လါယူၤလံ ၂၇သီ, ၂၀၂၆နံၣ်, ခ့ၣ်အဲးစံၣ်
(Campaign) စ့ကတုၤလၢတၢ် ပၥ်ပနီၣ်အဂီၢ်ဒီး ကီၢ်သူလ့ၤဟီၣ်ကဝီၤအပူၤ ကၠိသရၣ်သရၣ်မုၣ်တဖၣ် ကဒိးန့ၢ်ဘၣ် တၢ်ဆီၣ်ထွဲမၤစၢၤအဂီၢ် ပှၤကိးဂၤဒဲးကပၣ်ဃုၥ်ပၣ်ဂီၢ်သကိးအဂ့ၢ် ကညီကူၣ်သ့ဆဲးလၤဝဲၤကျိၤ (KECD) ဆီၣ်တခူထီၣ် ကဒီး ဝဲဒၣ်န့ၣ်လီၤ.
(Campaign)အတၢ်ရဲၣ်တၢ်ကျဲၤအံၤ (၆)နွံ အတီၢ်ပူၤ တၢ်ပညိၣ်တိၥ်လီၤပၥ်ဝဲလၢတၢ်ကဃုဝဲစ့ ($ ၁၀၀,၀၀၀)အမဲရကၤဒီလၣ် တကလီၢ် ဒီး(၃)နွံဘျဲၣ်အတီၢ်ပူၤ တၢ်ဒိးန့ၢ်ဘၣ်ဒံးဝဲဒၣ်ထဲ($ ၁၀,၀၀၀)ဘျဲၣ်လီၤ အဃိ လိၣ်ဘၣ်ဒံးဝဲဒၣ် အမဲရကၤဒီလၣ် ($ ၈၀,၀၀၀)ဘျဲၣ် အဂ့ၢ် (KECD) ပၥ်ဖျါထီၣ်ဝဲဒၣ် န့ၣ်လီၤ.
လၢတၢ်န့ၣ်အဃိ ဒ်သိးတၢ်ပၥ်ပနီၣ်စ့ပၥ်ကီၤကပှဲၤထီၣ်အဂီၢ် (KECD)ဘိးဘၣ်ပၥ်ဖျါဝဲလၢ ဆၢမုၢ်လၢ်ဒီးကွဲမုၥ်ဝဲ ပှၤ ကိးဂၤ လၢကဆဲးဆီၣ်ထွဲမၤစၢၤဝဲ(ခဲၣ်ဖ့)တၢ်ရဲၣ်အံၤအသိး တၢ်ဟူးတၢ်ဂဲၤအိၣ်ဒံးဝဲအဖီခိၣ် တၢ်ကဆဲးပၣ်ဃုၥ်ဝဲအဂ့ၢ် (KECD) တၢ်ဆဲးကျိးဒီးတၢ်လီၤကရၢကရိ မူဒါခိၣ် စီၤသီသံၣ် ဆီၣ်သခူစံးဝဲဒ်အံၤ န့ၣ်လီၤ.
အဝဲစံးဝဲလၢ “တကီၢ်ခါခဲအံၤ ပဒိးန့ၢ်ဘၣ်ထဲ(၁၁)မျးကယၤလီၤ. တၢ်လိၣ်ဘၣ်အိၣ်ဒံးဝဲ (၈၉)မျးကယၤညါအဃိန့ၣ် ခဲအံၤ ပလဲၤန့ၢ် လၢ (၄)နွံအတီၢ်ပူၤလံ အိၣ်တ့ၢ်ထဲ (၂)နွံ အဃိလၢပကဒိးန့ၢ်ဘၣ်(၈၉)မျးကယၤအံၤအဂီၢ် ပအိၣ်ဝဲဒၣ်လၢ တၢ်ဆီၣ်တခူပှၤကိးဂၤဒဲးအပူၤန့ၣ်လီၤ”အဂ့ၢ်စံးဝဲန့ၣ်လီၤ.
ကီၢ်သူလ့ၤဟီၣ်ကဝီၤ ကၠိသရၣ်သရၣ်မုၣ်တဖၣ် ကဒိးန့ၢ်ဘၣ် တၢ်ဆီၣ်ထွဲမၤစၢၤအဂီၢ် ကညီ ကူၣ်သ့ ဆဲးလၤဝဲၤကျိၤ (KECD), ကညီကၠိ သရၣ်ပှၤမၤသကိးတၢ်ဖိကရူၢ် KTWG (Karen Teacher Working Group) ဒီး Beyond-Sitaung Education, ဒီး ကညီကၠိဖိကရၢ (KSA)သ့ၣ်တဖၣ်ပၥ်ဖှိၣ်သးမၤဝဲ (Campaigan) တၢ်ရဲၣ်တၢ်ကျဲၤ အံၤအဂ့ၢ်,သ့ၣ်ညါဘၣ်န့ၣ်လီၤ.
တၢ်ရဲၣ်တၢ်ကျဲၤအ တၢ်ဟူးတၢ်ဂဲၤအဂီၢ် တၢ်မၤဝဲတၢ်ဆါတၢ်ပှ့ၤ, တၢ်ဆါလီၤ(ဘူၣ်တီၢ်နီၢ်ဂံၢ်) လံၥ်ဖှီတဲၥ် ဒီးတုၤဃီၤဝဲလၢ (၃)နွံဘျဲၣ်အတီၢ်ပူၤလံအဂ့ၢ်,သ့ၣ်ညါဘၣ်န့ၣ်လီၤ.
ကီၢ်သူလ့ၤဟီၣ်ကဝီၤ အပူၤကွံၥ်(၂၀၂၅-၂၆) ကၠိတၢ်မၤလိနံၣ်အပူၤ ကၠိသရၣ်သရၣ်မုၣ်ခဲလၢၥ်အိၣ်ဝဲ(၁၁,၉၃၉)ဂၤ, ကၠိဖိခဲလၢၥ်အိၣ်ဝဲအဂၤ (၁၄၉,၇၂၈) ဒီး ကၠိခဲလၢၥ်အိၣ်ဝဲ(၁၇၃၈)ဖျၢၣ်အဂ့ၢ်,သ့ၣ်ညါဘၣ်န့ၣ်လီၤ.
ဒီးခီဖျိကူၣ်သ့စ့ပၥ်ကီၤတလၢတလီၣ်ဝဲဘၣ်အဃိ, အပူၤကွံၥ်ကၠိတၢ်မၤလိနံၣ်တဖၣ် အပူၤ သရၣ်/သရၣ်မုၣ်သ့ၣ်တဖၣ် အံၤ တနံၣ်အတီၢ်ပူၤတဂၤန့ၣ် ဒိးန့ၢ်ဘၣ်ဝဲ ဘူးလဲလၢစ့ယိၤ(၁၀,၀၀၀)ဘးဘျဲၣ်အိၣ်ဝဲဘၣ်ဆၣ်, (၂၀၂၅-၂၆)နံၣ်အပူၤ ဒိးန့ၢ်ဘၣ်က့ၤဝဲထဲ (၇,၅၀၀)အဂ့ၢ်, (KECD) ပၥ်ဖျါတ့ၢ်ဝဲဒၣ်န့ၣ်လီၤ.
ဒ်န့ၣ်အသိး, စ့ယိၤ(၇,၅၀၀)အံၤ တကီၢ်ခါခဲအံၤစ့ပယီၤအတၢ်ဒိးလဲ အလုၢ်အပှ့ၤအိၣ်ဝဲထဲ (၁,၀၀၀,၀၀၀)အကလီၢ် တဆံခိၣ်ဃၢၤအဃိ တၢ်မ့ထိၣ်ဒွးဝဲကၠိသရၣ်/သရၣ်မုၣ်တဖၣ်အံၤအဘူးအလဲန့ၣ် တလါဒီးတလါ ဒိးန့ၢ်ဘၣ်ဝဲတၢ်ဆီၣ် ထွဲမၤစၢၤထဲဒၣ် စ့ပယီၤ (၈၀၀၀၀)ကၠး လီၤအဂ့ၢ်,သ့ၣ်ညါဘၣ်န့ၣ်လီၤ.
