ခ့ၣ်အဲၣ်ယူၣ်ဒီး မိၣ်ကီၢ်သီပၣ်တံၣ် တၢ်ဖ့ၣ်ဆၢအိၣ်ထီၣ်
လါမ့ၤ ၂ သီႇ ၂၀၁၉ နံၣ် ႇစီၤမၠၣ်အူသၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢဒီး မိၣ်ကီၢ်သီပၣ်တံၣ်(NMSP) လၢအဆဲးလီၤဃာ်၀ဲ(အဲၣ်စံၣ်အ့ၣ်)စုမုၢ်ကျၢၢ် ခံဖုအ ဘၢၣ်စၢၤအံၤ ဖဲအ့ဖြ့ၣ်၂၉သီန့ၣ် တၢ်ခးလိာ်အသးကဲထီၣ်ဖဲ ကၠၤအ့ဆ့ၣ်ကၠံကီၢ်ဆၣ်တၣ်တ့ တကပၤ၀ံၤအလီၢ်ခံအခဲအံၤ တဖုဒီးတဖုအဘၢၣ်စၢၤ တၢ်ဖ့ၣ်ဆၢအိၣ်ထီၣ်၀ဲန့ၣ်လီၤႉ ဟီၣ်က၀ီၤ တၢ်တဲအါလိာ်သးဒီး တၢ်ထုးထီၣ်သ့ၣ် တၢ်ဂ့ၢ်သ့ၣ်တဖၣ်အဃိ တၢ်ခးကဲထီၣ်အသးအဂ့ၢ် ခံခီခံကပၤ ၦၤဘၣ်မူဘၣ်ဒါတဖၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤႉ “မ့ၢ်ဒၣ်တၢ်ကဲထီၣ်အသးလၢတၢ်ပၢဆှၢဟီၣ်က၀ီၤအဃိလီၤႉ လၢအခီၣ်ထံးခါ ဃိၣ်သၢဖျၢၣ်မုၢ်နုာ်တကပၤ ယပၣ်ယ့ၣ်တွ့ဒီး တၣ်တ့ တၢ်လီၢ်သ့ၣ်တဖၣ်န့ၣ် အ၀ဲသ့ၣ်ဟံးန့ၢ်တၢ်လီၢ်ဖဲန့ၣ်လီၤႉ အခဲအံၤကျဲသီလၢတ့အါထီၣ်၀ဲခဲအံၤ ဟဲဟံးန့ၢ်အါထီၣ်တၢ်ဘံၣ်တၢ်ဘၢလီၤ ႉ ပမၢသုးက့ၤခံသနာ်က့တသုးက့ၤအသး ဘၣ်ဒီး ဟဲဆီလီၤအါထီၣ်ၦၤနီၣ်ဂံၢ်အဃိ ဒ်ပဟံးန့ၢ်တၢ်ဘံၣ်တၢ်ဘၢအသိး တၢ်ခးလိာ်သးကဲထီၣ်န့ၣ်လီၤႉ ပတအဲၣ်ဒိးလၢတၢ်မုာ်တၢ်ခုၣ်ကဘၣ်ဒိဘၣ်ထံးဘၣ်အဂ့ၢ် (KNLA) ကညီဒီကလုာ် တၢ်ထူၣ်ဖျဲး သုးမုၢ်ဒိၣ် သုး&့ၣ်(၁၆)ႇ သုးဒ့ခိၣ်(၂)သုးခိၣ်စိ စီၤအဲၣ်ဖျါစံးဘၣ် ခ့ၣ်အဲးစံၣ်န့ၣ်လီၤႉ ဒီး သုးခိၣ်စိ စီၤအဲၣ်ဖျါ စံးအါထီၣ်ကဒီး၀ဲလၢ တချုးလၢတၢ်ဆဲးလီၤ(အဲၣ်စံၣ်အ့ၣ်)စုမုၢ်ကျၢၢ်ကတီၢ်ဒံးဘၣ်န့ၣ် လၢအ၀ဲသ့ၣ် တၢ်ပၢဆှၢဟီၣ်က၀ီၤအပူၤ မ့ၢ်ဘၣ်ကွၢ်လၢဟီၣ်က၀ီၤတၢ်အိၣ်သးန့ၣ် မိၣ်ကီၢ်သီပၣ်တံၣ်အံၤ...
ဘုအၦ့ၤလီၤအဃိ ပါတနီၣ်ကီၢ်ဆၣ်အပူၤ ၦၤသူၣ်ဘု လၢတၢ်ယီၤခါတဖၣ် သဂၢၢ်ဘၣ်တၢ်ကီ
လါမ့ၤ ၃ သီႇ၂၀၁၉နံၣ် ႇ နါဖီမွံံၤရှၣ် ဖဲအ့ယၣ်၀တံၣ်ကီၢ်ခီဒိၣ်ႇ ပါတနီၤကီၢ်ဆၣ်အပူၤ ကတီၢ်အံၤဘၣ်ဖဲၦၤကူး၀ဲတၢ်ယီၤခါဘုကတီၢ်ဘၣ်ဆၣ် ဘုသးအၦ့ၤလီၤ၀ဲဒီး ၦၤလၢဟဲ ၦ့ၤဘုသးတဖၣ်စှၤ၀ဲအဃိ ၦၤသူၣ်ဘုလၢတၢ်ယီၤခါကတီၢ်တဖၣ် သဂၢၢ်ဘၣ်ဒီးတၢ်ကီတၢ်ခဲအဂ့ၢ် ၦၤမၤအီၣ်ဘုတဖၣ်စံး၀ဲန့ၣ်လီၤ. ပါတနီၣ်ကီၢ်ဆၣ် ဘယါနဆူၣ်သ၀ီဖိ ၦၤမၤအီၣ်ဘု ဂၣ်နါရှ့ၣ်စံး၀ဲ “အခဲအံၤ စ့သုခး(ဆင်းသုခ)ဘုန့ၣ်မး အိၣ်၀ဲယဲၢ်ကလီၢ်နွံကလး (၅၇၀ႇ၀၀၀)လီၤႉ မ့မ့ၢ်တၢ်စူၤခါဘုန့ၣ်အိၣ်တုၤလၢ ဃုကလီၢ်ယဲၢ်ကလး(၆၅၀ႇ၀၀၀)ညါႉ စဲးသိသနာ်က့ အၦ့ၤထီၣ် ႇ ချါသိ(ေမြသြဇာ)သနာ်က့အၦ့ၤထီၣ် ႉ ဘုဟးထီၣ်သနာ်က့တဂ့ၤအဃိ ၦၤမၤအီၣ်ဘုတဖၣ်ဃၣ်၀ဲသၢၣ်ႉ”အဂ့ၢ် စံး၀ဲန့ၣ်လီၤႉ လၢတၢ်သူၣ်၀ဲတၢ်ယီၤခါဘုအံၤန့ၣ် ဟီၣ်ခိၣ်တအ့ကၢၣ်န့ၣ် ဘုန့ၢ်၀ဲအနာ် (၇၀)ဃၣ်ဃၣ်ဒီး တၢ်လၢာ်ဘူၣ်လၢာ်စ့ၤတခီ ဟီၣ်ခိၣ်တအ့ ကၢၣ်န့ၣ် ဘုချံ(၂)နာ် ချါသိ(ေမြသြဇာ)=၂ထၢၣ် ႇစဲးထူစံာ်အသိ အကၣ်လၣ်(၂၀)ႇ ၦၤထူစံာ်ဖိ အစုဒိးလဲ=(၅၀ႇ၀၀၀)ကၠး ႇၦၤသူၣ်ဘုစုဒိးလဲ=ယဲၢ်ကလးကၠး ႇထၢနုာ်လီၤထံလၢစံာ်ပူၤ (၅၀ႇ၀၀၀) ႇၦၤကူးဘုဒီးမၤလီၤဖျဲၣ်ဘုစုဒိးလဲ အိၣ်တုၤလၢ=(၃၀၀၀၀)တုၤ (၅၀၀၀၀)ဆူအဖီခိၣ်အဂ့ၢ် သ့ၣ်ညါဘၣ်လၢၦၤမၤအီၣ်ဘုတဖၣ်အအိၣ်န့ၣ်လီၤ. လၢန့ၢ်အမဲာ်ညါ လၢကီၢ်ပဒိၣ်တၢ်သူၣ်တၢ်ဖျးစ့တၢးထုးထီၣ်ဟ့ၣ်လီၤဆိ၀ဲ တၢ်လၢာ်ဘူၣ်လၢာ်စ့ၤ စ့သ့ၣ်တဖၣ်အံၤ တၢ်ကဟ့ၣ်ကၣ် ကဒါက့ၤအဂီၢ် တၢ်ပာ်ဂံၢ်ပာ်ဘါလၢတၢ်ယီၤခါဘုအံၤဒီး ဘုအၦ့ၤလီၤ ဒ်အံၤအဖီခိၣ် လၢတၢ်ကက့ၤဟ့ၣ်လီၤကဒါက့ၤ တၢ်သူၣ်တၢ်ဖျးစ့တၢးအဂီၢ်...
တၢ်ထံၣ်လိာ်သံကွၢ်ဒီး ကီၢ်ခဲနဒၢ် ကညီ၀ၢ ၦၤပၢၤလီၢ်ဆ့ၣ်နီၤ စလိၣ်ဖါ
၂၀၂၀ ကီၢ်ပယီၤတၢ်ဃုထၢလၢကဟဲႇတကီၢ်ခါ ထံရူၢ်ကီၢ်သဲးတၢ်အိၣ်သးဒီး ဘၣ်ထွဲ ခ့ၣ်အဲၣ်ယူၣ် ကညီဒီကလုာ်စၢဖှိၣ်ကရၢ တၢ်မုာ်တၢ်ခုၣ်တၢ်လဲၤကျဲသ့ၣ်တဖၣ်အံၤ ခဲနဒၢ် ကညီတ၀ၢ (ခ့ၣ်စံၣ်စံၣ်)ၦၤပၢၤလီၢ်ဆ့ၣ်နီၤ စလိၣ်ဖါအတၢ်ထံၣ်အိၣ်၀ဲဒၣ်ဒ်အံၤန့ၣ်လီၤႉ သံကွၢ်,... ၂၀၂၀ တၢ်ဃုထၢအပူၤ ထံကီၢ်ပဒိၣ်လၢကဟဲထီၣ်လၢအသီတဖုအံၤ (ခ့ၣ်စံၣ်စံၣ်)တၢ်မုၢ်လၢ်ပာ်သးအိၣ်ဒ်လဲၣ်. စံးဆၢ,... ပဒိၣ်တဖုဂ့ၤႇ တဖုဂ့ၤ လၢအအိၣ်ဒီးတၢ်တူၢ်ခိၣ်ပာ်သး လၢအနၢ်ပၢၢ်ကီၢ်ပယီၤတၢ်ဂ့ၢ်ကီ အနၢ်ပၢၢ်၀ဲဒၣ်ကလုာ်ဒူၣ်တၢ်လိၣ်ဘၣ်ႇ အခီပညီန့ၣ်အမၤသကိး တၢ်ဒီးကလုာ်ဒူၣ်ခိၣ်နၢ်မ့ၢ်ဂ့ၤ အ၀ဲသ့ၣ်က ဘၣ်ထံၣ်၀ဲ ဒၣ်လၢကလုာ်ဒူၣ်အတၢ်လိၣ်ဘၣ် လၢတၢ်ထဲသိးတုၤသိးမ့ၢ်ဂ့ၤႇ နီၢ်ကစၢ်တၢ်ပၢလီၤသးမ့ၢ်ဂ့ၤ တၢ်တဆှၢန့ၣ် ကဘၣ်အိၣ်ခဲလၢာ်မီၤ ဒီးၦၤဟီၣ်ခိၣ်ဖိခွဲးယာ် တၢ်အ၀ဲန့ၣ် မ့ၢ်ပာ်ဃုာ်ခဲလၢာ်ခဲစ့မး ကမ့ၢ်ခိၣ်နၢ် လၢအကဲဘျုးလၢၦၤကမျၢၢ်သ့ၣ်တဖၣ်အဂီၢ်လီၤႉ ပမ့ၢ်ဘၣ်ကွၢ် ကီၢ်ပယီၤ ပမ့ၢ်ဘၣ်ထိၣ်သတြီၤဒီး ကီၢ်ခဲနဒၢ်န့ၣ် ထိၣ်သတြီၤတဘၣ်ဒံးဘၣ်ႉ ပကဘၣ်မၤဂ့ၤထီၣ်တၢ်အိၣ်ဒီဒူၣ်ႇ အဃိန့ၣ် ပဒိၣ်န့ၣ် ပလိၣ်ဘၣ်လၢအမ့ၢ်အတီဒီးအအဲၣ်ကလုာ်ဒူၣ်မ့ၢ်ဂ့ၤ ဘၣ်မနုၤလဲၣ် ကီၢ်ပယီၤန့ၣ် အအိၣ်အါလၢကလုာ်ဒူၣ်လီၤႉ အဃိန့ၣ် အ၀ဲသ့ၣ် ကဘၣ်မ့ၢ်ၦၤလၢအနၢ်ပၢၢ် ကီၢ်ပယီၤထံရူၢ်ကီၢ်သဲးဒီးကီၢ်ပယီၤတၢ်စံၣ်စိၤတဲစိၤမူာ်မူာ်နီၢ်နီၢ် ဒီးတၢၣ်ပီၣ်ဒီးကလုာ်ဒူၣ်တၢ်မိၣ်န့ၢ်သးလီသ့ၣ်တဖၣ် ခဲလၢာ်ခဲဆ့န့ၣ်လီၤ. သံကွၢ်,... ခ့ၣ်စံၣ်စံၣ် ထံၣ်၀ဲ တကီၢ်ခါ ကီၢ်ပယီၤထံရူၢ် ကီၢ်သဲးအဖီခိၣ်...
တၢ်ထံၣ်လိာ်သံကွၢ်ဒီး ခ့ၣ်အဲၣ်ယူၣ် စံၣ်ညီၣ်ကွီၢ်ခိၣ်ကျၢၢ်
ခ့ၣ်အဲၣ်ယူၣ် ကညီဒီကလုာ်စၢဖှိၣ်ကရၢတၢ်ပၢအဖီလာ် ၀ဲၤကျိၤ(၁၄)ဘိအကျါ ၀ဲၤကျိၤတဘိလၢအမ့ၢ် စံၣ်ညီၣ်ပီ တ့၀ဲၤကျိၤအတၢ်သူၣ်ထီၣ်ဆီလီၤအပတီၢ်တဖၣ် ဒီးအတၢ်ဖံးတၢ်မၤတဆံးတက့ၢ်အဂ့ၢ် ပထံၣ်လိာ်သံကွၢ်၀ဲဒီး လီၢ်ခၢၣ်သးစံၣ်ညီၣ်ကွီၢ်ခိၣ်ကျၢၢ် ပဒိၣ်နီၢ်မၠဲၣ်ဖိ ဒ်အံၤန့ၣ်လီၤႉ သံကွၢ်,... ခ့ၣ်အဲၣ်ယူၣ် စံၣ်ညီၣ်ကွီၢ်အတၢ်သူၣ်ထီၣ်ဆီလီၤအသး အကျိၤအကွာ်အိၣ်ဒ်လဲၣ်ဒီး တၢ်ဖံးတၢ်မၤသ့ၣ်တဖၣ် အမၤမနုၤသ့ၣ်တဖၣ်လဲၣ်ႉ စံးဆၢ,... ပ၀ဲခ့ၣ်အဲၣ်ယူၣ် ကညီဒီကလုာ်စၢဖှိၣ်ကရၢ စံၣ်ညီၣ်ပီတ့အံၤ တၢ်သူၣ်ထီၣ်အိၣ်၀ဲ (၄) ပတီၢ် ဒူသ၀ီပတီၢ်ႇ ကီၢ်ဆၣ်ပတီၢ်ႇ ကီၢ်ရ့ၣ်ပတီၢ်ဒီးလီၢ်ခၢၣ်သးပတီၢ်န့ၣ်လီၤႉ ဒီးစံၣ်ညီၣ်ပီတ့လၢဒူသ၀ီအပတီၢ်န့ၣ် မ့မ့ၢ်စ့ပယီၤန့ၣ် စံၣ်ညီၣ်၀ဲန့ၢ်၀ဲဒၣ် ၅ ကလးလီၤႉ မ့ၢ် အါန့ၢ် ဒ် ၅ ကလးန့ၣ် ဒူသ၀ီပတီၢ်စံၣ်ညီၣ်၀ဲတပၢဘၣ်ႉ အဃိ ဘၣ်လဲၤထီၣ်ဆူကီၢ်ဆၣ်အပတီၢ်ႇ ဒ်န့ၣ်အသိးလီၤႉ လၢကီၢ်ဆၣ်ပ တီၢ်သနာ်က့တၢ်ပာ်ပနီၣ်န့ၢ်အီၤစ့ၢ်ကီးလီၤႉ အဒိ, ၦၤတဂၤအံၤအမၤကမၣ် ကွီၢ်မ့ၣ်မတၤလဲၣ်ႉ ကဘၣ်လီၤဃိာ်ၦဲၤနံၣ်လဲၣ်ႉ တဘၣ်အါ န့ၣ်သၢနံၣ်ဘၣ်), တၢ်ကမၣ်တခါအံၤဒု မၤသံတၢ်လီၤအဃိႇ မၤသံတၢ်န့ၣ်အစှၤကတၢၢ်အနံၣ် ၁၀လီၤအဃိႇအနံၣ်တ ဆံဒုအ၀ဲမၤ၀ဲတပၢဘၣ်အဃိ ကဘၣ်ဆှၢထီၣ်၀ဲဆူကီၢ်ရ့ၣ်လီၤႉ လၢကီၢ်ရ့ၣ်န့ၣ် အ၀ဲစံၣ်ညီၣ်၀ဲဒၣ်သ့တုၤလၢတၢ်သံအပတီၢ်န့ၣ်လီၤႉ သနာ်က့အ၀ဲမၤသံ၀ဲတပၢဘၣ်ႉ ၦၤတဂၤလၢအမၤ ကမၣ်၀ဲကွီၢ်မ့ၣ်လၢ...
“တ့ၢ်ဂၢၢ်ဂၢၢ်ဒ်ဘျၢၣ်ကဆီႇ ကဒံးဘၣ်ဖီဘီတဘျီ”
၁.မိၢ်ထံးပၢ်ထံးလၢကီၢ်စဲၣ် အဲၣ်မၤလိနလံ၁်နလဲၢ် ၦၤတကလု၁်အသွံၣ်ထံ လံ၁်လဲၢ်မ့ၢ်ဝဲနီၣ်ဝံ၁်ခံ ၂.ကညီဖိလၢကီၢ်ခီဒိၣ် မၤလိက့ၤလံ၁်ညိၣ်သိၣ်ဒိၣ် အိၣ်ဆိးလၢထံဆၢႇ ကီၢ်သီ ဟံးဃ၁်မၤလိလံ၁်ကညီ ၃.ထံကီၢ်လၢလဲၤထီၣ်လဲၤထီ အလံ၁်အလဲၢ်အိၣ်ထီၣ်ဖီ ကီၢ်ဒိၣ်ထံဂ့ၤလၢပစိၤ တစူးကါၦၤကျိ၁်နါစိၤ ၄.တၢ်ကိၢ်ခါနံၤဖုၣ်ကတီၢ် ကီၢ်ရ့ၣ်ကီၢ်ဆၣ်မၤနီၢ်နီၢ် ဒ်ဖိလံၤကကူၣ်ဖးသ့ ဟံးမၤလိ၁်လံ၁်ထူလံ၁်စ့ ၅.ဖိလံၤခဲအံၤစံးသါသ့ မိၢ်ပၢ်ကျိ၁်တအဲၣ်ဒိးသ့ ဖိၣ်သၣ်ခဲအံၤတကသုၣ် မဲးအ့ၣ် ပျ့ၤသွဲးကဲၦၤကုၢ် ၆.ယွၤဟ့ၣ်ယုၢ်ပလံ၁်တၢ်ဖံး တမၤလိပမဲ၁်ပၢၢ်သံး ထူဟ့ၣ်သါလံ၁်ထူလံ၁်စ့ ကညီဖိဧၢ မၤလိသ့ ၇.ပလံ၁်ပလဲၢ်မ့ၢ်ဟါမၢ် ပၦၤကလု၁်ကလီၤမၢ် ကျိ၁်ဂ့ၢ်ပီညါတသ့ၣ်ညါ စၢၤလီၤတူ၁်အိၣ်တ့ၢ်ဒ်ချါ ၈.ပတသ့ၦၤကျိ၁်အဃိ ဂု၁်ကျဲးစၢးဟံးန့ၢ်မၤလိ ကွၢ်ကပ၁်နကျိ၁်တဂ့ၤ ကဲဘၣ်နဲနီၢ်ႇ စီၤဒိဂ့ၤ ၉.ပလံ၁်လဲၢ်ပတီၢ်မ့ၢ်ထီ ပၦၤကလု၁်ကထီၣ်ဖီ မၤလိလံ၁်တမ့ၢ်တၢ်ကီ ပမ့ၢ်ကျဲးစၢးမ့ၢ်တၢ်ညီ ၁ဝ.စိ၁်ကဖီက့ၤကျိ၁်ကညီ "တ့ၢ်ဂၢၢ်ဂၢၢ်ဒ်ဘျၢၣ်ကဆီ ကဒံးဘၣ်ဖီဘီတဘျီ" ဆၢထံၣ်နၤထံဆဲးမဲးဘီ. လၢ - တၢ်အဲၣ်ကကွဲၢ်ကဘီ စီၤကီၢ်ဖျါစ့ (တီနီၢ်ဖိ) ထါလံ၁်ဒိးသန့ၤ- ကညီတၢ်ဆဲးတၢ်လၤအလံ၁်ဟံးဃ၁် (သရၣ်မုၣ်အဲလ်ထၣ်လၤဘၣ်)
ကၠၤအ့ဆ့ၣ်ကၠံကီၢ်ဆၣ်အပူၤ သဂၢၢ်ဘၣ်ဒီးထံတၢ်ကီတၢ်ခဲအဂ့ၢ်
လါအ့ဖြ့ၣ် ၂၄ သီႇ ၂၀၁၉နံၣ်ႇ စီၤမၠၣ်အူသၣ် ကညီကီၢ်စဲၣ် ကၠးအ့ဆ့ၣ်ကၠံကီၢ်ဆၣ်အပူၤ စးထီၣ်လၢတလါအံၤလါအ့ဖြ့ၣ်ကတီၢ် တၢ်ကိၢ်ဒိၣ်အဃိ ဒူသ၀ီအပူၤ ထံပူၤႇ ထံကျိသ့ၣ်တဖၣ်လီၤသံးအဃိ ကတီၢ်အံၤ လီၢ်က၀ီၤဖိသ့ၣ်တဖၣ်သဂၢၢ်ဘၣ်ဒီးထံတၢ်ကီတၢ်ခဲအဂ့ၢ် လီၢ်က၀ီၤဖိတဖၣ်တဲ၀ဲန့ၣ်လီၤႉ နီတယွၣ်ဒူသ၀ီ ၦၤပၢဆှၢတၢ်အခိၣ် အူညိၣ်စ့ၣ်စံး၀ဲ“ထံကျိလၢသ၀ီကပၤဒီးထံပူၤသ့ၣ်တဖၣ်လီၤသံးလၢာ်လံႉ ၦၤနီၢ်ဂံၢ် ၆၀၀ ဘျဲၣ်အဂီၢ် ပဘၣ်လဲၤဟံးန့ၢ်ထံလၢ ချၢၣ်သ၀ီအစီၤစုၤ၀ဲတမံးလာ်ဘျဲၣ်န့ၣ်လီၤႉ ထံပူၤလၢၦၤဘၣ်မူဘၣ်ဒါတဖၣ်ဟဲခူၣ်န့ၢ်ၦၤသနာ်က့ထံအိၣ်တ့ၢ်ဒၣ်တစဲးဖိလီၤႉ ပဘၣ်ဒိးသန့ၤထီၣ်ပသးလၢ ၦၤလၢအဟဲမၤဘူၣ်ထံတဖၣ်အအိၣ်န့ၣ်လီၤႉ”အဂ့ၢ် စံးဘၣ်ခ့ၣ်အဲးစံၣ်လီၤႉ ကၠၤအ့ဆ့ၣ်ကၠံကီၢ်ဆၣ်အပူၤ သ၀ီအါဒၣ်တက့ၢ်ဟံးန့ၢ်၀ဲထံလၢ ထံကျိႇ ထံပူၤလၢအကျိၤအကျဲအါဘိဒီး စးထီၣ်ဖဲအ့ဖြ့ၣ်တၢတနွံန့ၣ် တၢ်ကိၢ်ဒိၣ်ထီၣ်အဃိ ထံသ့ၣ်တဖၣ်လီၤသံးဒီး တၢ်လဲၤခူၣ်န့ၢ်၀ဲထံပူၤ လၢထံကျိကပၤဒီး ဘၣ်ဒိးသန့ၤထီၣ်သးလၢၦၤဟဲမၤဘူၣ်ထံသ့ၣ်တဖၣ်အအိၣ်လီၤအဂ့ၢ်လီၢ်က၀ီၤဖိတဖၣ်တဲ၀ဲ လီၤႉ ပူကလ့ၣ်သ၀ီဖိ ကိၤထိ၀့ စံး၀ဲ “ပဘၣ်လဲၤထီထီၣ် ထံပဲးလၢကစၢၢ်ခိၣ်လၢကန့ၢ်ထံၦၤကညီ ၉၀၀အဂီၢ်လီၤႉ အခဲအံၤထံ၀ဲန့ၣ် တအိၣ်လၢၤဘၣ်ႉ ပဘၣ်လဲၤခူၣ်န့ၢ်ထံပူၤလၢသ၀ီထံကျိကပၤဒီးပဘၣ်ချီအီ၀ဲထံန့ၣ်လီၤ”အဂ့ၢ် တဲ၀ဲန့ၣ်လီၤႉ ဘၣ်ထွဲဒီး ထံကၤနိကၤ တၢ်ဂ့ၢ်အံၤ အခဲအံၤ တၢ်ကနီၤဖးလီၤစ့တၢ်လၢာ်ဘူၣ်လၢာ်စ့ၤလၢသ၀ီသ့ၣ်တဖၣ်အဂီၢ်၀ံၤ တၢ်ကခူၣ်န့ၢ်၀ဲ အ၀့ၣ်စံၣ်ထံပူၤတဖၣ်ဒီး တၢ်ကိၢ်ခါကတီၢ် တၢ်ကဟ့ၣ်နီၤလီၤ၀ဲထံအီသ့ၣ် တဖၣ်ဒီး သိလ့ၣ်လၢအဆှၢထံသ့ၣ်တဖၣ်တၢ်ကမၤစၢၤ၀ဲ သိၦ့ၤအဂ့ၢ် ကၠၤအ့ဆ့ၣ်ကၠံကီၢ်ဆၣ် ဒူသ၀ီတၢ်ဂုၤထီၣ်ပသီထီၣ်၀ဲၤကျိၤခိၣ် စီၤမၠ့ၣ်အီၣ်လ့ စံးဘၣ်...
နိၣ်တကီ ကီၢ်ဆၣ်အပူၤ တၢ်တၤကျိၣ်တၤစ့ တၢ်လိာ်ကဲတွဖၣ် ဟဲစှၤလီၤ
လါအ့ဖြ့ၣ် ၂၄ သီႇ ၂၀၁၉နံၣ်ႇ စီၤရှါ ကညီကီၢ်စဲၣ်ႇ နိၣ်တကီ(ကၠၤအ့ၣ်ဆ့ၣ်ကၠံ) ကီၢ်ဆၣ် တၢ်လီၢ်သ့ၣ်တဖၣ်အပူၤ လီၢ်က၀ီၤဖိသ့ၣ်တဖၣ် ကိးအီၤလၢ(our day)တၢ်တၤကျိၣ်တၤစ့ တၢ်လိာ်ကွဲတဖၣ်န့ၣ် စးထီၣ်လၢ၂၀၁၉ နံၣ်အံၤ ဟဲစှၤလီၤ၀ဲကယီကယီဒီး ကတီၢ်အံၤ တုၤလၢတအိၣ်လၢၤ ဘၣ်အဂ့ၢ် သ့ၣ်ညါဘၣ်လၢလီၢ်က၀ီၤဖိသ့ၣ်တဖၣ်တဲအဖီခိၣ်န့ၣ်လီၤႉ တချုး၂၀၁၉ နံၣ်ကတီၢ်ဒံးဘၣ်န့ၣ် နိၣ်တကီကီၢ်ဆၣ် သ၀ီသ့ၣ်တဖၣ်အပူၤ လၢတၢ်မၤ၀ဲတၢ်သူၣ်ဖှံသးညီတၢ်ရဲၣ်တၢ်ကျဲၤတဖၣ်အပူၤ ဒုးအိၣ်ထီၣ်၀ဲ အခိၣ်တီလၢတၢ်ဂုၤထီၣ်ပသီထီၣ်ဒီး မၤ၀ဲတၢ်တၤကျိၣ်တၤစ့တၢ်လိာ်ကွဲလီၢ်တဖၣ်အိၣ်၀ဲန့ၣ်လီၤႉ ကၠၤအ့ဆ့ၣ်ကၠံကီၢ်ဆၣ် ကီၢ်စဲၣ်ဘျီၣ်ဒိၣ်ခၢၣ်စး စီၤကပီၤထူစံး၀ဲ“ဒ်သိးသးစၢ်သ့ၣ်တဖၣ် ဘှီလီၤတၢ်သကဲးပ၀းကန့ၢ်အဂီၢ် ကီၢ်ပဒိၣ်ဘၣ်မူဘၣ်ဒါတဖၣ် ကလုာ်ဒူၣ်ကရူၢ်ကရၢသ့ၣ်တဖၣ် ဒုးနဲၣ်၀ဲကျဲလၢအဂ့ၤအဃိ လၢ၂ လါ ၃ လါကတီၢ် ဟးမၢ်ထီၣ်ဖးအါညါႇ တၢ်တၤကျိၣ်တၤစ့တဖၣ်အဃိ ဟံၣ်ဃီပူၤ နးထီၣ်ဖးဒိၣ်ညါႇ တၢ်သကဲပ၀းတဖၣ်ဟးဂီၤႉ ဟးဟုၣ် ၦၤတၢ်သ့ၣ်တဖၣ် ဟဲကဲထီၣ်အသး လီၤဆီလၢတၢ်ဘှီက့ၤသကဲးပ၀းလီၤ” အဂ့ၢ်စံး၀ဲန့ၣ်လီၤႉ တၢ်တၤကျိၣ်တၤစ့ သ့ၣ်တဖၣ်အံၤ ဖဲအပူၤကွံာ်န့ၣ် တၢ်မၤအီၤဒိၣ်ဒိၣ်မုၢ်မုၢ် လၢလီၢ်က၀ီၤဖိတနီၤႇ ဖီၣ်စုက၀ဲၤအဟံၣ်ဖိဃီတနီၤ လၢအ၀ဲသ့ၣ်တၢ်ကဲဘျုးအဂီၢ် မၤ၀ဲတၢ်နၢ်ပၢၢ်ဒီးၦၤဖီၣ်စုက၀ဲသ့ၣ်တဖၣ် တဆီဘၣ်တဆီ၀ံၤ အိးထီၣ်၀ဲ တၢ်တၤကျိၣ်တၢ်စ့ တၢ်လိာ်ကွဲအလီၢ်တဖၣ်အံၤ အိၣ်၀ဲအဂ့ၢ်...
ရွှ့ၣ်မၠၣ်စဲၣ်ဒံၣ်တၢ်တိာ်ကျဲၤ တၢ်ပာ်ဖျါထီၣ်တၢ်ဘၣ်သးအပူၤ ဃုာ်ဒီး နီၢ်အိလး ခဲလၢာ် ၅ဂၤ တၢ်ဖီၣ်ဟံးန့ၢ်အရ့
လါအ့ဖြ့ၣ် ၂၃ သီႇ၂၀၁၉နံၣ်ႇ ခ့ၣ်အဲၣ်စံၣ် နီၢ်အိလးလၢ ၦၤဟူးဂဲၤ ထံရူၢ်ကီၢ်သဲးအံၤ ဒီး ၦၤတီခိၣ်ရိၣ်မဲတၢ် ၄ ဂၤလၢ အထီဒါပာ်ဖျါထီၣ်တၢ်ဘၣ်သး ဘၣ်ဃးရွှ့ၣ်မၠၣ် စဲၣ်ဒံၣ် ဟံၣ်လီၢ်တၢ်တိာ်ကျဲၤတဖၣ်အံၤ ဖဲလါအ့ဖြ့ၣ် ၂၂သီအနံၤ ကညီကီၢ်စဲၣ်ႇ ရၤမတံ၀့ၢ်ပၢၤကီၢ် ဖီၣ်အ၀ဲသ့ၣ် လၢတၢ်ဘျၢနီၣ်ဂံၢ် ၁၉/၂၀အဂ့ၢ် ဒံၣ်မိၣ်ကရံၣ်စံၣ်ဒီးတၢ်မုၣ်တၢ်ခုၣ်ပိာ်မုၣ်ကရူၢ် တဲ၀ဲန့ၣ်လီၤ. ဖဲမဟါကၢာ်အနံၤ ရွှ့ၣ်မၠးစဲၣ်ဒံၣ် ဟံၣ်လီၢ်တၢ်တိာ်ကျဲၤအံၤ ဒ်သိးတၢ်ကပာ်ပတုာ်ကွံာ်အီၤအဂီၢ် လီၢ်က၀ီၤဖိတဖၣ် ပာ်ဖျါထီၣ်တၢ်ဘၣ်သးအပူၤ နီၢ်အိးလး လဲၤပာ်ဃုာ်၀ဲဒီး ဖဲအ၀ဲက့ၤ လၢ၀့ၢ်တကူၣ်ကတီၢ် ရၤမတံပၢၤကီၢ်လဲၤဖီၣ်အီၤအဂ့ၢ် ဒံၣ်မိၣ်ကရ့ၣ်စံၣ် ဒီးတၢ်မုာ်တၢ်ခုၣ် ပိာ်မုၣ်ကရူၢ်အကရၢဖိ မၣ်စၣ်ခၠံၣ်လ့ စံးဘၣ် ခ့ၣ်အဲးစံၣ် ကညီတၢ်ကစီၣ်န့ၣ်လီၤႉ “လီၢ်က၀ီၤဖိသ့ၣ်တဖၣ် ကပာ်ဖျါထီၣ်အတၢ်ဘၣ်သးလၢ အနီၢ်ကစၢ်ဒၣ်၀ဲလီၤႉ လၢအ၀ဲသ့ၣ် ပာ်ဖျါထီၣ် တၢ်ဘၣ်သး ကတီၢ်ဃ့တၢ်မၤစၢၤလၢ အမိကဟဲကွၢ်ထွဲကဟုကယာ် စၢၤအ၀ဲသ့ၣ်ဒီးလဲၤပာ်ဃုာ်၀ဲလီၤႉ လၢတၢ်ပာ်ဖျါထီၣ် တၢ်ဘၣ်သးန့ၣ် လီၢ်က၀ီၤဖိတဖၣ် မၤ၀ဲလၢအနီၢ်ကစၢ်အသိးလီၤႉ လၢတၢ်ပာ်ဖျါထီၣ် တၢ်ဘၣ်သးကတီၢ်ပၢၤ ကီၢ်သ့ၣ်တဖၣ်ဟဲဘှါဆှဲ၀ဲ တအိၣ်နီတမံၤဘၣ်ဒီး ဖဲအမိဟဲက့ၤလၢ၀့ၢ်တကူၣ်ကတီၢ်...
ၦၤလၢအခးသံအမၢၤ လၢကျိအံၤ တၢ်ကဟံးအီၤအရ့လၢသုးဂ့ၢ်၀ီတကပၤ
လါအ့ဖြ့ၣ် ၂၂သီႇ ၂၀၁၉နံၣ် ကညီကီၢ်စဲၣ်ႇ ကၠၤအ့ဆ့ၣ်ကၠံ၀့ၢ် က၀ီၤဒ့(၃)အပူၤ သုးဂ့ၢ်၀ီတၢ်ဘံၣ်တၢ်ဘၢအၦၤတဂၤလၢ အခးသံကွံာ်၀ဲ အမၢၤလၢကျိအံၤ တၢ်ဖီၣ်န့ၢ်အီၤဒီး တၢ်ကဟံးအီၤအရ့ ဒ်သုး တၢ်သိၣ်တၢ်သီတၢ်ဘျၢ အသိးလီၤအဂ့ၢ် ကီၢ်ဆၣ်ပၢ(ပၢၤ)ကီၢ်ခိၣ် စံးဘၣ် ခ့ၣ်အဲးစံၣ်န့ၣ်လီၤ. တၢ်ကဲထီၣ်အသးအံၤ ဖဲလါအ့ဖြ့ၣ် (......)သီ ဂီၤခီ ၉နၣ်ရံၣ်တခီ အဆၢကတီၢ် မၠိထဲၣ်၀့ လၢအအိၣ်၀့ၢ်ကၠဲးမယီ အမၤတၢ်လၢသုးဂ့ၢ်၀ီဘံၣ်ဘၢတဂၤအံၤ ဒိးထီၣ်၀ဲသိလ့ၣ်(Honda Fit)အံၤဒီး လဲၤ၀ဲဆူ မၣ်သၤကၠၤမိ (၂၈)နံၣ်လၢအအိၣ်ဖဲ ကၠၤအ့ဆ့ၣ်ကၠံ၀့ၢ်ႇ က၀ီၤဒ့(၃)အပူၤတဂၤအံၤ အဟံမဲာ်ညါဒီး ထုးထီၣ်၀ဲကျိဖုၣ် (9-MM)လၢအဖျီၣ်ခံထၢၣ် ၀ံၤခး၀ဲပိာ်မုၣ်အံၤ န့ၣ်လီၤ. ဖဲန့ၣ် ပိာ်မုၣ်၀ဲန့ၣ်အသးနါၦၢ်လၢအစ့ၣ်တကပၤ ကျိချံနုာ်လီၤဖျိထီၣ်က့ၤလၢအလီၢ်ခံထဲတထံၣ်ဧိၤဒီးအသးသမူဟးထီၣ်ကွံာ်၀ဲန့ၣ်လီၤႉ ၦၤခးတၢ်ဂၤန့ၣ် ဖဲမုၣ်ထူၣ်(၁၁)နၣ်ရံၣ်တခီအဆၢကတီၢ် က့ၤဒိးဖီၣ်အသး လၢ၀့ၢ်မီၣ်လမၠဲၣ် သုးဂ့ၢ်၀ီတၢ်ဘံၣ်တၢ်ဘၢ အအိၣ်အဂ့ၢ် သ့ၣ်ညါဘၣ်လၢၦၤဘၣ်မူဘၣ်ဒါအအိၣ် န့ၣ်လီၤ. ကီၢ်ဆၣ်ပၢၤကီၢ်ခိၣ် ၀့နဲၣ်စံး၀ဲ “မဟါကၢာ် ဂီၤခီကတီၢ် အဒီမါ၀ၤခံဂၤတဲအါလိာ်အသးဒီး ကဲထီၣ်တၢ်အ့ၣ်လိာ်အသးဒီး တဂၤဒီး တဂၤသးထီၣ်လိာ်အသးဒီး မၤလိာ်အသးလၢတလၢစုတလၢခိၣ်န့ၣ်လီၤႉ ဘၣ်ကျိတထံၣ်လၢအသးနါၦၢ် ၦၤမၤ ကမၣ်တၢ်န့ၣ် မ့ၢ်၀ဲၦၤ လၢသုးဂ့ၢ်၀ီတၢ်ဘံၣ်တၢ်ဘၢအၦၤအဃိ...
ကီၢ်ပဒိၣ် ကူၣ်သ့၀ဲၤကျိၤကပာ်ပနီၣ်န့ၢ်၀ဲ ကညီလံာ်ညိၣ်သိၣ်ဒိၣ်အံၤအဂီၢ် တၢ်ကဆဲးမၤအီၤ
လါအ့ဖြ့ၣ် ၂၁သီႇ ၂၀၁၉နံၣ်ႇ စီၤထိလ့ တၢ်ဒုးလိၣ်ထီၣ်ဖးထီၣ်ကညီလံာ်ညိၣ်သိၣ်ဒိၣ်ကမံးတံာ်တီခိၣ်ရိၣ်မဲကွဲးပာ်လီၤ၀ဲ ကညီစှီၤကျိာ် တတီၤအလံာ်ဖးအံၤ၀ံၤလံဒီး ဒ်သိးကီၢ်ပဒိၣ်ကူၣ်သ့၀ဲၤကျိၤ ကပာ်ပနီၣ်န့ၢ်အီၤအဂီၢ် တၢ်ကရဲၣ်ကျဲၤမၤအီၤအဂ့ၢ် ကမံးတံာ်နဲၣ်ရွဲၣ် မါသၣ်၀့အူစံးဘၣ်ခ့ၣ်အဲးစံၣ်လီၤ. အ၀ဲစံး၀ဲ “လံာ်ညိၣ်သိၣ်ဒိၣ်အဂီၢ် ကညီစှီၤဒီးၦိၢ်တတီၤလံာ်ဖးန့ၣ်၀ံၤလံႉ မ့မ့ၢ်လၢကညီပှိၢ်မုၢ်နုာ်အဂီၢ် ကတီၣ်ဖျါထီၣ် လၢအ့ရၣ်၀ တံၣ်ဒီ၀့ၢ်တကူၣ်ကီၢ်ခီဒိၣ်ၦၤဂ့ၢ်၀ီကိတိာ်အအိၣ်ႇ မ့မ့ၢ်ကညီစှီၤတခီကတီၣ်ဖျါထီၣ်လၢ ကညီကီၢ်စဲၣ်ၦၤဘၣ်မူဘၣ်ဒါႇ ၀့ၢ်တကူၣ်ႇအ့ရၣ်၀တံၣ်ႇ ပကိႇ တလၢၤႇ တနီသရံၣ် ၦၤဂ့ၢ်၀ီကိတိာ် သ့ၣ်တဖၣ်အအိၣ်န့ၣ်လီၤႉ ကလဲၤဒ်န့ၣ်တဆီဘၣ်တဆီတုၤ လၢကူၣ်သ့ကိ တိာ်၀ဲၤကျိၤပာ်ပနီၣ်န့ၢ်န့ၣ်လီၤႉ”အဂ့ၢ် စံး၀ဲဒၣ်ဖဲလါအ့ဖြ့ၣ် ၁၉သီအနံၤန့ၣ်လီၤ. တၢ်ဒုးအိၣ်ထီၣ်၀ဲ တၢ်ဒုးလိၣ်ထီၣ်ဖးထီၣ် ကညီလံာ်ညိၣ်သိၣ်ဒိၣ်ကမံးတံာ်အံၤ ဖဲ၂၀၁၈နံၣ်ႇ လါယူၤလံအပူၤ လၢ ၦၤကူၣ်ဘၣ်ကူၣ်သ့ဖိတဖၣ် လၢကီၢ်စဲၣ်ဒီးကီၢ်ခီဒိၣ်တဖၣ်ဒီး ကညီလံာ်လဲၢ်ဒီး တၢ်ဆဲးတၢ်လၤကမံးတံာ်ခၢၣ်စးတဖၣ်၀ံၤ ကမံးတံာ်အ၀ဲန့ၣ်ကွဲးပာ်လီၤ၀ဲ ကညီၦိၢ်ဒီးစှီၤတတီၤလံာ်ဖး၀ံၤပာ်ဂၢၢ်ပာ်ကျၢၤ၀ဲန့ၣ်လီၤ. လံာ်ညိၣ်သိၣ်ဒိၣ်အ၀ဲန့ၣ် တၢ်သိၣ်လိနံၣ်လၢကဟဲအံၤ ဒ်သိးတၢ်သိၣ်လိဘၣ်အီၤလၢကီၢ်ပဒိၣ်တီၤဖုၣ်ကၠိသ့ၣ်တဖၣ်အဂီၢ် ကမံးတံာ်အံၤ ဟ့ၣ်လီၤ၀ဲကၠိသရၣ်, သရၣ်မုၣ်တဖၣ်တၢ်သိၣ်လိ ဖဲအ့ဖြ့ၣ် ၅သီတုၤ ၉သီလၢ၀့ၢ်ပသံၣ်အပူၤ၀ံၤ မ့မ့ၢ်ကညီစှီၤ လံာ်အဂီၢ်ဟ့ၣ်လီၤ၀ဲကၠိသရၣ်, သရၣ်မုၣ်တၢ်သိၣ်လိဖဲ လါအ့ဖြ့ၣ် ၉သီတုၤ ၁၉သီအနံၤဖဲ၀့ၢ်တကူၣ်အပူၤန့ၣ်လီၤ. သရၣ်မုၣ်နီၢ်ကပီၤမူလၢအဟဲလၢသၣ်တီၣ်ကၠံအံၤ စံး၀ဲ“ဒ်လံာ်ညိၣ်သိၣ်ဒိၣ်အပူၤ ပမၤလိန့ၢ်ဘၣ်ခဲလၢာ်န့ၣ်လီၤႉ တၢ်ဃဲၤပူသ့ၣ်တဖၣ် ဖိသၣ်ကနၢ်ပၢၢ်အဂီၢ်...