လါယူၤ ၁၆ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ဖၣ်အၣ်ကီၢ်ဆၣ်ပူၤ ဘူးဒးကညီသုးမုၢ်ဒိၣ်(DKBA)သုးခိၣ်ဘိၤဘံၣ်အပှၤလၢအိၣ်ဆီလီၤ သး ဖဲနိၣ်မကွံၢ်ကရူၢ် ဖၠၢသ၀ီလ့ခီၣ်ထံးအံၤတဖၣ်တၢ်လဲၤခး၀ဲအဃိ သံဘၣ်ဒိဘၣ်ထံးအိၣ်အဂ့ၢ်န့ၣ် လီၢ်က၀ီၤကမျၢၢ်ဒီးပှၤဘၣ်မူ ဘၣ်ဒါတဖၣ် စံး၀ဲအသိးသ့ၣ်ညါဘၣ်န့ၣ်လီၤ.
ဖဲမဟါလါယူၤ ၁၅ သီ ဂီၤခီ ၁ နၣ်ရံၣ်ဘျဲၣ်အဆၢကတီၢ် ဟီၣ်က၀ီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA) သုးရ့ၣ်-၁ သုးဒ့(၂) အပှၤလဲၤခး၀ဲ(DKBA)အပှၤဒီး ဖဲန့ၣ်(DKBA)တကပၤသံဘၣ်ဒိဘၣ်ထံးအိၣ်ဘၣ်ဆၣ်သံဘၣ်ဒိဘၣ်ထံးပှဲၤဂၤလဲၣ်န့ၣ် မၤလီၤတံၢ်အီၤအဖၢမုၢ်လီၤအဂ့ၢ်န့ၣ် လီၢ်က၀ီၤဘၣ်မူဘၣ်ဒါတဂၤ စံး၀ဲဒ်အံၤန့ၣ်လီၤ.
“ပှၤလဲၤခးအီၤန့ၣ်ကဘၣ်ဖဲမဟါ ၁၅ သီ ဂီၤခီ ၁း၁၄ မံးနံးန့ၣ် ပှၤလဲၤခးအီၤ.အဘၣ်ဒိဒီးအသံန့ၣ်လီၤတံၢ်လံ. တၢ်ပှၤလဲၤခးအီၤန့ၣ် တယံၤဘၣ်ဘူးဘူးဖိလီၤ,နကွၢ်စိ၀ဲဖျါမ့ၣ်အူကဲၤန့ၣ်.တၢ်မၢၤလၢအသံပှဲၤဂၤဘၣ်ဒိပှဲၤဂၤလဲၣ်န့ၣ်ပတသ့ၣ်ညါထွဲဘၣ်ပဃုသ့ၣ်ညါအီၤအဖၢမုၢ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်ဖဲတနံၤအံၤန့ၣ်လီၤ.
ဒ်န့ၣ်အသိးတၢ်လဲၤခး(DKBA)ဒ်အံၤအဖီခိၣ်အ၀ဲသ့ၣ်တကပၤက့ၤခးစိကဒါ၀ဲမီးထးဖိကအိၣ်ခံထံၣ်သၢထံၣ်ဒီး လၢန့ၣ်အမဲၥ်ညါ...
လါယူၤ ၁၆သီ, ၂၀၂၅နံၣ်, ခ့ၣ်အဲးစံၣ်,
ကီၢ်ပယီၤ-ကၠီၣ်တဲၣ်ကီၢ်ဆၢ တးကီၢ်ရ့ၣ်,ထၣ်ဆီၤယါကီၢ်ဆၣ်ဟီၣ်ကဝီၤအပူၤ,မဟါလါယူၤ(၁၅)သီဟါခီ(၄)နၣ်ရံၣ်ဘျဲၣ်အဆၢကတီၢ်ကၠီၣ်တဲၣ်ပှၤဘၣ်မူဘၣ်ဒါတဖၣ်ဖီၣ်န့ၢ်ဝဲကသံၣ်မူၤဘှီးအဖျၢၣ်(၅၀၀၀၀)အဂ့ၢ်, Today in Mae Sot, Mae Sot District ကၠီၣ်တဲၣ်တၢ်ကစီၣ်ပၥ်ဖျါဝဲဒၣ်ဖဲတနံၤအံၤလါယူၤ(၁၆)အနံၤအပူၤန့ၣ်လီၤ.
ကသံၣ်မူၤဘှီးသ့ၣ်တဖၣ်အံၤဘၣ်တၢ်ဖီၣ်ချူးန့ၢ်ဝဲလၢကညီကီၢ်စဲၣ်ဖၣ်ကီၢ်ရ့ၣ်လီၢ်ကဝီၤဖိစီၤထိထိဝ့(၄၂)နံၣ်တဂၤအံၤအထၢၣ်ပူၤဒီးစီၤထိထိဝ့အံၤအိၣ်ဝဲဒီးကီၢ်ပယီၤလံၥ်ဟးခီကီၢ်(Passsport)လၢဖိးသဲးစးတဂၤအဂ့ၢ်,ကၠီၣ်တဲၣ်တၢ်ကစီၣ်ပၥ်ဖျါဝဲဒၣ်န့ၣ်လီၤ.
ဒီးကသံၣ်မူၤဘှီးလၢတၢ်ဖီၣ်ချူးဝဲသ့ၣ်တဖၣ်အံၤမ့ၢ်ဝဲ(Methamphetamine)ကသံၣ်မူၤဘှီးအကလုၥ်တမံၤဒီး(WY)ကသံၣ်ကသ့ၣ် သ့ၣ်တဖၣ်ဒီးတၢ်သ့ၣ်ညါဘၣ်ဝဲလၢတၢ်ကဆှၢဝဲဒၣ်ဆူဘီကီးဝ့ၢ်ပူၤအဂ့ၢ်,ကၠီၣ်တဲၣ်အတၢ်ကစီၣ်ပၥ်ဖျါဝဲဒၣ်စ့ၢ်ကီးန့ၣ်လီၤ.
လၢန့ၣ်အမဲၥ်ညါ,ကသံၣ်မူၤဘှီးသ့ၣ်တဖၣ်အံၤတၢ်မၤန့ၢ်ဝဲဖဲမဲၢ်တၣ်ဟီၣ်ကဝီၤ(သူမွဲကျိကၢၢ်နံၤ)တၢ်လီၢ်တဖၣ်အပူၤဒီးလၢတၢ်စိၥ်ဆှၢဝဲကသံၣ်မူၤဘှီးတဖၣ်အံၤအဂီၢ်စီၤထိထိဝ့(ကီၢ်ပယီၤထံကီၢ်)ဖိအံၤဒိးန့ၢ်ဘၣ်ဝဲတၢ်အဘူးအလဲလၢစ့ယိၤ(၁၀၀၀၀)ဘးအဂ့ၢ်,သ့ၣ်ညါဘၣ်ဒ်ကၠီၣ်တဲၣ်တၢ်ကစီၣ်သန့တဖၣ်ပၥ်ဖျါဝဲဒၣ်အသိးန့ၣ်လီၤ.
တၢ်ဖီၣ်န့ၢ်ဝဲကသံၣ်မူၤဘှီးဘျီဝဲအံၤ,ကၠီၣ်တဲၣ်ပှၤဘၣ်မူဘၣ်ဒါတဖၣ်ဖီၣ်န့ၢ်ဃုၥ်ဝဲဒၣ်စီၤနဲၤလ့အူသးနံၣ်(၂၇)လၢအိၣ်ဒီးဖိးသဲးစးလံၥ်လဲၢ်ဒီးကၠီၣ်တဲၣ်ထံဖိကီၢ်ဖိပှၤနီသိလ့ၣ်ကစၢ်(နၣ်ရး)သးနံၣ်(၃၀)လၢတၢ်ဘၣ်ထွဲအိၣ်ဒီးကသံၣ်မူၤဘှီးသ့ၣ်တဖၣ်အံၤအသိး,
ဖီၣ်စ့ၢ်ကီးဝဲကီၢ်ပယီၤထံဖိကီၢ်ဖိစီၤရွံၣ်ဝ့(၁၈)နံၣ်,စီၤဖီ(၁၄)လၢဖိးသဲစးလံၥ်လဲၢ်တအိၣ်ပၣ်ဃုၥ်ဝဲသိလ့ၣ်ပူၤ(၂)ဂၤစ့ၢ်ကီးအဂ့ၢ်,သ့ၣ်ညါကၠီၣ်တဲၣ်တၢ်ကစီၣ်တဖၣ်ပၥ်ဖျါဝဲအသိးန့ၣ်လီၤ.
တကတီၢ်ဃီ,ပှၤလၢတၢ်ဖီၣ်ချူးဝဲ(၅)ဂၤအံၤတၢ်ကဆဲးဟံထီၣ်ဖီၣ်ထီၣ်အရ့အဂီၢ်တကီၢ်ခါခဲအံၤကၠီၣ်တဲၣ်ပှၤဘၣ်မူဘၣ်ဒါတဖၣ်ရဲၣ်ကျဲၤဝဲအဂ့ၢ်,ပၥ်ဖျါဝဲဒၣ်န့ၣ်လီၤ.
ကီၢ်ကၠီၣ်တဲၣ်ကီၢ်ပယီၤကီၢ်ဆၢတးကီၢ်ရ့ၣ်အပူၤဘၣ်ဃးဒီးတၢ်မၤကၤအီၣ်ကသံၣ်မူၤဘှီးအတၢ်ဖံးတၢ်မၤတဖၣ်အံၤကၠီၣ်တဲၣ်ပှၤဘၣ်မူဘၣ်ဒါတဖၣ်ဖီၣ်ချူးဝဲဒၣ်အိၣ်ဝဲခဲအံၤခဲအံၤအဂ့ၢ်,သ့ၣ်ညါဘၣ်န့ၣ်လီၤ.
ဒ်န့ၣ်အသိး,မဟါလါယူၤ(၁၄)သီအနံၤအပူၤကီၢ်ကၠီၣ်တဲၣ်-ကညီကီၢ်စဲၣ်,ကီၢ်ဆၢရၤမတံ-မဲၢ်ဆီးဝ့ၢ်တိၤနီၢ်ဂံၢ်(၁)တၢ်လီၢ်အပူၤတၢ်ဖီၣ်ချူးစ့ၢ်ကီးဝဲကီၢ်ပယီၤပှၤနီသိလ့ၣ်ဖိလၢအတီဆှၢဝဲကသံၣ်မူၤဘှီးအဖျၢၣ်(၇၀၀၀၀)ဃၣ်ဃၣ်တဂၤဒီးကၠီၣ်တဲၣ်ထံဖိကီၢ်ဖိ(မစ္စတာဖန်း)သးနံၣ်(၅၀)လၢအတၢ်ဘၣ်ထွဲအိၣ်ဝဲဒီးကသံၣ်မူၤဘှီးတဖၣ်တဂၤအံၤစ့ၢ်ကီးအဂ့ၢ်,ကၠီၣ်တဲၣ်တၢ်ကစီၣ်ပၥ်ဖျါဝဲဒၣ်စ့ၢ်ကီးန့ၣ်လီၤ.
လါယူၤ ၁၆သီ, ၂၀၂၅နံၣ်, ခ့ၣ်အဲးစံၣ်
လၢတၢ်ကဒုးအိၣ်ထီၣ်ဝဲပဒိၣ်တဖုအမိၢ်လံၤမိၢ်ပှၢ်နီၢ်နီၢ်အဂီၢ် တၢ်တၤတၢ်ဒီးတၢ်လိၣ်ဘၣ်သ့ၣ်တဖၣ်န့ၣ်အိၣ်ဝဲဒီဒူၣ်ဘၣ်ဆၣ် လၢတၢ်ကကရၢကရိထီၣ်ဝဲကီၢ်သူလ့ၤပဒိၣ်အဂီၢ်အိၣ်ကတဲၤကတီၤပၥ်သး(၈၀)မျးကယၤလံအဂ့ၢ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ အပှၤကတိၤတၢ်ပၢ ပဒိၣ်စီၤတီနံ စံးဝဲဒၣ်န့ၣ်လီၤ.
တၢ်ကဘိးဘၣ်ရၤလီၤလၢတၢ်ဒုးအိၣ်ထီၣ်ကီၢ်သူလ့ၤပဒိၣ်အဂီၢ် ကတဲၥ်ကတီၤပၥ်သးဝံၤ(၈၀)မျးကယၤအဂ့ၢ်န့ၣ် ပဒိၣ်စီၤတီနံတဲလီၤဝဲ အပူၤကွံၥ်လါယူၤ(၁၄)သီ လၢအလီၤဘၣ်ဝဲ (၇၅)ဝီတဝီ ကီၢ်သူလ့ၤမုၢ်နံၤအခါန့ၣ်လီၤ.တၢ်ပၢတၢ်ြပး တၢ်အိၣ်သူၣ်ထီၣ်ဆီလီၤအဂံၢ်ကဆူၣ်ထီၣ်အဂီၢ် တၢ်အရ့ဒိၣ်ကတၢၢ်န့ၣ်မ့ၢ်ဝဲ ပှၤနီၣ်ဂံၢ်နီၣ်ဒွးလၢအကံၢ်စီလၢပှဲၤဒီးဝဲၤကျိၤပှၤမၤတၢ်ဖိဂံၢ်ဘါသ့ၣ်တဖၣ်အဂ့ၢ် ပဒိၣ်စီၤတီနံစံးဝဲဒၣ်န့ၣ်လီၤ.
အဝဲစံးဝဲလၢ“နဒုးအိၣ်ထီၣ်ပဒိၣ်တဖုဘၣ်ဆၣ်သနၥ်က့ နမၤကလိၥ်ကလၤတသ့ဘၣ်.ပအိၣ်ဒီးတၢ်ကတီၤပၥ်သးမူၤနီၢ်န့ၣ်လီၤ.မ့ၢ်က့ၤထိၣ်သတြီၤလၢအပူၤကွံၥ်န့ၣ် အစှၤကတၢၢ် အမျးကယၤ(၈၀)န့ၣ်ပအိၣ်ကတီၤပၥ်သးဝံၤလံန့ၣ်ပစံးသ့ဝဲဒၣ်န့ၣ်လီၤ. တၢ်ကဘိးဘၣ်ရၤလီၤလၢတၢ်ဒုးအိၣ်ထီၣ်ကီၢ်သူလ့ၤပဒိၣ် အခါဖဲလဲၣ်ဒီးမုၢ်နံၤမုၢ်သီလီၤတံၢ်လီၤဆဲးန့ၣ်ပတဲဘၣ်အီၤကီန့ၣ်လီၤ. ဖဲ ၂၀၂၅နံၣ်အတီၢ်ပူၤအံၤမ့ၢ်ကဲထီၣ်သ့,မ့တမ့ၢ်ခီဃီၤဆူ ၂၀၂၆နံၣ်အပူၤစ့ၢ်ကီးသ့ဝဲဒၣ်န့ၣ်လီၤ. တဲလီၤတံၢ်အီၤသ့တခါန့ၣ် လၢခါဆူညါ တယံၤလၢၤဘၣ်န့ၣ် ပကဒုးအိၣ်ထီၣ်ဝဲကီၢ်သူလ့ၤပဒိၣ်န့ၣ်လီၤ.”အဂ့ၢ်စံးဝဲဒၣ်န့ၣ်လီၤ.
ဒ်န့ၣ်အသိး ခ့ၣ်အဲၣ်ယူၣ်တကပၤ မ့ၢ်တအိၣ်ဒီးတၢ်လၢတၢ်ပှဲၤလၢတၢ်ကတဲၥ်ကတီၤပၥ်သးဘၣ်ဆၣ်သနၥ်က့, တၢတပတီၢ် ဖဲအပူၤကွံၥ် ၂နံၣ်အတီၢ်ပူၤန့ၣ် ပက့ၤကွၢ်,မၤဂ့ၤထီၣ်ကဒါက့ၤ ပကျဲသနူဒီးတၢ်နဲၣ်ကျဲသ့ၣ်တဖၣ်ဒီးအခဲအံၤပစံးလၢအိၣ်ကတဲၥ်ကတီၤပၥ်သးဝံၤလံအဂ့ၢ်...
လါယူၤ ၁၅ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ်(သုးက့ ၆)ကီးတရံးကီၢ်ဆၣ်ဟီၣ်က၀ီၤ ဒူသ၀ီတၢ်လီၢ်တနီၤအပူၤ ခီဖျိတၢ်အိၣ်သးတဂၢၢ်တကျၢၤဒံးဘၣ်အဃိ ကမျၢၢ်လၢအဃ့ၢ်ထီၣ်တဖၣ်တနီၤန့ၣ်တုၤလၢခဲအံၤဘၣ်ဟးအိၣ်ကဒုဒံးသးလၢ ပှၤဒူပှၤသ၀ီအဂ့ၢ်န့ၣ် သ့ၣ်ညါဘၣ်န့ၣ်လီၤ.
ကီၢ်ဆၣ်ဟီၣ်က၀ီၤဒူသ၀ီတနီၤအပူၤ(၂၀၂၁)သုးဟံန့ၢ်တၢ်စိတၢ်ကမီၤ၀ံၤလီၢ်ခံ ခီဖျိတၢ်ဒုးတၢ်ယၤအိၣ်ထီၣ်ဒီးပယီၤသုးခးလီၤ ကျိဖးဒိၣ်,ကဘီယူၤစ့ၢ်ကီးလဲၤတ့ၢ်လီၤမ့ၣ်ပိၢ်အိၣ်အဃိကမျၢၢ်တဖၣ်ဘၣ်ဃ့ၢ်ထီၣ်ဟးစံၣ်အိၣ်လၢခူပူၤ၀့ၢ်ပူၤ,ပှၤဒူပှၤသ၀ီ,ကစၢၢ်ခိၣ်ကလိကျါလၢတၢ်လီၢ်ပူၤဖျဲးအလီၢ်အိၣ်၀ဲအါမးန့ၣ်လီၤ.
ဒ်န့ၣ်အသိးတုၤလၢခဲအံၤဟီၣ်က၀ီၤဒူသ၀ီလၢအ၀ဲသ့ၣ်အိၣ်တ့ၢ်၀ဲတဖၣ်ခီဖျိတၢ်ဒုးတၢ်ယၤ,ဒုၣ်ဒါတၢ်ဟူးတၢ်ဂဲၤ,ကျိဖးဒိၣ်ဒီးကဘီယူၤ တၢ်လီၤဘၣ်ယိၣ်အိၣ်ဒံး၀ဲအဃိ လီၢ်က၀ီၤကမျၢၢ်သ့ၣ်တဖၣ်ဟးစံၣ်အိၣ်န့ၢ်လၢ(၃)နံၣ်ခိၣ်ဃၢၤလံဘၣ်ဆၣ် တုၤလၢခဲအံၤတက့ၤ ဘၣ်ဒံးလၢအဟံၣ်အဃိသဂၢၢ်ဘၣ်၀ဲတၢ်လုၢ်အီၣ်နီၢ်ခိသးသမူတၢ်ဂ့ၢ်ကီအဂ့ၢ်န့ၣ် လီၢ်က၀ီၤကမျၢၢ်လၢဃ့ၢ်တၢ်ဒုးတဖၣ် စံး၀ဲန့ၣ်လီၤ.
ဘၣ်ဃးတၢ်ဂ့ၢ်အံၤလီၢ်က၀ီၤကမျၢၢ်လၢအဃ့ၢ်တၢ်ဒုးန့ၢ်(၁)နံၣ်ဘျဲၣ်တဂၤစံး၀ဲလၢ“၀ဲပသ၀ီန့ၣ်တနီၤန့ၣ်ပှၤလဲၤစံၣ်အိၣ်လၢတီၤဒဲပှၢ် ပူၤတံခံမီၤနီၤ.ယဲခီန့ၣ်အိၣ်ဒၣ်ဟံၣ်လီၤယကျီးတအိၣ်နီမံၤဘၣ်အဃိယက့ၤအိၣ်တသ့ဘၣ်ဒ်န့ၣ်အဃိပအိၣ်၀ဲဖဲအံၤ.တဘၣ်ဂီၢ်ဘၣ်စ့ဟဲနုၥ်လီၤတအိၣ်ဘၣ်.ဒ်သိးပဖိတလီၤဒိဘၣ်အဂီၢ်ပဘၣ်ဟးတူၢ်နးသးတူၢ်ငါလၢအံၤတသီလၢန့ၣ်တသီဒ်န့ၣ်လီၤ.ပှၤလၢအဒံၣ်အဖိအိၣ်အါညါဒုနး၀ဲန့ၣ်”အဂ့ၢ်န့ၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
ဒ်န့ၣ်အသိးကမျၢၢ်သ့ၣ်တဖၣ်အံၤဟီၣ်က၀ီၤတၢ်လီၢ်လၢအ၀ဲသ့ၣ်လဲၤအိၣ်ကဒုအသးခဲအံၤစ့ၢ်ကီး ခီဖျိတၢ်ဒုးတၢ်ယၤအိၣ်ထီၣ် ပယီၤသုးခးလီၤကျိဖးဒိၣ်,ကဘီယူၤစ့ၢ်ကီးလဲၤတ့ၢ်လီၤမ့ၣ်ပိၢ်အိၣ်အဃိတၢ်ကီတၢ်ခဲအိၣ်ထီၣ်လၢကဖံးအီၣ်မၤအီဟးတူၢ်ငါ၀ဲ အဂ့ၢ်န့ၣ် ကမျၢၢ်ပိၥ်ခွါလၢအဂၤတဂၤစ့ၢ်ကီး၀ဲဒ်အံၤန့ၣ်လီၤ.
“ခဲအံၤတၢ်ဖံးတၢ်မၤဒုလီၤလံဘၣ်ဆၣ်ကျီးကစၢ်တဖၣ်န့ၣ်မၤအီၣ်တၢ်ဘူၣ်ဘၣ်.မ့၀ံၤပှၤတူၢ်ငါဖိနါက့အိၣ်ဒီဒူၣ်မၤတၢ်ဘူၣ်ဘၣ်. ခီဖျိတၢ်ဒုးကဲထီၣ်မီၤ.မ့လဲၤမၤဘၣ်တၢ်န့ၣ်ပှ့ၤအီၣ်ဟုသး,သိ,မိၢ်ဂံၥ်သၣ်,အခၠိၤမိၣ်တဖၣ်န့ၢ်၀ဲန့ၣ်.တၢ်ဒုးကဲထီၣ်အဃိပမၤတသ့ဘၣ်.ခဲအံၤပတမၤဘၣ်တၢ်ဘၣ်အဃိတၢ်ကီတၢ်ခဲအိၣ်ဖးဒိၣ်ညါ.” အဂ့ၢ်န့ၣ် စံး၀ဲန့ၣ်လီၤ.
လၢန့ၣ်အမဲၥ်ညါတကီၢ်ခါခဲအံၤပယီၤသုးကလၢၤလၢအိၣ်ကီးတရံးကီၢ်ဆၣ်ပူၤဒီးကြုၢ်တုဟီၣ်က၀ီၤပူၤတဖၣ် ဟီၣ်က၀ီၤတၢ်ပၢၢ်ဆၢ သုးပၥ်ဖှိၣ်ကရူၢ်ထီၣ်မၤန့ၢ်၀ဲအိၣ်တနီၤလံဘၣ်ဆၣ်သုးကလၢၤလၢအအိၣ်တ့ၢ်ဒံးတဖၣ်တၢ်ဆဲးထီၣ်ခး၀ဲအဃိ တၢ်ဒုးကဲထီၣ်အိၣ် ၀ဲတလီၢ်လီၢ်တုၤလၢခဲအံၤန့ၣ်လီၤ.
ဒ်န့ၣ်အသိးကီၢ်ရ့ၣ်ဒီတဘ့ၣ်အပူၤစးထီၣ်လၢသုးဟံန့ၢ်တၢ်စိတၢ်ကမီၤ၀ံၤလီၢ်ခံခီဖျိတၢ်ဒုးတၢ်ယၤ အဃိလီၢ်က၀ီၤကမျၢၢ်သ့ၣ်တဖၣ် ဘၣ်ဃ့ၢ်မှံဟးဖျိး၀ဲအါမးအသိး တနီၤန့ၣ်တုၤလၢ ခဲအံၤက့ၤဟံၣ်က့ၤဃီတဘူၣ်ဒံး၀ဲဘၣ်...
လါယူၤ ၁၅ သီ, ၂၀၂၅ နံၣ်, ခ့ၣ်အဲးစံၣ်
တနံၤလါယူၤ ၁၄ သီလၢအလီၤဘၣ်၀ဲ(၇၆)၀ီတ၀ီကီၢ်သူလ့ၤမုၢ်နံၤအံၤန့ၣ် မ်ပကသူၣ်ထီၣ်သကိးကညီကီၢ်“ကီၢ်သူလ့ၤ”အသး လၢပသးကံၢ်ပူၤဒီးအလီၢ်အိၣ်၀ဲနီၢ်နီၢ်လၢကဘၣ်ပၥ်ဖှိၣ်မၤသကိးတၢ်လၢသနၢၣ်ဒၣ်၀ဲစုၥ်စုၥ်အဂ့ၢ်န့ၣ် ခ့ၣ်အဲၣ်ယူၣ်-ကညီဒီကလုၥ် စၢဖှိၣ်ကရၢ ကရၢခိၣ် ပဒိၣ်စီၤကွဲၤထူ၀့ ဟ့ၣ်သဆၣ်ထီၣ်စံၣ်လီၤ၀ဲလၢလံၥ်တၢ်ပၥ်ဖျါပူၤဖဲတနံၤအံၤန့ၣ်လီၤ.
ဒ်ခ့ၣ်အဲၣ်ယူၣ်လံၥ်တၢ်ပၥ်ဖျါပူၤပၥ်ဖျါ၀ဲအသိးန့ၣ် ပှၤတၢ်ပၢၢ်ဆၢဖိကိးဂၤလၢအဟံမူဒါလၢ(ခ့ၣ်အဲၣ်ယူၣ်)တီခိၣ်ရိၣ်မဲ ကညီတၢ်ပၢၢ် ဆၢအတၢ်မၤမူဒါပူၤတဖၣ်ကဘၣ်တူၢ်လိၥ်မၤထွဲ၀ဲကညီဒီကလုၥ်စၢဖှိၣ်ကရၢထံရူၢ်ကီၢ်သဲးတၢ်တီခိၣ်ရိၣ်မဲ, ကဘၣ်ပညိၣ်မၤလၢပှဲၤ ၀ဲ ကညီတၢ်ပၢၢ်ဆၢထံရူၢ်ကီၢ်သဲးအတၢ်ပညိၣ်ကွၢ်စိဒီး မၤတၢ်လၢပှၤကလုၥ်ထံဖိကီၢ်ဖိအတၢ်ဘျုး အဂီၢ်အဂ့ၢ်န့ၣ် ခ့ၣ်အဲၣ်ယူၣ် စံး၀ဲန့ၣ်လီၤ.
ဒ်န့ၣ်အသိးတကီၢ်ခါခဲအံၤလၢတၢ်ကသူၣ်ထီၣ်ဖဲၣ်ဒရၢၣ်ဒံၣ်မိၣ်ခြ့ၣ်စံၣ်ကီၢ်စၢဖှိၣ်အဂီၢ်စ့ၢ်ကီးခ့ၣ်အဲၣ်ယူၣ်ဂဲၤလိၥ်မၤသကိးတၢ်ဒီး ကလုၥ်ဒူၣ်တၢ်ပၢၢ်ဆၢကရၢ,ကရူၢ်ကရၢလၢအထီဒါသုးမီၤစိရိၤလၢသုးဂ့ၢ်၀ီ,ထံရူၢ်ကီၢ်သဲးဂ့ၢ်၀ီအကျဲလၢတၢ်ဆီတလဲဘှီဘၣ်က့ၤ ကီၢ်ပယီၤထံရူၢ်ကီၢ်သဲးအက့ၢ်အဂီၤလၢအဖိးမံဒီးထံကီၢ်တၢ်အိၣ်သးတဖၣ်အဂ့ၢ်န့ၣ် လံၥ်တၢ်ပၥ်ဖျါအပူၤ စံးစ့ၢ်ကီး၀ဲန့ၣ်လီၤ.
တကးဒံးဘၣ်ထံကီၢ်တဘ့ၣ်ကဂၢၢ်ကကျၢၤ,ကလဲၤထီၣ်လဲၤထီ,ကမုၥ်ကခုၣ်အဂီၢ်န့ၣ် ဒိးသန့ၤထီၣ်သးလၢတၢ်တီခိၣ်ရိၣ်မဲ, တၢ်ပၢဆှၢရဲၣ်ကျဲၤထံဖိကီၢ်ဖိကမျၢၢ်ဂ့ၢ်၀ီ,ပှၤဂ့ၢ်၀ီတၢ်လိၣ်ဘၣ်,ကမျၢၢ်တၢ်ဘံၣ်တၢ်ဘၢ,မုၢ်ကျိၤ၀ဲၤကွၥ်ဂ့ၢ်၀ီဒီးဂ့ၢ်၀ီလၢအဂၤအိၣ်၀ဲအါမံၤလၢတၢ်ကဘၣ်ဆဲးမၤ၀ဲအဂ့ၢ်န့ၣ် ခ့ၣ်အဲၣ်ယူၣ် စံး၀ဲန့ၣ်လီၤ.
ဒ်န့ၣ်အသိးကတီၢ်ခါခဲအံၤပအိၣ်ဒၣ်လၢတၢ်ပၢၢ်ဆၢအကတီၢ်အဃိ မူဒါအိၣ်လၢပကဘၣ်ဒုးလီၤပှီၢ်ကွံၥ်သုးမီၤစိရိၤတဖုအံၤလၢ အဒုးအိၣ်ထီၣ်၀ဲထံလီၢ်ကီၢ်ပူၤတၢ်သဘံၣ်သဘုၣ်အံၤဒီး ကမျၢၢ်ထံဖိကီၢ်ဖိကမျၢၢ်တဖၣ်ကသူၣ်ထီၣ်သကိးကညီကီၢ် “ကီၢ်သူလ့ၤ” ဒီးတကတီၢ်ဃီသူၣ်ထီၣ်သကိးဖဲၣ်ဒရၢၣ်ဒံၣ်မိၣ်ကရ့ၣ်စံၣ်ဖဲကီၢ်အံၤအပူၤအဂ့ၢ်န့ၣ် ခ့ၣ်အဲၣ်ယူၣ်ဟ့ၣ်သဆၣ်ထီၣ်၀ဲ...
လါယူၤ ၁၅ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကရၢခိၣ်လီၢ်လံၤ သုးခိၣ်ဒိၣ်ကျၢၢ်ဒိၣ်စိ စီၤဘိၣ်မၠး အမါ ကညီပိၥ်မုၣ်ကရၢ(KWO) ကရၢခိၣ်လီၢ်လံၤ ပဒိၣ်နီၢ်လါဖိ အံၤ ဖဲတနံၤအံၤဂီၤခီ အဆၢကတီၢ်န့ၣ် စူၥ်ကွံၥ်သးလၢသးပှၢ်တၢ်ဆါအဂ့ၢ်န့ၣ် သ့ၣ်ညါဘၣ်န့ၣ်လီၤ.
ဖဲတနံၤအံၤကီၢ်သူလ့ၤမုၢ်နံၤပှဲၤထီၣ်(၇၆)၀ီတ၀ီ လါယူၤ ၁၄ သီ ဂီၤခီ ၄း၁၅ မံးနံးအဆၢကတီၢ် သုးခိၣ်ကျၢၢ်ဒိၣ်စိ စီၤဘိၣ်မၠး အမါ ပဒိၣ်နီၢ်လါဖိ (၈၆)နံၣ်အံၤ စူၥ်ကွံၥ်သးလၢသးပှၢ်တၢ်ဆါ ဖဲကီၢ်ကၠီၣ်တဲၣ် မဲၢ်ဆီးတၢ်ဆါဟံၣ်ဖးဒိၣ်အဂ့ၢ်န့ၣ် အဟံၣ်ဖိဃီဖိစံး၀ဲဒၣ် န့ၣ်လီၤ.
အဟံၣ်ဖိဃီဖိတဂၤစံး၀ဲလၢ“အသးသမူဟးထီၣ်ကဘၣ်ဖဲတဂီၤအံၤ ၄း၀၀ ဒ်န့ၣ်လီၤ.ခဲအံၤအသးနံၣ်အိၣ်လၢ (၈၆)နံၣ်လံ အဃိအတအိၣ်လၢၤဘၣ်အံၤလၢ...
လါယူၤ ၁၃ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ကၠဲးထိၣ်ကီၢ်ဆၣ်အပူၤ ပယီၤသုးသိလ့ၣ်အခိၣ်(၁၀)ဘျဲၣ်လၢဟဲထီၣ်တဖၣ် တၢ်ခိးအ၀ဲသ့ၣ် လၢ(တိုက်မိုင်း)မ့ၣ်ပိၢ်အဃိ သံဘၣ်ဒိဘၣ်ထံးအိၣ်၀ဲအဂ့ၢ်န့ၣ် လီၢ်က၀ီၤပှၤဘၣ်မူဘၣ်ဒါဒီးကမျၢၢ်တဖၣ်စံး၀ဲအသိး သ့ၣ်ညါဘၣ် န့ၣ်လီၤ.
ဖဲမဟါလါယူၤ ၁၂ သီ ဂီၤခီ ၁၀း၀၀ ဘျဲၣ်ဃၣ်ဃၣ်အဆၢကတီၢ် လၢပကိကီၢ်ခီအံၤတဆီ ပယီၤသုးသိလ့ၣ်အခိၣ်(၁၀)ဘျဲၣ် လၢအဟဲထီၣ်တဖၣ်ဖဲအတုၤလၢ (လှည်းလမ်းကူး) ကရူၢ် (ဒေါင်းတောင်)သ၀ီအခါ ဟီၣ်က၀ီၤတၢ်ပၢၢ်ဆၢသုးကရူၢ် ခိးထုး၀ဲဒီး (တိုက်မိုင်း)မ့ၣ်ပိၢ်န့ၣ်လီၤ.
လၢတၢ်ခိးထုးပယီၤသုးသိလ့ၣ်ဘျီ၀ဲအံၤပယီၤသုးသိလ့ၣ်ဟးဂီၤ(၂)ခိၣ်ဒီးတၢ်သံတၢ်ဘၣ်ဒိဘၣ်ထံးအိၣ်၀ဲအဂ့ၢ်န့ၣ် လီၢ်က၀ီၤဂံၢ်ခီၣ်ထံး ပှၤဟ့ၣ်တၢ်ကစီၣ်ဖိတဂၤ စံးဘၣ်ခ့ၣ်အဲးစံၣ်-ကညီတၢ်ကစီၣ်ဒ်အံၤန့ၣ်လီၤ.
“ဖဲမဟါန့ၣ်ပယီၤသုးသိလ့ၣ်ဟဲထီၣ်တစှၤဘၣ်ကအိၣ်လၢအခိၣ်(၁၀)ဘျဲၣ်ညါ.သိလ့ၣ်တခိၣ်န့ၣ်သုးနီၣ်ဂံၢ်ကအိၣ်လၢအဂၤ(၂၀)ဘျဲၣ်ညါ.ပယီၤသုးသိလ့ၣ်န့ၣ်ဘၣ်၀ဲဒၣ်(၂)ခိၣ်.ဘၣ်ဆၣ်ဘၣ်တဖးခၢၣ်ဘၣ်.နၢ်ဟူလၢပှၤတဲန့ၣ်အသံ(၂)ဂၤ”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
ဒ်န့ၣ်အသိးတၢ်ခိးထုး၀ဲပယီၤသုးသိလ့ၣ်ဘျီ၀ဲအံၤအခါန့ၣ် လီၢ်က၀ီၤကမျၢၢ်ဒီးတၢ်ကစီၣ်တနီၤပၥ်ဖျါ၀ဲလၢ ကမျၢၢ်အသိလ့ၣ် ဟးဂီၤ၀ဲတခိၣ်ဒီးကမျၢၢ် စ့ၢ်ကီးဘၣ်ဒိ(၄)ဂၤအိၣ်၀ဲဒၣ်န့ၣ်လီၤ.
ဘၣ်ဆၣ်ဟံၣ်သိလ့ၣ်လၢအဟးဂီၤတခိၣ်အံၤဟဲထီၣ်၀ဲတပူၤဃီဒီးပယီၤသုးသိလ့ၣ်အဃိ ပၣ်ဃုၥ်၀ဲလီၤဒီး ဒ်န့ၣ်အသိးပှၤလၢ...
လါယူၤ ၁၃ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ဖၣ်အၣ်ကီၢ်ဆၣ်အပူၤ ဖဲအပူၤကွံၥ်စှၤသီအခါ ခီဖျိလၢ ဘူးဒးကညီသုးမုၢ်ဒိၣ်(DKBA)အမ့ၣ်ပိၢ်(တိုက်မိုင်း)အံၤအဃိ နိၣ်ကကွံၢ်ကရူၢ်ပူၤကမျၢၢ်ပိၥ်ခွါဘၣ်ဒိ၀ဲ(၂)ဂၤအဂ့ၢ်န့ၣ် သ့ၣ်ညါဘၣ် လၢလီၢ်က၀ီၤပှၤဘၣ်မူဘၣ်ဒါအအိၣ်န့ၣ်လီၤ.
ဖဲအပူၤကွံၥ်လါယူၤ ၈ သီ ဟါခီ ၇း၀၀ ဃၣ်ဃၣ်အဆၢကတီၢ်န့ၣ် ကမျၢၢ်(၂)ဂၤအံၤအိၣ်လၢမဲၢ်ကရီသ၀ီ ဖဲအ၀ဲသ့ၣ်ဟဲက့ၤဒိးစဲးကၢး က့ၤတုၤဖဲ လၢနိၣ်မကွံၢ်ကရူၢ် ဖၠၢသ၀ီဃၢၤ လ့ခီၣ်ထံးအခါန့ၣ် ဘၣ်၀ဲဒၣ်ဒီး(တဲးမဲ)မ့ၣ်ပိၢ် လၢ(DKBA)ဒိးလီၤဃၥ်၀ဲဒ်အံၤ လီၤ အဂ့ၢ်န့ၣ် လီၢ်က၀ီၤပှၤဘၣ်မူဘၣ်ဒါတဂၤ စံး၀ဲန့ၣ်လီၤ.
“တၢ်ဂ့ၢ်ကဲထီၣ်အဂ့ၢ်အကျိၤန့ၣ်အ၀ဲသ့ၣ်န့ၣ်အိၣ်လၢမဲၢ်ကရီသ၀ီဟဲက့ၤထီၣ်မီၤနီၤ.အဟဲက့ၤထီၣ်တၢ်န့ၣ်အဆၢကတီၢ်တလၢ. မ့မ့ၢ်လၢအ၀ဲသ့ၣ်(DKBA)န့ၣ်သးအုး၀ဲလၢပှၤကလဲၤမၤအီၤအဃိမုၢ်မ့ဟါန့ၣ်အ၀ဲသ့ၣ်ဒိးလီၤဃၥ်၀ဲ(တဲးမဲ)မ့ၣ်ပိၢ်န့ၣ်.အဃိလၢန့ၣ်ခံဂၤ ဟဲက့ၤထီၣ်ဒိးဒီးစဲးကၢးအ၀ဲသ့ၣ်ကိးဃါ၀ဲတချုးလၢၤဘၣ်ဘျီအတၢ်ပိၢ်ထီၣ်၀ဲန့ၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ် န့ၣ်လီၤ.
ကမျၢၢ်လၢအဘၣ်ဒိ(၂)အံၤမ့ၢ်၀ဲ သ့ၣ်၀ါကီးတယးသ၀ီဖိ (၄၀)နံၣ်, ထိတီၣ်သ၀ီဖိ (၃၆)နံၣ်...
လါယူၤ ၁၃ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, မုၢ်တြီၢ်ကီၢ်ရ့ၣ် သုးက့-၅, ဒွဲၣ်လိၣ်ကီၢ်ဆၣ်ဟီၣ်ကဝီၤအပူၤ ပယီၤသုးကီၣ် ကးအသုးကလၢၤတဖျၢၣ်လၢအမ့ၢ်(ကတၢတံး)သုးကလၢၤအပူၤအံၤပယီၤသုးဟဲက့ၤထီၣ်အိၣ်က့ၤဝဲဃုၥ်ဒီးအပှၤနီၣ်ဂံၢ်(၁၀၀)ဃၣ်ဃၣ်ဖဲစှၤသီအတီၢ်ပူၤအံၤအဂ့ၢ်န့ၣ်(သုးက့-၅)အသုးက့ခိၣ်စံးဝဲအသိးသ့ၣ်ညါဘၣ်န့ၣ်လီၤ.
ဖဲတလါအံၤလါယူၤ(၉)သီအနံၤန့ၣ်ပယီၤသုးဟဲက့ၤထီၣ်အိၣ်က့ၤဝဲလၢ(ကတၢတံး)သုးကလၢၤအပူၤအံၤမ့ၢ်ဝဲပယီၤသုးခီၣ်ချ့သုးရ့ၣ်(ခမရ-၄၀၄)သုးရ့ၣ်ဒီးပှၤသ့ၣ်တဖၣ်အံၤလၢ(BGF)တၢ်ဆီၣ်ထွဲမၤစၢၤတဆီအပှၤနီၣ်ဂံၢ်ခဲလၢၥ်ဟဲက့ၤထီၣ် အိၣ်(၁၀၀)အခိၣ်အဃၢၤဃၣ်ဃၣ်အဂ့ၢ်(သုးက့-၅)အသုးက့ခိၣ်သုးခိၣ်ကျၢၢ်ဖိ(စီၤဂံၢ်နွံ)စံးဝဲဒ်အံၤန့ၣ်လီၤ.
"ဖဲအပူၤကွံၥ်တယံၥ်ဒံးဘၣ်ဖဲ(၉)သီအနံၤန့ၣ်မီၤနီၤ. ပယီၤသုးလၢဟဲထီၣ်ဝဲန့ၣ်သုးရ့ၣ်(ခမရ-၄၀၄)လီၤ. အဝဲသ့ၣ်ဂံၢ်ဘါ န့ၣ်ပှၤနီၣ်ဂံၢ်အဂၤ(၁၀၀)အခိၣ်အဃၢၤအိၣ်ဝဲလီၤ. အဝဲသ့ၣ်န့ၣ်(BGF)ဆီၣ်ထွဲဒီးကဲန့ၢ်ဝဲပှၤဒုးကျဲအိၣ်ဝဲလီၤ." အဂ့ၢ်စံး ဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
(ကတၢတံး)ပယီၤသုးကလၢၤအံၤအပူၤကွံၥ်လါယနူၤအါရံၤ(၂၃)သီအနံၤန့ၣ်(KNLA)ဃုၥ်ဒီးတၢ်ပၢၢ်ဆၢသုးကရူၢ်ထီၣ်န့ၢ်ဝံၤအလီၢ်ခံပယီၤသုးသ့ၣ်တဖၣ်ထုးဖှိၣ်လီၤအသးလၢသုးခိးကီၢ်ဆၢ(၁၀၁၃)သုးရ့ၣ် အသုးကလၢၤပူၤအဂ့ၢ်သ့ၣ်ညါဘၣ်န့ၣ်လီၤ.
စးထီၣ်လၢလါယနူၤအါရံၤ(ကတၢတံး)သုးကလၢၤလီၤဝံၤအလီၢ်ခံဒီးတုၤလီၤလၢပယီၤသုးဟဲက့ၤထီၣ်အိၣ်က့ၤ(ကတၢတံး)သုးကလၢၤဖဲစှၤသီအံၤန့ၣ်မ့ၢ်ဘၣ်ကွၢ်က့ၤဝဲလၢလွံၢ်လါဘျဲၣ်အတီၢ်ပူၤအံၤလၢတၢ်ကထီၣ်မၤန့ၢ်က့ၤ(ကတၢတံး)သုးကလၢၤအဂီၢ်ပယီၤသုးအံၤဟဲဆှၢဝဲကျိချံပှၥ်သၣ်,တၢ်အီၣ်တၢ်အီဒီးကဘီယူၤအမဲၥ်ညါဟဲခးလီၤတၢ်ဒီးကဘီယူၤအိၣ်ဝဲဒၣ်ခဲအံၤခဲအံၤအဂ့ၢ်သ့ၣ်ညါဘၣ်လၢသုးက့(၅)အပှၤဘၣ်မူဘၣ်ဒါအအိၣ်န့ၣ်လီၤ.
တကီၢ်ခါခဲအံၤန့ၣ်ပယီၤသုးလၢဟဲက့ၤထီၣ်အိၣ်ဆီလီၤအသးဖဲ(ကတၢတံး)သုးကလၢၤအပူၤတကးဒံးဘၣ်ပယီၤသုးအံၤလၢ(ကတၢတံး)သဝီတၢ်ဆါဟံၣ်အပူၤစ့ၢ်ကီးအိၣ်ဆီလီၤအသးအဂ့ၢ်ဂံၢ်ခီၣ်ထံးတၢ်ကစီၣ်စံးဝဲဒၣ်အသိးသ့ၣ်ညါဘၣ်န့ၣ်လီၤ.
လါယူၤ ၁၃ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ(သုးက့-၄)ဘျံးဒဝဲၢ်ကီၢ်ရ့ၣ်,ထံမိၢ်ပှၢ်ဟီၣ်ကဝီၤအပူၤပယီၤသုးကလၢၤတဖျၢၣ် လၢအအိၣ်ဆီလီၤအသးဖဲကီၢ်ကၠီၣ်တဲၣ်-ကီၢ်ကီၢ်သူလ့ၤကီၢ်ဆၢလၢအမ့ၢ်(ညၣ်ပျၤ)ပယီၤသုးကလၢၤအံၤဖဲမဟါလါယူၤ(၁၂) သီအနံၤန့ၣ်ပယီၤသုး(၁၈)ဂၤထုးလီၤကွံၥ်အသးဒီးဃ့ၢ်ဖျိးကွံၥ်ဝဲဆူကီၢ်ကၠီၣ်တဲၣ်တကပၤအဂ့ၢ်သ့ၣ်ညါဘၣ်လၢသုးက့(၄)အပှၤဘၣ်မူဘၣ်ဒါအအိၣ်န့ၣ်လီၤ.
(ညၣ်ပျၤ)ပယီၤသုးအပှၤလၢဃ့ၢ်ဖျိးထီၣ်ကွံၥ်ဝဲဒၣ်ဆူကီၢ်ကၠီၣ်တဲၣ်သ့ၣ်တဖၣ်အံၤတၢ်သ့ၣ်ညါဘၣ်လၢတၢ်ဒုးတၢ်ယၤကဲထီၣ်အသးတအိၣ်နီမံၤဘၣ်ဆၣ်မ့ၢ်လၢပယီၤသုးသ့ၣ်တဖၣ်အံၤဘၣ်ယိၣ်ဝဲလၢတၢ်ကလဲၤထီၣ်ဒုးအဝဲသ့ၣ်အဃိဃ့ၢ်ဖျိးထီၣ်ကွံၥ်ဝဲဒ်အံၤလီၤအဂ့ၢ်(သုးက့-၄)ပှၤဘၣ်မူဘၣ်ဒါလၢတအဲၣ်ဒိးပၥ်ဖျါအမံၤတဂၤစံးဝဲဒ်အံၤန့ၣ်လီၤ.
"တၢ်ဒုးကဲထီၣ်တအိၣ်ဘၣ်. ပဝဲပထီၣ်(အံသၣ်ဃ့ၢ်)သုးကလၢၤဝံၤဘျီပပှၤတခးဘၣ်ကျိနီတထံၣ်ဒီးပယီၤသုးအံၤဃ့ၢ် ဖျိးကွံၥ်ဝဲဒၣ်လီၤ. အဝဲသ့ၣ်သ့ၣ်ညါဝဲဒၣ်လၢ(ခ့ၣ်အဲၣ်ယူၣ်)ကလဲၤထီၣ်ဝဲတၢ်လီၢ်ဝဲန့ၣ်အဃိအဝဲသ့ၣ်ဃ့ၢ်ဖျိးကွံၥ်ဝဲဒၣ်ဒ် န့ၣ်မီၤနီၤ. မ့ၢ်ဝံၤန့ၣ်(ကီၤလၤဖိ)လဲၤထီၣ်မၤန့ၢ်က့ၤအဝဲသ့ၣ်ကျိချံပှၥ်သၣ်လၢသုးကလၢၤအပူၤန့ၣ်လီၤ. ပဝဲပလဲၤတတုၤ ဒံးဘၣ်မီၤနီၤ." အဂ့ၢ်စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
လၢန့ၣ်အမဲၥ်ညါ(ညၣ်ပျၤ)သုးကလၢၤလၢအထုးလီၤကွံၥ်ဝဲအသးအံၤမ့ၢ်ဝဲပယီၤသုးခီၣ်သုးရ့ၣ်နီၣ်ဂံၢ်(ခလရ-၂၇၃)ဒီး သုးကလၢၤအပူၤပယီၤသုးအပှၤခဲလၢၥ်ထုးလီၤကွံၥ်အသး,ဃ့ၢ်ဖျိးကွံၥ်ဝဲဆူကီၢ်ကၠီၣ်တဲၣ်တကပၤဃုၥ်ဒီးတၢ်စုကဝဲၤအဂ့ၢ်န့ၣ်(သုးက့-၄)အပှၤဘၣ်မူဘၣ်ဒါတဂၤဃီဝဲန့ၣ်စံးအါထီၣ်ဝဲဒၣ်န့ၣ်လီၤ.
ဒ်န့ၣ်အသိးကီၢ်ဆၢ(အံသၣ်ဃ့ၢ်)ပယီၤသုးအကလၢၤလၢတၢ်ထီၣ်မၤန့ၢ်ကွံၥ်ဝဲဖဲလါယူၤအသီ(၁၀)အနံၤန့ၣ်ပယီၤသုးအပှၤကအိၣ်လၢ(၂၈)ဂၤ,(၃၀)အခိၣ်အဃၢၤသ့ၣ်တဖၣ်ဖဲလါယူၤ(၁၁)သီအနံၤန့ၣ်ဃ့ၢ်နုၥ်လီၤဝဲဒၣ်ဆူကီၢ်ကၠီၣ်တဲၣ်တကပၤဃုၥ်ဒီးတၢ်စုကဝဲၤသ့ၣ်တဖၣ်အဂ့ၢ်(သုးက့-၄)အပှၤဘၣ်မူဘၣ်ဒါစံးဝဲအသိးသ့ၣ်ညါဘၣ်န့ၣ်လီၤ.
မ့ၢ်ဘၣ်ကွၢ်က့ၤဝဲဖဲအပူၤကွံၥ်လါမ့ၤ(၂၄)သီအနံၤန့ၣ်စ့ၢ်ကီးထံခံပယီၤသုးကလၢၤအပှၤလၢအဃ့ၢ်ဖျိးထီၣ်ဆူကီၢ်ကၠီၣ်တဲၣ်ပူၤပှၤအဂၤ(၁၁၇)ဂၤသ့ၣ်တဖၣ်ကၠီၣ်တဲၣ်သုးဖီၣ်ဆှၢက့ၤအဝဲသ့ၣ်ဆူ(ရနီ-ကီၣ်သီ)ကီၢ်ဆၢတကပၤအဂ့ၢ်သ့ၣ်ညါ ဘၣ်စ့ၢ်ကီးန့ၣ်လီၤ.
ဘျံးဒဝဲၢ်ကီၢ်ရ့ၣ်ဟီၣ်ကဝီၤအပူၤအံၤတကီၢ်ခါခဲအံၤန့ၣ်ကီၢ်ဆၢဒီတကျိၤပယီၤသုကလၢၤအိၣ်တ့ၢ်က့ၤဝဲ(၂)ဖျၢၣ်လၢကလံၤစိးတကပၤဒ်အမ့ၢ်ဝဲ,သူၣ်ခၣ်ဒီးနၣ်အ့ၣ်တီၣ်ခံဖျၢၣ်အဂ့ၢ်သ့ၣ်ညါဘၣ်လၢသုးက့(၄)အပှၤဘၣ်မူဘၣ်ဒါစံးဝဲအသိးသ့ၣ်ညါဘၣ်န့ၣ်လီၤ.