လါအီးကထိဘၢၣ် ၂၆ သီ, ၂၀၂၆ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤအပူၤ ဒ်သိးပှၤလၢအပၢတၢ်ြပးတၢ်ဒီးတၢ်ပၢဆှၢရဲၣ်ကျဲၤ ကမျၢၢ်ဂ့ၢ်ဝီသနၢၣ်တဖၣ် အဘၢၣ်စၢၤတၢ်ဖီၣ်လိၥ်စုအဂံၢ်ကဆူၣ်ထီၣ်အဂီၢ် လါအီးကထိဘၢၣ် ၁၆ သီ တုၤ ၂၀ သီ လၢ(၅)သီ အတီၢ်ပူၤ တၢ်မၤဝဲ(၃)ဝီတဝီ ကီၢ်ဆၣ်ခိၣ်နၢ်တၢ်ကူၣ်လိၥ်တၢၣ်ပီၣ်တဲသကိးတၢ်အိၣ်ဖှိၣ်ဝံၤဝဲလံအဂ့ၢ်န့ၣ် လီၢ်ခၢၣ်သးထုးထီၣ် ပၥ်ဖျါဝဲဒၣ်ဖဲမဟါန့ၣ်လီၤ.
ဒီးလၢတၢ်ကူၣ်လိၥ်တၢၣ်ပီၣ်တဲသကိးတၢ်အိၣ်ဖှိၣ်ဘျီဝဲအံၤအပူၤန့ၣ် ကီၢ်ရ့ၣ်(၇)ဘ့ၣ်လၢၥ် ကီၢ်ဆၣ်(၂၈)ဘ့ၣ်ပူၤ ကီၢ်ရ့ၣ်/ ကီၢ်ဆၣ် ခိၣ်နၢ်, လီၢ်ခၢၣ်သးခိၣ်နၢ်, တၢ်ပၢတၢ်ြပးဒီးပှၤဂ့ၢ်ဝီကမံးတံၥ်ခိၣ်နၢ်, တၢ်မၤဂ့ၤထီၣ်ပၢြပးကံၢ်စီကမံးတံၥ်ခိၣ်နၢ်, တၢ်တီ ခိၣ်ရိၣ်မဲတၢ်ပၢတၢ်ြပးခိၣ်နၢ်ဒီး တၢ်ပၢဆှၢရဲၣ်ကျဲၤကမျၢၢ်ဂ့ၢ်ဝီကၠိ(SGPA)ပှၤသ့ပှၤဘၣ်ပၥ်ဖှိၣ်ခဲလၢၥ်(၆၉)ဂၤ လဲၤထီၣ်ဝဲ ဒၣ် န့ၣ် လီၤ.
ကီၢ်ဆၣ်ခိၣ်နၢ်တၢ်ကူၣ်လိၥ်တၢၣ်ပီၣ်တဲသကိးတၢ်အိၣ်ဖှိၣ်လၢတၢ်မၤဝဲကိးမုၢ်နံၣ်ဒဲးအံၤ အဆိကတၢၢ်ဘၣ်တၢ်စးထီၣ်မၤတ့ၢ်အီၤ ဖဲအပူၤကွံၥ် (၂၀၂၄)နံၣ်အခါဒီး တၢ်အိၣ်ဖှိၣ်အတၢ်ပညိၣ်မ့ၢ်ဒ်သိး ပှၤလၢအဘၣ်တီခိၣ်ရိၣ်မဲတၢ်ပၢတၢ်ြပးဒီးတၢ်ပၢဆှၢရဲၣ်ကျဲၤ ကမျၢၢ်ဂ့ၢ်ဝီသနၢၣ်တဖၣ်အဘၢၣ်စၢၤ တၢ်ပၥ်ဖှိၣ်မၤသကိးတၢ်ကဂ့ၤဒီးအဂံၢ်ကဆူၣ်ထီၣ်ဝဲအဂီၢ် န့ၣ်လီၤ.
လၢ(၃)ဝီတဝီတၢ်ကူၣ်လိၥ်တၢၣ်ပီၣ်တဲသကိးဘျီဝဲအံၤအပူၤန့ၣ် ကီၢ်ဆၣ်(၂၈)ဘ့ၣ်ပူၤခိၣ်နၢ်တဖၣ် ပၥ်ဖျါထီၣ်ဝဲတၢ်မၤလံၥ်ပၥ် ဖျါဒီး တၢ်ကီတၢ်ခဲတၢ်တၤတၢ်,တၢ်ဂ့ၢ်အရ့ဒိၣ်လၢပျီပူၤတၢ်အိၣ်သးသ့ၣ်တဖၣ် တၢ်တၢၣ်ပီၣ်တဲသကိးဟ့ၣ်ခီဟ့ၣ်လီၤ,ဃုကျဲဒီး တၢ်ဟံန့ၢ်ဝဲလီၢ်ခၢၣ်သးခိၣ်နၢ်အတၢ်ဟံးစုနဲၣ်ကျဲသ့ၣ်တဖၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ.
ဒ်လီၢ်ခၢၣ်သးအလံၥ်တၢ်ပၥ်ဖျါပူၤအိၣ်ဝဲအသိးန့ၣ် လၢတၢ်ကူၣ်လိၥ်တၢၣ်ပီၣ်တဲသကိးတၢ်အိၣ်ဖှိၣ်အံၤအပူၤ တၢ်က့ၤပဲၥ်ထံ နီၤဖးဝဲ “မဲး၀ါကျိတၢ်အၢၣ်လီၤအီလီၤအလံၥ်ဘိးဘၣ်ရၤလီၤ” ဒီးတၢ်တဲသကိးဝဲဘၣ်ဃး တၢ်တီခိၣ်ရိၣ်မဲ,တၢ်တၢ်ပၢ တၢ်ြပးဒီး တၢ်ပၢဆှၢရဲၣ်ကျဲၤကမျၢၢ်တၢ်မၤအလံၥ်ဟံးဃၥ်, တၢ်ပၢတၢ်ြပးလံၥ်ဒိးသန့ၤ,တၢ်ပၢၢ်ဆၢကတီၢ်ကီၢ်သူလ့ၤပှၤကူၣ်လိၥ် တၢၣ်ပီၣ် ကီၣ်ကးဒီးတၢ်သူလ့ၤတၢ်ပၢတၢ်ြပးကီၣ်ကး,“ကီၢ်သူလ့ၤတၢ်သူၣ်ထီၣ်ခူဝ့ၢ်တၢ်တိၤကျဲၤလံၥ်နဲၣ်ကျဲ”အဂ့ၢ်အကျိၤသ့ၣ်တဖၣ်န့ၣ်လီၤ.
လၢန့ၣ်အမဲၥ်ညါတၢ်ပၥ်ဖျါထီၣ်ဝဲလံၥ်တၢ်ပၥ်ဖျါဒီးဟ့ၣ်ခီဟ့ၣ်နီၤလိၥ်သးတၢ်လဲၤခီဖျိတဖၣ်, “သဝီဒီးကရူၢ်ပတီၢ်ခိၣ်နၢ်လၢပၢဆှၢ ရဲၣ်ကျဲၤတၢ်တဖၣ်အဂီၢ်လံၥ်နဲၣ်ကျဲ ”တဖၣ်တၢ်စူးကါအီၤကသ့အဂီၢ် တၢ်တဲသကိးပၥ်လီၤဝဲခါဆူညါတၢ်မၤအဂ့ၢ်အကျိၤတဖၣ် တၢ်တဲသကိးဒီးပၥ်လီၤဃုၥ်စ့ၢ်ကီးဝဲခါဆူညါတၢ်မၤရဲၣ်ကျဲၤသ့ၣ်တဖၣ်န့ၣ်လီၤ.
အဃိဒ်တၢ်ဖီလၥ်ဆူတၢ်ဖီခိၣ်တၢ်ပၢတၢ်ြပးဂ့ၢ်ဝီတၢ်သူၣ်ထီၣ်ဆီလီၤတၢ်မၤရဲၣ်ကျဲၤအသိးန့ၣ် ကမၤဂ့ၤမၤဆူၣ်ထီၣ်ဝဲ ဂံၢ်ခီၣ်ထံး တၢ်ပၢတၢ်ြပး,ပှၤကညီအဂံၢ်အဘါဒီး ကသူၣ်ထီၣ်တၢ်ကရၢကရိလၢဂၢၢ်ဂၢၢ်ကျၢၤကျၢၤဘၣ်ကျိၤဘၣ်ကျဲကသ့အဂီၢ် ကမၤဝဲ တဘျီဃီအဂ့ၢ် ပှၤအါဂၤဘၣ်သူၣ်ဘၣ်သးဝဲအဃိ တကီၢ်ခါကီၢ်သူလ့ၤတၢ်ပၢတၢ်ြပးဒီးခါဆူညါကီၢ်သူလ့ၤပဒိၣ်တၢ်ပၢ တၢ်ြပး သနူ အဂီၢ် တၢ်ဆၢတဲၥ်ပၥ်ဂၢၢ်ပၥ်ကျၢၤဝဲတၢ်ဂ့ၢ်(၁၁)ထံၣ်ဒီးတၢ်ပၥ်သး(၅)ထံၣ်လၢတၢ်ကဆဲးမၤအီၤလၢဆူညါအဂီၢ် အဂ့ၢ်န့ၣ် သ့ၣ်ညါဘၣ်န့ၣ်လီၤ.
တကတီၢ်ဃီ လၢတၢ်သူၣ်ထီၣ်က့ၤကီၢ်သူလ့ၤတၢ်မၤအပူၤ ဒ်သိးတၢ်ပၢတၢ်ြပးကဘၣ်ဘျီးဘၣ်ဒါလိၥ်သးဒီးကမျၢၢ်အတၢ်လိၣ် ဘၣ်,တၢ်မုၢ်လၢ်ဒီး စၢၤသွဲၣ်သီတဖၣ်အတၢ်မူတၢ်အီၣ်ကုးအီပှဲၤကအိၣ်အဂီၢ်, ပှၤအါဂၤအတၢ်ပၣ်ဃုၥ်ပၣ်ဂီၢ်လၢတၢ်သူၣ်ထီၣ် ကီၢ်သူလ့ၤလၢ အအိၣ်ဒီးတၢ်ထဲသိးတုၤသိးအဂီၢ် ဒီး ခ့ခါစိၤတၢ်လဲၤထီၣ်လဲၤထီအဂီၢ် ကဃုမၤလိအါထီၣ်,မၤဂ့ၤထီၣ်ဝဲဒၣ် အဂ့ၢ်န့ၣ် သ့ၣ်ညါဘၣ် န့ၣ်လီၤ.
