လါစဲးပထ့ဘၢၣ် ၁သီ, ၂၀၂၆နံၣ်, ခ့ၣ်အဲးစံၣ်,
ခ့ၣ်အဲးယူၣ်-ကညီဒီကလုၥ်စၢဖှိၣ်ကရၢ သုးက့(၇) ဖၣ်အၣ်ကီၢ်ရ့ၣ် တၢ်ြကဲၢ်ကီၢ်ဆၣ် ဟီၣ်ကဝီၤ ပံၢ်တခး ကညီတီၤထီ ကၠိအံၤ တကီၢ်ခါခဲအံၤ ခီဖျိ မူခိၣ်စူၤထံဒိၣ် အဃိ တၢ်ပံးဃၥ်ဝဲကၠိ တနွံ အဂ့ၢ်, ကၠိပှၤဘၣ်မူဘၣ်ဒါတဖၣ် ရၤလီၤ ပၥ်ဖျါထီၣ်ဝဲဒၣ်န့ၣ်လီၤ.
ကၠိအံၤတၢ်ကစးထီၣ်ပံးဝဲဒၣ်ဖဲ တနံၤအံၤ လါစဲးပထ့ဘၢၣ်(၁)သီအနံၤ တုၤလါစဲးပထ့ဘၢၣ်(၆)သီအနံၤ အဂ့ၢ်, ပှၤဘၣ်မူ ဘၣ်ဒါတဖၣ် ရၤလီၤပၥ်ဖျါဝဲဒၣ်န့ၣ်လီၤ.
ဘၣ်ဃးတၢ်ပံးကၠိ အဖီခိၣ်, ကၠိပှၤမၤသကိးတၢ် နီၢ်အဲၣ်သးဆၢ စံးဝဲလၢ “ခဲခဲအံၤ ခီဖျိမူခိၣ်စူၤအါအဃိ ပပံးန့ၢ်ဖိသၣ်ကၠိ န့ၣ်လီၤ.ပကွၢ်က့ၤ တၢ်စူၤန့ၣ် အဆၢတတဲၥ်ဘၣ် ဒီး ဖိသၣ်တဖၣ်န့ၣ် ဟဲထီၣ်ကၠိ အယံၤအိၣ် အဘူး အိၣ်အဃိတနီၤ ထံအါဟဲထီၣ်ဝဲလၢကျဲတသ့ ဘၣ်အိၣ်ဝဲန့ၣ်လီၤ.”အဂ့ၢ် စံးဝဲန့ၣ်လီၤ.
ပံၢ်တခးကၠိအံၤ မ့ၢ်ဝဲ ကညီကူၣ်သ့ဆဲးလၤဝဲၤကျိၤ (KECD) အစုတီၤဖီလၥ်ကၠိတဖျၢၣ် ဒီး ပံၢ်တခး သဝီဒီး ခိၣ်ဃၢၤ ဒူသဝီ ဖိဒံဖိသၣ်တဖၣ်ဟဲထီၣ်မၤလိမၤဒိးဝဲတၢ်အမဲၥ်ညါ, ဖိဒံဖိသၣ်လၢအိၣ် တန့ကီး, ပီၢ်လၢၤတဖၣ် စ့ၢ်ကီး လဲၤမၤလိတၢ်အိၣ်ဝဲအဂ့ၢ်, ကၠိပှၤဘၣ်မူဘၣ်ဒါတဖၣ်စံးဝဲန့ၣ်လီၤ.
ဒ်န့ၣ်အသိး, တနံၣ်အံၤ ကၠိဖိခဲလၢၥ်အိၣ်ဝဲ အဂၤ(၂၀၀) ဘျဲၣ်ဒီး နံၣ်လၢအပူၤကွံၥ် မၤလိမၤလိဝဲတၢ်လၢ (တစိၢ်တ လီၢ်) တၢ်ဘံၣ်တၢ်ဘၢတၢ်ပၥ်ပနီၣ် လီၢ် အဖီခိၣ် ကဘီယူၤတၢ်လီၤဘၣ်ယိၣ် အိၣ်စှၤဝဲဘၣ်ဆၣ်, တနံၣ်အံၤ ခီဖျိတၢ်က့ၤ နုၥ် လီၤမၤလိက့ၤဝဲတၢ်လၢ ကၠိကရၢၢ်ပူၤလံ အဃိ ဘၣ်အိၣ်ပလီၢ်ဝဲအသးလၢ ကဘီယူၤတၢ်လီၤဘၣ်ယိၣ် တပယူၥ်ဃီ အ ဂ့ၢ်, ကၠိပှၤဘၣ်မူဘၣ်ဒါတဖၣ်စံးဝဲန့ၣ်လီၤ.
