထိၣ်ဃူတဲသကိးဘၣ်ဃး သုးခိၣ်ကျၢၢ်အီၣ်ဆါတၢ်ဂီၤစိးပျၤ တၢ်အိၣ်ဖှိၣ်ဖဲ ကီၢ်စဲၣ်ပဒိၣ်အရူပူၤအံၤ ဟးဂီၤကံွာ်အလီၢ်ခံန့ၣ်လီၤႉ ကရ့ၣ်နံၣ်သးစၢ်ကရူၢ် ဒံဒံၣ်(ကိး)စ့ၣ်မိစံး၀ဲလၢ “ သုးခိၣ်ကျၢၢ်အီၣ်ဆါ တၢ်ဂီၤစိးပျၤ ကသုးကံွာ်အသးအဂီၢ် ပကဆဲးဟူးဂဲၤ ကျဲလၢအသီတဘိန့ၣ်လီၤႉ”အဂ့ၢ် စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤႉ လၢတၢ်တဲသကိးဘှါရှဲ၀ဲတၢ်ကသုးကွံာ် သုးခိၣ်ကျၢၢ်တၢ်ဂီၤစိးပျၤအံၤ တၢ်အိးထီၣ်မူးတၢ်ရဲၣ်တၢ်ကျဲၤအပူၤ ကီၢ်စဲၣ်ကိတိာ်ခိၣ်ကျၢၢ် အူအဲးလ်ဖီရှိၤစံးလီၤ၀ဲဒၣ်လၢ သုးခိၣ်တၢ်ဂီၤစိးပျၤအံၤ လ့ၤတက့ၤ တသုးကွံာ်၀ဲဘၣ်အဃိ ကရ့ၣ်နံၣ်သးစၢ်သ့ၣ်တဖၣ်စံးက့ၤ၀ဲ လၢကဘၣ်ဆဲးတဲသကိးဆူညါအဂီၢ်တအိၣ်လၢၤဘၣ်ဒီး ပာ်ပတုာ်ကွံာ်တၢ်တဲသကိး၀ံၤ ဟးထီၣ်ကွံာ်၀ဲဒၣ်လၢတၢ်အိၣ်ဖှိၣ်အပူၤန့ၣ်လီၤ. ကီၢ်စဲၣ် ကိတိာ်ခိၣ်ကျၢၢ် အူအဲးလ်ဖီရှိၤ ကတိၤလီၤ၀ဲဖဲ မူးတၢ်အိးထီၣ်အပူၤအကတီၢ် စံး၀ဲလၢ “ပ၀ဲကယါကီၢ်စဲၣ်ပဒိၣ်တကပၤ ဘၣ်ဃးဒီးသုးခိၣ်ကျၢၢ်တၢ်ဂီၤစိးပျၤအံၤ ပတဲသကိးအီၤခံခီခံကပၤ သနာ်က့ၤ တဘၣ်ဘျီးဘၣ်ဒါဘၣ်န့ၣ်လီၤႉ အဃိ ကယါကီၢ်စဲၣ်ကီၢ် ပဒိၣ်တကပၤ ဘၣ်ဃးသုးခိၣ်ကျၢၢ်တၢ်ဂီၤစိးပျၤအံၤ ပတသုးအီၤဘၣ်အဂ့ၢ်...
ကီၢ်ကၠီၣ်တဲၣ်အပူၤ ၦၤမၤတၢ်ဖိ ခီကီၢ်လံာ်အုၣ်သးအမုၢ်နံၤမုၢ်သီကလၢာ်တဖၣ်အဂီၢ် တၢ်ကဟ့ၣ်ပျဲ မၤအါထီၣ်တၢ်ဆၢကတီၢ် ၉ လါ
လါမ့ၤ ၁၄သီ ႇ၂၀၁၉နံၣ် ႇစးအဲၣ်စူ ဒ်ကီၢ်ကၠီၣ်တဲၣ်-ကီၢ်ပယီၤထံကီၢ်ခံဘ့ၣ် တၢ်တဲသကိးဒီး တူၢ်လိာ်သကိး၀ဲအသိးန့ၣ် နံၣ် လၢကဟဲ ၂၀၂၀နံၣ်ဒီး တနံၣ်အံၤ ၂၀၁၉ နံၣ် လါနိၣ်၀့ဘၢၣ်အပူၤ ၦၤမၤတၢ်ဖိလၢအခီကီၢ်လံာ်အုၣ်ကီၤသးမုၢ်နံၤမုၢ်သီကလၢာ်တဖၣ်အဂီၢ် တၢ်ကဟ့ၣ်အါထီၣ် လံာ်အုၣ်ကီၤသးကတီၢ် တုၤ ၉လါအဂ့ၢ်ကီၢ်ကၠီၣ်တဲၣ် ႇကီၢ်ပယီၤၦၤမၤတၢ်ဖိမီၢ်သီ&ူပာ်ဖျါထီၣ်၀ဲ ဖဲလါမ့ၤ၁၃သီအနံၤန့ၣ်လီၤ. ဖဲလါမ့ၤ ၁၃ သီန့ၣ် ကီၢ်ကၠီၣ်တဲၣ် ၦၤမၤတၢ်ဖိ ကိတိာ်၀ဲၤကျိၤဒီး ကီၢ်ပယီၤ တၢ်နဲၣ်လီၤ ၦၤမၤတၢ်ဖိ၀ဲၤကျိၤ ဘၣ်မူဘၣ်ဒါတဖၣ် မၤ၀ဲတၢ်ထံၣ်လိာ်တခါ ဖဲကီၢ်ကၠီၣ်တဲၣ် ႇဖုခဲး၀့ၢ်ဒီး အၢၣ်လီၤတူၢ်လိာ်၀ဲ ဘၣ်ဃးၦၤဟဲမၤတၢ်ဖိသ့ၣ်တဖၣ်အဂီၢ် လၢထံကီၢ်ခံဘ့ၣ်ခီကီၢ်အ လံာ်အုၣ်သးအဖီခိၣ် တၢ်ကတူၢ်လိာ်အီၤဒီး ၦၤလၢအခီကီၢ်လံာ်အုၣ်သး ကလၢာ် ဖဲ၂၀၁၉ နံၣ်ဒီး ၂၀၂၀ နံၣ်တဖၣ်အဂီၢ် တၢ်ကဟ့ၣ်အါထီၣ် တၢ်ဆၢကတီၢ်တုၤ ၂၀၂၀ နံၣ်ႇ လါဒံၣ်စ့ဘၢၣ် ၃၁သီ လၢကတီၢ်ယံာ် ၉လါ အဂ့ၢ်န့ၣ် တူၢ်လိာ်၀ဲ န့ၣ်လီၤ. ၦၤကီၢ်ပယီၤဖိတဖၣ်အဂီၢ် ဟူးဂဲၤသကိးကမံးတံာ် (JACBA) ၦၤပၢၤလီၢ်ဆ့ၣ်နီၤ အူမိကၠိစံး၀ဲလၢ“ၦၤလၢအစိာ်ဃာ်၀ဲ ၦၤမၤတၢ်ဖိ...
မၤယံၤလၢာ်ပသးတဂ့ၤ
(၁) ကညီဖိလၢတၢ်အဲၣ်အီၤ စံး၀ံၤကက့ၤစံးကဒီး ခီဖျိလၢတၢ်သးစၢၢ်ဆၢ အိၣ်ကစုယဲတန့ၢ်လၢာ် အါစုအါဘျီမံတန့ၢ် စိမိၣ်က့ၤပကီၢ်သလ့ၤ စးထီၣ်လၢယနီၢ်ဆံးခါ ဘၣ်ဃ့ၢ်ခူသူၣ်လၢၦၢ်ကျါ ဘူးတံၢ်ပယီၤသုးမၤသံ ကၠီသံလၢပယီၤကျိချံ တၢ်သံကဒုအဖီလာ် ပူၤဖျဲးလၢယွၤမၤစၢၤယၤ (၂) တဘျီဘျီမံဖုးဘၣ်သး ထံၣ်မှံပယီၤတၢ်မၤနး တူၢ်တ့ၢ်လံလၢအပူၤကွံာ် တုၤခဲအ့ၤတလီၤမၢ်ဒံး အိၣ်ဒီးဆိမိၣ်ထီၣ်က့ၤယဲ ကညီဖိတၢ်ကီတၢ်ခဲ စံးယံၤမၣ်ကပူၤဖျဲးက့ၤ ကအိၣ်က့ၤဒီးတၢ်သဘျ့ ဟီၣ်ခိၣ်ဖိတၢ်ခွဲးတၢ်ယာ် ထဲသိးတုာ်သိးကြၢးန့ၢ်ဘၣ် မုၢ်လၢ်ဒီးဆၢထံၣ်က့ၤလံ တချုးမုၢ်အုၣ်ဒီးလါသံ (၃) ဘၣ်ဆၣ်ဒ်ယတၢ်ဆၢထံၣ် တလၢၦဲၤဘၣ်နးထီၣ်ဒံး ဒ်လၢညါဃ့ၢ်မှံဟးဖျိး ခဲအံၤမ့ၢ်ဒၣ်ဒ်သိးသိး တၢ်လၢပတဆၢနၢ်ဟူ ဂ့ၢ်လိာ်တန့ၢ်ဃ့ၢ်တပူၤ ကွၢ်က့ၤလၢမံၤခိၣ်သိၣ်လာ် ၦၤကလုာ်ဘၣ်ဃ့ၢ်ဘၣ်ဟး အီၣ်အီအိၣ်ဆိးဒ့ပီၤလီၢ် တၢ်မုာ်တအိၣ်လၢပဂီၢ် ထဲတမံၤပတၢ်န့ၢ်သါ အိၣ်,အီၣ်ကစုလၢၦၢကျါ (၄) ထဲတမံၤဆၢမုၢ်လၢ်ယဲ က့ၤထိးဖှိၣ်လိာ်က့ၤပ၀ဲ ခ့ၣ်အဲန်ယူၣ်, ခ့ၣ်အဲန်အဲလ်အ့ၣ် ဖံၣ်စံၣ်ဒီးဒံၣ်ခ့ၤဘံၣ်အ့ၣ် သူၣ်ထီၣ်က့ၤသးတဒူၣ်ဃီ ထုးဖှိၣ်က့ၤကလုာ်ကညီ ကညီဖိကီၢ်ပူၤကီၢ်ချၢ မၤသကိးက့ၤတၢ်ခဲလၢာ် တၢ်အၢသီသံၣ်သူမီၤကျး မၤလီၤမၢ်ကွံာ်လၢပသး တစၢၤဃီဆၢဖှိၣ်လိာ်က့ၤ မၤယံၤလၢာ်ပသးတဂ့ၤ အိၣ်တမှံၤကီၢ်အီစ်ထြ့လ်ယါႉႉႉႉႉသူလ့ၤနီၣ်မံၤဖိ
ကညီကၠိဖိၦာ်ဘျးစဲရူၢ် ပျၢ်က့ၤတၢ်ကိၢ်ခါတၢ်မၤလိ
လါမ့ၤ ၁သီ၊ ၂၀၁၉နံၣ်။ ခ့ၣ်အဲးစံၣ် ဒ်သိးလီၢ်က၀ီၤကညီကၠိဖိသးစၢ်သ့ၣ်တဖၣ် သုတမၤဂီၤကလီ တၢ်ဆၢကတီၢ်တဖၣ်ဒီး ကသ့မၤလိအါထီၣ်၀ဲ ကညီတၢ်စံၣ်စိၤတဲစိၤအဂီၢ် ကညီကၠိဖိၦာ်ဘျးစဲကရူၢ် (KSNG) တီခိၣ်ရိၣ်မဲဒီး မၤန့၀ဲတၢ်ကိၢ်ခါ တၢ်မၤလိလၢတလါအတီၢ်ပူၤ၀ံၤ ပျၢ်က့ၤ၀ဲတၢ်မၤလိအံၤ ဖဲလါအ့ဖြ့ၣ် ၃၀သီ လၢကညီကီၢ်စဲၣ်,ဖၣ်အၣ်ကီၢ်ရ့ၣ်, ကၢၢ်ဂီၤသ၀ီအပူၤန့ၣ်လီၤႉ စီၤဖျါတီလၢအမ့ၢ်တၢ်ကိၢ်ခါတၢ်မၤလိကၠိသရၣ်စံး၀ဲလၢ“ဘၣ်ဃးဒီးတၢ်လီၢ်ဖဲအံၤခီဒု ကၠိသ့ၣ်တဖၣ် မ့ၢ်၀ဲဒၣ် ကီၢ်ပယီၤပဒိၣ်ကၠိအဃိန့ၣ် တမၤလိဘၣ်ၦၤကညီအတၢ်စံၣ်စိၤတဲစိၤသ့ၣ်တဖၣ် စ့ၢ်ကီးဘၣ်အဃိ တၢ်လၢပဆၢမုၢ်ဒီး ပဟဲသိၣ်လိအ၀ဲသ့ၣ်လၢအညီတၢ်စံၣ်စိၤတဲစိၤ, ကညီတၢ်တူၢ်ဘၣ်ခီၣ်လၢအပူၤကွံာ်အရ့ဒိၣ်သ့ၣ်တဖၣ် ပဒုးသ့ၣ်ညါအ၀ဲသ့ၣ်ဒီး ပမုၢ်လၢၦၤကၠိဖိသ့ၣ်တဖၣ်န့ၣ် ဒ်သိးပသိၣ်လိဒီး ပဒုးသ့ၣ်ညါ အ၀ဲသ့ၣ်လၢကညီတၢ်စံၣ်စိၤ တဲစိၤဒီးအ၀ဲသ့ၣ်ကသ့ၣ်ညါက့ၤကညီအတၢ်တူၢ်ဘၣ်ခီၣ်ဘၣ်ဒီးအတၢ်ဟဲခီဖျိဒ်ပမ့ၢ်ပကညီတကလုာ်အသိးန့ၣ်လီၤႉ” ကီၢ်ကၠီၣ်တဲၣ်-ကီၢ်ပယီၤကီၢ်ဆၢတီၤကၠိ၀ံၤသ့ၣ်တဖၣ်အဂီၢ်သိၣ်လိန့ၢ်၀ဲကညီတၢ်စံၣ်စိၤတဲစိၤ, လံာ်ကိၤလၤ၀ါ, ကၠီၣ်တဲၣ်ကျိာ်ဒီး ဂံၢ်ခီၣ်ထံးခီၣ်ဖၠူၣ်ထၢၣ်တၢ်မၤလိသ့ၣ်တဖၣ်ပၣ်ဃုာ်၀ဲဒၣ်န့ၣ်လီၤႉ ကၠိဖိနီၢ်ဆၢၦဲၤဖီ “ဖဲယမၤလိတၢ်ကိၢ်ခါ တၢ်မၤလိတဘျီအံၤ ယသ့ၣ်ညါဘၣ်တၢ်စံၣ်စိၤတဲစိၤမီၤႉ အဃိသ တးဒီးယစံးဘျုးဘၣ်သရၣ်, သရၣ်မုၣ်, ခိၣ်နၢ်သ့ၣ်တဖၣ်ဒိၣ်မးမီၤႉ တကးဒံးဘၣ်လံာ်ယိၤ လံာ်ယိၤန့ၣ်လၢယနီၢ်ဆံးခါန့ၣ် ယတမၤလိဘၣ်နီတဘျီဘၣ်ႉ လံာ်ယိၤန့ၣ်လၢယဂီၢ်န့ၣ် မ့ၢ်၀ဲလံာ်အကီအခဲလၢယဂီၢ်တခါမီၤႉ ယတမၤလိဘၣ်စ့ၢ်ကီးနီတဘျီဘၣ်ႉ ဖဲသရၣ်, သရၣ်မုၣ်ဟဲသိၣ်လိၦၤအံၤဘျီဒု ကဲတၢ်ဘျုးတၢ်ဖှိၣ်လၢပဂီၢ် လံာ်အသၣ်ဖျၢၣ်သ့ၣ်တဖၣ်”အဂ့ၢ်စံး၀ဲန့ၣ်လီၤ. ဖၣ်အၣ်အတီၤတဆံကၠိဖိ လၢအဟဲထီၣ်၀ဲတၢ်လိ လၢအမ့ၢ်စီၤတၢ်လွဲၢ်လါစ့ၢ်ကီးစံး၀ဲလၢ “ထီၣ်ဘၣ်တၢ်ကိၢ်ခါတၢ်မၤလိတဘျီအံၤဒုန့ၢ်ဘၣ်တၢ်ကူၣ်ဘၣ်သ့ဒုအါမးႉ ဘၣ်ဃးဒီး leadership သ့ၣ်...
ရၤမတံ သူမှဲကျိ ကၢၢ်နံၤ ဟံၣ်အဖျၢၣ် ၂၀၀ ဃၣ်ဃၣ် တၢ်ကမၤရှဲအီၤအံၤ တၢ်ဃ့ထီၣ်အီၤလၢတၢ်ကဘှါရှဲအီၤ
လါမ့ၤ ၁၁ သီႇ ၂၀၁၉နံၣ်ႇ န့ၣ်နီၣ် ကညီကီၢ်စဲၣ်ႇရၤၤမတံ၀့ၢ် က၀ီၤဒ့ နီၣ်ဂံၢ် (၅),၀ါတီတၢ်လီၢ်ႇဖဲသူမှဲကျိကၢၢ်နံၤ တြဲၤနီၣ်ဂံၢ် (၁၀)အံၤ တၢ်တဲ၀ဲလၢတၢ်ကဟဲတ့ ထီၣ် ကၣ်စံၣ်နိၣ် တၢ်တၤကျိၣ်တၤစ့လီၢ်ဒီး ဟံၣ်တၢးလီၢ်တဖၣ်အဃိ တၢ်မၢမၤရှဲပျီကွံာ်၀ဲ ဟံၣ်အဖျၢၣ်(၂၀၀)ဃၣ်ဃၣ်အံၤအဖီခိၣ် ဒ်သိးကီၢ်ပဒိၣ် ၦၤဘၣ်မူဘၣ်ဒါတဖၣ် ကဟဲဘှါရှဲန့ၢ်အ၀ဲသ့ၣ်အဂီၢ် ၦၤလၢအိၣ်ဖဲကရၢၢ်ပူၤတဖၣ် မၤ၀ဲ တၢ်မၤရှဲၦၤကွဲးတၢ်ကစီၣ်ဖိအမူးတခါဖဲ လါမ့ၤ ၁၀သီန့ၣ်လီၤႉ ၦၤလၢအအိၣ်ဖဲ ကရၢၢ်အ၀ဲန့ၣ်အပူၤ ထီၣ်ဘးလံ လၢအနံၣ် ၃၀လံတဖၣ်အံၤ ကၠီၣ်တဲၣ် ၦၤမၤမုၢ်ကျိၤ၀ဲၤကွာ်ဖိ ဖံၣ်မဲအံၤ ပာ်ဖှိၣ်ထီၣ်သး ဒီး သုးခိးကီၢ်ဆၢ( BGF)ခိၣ်နၢ်တဖၣ်ဒီး မၢၦၤမၤရှဲပျီကွံာ်၀ဲ ဟံၣ်ဃီတၢ်ဂ့ၢ်အံၤ လၢ လၢကီၢ်ပဒိၣ် ဘၣ်မူဘၣ်ဒါတဖၣ် ကဘှါရှဲန့ၢ်အဂီၢ် ဘၣ်မၤ၀ဲတၢ်မၤရှဲ ၦၤကွဲးတၢ်ကစီၣ်အမူး ဒ်အံၤလီၤအဂ့ၢ်န့ၣ် အမိကၠံလၢ အအိၣ်ဆိးဖဲန့ၣ် လၢအနံၣ် ၃၀ဘျဲၣ်တဂၤအံၤ စံး၀ဲန့ၣ်လီၤႉ အ၀ဲစံး၀ဲလၢ“တုၤအဆၢကတီၢ်ခဲအံၤမး (BGF)ၦၤဘၣ်မူဘၣ်ဒါတဖၣ်တဲ၀ဲလၢ ၦၤကၠီၣ်တဲၣ်ဖိ ဖံၣ်မဲအဟီၣ်ခိၣ်လီၢ်လၢတအိၣ်ဒီး လံာ်အုၣ်ကီၤဟီၣ်ခိၣ်နီတမံၤဘၣ်ဒီး မၢပမၤရှဲပျီကွံာ်ဟံၣ်အံၤ ဒ်သိးတၢ်ဘှါရှဲကန့ၢ်အဂီၢ် ကီၢ်ပဒိၣ်ခိၣ်နၢ်တဖၣ်...
နီၣ်ဂံၢ်(၁) သီၣ်ယ့ၣ်ခးတၢ်တိာ်ကျဲၤအံၤ ကအိၣ်ဆၢထၢၣ် ဒ်ကမျၢၢ်တၢ်ဘၣ်သးအသိးအဂ့ၢ် (KNDP)စံး၀ဲ
လါမ့ၤ ၈သီႇ၂၀၁၉နံၣ်ႇစီၤရှါ ကညီကီၢ်စဲၣ်ႇသၣ်တီၣ်ကၠံကီၢ်ဆၣ်ႇသီၣ်ယ့ၣ်ခးထံကျိအပူၤ တၢ်ကတ့ထီၣ်၀ဲ နီၣ်ဂံၢ် (၁) သီၣ်ယ့ၣ်ခးထံဂံၢ်ဘါလီသဟီၣ် တၢ်တိာ် ကျဲၤအံၤန့ၣ် ကအိၣ်ဆၢထၢၣ်၀ဲ ဒ်ကမျၢၢ်သ့ၣ်တဖၣ် ပာ်ဖျါထီၣ်အတၢ်ဘၣ်သးအသိးအဂ့ၢ် ကညီကလုာ်ဒံၣ်မိၣ်ကရဲးတ့ၣ်ပၣ်တံၣ်(KNDP) ၦၤပၢၤလီၢ်ဆ့ၣ်နီၤ မါအီၣ်ပၠံၣ်စိစံးလီၤ၀ဲ ဖဲလါမ့ၤ ၈သီအနံၤန့ၣ်လီၤ. နီၣ်ဂံၢ်(၁) သီၣ်ယ့ၣ်ခး ထံဂံၢ်ဘါလီသဟီၣ် တၢ်တိာ်ကျဲၤအံၤ တၢ်မ့ၢ်မၤအီၤန့ၣ် တၢ်ကီတၢ်ခဲလၢကဟဲကဲထီၣ်သးႇ တၢ်ဘၣ်ယိၣ် ဘၣ်ဘှီအဂီၢ် လီၢ်က၀ီၤကမျၢၢ်သ့ၣ်တဖၣ် တလိၣ်၀ဲဘၣ်ဒီး ထီဒါ၀ဲအဖီခိၣ် (KNDP) ၦၤပၢၤလီၢ်ဆ့ၣ်နီၤ မါအီၣ်ပၠံၣ်စိ စံး၀ဲဒ်အံၤန့ၣ်လီၤ. “ဖဲန့ၣ်တၢ်ပာ်ဖျါထီၣ်၀ဲတၢ်ဘၣ်သးန့ၣ် ပထံၣ်လီၤႉ ကမျၢၢ်သ့ၣ်တဖၣ် မ့ၢ်တဘၣ်သးဘၣ်န့ၣ် ပ၀ဲပၣ်တံၣ်နာ်က့ ပတၢ်ပာ်သးတခီ ပတလိးကီဘၣ်ႉ ပကဘၣ်ထီဒါလီၤႉ” အဂ့ၢ် စံးဘၣ် ခ့ၣ်အဲးစံၣ်=ကညီတၢ်ကစီၣ်န့ၣ်လီၤႉ လီမ့ၣ်ဒီး ဂံၢ်ဘါသဟီၣ်၀ဲၤကျိၤႇ တၢ်မၤလိၣ်ထီၣ်ဖးထီၣ် ထံဂံၢ်ဘါလီမ့ၣ်အူ ၀ဲၤကျိၤ ထုးထီၣ်၀ဲလံာ်လၢ ကမၤကွၢ်၀ဲ နီၣ်ဂံၢ် (၁) သီၣ်ယ့ၣ်ခး ထံအဂံၢ်အဘါအိၣ်ထဲလဲၣ်အဖီခိၣ် လီၢ်က၀ီၤကမျၢၢ်သ့ၣ်တဖၣ် ထီဒါပာ်ဖျါထီၣ်၀ဲတၢ်ဘၣ်သး ကဲထီၣ်၀ဲန့ၣ်လီၤ. နီၣ်ဂံၢ်(၁)သီၣ်ယ့ၣ်ခး လၢလီဂံၢ်ဘါသဟီၣ်အိၣ်၀ဲ ၁၅၀ မံၣ်ကၣ်၀းအံၤ အိၣ်ဆီလီၤအသးလၢ...
မၠီမၠၣ်ကီၢ်ဆၣ်အပူၤ သ၀ီတနီၤ လိၣ်ဘၣ်၀ဲထံအီ လၢဂ့ၢ်ဂီၢ်အူ
လါမ့ၤ ၈သီႇ၂၀၁၉နံၣ်ႇနါဖီမွံၤရှၣ် အ့ယၣ်၀တံၣ်ကီၢ်ခီဒိၣ် မၠီမၠၣ်ကီၢ်ဆၣ်အပူၤ သ၀ီအဖျၢၣ် (၁၀)ဃၣ်ဃၣ် လၢအပၣ်ဃုာ်ဒီး ပိလီ၀းႇတဲတဲကူဒီးယ့ၣ်ကၠီၣ်တိၣ် သ၀ီသ့ၣ်တဖၣ်အံၤ စးထီၣ်ဖဲ လါအ့ဖြ့ၣ်၂၀သီအနံၤန့ၣ် ထံကမါတဖၣ်လီၤသံးကွံာ်၀ဲအဃိ လီၢ်က၀ီၤဖိတဖၣ် လိၣ်ဘၣ်၀ဲထံအီ လၢဂ့ၢ်ဂီၢ်အူအပူၤအဂ့ၢ် တဲတဲကူသ၀ီၦၤပၢဆှၢတၢ် စီၤဒိၣ်ထူစံး၀ဲန့ၣ်လီၤ. စီၤဒိၣ်ထူစံး၀ဲလၢ“တနံၣ်ညါအံၤ တၢ်ကိၢ်ဒိၣ်၀ဲဒီးတၢ်တစူၤနီတဘျီဒံးဘၣ် အဃိ မူခိၣ်ထံလၢ တၢ်ပာ်ကီၤဃာ်တဖၣ် လီၤသံးကွံာ်၀ဲန့ၣ်လီၤႉ ၦၤနီၣ်ဂံၢ်ဟဲအါထီၣ်အဃိဘၣ်နးန့ၣ်လီၤႉ ထံအီႇ ထံလၢကသူအဂီၢ် လိၣ်ခံခါလၢာ်လီၤႉ လၢအပူၤကွံာ်နံၤသီတဖၣ် ၦၤဟဲမၤစၢၤၦၤအိၣ်ႇၦၤတဟဲမၤစၢၤဘၣ်အိၣ် ၂ သီလံ” အဂ့ၢ် စံးဘၣ် ခ့ၣ်အဲးစံၣ် ကညီတၢ်ကစီၣ်န့ၣ်လီၤႉ သ၀ီလၢအလိၣ်ဘၣ် ထံအီၤသ့ၣ်တဖၣ်အံၤ အိၣ်၀ဲဒၣ်လၢမၠီမၠၣ်ကီၢ်ဆၣ်အပူၤ အအိၣ်ဘူးဒီး ပီၣ်လဲၣ်ကပၤသ၀ီတဖၣ်န့ၣ်ဒီး မ့ၢ်ခူၣ်၀ဲထံပူၤႇ အ၀့ၣ်စံၣ်ပူၤတဖၣ်န့ၣ် ဟဲပၢၢ်ထီၣ်၀ဲဒၣ် ထံဟီသ့ၣ်တဖၣ်အဂ့ၢ် သ့ၣ်ညါဘၣ်လီၤ. အဃိ လၢထံအီဒီးထံလၢအ၀ဲသ့ၣ်ကသူအီၤတဖၣ်အံၤ ဘၣ်သူ၀ဲဒၣ်ထံကမါလၢအပူၤကွံာ် ဖံဖုသ့ၣ်တဖၣ် ခူၣ်တ့ၢ်ဃၣ်၀ဲကမါဒီး တနံၣ်ညါအံၤ တၢ်ကိၢ်ဒိၣ်အဃိ ထံလၢတၢ်ပာ်ကီၤဃာ်တဖၣ်လီၤသံးကွံာ်ဒီး လီၢ်က၀ီၤကမျၢၢ်တဖၣ် သဂၢၢ်ဘၣ်၀ဲတၢ်ကီတၢ်ခဲဒ်အံၤန့ၣ်လီၤ. ခရံာ်ဖိ ၦၤမၤစၢၤတၢ်ကရူၢ်ဒီး တၢ်ဂုၤထီၣ်ပသီထီၣ်၀ဲၤကျိၤ ဘၣ်မူဘၣ်ဒါ စီၤအီၣ်ထိလ့စံး၀ဲ“ပလဲၤဆှၢထံလၢ ပိလီ၀းန့ၣ်လီၤႉ တဲကူ သ၀ီဖိသ့ၣ်...
ခ့ၣ်အဲၣ်ယူၣ်ဒီး မိၣ်ကီၢ်သီပၣ်တံၣ်အဘၢၣ်စၢၤ တၢ်ဖ့ၣ်ဆၢအိၣ်ထီၣ်သးအံၤ က့ၤဘၣ်လိာ်ဖိးဒ့
လါမ့ၤ ၄ သီ ႇ၂၀၁၉နံၣ် ႇစီၤမၠးအူသၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်က&ၢဒီး မိၣ်ကီၢ်သီပၣ်တံၣ် (NMSP)တၢ်ဘၣ်ဂံာ်ဂူာ်ကဲထီၣ်အသးလၢတၢ် ထုးထီၣ်သ့ၣ်အဃိ တၢ်ခးလိာ်အသး တၢ်ဂ့ၢ်အံၤ ဖဲလါမ့ၤ၃သီအနံၤ မၤ၀ဲတၢ်ထံၣ်လိာ်အသး ဖဲဃိၣ်သၢဖျၢၣ်ကီၢ်ဆၣ် ႇ(သဘာ၀) ထံလီၤဆူတၢ်လီၢ်ဒီး က့ၤဘၣ်လိာ်ဖိးဒ့က့ၤလံအဂ့ၢ်န့ၣ် သ့ၣ်ညါဘၣ်လီၤ. ဃိၣ်သၢဖျၢၣ်ကီၢ်ဆၣ်ႇတၣ်ဒ့အဘူးတၢ်လီၢ်အပူၤ ဖဲအ့ဖြ့ၣ်၂၉သီအနံၤ တၢ်ခးလိာ်သးကဲထီၣ်၀ဲတၢ်ဂ့ၢ်အံၤ ခံခီခံကပၤ ခိၣ်နၢ်ၦၤဘၣ်မူဘၣ်ဒါတဖၣ် ထံၣ်လိာ် တၢၣ်ပီၣ်သကိး၀ဲဒီး ဘၣ်ဃးတၢ်ထုးထီၣ်သ့ၣ် ႇတၢ်တ့ကျဲသ့ၣ်တဖၣ်အံၤသုတၢ်တမၤအီၤဒီး က့ၤအိၣ်လၢနီၢ်ကစၢ်လီၢ်ကျဲဒီးတၢ်ဂ့ၢ်မ့ၢ်အိၣ်တမံၤမံၤတခီ ကဒုးသ့ၣ်ညါ၀ဲခံခီခံကပၤအဂီၢ် မၤန့ၢ်၀ဲတၢ်သးလီၤပလိာ်အဂ့ၢ် ခ့ၣ်အဲၣ်ယူၣ် ဒူပျာ်ယာ်ကီၢ်ရ့ၣ်ခိၣ် ပဒိၣ်စီၤရွ့ၣ်မီစံးဘၣ် ခ့ၣ်အဲးစံၣ်-ကညီတၢ်ကစီၣ် ဖဲလါမ့ၤ ၄သီန့ၣ်လီၤႉ “ထုးထီၣ်သ့ၣ်အံၤ တကးဘၣ် တၢ်ဘၢၣ်ကျဲတဖၣ် သုတမၤအီၤလၢၤတဂ့ၤႇ ကက့ၤအိၣ်ကဒါက့ၤလၢနီၢ်ကစၢ်လီၢ်ကျဲဒီးတၢ်လဲၤတၢ်က့ၤမ့ၢ်အိၣ်တခီကဟ့ၣ်ဒုးသ့ၣ်ညါ၀ဲခံခီခံကပၤခိၣ်နၢ်အဂ့ၢ်န့ၣ် မၤန့ၢ်တၢ်အၢၣ်လီၤတဖၣ်လီၤႉ တအဲၣ်ဒိးလၢတၢ်သီၣ်တၢ်သဲဘၣ် ႉ ကမၤလၢၦဲၤကမျၢၢ်လၢကဘၣ်ဒိဘၣ်ထံးအတၢ်ဘၣ်သးအဂ့ၢ် အဲၣ်ဒိးဆီၣ်သခူထီၣ်ခံခီခံကပၤသုးလီၤ”အဂ့ၢ် ခ့ၣ်အဲၣ်ယူၣ် ဒူပျာ်ယာ်ကီၢ်ရ့ၣ်ခိၣ်ပဒိၣ်စီၤရွ့ၣ်မီစံး၀ဲန့ၣ်လီၤ. လၢတၢ်တဲသကိး၀ဲန့ၣ်အပူၤ ခ့ၣ်အဲၣ်ယူၣ် ဒူပျာ်ယာ်ကီၢ်ရ့ၣ်ခိၣ် ပဒိၣ်စီၤရွ့ၣ်မီ ႇသုးက့ ၆ဒုးယၤ ခိၣ် သုးခိၣ်ဒိၣ်စိ စီၤကၠိဆွၣ် ႇသုးရ့ၣ် ၁၆ သုးရ့ၣ်ခိၣ် သုးခိၣ်ဒိၣ်ဂီၢ်ဂ့ၢ် စီၤရွ့ၣ်၀့...