KIC News

လါစဲးပထ့ဘၢၣ် ၁၆ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)ဒွဲၣ်လိကီၢ်ဆၣ်အပူၤ သုးမီၤစိရိၤအသုးဖိလၢပၣ်ဃုၥ်လၢသုးကျိၤအတၢ်ဟဲထီၣ်ပူၤအံၤတဂၤ ဟဲက့ၤဟ့ၣ်လီၤစုကဝဲၤအသိး KNLA သုးပၥ်ဖှိၣ်ထီၣ်ခးမၤန့ၢ်ဝဲပယီၤသုးအကျိ (၃)ခိၣ် အဂ့ၢ်န့ၣ် ကီၢ်ရ့ၣ်တၢ်ကစီၣ် ထုးထီၣ်ပၥ်ဖျါ ဝဲန့ၣ်လီၤ. လၢကထီၣ်ဒိၣ်စိက့ၤဖၣ်ပူၣ်အံၤအဂီၢ် ပယီၤသုးလၢအဟဲထီၣ်ဟူးဂဲၤဖဲကမၤမိၢ်-ကတၢတံၥ်ကျဲအံၤတဖၣ်လၢတၢ်ဆီၣ်ဘံၣ်ဆီၣ်ဘၢ တၢ်အိၣ်သးအကလုၥ်ကလုၥ်အဖီခိၣ် စံၣ်ဖျိးထီၣ်အိၣ်တပယူၥ်ဃီဒီး ဖဲလါစဲးပထ့ဘၢၣ် ၁၃ သီအခါစ့ၢ်ကီး...

လါစဲးပထ့ဘၢၣ် ၁၅ သီ, ၂၀၂၆ နံၣ်, ခ့ၣ်အဲးစံၣ် ကရ့ၣ်ကီၢ်စဲၣ်တၢ်ပၢဟီၣ်ကဝီၤ အပူၤကွံၥ်လါအီကူးတလါအတီၢ်ပူၤ သုးမီၤစိရိၤထီဒါမၤထီဒါဝဲပှၤဂ့ၢ်ဝီခွဲးယၥ်ကဲထီၣ်(၃၀)ဘျီ ဒီး ဖဲန့ၣ်လီၢ်ကဝီၤကမျၢၢ်သံ(၉)ဂၤ,ဘၣ်ဒိဘၣ်ထံးဝဲ(၄၂)ဂၤအဂ့ၢ်န့ၣ် ကရ့ၣ်နံၣ်ဂ့ၢ်ဝီခွဲးယၥ်ကရူၢ်(KnHRG)ထုးထီၣ်ပၥ်ဖျါဝဲဒၣ်န့ၣ်လီၤ. ဒ်(KnHRG)အလံၥ်တၢ်ပၥ်ဖျါပူၤအသိးန့ၣ် တလါအတီၢ်ပူၤ ဖရူၤစိၤ,လွဲၤကီၤ,ဒံၤမီၣ်စိၤဒီးဖဲၤခိၣ်ဟီၣ်ကဝီၤအပူၤ ကဘီယူၤလဲၤခး လီၤတၢ်(၂)ဘျီ, ခးလီၤကျိဖးဒိၣ်(၃)ဘျီ,လဲၤတ့ၢ်လီၤဒြိမ့ၣ်ပိၢ်(၁၆)ဘျီ,မၤသံဒီးခးသံဝဲကမျၢၢ်ကဲထီၣ်(၂)ဘျီ,ဖီၣ်ဝဲကမျၢၢ်(၅)ဘျီဒီး ဒွဲၣ်အူအီၣ်ဝဲကမျၢၢ်ဟံၣ်(၂)ဘျီအဃိ သုးမီၤစိရိၤမၤထီဒါဝဲပှၤဂ့ၢ် ဝီခွဲးယၥ်ပၥ်ဖှိၣ်ကဲထီၣ်ဝဲ(၃၀)ဘျီန့ၣ်လီၤ. ဒီးခီဖျိလၢသုးမီၤစိရိၤအတၢ်ဟူးတၢ်ဂဲၤသ့ၣ်တဖၣ်အံၤအဃိ ကမျၢၢ်ပိၥ်မုၣ်(၆)ဂၤ,ပိၥ်ခွါ(၂)ဂၤ,ဖိသၣ်(၁)ဂၤပၥ်ဖှိၣ်ခဲလၢၥ်(၉)ဂၤ ဘၣ်သံဝဲဒၣ်ဒီး တကးဒံးဘၣ်ကမျၢၢ်ပိၥ်ခွါ(၃၀)ဂၤ,ပိၥ်မုၣ်(၉)ဂၤဒီးဖိသၣ်(၄)ဂၤ ပၥ်ဖှိၣ်ခဲလၢၥ်(၄၃)ဂၤဘၣ်ဒိဘၣ်ထံးဝဲစုၥ်စုၥ် န့ၣ်လီၤ. လၢန့ၣ်အမဲၥ်ညါကမျၢၢ်ဟံၣ်(၃၁)ဖျၢၣ်,...

လါစဲးပထ့ဘၢၣ် ၁၃ သီ, ၂၀၂၆ နံၣ်, ခ့ၣ်အဲးစံၣ် လၢကထီၣ်လူၤက့ၤ ဖၣ်ပူၣ်ဝ့ၢ်လၢအိၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)ဟီၣ်ကဝီၤပူၤအံၤအဂီၢ် ပယီၤသုးကျိၤ လၢအဟဲ ထီၣ်ဟူးဂဲၤဖဲကမၤမိၢ်-ကတၢတံၥ်ကျဲအံၤတဖၣ် လၢအတၢ်ဟဲထီၣ်(၄)လါအတီၢ်ပူၤသူဝဲကျိဖးဒိၣ်,ဒြိဒီးကဘီယူၤလၢလၢ ပှဲၤပှဲၤ ဘၣ်ဆၣ် ဘၣ်တၢ်ခိးခးအဝဲသ့ၣ်လၢ(KNLA)သုးပၥ်ဖှိၣ်ဒိၣ်ဒိၣ်မုၢ်မုၢ်အဃိ သံဝဲဒၣ်အါအါဂီၢ်ဂီၢ်ဒီး ဆှူဝဲဒၣ်ဒုးယၤဂ့ၢ်ဝီ အဂ့ၢ်န့ၣ် မုၢ်တြီၢ်ကီၢ်ရ့ၣ် ထုးထီၣ်ပၥ်ဖျါစံးဝဲဒၣ်န့ၣ်လီၤ. စးထီၣ်ဖဲတနံၣ်အံၤလါမ့ၤထီၣ်အခါန့ၣ် ပယီၤသုးကျိၤလၢသုးဂံၢ်ဘါပၣ်ဝဲ(၂၀၀၀)ဃၣ်ဃၣ်လၢအဟဲထီၣ်တဖၣ်ဂုၥ်ကျဲးစၢး လဲၤ...

လါစဲးပထ့ဘၢၣ် ၁၃ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ချၢၣ်လွံၢ်ထူၣ်ကီၢ်ရ့ၣ်(သုးက့ ၃) မူကီၢ်ဆၣ် ဘိၣ်ဆိၣ်ခ့ၤ(ဘုတ်ဆုတ်ခင်)သဝီအပူၤ ခီဖျိပယီၤသုးလဲၤတ့ၢ်လီၤဒြိမ့ၣ်ပိၢ် အဃိ ဃုၥ်ဒီးဖိသၣ်လၢအသးနံၣ်အိၣ်တနံၣ်အံၤသံဝဲ(၆)ဂၤဒီး ဘၣ်ဒိဘၣ်ထံးဝဲ(၈)ဂၤအဂ့ၢ်န့ၣ် ခ့ၣ်အဲၣ်ယူၣ် ထုးထီၣ်ပၥ်ဖျါဝဲဖဲတနံၤ အံၤ လါစဲးပထ့ဘၢၣ် ၁၃ သီအံၤန့ၣ်လီၤ. ဖဲအပူၤကွံၥ်လါစဲးပထ့ဘၢၣ် ၅ သီအနံၤန့ၣ် သုးမီၤစိရိၤအသုးလၢအိၣ်ဆီလီၤသးဖဲ(တခွန်တိုင်)သဝီသ့ၣ်တဖၣ်အံၤ လဲၤတ့ၢ်လီၤဝဲ...

လါစဲးပထ့ဘၢၣ် ၁၁ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ်(သုးက့ ၆)ဟီၣ်ကဝီၤအပူၤ ဖဲတၢ်မၤလၤကပီၤဝဲ ၃၅ ဝီတဝီ ကညီဒီ ကလုၥ်ပၢၤကီၢ်သုး(KNPF)မုၢ်နံၤတၢ်ရဲၣ်တၢ်ကျဲၤပူၤအခါန့ၣ် ကသံၣ်မူၤဘှီးလၢတၢ်ဖီၣ်န့ၢ်ဝဲတဖၣ်ဘၣ်တၢ်ဒွဲၣ်အူအီၣ်မၤဟးဂီၤဃုၥ်ဝဲ အဂ့ၢ် န့ၣ် ကီၢ်ရ့ၣ်ကစီၣ်ထုးထီၣ်ပၥ်ဖျါဝဲဖဲမဟါလါစဲးပထ့ဘၢၣ် ၁၀ သီအံၤန့ၣ်လီၤ. ဖဲအပူၤကွံၥ်လါစဲးပထ့ဘၢၣ် ၉ သီလၢအလီၤဘၣ်ဝဲကညီဒီကလုၥ်ပၢၤကီၢ်သုးမုၢ်နံၤပှဲၤထီၣ်ဝဲ ၃၅ ဝီတဝီအံၤ ခ့ၣ်အဲၣ်ယူၣ်...

လါစဲးပထ့ဘၢၣ် ၁၀ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဘိးဘၣ်ရၤလီၤဝဲကၠိတၢ်ပူၤဖျဲးအလံၥ်ဘိးဘၣ်ရၤလီၤဝံၤလီၢ်ခံ (၂)နံၣ်အတီၢ်ပူၤ ခီဖျိလၢသုး မီၤစိရိၤအတၢ်ခးပနီၣ်အဃိ ကၠိဟးဂီၤဝဲ(၃၄)ဖျၢၣ်ဒီး ပှၤကၠိဖိ,ကၠိသရၣ်/မုၣ်သံဝဲ(၃၃)ဂၤအဂ့ၢ်န့ၣ် လီၢ်ခၢၣ်သးကညီကူၣ်သ့ဆဲးလၤ ဝဲၤကျိၤ (KECD)ထုးထီၣ်ပၥ်ဖျါဝဲဖဲမဟါ လါစဲးပထ့ဘၢၣ် ၉ သီအနံၤန့ၣ်လီၤ. ဖဲ(၂၀၂၄)လါစဲးပထ့ဘၢၣ် ၉ သီ ခ့ၣ်အဲၣ်ယူၣ် ဘိးဘၣ်ရၤလီၤဝဲ“ကီၢ်သူလ့ၤကၠိတၢ်ပူၤဖျဲးအလံၥ်ဘိးဘၣ်ရၤလီၤ”ဝံၤလီၢ်ခံ...

လါစဲးပထ့ဘၢၣ် ၉ သီ, ၂၀၂၆ နံၣ်, ခ့ၣ်အဲးစံၣ် “ကညီဒီကလုၥ်ပၢၤကီၢ်သုး” အိၣ်ဒီးမူဒါဖးဒိၣ်လၢကမၤလၢပှဲၤဝဲကညီဒီကလုၥ်အတၢ်မိၣ်န့ၢ်သးလီဒီးကညီဒီကလုၥ်အထံရူၢ်ကီၢ်သဲး တၢ်ပညိၣ်ကွၢ်စိအဂ့ၢ်န့ၣ် ခ့ၣ်အဲၣ်ယူၣ် စံးလီၤဝဲဖဲတနံၤအံၤလါစဲးပထ့ဘၢၣ် ၉ သီလၢအလီၤဘၣ်ဝဲ Karen National Police Force-KNPF မုၢ်နံၤပှဲၤထီၣ်ဝဲ(၃၅)ဝီတဝီ အလံၥ်ဟ့ၣ်ယုၢ်ပူၤအံၤန့ၣ်လီၤ. လၢ(၃၅)ဝီတဝီ KNPF မုၢ်နံၤလၢအလီၤဘၣ်ဝဲဖဲတနံၤအံၤလါစဲးပထ့ဘၢၣ် ၉ သီအံၤ KNU ဆၢဂ့ၤဆၢဝါဝဲ...

လါစဲးပထ့ဘၢၣ် ၉ သီ, ၂၀၂၆ နံၣ်, ခ့ၣ်အဲးစံၣ် ထံသဲလ့သဝီလၢအိၣ်ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)ဟီၣ်ကဝီၤလၢ သဂၢၢ်ဘၣ်ဝဲ ကျိဖးဒိၣ်, ကဘီယူၤအတၢ်လဲၤခးလီၤတၢ်တလီၢ်လီၢ်အံၤန့ၣ် ဖဲလါစဲးပထ့ဘၢၣ် ၇ သီ တနံၤဃီအတီၢ်ပူၤ ကဘီယူၤလဲၤတ့ၢ်လီၤကဒီးဝဲ မ့ၣ်ပိၢ် ဒီးပယီၤသုးခးလီၤစ့ၢ်ကီးဝဲကျိဖးဒိၣ်အဂ့ၢ်န့ၣ် သ့ၣ်ညါဘၣ်လၢလီၢ်ကဝီၤပှၤဘၣ်မူဘၣ်ဒါအအိၣ်န့ၣ်လီၤ. ဖဲအပူၤကွံၥ်လါစဲးပထ့ဘၢၣ် ၇ သီ ဂီၤခီ ၁၀း၃၀...

လါစဲးပထ့ဘၢၣ် ၉သီ, ၂၀၂၆နံၣ်, ခ့ၣ်အဲးစံၣ်, ကဟံးထီၣ်ဖီၣ်ထီၣ်ဝဲ သုးကရူၢ်ဂ့ၢ်ဝီ အဂီၢ် ကဘၣ်ဆီတလဲဝဲတၢ်ကတိၤအဖျၢၣ်တဖၣ်ဆူ တၢ်မၤနီၢ်ကီၢ်အဂ့ၢ် (Burma Campaign UK) ပှၤနဲၣ်တၢ် နၣ်စိယၣ်ဖါ ဆီၣ်သခူထီၣ်ဃ့ထီၣ်ဝဲ ဘီမုၢ်စၢဖှိၣ်ကရၢ ပှၤဂ့ၢ်ဝီခွဲးယၥ်ကီၣ်ကး(UN Human Rights Council ) အဂ့ၢ်, သ့ၣ်ညါဘၣ်န့ၣ်လီၤ. (Burma...

လါစဲးပထ့ဘၢၣ် ၈ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)လူၤသီကီၢ်ဆၣ် လၢၢ်မုၢ်ပျီကရူၢ်အပူၤ ထီမုၢ်ပျဲၢ်မဲပယီၤသုးကလၢၤ လၢအအိၣ်ဆီလီၤသးန့ၢ်ဝဲအခိၣ်အနံၣ်(၃၀)ဃၣ်ဃၣ်အံၤ အပှၤသုးဖိသံၣ်ဖိခဲလၢၥ်ထုးလီၤကွံၥ်သးဟးထီၣ်က့ၤဝဲအဂ့ၢ်န့ၣ် လီၢ်ကဝီၤ ပှၤဘၣ်မူဘၣ်ဒါ စံးဝဲန့ၣ်လီၤ. ဖဲအပူၤကွံၥ်လါအီကူး ၂၉ သီအနံၤန့ၣ် ထီမုၢ်ပျဲၢ်မဲသုးကလၢၤလၢသုးဂံၢ်ဘါကအိၣ်ဝဲအဂၤ(၇၀)ဃၣ်ဃၣ်အံၤ ဟးထီၣ်ကွံၥ်ဝဲလၢ သုးကလၢၤအပူၤဒီး ဖဲတနံၤအံၤလါစဲးပထ့ဘၢၣ် ၈ သီအံၤ ဟီၣ်ကဝီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးပၥ်ဖှိၣ်...