တၢ်စုဆူၣ်ခီၣ်တကးလၢပိာ်မုၣ်ပိာ်မၢၤအဖီခိၣ် ကလီၤမၢ်အဂီၢ် ၁၆သီ KWO တၢ်ဟူးတၢ်ဂဲၤ ကမျၢၢ် ၅၀၀ ဃၣ်ဃၣ် ဟဲထီၣ်ပၣ်ဃုာ်
နိၣ်၀့ဘၢၣ်၂၉ သီ၊ ၂၀၁၈နံၣ်။ နါ၀့ၣ်ဖၠိစၣ် (KWO) ကညီပိာ်မုၣ်ကရၢ တီခိၣ်ရိၣ်မဲ၀ဲဒီးမၤ၀ဲ ၁၆ သီတၢ်ဟူးတၢ်ဂဲၤလၢ အမ့ၢ်တၢ်စုဆူၣ်ခီၣ်တကး လၢပိာ်မုၣ်ပိာ်မၢၤအဖီခိၣ် ကလီၤမၢ်ကွံာ်အဂီၢ် တၢ်ရဲၣ်တၢ်ကျဲၤအံၤ တၢ်မၤအီၤဖဲ (ခ့ၣ်အဲၣ်ယူၣ်)ဒူသထူၣ်ကီၢ်ရ့ၣ်၊ သုးက့(၁) တၢ်ပၢ တမိးဒီ (ကၠီၣ်တီၣ်)သ၀ီလ့ဂၢၢ်ကျၢၤတၢ်လီၢ်ဖဲနိၣ်၀့ဘၢၣ်၂၅ သီအနံၤဒီး လၢတၢ်ရဲၣ်တၢ်ကျဲၤအပူၤ တၢ်လီၢ်အါတီၤ ကညီပိာ်မုၣ်ခိၣ်နၢ်သ့ၣ် တဖၣ်ဟဲထီၣ်၀ဲဒၣ်န့ၣ်လီၤႉ တၢ်ရဲၣ်တၢ်ကျဲၤအခိၣ်တီလၢအမ့ၢ်“စၢၤသွဲၣ်သီလၢကပူၤဖျဲးဒီးတၢ်စုဆူၣ်ခီၣ်တကး”အံၤ (KWO) တကပၤခၢၣ်စးလၢဒဲက၀ီၤသ့ၣ်တဖၣ်၊ ကီၢ်ရ့ၣ်သ့ၣ်တဖၣ်ပာ်ဖှိၣ်ထီၣ်သးအဆိကတၢၢ်တဘျီဒီးမၤ၀ဲတၢ်ဟူးတၢ်ဂဲၤအဂ့ၢ် ၦၤဂ့ၢ်၀ီ၀ဲၤကျိၤ မူဒါခိၣ်နီၢ်ဒါမုၣ်စံးဘၣ်၀ဲဒ်အံၤန့ၣ်လီၤႉ “တၢ်ဟူးတၢ်ဂဲၤဒ်အံၤန့ၣ်(KWO)တကပၤလၢညါဟူးဂဲၤလၢကီၢ်ဆၢတၢ်လီၢ်သ့ၣ်တဖၣ်အပူၤအါ၀ဲ၊ မ့ၢ်၀ံၤ (KWO)ဘၣ်ထွဲဘၣ်ဃးကီၢ်ရ့ၣ်ကီၢ်ဆၣ်သ့ၣ်တဖၣ်အပူၤ တၢ်မၤအီၤတဆံးတက့ၢ်၊ မ့ၢ်၀ံၤလၢကၠိသ့ၣ်တဖၣ်အပူၤ၊ ကမျၢၢ်သ့ၣ်တဖၣ်အံၤ တၢ်ဟ့ၣ်တၢ်သ့ၣ်ညါလၢအမ့ၢ်ပိာ်မုၣ်တၢ်ဘံၣ်တၢ်ဘၢ၊ တၢ်စုဆူၣ်ခီၣ်ကး လၢပိာ်မုၣ်တဖၣ်အဖီခိၣ်၊ ပိာ်မုၣ်အခွဲးအယာ်ဒီးဟံၣ်ပူၤတၢ်စုဆူၣ်ခီၣ်တကးသ့ၣ်တဖၣ်န့ၣ်လီၤႉ ပာ်ဖှိၣ်ထီၣ်သးဒီး မၤအီၤလၢကီၢ်ပူၤဒ်အံၤတအိၣ်နီတဘျီဒံးဘၣ်ႉ ”အဂ့ၢ် နီၢ်ဒါမုၣ်စံးဘၣ်ခ့ၣ်အဲးစံၣ်န့ၣ်လီၤႉ တချုးတုၤတၢ်ရဲၣ်တၢ်ကျဲၤ၀ဲအံၤဘၣ်ကတီၢ်လၢနိၣ်၀့ဘၢၣ်၂၄သီအနံၤ ကီၢ်ရ့ၣ်အပူၤ တၢ်အိၣ်ဆူၣ်အိၣ်ချ့၊ တၢ်ကူၣ်ဘၣ်ကူၣ်သ့၀ဲၤကျိၤဒီး လီၢ်က၀ီၤဖိသ့ၣ်တဖၣ်အိၣ်ဒီးတၢ်လိာ်ကွဲဖျၢၣ်ဃာ်၊ ဖျၢၣ်ထူ၊ ဖျၢၣ်ၦီၢ်ဒီး လၢဖိသၣ်ဒီးပိာ်မုၣ်သ့ၣ်တဖၣ်အဂီၢ်အိၣ်ဒီးတၢ်လိာ်ကွဲအဂၤန့ၣ် လီၤႉ လၢဟါခီကတီၢ်တၢ်ဟ့ၣ်လီၤက့ၤ၀ဲခိၣ်ဖး၊ တၢ်တဲလီၤတၢ်ဒီးတၢ်သူၣ်၀ံၣ်သးဆၢတၢ်ရဲၣ်တၢ်ကျဲၤတဖၣ်အိၣ်၀ဲန့ၣ်လီၤႉ လၢတၢ်ရဲၣ်တၢ်ကျဲၤအပူၤ တၢ်တဲပၠးလီၤ၀ဲ ၁၆သီကတီၢ် တၢ်ဟူးတၢ်ဂဲၤတဖၣ်အဂ့ၢ်၊ ပိာ်မုၣ်အခွဲးအယာ်ဒီးတၢ်စုဆူၣ်ခီၣ်တကး ဟဲကဲထီၣ်သးအဂ့ၢ်တဖၣ်၊ လၢတၢ်ကူစါယါဘျါတၢ်ဟူးတၢ်ဂဲၤဒီးပျံၤ၀ါတၢ်ပနီၣ်အခီပညီတဖၣ်...
၂၀၁၈ နံၣ် ပဒိၣ်မါရှၣ်ခိၣ်နၢ်ဖိ ခိၣ်ဖးအဂီၢ် တၢ်ဆှၢထီၣ်၀ဲမံၤန့ၢ်လံ
နိၣ်၀့ဘၢၣ်၂၉ သီ၊ ၂၀၁၈နံၣ်။ စးအဲၣ်ဆူ (ခ့ၣ်အဲၣ်ယူၣ်)ကညီဒီကလုာ်စၢဖှိၣ်ကရၢနဲၣ်ရွဲၣ်ခိၣ်ကျၢၢ်လီၢ်လံၤပဒိၣ်မါရှၣ်လါဖါဒီးအမၢၤနၣ်ကၠ့ၣ်ရွ့ၣ်အဂီၢ်တၢ်ပညိၣ်အီၤဒီးတၢ်ဒုးအိၣ်ထီၣ်၀ဲ(Phan Foundation)အံၤဟ့ၣ်လီၤ၀ဲ ၂၀၁၈နံၣ်အဂီၢ်သးစၢ်ခိၣ်နၢ်ဖိ ခိၣ်ဖးအဂီၢ် ဆှၢထီၣ်၀ဲအမံၤန့ၢ်လံအဂ့ၢ်(Phan Foundation)ရၤလီၤ၀ဲ တၢ်ဘိးဘၣ်သ့ၣ်ညါဖဲ လါနိၣ်၀့ဘၢၣ် ၂၂သီအနံၤန့ၣ်လီၤႉ ပဒိၣ်မါရှၣ်ခိၣ်နၢ်ဖိခိၣ်ဖးအံၤ မ့ၢ်၀ဲၦၤလၢအတကွၢ်တၢ်လၢနီၢ်ကစၢ်တၢ်ဘၣ်ဘျုး ဂီၢ်ဘၣ်ဒီးလၢကလုာ်အဂီၢ်တၢ်ကူၣ်ဘၣ်ကူၣ်သ့မ့ၢ်ဂ့ၤ၊ တၢ်အိၣ်ဆူၣ်အိၣ်ချ့မ့ၢ်ဂ့ၤ၊ ၦၤကညီခွဲးယာ်မ့ၢ်ဂ့ၤ တၢ်ဆဲးတၢ်လၤတၢ်သ့ၣ်တဖၣ်အံၤမ့ၢ်ဂ့ၤ ၦၤလၢဟ့ၣ်လီၤအသးဒီးအဟူးဂဲၤ မၤအီၤသ့ၣ်တဖၣ် ၃၅နံၣ် ဆူအဖီလာ်ကညီသးစၢ်သ့ၣ်တဖၣ်ဘၣ်တၢ်ဟ့ၣ်အီၤန့ၣ်လီၤႉ ပဒိၣ်မါရှၣ်လါဖါဖိခွါဆံးစးလိၣ်ဖါစံး၀ဲလၢ“နံၣ်ကတီၢ်အ၀ဲအံၤ ကညီသးစၢ်လၢကီၢ်ပူၤကီၢ်ချၢ ကီၢ်ဆၢသ့ၣ်တဖၣ်ပၣ်ဃုာ်၀ဲဒၣ်လၢတၢ်တဲသကိးထံရူၢ်ကီၢ်သဲးအပူၤန့ၣ်လီၤႉ အဃိတနံၣ်အံၤ ပအဲၣ်ဒိးလၢကဆှၢထီၣ်မံၤအါအါန့ၣ်လီၤႉ စၢၤသွဲၣ်သီသ့ၣ်တဖၣ်မ့ၢ်ၦၤလၢအရ့ဒိၣ်ဒီးစၢၤသွဲၣ်သီသ့ၣ်တဖၣ်အံၤကဟူးဂဲၤအါထီၣ်လၢတၢ်ကရၢကရိဒီးကလုာ်တၢ်မၤအါထီၣ်အဂီၢ်ပဟ့ၣ်ခိၣ်ဖးအံၤလီၤႉ”။ ဒ်တၢ်ပာ်ပနီၣ်ဃာ်အသိးသးစၢ်လၢအမၤန့ၢ်ခိၣ်ဖးအံၤန့ၣ်တၢ်ကဟ့ၣ်လီၤအီၤလၢကီၢ်အမဲရ့ကၤစ့ဒီလၣ်(၂၀၀၀)ဒီးၦၤလၢအဒိးန့ၢ်ခိၣ်ဖးအံၤတၢ်ကဒုးသ့ၣ်ညါဘိးဘၣ်ရၤလီၤအီၤဖဲ၂၀၁၉နံၣ်ထီၣ်အကတီၢ်ဒီးတၢ်ကဟ့ၣ်လီၤအီၤဖဲကညီတၢ်ပၢၢ်ဆၢမုၢ်နံၤ(၇၀)နံၣ်ၦဲၤထီၣ်တၢ်ရၤတၢ်ကျဲၤအပူၤန့ၣ်လီၤႉ လၢတၢ်တီၣ်ထီၣ်စရီအဂီၢ် မံၤ၊ သးနံၣ်၊ အိၣ်ဖျဲၣ်နံၤသီ၊ တၢ်လီၢ်၊ တၢ်ကရၢကရိအမံၤ၊ တမ့ၢ်လၢနနီၢ်ကစၢ်ဘၣ်တီၣ်ထီၣ်မံၤဘၣ်ဒီးကညီတၢ်ကရၢကရိတဖုဖုတီၣ်ထီၣ်၀ဲသ့တုၤလၢလါဒံၣ်စ့ဘၢၣ်၃၁သီလီၢ်ခံကတၢၢ်ဒီးဆှၢထီၣ်အီၤသ့လၢကညီ၊ ပယီၤ၊ ကီၤလၤ၀ါကျိာ်သ့ၣ်တဖၣ်လၢ(bwabwa.phan@phanfoundation.org)အပူၤန့ၣ်လီၤႉ ဖါဖီၣ်ဒ့ရှၢၣ်အံၤဘၣ်တၢ်ဒုးအိၣ်ထီၣ်အီၤခီဖျိ(ခ့ၣ်အဲၣ်ယူၣ်)နဲၣ်ရွဲၣ်ခိၣ်ကျၢၢ်လီၢ်လံၤပဒိၣ်မါရှၣ်လါဖါ လၢအစူးကွံာ်အသးဖဲ၂၀၀၈နံၣ်၊ လါဖ့ၣ်ဘြူၤအါရံၤ၁၄သီ လၢကီၢ်ကၠီၣ်တဲၣ်ကီၢ်ပယီၤကီၢ်ဆၢ၊ ၀့ၢ်မဲၢ်ဆီးအပူၤ ၦၤလၢတၢ်တသ့ၣ်ညါအမံၤတဂၤဟဲခးသံအီၤဒီး အဖိမုၣ်၊ အဖိခွါတဖၣ်လၢအမ့ၢ် စီၤစ့စ့ဖါ၊ နါဘွါဘွါဖါ၊ နါစိၣ်ယဖါ၊စးစလိၣ်ဖါသ့ၣ်တဖၣ်အံၤ ပညိၣ်၀ဲလၢအပၢ်အဂီၢ်ဒီးဒုးအိၣ်ထီၣ်၀ဲန့ၣ်လီၤႉ
သုးမီၤစိရိၤသနူကျဲ (ဂ၁်လွံၢ်တဲ၁်သနူ)
၁.စးထီၣ်လၢတၢခွံလွံၢ်ခွံ (၁၉၄၉) တၢ်ပၢၢ်ဆၢစးထီၣ်ဝဲလံ တုၤမ့ၢ်လၢတၢခွံဃိးလွံၢ် (၁၉၈၄) နွံဖျၢၣ်ဒဲကဝီၤအိၣ်နံၣ် ၂.ဘၣ်ကီဘၣ်ခဲအိၣ်ထီၣ်ဝဲ မ့ၢ်မီၤစိရိၤသနူကျဲ ထံလီၢ်ကီၢ်ပူၤတၢ်အိၣ်သး ...
တၢ်တတူၢ်လိာ်ဒံးတၢ်လီၤဆီလိာ်သးဘၣ်အဃိ တၢ်စုက၀ဲၤတၢ်သဘံၣ်သဘုၣ်ကအိၣ်ထီၣ်၀ဲအဂ့ၢ် (ခ့ၣ်အဲၣ်ယူ)ကရၢခိၣ်စံး
လါနိၣ်၀့ဘၢၣ် ၂၃ သီ၊ ၂၀၁၈နံၣ်။ စအဲၣ်ဆူ ခီဖျိတၢ်တတူၢ်လိာ်၀ဲတၢ်လီၤဆီလိာ်သးတၢ်အိၣ်သးတဖၣ်ဘၣ်အဃိ ထံလီၢ်ကီၢ်ပူၤ တၢ်စုက၀ဲၤတၢ်သဘံၣ်သဘုၣ် ကအိၣ်ထီၣ်၀ဲ အဂ့ၢ်(ခ့ၣ်အဲၣ်ယူၣ်)ကညီဒီကလုာ်စၢဖှိၣ်ကရၢကရၢခိၣ် သုးခိၣ်ကျၢၢ်စိ စီၤမူးတူစ့ဖိကတိၤလီၤ၀ဲ ဖဲလါနိၣ်၀့ဘၢၣ်၂၁သီ လၢတၢ်မၤ၀ဲကလုာ်တၢ်ဃူတၢ်ဖိးဒီးတၢ်မုာ်တၢ်ခုၣ်ကအိၣ်ဖျါထီၣ်မူး တၢ်အိးထီၣ်မူးအပူၤ ဖဲ၀့ၢ်န့ၢ်ပၠံၢ်တီၣ်န့ၣ်လီၤႉ “လၢပထံကီၢ်အပူၤ တုၤကတီၢ်အံၤစုက၀ဲၤတၢ်သဘံၣ်သဘုၣ်အခီၣ်ထံးခီၣ်ဘိန့ၣ် မ့ၢ်၀ဲတၢ်တပာ်လုၢ်ပာ်ၦ့ၤပာ်ကဲ၀ဲ တၢ်တဒ်သိးလိာ်သးတၢ်ဂ့ၢ်သ့ၣ်တဖၣ်န့ၣ်လီၤႉ ကလုာ်တၢ်စူၣ်တၢ်နာ်၊ တၢ်ဘူၣ်တၢ်ဘါ၊ တၢ်အိၣ်တၢ်ဆိးတၢ်လီၤဆီ လိာ်သးလၢအသဘျ့၊တၢ်တုၤသိးထဲသိးသ့ၣ်တဖၣ်အံၤမ့ၢ်တၢ်အခီၣ်ထံးခီၣ်ဘိသ့ၣ်တဖၣ်လၢတၢ်သူအီၤစှၤအဃိလီၤ” အဂ့ၢ် သုးခိၣ်ကျၢၢ်စိစီၤမူးတူစ့ဖိစံး၀ဲန့ၣ်လီၤႉ လၢန့ၢ်အမဲာ်ညါကတီၢ်အံၤစုက၀ဲၤတၢ်ဘၣ်ဂံာ်ဂူာ်အံၤတၢ်ကဃုအစၢလၢထံရူၢ်ကီၢ်သဲးတခါလၢတၢ်ကရူၢ်ကရၢသ့ၣ်တဖၣ်အဘၢၣ်စၢၤတၢ်စံၣ်စိၤတဲစိၤတၢ်လဲၤခီဖျိ၊ ဒိးသန့ၤထီၣ်သးလၢတၢ်ဒိၣ်ထီၣ်ခိၣ်ဃၢၤန့ဆၢၣ် တၢ်ဃုသ့ၣ်ညါလၢနီၢ်ကစၢ်လီၢ်ကျဲ၊ တၢ်ကတဲသကိးလၢ တၢ်ထံၣ်စိအဖီခိၣ်တခါအဃိ ကိးဂၤကိးဖုဒဲးတူၢ်လိာ်ကန့ၢ်အဂီၢ်တၢ်ကီတၢ်ခဲအိၣ်အဂ့ၢ်(ခ့ၣ်အဲၣ်ယူၣ်)ကရၢခိၣ်တဲဃုာ်၀ဲန့ၣ်လီၤႉ ကတီၢ်အံၤတၢ်မုာ်တၢ်ခုၣ်တၢ်လဲၤကျဲလၢအအိၣ်ကတာ်ထီအသးအံၤ ခ့ၣ်အဲၣ်ယူၣ်တခီ ထုးထီၣ်ဘိးဘၣ်ရၤလီၤ၀ဲ အတၢ်ပာ်သးဒီး စံး၀ဲလၢ တၢ်ကတိၤတၢ်မုာ်တၢ်ခုၣ်ဆူညါန့ၣ် တၢ်ထံၣ်လိာ်ကတိၤတၢ်လၢအဖိးသဲစးအလီၢ်န့ၣ် ကထံၣ်လိာ်တဲသကိးတၢ်လၢအသဘျ့အါထီၣ်အဂ့ၢ်တဲဖျါထီၣ်ပာ်၀ဲန့ၣ်လီၤႉ ဖဲ လါနိၣ်၀့ဘၢၣ် ၁၇သီအနံၤ ခ့ၣ်အဲၣ်ယူၣ်ခၢၣ်စးတဖၣ်ဒီး တၢ်မုာ်တၢ်ခုၣ်ခီမံရှၢၣ် (ဖံၣ်စံၣ်) ခၢၣ်းစးတဖၣ် အဘၢၣ်စၢၤ မၤ၀ဲတၢ်ထံၣ်လိာ်သကိးလၢအသဘျ့ဖဲ ကီၢ်ကၠီၣ်တဲၣ်၀့ၢ်ကံၣ်မဲအပူၤ အလီၢ်ခံ(ခ့ၣ်အဲၣ်ယူၣ်) တကပၤကလဲၤ၀ဲဒ်ကီၢ်ဒီတဘ့ၣ် တၢ်ပတုာ်တၢ်ခး(အဲၣ်စံၣ်အ့ၣ်)ကျဲလၢအဘၣ်ဒီးအိၣ်ဒီးတၢ်တုၤသိးထဲသိးအဂ့ၢ်စံး၀ဲန့ၣ်လီၤႉ တကီၢ်ခါ တၢ်မုာ်တၢ်ခုၣ်တၢ်လဲၤကျဲၤလၢတလဲၤဆူမဲာ်ညါ၊ တဂုၤက့ၤလီၢ်ခံတၢ်အိၣ်သးတဖၣ်အံၤဒီး လၢကီၢ်ပယီၤကလံၤစိးတကပၤန့ၣ် တၢ်ဒုးတၢ်ယၤ တၢ်သဘံၣ်သဘုၣ်တဖၣ် ဆဲးကဲထီၣ်အသးဒံးအဖီခိၣ် လီၢ်က၀ီၤဖိသ့ၣ်တဖၣ်ဘၣ်သုးလီၢ်သုးကျဲဒီး ဘၣ်ဟးအိၣ်ကဒုအသးသ့ၣ်တဖၣ် ဆဲးအိၣ်ထီၣ်ဒံး၀ဲန့ၣ်လီၤႉ (Religions...
တၢ်ဟဲသံကွၢ်သံဒိး မဲၢ်လးဒဲက၀ီၤဖိ လၢကက့ၤလီၤဆူအလီၢ်အကျဲတဖၣ်၀ံၤ
နိၣ်၀့ဘၢၣ် ၂၃သီ၊ ၂၀၁၈နံၣ်၊စးအဲၣ်ဆူ ကီၢ်ကၠီၣ်တဲၣ်ကီၢ်ကယီၤကီၢ်ဆၢ၊ မဲၢ်လးကညီဘၣ်ကီဘၣ်ခဲဒဲက၀ီၤပူၤ ၦၤဘၣ်ကီဘၣ်ခဲဖိဂ့ၢ်၀ီ ဘီမုၢ်စၢဖှိၣ်၀ဲၤဒၢး (UNHCR) အိးထီၣ်ဃာ်၀ဲ (Voluntary Repatriation Center-VRC ) လၢအမ့ၢ်တၢ်က့ၤကဒါက့ၤလၢနီၢ်ကစၢ်တၢ်ဘၣ်သး အံၤအ၀ဲၤဒၢးအပူၤ ၦၤလၢအဟဲတီၣ်ထီၣ်ဃာ်မံၤ ၁၈ ဂၤအံၤ ဖဲလါနိၣ်၀့ဘၢၣ် ၁၅သီအနံၤ ကီၢ်ကၠီၣ်တဲၣ်ဒီးကီၢ်ပယီၤၦၤ ဘၣ်မူဘၣ်ဒါတဖၣ် ဟဲတၢ်ထံၣ်လိာ်သံဒိးသံကွၢ်အ၀ဲသ့ၣ်၀ံၤ၀ဲလံအဂ့ၢ်န့ၣ် ဒဲက၀ီၤၦၤ ဘၣ်မူဘၣ်ဒါတဖၣ်တဲ၀ဲန့ၣ်လီၤႉ ဒဲက၀ီၤနဲၣ်ရွဲၣ်စီၤစဲမစၢၣ်စံး၀ဲလၢ“ၦၤကက့ၤလီၤအမံၤစရီအိၣ်၀ဲ၂၁ဂၤ၊ ဘၣ်ဆၣ်ကီၢ်ပယီၤပဒိၣ်ဒီးကၠီၣ်တဲၣ်ၦၤဘၣ်မူဘၣ်ဒါတဖၣ် ဟဲပာ်ဂၢၢ်ပာ်ကျၢၤကတီၢ်အိၣ်တ့ၢ်၀ဲ၁၈ဂၤန့ၣ်လီၤႉ ၁၈ဂၤအကျါ ၈ဂၤခီ တက့ၤလၢၤဘၣ်အဂ့ၢ်သ့ၣ်ညါဘၣ်လီၤႉ မ့မ့ၢ်လၢဟံၣ်ဒူၣ်တခီ အိၣ်၀ဲ (၅)ဒူၣ်ဘၣ်ဆၣ်မ့ၢ်မတၤမတၤတခီပတသ့ၣ်ညါဘၣ်ႉ” အဂ့ၢ် စံးဘၣ်ခ့ၣ်အဲးစံၣ်ကညီတၢ်ကစီၣ်န့ၣ်လီၤႉ ၦၤဘၣ်မူဘၣ်ဒါတဖၣ် ကတဲာ်ကတီၤ၀ဲလၢကက့ၤဆှၢက့ၤ၀ဲ တၢ်ကက့ၤလီၤသၢ၀ီတ၀ီအံၤအပူၤ မဲၢ်လးဒဲက၀ီၤတကးဘၣ်အမဲာ်ညါ နိၣ်ဖိ၊ အူပၠၣ်၊ ထါမ်ဟ့ၣ်ဒဲက၀ီၤတဖၣ် ပၣ်ဃုာ်၀ဲဒီးဖဲအပူၤကွံာ်တနွံအတီၢ်ပူၤ ထံကီၢ်ခံဘ့ၣ်ၦၤဘၣ်မူ ဘၣ်ဒါတဖၣ်ဟဲထံၣ်လိာ်သံကွၢ်၀ံၤလံ၀ဲအဂ့ၢ်စီၤစဲမစၢၣ်တဲအါထီၣ်၀ဲလီၤႉ လၢတၢ်ထံၣ်လိာ်အသး၀ံၤကတီၢ်ခ့ၣ်အဲးစံၣ်တကပၤသံကွၢ်၀ဲ (UNHCR)ၦၤဘၣ်မူဘၣ်ဒါ လၢ(Email)အပူၤသနာ်က့တၢ်ကစံးဆၢတအိၣ်နီတမံၤဘၣ်န့ၣ်လီၤႉ ဖဲအပူၤကွံာ် လါအီးကူာ်န့ၣ် (UNHCR)စံးတ့ၢ်ဃာ်၀ဲ ခ့ၣ်အဲးစံၣ်လၢ အ၀ဲသ့ၣ် ဆှၢဃီၤ၀ဲၦၤကညီ ၁၀၀ဘျဲၣ်လၢတၢတဘျီဒီး ခံတဘျီ၀ံၤလံဒီးလၢသၢဘျီတဘျီအံၤပညိၣ်ဃာ်၀ဲလၢတၢ်ကဆှၢအီၤလၢလါအိးကထိဘၢၣ်အပူၤဘၣ်ဆၣ်သနာ်က့ၤခီဖျိမူခိၣ်ကလံၤသၣ်ဂီၤအဃိတကဲထီၣ်ဒ်ဘၣ်အဂ့ၢ်န့ၣ်လီၤႉ ကတီၢ်အံၤကီၢ်ကၠီၣ်တဲၣ်ကီၢ်ပယီၤကီၢ်ဆၢအပူၤ မဲၢ်လး၊ အူပၠၣ်၊ နိၣ်ဖိ၊ မဲၢ်လးအူ၊...
ကညီဒီကလုာ်စၢဖှိၣ်ကရၢစံး၀ဲသါကကတိၤတၢ်မုာ်တၢ်ခုၣ်အဂ့ၢ်လၢတၢ်သဘျ့အပူၤအဖီခိၣ် ထံဂုၤကီၢ်ဂၤကညီကရၢဟ့ၣ်ထီၣ်အတၢ်ထံၣ်အတၢ်ပာ်သး
တံနိ (သ၀ီတါ) လါနိၣ်၀့ဘၢၣ်၂၁သီ၊ ၂၀၁၈နံၣ်။ ဖဲကညီဒီကလုာ်စၢဖှိၣ်ကရၢကမၤ၀ဲလီၢ်ခၢၣ်သးထီဘိကမံတံာ်တၢ်အိၣ်ဖှိၣ်(၆)၀ီတ၀ီအခါထုးထီၣ်ရၤလီၤ၀ဲကရၢမိၢ်ၦၢ်အတၢ်ပာ်သးလံာ်တဘ့ၣ်ဖဲလါနိၣ်၀့ဘၢၣ်(၁၀)သီ၂၀၁၈အနံၤအတၢ်ဂ့ၢ်တဖၣ်န့ၣ်မ့ၢ်တၢ်ပာ်ဖျါထီၣ်က့ၤ-KNUလဲၤစံးကတိၤသကိးတၢ်မုာ်တၢ်ခုၣ်အဂ့ၢ်အတၢ်လဲၤခီဖျိတဖၣ်န့ၣ်လီၤ.လၢအတၢ်ပာ်ဖျါအပူၤစံး၀ဲ လၢတၢ်မၤ၀ဲတၢ်စံးကတိၤသကိးတၢ်မုာ်တၢ်ခုၣ်န့ၣ်ပယီၤပဒိၣ်ဒီးပယီၤသုးတဖၣ်လွဲကဒံလွဲကဒါတၢ်ဟ့ၣ်တၢ်ဆီၣ်သနံးဒီးဖီၣ်ဃံးတၢ်ဒီးထံၣ်ဘၣ်လၢအ၀ဲသ့ၣ်အတၢ်ပာ်သးတတီတလိၤဘၣ်အိၣ၀ဲဒၣ်အဂ့ၢ်န့ၣ်လီၤ.ဘၣ်ထွဲဒီးတၢ်ဂ့ၢ်အံၤအဖီခိၣ်ထံဂုၤကီၢ်ဂၤကညီကရၢကရိတခီပဲာ်ထံနီၤဖးဒီးဟ့ၣ်ထီၣ်က့ၤ၀ဲအတၢ်ထံၣ်အတၢ်ပာ်သးမ့ၢဒ်အဖီလာ်အ သိးလီၤ. လၢတၢ်မၤ၀ဲတၢ်စံးကတိၤသကိးတၢ်မုာ်တၢ်ခုၣ်အဂ့ၢ်ဒီတကတီၢ်ညါန့ၣ်ပထံၣ်ဘၣ်KNUအိၣ်လၢတၢ်ဖီလာ်တခီဒီးလူၤပိာ်မၤထွဲ၀ဲဒ်ပယီၤသုးအတၢ်ဘၣ်သးအဃိၦၤလၢလူၤဃုဃိထံသ့ၣ်ညါကီၢ်ပယီၤထံလီၢ်ကီၢ်ပူၤထံရူၢ်ကီၢ်သဲးတၢ်ဟူးတၢ်ဂဲၤအဂ့ၢ်တဖၣ်စံး၀ဲလၢKNUမ့ၢ်က လုာ်ဒူၣ်တၢ်ကရၢကရိတဖုလၢအရ့လိာ်သးဘူးဘူးတံၢ်တံၢ်ဒိၣ်ကတၢၢ်ဒီးပယီၤအသုးမုၢ်န့ၣ်လီၤ.ဘၣ်ဆၣ်ဒီးမ့ၢ်လၢပယီၤပဒိၣ်ဒီးပယီၤ သုးတခီအိၣ်ဒီးတၢ်ပာ်သးတဘျၢလၢတၢ်မၤတၢ်မုာ်တၢ်ခုၣ်အတၢ်ရဲၣ်တၢ်ကျဲၤပူၤဘၣ်အဃိတၢ်မၤ၀ဲတၢ်မုာ်တၢ်ခုၣ်အတၢ်ရဲၣ်တၢ်ကျဲၤအံၤဘၣ်ကတာ်ထီဃာ်အသးလၢကျဲတီၤလိၤန့ၣ်လီၤ.လၢတၢ်နဲၣ်အဃိဒ်သိးဒီးတၢ်ဘှါလီၤမၤဘၣ်က့ၤတၢ်ကတာ်ထီဃာ်သးတၢ်ဂ့ၢ်အံၤကန့ၢ်အဂီၢ်တၢ်ကဘၣ်တၢၣ်ပီၣ်တဲသကိးက့ၤတၢ်လၢနီၢ်ကစၢ်အတၢ်ကရၢကရိအပူၤဒီးလၢတၢ်ကရၢကရိမၤသကိးတၢ်အဂၤတဖၣ်အကျါအဂီၢ် KNUကမၤ၀ဲတၢ်ကပတုာ်ဃာ်တၢ်ကလဲၤထီၣ်တၢ်မုာ်တၢ်ခုၣ်အတၢ်အိၣ်ဖှိၣ်တစိၢ်တလီၢ်န့ၣ် IKO ထံၣ်၀ဲမ့ၢ်တၢ်လၢအကြၢးအဘၣ်တခါန့ၣ်လီၤ. IKO တခီထံၣ်၀ဲဒၣ်လၢတၢ်မၤတၢ်မုာ်တၢ်ခု်ၣအတၢ်ရဲၣ်တၢ်ကျဲၤဘၣ်ကတာ်ထီဃာ်အသးလၢကျဲတီၤလိၤဒ်အံၤအတၢ်ဂ့ၢ်ခိၣ်သ့ၣ်န့ၣ်မ့ၢ်၀ဲ စးထီၣ်လၢတၢ်တဲသကိးတၢ်အခီၣ်ထံးကတၢၢ်တဘျီအခါလံၤလံၤတၢ်လူၤပိာ်မၤထွဲအခံတပတီၢ်ဘၣ်တပတီၢ်လီၤတံၢ်လီၤဆဲးတအိၣ်ဘၣ်အဃိတၢ်ဘၣ်ကဲထီၣ်အသးဒ်အံၤန့ၣ်လီၤ.လၢတၢ်န့ၣ်အဃိ IKO တခီထံၣ်၀ဲဒၣ်လယကလုာ်ဒူၣ်တဖၣ်လၢအပၣ်ဃုာ်ဒီး KNUက လဲၤအဆဲး လီၤအမံၤဆူNCAပူၤတဖၣ်န့ၣ်ကဘၣ်မၤလီၤတံၢ်ဆိ၀ဲCode of conductဒီးတၢ်ကဘၣ်ပာ်ပနီၣ်ဃာ်သုးအတၢ်လီၢ်တၢ်ကျဲအဆၢလီၤ တံၢ်လီၤဆဲးလၢအဆိန့ၣ်လီၤ.ဘၣ်ဆၣ်ခဲအံၤတခီပထံၣ်ဘၣ်လၢအ၀ဲသ့ၣလဲၤလူၤပိာ်မၤထွဲဒၣ်၀ဲဒ်ပယီၤပဒိၣ်ဒီးပယီၤသုးအတၢ်ဘၣ်သးဒီးအတၢ်တွံၢ်တရူးအ၀ဲသ့ၣ်အခံန့ၣ်လီၤ.အဂ့ၢ် IKO ထံၣ်၀ဲဒၣ်န့ၣ်လီၤ. တကီၢ်ခါခဲအံၤ KNU စံး၀ဲလၢသါကကျဲးစၢးဃုထံၣ်န့ၢ်တၢ်အစၢလၢတၢ်ကတဲသကိးတၢ်လၢတၢ်သဘျ့အပူန့ၣ်လီၤ.ဘၣ်ဃးဒီးတၢ်ဂ့ၢ်အံၤအဖီခိၣ် IKO တခီအတၢ်ဘၣ်ယိၣ်မ့ၢ်၀ဲတၢ်မ့ၢ်စူးကါသူကမၣ်န့ၢ်ဘၣ်ဖုးတၢ်တဲသကိးတၢ်လၢတၢ်သဘျ့အပူၤန့ၣ်ကဲထီၣ်က့ၤတၢ်ဃူ တၢ်ဖိးအတၢ်ဘၣ်ဒိဘၣ်ထံးဖးဒိၣ်တခါလၢတၢ်ကရၢကရိအပူၤသ့၀ဲဒၣ်န့ၣ်လီၤ.IKOအတၢ်ထံၣ်တခီမ့ၢ်၀ဲတၢ်မ့ၢ်ကတဲသကိးတၢ်လၢတၢ် သဘျ့ပူၤန့ၣ်လၢတၢ်ကတဲသကိးတၢ်ဂ့ၢ်ဘၣ်ဃးဒီး NCA အတၢ်ကတာ်ထီဃာ်သးအတၢ်ဂ့ၢ်အလီၢ်တၢ်မ့ၢ်တဲသကိး၀ဲလၢ KNU အ Road map အတၢ်ဂ့ၢ်န့ၣ်အဘျုးအိၣကဒိၣ်ဒၣ်တၢ်တက့ၢ်အဂ့ၢ်န့ၣ်လီၤ.လၢန့ၣ်အမဲာ်ညါကယဲၢ်မ့ၢ်တၢ်ဂ့ၢ်တၢ်ကျိၤလၢတၢ်တဲသကိးအီၤတဖၣ်န့ၣ် အလီၢ်အိၣ်လၢၦၤကိးဂၤဒဲးကဘၣ်သ့ၣ်ညါထွဲအီၤပျီပျီဖျါဖျါအသိးၦၤလၢကတီခိၣ်ရိၢ်မဲဟံးမူဒါလၢကလဲၤတဲသကိးတၢ်တဖၣ်န့ၣ်က ဘၣ်မ့ၢ်၀ဲၦၤလၢအတၢ်ကရၢကရိနာ်နၢ့်အီၤလီၤတံၢ်လီၤဆဲးတဖၣ်န့ၣ်လီၤ. ကလုာ်ဒူၣ်ဖီၣ်စုက၀ဲၤတၢ်ပၢၢ်ဆၢအတၢ်ကရၢကရိတဖၣ်အတၢ်မိၣ်န့ၢ်သးလီလၢအမ့ၢ်၀ဲ တၢ်ကသူၣ်ထီၣ်ဖဲၣ်ဒြၢၣ်ကီၢ်စၢဖှိၣ်လၢအအိၣ်ဒီးကလုာ်ဒူၣ်တဖၣ်အတၢ်ခွဲးတၢ်ယာ်ထဲသိးတုၤသိးလိာ်သးတၢ်စံၣ်ညီၣ်ပၢလီၤဘၣ်နီၢ်ကစၢ်သးကအိၣ်ထီၣ်အဂီၢ်န့ၣ်IKO တခီထံၣ်၀ဲဒၣ် လၢပကဘၣ်အိၣ်ဒီးကလုာ်ဒူၣ်တၢ်ပၢၢ်ဆၢသိၣ်မှံၤကရၢလၢကဘၣ်ဖီၣ်လိာ်အစုဃံးဃံးတဖုန့ၣ်မ့ၢ်တၢ်လၢအရ့ဒိၣ်၀ဲတခါန့ၣ်လီၤ. ဒ်န့ၣ် မၣ်ဒီးပကမၤန့ၢ်ဘၣ်က့ၤတၢ်ခွဲးတၢ်ယာ်လၢအလီၤမၢ်န့ၢ်ပကလုာ်ဒူၣ်တဖၣ်အဂီၢ်န့ၣ်လီၤ. လၢတၢ်မၤ၀ဲတကီၢခါတၢ်တၢၣပီၣ်စံးကတိၤတၢ်မုာ်တၢ်ခုၣ်အတၢ်ရဲၣ်တၢ်ကျဲၤတခါအံၤအဖီခိၣ်IKO အတၢ်ထံၣ်မ့ၢ်၀ဲပယီၤသုးကရူၢ်အံၤ သူန့ၢ်၀ဲ NCAတၢ်အိၣ်ဖှိၣ်အံၤဒ်တၢ်ပီးတၢ်လီတခါအသိးဒ်သိးအ၀ဲသ့ၣ်အတၢ်ရဲၣ်တၢ်ကျဲၤဒီးအတၢ်မုၢ်လၢ်တိာ်ပာ်တဖၣ်ကလၢထီၣ်ၦဲၤ ထီၣ်အဂီၢ်န့ၣ်လီၤ.မ့မ့ၢ်ဒ်န့ၣ်ဒီးအလီၢ်ခံကတၢၢ်န့ၣ်ပကဘၣ်တၢ်နီနုာ်လီၤဖှိၣ်ပ၀ဲဒၣ်တဖၣ်ဃုာ်ဒီး NLD ခဲလၢာ်ဆူ၂၀၀၈အတိာ်ကရၢပူၤ န့ၣ်လီၤ. လၢတၢ်န့ၣ်အဃိဒ်သိးဒီးသုးမီၤစိရိၤသနူဒီးကလုာ်ဒိၣ်စိသနူအံၤကဟးဂီၤလီၤမၢ်ကွံာ်၀ဲကသ့အဂီၢ်ထံဂုၤကီၢ်ဂၤကညီကရၢIKO တခီဟ့ၣ်ကူၣ်ဒီးဆီၣ်တခူထီၣ်န့ၢ်၀ဲကညီဒီကလုာ်စၢဖှိၣ်ကရၢ KNU အခံလၢကြၢးတၢ်ကဘၣ်အိၣ်ၦိၤဆီၣ်ထွဲသကိး တကီၢ်ခါ ICC ကရဲၣ်ကျဲၤ မၤ၀ဲတၢ်ကဟံးန့ၢ်ပယီၤသုးခိၣ်သုးနၢ်လၢအမၤကမၣ်ဘၢကွီၢ်တဖၣ်အရ့အတၢ်ရဲၣ်တၢ်ကျဲၤတခါအံၤအဂီၢ်န့ၣ်လီၤ. တံနိ...
မဲၢ်ဆီး-ရၤမတံ နီၣ်ဂံၢ်(၂)တိၤ အသီတၢ်တိာ်ကျဲၤအပူၤ ဟံၣ်ဒူၣ်လၢကဘၣ်သုးသး(၆)ဒူၣ်အံၤ တန့ၢ်တၢ်နၢ်ပၢၢ်ဒံးဘၣ်
နိၣ်၀့ဘၢၣ် ၁၅ သီ၊ ၂၀၁၈နံၣ်၊ စးအဲၣ်ဆူ မဲၢ်ဆီး-ရၤမတံ နီၣ်ဂံၢ်(၂) တိၤအသီတၢ်တိာ်ကျဲၤအံၤ ဒ်တၢ်ပာ်ပနီၣ်ဃာ်အသိးတၢ်ကမၤ၀ံၤ မၤတဲာ်အီၤဒီး ဒ်တၢ်မၤရဲၣ်ကျဲၤအိၣ်၀ဲအသိးတၢ်ကက့ၤဟ့ၣ်စ့အီၣ်လိး၊ တၢ်သုးလီၢ်သုး ကျဲအလုၢ်အၦ့ၤအဖီခိၣ် ဖဲလါနိၤ၀့ဘၢၣ် ၁၂သီအနံၤ ဟံၣ်ဒူၣ်လၢအအိၣ်တ့ၢ်(၆)ဒူၣ်ဒီး ပၢပြးခိၣ်နၢ်၀ဲၤကျိၤဘၣ်မူဘၣ်ဒါတဖၣ် ထံၣ်လိာ်ထိၣ်ဃူထိၣ်ဖိးအီၤဒီး တမၤန့ၢ် ၀ဲတၢ်နၢ်ပၢၢ်လိာ်သးဒံးဘၣ်အဂ့ၢ် သ့ၣ်ညါဘၣ်လၢၦၤဘၣ်မူဘၣ်ဒါတဖၣ်အအိၣ်န့ၣ်လီၤႉ လၢတၢ်ရဲၣ်ကျဲၤတၢၣ်ပီၣ်အပူၤ ရၤမတံနီၣ်ဂံၢ်(၂)တၢ်ဖးဟီၣ်က၀ီၤ၊ ကီၢ်စဲၣ်ဘျီၣ်ဒိၣ်ခၢၣ်စး အူသဲၣ်စ့ၣ်အီၣ်တဲ၀ဲလၢ “ကတီၢ်အံၤ ကၠီၣ် တဲၣ်ကီၢ်ပယီၤတိၤနီၣ်ဂံၢ်(၂)အံၤ ဘူးက၀ံၤ၀ဲဃၣ်ဃၣ်လံႉ ၂၀၁၈နံၣ်၊ လါဒံၣ်စ့ဘၢၣ်အံၤ ကဘၣ်မၤတုၤလၢအ၀ံၤဒီး ကဘၣ်က့ၤဟ့ၣ် လီၤက့ၤလၢကၠီၣ်တဲၣ်အအိၣ်၊ တၢ်တိာ်ကျဲၤအပူၤအံၤတခီ ဘၣ်၀ဲဟံၣ်ဒူၣ်(၉၀)ဘျဲၣ်ဒီး ကတီၢ်အံၤဟံၣ်ဒူၣ်အိၣ်တ့ၢ်၀ဲ (၆)ဖျၢၣ်ဒီး တလါ အံၤ ၁၃သီအံၤ ကဘၣ်မၤ၀ံၤအီၤန့ၣ်တၢ်ထုးထီၣ်လံာ်ဒီးမဟါကၢာ်တၢ်တဲသကိးအဖီခိၣ် တဒိးန့ၢ်ဘၣ်တၢ်နၢ်ပၢၢ်ဒံးဘၣ်”အဂ့ၢ် စံးဘၣ် ခ့ၣ်အဲးစံၣ်န့ၣ်လီၤႉ မ့မ့ၢ်လၢဟံၣ်ဒူၣ်သ့ၣ်တဖၣ်တခီစံး၀ဲ လၢတၢ်ဘၢၣ်၀ဲကျဲအံၤ မ့ၢ်တၢ်ဘၢၣ်ကမၣ် ၀ဲကျဲမုၢ်ဒီး ဟဲဘၣ်၀ဲအဟံၣ်အဂ့ၢ်၊ လၢတၢ်န့ၣ်အဃိ အ၀ဲသ့ၣ်တီၣ် ထီၣ်၀ဲလံာ်လၢ ကီၢ်စၢဖှိၣ်ဘျီၣ်ဒိၣ်အပူၤအဂ့ၢ်ဒီး တၢ်ရဲၣ်ကျဲၤတဲသကိးဘျီ၀ဲအံၤလီၢ်က၀ီၤဖိတဖၣ် တတူၢ်လိာ်၀ဲဘၣ်ဒီး ကလဲၤ၀ဲဒ်တၢ်ဘျၢသဲစး အသိးလီၤအဂ့ၢ် အူသဲၣ်စ့ၣ်အီၣ်တဲအါထီၣ်၀ဲန့ၣ်လီၤႉ ဒ်န့ၣ်အသိး ဟံၣ်ဒူၣ်(၉၀)ဘျဲၣ်လၢအဘၣ်၀ဲဖဲတၢ်တိာ်ကျဲၤဟီၣ်က၀ီၤအံၤ တဖၣ်အဂီၢ်ဖဲအပူၤကွံာ်၂၀၁၆နံၣ်လါယူလံကတီၢ်န့ၣ်တၢ်ဟ့ၣ်လီၤအီၤစ့အီၣ်လိးတဖၣ်၀ံၤလံဘၣ်ဆၣ်ဟံၣ်ဒူၣ်(၆)ဒူၣ်အိၣ်တ့ၢ်ဒံး၀ဲအဃိဘျီၣ်ဒိၣ်ခၢၣ်စးတဖၣ်၊ကီၢ်ရ့ၣ်၊ကီၢ်ဆၣ်၊ပၢပြးဘၣ်မူဘၣ်ဒါတဖၣ်ဒီးကီၢ်ဆၣ်ပတီၢ်၀ဲၤကျိၤဘၣ်မူဘၣ်ဒါတဖၣ်ကိးထံၣ်လိာ်သးဒ်အံၤန့ၣ်လီၤ. “လၢညါခါန့ၣ်ကီၢ်ပဒိၣ်တၢ်နဲၣ်လီၤအဖီခိၣ်...
တၢ်မုာ်တၢ်ခုၣ်တၢ်လဲၤကျဲအံၤ အိၣ်ဒံးဒၣ်ဖဲတၢ်ပတုာ်တၢ်ခးအဂ့ၢ် လံာ်တၢ်ပာ်ဖျါစံး၀ဲ
လါနိၣ်၀့ဘၢၣ် ၁၄ သီ၊ ၂၀၁၈ နံၣ်။ နါ၀့ၣ်ဖၠိစၣ် တၢ်မုာ်တၢ်ခုၣ်တၢ်လဲၤကျဲကတီၢ်အံၤအိၣ်ဒံးဒၣ်လၢတၢ်ပတုာ်တၢ်ခးအပတီၢ်ဒံးလီၤအဂ့ၢ်(Karen Development Network-KND)ကရူၢ်အံၤ ပာ်ဖျါထီၣ်၀ဲ တၢ်လီၤဃိထံသံကွၢ်ကမျၢၢ်လံာ်တၢ်ပာ်ဖျါအံၤ ဖဲလါနိၣ်၀့ဘၢၣ် ၁၂သီအနံၤ ဖဲ၀့ၢ်ဖၣ်အၣ်(GABBNAR)ဘျီၣ်အပူၤန့ၣ်လီၤႉ ကလုာ်ဒူၣ်ဖီၣ်စုက၀ဲၤကရူၢ်ဒီးကီၢ်ပဒိၣ်သ့ၣ်တဖၣ်ဆဲးလီၤ၀ဲတၢ်ပတုာ်တၢ်ခး၀ံၤအလီၢ်ခံကမျၢၢ်သ့ၣ်တဖၣ်အတၢ်အိၣ်သး၊ တၢ်ဘၣ်ယိၣ်၊ ဒီးအ၀ဲသ့ၣ်အတၢ်နာ်အိၣ်၊တအိၣ်သ့ၣ်တဖၣ်အံၤ ဒ်သိးခံခီခံကပၤဖီၣ်စုက၀ဲၤ၊ ကီၢ်ပဒိၣ်ဒီး ၦၤဟူးဂဲၤမၤတၢ်လၢကမျၢၢ်တၢ်ရၢကရိသ့ၣ်တဖၣ် ကသ့ၣ်ညါအဂီၢ် လံာ်တၢ်ပာ်ဖျါအံၤ ဘၣ်တၢ်ထုးထီၣ်ရၤလီၤ၀ဲအဂ့ၢ် (KDN)ၦၤနဲၣ်တၢ် Father မဲၢ်သရူအ့တဲ၀ဲဒ်အံၤန့ၣ်လီၤႉ “လၢလံာ်တၢ်ပာ်ဖျါအံၤအပူၤကမျၢၢ်သ့ၣ်တဖၣ် အတၢ်ထံၣ်လၢအလီၤပလိာ်သးတခါန့ၣ် တၢ်လၢအဒိးန့ၢ်ဘၣ်အခဲအံၤ တမ့ၢ်တၢ် မုာ်တၢ်ခုၣ်ဘၣ်၊ မ့ၢ်တၢ်ပတုာ်တၢ်ခးပတီၢ်ဒံးလီၤႉ တၢ်မုာ်တၢ်ခုၣ်လီၤစိၤလၢအ၀ဲသ့ၣ်လိၣ်ဘၣ်အံၤတကနၣ် ၀ဲကမျၢၢ် သ့ၣ်တဖၣ်အကလုာ်ဘၣ်ဒီး ဖဲ၂၀၁၅နံၣ်န့ၣ်စးထီၣ်၀ဲသ့ၣ်လၢကလုာ်ဒူၣ်ဖီၣ်စုက၀ဲၤဒီး သုးသ့ၣ်တဖၣ်လီၤႉ ၀ံၤ၂၀၁၇နံၣ် မးက့ၤဟံးန့ၢ်၀ဲကမျၢၢ်သ့ၣ်တဖၣ်အကလုၢ်အဂ့ၢ်” Father မဲၢ်သရူအ့တဲဘၣ်ခ့ၣ်အဲးစံၣ်န့ၣ်လီၤႉ ကတီၢ်အံၤတၢ်အၢၣ်လီၤဃာ်၀ဲတၢ်ပတုာ်တၢ်ခးလံဘၣ်ဆၣ် လၢတၢ်လီၢ်ဟီၣ်က၀ီၤတနီၤအပူၤ တၢ်ဒုးတၢ်ယၤတဖၣ်၊ တၢ်ဘၣ်ဂံာ်ဂူာ် တဖၣ်အိၣ်ဒံးအဖၢမုၢ်အဖီခိၣ် လီၢ်က၀ီၤကမျၢၢ်တဖၣ်တၢ်ဘၣ်ယိၣ်အိၣ်၀ဲအဂ့ၢ်ပာ်ဖျါဃာ်၀ဲလၢလံာ်တၢ်ပာ်ဖျါအပူၤန့ၣ်လီၤႉ ဖဲလံာ်တၢ်ပာ်ဖျါလၢကဘျံးပၤအိၣ် (၁၃၈)ကဘျံးအံၤ ကညီ၊ တလၢၤ(မိၣ်)၊ ကခၠ့ၣ်၊ ကယါ(ကရ့ၣ်နံၣ်)၊ ကလံၤစိးယိၤဒိၣ်ကီၢ်စဲၣ်၊ ကလံၤထံးယိၤဒိၣ်ကီၢ်စဲၣ်တဖၣ်အပူၤကမျၢၢ်(၄၀၀၀)ဂၤဘျဲၣ်အံၤ အတၢ်ထံၣ်လၢကတီၢ်အံၤတၢ်မုာ်တၢ်ခုၣ်တၢ်လဲၤကျဲ၊ ကမျၢၢ်တၢ်ဘၣ်သဂၢၢ်၊ တၢ်တၤတၢ်၊ တၢ်မုၢ်လၢ်သ့ၣ်တဖၣ်လၢ၂၀၁၆နံၣ်တုၤ ၂၀၁၈နံၣ် အ၀ဲသ့ၣ်အတၢ်ထံၣ်လၢ အလီၤပလိာ်ဒီး တဒ်သိးလိာ်သးသ့ၣ်တဖၣ်ပာ်ဖျါဃာ်၀ဲဖဲန့ၣ်လီၤႉ လံာ်တၢ်ပာ်ဖျါလၢအခိၣ်တီဒ်အမ့ၢ်“က့ၤဟ့ၣ်ပကမျၢၢ်တၢ်အိၣ်မူအိၣ်ဂဲၤ၊ ပတလိၣ်ဘၣ်တၢ်ဒုးတၢ်ယၤ၊...
တၢ်မုာ်တၢ်ခုၣ် တၢ်လဲၤကျဲအံၤ လၢ(ခ့ၣ်အဲၣ်ယူၣ်)တကပၤ ကတဲသကိးအီၤ လၢတၢ်ထံၣ်သဘျ့အဂ့ၢ် ဆၢတဲာ်လီၤ၀ဲ
နိၣ်၀့ဘၢၣ် ၁၄ သီ၊ ၂၀၁၈ နံၣ်။ စးအဲၣ်ဆူ တၢ်မုာ်တၢ်ခုၣ် တၢ်လဲၤကျဲအံၤ တၢ်တဲသကိးအီၤလၢအဖိးသဲးစးအလီၢ်န့ၣ် တၢ်ကတဲသကိးအီၤလၢသဘျ့အဂ့ၢ် (ခ့ၣ်အဲၣ်ယူၣ်)ကညီဒီကလုာ်စၢဖှိၣ်ကရၢဆၢတဲာ်လီၤ၀ဲဒၣ်လၢ ဖဲလါနိၣ်၀့ဘၢၣ်၁၀သီနံၤလၢထီဘိကမံးတံာ် ဂ့ၢ်ဂီၢ်အူတၢ်အိၣ်ဖှိၣ်(၆)ဘျီတဘျီ အပူၤန့ၣ်လီၤႉ ဘၣ်ဃးတၢ်မုာ်တၢ်ခုၣ် တၢ်လဲၤကျဲအံၤ ကပၣ်ဃုာ် လၢကရူၢ်ဒီတဖုကန့ၢ်အဂီၢ် ကဘၣ်ဟံးတၢ်ဆၢကတီၢ်လိၣ်၀ဲအဃိ မ့မ့ၢ်လၢတၢ်ကထံၣ်လိာ်သးလၢအဖိးသဲးစးန့ၣ် ကအိၣ်ပတုာ်ပတြီာ်ဃာ်၀ဲတစိၢ်ဖိဒီးကဆဲးတဲသကိး၀ဲလၢသဘျ့လီၤ အဂ့ၢ်(ခ့ၣ်အဲၣ်ယူၣ်) နဲၣ်ရွဲၣ်ခိၣ်ကျၢၢ်ပဒိၣ်စီၤတၢ်ဒိၣ်မူတဲဘၣ်ခ့ၣ်အဲးစံၣ်န့ၣ်လီၤႉ အ၀ဲတဲ၀ဲလၢ“ကတီၢ်အံၤ ကီၢ်ပဒိၣ်ဒီးလၢပ၀ဲတကပၤ(NCA)အဖီခိၣ်တၢ်ထံၣ်တဒ်သိးဘၣ်၊ တၢ်ထံၣ်တလီၤပလိာ်သးဘၣ်အဖီခိၣ် ကထံၣ်လိာ်သးလၢသဘျ့အဂီၢ်ရ့ဒိၣ်၊ အဃိ ပကဟံးတၢ်ဆၢကတီၢ်၀ံၤ တၢ်လိၣ်သ့ၣ်တဖၣ် ပကကတီၤအီၤ၀ံၤပကထံၣ်လိာ်ပသးလၢသဘျ့အဂီၢ်န့ၣ်လီၤ”. (ခ့ၣ်အဲၣ်ယူၣ်)ဂ့ၢ်ဂီၢ်အူ တၢ်အိၣ်ဖှိၣ်လၢတၢ်မၤအီၤဖဲ ဖၣ်အၣ်ကီၢ်ရ့ၣ်၊ လ့၀ါတၢ်လီၢ် စးထီၣ်လၢလါနိၣ်၀့ဘၢၣ် ၆သီတုၤ ၁၀ အနံၤ ထီဘိကမံးတံာ်တဖၣ်၊ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA) သုးခိၣ်သုးနၢ်တဖၣ်ဒီးခိၣ်နၢ်လၢဘၣ်တၢ်ကွဲမုာ်အီၤ ခဲလၢာ် (၈၈)ဂၤဟဲထီၣ်၀ဲဒီး တၢ်အိၣ်ဖှိၣ်အပူၤ တၢ်တဲသကိး၀ဲတၢ်ဂ့ၢ်ဘၣ်ဃး ဖဲလါအီးကထိဘၢၣ် ၁၅သီတုၤ ၁၆အနံၤ ကလုာ်ဒူၣ်ဖီၣ် စုက၀ဲၤဒီးကီၢ်ပဒိၣ်တၢ်ထံၣ်လိာ်တဲသကိးအပူၤတၢ်ဂ့ၢ်တၢ်ကျိၤတဖၣ်၊ ဒီးတၢ်ကွၢ်က့ၤတၢ်မုာ်တၢ်ခုၣ်တၢ်လဲၤကျဲ တၢ်ဂံၢ်ဆူၣ်တၢ်ဂံၢ်စၢ်သ့ၣ်တဖၣ်န့ၣ်လီၤႉ တၢ်အိၣ်ဖှိၣ်၀ဲန့ၣ်၀ံၤလံာ်တၢ်ပာ်ဖျါအပူၤ တၢ်ဂ့ၢ်လၢအတပၣ်ဃုာ်လၢ (NCA)အပူၤ တခါလၢအမ့ၢ်(ခွဲမထွက်ရ) ဒီးသုးတဖုဧိၤတၢ်ဂ့ၢ်အံၤ (ခ့ၣ်အဲၣ်ယူၣ်)တကပၤ စံး၀ဲလၢတၢ်ဘံၣ်တၢ်ဘၢအဂီၢ် တၢ်ကတဲသကိးအီၤ ဃံးဃီၣ်ဒီၣ်၀ံၤမး တၢ်ကဆဲးတဲသကိးအီၤအဂ့ၢ်...
လၢတၢ်ကသိၣ်လိကညီကျိာ်ဂ့ၤဂ့ၤအဂီၢ် ကဆီၣ်သခူထီၣ်၀ဲအဂ့ၢ် လံာ်လဲၢ်တၢ်ဆဲးတၢ်လၤကရူၢ် ဆၢတဲာ်
နိၣ်၀့ဘၢၣ် ၁၄ သီ၊ ၂၀၁၈နံၣ်။ စီၤရှါ ကီၢ်ပဒိၣ်ကၠိသ့ၣ်တဖၣ်အပူၤ တၢ်သိၣ်လိ၀ဲ ကညီကျိာ်ကန့ၢ်ဂ့ၤဂ့ၤအဂီၢ် တၢ်ကဟ့ၣ်ဆူၣ်ထီၣ်၀ဲအဂံၢ်အဂ့ၢ် ကညီလံာ်လဲၢ် တၢ်ဆဲးတၢ်လၤတၢ်ဂုၤထီၣ်ပသီထီၣ်ကရူၢ် ဆၢတဲာ်လီၤ၀ဲဒၣ် ဖဲ၀့ၢ်ဖၣ်အၣ်၊ ကညီကၠိဖိဟံၣ်ဒွဲ(KSC)အပူၤ ဖဲလါနိၣ်၀့ဘၢၣ် ၉သီအနံၤ တၢ်အိၣ်ဖှိၣ်အပူၤန့ၣ်လီၤႉ ကညီကီၢ်စဲၣ် ကညီလံာ်လဲၢ်ဒီးတၢ်ဆဲးတၢ်လၤတၢ်ဂုၤထီၣ်ပသီထီၣ်ကရူၢ် ၦၤပၢၤလီၢ်ဆ့ၣ်နီၤစီၤခၠ့ၣ်သဲစံး၀ဲလၢ “လံာ်လဲၢ်တကပၤ တၢ်သိၣ်လိအီၤလၢအဖိးသဲစးလၢကၠိသ့ၣ်တဖၣ်အပူၤန့ၢ်သနာ်က့လၢကန့ၢ်အါထီၣ်အဂီၢ် ပကဆီၣ်သခူထီၣ်အဂ့ၢ် ပဆၢတဲာ်လီၤ န့ၣ်လီၤႉ တနီၤကၠိသရၣ်တၢ်ကီတၢ်ခဲ၊ တၢ်လီၢ်တၢ်ကီတၢ်ခဲသ့ၣ်တဖၣ်အဖီခိၣ်တသိၣ်လိဘၣ်ဘၣ်ႉ”အဂ့ၢ် တဲဘၣ်ခ့ၣ်အဲးစံၣ်န့ၣ်လီၤႉ လံာ်လဲၢ်အံၤဒ်အမ့ၢ်၀ဲကလုာ်တကလုာ်သွံၣ်ထံဒီးမ့ၢ်သိၣ်လိာ်လံာ်လဲၢ်တဖၣ်မး ကညီကလုာ်စ့ၢ်ကီး ကအိၣ်ဆၢထၢၣ်ဂၢၢ်ကျၢၤလၢအယူာ်အကၢဒီးကၠိသရၣ်၊မုၣ်တဖၣ်လၢအလီၤဘၣ်သိၣ်လိ၀ဲကညီကျိာ်သ့ၣ်တဖၣ်တနီၤ သိၣ်လိ၀ဲကညီကျိာ်တဘၣ်ဘၣ်အဃိ တၢ်လဲၤထီၣ်လဲၤထီအအိၣ်ဒ်ဘၣ်အဂ့ၢ်လံာ်လဲၢ် ၊တၢ်ဆဲးတၢ်လၤကမံးတံာ်ၦၤဘၣ်မူဘၣ်ဒါတဖၣ်တဲ၀ဲန့ၣ်လီၤႉ တၢ်တၢၣ်ပီၣ်တဲသကိးဘျီ၀ဲန့ၣ် တၢ်တဲသကိး၀ဲ တၢ်သိၣ်လိကညီလံာ်လဲၢ်တၢ်ဂ့ၢ်အမဲာ်ညါ၊တၢ်ဆဲးတၢ်လၤဒ်အမ့ၢ်(တၢ်ဒ့တၢ်အူ၊တၢ်သူၣ်၀ံၣ်သးဆၢ၊တၢ်ကူတၢ်ကၤ)သ့ၣ်တဖၣ်တၢ်ကကတီၤက့ၤအီၤ၊ ကညီကလုာ်နီၣ်တယၢ်ဒီးတၢ်သး၀ံၣ်တဖၣ်တၢ်တဲသကိးအီၤန့ၣ်လီၤႉ တၢ်တဲသကိးအပူၤ ကညီကီၢ်စဲၣ်၊ ကီၢ်ဆၣ်အပူၤကညီလံာ်လဲၢ်ဒီးတၢ်ဆဲးတၢ်လၤတၢ်ဂုၤထီၣ်ပသီထီၣ်ကရူၢ်၊ ကီၢ်ပဒိၣ်၀ဲၤကျိၤ၀ဲၤဒ့ၦၤဘၣ်မူဘၣ်ဒါတဖၣ်ခဲလၢာ်၂၀ဂၤလဲၤထီၣ်၀ဲန့ၣ်လီၤႉ