လါယနူၤအါရံၤ ၂၂ သီ, ၂၀၂၆ နံၣ်, ခ့ၣ်အဲးစံၣ်
တနံၤအံၤလါယနူၤအါရံၤ ၂၂ သီ လၢကီၢ်ကၠီၣ်တဲၣ် မဲၢ်တီၢ်-မဲၢ်ရမၣ်ဘၢၣ်စၢၤ ကျဲမုၢ်လါခိၣ်တၢ်လီၢ်ခံတီၤ သိလ့ၣ်(accident) ကဲထီၣ်အဃိ မဲၢ်လးဒဲဘၣ်ကီဘၣ်ခဲဒဲကဝီၤဖိ သံ(၂)ဂၤဒီးဘၣ်ဒိဝဲတဂၤန့ၣ်လီၤ.
ဖဲတဂီၤအံၤမုၢ်ဘူးကထူၣ် ၁၁း၃၅ မံးနံးအဆၢကတီၢ်န့ၣ် လၢမဲၢ်လးဒဲကဝီၤဆၢလၥ် မဲၢ်တီဝ့ၢ်ကျဲမုၢ်လါခိၣ်န့ၣ် သးစၢ်ကၠိဖိမုၣ် ၂ ဂၤအံၤ အိၣ်လၢကျဲကပၤအခါ ခီဖျိသိလ့ၣ်တခိၣ်ဟဲဘျၢၣ်အီၤအဃိ သံဝဲဖဲန့ၣ်(၁)ဂၤဒီး ဘၣ်ဒိတဂၤ တၢ်ဆှၢဝဲဆူ တၢ်ဆါဟံၣ် တဘျီဃီ န့ၣ်လီၤ.
တနံၤဃီတၢ်ကဲထီၣ်သးဝံၤဖဲဟါခီ ၂း၃၀ ဃၣ်ဃၣ်အဆၢကတီၢ်စ့ၢ်ကီး လၢမဲၢ်လးဒဲကဝီၤယိၤသုးတၢ်သမံသမိးတြဲၤ ထံလီၤသံး ဆၢခိၣ်န့ၣ် ခီဖျိဆဲးကဲးဒီးသိလ့ၣ်ဘျၢၣ်လိၥ်သးအဃိ ပှၤနီဆဲးကၢးဖိလၢအမ့ၢ် မဲၢ်လးဒဲကဝီၤဖိ ပိၥ်ခွါတဂၤအံၤ သံဝဲဖဲတၢ်ကဲထီၣ် သးအလီၢ်တဘျီဃီ အဂ့ၢ်န့ၣ် ပှၤလၢအဘူးဒီးအီၤတဖၣ်စံးဝဲန့ၣ်လီၤ.
ခီဖျိလၢ(accident)အံၤအဃိ ပှၤလၢအသံအဘၣ်ဒိဘၣ်ထံးသ့ၣ်တဖၣ်အံၤ အိၣ်ဝဲဒၣ်လၢမဲၢ်လးဘၣ်ကီဘၣ်ခဲဒဲကဝီၤ (Zone-B B2) တဘ့ၣ်ဃီအပူၤအဂ့ၢ်န့ၣ် သ့ၣ်ညါဘၣ်ဒဲကဝီၤပှၤဘၣ်မူဘၣ်ဒါအအိၣ်န့ၣ်လီၤ.
ဘၣ်ဆၣ်မ့မ့ၢ်လၢသးစၢ်ကၠိဖိမုၣ်(၂)ဂၤအံၤ လဲၤထီၣ်ဝဲကၠီၣ်တဲၣ်ကျိၥ်(ကီစီနီ)ကၠိလၢ မဲၢ်တီၢ်ဝ့ၢ်အံၤအဂ့ၢ်န့ၣ် ဒဲကဝီၤခိၣ် စီၤဆါဒ့ စံးဝဲန့ၣ်လီၤ.
“ပှၤသၢဂၤအံၤအိၣ်(Zone-B B2)ကိးဂၤဒဲးလီၤ. မ့မ့ၢ်လၢအပိၥ်မုၣ်(၂)ဂၤန့ၣ် ခီအကဲဝဲဒၣ်ပှၤကၠိဖိ. လဲၤထီၣ်ယိၤကၠိ (ကီစီနီ)လၢမဲၢ်တီၢ်ဝ့ၢ်. အဝဲခံဂၤအံၤခီန့ၣ်အိၣ်လၢကါကျဲကပၤလံဘၣ်ဆၣ်ပှၤလဲၤဘျၢၣ်အီၤဒ်န့ၣ်. လၢအတသံဘၣ်တဂၤန့ၣ်ပှၤဆှလၢတၢ်ဆါဟံၣ်လီၤ.”အဂ့ၢ်န့ၣ် စံးဘၣ်ခ့ၣ်အဲးစံၣ်- ကညီတၢ်ကစီၣ်န့ၣ်လီၤ.
ဒ်ဒဲကဝီၤပှၤဘၣ်မူဘၣ်ဒါစံးဝဲအသိးန့ၣ် ပှၤဒဲကဝီၤဖိလၢအသံ ၂ ဂၤန့ၣ်မ့ၢ်ဝဲ စီၤဖိဝါ(၃၈)နံၣ် ဒီး နီၢ်ရူသးဆံး(၂၈)နံၣ် အဂ့ၢ်န့ၣ် သ့ၣ်ညါဘၣ်န့ၣ်လီၤ.
