လါယူၤ ၅ သီႇ ၂၀၂၀ နံၣ်ႇ စးအဲၣ်ဆူ
ကညီကီၢ်စဲၣ်ႇ မုၢ်ြတီၢ်လီၢ်က၀ီၤပူၤ ကီၢ်ပယီၤသုးမုၢ်ဒိၣ် စုဒုၣ်စုတီၤသုးရ့ၣ်အံၤ ခီဖျိလၢခးလီၤ၀ဲကျိဖးဒိၣ်လၢ လီၢ်က၀ီၤဒူသ၀ီပူၤအဃိ ဖဲလါယူၤ ၂ သီအနံၤန့ၣ် ၦၤသ၀ီဖိ ၂ ဂၤ ဘၣ်ဒိ၀ဲဒၣ်ဒီး ဘၣ်တၢ်ဆှၢအ၀ဲသ့ၣ်ဆူတၢ်ဆါဟံၣ်လၢအဘူးဖဲန့ၣ်အဂ့ၢ်န့ၣ် သ့ၣ်ညါဘၣ်လၢလီၢ်က၀ီၤပူၤ တၢ်ကစီၣ်ဂံၢ်ထံးတဖၣ်အအိၣ်န့ၣ်လီၤႉ
မုၢ်ြတီၢ်(ဖၣ်ပူၣ်)ကီၢ်ရ့ၣ်ႇ ဒွဲၣ်လိကီၢ်ဆၣ်ႇ မီလိာ်ကျိသ၀ီအကပိၤကပၤန့ၣ် ဖဲလါယူၤ ၂ သီအနံၤ ပယီၤသုးဒီး KNLA –ကညီဒီကလုာ်တၢ်ထူၣ်ဖျဲးသုးမုၢ်ဒိၣ်တဖၣ်အဘၢၣ်စၢၤ တၢ်ခးလိာ်သးကဲထီၣ်၀ဲဒၣ်ဒီး ဖဲန့ၣ်ပယီၤသုး နီၣ်ဂံၢ်(၈) ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ် စုဒုၣ်စုတီၤအဖီလာ် ခီၣ်ချ့သုးရ့ၣ်(ခမရ–၄၁၀)သုးကလၢၤအံၤ ခီဖျိလၢခးလီၤ၀ဲကျိဖးဒိၣ်လၢ မီလိာ်ကျိသ၀ီအလီၢ်ခံ၀ၣ်သိၣ်ထၣ်သ၀ီအပူၤအဃိ ၀ၣ်သိထၣ်သ၀ီ...
လါယူၤ ၅ သီႇ ၂၀၂၀ နံၣ်ႇ ခ့ၣ်အဲးစံၣ်
KNU- ကညီဒီကလုာ်စၢဖှိၣ်ကရၢ တၢ်ပၢဟီၣ်က၀ီၤ ချၢၣ်လွံၢ်ထူၣ်ကီၢ်ရ့ၣ်(သုးက့ ၃) ခၠီထံးကီၢ်ဆၣ် ချ့ၤ=ခၠိ၀ၣ် ကျဲ ဂာ်တဲာ်ႇ KNU တၢ်ြတီဆၢ Covid-19 တၢ်သမံသမိးအလီၢ်တခါလၢ တၢ်တ့အီၤဘူးက၀ံၤအံၤ ဖဲလါယူၤ ၂ သီအနံၤန့ၣ် ဘၣ်တၢ်ဟဲမၤဟးဂီၤ၀ဲအဂ့ၢ်န့ၣ် သ့ၣ်ညါဘၣ်လၢ KNU ချၢၣ်လွံၢ်ထူၣ်ကီၢ်ရ့ၣ် ၦၤဘၣ်မူဘၣ်ဒါတဖၣ်အ အိၣ်လီၤႉ
တၢ်ြတီဆၢဆိတၢ်ဆါ တၢ်သမံသမိးအလီၢ်အံၤ ဖဲ Covid-19 အကတီၢ် ၦၤဟးထီၣ်နုာ်လီၤလၢ ကစၢၢ်ခိၣ်တၢ် လီၢ်တဖၣ် ဒ်သိးတၢ်ကသမံသမိး၀ဲကသ့အဂီၢ် လီၢ်က၀ီၤအပူၤတၢ်ြတီဆၢတၢ်ဆါကမံးတံာ်အံၤ ဖဲလါယူၤ ၂...
လါယူၤ ၃ သီႇ ၂၀၂၀ နံၣ်ႇ စီၤမၠၣ်အူသၣ်
KNU- ကညီဒီကလုာ်စၢဖှိၣ်ကရၢ ၀ီၢ်ရီကီၢ်ဆၣ်အပူၤ တၢ်သူၣ်ဃာ်၀ဲဘဲထံထူၣ်တဖၣ်န့ၣ် လၢတနွံအတီၢ်ပူၤ တၢ်မ့ၢ်တကျီမၤရှဲလဲက့ၤ၀ဲဘၣ်န့ၣ် တၢ်ကဟံန့ၢ်အရ့ဒ်ကီၢ်သူလ့ၤ ကသံၣ်မူၤဘှီးတၢ်ဘျၢသဲစးအသိးအဂ့ၢ်န့ၣ် ဖဲလါမ့ၤ ၃၁ သီအနံၤန့ၣ် ကညီဒီကလုာ်ပၢၤကီၢ်သုးကရူၢ် ထုးထီၣ်၀ဲလံာ်န့ၣ်လီၤႉ
တၢ်သူၣ်၀ဲဘဲထံထူၣ်အံၤ KNU တဟ့ၣ်၀ဲအခွဲးဘၣ်ႇ တၢ်ကဟံ၀ဲအရ့လီၤဒီး လၢဒူသ၀ီအပူၤတၢ် သူၣ်ဃာ်၀ဲမ့ၢ်အိၣ်စ့ၢ်ကီးန့ၣ် တၢ်ကပာ်၀ဲအလီၢ်ခံကတၢၢ်တုၤလၢလါယူၤ ၇ သီ ဒီး တၢ်ကဘၣ်မၤဟးဂီၤအီၤဂ့ၢ်န့ၣ် KNPF လၢလံာ်ပာ်ဖျါအပူၤပာ်ဖျါ၀ဲန့ၣ်လီၤႉ
KNPF ၀ီၢ်ရီကီၢ်ဆၣ် နီၣ်ဂံၢ်(၄) ပၢၤကီၢ်ရူမူဒါခိၣ် စီၤည့ခၠါ စံး၀ဲလၢ “လၢကသံၣ်မူၤဘှီးအလီၢ်န့ၣ် က့ၤဆီတ လဲသူ၀ဲလၢဘဲထံထူၣ်လီၤႉ...
လါယူၤ ၂ သီႇ ၂၀၂၀ နံၣ်ႇ နါ၀့ၤဖၠိစၣ်
ကညီကလုာ်ဒူၣ်လၢအအိၣ်ဆိး၀ဲ ဖဲတလၢၤ(မိၣ်)ကီၢ်စဲၣ်အပူၤတဖၣ် နံၣ်လၢကဟဲ ၂၀၂၀–၂၀၂၁ တၢ်သိၣ်လိနံၣ်န့ၣ် ဖဲလဲၤဆဲးလီၤမံၤအဆၢကတီၢ် ထၢနုာ်ဃုာ်ဒီးကညီကလုာ်ဒူၣ်တဖၣ်အတၢ်မၤနီၣ်လၢအမ့ၢ် စီၤႇ နါႇ နီၢ် တဖၣ်န့ၣ် မိၣ်ကီၢ်စဲၣ် ကညီကလုာ်ဒူၣ်ဂ့ၢ်၀ီကိတိာ် စီၤအီၣ်မၠ့ၣ်ခဲၤ ဆီၣ်တခူထီၣ်၀ဲန့ၣ်လီၤႉ
ဘၣ်ထဲဒွီးတၢ်ထၢနုာ်ဃုာ်ဒီးကလုာ်ဒူၣ်အတၢ်ပနီၣ်ကန့ၢ်အဂီၢ် ဆဲးလီၤမံၤလၢတၢ်သူၣ်အိၣ်သးအိၣ်နီၢ်နီၢ်န့ၣ် ကၠိဖိ မိၢ်ပၢ်ႇ က၀ီၤဒ့ႇ ဒူသ၀ီပၢြပးအခိၣ်လၢအဘၣ်ထဲတွဖၣ်ဒီး ကညီလံာ်လဲၢ်ဒီးတၢ်ဆဲးတၢ်လၤကမံးတံာ်တဆီ ဒ်သိးကသ့ၣ်ညါ၀ဲအဂီၢ် ဖဲလါမ့ၤ ၂၆ သီအနံၤ ကီၢ်ဆၣ်လၢအအိၣ်မိၣ်ကီၢ်စဲၣ်အပူၤ ပၢြပး၀ဲၤကျိၤခဲလၢာ် ကညီကလုာ်ဒူၣ်ကလုာ်ဂ့ၢ်၀ီကိတိာ်အံၤ ဆှၢဟ့ၣ်ဒုးသ့ၣ်ညါ၀ဲလံာ်န့ၣ်လီၤႉ
မိၣ်ကီၢ်စဲၣ် ကညီဂ့ၢ်၀ီကိတိာ် စီၤအီၣ်မၠ့ၣ်ခဲၤ စံး၀ဲ “ဘၣ်ဃးဒီးမံၤကမၣ်တဖၣ်အံၤ အ၀ဲသ့ၣ်အတၢ်ကီတၢ်ခဲတဖၣ်န့ၣ်...
ၦၤကဲထီၣ်ဘၣ်သီခါအဆိကတၢၢ်လၢကညီဖိအကျါ
တံနိ (သ၀ီတါ)
ထံကီၢ်ပအိၣ်ပဆိးလၢအပူၤခဲအံၤတဘ့ၣ်န့ၣ် ပမှံၤပၦၢ်ပဖံဖးဒိၣ်ဖုဖးဒိၣ်လၢညါတဖၣ်ကိးအီၤလၢ “ကီၢ်လါ”လီၤႉ မ့ၢ်လၢသ့ၣ်မုၢ်၀ၣ်ဘိႇ ပျီမုၢ်လါဟ့ဒီးထံကျိထံကွာ်တဖၣ် အိၣ်ဖျါဃံလၤလါဟ့အဃိန့ၣ်လီၤႉ လၢညါခါ လၢပယီၤတၢ်စံၣ်စိၤတဲစိၤအလံာ်အပူၤန့ၣ် ပယီၤတကိးအီၤကွဲးအီၤအမံၤလၢကီၢ်ပယီၤ (ဗမာြပည်)ဒ်မုၢ်မဆါတနံၤအံၤအသိးနီတဘျီဘၣ်ႉ ပယီၤအလံာ်တၢ်စံၣ်စိၤတဲစိၤလၢညါတဖၣ်န့ၣ် ကိးဒၣ်ကွဲးဒၣ်ကီၢ်တဘ့ၣ်အံၤအမံၤလၢ(ေဂါလတိုင်း) မ့တမ့ၢ် (ကရဏကတိုင်း)န့ၣ်လီၤႉ (ေဂါလတိုင်း) မ့ၢ်တၢ်ကိးပိာ်ထွဲကညီတၢ်ကိးအခံ“ကီၢ်လါ”န့ၣ်လီၤႉ (ကရဏကတိုင်း) အခီပညီမ့ၢ်၀ဲ(ကရင်တိုင်းြပည်)ကညီကီၢ်န့ၣ်လီၤႉ
ပဖံပဖုလၢပျၢၤတဖၣ် မ့ၢ်ဒၣ်ၦၤအီၣ်ဃဲၤအီၣ်ဘှးဒီးအတၢ်စူၣ်တၢ်နာ်မ့ၢ်၀ဲ–မိၢ်လုၢ်ပၢ်လၢ်တၢ်လုၢ်ထီၣ်ပာ်ထီၣ် သံခိၣ်မုၢ်ဃါတၢ်၀ံတၢ်ကလၤန့ၣ်လီၤႉ မ့မ့ၢ်လၢပယီၤကလုာ်တခီ တချုးလၢစီၤပၤအနီၣ်&ထၣ်(အေနာ်ရထာ) ပၢတၢ်အစိၤဒံးဘၣ်ဒီးတုၤလၢအ၀ဲပၢတၢ်ဆၢကတီၢ်န့ၣ် အထံဖိကီၢ်ဖိတဖၣ်ဘူၣ်ဘါ၀ဲအ့းသ့းအယံကၠံ(အရည်းြကီး) န့ၣ်လီၤႉ တုၤမ့ၢ်သီခါဖးဒိၣ်ရှ့ၣ်အရဟၣ်(ရှင်အရဟံမေထရ်)အိၣ်လၢဒူသထူၣ် ဟဲတုၤဆူပကီး(ပုဂံ)အလီၢ်ခံမးဒီး ပယီၤဖိတဖၣ်ဟံးန့ၢ်ဘူၣ်ဘါက့ၤ၀ဲ“ဘူးဒးတၢ်ဘူၣ်တၢ်ဘါ”န့ၣ်လီၤႉ
ဘူးဒးတၢ်ဘူၣ်တၢ်ဘါအံၤ အထူအထံးအိၣ်ဟဲလၢကီၤလၤသူကီၢ် မၠ့းစံးမးတဲ(မဇိမတိုင်း)ဒီး သလၣ်ထီၣ်အသးဆူကီၢ်ပယီၤပူၤမ့ၢ်၀ဲဖဲ(၁၁)ယၤဖှိၣ်နံၣ်ႇ ဖဲကီၢ်ပယီၤလာ်ခီ တလၢၤစီၤပၤမနူၣ်ဟၣ်ပၢတၢ်ဒီး လၢကီၢ်ပယီၤထးခီပယီၤစီၤပၤအနီၣ်ရထၣ်ပၢတၢ်အစိၤဆၢကတီၢ်ခါန့ၣ်လီၤႉ တုၤမ့ၢ်ဘူးဒးအတၢ်ဘူၣ်တၢ်ဘါသလၣ်ထီၣ်သးလၢကီၢ်ပယီၤပူၤလံတဘျီန့ၣ်ႇ ဒ်ဘူးဒးတၢ်ဘူၣ်တၢ်ဘါအတၢ်သိၣ်တၢ်သီလုၢ်လၢ်ထူသနူအိၣ်၀ဲအသိးႇ ဖိပိာ်ခွါလၢအသးနံၣ်ၦဲၤထီၣ်တဖၣ်န့ၣ် မိၢ်ပၢ်ကဘၣ်ဒုးကၤထီၣ်အီၤလၢတၢ်ဘီႇ...
လါမ့ၤ ၂၇ သီႇ ၂၀၂၀ နံၣ်ႇ စီၤရှါ
ဖဲမဟါ(လါမ့ၤ ၂၆ သီ)အနံၤန့ၣ် KNU/KNLA (PC)- ကညီတၢ်မုာ်တၢ်ခုၣ်ကီၣ်ကး မၤ၀ဲတၢ်အိၣ်ဖှိၣ် ဖဲကီးတရံးကီၢ်ရ့ၣ်ႇ နီၣ်တယၢ်၀့ၢ်(ထိၣ်ကီးကိ) ကီၣ်ကး၀ဲၤလီၢ်ခိၣ်သ့ၣ်ဒီး ဃုထၢထီၣ်က့ၤ၀ဲ ၦၤပၢၤလီၢ်ဆ့ၣ်နီၤအသီလၢအမ့ၢ် သုးခိၣ်ကျၢၢ်စိ စီၤထီၣ်လ့န့ၣ်လီၤႉ
ဖဲလါမ့ၤ ၃ သီအနံၤန့ၣ် ၦၤပၢၤလီၢ်ဆ့ၣ်နီၤလီၢ်လံၤ သုးခိၣ်ကျၢၢ်စိ စီၤထ့ၣ်မီၣ် လဲၤပူၤကွံာ်သး၀ံၤအလီၢ်ခံႇ ဖဲလါမ့ၤ ၂၅ သီႇ ၂၆ သီအနံၤန့ၣ် တၢ်မၤ၀ဲဒၣ်လီၢ်ခၢၣ်သးကမံးတံာ်ဒီး သုးခိၣ်သုးနၢ်တဖၣ်အတၢ်အိၣ်ဖှိၣ်အံၤ ဘၣ်တၢ်ဃုထၢထီၣ်၀ဲသုးခိၣ်ကျၢၢ်စိ စီၤထီၣ်လ့အံၤ လၢၦၤပၢၤလီၢ်ဆ့ၣ်နီၤဒီး သုးရိၣ်မဲခိၣ်ကျၢၢ်လီၢ်လးအဂ့ၢ်န့ၣ် နဲၣ်ရွဲၣ်သဃဲၤ...
လါမ့ၤ ၂၆ သီႇ ၂၀၂၀ နံၣ်ႇ န့ၣ်နီၣ်
ကညီကီၢ်စဲၣ်ႇ ရၤမတံ(မၠၣ်၀တံၣ်)၀့ၢ်ပူၤ သိလ့ၣ်လၢအလ့ၢ်လိၤဟးထီၣ်ဟးလီၤ ကီးတရံး–ဖၣ်အၣ်၀့ၢ်တဖၣ် လၢအကျးထီၣ်၀ဲ ဖီၣ်စုက၀ဲၤကရူၢ်အတၢ်ပနီၣ်တဖၣ်ဒီး သုးကရူၢ်အနီၣ်ဂံၢ်တဖၣ်န့ၣ် ဘၣ်တၢ်ဟ့ၣ်၀ဲတၢ်ပလီၢ်ဒီး ထုးကွံာ်၀ဲဒၣ်န့ၣ်လီၤႉ
ဖဲလါမ့ၤ ၂၁ သီ မုၢ်ထူၣ်အဆၢကတီၢ်န့ၣ် ရၤမတံ၀့ၢ်ပူၤဒီးကျဲမုၢ်ဖးဒိၣ်လၢ ညီနုၢ်သိလ့ၣ်ဟးထီၣ်ဟးလီၤတဖၣ်န့ၣ် ဖီၣ်စုက၀ဲၤကရူၢ်လၢအဟးထီၣ်ဟးလီၤတဖၣ်ဒီး သိလ့ၣ်အဂၤတဖၣ် လၢအကျးထီၣ်၀ဲ ဖီၣ်စုက၀ဲၤ ကရူၢ်အတၢ်ပနီၣ်တဖၣ်န့ၣ် တၢ်ထုးကံွာ်အီၤဒီး တၢ်မ့ၢ်ထံၣ်ကဒီးအသီတဘျီန့ၣ် ဒ်တၢ်ဘျၢသဲစးအိၣ်ပာ်အသိး တၢ်ကဟံအရ့အဂ့ၢ်န့ၣ် တၢ်သမံသမိးသိလ့ၣ်ကရူၢ်ပာ်ဖှိၣ် ၦၤဘၣ်မူဘၣ်ဒါတဂၤ စံး၀ဲန့ၣ်လီၤႉ
၀့ၢ်ရၤမတံအံၤ ဒ်အမ့ၢ် ကီၢ်ဆၢ၀့ၢ်တဖျၢၣ်အသိး ကလုာ်ဒူၣ်ဖီၣ်စုက၀ဲၤကရူၢ်လၢအဆဲးလီၤ၀ဲ NCA တၢ်ပတုာ် တၢ်ခးအလံာ်ဃံးဃာ်အံၤအိၣ်၀ဲ ၃...
လါမ့ၤ ၂၅ သီႇ ၂၀၂၀ နံၣ်ႇ စီၤမၠၣ်အူသၣ်
ကညီကီၢ်စဲၣ် ကၠၤအ့စ့ၣ်ကၠံကီၢ်ဆၣ်အပူၤ ဖဲလါမ့ၤ ၂၀ သီအနံၤန့ၣ် KNU ကညီဒီကလုာ်စၢဖှိၣ်ကရၢႇ ကီၢ်ပယီၤပၢၤကီၢ်သုးကရူၢ်တဖၣ်ဒီး သုးခိးကီၢ်ဆၢ (BGF) ကရူၢ်တဖၣ် ပာ်ဖှိၣ်ထီၣ်သးဒီး ကျီဟးဂီၤဒီးဒွဲၣ်အူကွံာ်၀ဲ ဘဲထံထူၣ်(ဘိန်းစာပင်) ပာ်ဖှိၣ်ခဲလၢာ် ၂ႇ၀၀၀ ဘျဲၣ် ဖဲတီၣ်ဒံသ၀ီအပူၤအဂ့ၢ်န့ၣ် သ့ၣ်ညါဘၣ်လၢ ကရူၢ်ပာ်ဖှိၣ် တဖၣ်အအိၣ်န့ၣ်လီၤႉ
ကရူၢ်ပာ်ဖှိၣ်တဖၣ်လၢ အလဲၤကျီမၤရှဲလဲ၀ဲဘဲထံထူၣ်တဖၣ်အံၤ အသးနံၣ်အိၣ်၀ဲ(၂ နံၣ်)ဘျဲၣ်ဒီး မ့ၢ်တၢ်မုၢ်တၢ်ဘိလၢတၢ်သူၣ်စးအဒ့တဖၣ်ဒီးႇ လၢကရၢၢ် ၄ ဘ့ၣ်အပူၤ ဘၣ်တၢ်သူၣ်ကျဲၣ်ကျီဃုာ်၀ဲအဃိ ဒ်သိးကဟံးထီၣ်ဖီၣ်ထီၣ်ဒီးဟံးဂ့ၢ်၀ီကန့ၢ်အဂီၢ် တၢ်ကတီၣ်ဖျါထီၣ်၀ဲလၢတၢ်ဖီခိၣ်အဂ့ၢ်န့ၣ် KNU ၀ီၢ်ရီကီၢ်ဆၣ်...
လါမ့ၤ ၂၂ သီႇ ၂၀၂၀ နံၣ်ႇ စးအဲၣ်ဆူ
ခီဖျိလၢ KNU ထၢသုးသီအဃိ လီၢ်က၀ီၤဖိတဖၣ် ဘၣ်စံၣ်အိၣ်ခူသူၣ်၀ဲအဂ့ၢ် ပယီၤသုး ထုးထီၣ်ဘိးဘၣ်ရၤလီၤ၀ဲ တၢ်ကစီၣ်အံၤ တမ့ၢ်ဘၣ်ဒီး ဖဲတၢ်က့ၤရိၣ်ဖှိၣ်က့ၤသုးလီၢ်လံၤတဖၣ်အကတီၢ် တၢ်နၢ်ပၢၢ်ကမၣ်လိာ်သးအဃိ တၢ်စံၣ် အိၣ်ခူသူၣ် ကဲထီၣ်၀ဲဒ်အခဲအံၤလီၤအဂ့ၢ်န့ၣ် KNU ကညီဒီကလုာ်စၢဖှိၣ်ကရၢ သုးက့(၅) စံးဘၣ် ခ့ၣ်အဲးစံၣ် ဖဲမဟါအနံၤန့ၣ်လီၤႉ
ခီဖျိလၢ KNU/KNLA သုးက့(၅)ကရူၢ်တဖၣ် ထၢသုးသီအဃိ ဖဲလါမ့ၤ ၁၆ သီ ဒီး လါမ့ၤ ၁၇ သီအနံၤန့ၣ် ဖၣ်ပူၣ်ကီၢ်ဆၣ် လီၢ်က၀ီၤဖိ(၁၀၀)ဂၤ ဘျဲၣ်...
လါမ့ၤ ၂၁ သီႇ ၂၀၂၀ နံၣ်ႇ စီၤထိလ့
အ့ၣ်ယၣ်၀တံၣ်ကီၢ်ခီဒိၣ်အပူၤ ကညီကလုာ်တဖၣ် ဖဲလဲၤဆဲးလီၤအဖိအလံၤမံၤလၢကၠိအကတီၢ်န့ၣ် ဖိသၣ်အမံၤ စးထီၣ်လၢ ကညီအမံၤတဖၣ်လၢအမ့ၢ်(စီၤႇ စးႇ နၣ်ႇ နီၢ်)တဖၣ် ကထၢနုာ်ဃုာ်၀ဲန့ၣ် ဖဲလါမ့ၤ ၁၈ သီအနံၤ အ့ၣ်ယၣ်၀တံၣ်ကီၢ်ခီဒိၣ် ကညီလံာ်လဲၢ်ဒီးတၢ်ဆဲးတၢ်လၤကမံးတံာ် ထုးထီၣ်၀ဲလံာ်လၢကီၢ်ဆၣ်စုာ်စုာ်ဒီး ဟ့ၣ်သဆၣ်ထီၣ်၀ဲန့ၣ်လီၤ
ႉ
ဖဲတၢ်လဲၤဆဲးလီၤမံၤလၢကၠိအဆၢကတီၢ်န့ၣ် ကလုာ်ဒူၣ်ကလုာ်တဖၣ်ဒီး နီၢ်ကစၢ်ဒၣ်၀ဲလၢအအဲၣ်ဒိးထၢနုာ်ဃုာ်အ မံၤအံၤ ထၢနုာ်တူၢ်လိာ်ဃုာ်အီၤန့ၣ်ႇ ကီၢ်ခီဒိၣ် တၢ်ကူၣ်ဘၣ်ကူၣ်သ့မူဒါခိၣ်အံၤ ဟ့ၣ်ဒုးသ့ၣ်ညါ၀ဲ ကီၢ်ဆၣ်တၢ်ကူၣ်ဘၣ်ကူၣ်သ့မူဒါခိၣ်တဖၣ်လံအဃိ အဲၣ်ဒိးဆီၣ်တခူထီၣ်က့ၤအီၤဒ်အံၤလီၤအဂ့ၢ်န့ၣ် အ့ၣ်ယၣ်၀တံၣ် လံာ်လဲၢ်ဒီးတၢ်ဆဲးတၢ်လၤ ၦၤပၢၤလီၢ်ဆ့ၣ်နီၤ မါအဲၤချ့ၤ စံးဘၣ်ခ့ၣ်အဲးစံၣ် ဖဲမဟါ(လါမ့ၤ ၂၀ သီ)အနံၤန့ၣ်လီၤႉ
“ယအဲၣ်ဒိးဆီၣ်တခူထီၣ်လၢ...